I pyetur në lidhje me vendimin, Gatuzo është shprehur haptazi që duhet të largohej edhe pse atij i dhemb shumë diçka e tillë. Gjithashtu, italiani tregon edhe se qëndrimi i tij te Milani nuk ka qenë kurrë një çështje parash, teksa Gatuzo do të heqë dorë nga një kontratë 2-vjeçare, ku do të fitonte diçka më shumë se 5 milionë euro.“Të lësh pankinën e Milanit nuk është diçka e lehtë për mua. Sidoqoftë, është një vendim që më duhet ta merrja. Ishin 18 muaj të mrekullueshëm në krye të ekipit që për mua nuk do të jetë kurrë si të tjerët. Ishin muaj që i jetova me pasion dhe ishin të paharrueshëm. Është një vendim shumë i dhimbshëm. Po heq dorë nga një kontratë 2-vjeçare? Po, sepse historia ime me Milanin nuk ka qenë kurrë një çështje parash!”

Në një prononcim për “MC Sport”, 48-vjeçari është ndalur te Juventusi dhe Milani. Ai dëshiron të shohë Xhan Piero Gasperinin në stolin e bardhezinjve. Trajneri i ka befasuar të gjithë me punën e madhe dhe futbollin holandez që po zhvillon me Atalantën e tij dhe e meriton një pankinë të madhe.

Nga ana tjetër trajneri i Milanit. Rinos ia vlerëson shumë punën, sidomos sinqeritetin dhe ndershmërinë. Situata është e komplikuar, por Tramexani shpreson që Gatuzo të vazhdojë të drejtojë Milanin, pasi futbolli ka nevojë për njerëz real si kalabrezi.

JUVENTUSI – “Mendoj se Gasperini do të ishte zgjedhja më e mirë për stolin e Juventusit, duke parë se çfarë ka bërë në vitet e fundit. Është italian, e njeh mirë futbollin tonë dhe e meriton një mundësi të tillë. Nuk do të ishte aspak rrezik, pasi Gasperini është më i miri në rritjen dhe përmirësimin e lojtarëve.”

GATUZO – “Rino ka krijuar një eksperiencë të madhe dhe Milani është shtëpia e tij. Nuk shoh ndonjë trajner tjetër që mund t’i sillte kuqezinjtë deri në këtë pikë. Ai ka bërë një punë të mirë dhe nuk e hedh poshtë mundësinë që të vazhdojë edhe sezonin tjetër me Milanin. E vlerësoj shumë sinqeritetin e tij, është shumë transparent dhe i ndershëm me veten. Futbolli ka nevojë për më shumë njerëz të vërtetë si Rino.”

NDESHJA – “Kemi marrë rezultate pozitive ndaj Empolit, Lacios dhe tani ndaj Sasuolos, por na duhet të bëjmë më mirë. Nuk jemi të qartë mjaftueshëm kohët e fundit. Kemi bërë mirë në mbrojtje, por mund të bënim më mirë kur kishim topin në këmbë.”

VENDI I TRETË – “Vendi i tretë nuk duhet të jetë një peshë për ne. Kemi përpara edhe 12 finale. Nuk dua të ekzaltohet asnjë, as tifozët dhe as lojtarët. Në rast se vazhdojmë kështu, ajo që po bëjmë nuk është e mjaftueshme. Nuk duhet të jemi të kënaqur vetëm duke mos pësuar gol, por të ndreqim edhe gabimet që bëjmë përpara.”

SUSO – “Me cilësitë e tij na dha shpesh epërsi numerike. Ka bërë një ndeshje të mirë sot edhe ka ndihmuar dhe prapavijën. Luajti mirë, për këtë arsye mendova të mos e zëvendësoja.”

Askush nuk duhet ta marrë lehtë kundërshtarin e radhës, për të cilin Gatuzo ka shumë respekt. Në konferencën për shtyp, trajneri i Milanit ndalet dhe te situata e ekipit të tij. Komplimentet nuk bëjnë për të, ashtu siç nuk vlen më të diskutohet për Gonzalo Higuain.

Në fund një koment për diferencën mes ekipeve italiane dhe atyre europiane, problemin e madh që ekziston në Itali, Atletikon e Madridit dhe gjestin e Diego Simeones, i cili ngjan shumë me Gatuzon në aspektin karakterial dhe emocional.

KUNDËRSHTARI – “Ndeshja me Empolin nuk do të jetë e lehtë. Ata kanë ndryshuar skemën taktike dhe nuk duhet t’i nënvlerësojmë. Ata kanë vlera të mira teknike, kanë një mbrojtje interesante, janë të rrezikshëm në goditjet standarde, kështu që duhet të jemi të kujdesshëm. Duhet të vazhdojmë të besojmë në gjithçka që bëjmë. Nuk duhet të mendojmë se gjithçka është e lehtë, sepse tani jemi në një formë të mirë.”

ÇALHANOGLU DHE PAKETA – “Dje shkova për të përshëndetur Hakanin me filxhanin e kafes në duar. Unë përpiqem të krijoj raporte me të gjithë futbollistët, jo vetëm me Çalhanoglunë. Gjithashtu përpiqem të përqafoj ato që kanë pasur pak mundësi të luajnë kohët e fundit. Ka shumë lojtarë, të cilët po stërviten me një dëshirë të madhe, pavarësisht faktit që nuk po luajnë. Paketa mund të luajë në të gjitha pozicionet. Do ta shohim nesër se si do të shkojë. Nëse nuk gaboj, kemi tre ndeshje në një periudhë të shkurtër kohe dhe duhet ta vlerësojmë situatën me kujdes. Dua t’u jap mundësinë disa lojtarëve që kanë luajtur pak kohët e fundit, por pa ndryshuar shumë. Gjëja më e rëndësishme është që të ruajmë entuziazmin në ekip. Një trajner duhet t’i marrë parasysh të gjitha aspektet.”

EKIPI – “Ne jemi një skuadër e re dhe ajo që është më e rëndësishme ka të bëjë me vendosmërinë që duhet të kemi në fushën e blertë. Hap tjetër i rëndësishëm për ne është ruajtja e vazhdimësisë. E bëj këtë punë, sepse më pëlqen. I di karakteristikat e mia dhe si të jap kontributin tim për ekipin. Ka shumë njerëz që janë jashtë nga këtu dhe lehtësisht kritikojnë një që punon. Zgjidhja është t’i injorojmë ata dhe të fokusohemi te detyrat që na janë ngarkuar.”

KOMPLIMENTET – “E përjetoj keq këtë situatë, pasi nuk preferoj asnjë kompliment. Më duhet të falënderoj skuadrën dhe stafin tim. Skuadra po bën mirë dhe po arrin gjëra të rëndësishme. E bëj këtë profesion sepse më pëlqen dhe besoj se di ta bëj. Nuk dua t’i dëgjoj fjalët bravo, bravo. Ndonjëherë arrijnë të masakrojnë dhe trajnerë, të cilët kanë fituar pafund si Ançeloti, Murinjo, Alegri… Futbolli kështu është. Ka shumë tifozë tastierash, por ne duhet të mendojmë për punën tonë, të rritemi ditë pas dite dhe të mos i kushtojmë vëmendje atyre që shkruhen dhe fliten.”

HIGUAIN – “Nuk dua të flas më për Higuain, le të flasim për ata që janë këtu. Për momentin kemi një sulmues, i cili po kthen në gola çdo top që i shkon në këmbë, por merita është e të gjithëve. Duhet t’u japim të gjithëve meritat që u takojnë, skuadra është e re dhe mund të rritemi akoma. E rëndësishme është që ka shumë dëshirë, duhet të kalojmë çdo pengesë dhe le t’i japim vazhdimësi rezultateve tona.”

TAKTIKA – “Diskutoj tre herë në javë me një trajner, Moraçen, i cili është shumë i përgatitur. Mendoj se në botën ku jetojmë ka shumë gra që marrin vesh nga futbolli. Bisedat për futboll me Karolinën (gruaja e Gatuzos) janë gjithmonë të hapura dhe interesante.”

DREJTUESIT – “Leo, Paolo dhe Gazidis janë një vlerë e shtuar dha janë treguar të aftë për të më rritur si trajner. Mes nesh ka diskutime dhe respekt. Ekziston një marrëdhënie e shkëlqyer dhe ka dakordësi mes nesh. Shpeshherë ka debate, por një gjë e tillë ekziston dhe në familje, është e pamundur të mos ndodhë në punë. Derbi? Nuk duhet ta mbajmë mendjen aty. Duhet të jemi të aftë të gjejmë përqendrimin e duhur dhe kundër Empolit dua të shoh Milanin e minutave të para kundër Kaljarit.”

CIKLI I RI – “Nuk arrij të mendoj aq shpejt, jam një person me këmbë në tokë. E ardhmja jonë ka të bëjë me rezultatet dhe punën e përditshme. Kemi disa lojtarë që u përfundon kontrata, por unë mendoj ditë pas dite dhe më duhet të përqendrohem për të dhënë maksimumin.”

DIFERENCA ME KLUBET EUROPIANE – “Nuk duhet të bëjmë vetëm lojtarët që të vrapojnë, por dhe topin. Kemi trajnerë të mëdhenj, por mendojmë se jemi një komb që nuk gabon kurrë. Përveç stërvitjes është shumë e rëndësishme dhe aspekti i çlodhjes së lojtarëve. Si futbollist nuk ndaloja kurrë së vrapuari, por në fund të sezonit mbërrija i sfilitur. Nuk duhet t’i masakrojmë lojtarët, pasi kanë shumë nevojë për pushim.”

ATLETIKO MADRID – “Ata janë një skuadër e vërtetë. Nuk është rastësi fakti që nuk pësojnë gol pothuajse kurrë. Atletiko është një skuadër shumë e komplikuar për ta patur përballë, krijojnë dhe të bëjnë të luash keq. Kjo është meritë e Simeones. Gjesti i Diegos? Si futbollist kam bërë dhe unë pafund gjeste të tilla. Nuk është diçka e bukur, por mund të ndodhë kur dikujt i vlon gjaku.”

E ARDHMJA  – “Futbolli ka ndryshuar dhe nuk mund të programosh asgjë. Duhet të kuptojmë se kush dëshiron të qëndrojë dhe kush, jo. Para 12 vitesh ishte e vështirë që një lojtar të largohej nga Milani. Me Leon dhe Maldinin jemi në duar të sigurta, ata dinë se si të lëvizin në merkato dhe kanë marrë dy lojtarë shumë të rëndësoishëm si Paketa dhe Piatek. Kështu që jemi në dua të sigurta.”

RIKTHIMET – “Zapata do të jetë gati pas një jave. Konti në sulm? Ai i ka karakteristikat për ta bërë një gjë të tillë, por dhe për të mbrojtur rezultatin. Kemi disa sulmues krahu, kështu që le ta lëmë në rolin e tij. Konti është i rëndësishëm për ne.”

Në një intervistë për mediat italiane, Lipi është ndalur dhe te momenti fantastik që po kalon Milani. Xhenaro Gatuzon e njeh mirë dhe puna e tij e mirë nuk e ka surprizuar aspak. Trajneri, i cili mbylli në janar aventurën me kombëtaren kineze, thur elozhe dhe për Piatek, të cilin e konsideron si qendërsulmuesin perfekt.

Në fund një koment dhe për Lukas Paketën, një tjetër lojtar që po befason me paraqitjet e dhuruara në fushën e blertë.

MILANI – “Skuadrat e Gatuzos nuk kanë vetëm grintë dhe cinizëm, por kanë dhe një organizim të saktë. Nuk jam i befasuar nga Gatuzo, sepse ai është një kampion absolut për të përfshirë emocionalisht ata që punojnë me të. Piatek? Nuk kam fjalë për të. Kur flitet për qendërsulmues, prototipi perfekt është Piatek. Ai është numri 9. Nuk ka frikë nga asgjë dhe bravo u qoftë Leonardos, Maldinit dhe Rinos për afrimin e tij.”

PAKETA – “Ai është një lojtar i aftë. Djali im më ka folur para dy vitesh për të. Nuk është normale që një futbollist të vijë nga kontinenti tjetër dhe të luajë gjithmonë titullar, madje pa pushuar fare.”

MOMENTI – “Ky Milan po e shijon veten, lojtarët janë entuziastë dhe janë të lumtur që luajnë dhe stërviten bashkë. Nuk duhet ta humbasim këtë moment. Ajo çka është më e rëndësishme, është se lojtarët po i vendosin në punë të gjithë kualitetet e tyre në punë dhe kjo gjë është e dukshme.”

PIATEK-PAKETA – “Piatek dhe Paketa duhet të jenë shumë të lumtur për atë çfarë po japin, por në qoftë se ata paraqiten mirë, kjo është edhe falë shokëve të skuadrës. Mendoj se këtë gjë e dinë edhe vetë ata. I gjithë ekipi po punon mirë dhe duhet të punojmë për të mbajtur këtë rendiment.”

ÇALHANOGLU – “Mendoj se në dy ndeshjet e fundit, Çalhanoglu ka filluar të na japë shumë kualitet. Përqafimi me të? I respektoj të gjithë dhe jemi shumë harmonik me njëri-tjetrin. Është detyra ime që të përgatis çdo lojtar për të dhënë më të mirën në fushë.

Xhenaro Gatuzo e di mirë vështirësinë e kësaj ndeshje dhe i bën thirrje ekipit të tij që të jetë i përqendruar dhe të zhvillojë një ndeshje të madhe. Trajneri i Milanit nuk i kursen elozhet për Atalantën, analizon situatën e ekipit të tij dhe prek disa tema gjatë konferencës për shtyp.

NDESHJA -“Nesër duhet të vëmë helmetat. Atalanta luan një futboll fizik, por dhe shumë teknik. Duhet të zhvillojmë një ndeshje të madhe. Jemi përgatitur me vendosmëri dhe përqendrim të madh gjatë këtyre ditëve. Duhet të shfaqim karakterin tonë. Duhet të jemi të gatshëm për ta, të luajmë mirë teknikisht dhe të mbajmë pozicionet tona. Ata janë të mirë dhe i sheh në zonë me 4-5 lojtarë, ndaj duhet të mbrojmë dhe të sulmojmë mirë. Duhet t’i luajmë këto lloj ndeshjesh, me qëllim që lojtarët të fitojnë eksperiencën e nevojshme për t’ia dalë mbanë”.

KUNDËRSHTARI – “Atalanta është unike në mënyrën e lojës, ndaj edhe duhet të jemi të kujdesshëm. Vetëm ata luajnë futboll me këtë lloj presingu. Duhet të zhvillojmë ndeshjen tonë dhe është një sfidë e rëndësishme. Gjithsesi ka edhe shumë ndeshje. Ata kanë shumë kualitete, që mund të na vendosin në vështirësi, por të njëjtën gjë duhet të bëjmë dhe ne.”

FRIKA – “Ata kanë shënuar disa gola me kokë, ndërsa ne vetëm një. Ata luajnë njësoj prej 3 vitesh. Njerëzit thonë që vrapojnë pafund, por ata kanë dhe shumë cilësi teknike.

GASPERINI – “Ai stërvit prej shumë vitesh dhe të bësh atë që po bën ai është shumë e vështirë. Pak skuadra arrijnë të luajnë këtë lloj futbolli që po bën Atalanta me Gasperinin.”

ROMANJOLI – “Ai është një kapiten i ri dhe po rritet shumë dhe në këtë rol. Ai respektohet kur flet, di si të fitojë dhe duhet të vazhdojë në këtë rrugë. Shumicën e kohës duhet të jesh koherent kur mban shiritin dhe të marrësh përgjegjësi, dhe Alesio e ka këtë cilësi.”

KALABRIA-RODRIGEZ – “Kanë shumë dëshirë që të punojnë dhe të përmirësohen. Nuk më pëlqen fjala ‘i paprekshëm’, pasi është fusha që flet. Momentet negative mund t’i ndodhin çdokujt, prandaj dua që të gjithë të jenë gjithmonë gati.”

PIATEK – “E prisja një lojtar të tillë. Ai nuk është një tip që flet shumë me fjalë, por flet me gola. Kristof më jep përshtypjen se lodhet në nxehjen përpara ndeshjes dhe dëshiron vetëm që të nisë ndeshja sa më shpejt. Ai ngjan shumë me Zapatën e Atalantës. Nesër duhet të jemi shumë të kujdesshëm ndaj Zapatës.”

MENTALITETI – “Ne duam të nisemi gjithmonë fort dhe po përpiqemi të bëjmë gjëra të reja. Fizikisht jemi mirë dhe duhet ta kemi të qartë mënyrën se si do ta vendosim Atalantën në vështirësi. Nesër duhet të shpenzojmë shumë energji, sepse ata nuk ndalen kurrë. Një fitore nesër do të ishte shumë e rëndësishme, por rruga është akoma e gjatë. Fitorja do të ishte e rëndësishme në aspektin psikologjik, por mungojnë dhe 15 ndeshje deri në fund të sezonit. Po sillemi si një ekip anglez, prandaj ju jap ndonjë ditë më tepër pushim ekipit.”

PAKETA – “Kur luajmë me skemën 4-3-3 janë shumë të rëndësishme inkursionet e mesfushorëve anësorë. Çalhanoglu dhe Paketa i shkëmbejnë mirë pozicionet e tyre, por duhet të bëjmë akoma më shumë në këtë aspekt. Sigurisht që mund të bëjmë më mirë me cilësitë e Paketës dhe Kesi.”

SUSO – “Unë bëj rolin e trajnerit dhe jo atë të drejtorit sportiv apo menaxherit. Lojtari e meriton rinovimin, por kjo është një çështje e klubit. Ka shumë respekt për Suson dhe ai po jep shumë për Milanin. Qëndroi 25 ditë pushim, por u rikthye menjëherë në dispozicion dhe është kthyer të ketë një këmbë të rëndësishme.”

BAKAJOKO-BILJA – “Bakajoko mund të luajë në mesfushën me tre, ndërsa Bilja duhet të qëndrojë në mes. Mund të luajmë dhe me dy qendërmesfushorë, por mes të dyve do të jetë francezi, ai që do të ndryshojë pozicion.”

TOPAT E LARTË – “Ne stërvitemi shumë në goditje e dënimit. Atalanta nuk shënon me kokë vetëm nga goditjet e dënimit. Nuk jam i kënaqur me ekipin në këtë aspekt, sepse kemi centimetra dhe lojtarë që dinë të godasin mirë me kokë. Ndoshta po stërvitemi më shumë seç duhet, por brenda zonës duhet të tregohemi të këqij.”

MILANI – “Gjëja që të mahnit më shumë është kur futesh në Milanelo dhe në San Siro, por hijeshia dhe organizimi i këtij klubi nuk kanë asnjë të metë. Lojtarët që vijnë te Milani e vënë re dhe kanë për detyrë që ta dërgojnë sa më lart këtë klub. Fati i një trajneri është kur ka në ekip 8-9 lojtarë koherencë të madhe. Një grup lind kur thuhen gjërat në fytyrë dhe ekziston respekti. Shumë prej djemve të ekipit po marrin përgjegjësitë e tyre dhe kjo është gjë shumë e mirë për të ringritur Milanin.”

NDESHJA – “Duhet ta nisim ndeshjen siç luajtëm deri në minutën e 50-të,  në ndeshjen e kampionatit, të tregojmë të njëjtin karakter. Në 30 minutat e fundit ne ndaluam së dribluari dhe humbëm terren. Kjo më pas lejoi Napolin që të tregonte të gjithë karakteristikat e tij. Duhet të kemi dëshirën për të luajtur dhe për të treguar veten tonë”.

PIATEK – “Më kujton shumë Tomasonin. Ka shumë karakteristika të veçanta. Jon-Dal Tomason nuk toleronte as në stërvitje. Piatek sapo ka mbërritur, por e pëlqej shumë. Është kurioz dhe shikon fotot në Milanelo. Ka dëshirë të vëzhgojë dhe të diskutojë. Kjo gjë është fantastike. Nëse do të jetë titullar nesër? Do të luajë ai ose Kutrone”.

ANÇELOTI – “Kam dëshirë që post-ndeshjen ta shpenzoj duke folur me stafin tim, sidoqoftë, gjithmonë mundohem të dëgjoj nga Karlo. E respektoj shumë”.

MARRËDHËNIA ME LOJTARËT – “Në momente të tilla, dua që të jem sa më afër lojtarëve dhe ata ta dëgjojnë zërin tim. Dua të jem afër ekipit edhe kur ata bëjnë nxemjen”.

MBROJTJA – “Gjithmonë punojmë për linjën tonë difensive dhe në direktivat mbrojtëse të mesfushorëve tonë. Besojmë shumë në atë çfarë po bëjmë”.

DIFERENCA MES JUVES DHE NAPOLIT – “Duhet eksperienca. Jemi një ekip me lojtarë të rinj dhe na duhet të luajmë ndeshje të tilla të mëdha, si ajo që kemi nesër. Për të rikthyer Milanin e madh na duhen performancë e mirë, lojë dhe mentalitet. Kohët e fundit e kemi treguar, por ka shumë ulje-ngritje, të cilat më shqetësojnë.”

BAKAJOKO – “Një ditë, një lojtar është asgjë, ndërsa ditën tjetër është fenomen. Dëgjoj shumë thashetheme, por ai duhet të vazhdojë kështu dhe të ndihmojë ekipin. Ai na krijojë epërsi dhe po na jep një ndihmë të madhe”.

DËMTIMET – “Kaldara dhe Bilja po punuan pjesërisht me ne ditën e djeshme. Mendoj se do të jenë gati për një javë. Jemi të lumtur që po rikthehen. Kanë një dëshirë të madhe për t’u kthyer në ekip dhe e kanë demostruar dhe me angazhimin e tyre në ditët e fundit.”

Trajneri – “Gatuzo është një trajner i shkëlqyer. Në përgjithësi kur luan, trajneri të pëlqen…por ai është i sinqertë. Kur është koha të punosh, do të punosh. Me të nuk mund të mos përqendrohesh. Në rast se ti nuk jep gjithçka, ai të bërtet. Gjithsesi, kur ne përfundojmë punën tonë, trajneri na lë të lirë për të bërë çfarë të duam”.

HIGUAIN – “Higuain është një kampion i vërtetë, një lojtar i mire dhe një profesionist i madh. Ne kemi shumë besim tek ai dhe e dimë që mund të na dërgojë përpara”.

“San Siro” – “Të luash në “San Siro” të jep emocion të madh. Kur mendon që po të shohin 70 mijë apo 80 mijë tifozë, të bën përshtypje. Milani ka një histori të pabesueshme dhe kur luan atje e ndjen. “San Siro” nuk është si stadiumet e tjera, është ndryshe”.

OBJEKTIVI – “Që në fillim të sezonit i kemi vënë si qëllim dhe objektiv vetes që të kualifikohemi në Champions League dhe do të bëjmë çfarëdolloj gjëje që është e mundur për ta arritur diçka të tillë”.

Për këtë arsye dhe ish-shoku i skuadrës te Milani, Andrea Pirlo, i ka dalë në krah Xhenaro Gatuzos. Ish-mesfushori ka folur për formën që po kalon ekipi kuqezi dhe italiani ka thënë se trajneri i Milanit e meriton të jetë në krye të stolit, sepse po bën gjithçka që “djalli” të paraqitet sa më mirë.

“Nuk kam dyshime, Rino meriton të qëndroje te Milani. Ai po bën çdo gjë që është e mundur, por për momentin është një situatë e komplikuar, kështu që për mua Gatuzo duhet të vazhdojë të jetë në krye të kuqezinjve”.

POZICIONI NË STOL – “Nuk mund të jem i qetë, pasi kemi që nga 2 dhjetori pa fitore. Në punën time është shumë e vështirë të jesh i qetë. Në qoftë se skuadra do të ishte kundër meje, unë nuk do të vazhdoja të isha trajner. Jam personi i parë përgjegjës për ekipin dhe e gjithë përgjegjësia është e imja. Nuk më pëlqen fjala i qetë”.

GOLI I ANULLUAR I FROSINONES – “Ashtu siç funksionon sistemi VAR, arbitrat do e kenë parë 3-4 herë. E kanë analizuar mirë. Ata do t’i kenë thënë arbitrit që ishte një faull i qartë. Në qoftë se do të ishte gjysme faulli, nuk do të ishte marrë vendimi për t’u parë në VAR aspak”.

NDESHJA – “Ashtu si shkoi loja, mendoj se barazimi ishte rezultati më i drejtë. Na u desh të përballeshim me një ndeshje të ndryshme, e cila shkoi mirë, pasi në rast se Donaruma nuk do të kishte bërë atë mrekulli në minutën e 90-të do kishim humbur. Pjesën e parë bëmë një lojë shumë të keqe. me Fiorentinën kemi luajtur më mirë. Sot i falëm një pjesë Frosinones, mund edhe të humbisnim. Duhet të marrim përgjegjësitë. Nëse do të shkosh në Champions, nuk mund të bësh paraqitje të tilla.”.

GJENDJA EKIPIT – “Shoh impenjim nga lojtarët. Disa prej tyre sakrifikojnë shumë. Po humbasim për arsye individuale. Kjo gjë më ka shqetësuar këto 20-25 ditë. Bakajoko dhe Kesi po bëjnë një punë të madhe, edhe pse Frenk nuk ka luajtur një ndeshje të mirë. Po na mungojnë lojtarët me teknikë”.

MUNGESA E GOLIT – “Për të shënuar duhet të futesh më shumë në zonë. Nuk kemi qenë të saktë, gabuam shumë. Nuk duhen parë vetëm rastet e humbura. Bëmë shumë gabime në pjesën e dytë.  Nuk mund të luajmë në një ndeshje të rëndësishme sikurse ne bëmë sot. Nuk mund të bëjmë dhurata të tilla. Nuk mund të pranoj paraqitje të tilla si në pjesën e parë.

ROLI I ÇALHANOGLU – “Ai duhet të qëndrojë pranë portës. Nuk e ka mbyllur asnjëherë topin e dytë, përfshihet pak. Sot ka ndryshuar shpesh, por ai është një lojtar që ka një mbajtje të mirë të topit dhe është një lojtar i rëndësishëm në këtë aspekt”.