Kështu ka ndodhur dhe sot me Xhenoan, ekip që është përforcuar ndjeshëm me mesfushorin e Ajaksit, Lase Shëne. Danezi ishte pjesë e Ajaksit për 5 sezone, një lojtar shumë punëtor dhe besnik i klubit nga Amsterdami. Por tashmë 33-vjeç, palët janë ndarë dhe Shëne i është bashkuar Xhenoas.

Një goditje shumë e zgjuar kjo për skuadrën italiane, e cila është përforcuar në mesfushë me klas dhe eksperiencë. Shëne ishte futbollisti i cili i dha “shuplakën” e fundit Realit të Madridit në Champions sezonin e shkuar, duke shënuar një supergol për Ajaksin.

100 ndeshje dhe 28 gola janë shifrat kineze të 33-vjeçarit, i cili pritet të rikthehet në Serie A. Guarin ka qenë pjesë e Interit për katër sezone, ndërsa tani mund të transferohet tek ekipi i Xhenoas.

Klubi ligur shpëtoi falë “mirësisë” së Fiorentinës sezonin e kaluar dhe po synon të ndërtojë një ekip më të fortë për sezonin e ardhshëm. Guarin do të sillte eksperiencë dhe cilësi në mesin e fushës, ndërsa Xhenoas i mbetet të arrijë akordin financiar me lojtarin latin.

Romero është paraqitur ditën e sotmë për të kryer vizitat mjekësore në “J Medical”. Akoma nuk bëhet e ditur shifra e transferimit të mbrojtësit. Vlera e tij në merkato është rreth 14 milionë euro. Nuk përjashtohet një huazim i tij sezonin e ardhshëm, me Xhenoan dhe Atalantën në balotazh për talentin.

Cristian Romero is here for his Juve medical! ??? pic.twitter.com/95wN6IUKKF

— JuventusFC (@juventusfcen) July 9, 2019

Ditën e sotme ai nuk ka qenë në stërvitje te Xhenoa, çka tregon se gjithçka është drejt konkretizimit. Romero, edhe pse do të nënshkruajë një kontratë afatgjatë me Juventusin, ai nuk do të jetë pjesë e bardhezinjve sezonin e ardhshëm.

Klubi nga Torino, që do të paguajë për 21-vjeçarin 15 deri në 20 milionë euro, pritet ta huazojë atë. Ata kërkojnë që lojtari të luajë dhe të rritet dhe më pas të jetë gati për t’u aktivizuar me Torinon.

Destinacioni me shumë mundësi do të jetë Atalanta, që do të shtojë një element cilësor në mbrojtje dhe një rival më shumë për Berat Gjimshitin e kthyer në një titullar bazë te klubi nga Bergamo. Edhe lënia te Xhenoa edhe për sezonin e ardhshëm është një mundësi.

Lapadula pritet të huazohet me të drejtën e blerjes në fund të sezonit. Kujtojmë që Xhenoa ka shpenzuar jo pak për të, duke e blerë për 11 milionë euro nga Milani në verën e kaluar. Leçe ka arritur dakordësinë me lojtarin mbi termat financiare. Lapadula e dëshiron shumë një lëvizje në këtë moment, duke parë ngërçin që po përjeton.

Lojtari ka ndërprerë menjëherë pushimet me arritjen e marrëveshjes dhe është nisur më avion drejt Xhenoas për të firmosur. Vitin e kaluar i riu italian luajti i huazuar te Frozinone ku në 27 aktivizime në Serie A shënoi pesë gola.

Në bisedimet midis krerëve të klubeve është rënë dakord për një klauzolë riblerje, por s’kemi të bëjmë më një klauzolë ligjore, thjesht një akord verbal.

Trepikësh i artë për ekipin bergamask, që triumfoi në fushën e Sasuolos si pasojë e punimeve që do të kryhen në stadiumin e saj. 2-1 fituan vendasit me golat e Barrou dhe Kastanje, ndërkohë që Berat Gjimshiti dhuroi asistin e golit të dytë.

Dy gola të shënuar brenda shtatë minutash i kanë dhënë avantazhin e dyfishtë ekipit bergamask dhe parakalimin e Interit, që ka për të zhvilluar ndeshjen kundër Kievos.

20-vjeçari Barrou shënoi golin e parë në minutën e parë të pjesës së dytë. Sulmuesi nga Gambia mori një asist perfekt nga holandezi De Run dhe dërgoi topin në rrjetë.

Shtatë minuta më vonë, Atalanta dyfishoi shifrat. Berat Gjimshiti u bë protagonist me asistin e dhuruar për Kastanje, i cili nuk gaboi nga afër portës dhe dërgoi topin në rrjetë.

Xhenoa reagoi dhe shkurtoi rezultatin një minutë përpara fundit të ndeshjes. “Veterani” Pandev gjeti rrugën e rrjetës pas një aksioni shumë të bukur të miqve. Koha ishte e pakët për të tentuar më shumë dhe Atalanta hodhi një tjetër hap të sigurt drejt kualifikimit në Champions.

65 pikë numëron ekipi i Gjimshitit dhe Berishës, që renditet dy pikë supër Interit dhe gjashtë sipër Milanit, me dy ekipet milaneze që kanë për të luajtur një ndeshje më shumë.

23-vjeçari është pjesë e Xhenoas që nga muaji janar, ndërsa kartonin e tij e zotëron Betis. Sulmuesi është i huazuar në Liguria, aty ku ka shënuar 3 gola deri tani.

Lacio dëshiron ta marrë në huazim dhe e sheh si lojtarin e duhur për të krijuar një dyshe me Çiro Imobilen. Sanabria mendohet si një alternativë shumë e mirë edhe nëse largohet Felipe Kaisedo.

Tani pritet vetëm akordi me ekipin spanjoll dhe sulmuesi, i cili zëvendësoi polakun Piatek, mund të vazhdojë të luajë në Serie A, por tashmë në kryeqytetin italian.

Gjithsesi, Sanabria gjuajti dobët dhe Mirante grushtoi pa probleme, ndaj ndeshja u mbyll në shumë keqardhje për Xhenoan, që mbetet ende shumë pranë zonës së ftohtë.

Pas ndeshjes kapiteni Domeniko Krishito zbrazi nervat me një postim në rrjetet sociale, ku ka sulmuar tifozë të ndryshëm.

“Kam dëgjuar nga të gjitha gjërat, gjithnjë gati për të polemizuar disa njerëz, që më pyesin pse nuk gjuajta unë. Nuk ke b***, nuk je burrë, etj, etj. Kur unë dhe Sanabria jemi në fushë njëkohësisht, penalltitë i gjuan ai, gjithnjë, ndaj boll me polemika për gjithçka.

” Penalltitë humbën për fat të keq dhe nëse do vije sërish rasti, sërish Sanabria do gjuajë. Jam i kënaqur me lojën e ekipit. MJAFT ME POLEMIKA BOSHE!”

Ky ishte postimi i parë nga Krishito, i cili më pas shkroi përsëri, edhe më nervoz.

“Ja, u krijua edhe një polemikë. Mesazhi im nuk u referohej gjithë tifozëve, por vetëm atyre që më shkruajnë pa fund që nuk jam i denjë të bëj kapitenin dhe që kam ardhur te Xhenoa për të shtyrë vitet e fundit të karrierës. Unë jam këtu se e dua këtë klub dhe kjo situatë më bën të vuaj. Mund të thoni që nuk vlej si lojtar, por mos më gjykoni si njeri. Kërkoj falje nëse kam ofenduar ndokënd”. 

Xhenoa mori një lajm të keq nga Empoli, që fitoi derbin, ndaj presioni për pikë ishte i madh. Në një ndeshje të ekuilibruar, Roma priti me qetësi momentin e duhur për të goditur dhe ia doli me El Sharaui në minutën e 80-të.

U duk goditja fatale për Xhenoan, ndërsa Roma shihte sërish nga afër Atalantën, por fundi ishte një dramë e madhe.

Në minutën e parë shtesë Xhenoa barazoi me Romeron, i saktë me kokë në një goditje nga këndi, ndërsa në minutën e 95-të penallti për Xhenoan, që kishte shansit të merrte pikët e mbijetesës.

Megjithatë, Sanabria gjuajti shumë keq dhe Mirante grushtoi me lehtësi. Vetëm 1-1, një dështim për Romën dhe frymëmarrje, por edhe shumë pengje, për Xhenoan.

Njeriu i mbrëmjes ishte padyshim Mauro Ikardi, i cili u rikthye të luante titullar pas 2 muajsh. Ish-kapiteni shënoi golin e dytë dhe asistoi për të tretin. Gjithashtu, paraqitje të mirë bëri edhe Roberto Galjardini, i cili shënoi golin e parë dhe të katërt, ndërsa vend për festë pati dhe për Perishiç në golin e tretë.

Roma nuk ka shkuar më shumë se një barazim 2-2 ndaj Fiorentinës, në një sfidë që vjollcët kaluan dy herë në avantazh, por që verdhekuqtë ditën të reagonin. Surpriza më e madhe erdhi nga Spali, ku vendasit tronditën Lacion, duke e mposhtur me shifrat 1-0 dhe duke i bërë një dhuratë të jashtëzakonshme Milanit.

Sulmuesi nuk luan prej muajsh, trajneri vlerëson punën e Bepe Marotës dhe analizon çështjen. Të gjithë kanë humbur, por për të mirën e Interit të gjithë duhet t’ia nisin nga zero. Fjalët nuk kanë rëndësi, nevojitet vetëm punë, stërvitje, djersë dhe një fitore kundër Xhenoas.

SITUATA – “Humbjet krijojnë gjithmonë mundësi për t’u rritur, pasi shtohet vëmendja. Mbetet hidhërimi i humbjes me Lacion, por kemi mundësi për të studiuar dhe për të punuar më mirë për ndeshjen me Xhenoan. Pres një lojë të ashpër nga ana e ekipit të Prandelit. Do të na duhet ta interpretojmë perfekt ndeshjen. Duhet të jemi gati fizikisht dhe pastaj të shfrytëzojmë teknikën tonë. Kemi kualitetet për ta fituar këtë ndeshje. Do të ketë disa ndryshime. Ata që nuk luajtën kundër Lacios janë stërvitur mirë.”

EKIPI – “Ndihemi më mirë, kemi rikuperuar futbollistë dhe kemi mundësi të ndryshme që na bëjnë të fortë. Dëmtimet e pësuar në ndeshjet e kombëtareve mbeten të vështira për t’u kapërdirë. Nuk është asnjëherë e thjeshtë të zëvendësosh Lautaro Martinezin dhe De Vrij. Duhet të jem i kujdesshëm nga sinjalet që më japin futbollistët.”

XHENOA – “Ata janë një skuadër e stërvitur mirë dhe kanë bërë gjëra të mira në ndeshjet e fundit. Të gjitha ndeshjet deri në fund të kampionatit janë të rëndësishme. Renditja është ngushtuar dhe na duhet rezultat pozitiv. Prandeli po nxjerr në pah cilësitë e tij dhe të ekipit që drejton. Do të jetë një betejë plot duele kundër Xhenoas. Duhet të kemi temperament dhe përgatitje fizike.”

IKARDI – “Mauro është grumbulluar për këtë ndeshje. Marota ka bërë një punë vendimtare. Ai bëri që palët të arrinin në një konfrontim real dhe jo virtual. Kjo gjë i jep mundësinë Ikardit që të ndihmojë skuadrën. Skuadra, tifozëria dhe trajneri janë tre komponentë, të cilët kanë zemër, sy dhe veshë. Ikardi vlen shumë për ne, më shumë se Mesi me Ronaldon bashkë, por me paktin që të përfshihet brenda skuadrës dhe të djersijë.

Nga kjo histori kemi dalë të gjithë humbur, askush nuk ka fituar. Le të rinisemi nga vendi i tretë dhe të arrijmë objektivin Champions me ndihmën e tifozëve tanë të jashtëzakonshëm. Do hasim vështirësi, por të bashkuar mund t’ia dalim. Ikardi nuk është në gjendje të ndihmojë ekipin nga jashtë, por ta karikojë nga brenda.”

KONTESTIMI I ULTRASVE – “Mauro është impenjuar në stërvitjet e fundit dhe mund të rifitojë besimin e tifozëve. Ai u stërvit të dielën, ndërsa të hënën luftoi fort në stërvitje bashkë me shokët. Ka djersitur dhe tifozët i kuptojnë sinjalet korrektë. Të gjithë duhet të punojmë për të mirën e Interit. Ne profesionistët që paguhemi nga klubi duhet të rreshtohemi në anën e klubit, skuadrës dhe tifozëve dhe jo një lojtari të vetëm.”

IKARDI TITULLAR? – “Nuk vlen shumë forma fizike, vlen koka. Mauro ka bërë reagimin e duhur. Kemi nevojë për një sulmues, jemi më të fortë me të. Ai do të luajë në formacion, të shohim më pas kur do e heqim nga loja, nëse do e zëvendësojmë.”

Maks Alegri nuk kërkon ta bëjë dramë humbjen e sotme, që i kujton atë kundër Atalantës në Kupën e Italisë. Megjithatë, trajneri pranon se kjo ka ardhur në momentin e duhur, pikërisht përpara pauzës për shkak të ndeshjeve të kombëtares.

“Prisja një tjetër Juventus. Nuk bëmë një performancë të mirë dhe bëmë gabime. Më pas erdhën golat e tyre, që erdhën nga askund. Më është dukur si humbja ndaj Atalantës në Kupë. Zgjodhëm ndeshjen e duhur për të humbur, sepse është pikërisht përpara pushimeve të kombëtares. Padyshim, ajo shtysa që dhamë ndaj Atletikos ndikoi te ne. Nuk mund të luash çdo ndeshje me të njëjtin intensitet. Është e pamundur të fitosh çdo ndeshje dhe këtë gjë e kam thënë që në fillim të kampionatit. Gjithsesi, nuk duhet ta bëjmë dramë“, theksoi trajneri i Juventusit.

Ndeshja nisi e mirë dhe me këmbëngulje nga vendasit, të cilët fituan dhe një 11-metërsh në minutën e 32-të, por pas konsultimit me sistemin VAR, gjyqtari kryesor ndërroi mendje. Kështu, pjesa e parë u mbyll pa gola, ndërsa e dyta nisi menjëherë më ritëm.

Dibala gjeti golin në minutën e 56-të, por ishte sistemi VAR përsëri që u bë protagonist, duke anuluar gjithçka. Momenti kyç i sfidës, erdhi në minutën e 72-të, kur ishte “ish-i” i takimit, Stefano Sturaro, i cili çoi në avantazh Xhenoan pas një goditje të bukur.

Nëntë minuta më vonë, ishte përsëri ekipi i Prandelit, që gjeti dhe golin e sigurisë, me autor Goran Pandev, ish-lojtar i Interit. Maqedonasi i çmendur në festë pas golit, po ashtu si tifozët e tij, me Xhenoan që pasi i mori një pikë në “Allianz Stadium” në fazën e parë, tashmë i merr dhe tre të tjera në “Marassi”.

Gjithsesi, pavarësisht se stadiumi do të jetë i mbushur krejtësisht, tifozët vendas duket se janë tërbuar nga vendimi i Juventusit për të lenë pushim Kristiano Ronaldon. Të shumtë janë tifozët që mund të kenë blerë një biletë vetem për të parë yllin portugez nga afër dhe tashmë shohin që kjo mundësi i është sfumuar.

Diçka e çuditshme, teksa sheh që tifozët të mërziten se lojtari më i mirë i kundërshtarëve nuk do të luajë, por duke parë që bëhet fjalë për Kristiano Ronaldon, ndoshta, diçka e tillë mund të justifikohet.

Ishte Rodrigo De Paul, i cili u tregua i saktë nga pika e bardhë në minutën e 25-të, duke i dhënë avantazhin friulanëve, por Palasio në minutën e 39-të vuri baraspeshën. Në pjesën e dytë, Puseto, 11 minuta përpara fundit u kthye në hero për ekipin e tij, duke i dhënë fitoren Udinezes.

Nga ana tjetër, Sampdoria tregoi forcën e saj në transfertë ndaj Spalit, duke triumfuar me shifrat 1-2. Dy gola të Fabio Kualiarelës brenda 11 minutave, i dhanë fitoren dorianëve, të cilët ngjiten në vendin e tetë në kuotën e 39 pikëve. Me dopietën e shënuar, sulmuesi barazon Ronaldon me 19 gola. Kurtiç shënoi golin e nderit për vendasit në minutën e pestë shtesë.

Ndërkohë, Xhenoa nuk arriti të shkojë më shumë se një barazim pa gola ndaj Frosinones, me këta të fundit të cilët luajtën me një lojtar më pak që nga minuta e 34-t. Kështu, ekipi nga “Marasi” ngjitet në vendin e 12-të me 30 pikë, ndërsa Frosinone merr një pikë shprese për mbijetesën.

“Nuk dua të flas për të ardhmen time. Kjo gjë i takon agjentëve dhe dy klubeve. Normale që të luaj për Juventusin është një ëndërr, jo vetëm e imja, por e të gjithë futbollistëve besoj. Megjithatë, unë jam i fokusuar vetëm të bëj mirë për Xhenoan deri në fund të sezonit”.

“Lojtari që më pëlqen më shumë? Paulo Dibala! Është fantastik, dua që një ditë të arrij ato që ai ka bërë në fushën e lojës”,- tha mbrojtësi argjentinas për bashkëkombësin e tij.

Së fundmi, për 23-vjeçarin ka folur presidenti i Xhenoas, ish-ekipit të Piatek. Enriko Preciozi ka thënë për mediat se nuk është fare i habitur për formën e “pistoletës” dhe u shpreh se sipas tij, polaku do të shënojë të paktën 35 gola këtë sezon.

“Mendoj se do të arrijë të paktën kuotën e 35 golave këtë sezon në të gjitha kompeticionet. Nuk jam i befasuar. Morëm goxha para nga shitja e tij. Ndoshta për disa nuk janë shumë, por për ne janë në rregull. Jemi të lumtur që e finalizuam atë operacion. I uroj Milanit dhe Piatek suksesin që meritojnë.”

Vendasit reaguan në pjesën e dytë dhe shënuan dy herë në 15 minutat e fundit. Sanabria barazoi rezultatin në minutën e 75-të, pas një goditje këndi të Xhenoas, ndërsa kapiteni Krishito shënoi golin e fitores në minutën e katërt shtesë. Një diagonale e bukur e mbrojtësit, që nuk u arrit nga Strakosha dhe në stadium shpërtheu festa e vendasve. Kjo fitore e ngjit Xhenoan në vendin e 13-të me 28 pikë, ndërsa Lacio mbetet 4 pikë larg Milanit të vendit të katërt.

Në ndeshjet e tjera, Empoli i Veselit është rikthyer te fitorja pas tetë ndeshjes duke mposhtur me tris golash Sasuolon dhe duke siguruar tre pikë të arta për mbijetesën. E tillë ishte dhe fitorja e Udinezes, së cilës i mjaftoi një gol në minutat e fundit për t’iu larguar Bolonjës së vendit të tretë nga fundit.

Empoli-Sasuolo 3-0
(Kruniç 34’, Akuah 37’, Farias 60’)

Xhenoa-Lacio 2-1
(Sanabria 75’, Krishito 90+4’ / Badelj 44’)

Udineze-Kievo 1-0
(Teodorçik 86’)

Ditën e sotme, ekipi i Xhenoas ka zyrtarizuar marrëveshjen me sulmuesin Antonio Sanabria, i cili vjen nga Betisi. 22-vjeçari, do të transferohet me formulën e huazimit me të drejtë blerje për 20 milionë euro. Periudha e huazimit të paraguaianit do të jetë për 18 muaj.

Kujtojmë, sulmuesi dikur ka qenë dhe pjesë e Romës, të cilët e shitën te Betisi për 7.5 milionë euro, duke mbajtur një përqindje të kartonit të tij. Gjithashtu Sanabria, ka qenë pjesë edhe e Sasuolos, të cilët e morën nga moshat e Barcelonës.

Diçka e tillë nuk ndodhi dhe mesfushori nuk zbriti asnjëherë në fushë me fanellën e Sportingut, duke shënuar një nga momentet më të errëta të karrierës së tij. Gjithsesi, Sturaro u kthye përsëri te Juventusi dhe tashmë është gati të ringrihet në fluturim, teksa ditën e sotme ka firmosur me ekipin e ri.

Stefano Sturaro është lojtari më i ri i Xhenoas, ekip me të cilin shpërtheu dhe u bë i njohur. “Jam i lumtur dhe i emocionuar për rikthimin. Pas katër vitesh te Juventus po rikthehem përsëri këtu. Të gjithë e dinë se çfarë do të thotë për mua të jem përsëri në Xhenoa”, është shprehur mesfushori për mediat.

Sipas Gianluca Di Marzios, Milani do të derdhë në arkat e Xhenoas plot 35 milionë euro dhe se nuk do të përfshihet asnjë lojtar në tratativa. Fillimisht ishte përfolur se një midis Haliloviç ose Bertolaçit do të përfshihej në marrëveshje, por italiani nuk ishte dakord, ndërsa për kroatin, ekipi i Xhenoas nuk pranoi.

Tashmë mbetet vetëm të hidhet e zeza mbi të bardhë ditën e nesërme për të mësuar detajet e kontratës, ku do të mësohet dhe paga e sulmuesit polak. “Pistoleta” Piatek, numëron plot 13 gola momentalisht në Serie A, duke qenë një ndër golashënuesit më të mirë të kampionatit.

Megjithatë me anë të 35 milionë eurove që do të përfitohen nga shitja e 23-vjeçarit, në klub priten të vijnë dy përforocime të bujshme. Sipas “Sky Sports”, presidenti i Xhenoas Enriko Preciozi po përpiqet t’i sigurojë trajnerit Çezare Prandeli shërbimet e kroatit Marko Pjaca dhe paraguaianit Antonio Sanabia.

Pjaca ka luajtur në pjesën e parë të sezonit te Fiorentina, ku nuk përmbushi pritshmëritë e klubit vjollcë. Ndërkohë, Sanabria është prej disa vitesh pjesë e Betisit në Spanjë, por këtë vit, sulmuesi nuk ka pasur shumë minuta dhe një rikthim në Itali, është i mirëpritur nga lojtari.

23-vjeçari është gati të nisë aventurën e re dhe ai pritet të debutojë me ekipin e “Djallit” në ndeshjen kundër Napolit në “San Siro”. Një akord që i kënaq të gjithë palët, por dikush nga Polonia ka vendosur të protestojë.

Andrzej Bolisega ka qenë trajneri dhe presidenti i Lechia Dzierzionov, klubi që rriti Piatekun. Sulmuesi kaloi aty 7 vitë, përpara se të transferohej drejt Zaglebie Lubin, Krakovias, Xhenoas e tashmë Milanit.

Një rregull i FIFA-s është i qartë: klubi mëmë që ka rritur një lojtar përfiton 5% të shumës së transferimit të tij, kur lojtari ndërron kampionat. Një gjë e tillë ndodh deri në momentin kur lojtari ka mbushur 23 vjeç (Piatek i mbushi me 1 korrik). Kjo bëhet për të inkurajuar klubet që të rrisin talente për të fituar më pas në një shitje të mëvonshme të tyre.

Bolisega ka zgjedhur një mënyrë origjinale për të protestuar me shpresën që mund të fitojë diçka nga kalimi i polakut te Milani. “I bëj thirrje publikisht FIFA-s për të ndryshuar dispozitat aktuale të 5% të shumës së transferimit të një lojtari. Një gjë e tillë duhet aplikuar për çdo transferim. I ftoj të gjitha skuadrat e futbollit të mobilizohen në mbështetje të Boniek (presidenti i federatës polake). Nuk është e drejtë që një klub që ka trajnuar Piatekun për 7 vite të mos përfitojë gjë nga transferimi i tij nga Xhenoa te Milani”, përfundon Bolisega, që aktualisht mban postin kryetarit të Bashkisë të qytetit ku ka lindur Piatek.

Në përfundim të ndeshjes, trajneri i ekipit nga “Marasi”, u pyet për ndeshjen, si dhe për çështjen Piatek. Çezare Prandeli, u tregua i sinqertë dhe pranoi përfundimisht se Piatek e ka mbyllur aventurën e tij te Xhenoa dhe tani i duhet të mendojë për lojtarët që ka në dispozicion.

“Piatek? Kur erdha këtu, plani ishte që të mos të shitej, por klubi i mendoi ndryshe gjërat. Ai ishte në stadium sot, por më duhet të mendoj për lojtarët që kam në dispoziicion, duke i përcjellë mentalitetin e duhur për klubin”, ka përfunduar Prandeli.

Sipas “SkySport”, menjëherë pas ndeshjes, drejtuesit e Milanit dhe ato të Xhenoas kanë nisur bisedimet për të gjetur akordin për transferimin e Piatek, sulmuesi polak që ka shkëlqyer këtë sezon dhe ka shënuar plot 13 gola.

Largimi i Higuain është i sigurt dhe Milani nuk humbet kohë dhe kërkon të sjellë me doemos një sulmues cilësor për zëvendësimin e argjentinasit. Piatek me shumë gjasa do të vishet “Djall” dhe në rast akordi, zyrtarizimi i tij mund të bëhet brenda 48 orësh.

Meeting taking place between Milan and Genoa in these moments to schedule tomorrow’s summit to close the Pi?tek deal. The clubs still need to decide on the players to be included in the deal, Piatek is still in Genova and didn’t go to Milano [Sky] pic.twitter.com/TQhLosDC6H

— Milan Eye (@MilanEye) January 21, 2019

Pas takimit, Ricio foli për mediat, duke theksuar se sfida e sotme, kishte shumë vështirësi ende pa filluar për Milanin. Gjithashtu, ai u pyet dhe për largimin e Higuain, por përgjigja ishte më shumë një driblim ndaj mediave, pasi zëvendësi i Gatuzos, u përqendrua te paraqitja e Kutrones, i cili është në krye të sulmit pas largimit të “El Pipitas”.

NDESHJA – “Ishte e vështirë në gjysëm orëshin e parë, pasi po hasnim shumë probleme, sidomos në krahun e Susos, ku Abate fillimisht dhe më pas Konti në krah nuk po ndihmoheshin. Gjithsesi, në pjesën e dytë i përmirësuam gabimet dhe dhamë një përformancë të mirë”.

VËSHTIRËSITË E SFIDËS – “Patëm një udhëtim të gjatë nga Arabia Saudite, ku gjithashtu më parë kishim luajtur 120 minuta në Kupën e Italisë. Me pezullime, dëmtime si dhe shumë lojtarë të rëndësishëm jo në formën më të mirë. Patëm shumë vështirësi për këtë ndeshje”.

LARGIMI I HIGUAIN – “Ishte rrotull prej shumë ditësh, por ne do të punojmë me lojtarët që kemi në dispozicion. Dua të theksoj performancën e mirë që ka bërë Kutrone në Kupë Italie, Superkupë si dhe sot. Ishte fantastik në fazën ofensive, duke krijuar hapësira dhe duke i hapur shumë probleme Xhenoas. Patrik punon shumë për skuadrën.”

POST SUPERKUPA – “Humbja në Superkupë dhemb, por objektivi ynë është vendi i katërt dhe ja ku jemi. Tani të fokusohemi në ndeshjen e ardhshme, pasi kjo e sotmja ka mbaruar”.

NDESHJA – “Nuk ishte një fillim i mirë, vuajtëm të gjithë së bashku dhe kjo është më e rëndësishmja. Luftuam fort dhe kualiteti që kemi në skuadër na dha fitoren në këtë ndeshje të vështirë”.

HIGUAIN – “Në qoftë se Higuain bëri një zgjedhje do ketë pasur patjetër arsyet e tij, por ai mbetet miku im dhe i uroj më të mirat”.

ECURIA – “Kemi një rrugë të gjatë përpara, do të bëjmë gjithçka për të arritur objektivin tonë dhe do ti marrim ndeshjet një e nga një”.

PËRBALLJET ME NAPOLIN – “Jam një fans i madh i Napolit, është qyteti im dhe jam i lumtur që po bëjnë mirë, por shpresoj që të fitojmë ne javën e ardhshme dhe në kupën e Italisë gjithashtu”.

Marrëveshja është arritur dhe Enriko Preciozi, presidenti i Xhenoas, ka dhënë miratimin për këtë transferim. Leonardo ka punuar shumë gjatë kësaj periudhe, ndërsa ka marrë dhe konfirmimin e pronarëve të kuqezinjve; më shumë në aspektin financiar dhe rregullave të FPF (fair-play financiar), pasi kualiteti i Piatek nuk vihet në dyshim.

Mediat italiane bëjnë të sigurt akordin e arritur, ndërsa Andrea Bertolaçi do të përfshihet në marrëveshjen për kalimin e autorit të 13 golave në kampionat me ekipin e Gatuzos. Marrëveshja është arritur për një huazim me të drejtë blerje për shumën e 40 milionë eurove (do të paguhet në disa këste), por përfshirja e mesfushorit mund të bëjë që Milani të paguajë më pak në verë për sulmuesin 23-vjeçar.

Lojtari ndodhet në kuotën e 13 golave në Serie A (ka shënuar dhe 6 në Kupë), ndërsa tashmë do të luajë me Milanin në vazhdim. Marrëveshja nuk është zyrtare, por Leonardo ka arritur akordin me klubin xhenovez dhe Piatek do të vijë për të zëvendësuar Higuainin dhe për t’i dhuruar gola tifozëve të ”Djallit”.

Kohë më parë presidenti i Federatës Polake të Futbollit bëri një kompliment për Piatek, madje arriti të parashikonte të ardhmen e tij. Zizi Boniek u shpreh se po flasim për një djalosh që i ka të gjithë cilësitë për të luajtur në të ardhmen me Milanin, ose me Realin e Madridit.

Në Casa Milan janë takuar Leonardo dhe drejtori sportiv i Xhenoas, Perineti, që po mundohen të gjejnë marrëveshjen finale për kalimin e Piatek në kuqezi.

Ndërkohë, presidenti i Xhenoas Preciozi ka takuar Juventusin, sepse kërkon patjetër kroatin Marko Pjaca si pasues të Piatek.

Në Angli presin Higuain, i cili praktikisht pret vetëm Ok nga Milani për të marrë avionin dhe për të nisur aventurën e re te Çelsi.

Bisedime dhe miliona euro në lojë, do duhet pak kohë, por gjithçka po shkon drejt mbylljes së lumtur për të gjithë, me shpresën se Piatek e Higuain, por edhe Pjaca, do të gjejnë vendin e vet dhe do të bëjnë detyrën, duke kënaqur klubet e përfshirë në këtë operacion gjigant.

Çelsi luan nesër derbin kundër Arsenalit, ndërsa të mërkurën është derbi tjetër kundër Totenhemit në Kupën e Ligës, aty ku Higuain do të debutojë me ekipin e ri. “Blutë e Londrës” kanë arritur akordin me Juventusin, ndërsa Milani ka miratuar këtë transferim.

31-vjeçari do të huazohet deri në fund të sezonit, ndërsa më pas do të rinovojë për një vit tjetër në bazë të prezencave dhe golave të shënuar. Nga ana tjetër, Milani është shumë afër blerjes së Kristof Piatek, i cili ka shënuar 13 gola në kampionat dhe gjashtë në kupë deri në këtë moment me ekipin ligur.

Leonardo po punon prej ditësh për sigurimin e shërbimeve të sulmuesit të Xhenoas. Braziliani është takuar në fshehtësi me presidentin Preciozi, siç raportojnë mediat italiane, ndërsa sot do të ketë takimin vendimtar me drejtorin sportiv Perineti.

23-vjeçari polak do të huazohet te Milani deri në fund të sezonit për t’u blerë në verë për shumën e 40 milionë eurove. Xhenoa ka pranuar këtë marrëveshje, por kërkon që Milani të jetë i detyruara ta blejë Piatekun në fund të sezonit, ndërsa kanë mbetur për t’u përcaktuar dhe pjesa e bonuseve. Të hënën luhet ndeshje Xhenoa-Milan, por sulmuesi nuk do të luajë për shkak të kartonëve.

Gjithsesi, së fundmi për mediat italiane ka folur drejtori i Xhenoas, Xhorxho Perineti, i cili ka sqaruar çështjen Piatek, duke thënë se ende nuk ka ardhur asnjë ofertë në drejtim të polakut, pavarësisht spekulimeve të fundit.

“Ofertë nuk ka pasur, por së shpejti do të ketë një takim. Në Serie A është e vështirë të bësh ndryshime të mëdha për sa i përket lojtarëve. Kemi thënë se Piatek, Romero dhe Kuame nuk e kemi për qëllim që ti shesim, po e dimë që janë lojtar që ngjallin shumë interes.

Përqindja e largimit të Piatek? Nuk e di, ne do të dëgjojmë propozimet që do të na bëhen. Takim me Leonardon? Nuk ka pasur asnjë takim, por me shumë mundësi do të takohemi në ditët e ardhshme”, ka përfunduar drejtori i ekipit të Xhenoas.

Kuqezinjtë do të kursejnë 9 milionë euro vetëm nga paga e sulmuesit, ndërkohë që nuk do të paguhet po aq te Juventusi për huazimin në pjesën e dytë të këtij sezoni. Kështu për Leonardon janë mënjanë 18 milionë euro të kursyera me argjentinasin dhe tanimë duhet të mbyllë marrëveshjen për pasuesin e tij.

Kristof Piatek është sulmuesi që pritet të marrë rrugën për në Milano dhe sipas Gazetta dello Sport ai u ka thënë “po” kuqezinjve. Lojtari i Xhenoas vlerësohet nga Milani me shumën e 40 milionë eurove, ndërkohë që për t’u përcaktuar mbetet formula e pagesës së lojtarit.

Ndoshta do të veprohet si me Higuain, duke paguar një shifër të konsiderueshme për huazimin. Nga ana e Xhenoas gjithashtu ka interes për të arritur në një marrëveshje. Sa i takon kontratës së Piatek, me menaxherin e tij është biseduar për një kontratë 5-vjeçare.

Aktualisht sulmuesi përfiton vetëm 400 mijë euro te Xhenoa, ndërkohë që te Milani do të marrë fillimisht 1.8 milionë euro, për t’u rritur më pas në 2 milionë. Nesër pritet një takim me kuqeblutë, që pritet të vendosin për të ardhmen e “xhevahirit” të tyre, emri i të cili është lidhur edhe me klube të tjerë evropiane.

Kuqezinjtë pëlqejnë Kristof Piatek, sulmuesin polak të Xhenoas, për të cilin ka shprehur interes dhe Reali i Madridit. Zbulimi i këtij sezoni ka shënuar 13 gola në Serie A, ndërsa klubi ligur është pranë pranimit të ofertës së “Djallit”. Leonardo nuk ka udhëtuar me ekipin në Arabi dhe po punon për të arritur sa më shpejt marrëveshjen.

Milani është gati ta marrë në huazim 23-vjeçarin me të drejtë blerje në fund të sezonit për shumën e 40 milionë eurove. Xhenoa ka pranuar ofertën, ndërsa është gati ta zëvendësojë polakun me Mario Balotelin.

Negociatat me Milanit konfirmohen dhe nga Xhorxhio Perineti, drejtori sportiv i klubit ligur. “Nuk duam ta shesim tani Piatekun, por mund të lëkundemi nga një ofertë e konsiderueshme. Milani është i interesuar për lojtarin, por tani është ndeshja e Superkupës dhe ne nuk mund të presim deri në ditën e fundit të merkatos.”

Shumë ekipe interesohen për polakun e ekipit ligur, mbi të gjitha Reali i Madridit dhe Milani. Xhenoa po zhvillon fazën përgatitore në Mursia të Spanjës dhe vëzhguesit e Realit do të ndjekin nga afër paraqitjet e 23-vjeçarit.

“AS” raporton se vëzhgues të “Los Blancos” do të ndjekin miqësoren midis Xhenoas dhe gjermanëve të Vurzburger Kikers me qëllimin e vetëm: studimin e Piatek. Xhenoa kërkon 60 milionë euro për kartonin e sulmuesit, por Reali nuk është dakord me këtë shumë, aq më tepër në merkaton e janarit.

Nga ana tjetër Milani kërkon të sigurojë shërbimet e goleadori që në janar. Higuain është pranë largimit, Morata mund të shkëmbehet me Kaliniç, me kroatin në Londër dhe spanjollin në ekipin e Simoenes, kështu që kuqezinjtë kanë zgjedhur Piatek si pasardhësin e argjentinasit.

Florentino Perez po punon për të gjetur elementë cilësorë dhe për të përforcuar ekipin e tij. Dëmtimet e Bejl dhe Asensios kanë reduktuar alternativat e repartit ofensiv dhe nevojitet medoemos një sulmues.

Emri i fundit që ka dalë në pah është Kristof Piatek. 23-vjeçari i Xhenoas është një nga zbulimet më të bukura të Serie A dhe polaku ka shënuar 13 gola në kampionat. Ai ndodhet i dyti në renditjen e golashënuesve, me një gol më pak se Kristiano Ronaldo i Juventusit.

“TeleMadrid” ka zbuluar lajmin dhe Perez i ka kërkuar homologut Preciozi huazimin e sulmuesit. 23-vjeçari është ndër më të kërkuarit në merkato, ndërsa Xhenoa e di mirë se nuk mund ta mbajë për shumë kohë në ekip. Italianët dëshirojnë të fitojnë sa më shumë nga ylli i tyre, ndërsa Reali e kërkon tashmë në huazim.

Paratë nuk janë problem për kampionët në fuqi të Europës, por ata kanë menduar të bëjnë këtë lëvizje për të mos patur probleme me FPF (fair-play financiar). Nga ana tjetër, polaku do ishte i lumtur të vazhdonte karrierën në “Santiago Bernabeu”, por gjithçka varet nga përgjigja e klubit të Xhenoas.

Sipas sajtit “tuttojuve.com”, klubi xhenovez ka rënë dakord të paguajë 18 milionë euro për të rikthyer Sturaron në klubin e tyrë. 25-vjeçari do të firmosë një kontratë me kohëzgjatje për sezone.

Ky sezon filloi mbrapsht për Sturaron, pasi nuk arriti të luante për asnjë minuta gjatë huazimit të tij te Sportingu për shkak të disa dëmtimeve muskulore që e përndoqën për muaj të të tërë.

Sllovaku do të firmosë një kontratë me ekipin emilian, që do ta mbajë të lidhur deri në vitin 2022. Kujtojmë, Kuçka u bë i njohur në Itali me fanellën e Xhenoas, me të cilët u aktivizua për plot katër sezone, përpara se të transferohej te Milani. Me kuqezinjtë, mesfushori luajti për dy sezone, ku më pas vijoi karrierën në Superligën turke.

21-vjeçari do të transferohet në fund të këtij sezoni në “San Paolo”, teksa deri në atë kohë do të jetë i huazuar te Xhenoa. Prezantimi i lojtarit nga Bregu i Fildishtë, thuhet se do të bëhet ditën e mërkurë. Te Napoli, Kuame do të përfitojë 500 mijë euro në sezon.

Sulmuesi afrikan, spikati me fanellën e Citadelës në Serinë B, ku verën e këtij viti u ble nga Xhenoa për shumën e 5 milionë eurove. Kuame u përshtat gati në mënyrë perfekte dhe me elitën e futbolli italian, ku ka krijuar një dyshe sulmi të frikshme, së bashku me Piatek. Tashmë, aventura e talentit do të vijojë në një nivel akoma më të lartë, duke nisur nga sezoni i ardhshëm.