VIDEO | Felaini ja hedh paq, nuk ka dënim për faullin ndaj Genduzit

Sport Ekspres — Thu, 06 Dec 2018 20:14:13 +0000

Maruan Felaini çuditi të gjithë të pranishmit në “Old Trafford” me faullin e shëmtuar që bëri ndaj mesfushorit të Arsenalit Mateo Genduzi. Ndërhyrja është me të vertetë ironike, pasi mesfushori belg e ka pësuar të njëjtën ndërhyrje në kurriz të tij, vite më parë nga mbrojtësi gjerman i Leisterit, Robert Hut.

Kur të gjithë prisnin që Felaini të dënohej me të paktën tre ndeshje, ashtu siç e parashikon rregullorja, ajo që ka ndodhu i ka habitur të gjithë. Felaini nuk do të mungojë në asnjë ndeshje dhe për këtë e ka fajin gjyqtari i takimit Andre Marriner.

Gjithçka ka të bëjë me faktin se Marriner ka akorduar një goditje dënimi për rastin në fjalë. Në këto lloj rastesh, federata angleze nuk ndërmerr vendime për pezullime retrospektive, kjo gjë bëhet për të mos cenuar figurën e arbitrit.

Fillim katastrofik, por tek Arsenali kanë fituar një super talent

Sport Ekspres — Thu, 23 Aug 2018 12:34:11 +0000

Dy humbje të njëpasnjëshme ndaj Sitit dhe Çelsit, kanë bërë që situata në klubin e Arsenalit të jetë e zymtë. Por, pavarësisht rezultateve zhgënjyese tifozët e “topçinjve”, në dy ndeshjet e para është vënë re forma e mirë e talentit francez, Mateo Genduzi.

Vetëm 19-vjeç, Genduzi u mor ble për 10 milionë euro pas paraqitjeve të mira që tregoi me ekipin e Lorientit në divizionin e dytë francez. Fillimisht u mendua që mesfushori të huazohej përsëri në Francë, por paraqitjet e mira në ndeshjet përgatitore bën që ai të fitonte besimin e trajnerit Unai Emeri.

Dalja në skenë e Genduzit i ka prishur shumë punë blerjes tjetër të Arsenalit, Lukas Torreiras. Uruguaiani u ble për mbi 30 milionë euro nga Sampdoria dhe pritej të ishte një titullar i padiskutueshëm përkrah Granit Xhakës. Francezi e ka filluar me këmbën e mbarë te “topçinjtë”, të shohim se si do të vazhdojë historia e tij.