Genk

Zyrtare | Atalanta “pa frena”, thyen rekordin e klubit për një ukrainas

Sport Ekspres — Tue, 16 Jul 2019 14:10:50 +0000

Atalanta ka zyrtarizuar transferimin e mesfushorit ukrainas Ruslan Malinovksi. Futbollisti 26-vjeçar raportohet se i ka kushtuar klubit bergamask 17 milionë euro, shumë kjo që është tashmë rekordi i ri klubit bergamask.

Ruslan #Malinovskyi è un giocatore dell’Atalanta! ???
Welcome Ruslan! ????

? https://t.co/DDDGhOrRBZ #WelcomeMalinovskyi #GoAtalantaGo #Atalanta3uropa pic.twitter.com/2Gj71C4ARG

— Atalanta B.C. (@Atalanta_BC) July 16, 2019

Malinovski vjen nga skuadra e Genk më të cilën u shpall kampion i Belgjikës. Mesfushori është gjithashtu një lojtarë i përhershëm në kombëtaren e Ukrainës, ku ka besimin e plotë të Andrei Shevçenkos.

Malinovski shquhet për goditjet e tij më të majtën. Ukraianasi është një ekspert i goditjeve nga largësia dhe kjo reflektohet dhe në statistikat e tij, ku në 37 ndeshje të sezonit të kaluar ka shënuar 13 gola, shifër kjo mbresëlënëse për një mesfushor.

Ianis Haxhi zgjedh Belgjikën, i ati përfiton 10 milionë euro

Sport Ekspres — Fri, 12 Jul 2019 14:10:52 +0000

E ardhmja e talentit Ianis Haxhi do të jetë në Belgjikë. Djali i legjendës rumune Giorge Haxhi do të firmosë një kontratë për 4 vite e gjysmë me Genk, skuadër kjo që këtë vit fitoi titullin kampion në Belgjikë.

Transferimi kap shifrën e 10 milionë eurove, çka e bën 20-vjeçarin lojtarin më të shtrenjtë në historinë e kampionatit belg. Paga vjetore e mesfushorit me tipare sulmuese është diku te 800 mijë euro sipas medies rumune “telekom”.

Interesi për Haxhin u shtua shumë pas paraqitjeve të mira në Europianin e 21-vjeçarëve. Spanjollët e Sevijës kishin arritur një akord paraprak, por marrëveshja nuk u respektua pasi oferta e klubit belg ishte më e lartë.

Giorge Haxhi me të birin

10 milionë eurot do t’i shkojnë Vitorul Konstantias, klub që është në pronësi të babait të tij, që është njëkohësisht trajneri dhe drejtori ekzekutiv i skuadrës, pra paratë do mbeten brenda familjes Haxhi.

Tare nuk i ndahet kampionatit të preferuar, një makineri golash drejt Lacios

Sport Ekspres — Tue, 18 Jun 2019 20:42:15 +0000

Një ndër kampionatet e fundit të Igli Tares është ai i belg. Drejtori Sportiv i Lacios ka qëlluar në shenjë me shumë nga lojtarët që ai ka transferuar nga kampionati belg. Lukas Bilja, Sergei Milinkoviç-Saviç, Adam Marusiç janë disa nga lojtarët që Lacio ka marrë nga ky kampionat.

Sipas medieve italiane Lacio është futur në negociata për sulmuesin e Genk, Mbuana Samata. Sulmuesi 26-vjeçar shënoi më shumë se kushdo në sezonin duke rezultuar kyç në shpalljen kampiont të Genk me 23 gola.

Sulmuesi nga Tanzania ka dhe dy vite kontratë me Genk, por vetë ai e ka bërë të ditur që dëshiron largimit pas nga kampionati belg. Lacio është e gatshme të plotësojë kërkesat e Genk, por vetë lojtari po tundohet nga oferta nga skuadra të ndryshme nga kampionati kinez.

https://www.youtube.com/watch?v=ADwzliGN8G8

Milionat e Champions japin efekt, Atalanta bën ofertën historike

Sport Ekspres — Mon, 17 Jun 2019 17:59:37 +0000

Atalanta me paraqitjet e mira në Serie A, duke siguruar edhe një vend në Champions ka bërë që të rriten financat e klubit. Bergamaskët kanë dy vite rresht që sigurojnë përfaqësimin në kompeticionet evropane. Fitimet nga kjo janë të mëdha dhe e lejon klubin të bëjë blerje me çmime relativisht të larta në merkato.
Klubi ku luan Berisha dhe Gjimshiti mund të thyejnë rekordin e blerjes më të shtrenjtë. Ruslan Malinovski është lojtari që e bën Atalantën të dalë nga vetja. Fantazisti luan me kampionët e Belgjikës, Genk. Ukrainasi është një nga lojtarët më të mirë të këtij kampionati. Sezoni i kaluar ishte spektakolar për ukrainasin me 16 gola dhe 16 asiste.

Atalanta është gati të sigurojë shërbimet e e 26-vjeçarit për shifrën e 17 milionë eurove. Kjo do të jetë blerja më e shtrenjtë e historisë së klubit nga Bergamo. Këtë rekor e mban transferimi i Duvan Zapata. Kolumbiani u transferua verën e kaluar për shifrën e 14 milionë eurove.

Zyrtare | Zhegrova largohet nga Genku, transferohet te “gjiganti” zviceran

Sport Ekspres — Mon, 04 Feb 2019 12:28:40 +0000

Edon Zhegrova është larguar nga skuadra e Genkut. Lojtari i përfaqësueses së Kosovës lë kampionatin belg për të provuar një eksperiencë të re te skuadra zvicerane e Bazelit.

Në një njoftimin e bërë nga klubi belg, njoftohet se 19-vjeçari është huazuar për një sezon e gjysmë te Bazeli, dhe se në marrëveshjen midis dy klubeve ekziston një opsion për blerjen përfundimtare të kartonit të lojtarit.

Succes Edon! ? #krcgenk #samengenk https://t.co/Fxclqx5LyL

— KRC Genk (@KRCGenkofficial) February 4, 2019

Gjatë pjesës së parë të sezonit, aktivizimet e Zhegrovës me Genkun ishin të pakta. Sulmuesi mëngjarash u aktivizua në vetëm shtatë takime, shumica prej të cilëve nga stoli i rezervave.

Jo vetëm Milani, gjiganti botëror mendon për Zhegrovën

Sport Ekspres — Wed, 16 Jan 2019 10:33:57 +0000

Lajmi në mediat italiane, se Edon Zhegrova po shihet me imtësi nga drejtuesit e Milanit, bëri jo pak bujë. 19-vjeçari, sipas raportimeve të “Sport Mediaset”, shihet si zëvendësuesi ideal i Hakan Çalhanoglus, në rast largimi nga ky i fundit, por gjithsesi, së fundmi, është zbuluar se nuk janë vetëm kuqezinjtë në garë për mesfushorin.

Siç thuhet në mediat spanjolle, nuk është vetëm Milani në garë për Zhegrovën, pasi edhe Barcelona i ka hedhur sytë drejt talentit të përfaqësueses së Kosovës, i cili ka spitakur jo pak me fanellën e Genkut.
Drejtues të ekipit katalanas, pritet që ta shqyrtojnë si mundësi reale përforcimin e ekipit me një lojtar, i cili premton shumë për të ardhmen. Zhegrova u transferua në verën e vitit 2017 në radhët e Genkut, ku më parë ishte aktivizuar me St Truden.

E bujshme | Milani kërkon Edon Zhegrovën, shihet si pasues i turkut

Sport Ekspres — Tue, 15 Jan 2019 15:56:53 +0000

Prej kohësh po përflitet që Hakan Çalhanoglu do të largohet nga Milani, ku dëshira e turkut është që të rikthehet në Bundesligë dhe Lajpcig është shumë pranë arritjes së marrëveshjes për 22 milionë euro. Gjithsesi, duket se ekipi kuqezi e ka gjetur zëvendësuesin e 24-vjeçarit.

Siç raportohet së fundmi nga “Sport Mediaset” si dhe nga “Milan News”, si pasues i Çalhanoglus shihet shqiptari Edon Zhegrova. 19-vjeçari i talentuar, i cili luan me përfaqësuesen e Kosovës, ka spikatur me fanellën e Genkut, me të cilët aktivizohet prej verës së vitit 2017.
Skautë të Milanit, i kanë sugjeruar dyshes Leonardo-Maldini, “Mesin” e Kosovës, siç edhe është shkruar në mediat italiane. Tashmë, pritet për të parë zhvillimet e mëtejshme, ku do të ishte diçka e bujshme në rast se një transferim i tillë ndodh.

Fati i buzëqesh Zhegrovës, merkato e janarit sjell një lajm të mirë

Sport Ekspres — Fri, 23 Nov 2018 21:16:53 +0000

Edon Zhegrova nuk ka mundur të gjejë shumë hapësira gjatë këtij sezoni të skuadra e Genkut. Kryesuesit e kampionatit belg janë vënë nën presionin “etheve” që jep gara për titull dhe trajneri Filip Klement, ka vendosur t’i besojë vetëm lojtarëve me eksperiencë.

Por, merkato e janarit mund të ndryshojë rrënjësisht pozitat e 19-vjeçarit në stolin e Genkut. Shkak për këtë mund të jetë largimi i sulmuesit Leo Trosard, i cili është dhe konkurrenti direkt i Zhegrovës për një vend në formacionin titullar.

Sezoni i tanishëm i 23-vjeçarit ka impresionuar shumë klube evropiane. Trosard ka shënuar tetë gola në një 11 aktivizime në kampionatin belg. Në një deklaratë të fundit të agjentit të lojtarit, ai tha se për klientin e tij ka interes nga shumë ekipe angleze dhe ndër to veçoi Arsenalin si klubin që ka shfaqur interesin më konkret. Për të shitur kartonin e lojtarit përflitet se mund të mjaftojë një çek në vlerën e 20 milionë eurove.

Skandali në Belgjikë, në Serbi përfshijnë edhe Igli Taren

Sport Ekspres — Tue, 16 Oct 2018 09:02:22 +0000

Skandali i shpërthyer në Belgjikë mund të nxjerrë në dritë të tjera çështje dhe në një prej tyre mund të jetë i përfshirë edhe Igli Tare, drejtori sportiv i Lacios. Gjithçka lidhet me transferimin e Sergej Milinkoviç-Saviç, të cilin klubi italian e ka blerë nga Genku.

Edhe ky transferim po hetohet nga autoritet belge. Menaxheri i lojtarit të Lacios, Mateja Kezhman, është “shënjestruar” shkruan “Kurir”. E përditshmja serbe hedh dyshime mbi përfitimet e shumta të ish-futbollistit. Gjithashtu edhe klauzolat e shumta shtojnë dyshimet.

Në Belgjikë janë të shumtë menaxherët që po hetohen, për shkak të lidhjeve të ngushta me klubet. Milinkoviç-Saviç është ftuar të merret në pyetje, ndërkohë që ka pasur edhe arrestime. Mes tyre edhe një ortak i Kezhman, i cili është “zhdukur” për momentin.

Jo vetëm kaq, por “Kurir” shkruan se Kezhman në këtë histori ka përshirë edhe mikun e tij Igli Tare. Vlonjati, sikurse dihet, ka bërë shumë transferime nga Belgjika në Itali. Gjithsesi bëhet fjalë për aludime dhe mbetet për t’u parë se çfarë do të zbulohet nga skandali “Duar të pastra”.

Spektakolare, tifozët e Genkut lumturojnë djalin e portierit

Sport Ekspres — Wed, 15 Aug 2018 15:37:20 +0000

Genk fitoi ndeshjen e parë të turit të tretë të Ligës së Europës me polakët e Leç Poznanit, me rezultatin 2-0. Në përfundim të ndeshjes portieri i ekipit belg, Daniel Vukoviç, festoi me djalin e tij dhe tifozët.

Këta të fundit i dhuruan momente emocionuese djaloshit të vogël, duke e bërë të ndihej fëmija më i lumtur në botë. Gjest i bukur dhe emocione, sepse nuk ka më bukur se sa të lumturosh një fëmijë.

Portieri australian postoi videon në “Twitter”, ku shihet vogëlushi që feston me tifozët e Genkut. “Moment i veçantë me djalin tim”, shkruan gardiani 33-vjeçar.

Special moment with my boy!! ??? pic.twitter.com/QtE7MpkIyB

— Danny Vukovic (@vuka20) August 10, 2018