Trajneri i ri Franko Lerda, zgjedhja e juaj apo e drejtorit Olsi Rama? 

Siç e dini, e ka thënë edhe drejtori, mbas ikjes së Gegës për një problem familjar mbetëm dhe bëmë disa interesime. E morëm italian sepse duam të arrijmë një nivel më lart sepse kuptohet për teknikën dhe të gjitha. Kishim disa trajnerë, por drejtori zgjodhi Franko Lerdën, të cilit unë i kam dhënë besimin e plotë. Mendojmë se do bëjmë një ekip më të mirë se sa e kemi pasur në aspektin taktik, rregullit dhe disiplinës.

Shorti në Champions me Karabak, do dëshironit një skuadër tjetër?

Kuptohet që Karabak është një ekip me më eksperiencë se ne. Ka shumë vite kampion i Azerbajxhanit, me kualitete të mira, ka qenë deri në grupet e Champions League.  Gjithsesi unë nuk kisha pretendim për ndonjë ekip tjetër sepse tek e fundit 11 me 11 luajmë. Unë kam besim te ekipi im, te stafi im, te drejtori. Me disa përforcime që do bëjmë, besoj se është i kalueshëm.

Kompleksi i Partizanit. Gjici ka thënë se stadiumi i Kukësit do përfundojë më shpejt. Keni një koment? 

Nuk e di çfarë ka thënë presidenti Gjici sepse atij stadiumin ia bën bashkia dhe federata. Ne si Partizanin po e bëjmë vetë. Unë nuk jam në garë se çfarë bën Gjici, unë shpresoj që ta mbaroj sa më shpejt.

Ka ndonjë datë se kur do të rinisin punimet?

Shpresoj shumë që kampionatin ta nisim te ky ministadiumi jonë.

Gega, përse u largua trajneri? Thuhet për arsye personale, por këto ditë ai është parë në Shqipëri… 

Trajnerin Gega e uroj për fitoren e titullit. Ka qenë një trajner i respektuar. Gegën e kam sjellë unë te Partizani. Kjo është hera e parë dhe e vetme që unë sjell trajner te Partizani. Kemi dhënë dorën si burrat dhe ka ardhur pa kontratë te Partizani. Pas disa muajsh me drejtorin Rama, pa më thënë mua, bënë kontratën. Që të jemi korrekt ajo kontratë u bë me të gjitha kushtet që donte Gega.

Më ka ardhur një ditë bukur, mbasi ka folur me drejtorin, për një problem familjar. I kam dhënë dorën dhe i kam thënë familja është mbi të gjitha. Kështu që ka qenë një ndarje xhentëllmenësh. Ka pasur vetëm një problem familjar. Asnjë prapaskenë tjetër unë nuk e di të ketë. E dija që ka ikur në Amerikë, ju po thoni që është këtu, nuk kam informacion. Megjithatë unë i uroj fat dhe gjithë të mirat. Nëse ikën në një skuadër tjetër,  pastë fat dhe ishalla mos të ketë ato problemet që më tha mua.

Tirana shumë aktive në merkato. Ka marrë dy lojtarë të Partizanit. Mendoni se do ndryshojë historia në derbi? Keni thënë që nuk fitojnë sa të jeni ju president… 

Tani, derbi dihet që është derbi. Unë i pari po gëzohem shumë që Tirana po përforcohet. Tek e fundit këto dy ekipe kanë qenë vlera e shumë viteve në kampionatin shqiptar. Me oshilacionet e të dyjave, sepse Partizani ka pasur të vetat dhe gjithashtu edhe Tirana. Për këto lojtarët që ka marrë nuk kam informacion sepse unë nuk i ndjek skuadrat e tjera. Derbi do të jetë prapë derbi, të treja rezultat janë brenda.  Besoj se ne do të jemi gjithmonë më të fortë.

Për merkaton. Flitet se do të afrohet Balaj dhe Ramadani

Në informacionin tim, sepse me këtë punë merret drejtori, e ka ekskluzive, e ka marrë vetë përsipër. Shpresoj se do sjellë lojtarë shumë të mirë të cilët besoj se do bëjnë diferencën. Është në punë çdo ditë për të sjellë lojtarë cilësor, siç e dinë të gjithë nuk është e lehtë sepse dihet opinion për Shqipërinë, megjithatë jemi në rrugë të mbarë.

Për dy prurjet nga kampionati shqiptar flitet se janë lojtarë shumë cilësor. Si Melo (Uilliam Kordeiro ashtu edhe ish-lojtari jonë që luante te Teuta (Hakaj). Drejtori është shumë entuziast për të sjellë disa prurje shumë serioze dhe shumë të forta.

Prej një viti pata nderin dhe privilegjin të drejtoj Partizanin, ekipin ku unë fillova dhe e mbylla karrierën si futbollist. Këtë sezon në krye të pankinës të ekipit Partizani ka qenë periudha më e bukur që unë kam përjetuar si trainer, e mbushur me plot emocione dhe kënaqësi. Mbas 26 vitesh ja arritëm të rikthejmë trofeun kaq të munguar.

Për arsye personale kam vendosur të mos të jem më në krye të pankinës.

Dua të falenderoj:

Klubin Partizani,

Presidentin Demi për besimin dhe mbështetjen e tij gjatë gjithë kohës.

Drejtorin Olsi Rama për bashkëpunimin.

Të gjithë stafin, ekipin për punën dhe mbështetjen, për kënaqësin që më dhuruan.

Tifozët e mrekullueshem të Partizanit për mbështetjen.

Gjithashtu dua të falënderoj mediat dhe gazetarët sportiv.

Ju uroj të gjithë kolegëve të mi trajner suksese !

Me shume respekt, Skënder Gega

Klubi i Futbollit Partizani, 16 herë kampion i Shqipërisë, falenderon trajnerin Skënder Gega për punën e kryer gjatë sezonit të tij të parë në krye ekipit. Trajneri Gega, falë kontributit, punës, përkushtimit dhe disiplinës arriti të krijonte një grup triumfues duke fituar respektin e lojtarëve, stafit, drejtuesve dhe tifozëve të shumtë të Partizanit. Klubi saktëson, se Gega ishte nën kontratë dhe për sezonin e ardhshëm, por për arsyet e tij personale ka vendosur të ndërpresë me mirkuptim kontratën me klubin për të mos e vijuar punën e tij në drejtimin e ekipit.

Presidenti Gazment Demi, Drejtori Olsi Rama, si dhe stafi e lojtarët dëshirojnë të falënderojnë Skënder Gegën, i cili pas suksesit si lojtar, dha kontributin e tij që trofeu më prestigjioz futbollistik në Shqipëri të kthehej në shtëpi pas 26 vitesh. Klubi duke falënderuar dhe një herë trajnerin Gega për emocionet dhe performancën e shkëlqyer që ekipi rregjistroi në drejtim e tij, i uron njëkohësisht dhe suksese të mëtejshme në jetë dhe karrierë.

Strategu 55-vjeçar iu bashkua “Demave të Kuq” në fillim të sezonit që sapo u mbyll, duke bërë një punë shumë të mirë dhe duke rikthyer titullin kampion në kampin e kuq, pas 26 viteve mungesë.

Me plot 70 pikë, Gega shpalli Partizanin kampion të Shqipërisë. Në 36 javë kampionat, të besuarit e Gegës morën 20 fitore, 10 barazime dhe vetëm 6 humbje.

NDESHJA – “Pjesa e parë tregoi që është një ekip i ardhur një orë e gjysmë përpara me autobus, ishim të lodhur. Pjesën e dytë, bëmë disi më mirë. Në fund, Çinari e mbylli ashtu siç di ai”.

EUROPA – “Kemi filluar të mendojmë për Europën. Po punojmë me klubin jo vetëm për Europën, por dhe për kampionatin”.

TELUSHI DHE TRASHI – “Unë që të jenë kënaqur me ndeshjen. Janë profesionistë dhe mes Tiranës, Flamurtarit e Partizanit ka lidhje historia. Unë nuk pata mundësinë ta shikoj takimin mes Tiranës dhe Flamurtarit, pasi isha i zënë në Gjirokastër”, përfundoi Gega.

“Siç e thashë në konferencë dje, kemi punuar gjatë gjithë javës që ky grup të aktivizohej. Aktivizuam lojtarë të rinj dhe ata që nuk kanë pasur shumë minuta. U ndëshkuam pikërisht te lojtarët e rinj. Qëllimi ynë ishte t’i jepnim mundësinë lojtarëve që nuk kanë luajtur shumë ktë sezon”.

“Këto ndeshje që kanë ngelur, do të mundohemi të jemi jashtëzakonisht të kujdesshëm, deri sa të bëhet grupi final për Champions. Sot i lamë të luajnë të lirë, pa presion. Do të jemi shumë të kujdesshëm dhe çdo ditë do të jemi duke punuar”.

“Është te perceptimi dhe e drejta e çdo njeriut për të më kritikuar. Unë jam i pari i shtëpisë dhe jam munduar që nga dita e parë, deri më sot, të marrim maksimumin. Në fakt, nuk ka hapësira më të mëdha dhe më të përshtatshme që të provoj lojtarë të rinj deri sa të kishim fituar kampionatin. Çdo lojtar ka djersitur si Trashi, si Telushi, por nuk kanë pasur shumë mundësi”.

“Teuta është një ekip i mirë dhe deri para pak javësh ishin pretedentë për titullin kampion. Në Durrës kemi bërë një ndeshje shumë të mirë, spektakolare në pjesën e dytë. Por sot ishte situatë e ndryshme. Besoj se arsyeja është se një pjesë e madhe e këtij grupi nuk është në një nivel me Teutën, prandaj nuk kanë pasur dhe hapësira”, përfundoi Gega.

MENAXHIMI I LOJTARËVE NGA GEGA – “Mbaj mend kur ishin në fazë përgatitore në Ohër, ai nuk filloi menjëherë ta na bënte stërvitjen, por organizoi disa mbledhje tek e tek. Pyeti çdo lojtar për vështirësitë që kishte pasur në sezonin e kaluar, unë i tregova për problemet që hasa me fizikun, pata shumë dëmtime. Ai diti si të fliste me lojtarët, na kuptoi çfarë karakteresh kishim. Me disa sillej sikur e kishte shok, me disa të tjerë sikur i kishte fëmijë”.

GARA ME RIVALËT – “Në fillim të sezonit Flamurtari ishte një ekip shumë i mirë, por filluan problemet financiare. Pas disa javësh rivali kryesor ishte Kukësi. Ata na kanë motivuar, i falënderoj me deklaratat që kanë bërë: “Jo gjunjtë, jo biçikleta”. Ndonjëherë kur të mungon karikimi, këto deklarata të karikojnë”.

TIRANA DHE DËSHTIMI NË DERBI – “Normalisht që kjo ndikon. Me kaq shumë kohë sa ka Tirana pa fituar, shtohet presioni pasi kërkon medoemos fitoren. Dihet që presioni i tepërt të bën keq në ekip. Unë mendoj se Tirana gabimin e ka bërë që në fillim. U frynë shumë, me foto etj. . E kam provuar vetë te Flamurtari në 2015-ën. Ekip me emra shumë, por 0. Edhe Partizanin në sezoni e shkuar. Futbolli i sotëm duhet të kesh një grup shumë të fortë që të arrish te suksesi. Vetëm Mesi dhe Ronaldo janë të aftë të marrin ekipet përdore”.

FILLIMI I SEZONIT – “Titulli kampion nuk ishte objektiv. Kjo ka bërë dhe mirë për grupi, pasi nuk ishte ai presioni: ‘O kampion o s’ka’. Pas javës së 10-të grupi filloi ta kuptonte se titulli ishte i mundshëm”.

PREMIO E TITULLIT – “Jemi ulur me presidentin dhe na ka thënë: Djema mendojeni vetë shifrën e premios. Gjithsesi ne lojtarët ende nuk jemi mbledhur që të vendosim për këtë gjë”.

I pyetur nga drejtuesi i emisionit, nw lidhje me banderolën “Kampion me VKM” të bërë nga tifozët e Tiranës, Telushi tha:“Ne e kemi treguar në fushë që kemi marrë çdo gjë me meritë. Olsi Rama ka qenë një ndër personat që gjithmonë më ka udhëzuar të jem i qetë me arbitrat në çdo rast. Mbaj mend gjatë derbit, tifozët e Tiranës se ç’kishin një shprehje për Erion Braçen dhe tifozët në krahun e Partizanit filluan të acarohen dhe shajnë, Olsi ishte i pari që u ngrit dhe filloi të qetësonte tifozët”.

“Kam bërë detyrën time ashtu siç e bëja dhe me Vllazninë. Ne shkodranëve na ecën me skuadrat e kryeqytetit. Edhe Kukësi ka bërë një sezon të mirë, por ne kemi gabuar më pak”

TITULLAR PREJ MUNGESAVE –“Nuk e di a do të luajë nëse s’do të ishin mungesat. Mua mbetet të bëj punën time dhe besoj se kam justifikuar çdo herë që jam futur. Ky vendim është i trajnerit, nuk më takon mua”.

“Edhe golat me Vllazninë kanë pasur vlerën e tyre të veçantë, por dy golat në derbi ishin për titullin dhe prandaj më kanë shijuar më shumë”, përfundoi Çinari.

ÇINARI – “Jam krenar dhe shumë i lumtur për Çinarin. Në fillim s’kemi pasur shumë mundësi t’i japim minuta pasi kemi pasur në sulm një treshe të shkëlqyer, por në fund durimi fiton”.

FESTA NË FUND – “Nuk po dija nga të shkoja kur mbaroi ndeshja. Doja të përfaqësoja tifozët, lojtarët, stafin të gjithë, thjesht s’dija çfarë të bëja”.

MOMENTI MË I VËSHTIRË –“Ndeshja me Luftëtarin ka qenë një zhgënjim për mua. Ishin tri ndeshje rresht, që vetëbesimi na u kthye ne mosbesim. Ai ka qenë momenti më i vështirë i gjithë sezonit, për fat ndeshjen tjetër reaguam dhe çdo gjë u harrua”.

“Ndjej qe lojtarët më duan jashtë fushe, ndërsa unë i dua akoma dhe më shumë. Në momente të vështira u jam gjendur pranë”, përfundoi Gega.

Në emisionin “Gol pas Goli” trajneri i të kuqve pranoi se fundi i kampionatit sjell që skuadra të bëhet nervoze, ndërsa shtoi se çdo kush ka të drejtë të kërkojë llogari te trupa e gjyqtarëve përsa kohë nuk kalon limitet.

ARBITRIMI – “Secili i shikon gjërat me perceptimin e vet. Ne që jemi aty në fushë, i shohim gjërat dhe i krahasojmë me atë që presim nga gjyqtari. Megjithatë, të kërkosh llogari për gabimet, por mos të kalosh limitin, është diçka krejt normale. Patjetër që ka nervozizëm, pasi jemi në fund të kampionatin. I marr unë përsipër pjesën time që më takon, për gjyqtarin patjetër që ka limite për të bërë ankesa. Unë gjithmonë i jam shmangur gjyqtarëve. E mbani mend shumë mirë në Laç çfarë ndodhi, por u solla “Fair Play”. Unë kam të drejtën e plotë ta pyes çfarë po ndodh”.

ZGJIDHJA E NDESHJES – “Nuk besoj se është te karikimi sa është te presioni që po krijohet. Ne mundohemi t’i zgjidhim gjërat sa më shpejt. Jemi në limite të gabimeve dhe nuk u treguam të vëmendshëm. Laçi shfrytëzoi rastin që pati. Pas golit, bënë të pamundurën të ruanin rezultatin. Ne i aktivizuam të gjithë lojtarët që kishim në dispozicion. Por gjërat nuk shkuan në favorin tonë. U munduam të marrin krahët, por ata u kthyen në mbrojtje dhe u mbyllën mirë, ishtë e vështirë për ne”.

MESFUSHA – “E filluam me 4-1-4-1. Mala ishte mbështetës dhe Bardhi sulmues kryesor. Pastaj kaluam me 4-2-3-1, kaluam Mensah pas sulmuesit. Është shumë e vështirë të krijosh raste në kampionatin shqiptar, sidomos kur një ekip kundërshtar të mblidhet mbrapa. Me hyrjen e Telushit dhe me shtyrjen para të Asanit dhe Trashit, bëmë shumë mirë, por nuk arritëm të merrnim maksimumin”, u shpreh Gega.

PËRBALLJA ME TRAJNERIN QË E AFROI TE PARTIZANI – “Normalisht çdo ndeshje ka vështirësitë e saj. Është kënaqësi të flasësh dhe të takosh profesor Starovën. Por të them të drejtën nesër jemi të përqendruar për të arrtur objektivin për nesër dhe ndeshjet në vijim. Nuk është se kam ndonjë ndjesi të veçantë.”

E KISHTE MENDUAR KALARI TITULLIN – “Objektivat e Partizanit gjithmonë kanë qenë për tituj. Gjatë kampionatit të parë dhe shumë të tjerëve në vazhdim nuk kemi arritur ta fitojmë dhe për këtë më vjen keq. Këtë vit jemi në rrugën e duhur dhe shpresoj që të dalim kampion. Normalisht kur ka nisur kampionati kemi pasur një objektiv. Se si shkojnë gjërat deri në fund nuk i dihet, por kemi ecur mirë deri tani. Kemi bërë shumë pak gabime. Edhe kur kemi bërë gabime që ndodhin në ecurinë e kampionatit, presori na ka bërë të kthehemi direkt në rrugën e duhur.”

TËRHEQJA NGA FUTBOLLI SI KAMPION – “Shpresoj që ta fitojmë titullin në radhë të parë. Sinqerisht nuk e kam menduar ta mbyll karrierën. Jo vetëm për pasionin dhe dëshirën, por edhe për atë që bëj në fushë. Nuk kam dëshirë të zvarritem, në mometnin që e shoh që nuk jam për këtë nivel do heq dorë.”

PËRBALLJA ME LAÇIN NË SHTËPI – “Fusha normalisht që ndikon, plus që kemi tifozët që shpresoj të jenë të shumtë. Gabimet që janë bërë kundër nesh nuk na ka interesuar shumë, pasi ka ardhur ndeshja e radhës. Profesor Gega këtë vit na ka mësuar që duhet të merremi me fushën dhe me asgjë tjetër.”

SHPALLJA KAMPION NË DERBIN NDAJ TIRANËS – “Kënaqësia që të jep titulli kampion është shumë më e madhe se sa fitimi i një derbi. Duke marrë parasysh që kemi marrë shumë suksese në derbi gjithë këto vite na është bërë normale. Shpresoj që të arrijmë titullin dhe më pas derbi është në plan të dytë. Primar është titulli. Unë personalisht mendoj dhe besoj që Tirana nuk do e diskutojë rënien, gjithsesi nuk na intereson kjo pjesë. Kur të vijë derbi do mendojmë të bëjmë maksimumin dhe ta fitojmë siç kemi bërë gjithë këto vite.”

“Kemi bërë një kampionat shumë të mirë. Merita është e të gjithëve jo vetëm e imja. Të gjithë kemi bërë maksimumin që të jemi në vend të parë”

“Jemi përmirësuar të gjithë jo vetëm unë. Në ndeshjet trajneri na jep detyra të vështira, por duke thënë maksimumin kemi arritur t’ia dalim të fitojmë shumë herë. Kthimin në mbrojtje e kam pasur shumë problem, por ardhja e trajnerit Gega  më ka ndihmuar shumë”

“Kemi edhe shtatë ndeshje. Duhet t’i marrim ngadalë ngadalë një nga një, pasi akoma nuk kemi mbaruar. Sipas meje duhet të japim maksimumin dhe këto katër ndeshje”, përfundoi Asani.

FITORJA – “Fituam se fitoi Kukësi (qesh). Javën e kaluar, ishte presion, që ndoshta na vuri gjumë. Kthehem mbrapsht te Gjirokastra, pasi gabuam shumë pak. Kemi gabuar 5 ndeshje për 3 faza dhe kjo gjë na vuri në presion pak. Fitorja e Kukësit na bëri mirë dhe jemi përgatitur shumë mirë. Jemi të përgjegjshëm se nuk jemi perfekt, edhe sot nuk ishim perfekt, por dhamë maksimumin dhe u shpërblyem. Goli i Rexhepit? Për mua është faull, ka vendosur duart te kundërshtari”.

FAMILJA – “Unë jam i sigurt dhe të humbësh në futboll, nuk është turp, por një ngecje dhe diçka që tregon që nuk e ke bërë mirë punën. Fjala turp më vret. Nëse rëndohesh për diçka që nuk e ke bërë mirë, është diçka jo e mirë. Pas humbjes së parë me Gjirokastrën, reflektuam dhe mund të merrnim më shumë kundër Kukësit. Humbja në kampionat ishte pjekuri për ne. Jam munduar t’i mbroj lojtarët, janë pjesë e familjes time. Atanda gaboi në tre raste dhe gjatë analizës kam bërë të gjithë ekipin fajtor, jo vetëm Atandën. Jam besimplotë se ky ekip nuk ka ardhur këtu ku është pa meritë. Kemi mundur shumë rivalë, kemi gabuar në disa momente të vogla. Shpresoj që deri kur të vijë ndeshja e radhës, të jemi qartësuar dhe të tregojmë karakter, në mënyrë që të bëjmë sa më mirë”.

GRUPI – “Ne kemi një grup të shëndoshë, kemi dhe tifozë shumë të shëndoshë. I druhesha mediave online, duhej t’i ruhesha këtyre, pasi flasin fjalë të paqena. Jam munduar t’i mbaj lojtarët afër dhe të kalojmë çdo periudhë negative”.

KUKËSI – “Nuk i kemi në dorë humbjet apo fitoret e Kukësit, por në këtë periudhë që është kampionati, çdo ngecje e Kukësit na ndihmon dhe na shtyn edhe më shumë afër objektivave tanë”, përfundoi Gega.

Pjesa më e madhe e pyetjeve u fokusuan te humbja në fundjavë ndaj Luftëtarit, të cilën Gega e konsideroi si një gabim, ndoshta i ndodhur dhe për shkak të humbjes së Kukësit ndaj Kastriotit, një rezultat ky që uli agresivitetin e skuadrës së tij.

REAGIM PAS HUMBJES – “Kemi bërë një analizë të hollësishme. E rëndësishme është që të ndërgjegjësohemi dhe e dimë që kemi gabuar në një moment jo të përshtatshëm. Ishte një rezultat i papritur. Tifozët e klubit kishin pritshmëri të mëdha, mirëpo ky është futbolli. Besoj se me Skënderbeun s’do të ketë të njëjtat gabime”.

HAMENDËSIMET TOLERIM –  “Varet se kush hamendëson. Nëse dikush ka shumë argumente teknike, jam i gatshëm të ulem në tavolinë e të ballafaqohem me çdo njeri. Unë e di sa fort ka luftuar ky klubi e ky grup për të qenë në këtë pozitë ku ndodhemi. Shqiptarët përflasin e paragjykojnë edhe kampionatet e huaja. Megjithatë, ne jemi të ndërgjegjshëm për atë që bëjmë. Respektojmë çdo opinion, por në fund fare njohim e respektojmë veten më shumë se të gjithë të tjerët”.

 “Lojtarët janë profesionistë. Nga java në javë përflitemi se jemi cinik e nuk shënojmë shumë gola. Kur shënojmë thuhet se është faji i mbrojtësve kundërshtarë, këtë radhë është faji i dikujt tjetër. Ka dhe tetë javë, hallet i heqim bashkë, ndërsa festat do i ndajmë me të tjerët. Pata shumë keqardhje që ndodhi kjo humbje, por ju keni parë dhe ligat e tjera evropiane, ka surprizat. Për fat keq na ndodhem dhe ne. Do mundohemi ta korrigjojmë për tifozët.

NDIKOI HUBMJA E KUKËSIT – “Ishte një entuziazëm brenda ekipit për humbjen e rivalëve. Ndoshta ka ndikuar, ndoshta kanë menduar se ka qenë më e lehtë dhe është ulur ritmi, por është diçka që ka kaluar. Tani mundohemi të shikojmë përpara. Unë nuk kam probleme me oraret e ndeshjeve. Do mundohemi të jemi më të qetë e të bëjmë lojën tonë”.

PËRGJEGJËSITË – “Unë jam i përgatitur për çdo situatë. Unë marrë përgjegjësitë për humbjen dhe për atë që ndodh te Partizani. Do jem gjithmonë i njëjti deri në fund. Teknikisht do mundohem të korrigjohem aty ku gaboj”.

PARTIZANI NË KRIZË – “Në fazën e parë morëm 22 pikë, 15 të dytën, ndërsa të tretën 17. 2 Humbjet në Kupë e kampionat bëjnë që të duket sikur është një minikrizë. Është një periudhë e keqe, aq më tepër që humbja e kundërshtarit direkt uli agresivitetin e ekipit. Janë eksperienca, nesër kemi përballë një ekip të fortë e duhet të përgjigjemi fort kundër tyre”.

DËMTIMET – “Në 10 ditë, 6 dëmtime, asnjë ekip nuk i ka pasur. U munduam që të grupi tjetër që do t’i zëvendësojë të ketë besimin e duhur. Për fat të mirë janë kthyer 2 ose 3 lojtarë të rëndësishëm. Skënderbeu ka pasur pushim këtë fundjavë nuk e di a ndikon për mirë ose për keq”.

GJENDJA E BARDHIT DHE HEBAJT – “Bardhi është shumë mirë se sa ka qenë, ndërsa Hebaj vazhdon të testohet. Akoma nuk i është bashkuar grupit, por të presim deri nesër. Është diçka që vendoset 1 orë para ndeshjes”.

ATANDA – “Atanda ka bërë një sezon të jashtëzakonshëm. Është përfolur nga specialistë e dashamirës për një gabim që ka bërë, nëse Atanda është pjesë e gabimit, unë mendoj se i gjithë ekipi është pjesë e gabimit. Edhe Alban Hoxha ka gabuar, askush nuk është perfekt. Atanda në dy rolet edhe si mbrojtës edhe në mesfushë është vlerë e shtuar e ekipit, e ka besimin tim të plotë. Kur erdha unë Atanda ishte me çantë në dorë, vinte pas një sezoni jo të mirë e jo aktiv. Ndoshta sot ka bërë sezonin e tij më të mirë”.

“Derisa të mbarojë momenti i fundit jemi në lojë. Asgjë s’ka mbaruar. Kemi edhe nëntë finale. Kjo është një finale e kësaj jave. Skënderbeu përbën interes pasi janë ekipi kampion.

PA DERBI VITIN TJETËR ? – “Unë personalisht them se derbi është aset i jetës shqiptare, jo vetëm i jetës shqiptare. Uroj që Tirana të jetë gjithmonë në derbi, ndërsa Dinamo nuk ekziston. Është për të ardhur keq nëse mendohet. Nëse dikush gëzohet se kampionati shqiptar nuk e ka elitën e ekipeve me traditë atëherë e zbeh dhe e nxin futbollin. Uroj që të kthehet edhe Lushnja edhe Elbasani e Vllaznia, që jeta e sporti të jenë më mirë”.

“Humbja e Kukësit? E morëm më tepër se seriozisht. Ndoshta presioni, sepse donim që gjerat të shkonin mirë. Kur ke presion edhe gabon. Pjesa e parë ishte e dobët, edhe pse ata nuk bënë presion. Nuk patëm forcën e duhur. Lëvizëm në pjesën e dytë, por ishim të zbehtë në sulm. Mundësitë që pati, Luftëtari i realizoi”.

“Nuk ishin shumë më mirë, por e zgjidhën më mirë. Mbrojtja ka qenë reparti më i mirë, por sot pati përqendrim. Nëse shikon golat, kemi gabuar. Gabuan ata që nuk e kanë bërë zakonisht”.

“Nuk kemi bërë spektakël, sot gabuam në rreshtim. U gabua në qendër dhe çdo gjë shkon drejt portës. U ndëshkuam në moment jo të përshtatshëm. Ne kemi qenë cinikë nga fillimi i kampionatit. Jemi munduar t’ua shpërblejmë tifozëve. Në futboll ka momente të veçanta që me tre gabime dënohesh tre herë. Është një zhgënjim por, nuk jemi klubi i parë në planet që na ndodh. Nuk kthehet gjë mbrapsht dhe në vazhdim të marrim përgjegjësitë. Nga unë i pari. Lojtarët janë këta që na kanë çuar 9 pikë para Kukësit. Hodhëm në fushë gjithë arsenalin. Nuk u bë interpretimi i duhur në fushë dhe ndodhi ajo që ndodhi”.

KUPA – “Nuk është mirë të eliminohesh nga Kupa. E filluam keq në Tiranë dhe e mbaruam këtu. Nuk është se erdhëm pa dëshirë për të fituar. Gjirokastra u lirua te penalltia. Pasi pësuam iu munduam të reagonim. Gjithsesi, kjo gjë mbaroi tani dhe ne fokusohemi te kampionati”.

KAMPIONATI – “Do të jetë një ndeshje totalisht ndryshe. Në kampionat e kemi treguar se jemi të fokusuar 100%. Humbëm në ndeshjen e parë dhe këtu në Gjirokastër. Ekipi duhet të jetë i fokusuar tek ndeshjet e radhës dhe të ruajmë vazhdimësinë në kampionat”.

FIZIONOMIA E LOJËS – “Trashi është një emër që është përfolur si mesfushor. Deri më tani, është përdorur si mbrojtës, por me tipare sulmuese. U munduam ta linim në mes të fushës dhe të jetë më i fokusuar te sulmi, nuk funksionoi. U munmduam të qarkullojmë dhe të gjejmë hapësira, zona boshe, por nuk arritëm të japim më të mirën”.

MESFUSHA – “Kam provuar disa lojtarë në qendër të mesfushës. Nganjëherë, bëjmë disa eksperimente. Unë i shoh gjërat me detaje, me hollësi. Telushi dhe Hila kanë diçka ndryshe, janë agresivë. Trashi dhe Atanda janë të ndryshëm”.

ASANI – “Unë në fakt nuk e pashë sepse isha me fytyrë nga fusha. Dëgjova një zhurmë, nuk e di me kë e ka pasur. Besoj e ka pasur me veten. Është një lojtar që ka kontribut dhe do fitoren. Ndonjëherë, dëshira dhe mundësitë janë larg. Jemi në punë dhe në punë ka situata stresuese: Godet tavolinën, karrigen. Por ai është mirë, nuk ka pësuar asnjë dëmtim” tha Gega.

FESTA PAS NDESHJES – “Dua të falënderoj të gjithë tifozët, pasi pavarësisht vështirësive, nuk na lanë vetëm. E ndjemë mungesën e Telushit dhe të çdo njeriu që nuk ishte në fushë sot. Kjo fitore është dhe për ta. E patë dhe ju që nuk kemi të njëjtin nivel me lojtarë që na mungojnë. Hila sapo është rikthyer nga një dëmtim. Megjithatë, grupi ia doli dhe falë grupit, morëm një pikë, që për ne është shumë e rëndësishme”.

PRESIONI – “Jam munduar të mos e shfaq te lojtarët presionin. 2-3 lojtarë isha të qetë, pasi vinin nga ekipet kombëtare. Në momentet e fundit e mora vesh që Mala ka pësuar një dëmtim. Për fat të keq nuk arriti të jetë pjesë e grupit. I dhamë shansin lojtarëve të tjerë, që bënë një punë të mirë”.

TITULLI – “Unë besoj se duhet marrim ndeshjet me radhë. Matematikisht, nuk ka mbaruar asgjë dhe duhet të jemi me këmbë në tokë. Bëmë një ndeshje shumë të mirë kundër një rivali që duhet respektuar maksimalusht, pasi kanë një grup shumë të fortë. Ne jemi me këmbë në tokë dhe besoj se kemi ende rrugë për të bërë. Do të kisha dëshirë për t’u qetësuar, por kemi një ndeshje Kupe dhe me problemet që kemi me dëmtimet, kalendari na duket shumë i ngjeshur. Edhe në ndeshjen e sotme u sforcuam shumë dhe jam i lumtur që nuk dolëm pa pikë”.

BONUS – “Bonusi i takon ekipit, lojtarëve, atyre që luajtën për vëllezërit e tyre që mungonin. Nuk e kemi luksin të luajmë pa Malën, Telushin dhe Hebajn. Problemi im është që sa më shpejt të rikuperohemi dhe të bëjmë mirë nga sot e tutje”.

SKEMAT – “Unë mendoj se Kukësi në 5 minutëshin e parë kapi mesin e fushës. Nuk pati surpriza, pasi ne e dinim që nuk do të luanin me dy sulmues. Ne iu lejuam hapësira në mesfushë dhe si pasojë, u munduam të mbroheshim me forca të shumta. Me pak fat, mund edhe të fitomin. Ashtu siç erdhi ndeshja, morëm më të mirën”.

TITULLI I SIGURUAR? – “Unë jam trajneri më i vjetër në moshë në Superligë por nuk kam më shumë vite këtu. Të jem i sinqertë, 9 pikë më duken shumë pak. Në ndeshjen e fundit me Gjirokastrën, do të doja të ishim 7 pikë para (qesh).

KOMENT PËR BUSHIN – “Në mëngjes e lexova çfarë tha Bushi dhe u shqetësova pak. Mala ka respektin tim më të madh dhe nuk është abuzues. Nga kjo u preka dhe u mundova ta telefonoj Bushin. E mora në telefon si ish-koleg dhe më tha që gazetat kanë punën e vetë. Ai e di që Mala është një njeri që do i bëjë shumë punë futbollit shqiptar. Unë kam respekt për të gjitha gazetat dhe nuk doja të ndryshoja opinionin. Unë thjesht e mora në telefon dhe u sqaruam. Të jem i sinqertë, është diçka që ndodh, por e rëndësishme është që Mala është ai që është dhe si çdo ekipi shqiptar, dhe Shpresave iu uroj shumë suksese”, përfundoi Gega.

“E prisja që të rikthehesha sa më i fortë. Nuk e kisha menduar që do shënoja, sidomos ndaj Teutës. Humbja e Kukësit na motivoi, tani pas kësaj fitoreje jemi shumë më të qetë”.

“Penalltitë janë caktuar Telushit dhe Asanit, me sa di unë do e gjuante Asani, por kisha një dedikim për djalin tim që është 4 muajsh dhe Telushi dhe Asani s’kishin si të ma refuzonin këtë kërkesë”.

“Unë e kisha deklaruar më parë që s’do të festoja, por ndoshta dhe nga fakti që jam rikthyer nga dëmtimi më emocionoi shumë. Në një moment s’po dija çfarë të bëja të festoja ose jo”.

“Kur je në një ekip të madh si Partizani ke objektiva për kupën e titullin kampion. Sezonin e kaluar te Teuta e nisëm mirë, por më pas gjithçka shkoi për keq, të paktën siguruam qëndrimin në Superligë”.

“Jemi të gëzuar, por qëndrojmë me këmbë në tokë. Kemi ndeshje shumë të rëndësishme ndaj Kukësit më pas të shikojmë”.

“E rëndësishme është që morëm tre pikët. Patëm shumë vështirësi para takimit, dy sulmuesit tanë u dëmtuan në harkun e dy ditëve, falënderoj çunat që u futën në fushë për lojën që bëmë. Falë grupit kemi krijuar një stabilitet dhe prandaj jemi këtu. Jemi një ekip me karakter”.

“Duhet të jemi të qetë. Që nga java e 10-të më jam pyetur për titull. Unë them që duhet të marrim ndeshje pas ndeshjeje. Unë dhe ekipi e kemi të qartë çfarë duhet të bëjmë. Duhet të besojmë që i kemi këmbët e forta. Janë edhe 10 javë, rivalët si Teuta dhe Kukësi kanë ekipe të mira”.

“Në disa momente duhet të tregohemi më profesionistë. Me aq sa kuptoj në ndeshjen me Luftëtarin e morëm pak lehtë”.

“Ne nuk e kemi një sulmues kryesor, zgjidhja jonë ka qenë një lojë sulmi në grup. Lojtarët e repartit sulmues e kanë kompensuar këtë. Një grup që të shfaqet duhet të funksionojnë të gjithë elementët. Është një lojë kolektive që nëse 2 ose 3 lojtarë nuk do ishin të ndërgjegjshëm nuk do të arrinim deri këtu. Fatmirësisht kam pasur një grup të ndërgjegjshëm shpresoj që të vazhdojmë kështu”.

“Eksperienca është shumë e rëndësishme, por akoma më e rëndësishme është që të kesh këmbë të freskëta dhe forcë karakteri. Jemi munduar të korrigjojmë aty ku çalojmë dhe t’i japim besimin  e duhur kujtdo, s’kemi vend gishtin te ndokund për asnjë problem”.

Trashi është i gatshëm për këtë sfidë, pasi pezullimin prej kartonëve të verdhë e shleu kundër Tiranës. Përveç mbrojtësit të majtë, i gatshëm për Partizanin do të jetë dhe mesfushori Ardit Hila.

Ky i fundit pati munguar për një periudhë shumë të gjatë për shkak dëmtimi dhe vetëm javën e kaluar iu bashkua skuadrës në stërvitje. Për derbin kundër Tiranës, Hila nuk ia doli të ishte i gatshëm, por në sfidën e kësaj jave kundër Teutës, mesfushori mund të vihet nën urdhrat e Gegës.

Rikthimi i mesfushorit në fushat e blerta është konfirmuar nga klubi i Partizanit në faqen e tyre zyrtare. Një lajm shumë i mirë ky për Gegën, pasi Hila ka qenë një nga lojtarët më të aktivizuar në formacionin e Partizanit deri para dëmtimit.

Rikthimi i tij është në kohën e duhur, pikërisht para derbit. Megjithatë, në sfidën përballë Tiranës, do të mungojë Lorenc Trashi, mbrojtësi i majtë i cili ka plotësuar numrin e kartonëve.

Pas avantazhit, pritej që Partizani të kontrollonte lojën, por Flamurtari u zgjua dhe mori frenat e lojës. Skuadra vlonjate arriti edhe të barazojë, me anë të sulmuesit Ribaj. 29-vjeçari ndëshkoi Hoxhën në minutën e 40’ të takimit dhe gjatë festës së kuqezinjve, pati dhe shumë tension në fushë.

Tifozët e “Demave të kuq” zbritën nga shkallët e stadiumit dhe u konfrontuan me fotografin e skuadrës së Flamurtarit. Në këto momente kaosi, u përfshi dhe sulmuesi Ribaj, i cili u ndëshkua me karton të kuq nga gjyqtari kryesor në minutën e 41’.

Pjesa e dytë nisi me Partizanin shumë kërkues. Gega nuk u pajtua kurrsesi me rezultatin dhe hodhi dy sulmues në fushën e lojës, fillimisht Mensah dhe pastaj Hebajn. Ishte pikërish shkodrani ai që i dha fitoren kryesuesve. Brenda pesë minutash, numri 9 i të kuqve shënon dy herë, duke “likuiduar” Flamurtarin dhe duke i dhënë tri pikët skuadrës së tij, që vazhdon të kryesojë kampionatin me diferencë pikësh.

KATEGORIA SUPERIORE – JAVA 23
E shtunë, më 23 shkurt, ora 17:00
Stadiumi “Selman Stërmasi”, Tiranë

PARTIZANI-FLAMURTARI  3-1
Shënues: Bardhi 11′, Hebaj 67′ 72′ / Ribaj 40′

Partizani: Hoxha, Ibrahimi, Belica, Rexhepi (Mensah 54′), Trashi, Atanda, Telushi, Asani, Duka (Hebaj 65′), Mala (Kote 77′), Bardhi. Trajner: Skënder Gega

Flamurtari: Koliçi, Liçaj (Ymeraj 76′), Pollozhani, Veliu, Kotobelli, Batha, Mustafa (Sukaj 85′), Rrapaj (Beqaj 62′), Musta, Kale, Ribaj. Trajner: Ilir Daja

Gjyqtarë: Indrit Myrtja, Melis Dervishi, Fisnik Thorja, Kridens Meta
Kartonë të verdhë: Trashi 14′, Rexhepi 61′ / Liçaj 33′
Karton i kuq: Ribaj 41′
Delegat: Lysien Nurishmi; Vëzhgues: Albano Janku

EPISODET

90’ Mbyllet sfida në “Selman Stermasi”, Partizani mposht Flamurtarin dhe merr tri pikët

72’ Gooool Partizani!! Hebaj shënon sërish. Sulmuesi mposht portierin Koliçi me një goditje me kokë, duke i dhënë avantazhin e dyfishtë Partizanit dhe duke afruar “Demat” me fitoren

67’ Goooool Partizani!! Hebaj ndëshkon Flamurtarin me topin e parë që prek. Sulmuesi i ardhur nga stoli mposht Koliçin nga një top i kthyer dhe me portën e boshatisur, rikthen Partizanin në avantazh

63’ Rast ideal për Partizanin, Asani shpërdoron shansin e artë për të kaluar në avantazh

46′ Nis pjesa e dytë, Partizani hidhet në sulm

45+5′ Mbyllet pjesa e parë mes kaosit dhe tensionit

42′ Ndërpritet ndeshja, kaos total në “Selman Stermasi”. Ribaj me të kuq!

40’ Gooooool Flamurtari!! Miqtë morën kontrollin e lojës pas disavantazhit dhe arritën të barazonin. Sulmuesi Ribaj, në një formë shumë të mirë, realizon golin e dytë radhazi në kampionat.

14′ Karton i verdhë për Trashin, titullari i Partizanit humbet derbin

11′ – Goooool Partizani !! Bardhi zhbllokon sfidën. Sulmuesi i Partizanit u shmanget mbrojtësve të Flamurtarit dhe shtyn drejt rrjetës një top të shkëlqyer të shërbyer nga Asani.

1′ Starton sfida

“Ndeshjen e parë kam menduar se një penallti nuk vendos, por këtë herë e vendosi. Janë gjëra që merren të tjerë, unë nuk merrem me arbitrat as kur fitoj dhe as kur humb”, tha Gega për mediat. Më pas ai theksoi se skuadra e tij nuk u ndikua nga fakti që Kukësi humbi me Teutën.

“Humbja e Kukësit nuk na përgjumi, lojtarët dhanë maksimumin. Ashtu si erdhi loja u bë e vështirë për të marrë një pikë. Do shikojmë në vazhdim”, shtoi Gega. Partizani i tij në pjesën e parë nuk goditi asnjëherë në kuadrat.

Kjo ju vu në dukje trajnerit të Partizanit, i cili u pyet nëse ndikoi në diçka të tillë edhe mos aktivizimi i Emanuel Mensah. Gega ka mendimin e tij dhe ngulmon te loja e paktë efektive, që thekson se i penalizoi.

“Nuk e aktivizova Mensah sepse menduam diçka tjetër. Nuk është vetëm Mensah që godet portën te Partizani, janë shumë elementë, si Telushi dhe të tjerë. Kjo mangësi erdhi për shkak se ndeshja u shkurtua, u përgjysmua. Pas penalltisë nuk u luajt më futboll”, perfundoi Gega. 

ERDI KËRÇIKU

NDESHJA – “Loja është 90 minuta. Në pjesën e parë, ishin të vendosur në mënyrë të shkëlqyer dhe e kishin të qartë mënyrën e tyre të lojës. Por 90 minutëshi është i gjatë dhe rëndësi pati që nuk u ndëshkuam në pjesën e parë dhe arritëm te rezultati në pjesën e dytë.”

KONTINGJENTI – “Më vjen keq që u dëmtua Rexhepi, pasi është një lojtar që do të na ndihmojë shumë. Por këto janë plagët e ardhjes në janar. Jo vetëm te ne, por të çdo klub do të kenë probleme ardhjet e janarit. Atanda është një lojtar që i bën të gjitha pozicionet, stli është i plotë. Besoj se të gjithë lojtarët e dinë që do të kenë mundësinë e tyre.”

DUKA – “Sa i takon Dukës, unë e njoh personalisht. Mund ta quani si dëshirë ose si blerje e imja. E njoh që 14-vjeç dhe ka futboll në këmbët e tij. Është vetëm fillimi për të dhe nuk mund t’i vendos notë për sot.”

RREGULLAT – “Asnjë nuk më sjell probleme, të gjithë janë profesionistë. Unë jam trajner dhe kam rregullat e mija, bashkëngjitur rregullave të klubit. Luksi që të kesh tre lojtarë është shumë komod, unë i marr pozitive. Çdo njeri tjetër brenda grupit duhet të kuptojë se në fushë zbresin 11 futbollistë, por të gjithë janë në fokus. Do të kenë mundësinë e tyre, por nëse luajnë për skuadrën e Partizanit.”

IDRIZAJ – “Idrizaj nuk është nënvlerësuar. Ka luajtur 2 ndeshje, një në kampionat dhe një në Kupë. Është dëmtuar dhe ka pasur probleme fizike, prandaj nuk është aktivizuar. Bëmë një ndërrim të detyruar dhe Idrizaj nuk u aktivizua dot. Ibraimi bëri mirë dhe dha maksimumin, pavarësisht preferencave që kanë disa njerëz. Idrizaj dhe Ibrahimi janë pjesë e fortë e ekipit, kështu që… Kemi edhe 15 ndeshje dhe do të na duhen të gjithë: Idrizi, Mensah, Hebaj, të gjithë. Ideja është që të vazhdojmë kështu deri në fund kampionatit.”

BATUTA – “Unë jam tifoz me Partizanin dhe gjithmonë e kam thënë se nuk e kemi ne në dorë ecurinë e rivalit. Tirana ka treguar futboll, por nëse do e kisha në dorë unë, do kërkoja humbjen e të dyjave (qesh). Por ne do të shikojmë ecurinë tonë dhe të fokusohemi te ekipi ynë. Të jem i sinqertë, edhe ne kemi ngecur në disa ndeshje dhe nuk e di nëse janë kënaqur rivalit. Nëse Kukësi fiton, atëherë do e meritojë. Kampionati është i gjatë dhe asnjë ndeshje nuk është e lehtë. Diferencat mes skuadrave nuk janë të mëdha dhe çdo gjë mund të ndodhë. Presioni te ne është të ruajmë këtë ritëm dhe të mos bëjmë hapa fals.”

Kastrioti humbi takimin me shifrat 3 – 0, por trajneri Bledar Devolli u shpreh i kënaqur me lojën e disa prej lojtarëve, ndërsa ndeshjen e cilësoi si një stërvitore për të dyja ekipet.

“Kualifikimi u vendos që në ndeshjen e parë. Ne s’kemi objektiv Kupën. I kemi sytë nga kampionati. Sot bëmë një stërvitje të mirë. Pashë disa nga lojtarët që na kanë ardhur. Jam i kënaqur nga ajo që treguam në fushë. Tani mendoj vetëm për ndeshjen e të shtunës, pasi ajo ka rëndësi, aty do të ketë tjetër muzikë”.

“Në fundjavë pres një Partizan më ndryshe. Do të jenë me agresivë në të dyja fazat e lojës. Do jetë një ndeshje e vështirë kundër një ekipi si Partizani që është me meritë në vend të parë, por e thashë, të shtunën do të jetë një tjetër muzikë, do bëjmë gjithçka për të marrë pikë”, .

“Kemi marrë dy fitore që i kemi merituar. Kemi më shumë besim se kurrë. Do vijmë këtu që të shënojmë gol dhe të marrim pikë” përfundoi Devolli.

Trajneri i Partizanit, Skënder Gega, u shpreh i gëzuar me paraqitjen e kryer nga djemtë  e tij. Numri 1 i pankinës së skuadrës kryeqytetase vlerësoi lojën e bërë nga lojtarët e tij, të cilët kontrolluan ndeshjen përgjatë të gjithë takimit.

“Kualifikimin e morëm sot, para dy javësh ishte vetëm ndeshja e parë. Ndeshja e dytë ia vlejti, pasi pamë një pjesë lojtarësh që nuk kanë qenë pjesë e grupit të parë dhe s’kanë pasur minutazh. U munduam t’i aktivizojmë. Gjithçka u kontrollua mirë, jam i kënaqur nga mënyra se si luajtëm. Ndoshta Kruja nuk erdhi me grupin më të mirë, ky nuk është problemi jonë. Do takohemi përsëri në fundjavë në një ndeshje shumë të rëndësishme për ne”.

NDESHJA NË FUNDJAVË – “Besoj se do jetë ndeshje tjetër nga kjo e sotmja, dhe për ata dhe për ne. Unë respektoj çdo kundërshtar. Fitoret e tyre na bën që t’i vlerësojmë. Luajmë në fushën tonë me tifozët tanë, do bëjmë më të mirën sepse jemi Partizani” përfundoi Gega.

Kryesuesit do të takohen me skuadrën e Gjokës javën e ardhshme dhe duke pasur mundësinë për të qenë në stadium, tekniku tropojan është paraqitur në “Selman Stërmasi” sot. Po ashtu edhe trajneri i Laçit, Besnik Prenga kishte menduar për të mos e humbur këtë përballje. Si timonieri i Partizanit ashtu dhe ai i Laçit janë përshëndetur në mënyrë të përzemërt para ndeshjes.

“Do kisha dëshirë të shfrytëzoj momentin që të ngushëlloj familjen e mikut tim, Vasillai Zërit. I uroj gjithë të mirat njerëzve të tij. Korça ka kualitete, kanë problemet e tyre, por kjo nuk është pjesa jonë”.

“Bëmë një lojë shumë të mirë dhe mund të them se e merituam triumfin. Kemi dhe 17 ndeshje për të luajtur dhe asgjë nuk ka mbaruar”.

Formacioni – “Po të pyesësh 10, 9 nga ata nuk janë dakord. Por unë jam lideri dhe marr vendime. Ardhjet e reja, lojtari i ri në qendër të mbrojtjes luajti shumë mirë. Unë e njoh mirë dhe kam besim. Edhe Atanda luajti mirë dhe tregoi se mund të luajë në mesfushë, një lojtar shumë i vyer për ne. Sot pashë që kemi shumë lojtarë dhe alternativa që mund të na shërbejnë shumë”.

Debutimi i Lum Rexhepit  – “Rexhepi është një lojtar me kualitet, me eksperiencë dhe profesionist. Me aq sa e kam studiuar, kam pasur një përqindje sigurie që do të bënte mirë për Partizanin. Ai e kaloi provën sot me sukses por kemi një rrugë të gjatë për të bërë, si ne dhe si Rexhepi”.

TERRENI – “Është e vërtetë që te kjo fushë, nuk mund të luanim teknikisht. Çaluam si ne, ashtu dhe Korça. U detyruam të luanim me kundërsulm dhe ne dolëm 3-4 herë para porte. Bëmë maksimumin dhe me pak më shumë fat, do të realizonim më shumë. Më vejn keq për Hilën, për dëmtimin e itj.

“Edhe për Kardozon, pasi kjo fushë nuk është për të. Më vjen keq dhe për Skënderbeun, pasi ata luajnë futboll dhe kjo situatë nuk tregon aspak nivelin që ka kjo skuadër. Gjithsesi, ne luajtëm një ndeshje futbolli dhe jam i kënaqur për rezultatin që u arrit në fund”.

TELUSHI – “Telushi bëri një ndeshje të mirë dhe pa dashur ta justifikoj, penalltia humbet nga të gjithë. Ai ka qenë me serum dhe ishte  në dyshim për këtë ndeshje, por dëshira e tij për të kontribuar i dha një vend titullari. Ne jemi të plotësuar, kemi mbrojtës shumë të mirë, mesfushori shumë të mirë”.

“Kjo ndeshje mbaroi dhe do të përgatisim Kamzën. Duhet të jemi sa më funksional si në mbrojtje, ashtu dhe në sulm”.

SULMUES PËR PARTIZANIN ? – “Unë kam katër sulmues. Bardhi, Asani dhe Mala janë lojtarë shumë të mirë. Është e drejtë që po të kemi një sulmues finalizues, do të jemi më të qartë para porte. Gjithsesi, nuk mendoj se do t’i përshtatet lojës time”.

DËMTIMI I HILËS – “Megjithatë, po erdhi ndonjë sulmues, do mundohemi ta përshtatim me pojën tonë. Hila ka nxjerrë shpatullën dhe do të mungojë minimalisht 4 javë”.

Skënderbeu nuk është jashtë gare për titull, pasi kanë potencial. Unë jam modest dhe me këmbë në tokë, prandaj do të shohim medoemos vetëm ndeshjen me Kamzën.

Kjo ishte një fitore me kosto. Ishte një luftë përballë Skënderbeut dhe kishim humbje. Trashi është një lider dhe kartoni i kuq i tij, ishte i evitueshëm. Shtatë minutat shtesë na dënuan, por gjithsesi do mundohemi të bëjmë një ekip të plotë për Kamzën.

Gega dhe Partizani do të vazhdojnë bashkëpunimin edhe në të ardhmen, ndërsa dy futbollistë jo. Koreani So Hyon Uk është larguar nga “Demat e Kuq” dhe aventura e tij te Partizani është mbyllur. Mbrojtësi nuk ka bindur teknikun Gega dhe ka luajtur vetëm katër ndeshje këtë sezon, të katërta nga stoli dhe ka vetëm 58 mimuta lojë në emrin e tij.

Përveç Hyon Uk, është larguar edhe një tjetër mbrojtës. Bëhet fjalë për Senad Hysenaj, që nuk është aktivizuar asnjëherë për skuadrën e parë të Gegës. 19-vjeçari shkodran dhe Partizani kanë ndërprerë bashkëpunimin dhe karriera e Hysenaj do të vazhdojë te ndonjë skuadër tjetër.

Faza përgatitore – “Është e vërtetë, minifazës së dimrit po i vjen fundi. Jam i kënaqur për punën, paraqitjet që ka bërë skuadra dhe gjithçka ka vajtur mirë. Shpresoj që kur të kthehemi në Shqipëri skuadra të ecë me këtë ritëm.

Deri më tani, skuadra është përgatitur mirë. Skuadra ka bërë stërvitje me nga dy seanca. Do të jetë një gjysmë e dytë e vështirë, pasi kur je në krye, duhet të bësh maksimumin”.

Kushtet e stërvitjes – “Jam jashtëzakonisht i kënaqur me kushtet këtu, pasi stërvitja po bëhet në kushtet optimale. Jo vetëm kjo, por dhe miqësoret që kemi bërë kanë qenë me skuadra shumë të mira”.

Çdo ndeshje miqësore, çdo ndeshje zyrtare, për një trajner, për një ekip, qëllimi është të bëhet mirë, të paraqitesh mirë. Të ndërtosh një strategji me të cilën do të luash në kampionat”.

Kupa – “Besoj se jam i kënaqur me atë që çunat kanë bërë deri më tani. Afrimet e reja? Kemi ende kohë, shpresoj të ambientohen sa më shpejt. Duhet të ndërtojmë një mentalitet që në stërvitje, por dhe në ndeshje miqësore para grupit, të vlerësojmë gjithçka. Kupa, në paralel me kampionatin, është në objektivat tona”.

Ndeshja përballë Kastriotit – “Duhet të ndërtojmë një mënyrë loje që të marrim rezultatet e duhura edhe në Kupë, si dhe t’iu japim hapësirat e duhura edhe lojtarëve të rinj dhe që nuk kanë luajtur shumë në kampionat”.

Mesazhi për tifozët – “Është shumë e rëndësishme që për arritjet që kemi bërë deri më tani, rezultatet që kemi marrë, tifozët na kanë qëndruar pranë. Mesazhi im si trajner për tifozët është që të kemi mbështetjen e duhur, pasi ne si ekip do të japim të pamundurën në fushën e lojës”,- u shpreh Gega.

Në fillim të sezonit, Tomori synonte Superioren, por me kalimin e javëve nuk arritën të ishin në vendet e kreut, duke dalë nga objektivat që në gjysmën e parë të kampionatit.

Pas disa afrimeve, klubi ka njoftuar sot një largim, pasi kanë ndërprerë me konsensus kontratën me mesfushorin Ardian Gega. 32-vjeçari luajti vetëm 3 ndeshje këtë sezon dhe në total numëronte 88 minuta.

Njoftimi i klubit beratas

Klubi njofton se Ardian Gega nuk do të jetë më lojtar i Tomorit për pjesën e mbetur të kampionatit. Gega i cili u bashkua me beratasit në fillim të këtij sezoni, ka ndërprerë me konsensus bashkëpunimin.

Klubi falënderon Ardian Gegën për kontributin e dhënë me fanellën beratase dhe i uron suksese të mëtejshme në jetë e familje.

Në fjalën e tij, Gega tha: “Sot bëmë ndeshjen e dytë dhe në pjesën e parë, aktivizuam 90% të formacionit me lojtarë të rinj. Ekipi po punon jashtëzakonisht mirë. Në pjesën e dytë, futëm grupin kryesor të skuadrës dhe jam jashtëzakonisht i kënaqur, për mënyrën sesi luajtëm. Patëm shumë raste, por qëllimi ishte të studionim lojtarë.

Na munguan Hebaj dhe Duka, që janë dy lojtarë që i duhen ekipit. Hebaj ka qenë i ekipit, Duka ka ardhur tani. Kanë pasur disa probleme shëndetësore. Nuk kemi probleme fizike, situata e ekipit është shumë e mirë.

Shpresoj të kthehemi në Tiranë me 100% të kapacitetit dhe me një frymë të re, pasi këto dy ndeshje kanë treguar se ne kemi mundësi të bëjmë shumë më mirë.

Mënyra sesi erdhi kjo ndeshje, mendoj se të dyja skuadrat mund ta fitonin takimin, në ndeshjen e parë u ndëshkuam me një penallti të paqenë, por kjo nuk ka rëndësi sa ka rëndësi perfomanca.

Sot u ndëshkuam që në minutën e dytë, shihet eksperienca dhe mungesa e saj te një grup i ri. Në pjesën e dytë, bëmë një ndeshje jashtëzakonisht të mirë, lojtarët luajtën siç nuk i kisha parë ndonjëherë.

Mënyra si erdhi loja, duhet të fitonim, por jemi jashtëzakonisht të kënaqur dhe të mundohemi ta nisim gjysmën e dytë në mënyrën më të mirë të mundshme.

Kushtet këtu janë jashtëzakonisht të mira, çdo gjë është në rregull. Lojtarët e dinë çfarë objektivi kemi dhe mundohen të bëjnë maksimumin për të arritur.

Ndeshja kundër Dinamo Zagrebit është një miqësore, por është një sfidë që do të tregojë se ku jemi. Do të japim maksimumin, duke respektuar kundërshtarin. Qëllimi kryesor i yni është kampionati”,- përfundoi Gega.

NDESHJA ME TEUTËN – “Ndeshja me Teutën ishte një takim i luftuar dhe me emocione. Ka lënë një shenjë të mirë, nga ana e Teutës. Unë jam i kënaqur, pasi morëm atë që na takonte edhe pse ne ishim atje për të fituar. ndeshja tregoi se ka luhatjeje e veta. Jam i kënaqur shumë që ekipi tregoi karakter, pas nisjes jo të mirë që bëmë dhe arritëm që të shkonim aty ku duhet. Ndeshja e radhës është e vështirë. Iku takimi me Teutën. Me durrsakët kemi bërë 2 ndeshje dhe kemi marrë 4 pikë, 1 fitore dhe 1 barazim. Shpresoj që ta analizojmë atë ndeshje dhe të shohim vetëm për takimin me Kukësin”.

MUNGESA E ASANIT – ”Çdo mungesë na rendon. Asani është një lojtar i ri, por këtë vit që jam unë këtu është në nivelin e duhur, nuk është absolut perfekt, pasi të gjithë gabojmë dhe të gjithë kemi problem dhe gjëra për t’u përmirësuar. Deri më tani ka qenë një prej lojtarëve që ka dhënë një kontribut të jashtëzakonshëm”.

MOMENTI I KUKËSIT – “Ka merita që ka arritur 3 fitore radhazi. Unë e di që kemi përballë një ekip të vështirë, me potencial dhe i respektoj, por ne jemi ekipi kryesues dhe kemi një distancë prej 5 pikësh. E dimë forcën tonë dhe do mundohemi që të bëjmë ato që dimë ne më mirë. Jemi përgatitur për Kukësin dhe për çdo ekip në Shqipëri”.

BARAZIMI NJË OPSION – “Unë si trajner nuk mund të caktojë para ndeshjes se do të hymë për barazim. Kjo vendosje, kjo lëvizje, kjo mënyrë se si do të luajmë do të na japë barazimin. Do mundohemi të jemi të kujdesshëm dhe të luftojmë për gjithçka, atë që na takon, barazimi dhe fitoja janë gjëra të tjera që nuk vendosen një ditë më parë apo në konferenca për shtyp”.

RINOVIMI – “Jam gjatë gjithë kohë në punë. Marrëveshja jonë ka qenë mes familjes. Nuk erdha për qëllimin për të qëndruar as 5 vite dhe as shumë e shumë vite. Erdha për të dhënë kontributin tim, për të marrë mundësinë për të treguar se mund të kontribuoj që diçka mund të bëhet më mirë. Deri më tani jam jashtëzakonisht i kënaqur. Jam krenar për futbollistët që kam dhe për punën që bëj, për atë që kanë dhënë në fushë, për mbështetësit, për stafin dhe gjithçka më pas kur të vijë momenti do të zgjidhet”.

MERKATO – “Kukësi dhe Luftëtari janë dy ndeshje shumë të rëndësishme për ne. Do të kemi kohën që të ulemi dhe të flasim. Nuk është dëshira për të larguar ndokënd, por për të përforcuar grupin. Kemi edhe dy faza shumë të vështira. Do të jemi të kujdesshëm që të mos largojmë njeri që nuk e meriton, por dhe të mos afrojmë njeri që nuk e meriton. Do lëvizim me pjekuri dhe me qetësi. Është e rëndësishme që klubi është në dispozicion dhe nuk do të kursehet që ekipi të ketë shtytje më të madhe”.

NDËRHYRJA E HILËS – “ Janë shumë gjëra që diskutohen dhe nuk dalin  në konferencë. Si gjatë ndeshjes dhe më pas. Asgjë e mirë që e dëmton ekipin nuk është e mirë dhe unë nuk e mbështes. Holla është lojtar i mirë, me ego, e do këtë fanellë edhe pse ka pak kohë. U kaluan, u panë ato momente. Nuk e di nëse do të mungojë, pasi janë persona të tjerë që interesohen. Unë e llogaris për ndeshjen e radhës.

MUNGESA E TIFOZËVE – “Do të jetë një ndeshje e qetë, Do të dëgjohen trajnerët dhe do jem i kujdesshëm që të flas me shumë pozitivistet. Lojtarët uroj të shprehen në fushë dhe secili të marrë atë që i takon. Nuk kam dëshirë të gjykoj apo të paragjykoj një vendim të një institucioni. Është fakt që do na mungojnë tifozët. Është humbje e madhe për ne. E patë dhe në Durrës që na përkrahën për 90 minuta. I dimë hallet që kanë njerëzit dhe u jemi mirënjohës dhe borxhli karshi tyre dhe uroj që të na kthehen sa më parë”.

HEBAJ – “Nuk them se është hajmali kush del në konferencë për shtyp përkrah meje. Kam pasur në krah lojtarë shumë me më shumë eksperiencë se Hebaj, me kontribut si na eksperienca dhe mosha dhe ka rastisur që kemi humbur. Hebaj është këtu sepse është lojtar i rëndësishëm për skuadrën. Është vetëm 20 vjeç dhe po mundohet që të rritet çdo ditë. Është profesionist dhe ka dëshirë të madhe për t’u rritur. Uroj që Hebaj të shkojë sa më lart. Jam i kënaqur që sot e kam këtu”.

VLADIMIR PRENGA

Trajneri Skënder Gega ka folur në konferencën e zakonshme për shtyp, ku ka komentuar pritshmëritë që ka për këtë takim, por dhe për gjendjen e skuadrës, apo dhe për çështjen e Alban Hoxhës.

MUNGESA E HOXHËS  – “Është e vërtet që gjërat kanë funksionuar mirë, por në raste të veçanta ka pasur edhe raste të veçanta, që edhe na ka penguar në ecurinë tonë. Ka qenë shqetësim dëmtimi i Hoxhës, pasi ka ditë që nuk është i pranishëm në fushë, edhe pse ka punuar në palestër. Para derbit donim që të ishte 100% aq më tepër që është kapiten, por si qytetar duhet t’i marrim pak më gjerë këto. Si sportist nuk duhet të ishte në atë vend në atë kohë. Ligji është i barabartë për të gjithë”.

DERBI NË NJË KOHË TJETËR – “Derbin nuk mund ta ndryshojmë, pasi është caktuar për t’u zhvilluar. Për fat, Partizani është familje e madhe dhe ekipi është i kompletuar. Këto janë mungesat dhe e rëndësishëm që ekipi është i karikuar dhe do të bëjmë të pamundurën që të dhurojmë spektakël dhe të japim atë që tifozët tanë presin prej nesh”.

NERVOZIMI I TRASHIT – “Njerëzit janë të ndryshëm ka njerëz të qetë. Trashi ishte korrekt në fushë dhe në dhomat e zhveshjes, por gjatë gjithë ndeshjes, në një ambient të mbyllur, dy ose tre veta shqetësojnë duke sharë duke përdorur fjalor jo normal dhe kjo të shqetëson. Çdo gjë që ndodhi pasi përfundoi ndeshja”.

VENDIMI PËR TRASHIN  -“Unë nuk i di rregullat e Disiplinës dhe e di sa e vështirë është që një lojtar të shahet gjatë gjithë ndeshjes. Disiplina ka bërë atë që duhet. Ai është i përqendruar dhe ajo që jep në fushë tregon se nuk e ka mendjen te shirit”.

DËNIMI PËR HOXHËN  – “Çdo lojtar e di rregulloren e klubit. Ne flasim çdo ditë dhe sjellja jonë duhet të jetë e kontrolluar, në çdo ambient. Është lojtari i Partizanit dhe i Kombëtares. Ne e presim në stërvitje, por klubi ka ligjet dhe kriteret e veta, që Hoxha të ballafaqohet me atë që ka bërë. Policia e ka marrë përgjigjen e tij. Ne kemi kriteret e tona, rregulloren tona, për sjelljet e pahijshme, për konsumimin e alkoolit. U ndodh edhe lojtarëve të mëdhenj, por nuk duhet ta sjellim si kulturë. Ka ndodhur dhe te Reali”.

“Partizani është klub i madh, Të gjithë duhet ta kuptojnë rëndësinë e derbit. Si me Albanin, si me Trashin, qoftë edhe pa mua, apo pa Gaz Demin në tribunë, Partizani duhet të jetë gati për një derbi që do të thotë shumë për ne”.

REZULTATI – “Një trajner gjatë gjithë javës e pyet veten nëse do jetë radha jonë apo e kundërshtarit për fitore. Unë e njoh ekipin tim dhe e shoh si punon, arsyet që na kanë sjellë këtu, çdo person duhet të jetë optimist dhe them se është radha jonë përsëri”.

FANATCIS – “Fanatics-at e mbështesin ekipin e tyre, e shtynë më tepër, janë adrenalinë për ekipin e tyre, por ne kemi mbështetësit tonë dhe do të shfrytëzojmë çdo moment që do të jetë në favorin tonë”.

A DO I HIQJA NDONJË LOJTAR TIRANËS? “Nuk do i hiqja asnjë lojtar kundërshtarit, por Tiranën e plotë. Mjafton që të fitojmë dhe të jemi të sigurt, të kujdesshëm”.

DIFERENCA ME TIRANËN  – ”Jemi në vendin e parë, jem ndeshur me të gjitha ekipet dhe kemi treguar se jemi ekip solid dhe me agresivitet. Ekip që është ndërthurur eksperienca me të rinjtë dhe kjo bën diferencën. Nuk ka shumë diferenca, por ky kampionat ka treguar se ne jemi të parët se e meritojmë, pjesa tjetër është diferenca”.

DEKLARTA E BRUNO DITËS – “Dita është sportist dhe i sheh gjërat më ndryshe. Mua më intereson sa ekipi është gati për këtë ndeshje dhe se çfarë mendojnë lojtarët e mi për këtë ndeshje. Interivstat e ishëve dhe kundërshtarëve janë perceptim i tyre”.

NDESHJA ME FLAMURTARIN – “Është hera e parë që e drejtoj Partizanin në Vlorë. Kishim synim të fitonim ndeshjen. Momenti golit ishte përgjumje e jona. Mund ta evitonim dhe gjërat të shkonin më mirë. Në pjesën e  dytë bëmë të pamundurën, me gjithë gabimet që kemi. Krijuam presion, por nuk arritëm të shënonim. Humbëm ndaj Flamurtarit, por kemi rrugë të gjatë, Askush nuk kënaqet që kthehemi në Tiranë pa pikë”.

“Është ndeshja e radhës, ajo me Tiranën. Flamurtari u mbrojt me shumë forca. Shënimi  i golit u dha mundësi të organizohej. Na vunë në vështirësi me kundërsulme, edhe pse ne e kontrolluam lojën, por na mungoi finalizimi. E kemi këtë problem. Futbolli njeh dhe humbje, por jemi kryesues, presim derbin që të shkojmë të plotë”.

MESAZHI – “Nuk është e rrugës që të bëhet analiza, por mesazhi im për lojtarët është që kjo ka kaluar dhe diçka që ikën nuk kthehet. Gjatë javës do të shohim çfarë duhet përmirësuar”.

MENSAH – “Jam i kënaqur me Mensah. Bëri mirë me pasimet e tij. Duhet ta nxirrnim pak më shpejt topin te ai. U fokusuam shumë me një krah dhe ky ishte defekti ynë. Nuk e luajtëm lojën shpejt siç bëjmë gjithnjë. Nga mbrojtja topi u nxor disa herë gabim, por jam i kënaqur nga përpjekjet e tyre. Pikët janë pikë dhe të dhimbsen. Duhet të mësohemi dhe me humbjet, pasi rruga është e gjatë”.

XHIKA – “Dalja në konferencë është pjesë e besimit. Xhika ishte portier i parë dhe e nxorëm në konferencë, pasi ka shumë eksperiencë. Mund të ishte një performancë më e mirë, por si Hoxha ashtu dhe Xhika nuk është i përkryer. Gjërat shihen nga fillojnë. Nuk ishte Xhika që e humbi ndeshjen, por i gjithë ekipi”.

Në një ditë kaq speciale nuk kishte si të mungonte dhe urimi i klubit të Partizanit, që ka zgjedhur një mënyrë mjaft të veçantë, duke publikuar një moment kur trajneri mban fjalim para skuadrës së tij, duke i motivuar këta të fundit në mesin e një ndeshje.

“Ai që punon dhe mendon pozitivisht i shikon sfidat si pengesa për ti kapërcyer dhe si proces të domosdoshëm për tu përmirësuar dhe arritur sa më lart. Një qëndrim pozitiv të jep besim, vendosmëri, këmbëngulje… Të gjitha këto ndihmojnë që të ecim përpara në rrugën e suksesit”, shkruhet në postimin ku i urohet ditëlindja trajneri të Partizanit.

https://www.facebook.com/partizaniclub/videos/vb.179774752216929/2378418748840834/?type=2&theater

“Me Tiranën jemi rivalë dhe në një sport mundohesh rivalin ta lësh gjithmonë mbrapa. Gjithsesi. më vjen keq edhe pse jam trajner i Partizanit. Tirana mbetet një klub me histori të madhe. Aty janë mbledhur shumë probleme dhe  duhet kohë për t’i zgjidhur. Trajneri Mema është miku im. Ai ka shkuar aty me dëshirë, pasi vjen nga një familje që ka kontribuar shumë për atë klub”.

“Ndonjëherë je në vendin e gabuar në momentin e gabuar, por është futboll. Situata mund të ndryshojë dhe pretendimet duhet të ulen në bazë të pozicionit të renditje. Gjithsesi pavarësisht pikëve ata mbeten një rival ynë”, tha Gega.

Tekniku tropojan foli pas ndeshjes për mediat edhe për gjendjeje e Alban Hoxhës, i cili u pa që të kishte probleme në takimin e djeshëm, por dhe për momentin e mirë që Bardhi po kalon. Trajneri rezervoi vetëm fjalë pozitive për të dy këto lojtarë, që janë vërtetë shumë të rëndësishëm për ekipin.

“Albani kishte shqetësime para ndeshjes, edhe gjatë stërvitjes. U ankua gjatë ndeshjes disa dhe gjatë pushimit. E rëndësishme është që ia doli të luante 90 minuta dhe shpresoj të rikuperohet sa më shpejt”.

“E penalizon fakti që do jetë në kombëtare, edhe herën e parë erdhi i dëmtuar? Në kombëtare ai nuk thirret për t’u dëmtuar, por për t’u shpërblyer dhe për t’i dhënë atë që meriton. Është një nga portierët më të mirë në kampionat. Edhe te kombëtarja ka doktorë, do interesohen dhe kujdesen për të njëlloj si klubi. Shpresoj të kthehet 100%.

“Bardhin e shoh si një pjesë të shëndoshë të ekipit. Është vetëm 21 vjeç, ka një javë që i ka kaluar të 20-at. Nëse vazhdon kështu e ka rrugën të shtruar për të ardhmen e vet dhe bëhet lojtar shumë i rëndësishëm për ekipin. përveçse ka shënuar, e ka ndihmuar ekipin edhe në aspekte të tjera. Jam i kënaqur me të”

” Të jem i sinqertë nuk e kisha parashikuar se Partizani do të jetë në vend të parë. Jam trajner i ri në Superiore, përtej moshës, dhe duke e parë çdo ditë në stërvitje ekipin dhe duke parë reagimet e tyre ndaj atyre që dëshironim të futnim, mendoj se kemi marrë 100% dhe jemi të kënaqur.

“Qetësia vjen nga rezultatet, por edhe në momente të vështira nuk e kemi vendosur gishtin tek ndonjë individ i veçantë, duke u munduar të korrigjohemi me punë. Edhe nga klubi kam hapësirën e duhur për të bërë atë që di më mirë, nuk ka ndonjë sekret tjetër. Nuk kam pasur pengesa nga klubi, thjesht kam dashur liri dhe besim, ndërsa çdo ditë e më shumë është krijuar besim reciprok, duke qenë të drejtpërdrejtë me gjithë lojtarët. Kam qenë i hapur, duke u munduar të jap një mesazh që jam aty për të ndihmuar individin, por edhe Partizanin.

“Demi? Nuk besoj se ka shumë rëndësi që një president të njohë futbollin shumë mirë, sesa të besojë tek ajo që ka investuar. Deri tani gjithçka është shumë mirë dhe nuk besoj se do ndryshojë. Rezultatet mund të ndryshojnë, por jo marrëdhëniet dhe mënyra si punojmë.

Konflikti me Trashin – “Kam qenë në moshën e tij dhe kam bërë gjëra edhe më të rënda se ai. Natyrisht, tani jam në pozicion tjetër dhe më duhet të marr edhe vendime. Trashi është ndër shtyllat kryesore të Partizanit, për 90 minuta bën një punë të jashtëzakonshme, ashtu si sot. Ai ndjen përgjegjësi, rasti që ndodhi është një reagim emocional, i momentit. Morëm një vendim, kishim dilemat tona, por ai ishte i ndërgjegjshëm dhe u pamë në sy. Duhet të punojmë e të jetojmë bashkë, jemi si familje. Pezullimi i Trashit nuk ishte thjesht vendimi im, kam marrëdhënie shumë të mirë me drejtuesit, drejtori Olsi Rama është i qetë dhe jo konfliktual. Jemi të tre, së bashku me presidentin Demi, në një linjë, ndaj ishim dakord për vendimin e marrë, në të mirë të klubit”.

“Befasia? Po, jam befasuar nga një pjesë e lojtarëve, që kur mora ekipin më krijuan dilema dhe ndoshta nuk më jepnin plotësisht shpresë, por kanë bërë ndryshime drastike, çka tregon forcë karakteri”.

Gega ka folur edhe për momentin më të keq të Partizanit këtë sezon, duke befasuar: “Fushë-Kruja, ndeshja kundër Kastriotit. Nuk isha i qetë, edhe pse shkuam në avantazh 2-0, sepse ekipi luante shumë thellë, Kastrioti po hynte në lojë dhe po krijonte presion. Kundër Laçit sot isha shumë i qetë, skuadra ishte vendosur mjaft mirë dhe e pashë që lojtarët nuk po abuzonin apo tërhiqeshin. Natyrisht, nuk kemi cilësi që të krijojmë raste pa fund, por sot isha i qetë”.

TIFOZERIA – “Ka vite që Partizani ka një mbështetje shumë të madhe, ata e kanë mbështetur në masë Partizanin edhe në momentet më të këqija të skuadrës. Kemi një grupim që na ndjek në çdo qytet që shkojmë. Të them të drejtën prisnim më shumë tifozë në ndeshjen e fundit.

QETËSIA – “Është e vërtetë që e kemi kërkuar të jemi të qetë, të menaxhojmë ndeshjen. Laçi është ekip që mbrohet mirë, ndeshja me Skënderbeun e tregoi këtë. Donim tre pikët, kur nuk po shënonim kisha dilemat e mira për të mos dalë nga detyrat taktike. Jam i kënaqur me paraqitjen e ekipit”.

MAKSIMUMI ËSHTË ÇËLËSI – “Kishim lodhje, që është shfaqur. Sot funksionoi grupi, punuam mirë taktikisht. Asnjëherë nuk kam qenë më i qetë nga ekipi, pasi po luanim të qetë. Jam i kënaqur që e kaluam këtë sfidë të vështirë”.

KOTE – “Patjetër që e shpërblen besimin tim. Është 20-vjeçar dhe arsyeja pse luan është se ka besimin tim. Nuk është lider, por edhe ndërrimi është mundësi për një lojtar. Do jetë shpesh në lojë, të gjithë do kenë pjesën e vet”.

CINIZMI – “Patjetër ka nevojë për përmirësim. Me Kamzën patëm 5-6 raste. Jo çdo ndeshje është e njëjtë. E dinim se me Laçin do ishte e vështirë. Me qetësi mund të shënonim edhe më tepër. Por kështu funksionon, jo çdo top shkuan ku duam ne. Normalisht kemi nevojë për përmirësim, por e mira është që jemi të parët. Do punojmë për të shënuar më shumë. Nuk korrigjohet gjithçka për dy javë”.

PLAN PËR TË DALË NGA KURTHET– “Kur nuk fiton lehtë del plani B. Sot ky është ekipi, do mundohemi të vazhdojmë kështu. Meritojnë komplimente djemtë. Për çdo situatë do kërkojmë zgjidhje të ndryshme. Të gjithë bënë maksimumin, do rregullohet edhe pjesa e shënimit”.

SITUATA – “Vazhdimësia është shumë e vështirë dhe shumë e rëndësishme. Duhet t’i marrim ndeshje një e nga një. Duhet të ruajmë performancë, por të shoqërohen dhe me rezultate. Për fat të mirë gjërat kanë shkuar mirë dhe urojmë që të vijojmë kështu”.

NDESHJA ME KASTRIOTIN – “Nuk do të doja të ndaloja në detaje për ndeshjen me Kastriotin. Besoj se ishte paksa anormale edhe atmosfera që është aty, ashtu si dhe fusha bëri të veten. Rezultati 2-0 na vuri pak në përgjumje dhe them se kjo ishte arsyeja. Kastrioti nuk kishte se çfarë të humbiste dhe do donte të merrte maksimumin. Arritëm ta kalonim me sukses dhe tani shohim te Laçi”.

LODHJA – “Kemi pasur lodhje, janë një pjesë lojtarësh që kanë luajtur vazhdimisht. Ata e kanë mbajtur peshën më të madhe. Një grup lojtarësh që e çojnë ekipin në tre vendet e para gjatë gjithë kohës është nën presion, kanë dhënë ritmin, prandaj jemi këty, nga lodhja e tyre. Do mundohemi të rikuperohemi. Si ne dhe Laçi dhe çdo ekip ka pjesën e tij”.

MENSAH DHE KËRKESA E LLOGARISË – “Zyra e një trajneri është fusha. Edhe ju gazetarët keni biseda në redaksitë tuaja me kryeredaktorët apo ato që janë sipër jush. Është normale që të bisedojmë. Ne bisedojmë gjatë gjithë kohës, pasi jam lideri dhe kam për detyrë që t’i sqaroj dhe t’i sheshoj gjërat, ndërsa për të vendosur vendos vetëm unë. Do të trajtohen të gjithë njësoj. Partizani është një familje e madhe nuk është e një personi dhe do mundohemi që të fusim frymën. Deri tani gjërat kanë shkuar mirë. Jo vetëm në fushë, por dhe natën të më kërkojë ta sqaroj do ta sqaroj. Është pjesë e familjes kështu që do të ndodhë që njerëzit duan minuta, të pyesin dhe kjo është ajo që ne bëmë”.

NDESHJA ME LAÇIN – “Është një situatë tjetër. Ne luajmë në fushën tonë. Do të kemi dhe tifozët në këtë përballje për fatin e mirë, që është një shtysë shumë e madhe. Fusha është më e mirë dhe janë shumë faktorë që ne na bëjnë optimist që të marrim maksimumin. Ndeshjet janë të ndryshme, me kundërshtar të ndryshëm. Nuk shihet humbja e Skënderbeut si pika jonë e dobët. Humbja e Skënderbeut me Laçin ka qenë e Skënderbeut. Unë marr përgjegjësitë dhe mundohem që ta ndërtojmë ekipin në bazë të konceptit tonë që kemi, kështu që është mirë të shohësh ndeshjen mes Laçit dhe Skënderbeut që të analizosh pjesët më të mira të kësaj sfide. Jemi gati për këtë përballje me Laçin. Është ndeshje e re, është ndeshja e radhës”.

MERKATO – “Emrat që përfolën në merkato? Nuk keni dëgjuar diçka nga unë apo nga klubi, unë i kam lexuar në media. Do të ulem me klubin dhe nëse do të biem dakord, do projektojmë diçka që mund të jetë në të mirën e klubit, atëherë emrat do të dalin shumë shpejt dhe duhet të keni durim. Deri tani i kemi në fokus sulmuesit dhe mbrojtësit, por nuk duhet harruar se me këtë grup jemi në vendin e parë. Në janar merkato është e hapur për të gjithë dhe nuk do të ketë sekrete. Se kush do ta marrë vesh i pari është kampionati i juaj, i gazetarëve”.

DËNIMI I TIRANËS – “Nuk mund të bëj koment për këtë ngjarje, pasin nuk jam unë personi që ligjërisht mund të bëjë përcaktime. Unë qëndroj tek ajo që dënimi kolektiv është i padrejtë. Uroj që tifozët tanë të vijën dhe të vijnë dhe të na mbështetësin, pasi do të ishte si një teatër pa spektatorë. Nuk mund të japësh 100%”.

PREMIOT NGA RIVALËT – “Është menaxhimi i tyre. Nuk kam asnjë kompleks si e menaxhojnë Skënderbeun, si e shtyjnë Laçin ekipet konkurrente. Edhe ne kemi pasur premio, nuk na ka munguar mbështetja. Kemi pasur gjëra ekstra, që nuk kanë qenë të parashikuara në kontratë, por kanë qenë shtytje nga presidenti dhe klubi. Nëse shkon me rezultatin punohet mirë dhe ka efekt. Ne kemi rrugën tonë. Ne nuk mund t’i pengojmë se si ata e gjejnë mënyrën për marrë maksimumin nga ekipi i tyre. Nuk e di nëse ndodh kjo gjë. Nuk e kam të drejtën dhe nuk është puna ime. Nuk ndiqen nga unë. Kanë një qëllim që e mbështesin, është mënyra e tyre se si duhet ta ndalojnë Partizanin, me lek me mbështetje me politika, nuk e kam idenë. Është krejt normale, njerëzit kanë aleancat e tyre, kanë ngjyrat e tyre. Partizani mbase është bërë i frikshëm dhe kjo nuk duhet të na vërë në gjumë, por të jemi me këmbë në tokë dhe të forcohemi më tepër”.

PARTIZANI – “Ne nuk kemi shtyrë asnjë. Partizani është një nga klubet më të mëdha në histori. Kemi tifozë nga Vermoshi në Sarandë. Kë të takosh në rrugë, kanë një dashamirësi, shprehin një mbështetje, por është dhe një përgjegjësi. Presioni është i pashmangshëm, ne duhet ta menaxhojmë, të jemi me këmbë në tokë edhe të mundohemi të marrim më të mirën.

Problemet – “Harruam që ndeshja zgjat 90 minuta. Kastrioti luftoi me shpirt. Patëm problemet tona, por jam i kënaqur me fitoren e marrë. Në mënyra të ndryshme lojtarët gabojnë. Asani gaboi, duhet të shërbente për ekipin. Nga java në javë gaimet janë të ndryshme, gabimet i bëjnë lojtarë të ndryshëm. Edhe kur kemi qenë në momente më të mirë, kam thënë se duhet të korrigjohemi. E thashë, më kënaq trepikëshi.

Kundërshtarët i afrohen portës? – Është e vërtetë, por ne jemi po të njëjtët. Problemi është lodhja. Treshja e sulmit është e lodhur dhe krijohen hapësira, por edhe në mesfushë. Telushi nuk ka bërë asnjë pushim, por është i domosdoshëm. Për mua është e rëndësishme të fitohet ndeshja, qoftë edhe me një gol.

Gabimet –“Gojkoviç është stërvitur gjithë kohën, është korrekt. Koha që ka pasur në stol ndikoi sot, nuk u koordinua dhe nuk pati agresivitet. Te goli i Kastriotit e mendoi veten fajtor dhe u rëndua. Mundohem të mos i vë gishtin askujt. Kemi një lodhje fizike, jemi i njëjti ekipi. Nuk jemi të freskët, shumë faktorë ndikuan sot. Shënuam shpejt dhe ndodh edhe në ekipe të mëdha që ulet agresivitet. Problemet që kemi nuk dua t’i them. Edhe ekipit i thashë që mos t’i vëmë fajin fushës”.