“Kanë pasur short shumë të vështirë dhe për mendimin tim dhe do ishte sukses nëse ndonjë ekip do kalonte turin. Ekipet kundërshtare e kanë ruajtur bazën dhe kjo është në të mirë të ekipeve”, shprehet Stojku. Kujtojmë se Partizani përballet me Karabakun, Kukësi me Debrecen, Teuta me Ventspil dhe Laçi me Hapoel Ber Sheva.

Stojku, mes të tjerave, ka vënë gishtin në plagë dhe flet për ndërhyrjet në futbollin tonë. Ai nuk përmend emra, sikurse edhe nuk thotë se diçka e tillë i ka ndodhur në ekipet që ai ka drejtuar në këto vite që punon si trajner.

“Në shumicën e klubeve ka presidentë ose kryetarë bashkie dhe duan ta bëjnë çdo gjë vetë. Është çështje mentaliteti. Nuk duhet ta harrojnë se një ekip ndërtohet me trajnerin. Kështu ndodh në gjithë botën”, është shprehur Stojku.

Këtë herë në pankinën e skuadrës fierake do të jetë elbasanasi Gentian Stojku, i cili në sezonin e kaluar ka qenë në drejtim të skuadrës së Tomorit. Për SportEkspres.com, ish-sulmuesi deklaron se nuk është hera e parë që në karrierën e tij si trajner përballet me ekipet që ka drejtuar.

“Është diçka normale për një profesionist që të rikthehet në ekipet ku ka drejtuar gjatë karrierës. Për mua nuk është hera e para që rikthehem të ndeshem me një ekip ku kam drejtuar dhe rikthimi im në Berat, këtë herë në pankinën e Apolonisë, kështu është”, u shpreh Stojku, i cili më pas foli për përballjen ne fushë me beratasit.

“Është një ndeshje normale për Apoloninë, edhe pse Tomori ka një situatë jo të mirë në renditje. Skuadra është e plotë me titullarët e saj, ndërsa kemi menduar që të aktivizojmë edhe lojtarë që kanë patur pak mundësi në ndeshjet e kaluara”, përfundoi trajneri i Apolonisë, Gentian Stojku.

AGRON KAJA

Nisur nga kjo situatë e krijuar, Gentian Stojku pas vetëm dy javësh e mbylli aventurën e tij te skuadra periferike e kryeqytetit dhe nisi punë në krye të Apolonisë. Fierakët larguan Rade Miliç dhe i besuan pankinën elbasanasit, që këtë sezon e kishte nisur në krye të Erzenit.

I radhës që e mbylli ishte Besnik Prenga. Trajneri me origjinë nga Mirdita, pas humbjes 3-0 që Laçi pësoi në Kupë me Tiranën, u shtrëngoi duart futbollistëve. “Nuk ju motivoj dot, iki për të mirën e ekipit”, thoshte ish-sulmuesi i Partizanit, që u pasua te bardhezinjtë nga një tjetër i kuq, Sulejman Starova.

Më pas ishte momenti për të pasur lëvizje te Vllaznia dhe Kukësi, madje në një ditë. Verilindorët njoftuan shkarkimin e Armando Cungut. Ramadan Ndreu ishte zgjidhja momentale dhe trajneri krutan nis një eksperiencë të re. Nga Shkodra erdhi lajmi tjetër. “Jam i detyruar të iki në SHBA, i falënderoj të gjithë te Vllaznia”, thoshte Hasan Lika për SportEkspres.com. Tekniku kryeqytetas u largua duke shtrënguar duart me drejtuesit e kuqbluve.

Ky muaj mori edhe “kokën” e Kristian Panuçit. Tekniku italian u shkarkua nga FSHF pas humbjes me Turqinë, duke e çuar në gjashtë numrin e trajnerëve të larguar nga vendi ynë. A do ketë më lëvizje gjatë marsit? Duhet pritur, zhvillohen edhe katër ndeshje në fundjavë, çfarë nuk ndodh!

Gentian Stojku provoi Superioren për dy javë me Kamzën dhe tanimë ish-sulmuesi rikthehet të drejtojë në “habitatin” e tij në Kategorinë e Parë. Elbasani pason tek Apolonia serbin Rade Miliç, i cili është larguar së fundmi.

Stojku bëhet i treti trajner që drejton fierakët,  pa llogaritur Maringlen Kulen që ishte në pankinën e Apolonisë në një ndeshje pas largimit të Marjol Mihos. Për SportEkspres.com, Stojku deklaron se është zgjedhje profesionale e tij.

“Unë jam trajner dhe oferta si kjo e Apolonisë nuk mund t’i nënvlerësoj. Këtu ka organizim shumë të mirë, ka elementë që duhet ta kishin çuar Apoloninë në Superiore. Ky është synimi im për sezonin e ardhshëm”, u shpreh shkurtimisht Stojku.

Gjatë këtij sezoni, Gentian Stojku ka drejtuar Erzenin ne Kategorinë e Parë deri në muajin shkurt. Në të shkuarën ai ka punuar edhe në skuadra si Sopoti, Pogradeci e Tomori. Me liqenorët madje ka luftuar deri në javën e fundit për t’u ngjitur në Superiore, por nuk e fituan dot finalen me Luftëtarin në shtëpi javën e fundit të kampionatit. 

AGRON KAJA

“Penalltia? Nuk dua të merrem me penalltinë. Edhe me Kukësin luajtëm mirë. Më vjen keq që pësuam në fund. Kemi ndryshuar këto 10 ditë dhe sot e detyruam Laçin të luante me topa të gjatë. E bllokuam mesfushën. Lojtarët zbatuan detyrat në pjesën më të madhe të lojës. Jam i kënaqur nga lojtarët”.

“Besoj deri kur të mos na japë asnjë shans matematika. Janë edhe 12 ndeshje dhe është normale të mos ulim kokën e të kërkojmë tre pikët që në ndeshjen e radhës”.

“Dua të merrem me atë që ndodhi në fushë. I dola në krah arbitrit. Për pjesën e penalltisë, ajo shkaktoi gjithë irritimin. Nuk mund të them ishte apo jo, nuk e kam parë rastin.  E thashë, i dola krah arbitrit që të mos ndodhte gjë”.

“Duhet at dini që kur ka presion, minutat e fundit detyrohet të tërhiqet. Duhet menduar se janë shpenzuar edhe energji. Gjithsesi nuk shihen vetëm dy rastet e tyre në fund. Po t’i shohim rastet në total, kishim më shumë”.

“Dënimi i mundshëm? Asnjë trajner nuk do dënim. Jam munduar të ruaj qetësinë dhe të normalizohet gjendja”, përfundoi Stojku.

Stojku nuk është menduar dy herë për të vendosur pas ofertës së Kamzës . Për SportEkspres.com ai tregon se si u arrit marrëveshja e largimit nga Erzeni dhe synimet te Kamza deri në mbyllje të këtij sezoni.

INTERVISTOI: AGRON KAJA

Si u arrit kjo marrëveshje, nga një skuadër në Kategorinë e Parë te një skuadër e Superiores?
-Gjithçka është arritur në pak orë gjatë paradites së djeshme. Drejtuesit e Kamzës më kanë telefonuar që në mëngjes dhe pasi u takuam vendosa që ta pranoj ofertën. Kjo jo vetëm se është një skuadër e Superiores. Për mua kjo është përvoja e parë në pankinën e një skuadre të elitës. Eksperienca ime si lojtar në këtë kategori, por edhe ato që kam akumuluar në 15 vite, besoj se do të jenë ndihmë për ta kaluar me sukses edhe këtë eksperiencë.

Nga Erzeni u larguat me mirëkuptim, apo se skuadra doli nga objektivi për vendin e parë?
-Me drejtuesit e Erzenit jam ndarë në mirëkuptim të plotë. Kam kaluar një periudhë shumë të mirë në Shijak dhe jam shumë i vlerësuar nga skuadra e drejtuesit. Erzeni ka ende mundësi që në fazën e tretë të luftojë për kreun e grupit.

Po merrni drejtimin e skuadrës së fundit të Kategorisë Superiore, cili është objektivi?
-Mua nuk më intereson se në çfarë vendi renditet skuadra e Kamzës. Janë edhe 14 ndeshje për t’u luajtur, me 42 pikë ende në lojë. Te Kamza jam për një faqe të re dhe me mbështetjen e presidentit Qarri besoj shumë te ndryshimi.

Ndeshjen e radhës Kamza e luan në transfertë ndaj Kukësit, si e shikoni këtë përballje?
-Unë sot marr kontaktin e parë me skuadrën dhe do ta përgatis që në këtë sfidë të marr maksimumin. Nuk më intereson shumë emri I skuadrës që do ndeshem, apo synimet e saj. Unë do drejtoj Kamzën dhe për synimet e saj do bëj gjithçka.

Deri në përfundimin e kampionatit janë edhe 14 ndeshje, ku e mendoni Kamzën nën drejtimin tuaj?
-Objektivat e Kamzës deri në përfundimin e kampionatit do të jenë ndeshje pas ndeshje. Do bëjmë maksimumin në të gjitha, në mënyrë që të dalim atje ku mendojmë. Asgjë nuk është e pamundur,  e përmenda edhe më parë se janë edhe 42 pikë në lojë.

SportEkspres.com mëson se tekniku i Erzenit është paraqitur sot në stërvitje dhe ka kërkuar që të largohet nga drejtimi i skuadrës. Arsyet e këtij vendimi nuk dihen dhe vetëm Stojku mund t’i sqarojë. Gjithsesi duhet pritur se çfarë do të bëjnë drejtuesit e klubit, do e pranojnë apo dorëheqjen.

Stojku deri më tani ka bërë punë të mirë në krye të Erzenit, duke arritur të renditet në vendin e dytë dhe duke vënë në vështirësi Vllazninë kryesuse. Largimi i tij do t;i vinte drejtuesit para një detyre të vështirë për të gjetur trajnerin e duhur.

Raporti i teknikut nga Elbasani me lojtarët ka qenë mjaft i mirë gjatë kësaj periudhe dhe puna e bërë deri më tani në njëfarë mënyre do të shkonte dëm.

“Së bashku me drejtuesit jemi ulur për vazhdimësinë dhe gjithçka në këtë periudhë është fokusuar në mbajtjen e formës së lojtarëve, njëherësh edhe në programet stërvitore që mendojmë gjatë muajit janar. Gjatë kësaj periudhe kemi menduar edhe për përforcime, ku kujdesi do të jetë i madh jo për të plotësuar numrin me lojtarë, por për tw gjetur lojtarë që bëjnë diferencën. Kjo sepse ne e mendojmë veten në garën për kreun në Grupin A të Kategorisë së Parë”.

Lidhur me merkaton e këtij muaji, Stojku deklaroi se ajo do të varet më shumë edhe nga buxheti, që sipas tij është i plotë deri në fund të sezonit. “Kemi menduar merkato me pikatore, nëse do të gjejmë ndonjë lojtar që të bëjë diferencën. Do të zhvillojmë edhe ndeshje miqësore, ku deri tani na kanë konfirmuar dy skuadra”, theksoi më pas Gentian Stojku.

Erzeni në 14 ndeshjet e para u rendit në vendin e dytë në Grupin A të Kategorisë së Parë, 7 pikë pas Vllaznisë, të cilën e pret më 2 shkurt në Shijak në kuadrin e javës së 15-të.

“Unë vetë si trajner nuk kam një deklarim zyrtar për këtë problem, por me sa jam i informuar, ka një lëvizje, të cilën e uroj në të mirën e futbollit shijakas. Jemi munduar që edhe lojtarët ti mbajmë larg kësaj situate, dhe realisht nuk është ndjerrë ndonjë presion nëse klubi do të privatizohet”.

Erzeni renditet në vendin e dytë në Grupin A të Kategorisë së Parë, 4 pikë larg Vllaznisë kryesuese, dhe për ndeshjen e radhës në Burrel, Stojku deklaron se shkojnë për fitore. “Ne të gjitha ndeshjet i vlerësojmë për tri pikë. Renditja në vendin e dytë nuk është rastësi, dhe lojtarët janë të ndërgjegjshëm për këtë. Dhe në Burrel shkojmë me synimin për tri pikët”.