RIKTHIMI – “Është e vërtetë që kam kaluar disa peripeci, por nuk e kam më mendjen aty. Dua të kthehem sa më shpejt në fushën e lojës dhe dua të falënderoj Ngon, që më dha mundësinë të futem në fushën e lojës (qesh). Mendja te derbi? Flasim javës tjetër”.

KLIMA TE TIRANA – “Unë kam që nga fundi i korrikut që i jam bashkuar stërvitjes. Që nga ajo ditë, shumë gjëra kanë ndryshuar, por ka ndryshuar përgatitja e lojtarëve. Tani jemi më tepër familje se para dhjetorit. Kjo gjë ka ndikuar direkt te harmoni dhe te rezultatet”.

100% GATI – “Edhe para një muaji të më pyesnit, do të thosha që jam gati. Por për mua dhe për ekipin do të ishte më mirë të presim. Unë dëshirën e kam të jap kontributin tim që javën tjetër, por do ishte më e rëndësishme që të presim momentin e duhur”.

DYSHIMET E RIKTHIMIT – “Unë me dëshirën më të madhe i kam qëndruar ekipit pranë, sidomos djemve të rinj. Tirana ka nevojë për të gjithë në këto momente dhe është e vërtetë që kam kaluar shumë vështirësi, por rikthimin e kam pasur objektiv personal dhe kam bërë të pamundurën të rikthehem në futboll”,- përfundoi Gentian Muça.

Rikthimi në futboll mund të dukej diçka tepër ambicioze, pas gjithë atyre peripecive, por 31-vjeçari pas mbështetjes së pakushtëzuar të klubit dhe shokëve të ekipit vendosi që ta provonte. Ditën e sotme, 24-herë kampionët e vendit kanë konfirmuar me anë të një video speciale rikthimin e Muçës.

Mbrojtësi kryeqytetas është një ndër lojtarët e preferuar të tifozerisë së Tiranës, pasi përveç kualtetit si futbollist, Muça është gjithashtu një tifoz i thekur i skuadrës bardheblu, gjë që e ka shfaqur shumë herë gjatë karrierës së tij.