Në një intervistë për “Supersport”, 24-vjeçari u shpreh optimist për të ardhmen me klubin verilindor dhe  zbuloi arsyet që e shtynë që të rikthehej në Shqipëri.

“Më bindi projekti i klubit. Kukësi është ekip që synon trofe dhe kjo më bindi që të rikthehem në Superiore. Disa prej djemve i njoh, besoj se do krijojmë një grup të mirë e do kemi sukses, pasi për këtë kemi ardhur të gjithë këtu. Besoj se do ia dalim të arrijmë objektivat e klubit”.

Pas një muaji negociatash, mesfushori i kombëtares kuqezi ka firmosur për klubin nënkampion të Shqipërisë. Në Superiore, Gavazaj ka luajtur 2 sezone për ekipin e Skënderbeut, ku shënoi 3 gola. Ndërsa sezonin e fundit, 24-vjeçari luajti me Dinamo Minks në Bjellorusi.

Klubi ka bërë të ditur se 23-vjeçari është huazuar tek ata nga klubi i Skënderbeut deri në përfundim të gjysmës së parë të kampionatit. Gavazaj do të veshë fanellën me numrin 11 në ekipin e tij të ri.

Gavazaj më parë ishte pjesë e skuadrës së Jenisej Krasnojark, ekip ky që militon në Premier Ligën ruse. Ndoshta kalimi në një kampionat të një niveli më të ulët si ai i Bjellorusisë do t’i përshtatet më shumë futbollistit shqiptar që në Rusi u aktivizua në vetëm 7 takime.

? ???? ??????? – ????? ???????? "??????!

?? ???????????? ??????? ?????? ????? ? ?????? ??? ?????! Mirë se vini në Dinamo! ?? https://t.co/Wy9XmVnpyE#fcdm1927 #???????11 pic.twitter.com/V7F7GYLXeU

— ?? ?????? ????? (@FC_Dinamo_Minsk) March 13, 2019

Dinamo Minks është skuadra që është e interesuar për shërbimet e 23-vjeçarit nga Prizreni. Gavazaj u aktivizua nga minuta e parë në miqësoren midis Dinamos dhe ukrainasve të Prikarpatjas që u zhvillua dy ditë më parë dhe u mbyll me rezultatin  0 – 0.

Në rast se Gavazaj do të nënshkruajë një kontratë me Dinamon, ai do t’i bashkohet Elis Bakajt si shqiptarët e vetëm që aktivizohen në kampionatin bjellorus.

Krasnojarsk është një qytet i madh në Siberi dhe aty Gavazaj tashmë po provon makthin e të ftohtit, sepse që në nëntor temperaturat kanë zbritur shumë gradë nën zero, aq sa sot ishte 24 gradë nën zero gjatë natës dhe -16 në mesditë.

Ju duken temperatura të ulëta? Atëherë shihni dhjetorin, sepse të shtunën temperatura më e lartë do jetë -16 gradë, ndërsa të mërkurën e ardhshme moti do jetë vrasës, me temperatura nga – 28 deri në -34 gradë.

Në fundjavë Jenisej do presë Ahmatin e Balajt, Roshit dhe Berishës, ndërsa Federata Ruae ka refuzuar prerë kërkesën që ndeshja të luhet në stadium të mbuluar, nga ata që përdoren për stërvitje ose futboll salle.

Bernard Berisha e Odise Roshi ka kohë që nuk luajnë dhe nuk do shkojnë ne Siberi, por Gavazaj e Balaj priten të paktën në stol, për një torturë 2-orëshe.

E shtuna ka qenë një ditë e mirë edhe për sulmuesin Azdren Llullaku, i cili luajti për 90 minuta në fitoren  0-2 ndaj Hermanshtadtit. 30-vjeçari është rikthyer të shënojë për skuadrën e Astras në kampionatin rumun pas më shumë se dy muajsh. Llullaku ekzekutoi me saktësi një penallti në minutën 60-të, duke shënuar kështu golin e tretë në 12 aktivizime në ligën e parë rumune.

Fiorin Durmishaj mori minuta të plota në takimin e humbur 1-0 ndaj Panathinajkosit, ndërsa në Rusinë e largët, Enis Gavazaj e pa nga stoli të gjithë ndeshjen midis Jenisej Krasnojarskut dhe Orenburgut.

Ledian Memushaj dhe Peskara dolën triumfues nga ndeshje me Foxhian, që u fitua me rezultatin minimal 1-0. Breshia e Emanuele Ndojit barazoi 1-1 në transfertën ndaj Karpit, ndërsa Xhakomo Vrioni është aktivizuar nga stoli i rezervave në minutën 60-të në humbjen  2-1 të Venecias ndaj Leçes.

Ndërkohë lojtari tjetër i kombëtares, Enis Gavazaj, nuk po kalon një moment të mirë në Rusi. Ish-sulmuesi i Skënderbeut nuk u aktivizua në ndeshjen e sotme të Jenisej Krasnojarsl, ku ekipi nga Siberia u mund 1-2 nga vizitorit e Ural Jekaterinburgut.

Zenel Gavazaj është një ndër lojtarët që ende nuk kanë debutuar te skuadra korçare. Vëllai ish-sulmuesit të Skënderbeut, Enis Gavazaj, do ta shtyjë për një datë më të vonë debutimin e tij te skuadra e tij më re.

Sulmuesi 18-vjeçar është dëmtuar gjatë ndeshjes miqësore Shqipëri U19 – Islandë U19. Djaloshi nga Prizreni ka pësuar një frakturë në gishtat e dorës dhe me siguri do të mungojë për disa javë.

“Në pjesën e parë kisha më shumë hapësira. Nuk kishin shumë informacione se si luaja unë. U mundova që të tërheq sa më shumë pas vetes kundërshtarin. Jam i kënaqur me veten time, por duhet të punoj akoma dhe më shumë për t’u përmirësuar në të ardhmen”.

Mesfushori i kombëtares sonë është transferuar tek Enisej në kampionatin rus, ku do të luajë në Premier Ligë, ndërsa sot ka folur për faqen zyrtare të klubit rus. Natyrisht, më shumë se kundërshtarët, Gavazaj do të ketë rival të ftohtin, sepse në Krasnojarsk janari, për shembull, ka temperatura mesatare -20 gradë, një çmenduri për shqiptarët. Imagjinoni sa e vështirë do të jetë për Gavazajn të kalojë 4-5 muaj duke mos e parë asnjëherë termometrin të shkojë mbi zero.

Megjithatë, Gavazaj nuk ka frikë dhe beson se do t’ia dalë, ashtu si ka besim tek Enisej, debutues në Premier Ligë.

“Kam mbetur shumë i kënaqur nga ajo që kam parë. Ambientet e klubit janë shumë të mira, shokët e skuadrës dhe stafi më kanë pritur shumë mirë. Kjo skuadër ka gjithçka që i duhet për të zhvilluar stërvitje të nivelit të lartë. Tani jemi në fazë përgatitore dhe po punojmë me ritëm të lartë, jam i bindur se në fund do të arrijmë rezultate të mira.

“Pse e zgjodha Enisein? Sepse është pjesë e një kampionati shumë të fortë dhe është një sfidë e madhe për mua. Jam i sigurt se mund të jap një kontribut të rëndësishëm te kjo skuadër. Do të bëj gjithçka kam mundësi për të ndihmuar ekipin dhe premtoj impenjim maksimal. Në miqësoren e fundit u ndjeva shumë mirë, u kuptuam mirë në fushë dhe shpresoj që të përmirësohemi gjithnjë e më shumë. Më vjen mirë që kjo skuadër luan shumë me topin dhe në miqësore kemi pasur një zotërim të madh të topit, tipar dallues i këtij ekipi.

“Krasnojarks? Sinqerisht nuk kisha shumë informacion, kur më informuan për ofertën u futa në internet për të lexuar dhe tani po marr gjithnjë e më shumë informacion. Po përshtatem me stilin e punës, në mënyrë që stili im i lojës të ndërthuret me atë të skuadrës.

Dmitri Aleniçev, ish-futbollist i famshëm rus (ish-Roma) është trajner: “Po, e kam zbuluar edhe këtë nëpërmjet internetit dhe kam mësuar shumë edhe për të shkuarën e rëndësishme të trajnerit. Tani e di çfarë futbollisti ka qenë, në nivelet që ka luajtur. Natyrisht është një nder i madh për mua që të punoj me të. E përsëris, më pëlqen gjithçka këtu.

“Moti? Natyrisht, do të jetë një sfidë më vete për mua, por besoj se do të mësohem shpejt, nuk kam frikë, as nga arinjtë dhe as nga i ftohti”.

Behet fjalë për një klub të vogël në Siberi, në qytetin Krasnojarsk, por që mahniti sezonin e shkuar duke fituar edhe ndeshet play-off dhe duke u ngjitur në Premier Ligë. Buxheti i klubit është i konsiderueshëm dhe Gavazaj është një nga goditjet që klubi ka planifikuar deri në fillimin e kampionatit.

Në këtë mënyrë, Gavazaj le Shqipërinë pas dy sezonesh shumë të mira me Skënderbeun, ku rigjetur formën e plotë fizike dhe kapi kombëtaren shqiptare, pas vuajtjeve nga dëmtimet në Belgjikë, ku nuk i eci te Genti e më pas te Roselare.

23-vjeçari largohet nga Skënderbeu pas 75 ndeshjesh dhe 6 golash e shumë asistesh, ndërsa tani kërkon sukses në Rusi. Feston edhe Skënderbeu, që sërish bën një goditje të madhe, dalë bashkëpunimit me menaxherin Shkumbin Qormemeti.

Mesfushori anësor është prezantuar sot nga klubi rus, që i ka uruar mirëseardhjen edhe në shqip.

23-?????? ???????????? ??????? ??????? ???? ??????? @enisgavazaj7 ???????? ???????? ? "???????". ???? ??????? ??????? ????? ? ???????? ??????? ?????? ???????. ??? ? 16-?????? ???????? ?? ??????? ? "????????", ???? ?? ??????? ?????? ??????. ????? ??? ???? ??????? ???????? ?????? ???????????? "?????", ??? ?????? ??? ?????? ? ???????? ?? ??????, ???????? ???????? ? ??????? ???????? ?????????? — "??????????". ? ??????? ?????????????? ???????? ??????? ??????? ?????? ?? ??? ?????? 78 ??????, 12 ?? ??????? ? ???? ??????, ????? 6 ?????. ???????????? ??? ??????? ?? ????????? ? ?????????? ??????? ???????, ? 2018 ???? ?????? ????????? ? ??????? ???????????? ???????. ??????? ????? ??????? ??? ?? ??????, ??? ? ?? ????? ?????? ??????????, ??? ???????? ??????? ???????? ? ??????? ????????. ????? ?????????? ? "??????"! Mirëpritur në Jenisey!

A post shared by ?? «??????» (@fcenisey) on Jul 16, 2018 at 3:41am PDT

Leonard Trebicka

“Nëse do ta humbim trofeun e titullit, jam gati ta lë futbollin. Këtë e them, sepse jam i bindur se çështja e titullit është e mbyllur dhe ka kohë që e ka marrë rrugën drejt Korçës, është shumë pranë qytetit tonë”, – thekson mes të tjerash Enis Gavazaj, i cili vë bast gjithçka për titullin kampion. Ai shprehet se tashmë të gjithë e kanë pranuar se Skënderbeu është skuadra më e mirë dhe se e meriton titullin. Gavazaj, i cili pas plot 115 ditësh u rikthye te goli, ka bindjen se Skënderbeu do të japë më të mirën deri në fund. Pas kthimit në Korçë, Enis Gavazaj ka dhënë këtë intervistë për “Sport Ekspres”:

– Enis, pa shumë kohësh keni shënuar atë gol të bukur ndaj Flamurtarit. Si ndiheni tani që jeni zhbllokuar?

– Sigurisht që jam shumë i lumtur. Por më shumë se i gëzuar pas ndeshjes në Vlorë jam për atë trepikësh që morëm dhe që treguam se kush është Skënderbeu. Fitorja është më e rëndësishme se goli që shënoi Enis Gavazaj.

– Çfarë kishte ndodhur që Gavazaj nuk po arrinte ta gjente rrugën e rrjetës?

– Nuk e di, as vetë nuk e di çfarë ndodhi realisht këto muaj pa shënuar. Ndoshta ka qenë psikologjike, por javë pas jave do të përpiqem të ndihmoj ekipin me golat e mi. Janë edhe 8 javë deri në fund dhe do të vazhdoj të shënoj, jam shumë i bindur.

– Vrapuat drejt trajnerit Ilir Daja për ta ndarë gëzimin e golit. Kishit ndonjë dedikim për të?

– Në fakt, vrapova drejt trajnerit Ilir Daja, por po ta shikoni me vëmendje, u bëra me shenjë të gjithë shokëve të vraponim atje. Me këtë gjest tregova se jemi të gjithë të bashkuar

– Skënderbeu fitoi bindshëm në një ndeshje të parashikuar shumë të vështirë, por që në fakt rezultoi e lehtë në fushë…

– Thjesht besuam tek aftësitë dhe cilësitë tona. Kemi një grup shumë të mirë dhe ky është realisht Skënderbeu që keni parë gjatë gjithë sezonit. U kthyen në formacion Vangjeli dhe Radas, të cilët i dhanë më shumë impuls lojës tonë. Kur jemi të kompletuar, nuk ka skuadër që të na ndalë, ndaj dhe në Vlorë bëmë gjithçka mirë, duke fituar bindshëm.

– Ishin vlonjatët ata që ju mundën për Kupën e Shqipërisë 1-0 në Korçë. Çfarë ndryshoi në Vlorë?

– Mendoj se vetëbesimi ishte “ilaçi”, nuk ka asgjë tjetër që kemi bërë ndryshe në ndeshjen e fundit.

– E mund të përmbysë Skënderbeu humbjen e Korçës në ndeshjen e kthimit në Kupë?

– Me atë synim do të shkojmë pas 10 ditësh në Vlorë, për ta fituar ndeshjen. Kemi synimin që këtë sezon t’i fitojmë të dy trofetë dhe do të bëjmë gjithçka në Vlorë që të fitojmë bindshëm dhe të kualifikohemi. Gjithsesi, kemi kohë deri në atë moment, sepse përpara kemi ndeshjen e kampionatit.

– Skënderbeu ka 12 pikë avantazh nga Kukësi i vendit të dytë. Ka shanse që në 8 javët e mbetura ta rrezikoni trofeun?

– Nëse na kanë parë në Vlorë, nuk mendoj se dikush mund të mendojë që Kukësi ka shanse të na kapë. Titulli është i mbyllur.  

– Pse jeni kaq i bindur?

– Kam qenë shumë i bindur dhe e përsëris se titulli është i Skënderbeut. Nëse do ta humbasim titullin, jam gati ta lë futbollin. Këtë e them, pasi jam i bindur që trofeu është mbyllur dhe ka kohë që e ka marrë rrugën drejt Korçës, është shumë pranë qytetit tonë.

– Tre gola deri tani në kampionat për Enis Gavazaj. Jeni i kënaqur?

– Më shumë rëndësi ka ecuria që ne kemi pasur këtë sezon, që nga Europa League dhe deri te kampionati. Në anën personale do të vazhdoj të shënoj dhe asgjë nuk ka përfunduar që të bëj bilance në këtë moment.

– Si i parashikoni 8 javët e mbetura të kampionatit?

– Do të luftojmë që të kemi vazhdimësi, të fitojmë trofeun dhe të jemi gati për Champions League.

– Vendimi i UEFA-s, që e përjashtoi 10 vite Skënderbeun nga Europa, ka rënë si “bombë” në Korçë. Po ju, si e keni përjetuar?

– Nuk kam koment për këtë çështje dhe nuk i përgjigjem dot pyetjes që po më bëni.

– Sa shpresë ka Gavazaj që Skënderbeu do t’ia hedhë në CAS?

– Jemi të fokusuar te ndeshja e radhës. Për të tilla gjëra pyesni personat e duhur. Mua më pyesni për fushën.

– Çfarë do të ndodhë këtë verë me Gavazajn. Mendoni se do të luani në Champions me Skënderbeun, apo për ndonjë skuadër tjetër në Europë?

– Thjesht të luajmë së pari në Champions League, pastaj flasim edhe për momentet e tjera.

– Gavazaj kuqezi. Si e keni pritur atë grumbullim pak ditë më parë parë?

– Po, kam bërë një paraqitje të mirë përpara trajnerit dhe shpresoj të vazhdoj kështu në të ardhmen, pse jo ta bind sa më parë që të jem edhe në fushën e lojës.

– Së fundi, ndeshja e radhës ndaj Kamzës. Kur e fiton matematikisht trofeun Skënderbeu?

– Do të mundohemi që javë pas jave të marrim vetëm fitore. Nuk mund ta them matematikisht se kur do ta fitojmë trofeun, por do të vijë shumë shpejt. Duroni edhe pak, sepse titulli është i sigurt dhe festën patjetër që do ta nisim.

“Nuk është se ishte një ndeshje e vështirë por loja që praktikonte Flamurtari ishte një lojë një kundër një dhe normalisht e kishim të vështirë që të gjenim kohë për administrimin e lojës, megjithatë dolëm nga ky kurth dhe patëm disa raste për shënim. Kjo ishte loja jonë dhe kundërshtari nuk na vuri në asnjë moment në rrezik.

“Shënuam golin dhe jemi të qetë. Jemi 11 pikë para dhe mund të them se është një situatë e mirë për ne që të menaxhojmë diferencën. Mund të them se kampionati nuk është mbyllur por është i gjithi në dorën tonë”, u shpreh mesfushori pas ndeshjes së djeshme.

Të enjten, në Beograd, pritet të jetë në fushë nga minuta e parë, edhe pse me modesti thotë se më mirë se kushdo tjetër këtë gjë e di trajneri Ilir Daja. Enis Gavazaj, i cili po luan me maskë në fytyrë, në Korçë ka marrë tashmë nofkën “Zoro”. Lojtari sqaron se maskën do ta mbajë edhe në disa ndeshje të tjera. Ka shënuar golin e parë ndaj Luftëtarit dhe ndihet i lumtur për rikthimin në ndeshje, pasi mungesën prej një muaji e ka vuajtur jo pak. Pas seancës së djeshme stërvitore në Korçë Gavazaj ka folur për “Sport Ekspres”, duke shprehur besimin se në Beograd Skënderbeu  mund t’ia dalë për t’u kthyer me tri pikë.

– Gavazaj, pas më shumë se një muaji riktheheni në formacion, pasi trajneri ju llogarit kështu në Europa League. I kënaqur?

– Normalisht, jam i kënaqur së pari për rikthimin në fushën e lojës, sepse më mungonte shumë, më pas edhe për golin që shënova së fundi. Pastaj, nëse do të jem titullar në Beograd, apo në ndeshjet e tjera, atë e di më mirë se kushdo tjetër vetëm trajneri Ilir Daja. Janë gjëra që i takojnë stafit teknik.

– Çfarë përjetuat gjatë gjithë kësaj periudhe, pasi ishin shumë javë mungese në fushë?

– Më mungonin shumë të gjithë. Më mungonte fusha, më mungonin shokët, më mungonte ajo që përjetoj çdo ditë dhe ishin ditët e mia më të vështira. Me ndihëm e shokëve ja ku u riktheva dhe për këtë jam shumë i lumtur.

– Në takimin e fundit ju kemi parë me maskë në fytyrë. Do ta mbani gjatë dhe sa ju pengon në fushë?

– Do ta mbaj disa ndeshje, deri sa të mos kem asnjë rrezik në momentet e përplasjeve. Nuk është se maska më pengon shumë, por që sigurisht më e mira do të jetë kur të jem i lirshëm, pa të në fushë.

– Keni shënuar golin e parë me fanellën e Skënderbeut pak minuta pasi u futët në fushë…

– Duhet ta kisha bërë që në ndeshjet e para, por që ja duhej të vinte ky moment, që më gëzoi dyfish. Por dua të them edhe tjetrën se fati nuk ka qenë me mua. Këtë gol ua dedikoj të gjithëve atyre që më ndihmuan të rikthehem në fushë.

– Kalojmë te ndeshja e së enjtes në Beograd. Si po e përgatit këtë transfertë Skënderbeu?

– Po e përgatisim në mënyrën më të mirë dhe duam të japim gjithçka në atë ndeshje. Sigurisht, kemi edhe dy stërvitje të tjera dhe shpresoj që të mbyllen edhe këto sa më mirë për ne.

– Sa e vështirë është një ndeshje e tillë?

– Po, është shumë e vështirë dhe këtë e dimë. Madje jo vetëm kjo, por të gjitha ndeshjet europiane jashtë fushe duan një angazhim dyfish më të madh. Gjithsesi, besoj shumë se do t’ia dalim.

– Sa shanse ka Skënderbeu që nga Beogradi të kthehet me një rezultat pozitiv?

– Kemi shanset tona dhe ashtu si kemi luajtur në takimet e tjera në Europë, do të luajmë edhe këtë herë, për të marrë një rezultat pozitiv.

– Vendi i dytë në grupin B të Europa League varet nga rezultati i së enjtes. Ju si mendoni?

– Vendi i dytë në grupin B të Europa League varet nga rezultati ynë në këtë ndeshje, por edhe i ndeshjeve të tjera në vazhdim. Me një ndeshje të mirë në Beograd, them se do t’i shtojmë shanset që edhe këtë objektiv të vështirë ta arrijmë. Do të bëjmë ç’është e mundur.

– Në listën e lojtarëve, për të cilët ka oferta konkrete te Skënderbeu, jeni edhe ju. Mund të na thoni diçka më shumë?

– Për këto gjëra më mirë të flasin personat përgjegjës, që nga menaxheri dhe deri te drejtuesit e Skënderbeut. Personalisht, jam i përqendruar për momentin vetëm tek ekipi për të dhënë më të mirën, pastaj të tjerat le t’ia lëmë kohës.

– Gavazaj pritet të jetë zëvendësuesi i Liridon Latifit. A do të arrini ta bëni një gjë të tillë?

– Kam ardhur te Skënderbeu për të dhënë gjithçka, të bëj më të mirën në mënyrë që skuadra të arrijë ato objektiva që ka. Deri tani besoj se e kam bërë një gjë të tillë, por do të përpiqem të jap edhe më shumë në të ardhmen.

– Mund të bëni një parashikim për ndeshjen e së enjtes?

– Shpresoj shumë që fitues në fund të këtij 90-minutëshi të jetë Skënderbeu dhe besoj shumë që do t’ia dalim. Do të japim gjithçka për gjithçka. Do të guxojmë për fitore në Beograd, sepse nuk kemi frikë asnjë kundërshtar.

Fatjon Rupi

“E merituam fitoren në Kukës dhe ia dedikojmë Enis Gavazajt, të cilit i urojmë rikthim të shpejtë në skuadër.” Këto kanë qenë disa nga fjalët e thëna nga trajneri i Skënderbeut, Ilir Daja, pas suksesit në Kukës. Ai deklaroi për mediet se stafi teknik,  futbollistët, stafin drejtues dhe presidenca, atë fitore ia kushtonin pikërisht atij, kosovarit Gavazaj. Të enjten, në ndeshjen e Europa League ndaj Jong Bojs në “Elbasan Arena”, Gavazaj u dëmtua pa kaluar 20 minuta lojë. Nga një përplasje me portierin zviceran ai pësoi një dëmtim në fytyrë,q ë më pas rezultoi një thyerje e kockës poshtë syrit. Lojtari u transportua në spitalin “Salus”, ku qëndroi nën kontrollin e mjekëve italianë për disa ditë dhe dje në mesditë kreu ndërhyrjen kirurgjikale, që fatmirësisht ka përfunduar me sukses. Të hënën Skënderbeu luante në Kukës dhe arriti të fitonte, ndërkohë që të gjithë ia kanë dedikuar suksesin Enisit, lojtarit që mezi e presin të kthehet.

GJENDJA – Enis Gavazaj ka kryer me sukses operacionin në fytyrë, ndërkohë që mjekët italianë vazhdojnë t’i qëndrojnë pranë në spitalin “Salus”, në kryeqytet. Për sot është parashikuar që Gavazaj të dalë nga spitali dhe më pas të vijojë fazën e riaftësimit. Gazeta ka komunikuar dje me lojtarin, që ka shpjeguar më shumë rreth gjendjes së tij shëndetësore dhe se kur mund të kthehet në fushë. Lajmi i mirë është se pas 3-4 javësh  mesfushori do të bashkohet me skuadrën dhe do të jetë gati për Dajën. Çdo gjë kaloi me kaq dhe ndoshta Enisi duhet të falënderojë Zotin, sepse goditjen e ka marrë në një vend shumë delikat në fytyrë. Ekskluzivisht për “Sport Ekspres” Gavazaj u shpreh: “Ju falënderoj juve për interesimin në këtë moment, kur kam vetëm disa orë që kam dalë nga salla e operacionit. Dua t’u them të gjithë dashamirësve të mi se gjithçka kaloi me sukses dhe për këtë jam shumë i lumtur. Më e keqja tashmë kaloi dhe pavarësisht se sot (dje), një ditë pas operacionit, jam i enjtur në fytyrë, jam i gëzuar, sepse nesër (sot) do të dal dhe gjithçka shkoi si mirë. E mora vesh që Skënderbeu fitoi dhe u gëzova vërtet shumë për atë fitore në Kukës. Por më shumë u gëzova për atë dedikim që më bëri e gjithë skuadra. Ishte një fitore enkas për mua. Ndjehem shumë krenar dhe i lumtur për këtë Skënderbe, sepse jemi pa diskutim një familje e madhe. Ja pse Skënderbeu është ndryshe nga skuadrat e tjera! Edhe në ditët e vështira të gjithë jemi të bashkuar. Faleminderit shumë dhe ju jam shumë mirënjohës!”

PANTAZI – Enis Gavazaj do të dalë sot nga spitali, ndërkohë mjeku i Skënderbeut, Jorgo Pantazi, i cili çdo moment i ka qëndruar pranë, ka sqaruar rreth rikthimit të mesfushorit kosovar: “Po, Enisi e kreu me sukses operacionin dhe do të dalë nga spitali nesër (sot). Më pas i duhen 10-14 të qëndrojë pushim, por jo pushim absolut. Mund të punojë në palestër, të bëjë terapi apo diçka tjetër, që do t’i shërbejë shumë. Pas këtyre dy javëve, Gavazaj do të jetë gati për të filluar gradualisht me grupin dhe kjo do të thotë se duhen diçka më shumë se tri javë që lojtari të kthehet plotësisht. I uroj rikthim sa më të shpejtë dhe jam i bindur se Gavazaj do të kthehet edhe më i fortë.”

Gavazaj jo vetëm që kishte fituar vendin e titullarit te Skënderbeu, por ishte bërë një nga më të rëndësishmit në fushë për të. Në Superligë ka luajtur 235 minuta, ndërkohë që la shkëlqyer në Europa League me paraqitjet e tij. Dje kosovari ka kaluar me sukses operacionin, siç e tregon edhe kjo foto enkas për “Sport Ekspres”. Së shpejti do të jetë gati për t’i shërbyer skuadrës korçare.

Leonard Trebicka

Pas largimit të Liridon Latifit, sytë janë kthyer tek Enis Gavazaj, një tjetër lojtar që premton shumë dhe ndoshta verën e ardhshme do të jetë ai që do të shitet. Në Europë, por edhe në startin e këtij kampionati, ai ka treguar një formë vërtet të mirë. Enis Gavazaj ka folur dje nga Korça për ndeshjen e së enjtes në mbrëmje, për tri javët e para të kampionatit dhe objektivat e këtij Skënderbeu. Ja intervista e plotë e Enis Gavazajt për “Sport Ekspres”:

– Gavazaj, si ndiheni tani, pas largimit të Latifit, pasi vëmendja është tek ju?

– Gjithçka është perfekte, ndihem shumë mirë. Skënderbeu dihet se kush është dhe nuk ka nevojë ta them unë, e thonë të gjithë. Kam kohë me këtë skuadër dhe përshtypjet janë fantastike.

– Të enjten prisni në “Elbasan Arena” zviceranët e Jang Bojs. Si e mendoni këtë takim?

– Do të bëjmë maksimumin në fushë, në mënyrë që të nderojmë Skënderbeun, pse jo dhe gjithë Shqipërinë. Futbolli shqiptar ka nevojë për reklamë dhe ne e kemi bërë dhe do të vazhdojmë ta bëjmë në grupet e Europa League.

– Sa e vështirë do të jetë në fushë ndaj këtij kundërshtari?

– Si në çdo ndeshje tjetër, pavarësisht se do të luajmë në Elbasan, do të jetë e vështirë. Të gjitha skuadrat në fazën e grupeve kanë koeficient të lartë vështirësie, sepse jo më kot janë deri këtu. Gjithsesi, kemi për detyrë të bëjmë atë që dimë të bëjmë dhe kam besim se do t’ia dalim.

– Presidenti Ardjan Takaj tha një ditë më parë se, nëse skuadra futet e karikuar në çdo ndeshje, suksesi është i garantuar…

– Po, është e vërtetë. Ne gjithmonë jemi futur të karikuar në fushë dhe këtë gjë do të bëjmë edhe këtë herë. Them se kjo do të jetë një anë shumë pozitive e jona.

– Për të kaluar te kampionati, ku janë luajtur tri javët e para dhe jeni në krye. Si ju duket ky start?

– Kampionati shqiptar është tjetër gjë, ndryshon nga ndeshjet europiane. Starti është pozitiv dhe jam i bindur se në vazhdim do të bëjmë diferencën me skuadrat e tjera. Në fund të fundit, ky është Skënderbeu.

– Nga këto 270 minuta që janë luajtur, sipas jush, cilat janë skuadrat rivale për titullin kampion?

– Mendoj se është herët për të thënë se cilat skuadra janë pretendente. Gjithsesi, nuk besoj që do të ketë ekipe surprizë, përveç Kukësit, Partizanit apo edhe Flamurtarit. Të shohim, është shpejt, janë luajtur vetëm tri ndeshje.

– Sa shanse ka ky Skënderbe të fitojë me Jang Bojs të enjten, mund t’ia dalë?

– Nëse do të futemi në fushë me mendimin se nuk do t’ia dalim, do të gabonim shumë. Ne do të jemi 100% të karikuar dhe e vetmja alternativë për ne është fitorja.

– Cili është objektivi i Skënderbeut në grupet e Europa League, kur luhet ndeshja e dytë?

– Objektivin e kemi bërë të qartë. Është vendi i dytë dhe shanset janë. Pavarësisht se është e vështirë, do të bëjmë të pamundurën, sepse jemi Skënderbeu.  

KONKURRENCA – Në prononcimin e tij, Enis Gavazaj ka folur së pari për vendin e tij si titullar: “Formacioni është vështirë të fitohet te Skënderbeu, por është edhe po kaq vështirë të mbahet. Mendoj se e kam justifikuar deri tani besimin që më ka dhënë trajneri Ilir Daja dhe gjithmonë do të jem në shërbim të ekipit. Edhe kur e kam nisur nga stoli, sërish kam dhënë më të mirën në fushë. Gavazaj është i njëjti si në fushë, por edhe jashtë saj. Edhe në Zagreb jam gati të jap më të mirën dhe këtë keni për ta parë.”

FORMA – I pyetur se a është gati Skënderbeu për përballjen e radhës dhe si e shikon atmosferën në skuadër, Gavazaj shprehet: “Po kalojmë një formë të mirë sportive të gjithë si skuadër, ndërkohë që nuk duhet harruar se ka qenë një periudhë shumë e ngarkuar me ndeshje dhe stërvitje. Të gjitha ekipet e tjera kanë pushuar gjatë kësaj periudhe, ndërkohë që ne kemi qysh pas përfundimit të kampionatit që stërvitemi dhe më pas kemi luajtur edhe 6 ndeshje deri tani. Kjo bën të jemi disi të ngarkuar, por e përgjithshmja është se jemi gati dhe do të tregojmë më të mirën edhe në Zagreb.”

SHANSET – Për kundërshtarin e nesërm dhe shanset e Skënderbeut, mesfushori kosovar shton: “E dimë forcën e Dinamos së Zagrebit, por kemi shanset tona në Zagreb, por edhe në Elbasan, në ndeshjen e kthimit. Kundërshtari ka një skuadër me elementë shumë cilësorë dhe këtë e dimë shumë mirë. Shpresoj të jemi në 100%-shin tonë dhe pa diskutim që nëse kjo do të ndodhë, ju garantoj se do të rivalizojmë në fushën e lojës. Shanset për mua janë të barabarta. Synojmë grupet, ashtu si dhe Dinamo, prandaj kjo e bën këtë përballje edhe më të fortë. Mendoj se kualifikimi do të vendoset në “Elbasan Arena” dhe shpresoj që aty të ndodhë vërtet për ne, për të festuar bashkë me tifozët tanë të zjarrtë”.

Leonard Trebicka

Te Skënderbeu ka optimizëm për ta kaluar edhe turin e tretë të Europa League. Të gjithë lojtarët e shohin plotësisht të mundshëm kalimin e Mladës, pavarësisht humbjes në Çeki. Enis Gavazaj, i cili ishte ndër më të mirët e ekipit në mbylljen e sezonit të fundit, është aktivizuar nga stoli ndeshjet e fundit. Në Çeki ishte pikërisht ai që i dha më shumë impuls lojës sulmuese të Skënderbeut, duke e kërcënuar portën kundërshtare me dy-tre gjuajtje nga distanca. Kosovari që luan në të dy krahët e mesfushës, në një intervistë për “Sport Ekspres”, shpreh besimin e madh për kalimin e turit, por bën apel për kujdes dhe përqendrim maksimal. “Nëse Skënderbeu bën lojën e tij, pak rëndësi ka forca e kundërshtarit”, – thekson mes të tjerash mesfushori Gavzaj. Ja intervista e plotë e tij:

Gavazaj, si do ta konsideronit rezultatin e ndeshjes së parë me Mladën, sa shanse kualifikimi ju je?

– Rezultati i Çekisë na lë të shpresojmë. Humbja 2-1 është më e përshtatshme se ajo 1-0, që ishte deri në minutat e fundit të ndeshjes. Fakti që kemi shënuar gol në fushë kundërshtare na bën të mësojmë se mund ta përmbysim në kthim dhe të kalojnë në raundin tjetër. Barazuam, por për fat të keq, nuk mundëm të mbanim rezultatin pozitiv. Pësuam një gol të dytë nga pakujdesia, që na prishi shumë punë, por e ritheksoj se kemi shpresa të mëdha kualifikimi.

– Çfarë ndodhi në ato momente të fundit, kur u ndëshkuar sapo kishit barazuar?

– Nuk e di, ndoshta ishte moment shpërqendrimi, pasi ende nuk kishte përfunduar festa e golit të barazimit. Nuk ishim aq të vëmendshëm, pra në maksimumin tonë, ndaj dhe pësuam atë gol. Na vjen keq, por do të mundohemi ta rikuperojmë.

– Sa e vështirë do të jetë ndeshja në Elbasan, ku ju bën punë vetëm fitorja?

– Siç çdo ndeshje në Europë, sidomos në turin e tretë, është mjaft e vështirë. Mendoj se duhet të jemi dyfish të përqendruar dhe njëkohësisht të motivuar për të bërë më të mirën tonë në ndeshjen e kthimit. Jam i bindur se me seriozitet dhe me impenjim maksimal, do të arrijmë ta kalojmë me sukses ndeshjen dhe Skënderbeu do të jetë në “play-off”.

– Tani e njihni më tepër Mladën. Ku mendoni se i ka pikat e forta dhe të dobëta të saj?

– Do të thosha se është më mirë të përqendrohemi te vetja, pra vetëm te loja jonë. Të jemi shumë më shumë grup dhe të luajmë me përqendrim. Të tjerat nuk besoj se do të na interesojnë shumë. E them këtë, pasi nëse Skënderbeu luan siç di ai dhe jep maksimumin në fushë, nuk është problem forca e Mladës.

– Luani në Elbasan dhe jo në Korçë. Sa ndikon ky fakt për ju?

– Sigurisht, do të ishte me mirë të luanim në fushën tonë, por edhe në Elbasan do t’ia dalim. Kemi marrë premtimin e tifozëve tanë se do të jenë të shumtë në numër në atë ndeshje, për të na dhënë mbështetjen e tyre. Kjo ka më shumë rëndësi. Të gjithë bashkë ia arrijmë qëllimit.

– Nëse flasim me përqindje, sa mundësi kualifikimi ka Skënderbeu?

– Nuk dua të flas me përqindje. Por po them sërish se, nëse ne luajmë si grup, do ta kalojmë Mladën.