“Milani qëndron në zemrën time. Ai klub më dha një mundësi të madhe. Ne humbëm mundësinë për t’u kualifikuar në Champions League, por unë mbaj mend shumë gjëra pozitive. Të përfundosh kampionatin me 68 pikë nuk do të thotë pak. Milanin e drejtojnë njerëz shumë aftë. Klubi është në duar të sigurta dhe tifozët nuk kanë pse shqetësohen.”

“Kam dëshirë të vazhdoj të trajnoj, por duhet marrë vendimi i duhur. Do konsultohem edhe me pjesën tjetër të stafit, pasi në jemi një grup. Më parë na duhet një ofertë konkrete”, përfundoi Rino Gatuzo.

“Historia ime me Milanin nuk mund të jetë kurrë një çështje parash”, u shpreh Rino, duke emocionuar edhe njëherë gjithë tifozët e “Djallit”, por edhe ata që e dashurojnë me zemër lojën më të bukur me top. Që për fat të keq, ka shumë pak persona si ai brenda…

Pepe Reina ka reaguar pas largimit të trajnerit. Portieri spanjoll ka zgjedhur fjalë të bukura për ish-trajnerin e tij, të cilit i dërgon urimet më të mira.

 

View this post on Instagram

 

Nel calcio raramente si trovano persone del genere..il nostro mondo è piuttosto effimero e superficiale ma tu sei una razza diversa..VALORI DI UOMO VERO ti contraddistinguono dal resto…con un GRAZIE di ? Ti auguro tantissima fortuna a te e la tua meravigliosa famiglia!!

A post shared by Pepe Reina (@preinaofficial) on May 29, 2019 at 2:41am PDT

“Në futboll rrallë mund të gjesh njerëz të tillë. Çdo gjë në këtë botë është sipërfaqësore dhe kalimtare, por ti je komplet diçka tjetër, një racë tjetër. Vlerat e një burri të vërtetë të dallojnë nga pjesa tjetër. Të falenderoj nga zemra dhe të uroj shumë fat ty dhe familjes tënde të mrekullueshme.”

Negociatat për rinovimin nuk kanë nisur ende dhe duket sikur aventura e tyre me Milanin ka mbaruar. Edhe trajneri Gatuzo nuk ka preferuar të flasë për situatën e lojtarëve të tij, duke thënë që ky është një problem i klubit dhe jo i tij.

“Është një problem me pjesën e menaxhimit, jo i imi. Detyra ime është të rreshtoj skuadrën në fushë. Abate dhe Zapata kanë qenë këtu për shumë vite dhe kanë dhënë gjithmonë maksiumin. Për ta, kam vetëm fjalët më të mira, por fjalën e fundit do e thotë klubi”, u shpreh Gatuzo.

Gjërat nuk janë aspak të qeta në ambientin kuqezi dhe ditën e sotme duket se ka shpërthyer gjithçka. Në stërvitjen e mëngjesit të sotëm, Timue Bakajoko është vonuar më shumë se një orë dhe në momentin që francezi është shfaqur, seancës stërvitore i kishin mbetur vetëm 10 minuta.

? #UltimOra #Milan#Bakayoko in ritardo di un’ora all’allenamento
Per lui in arrivo una forte multa#SkySport

— Sky Sport (@SkySport) May 1, 2019

Kjo vonesë e mesfushorit ka tërbuar trajnerin Gatuzo, i cili ka ndëshkuar të gjithë ekipin. Grumbullim deri në ditën e ndeshjes me Bolonjën. Vetëm hotel dhe stërvitje, asnjë dalje dhe asnjë takim me familjarët. Situata duket kaotike momentalisht te Milani…

#Milan, ritiro punitivo di #Gattuso.
La decisione è stata presa dopo l’allenamento. La ricostruzione ? https://t.co/Vet6bH5YuC

— Gianluca Di Marzio (@DiMarzio) May 1, 2019

Emrat e përmendur kanë qenë të shumtë, me Mauricio Sarrin, Antonio Konten apo dhe Mauricio Poçetinon, por që duken disi të vështirë për t’u arritur. Së fundmi, ka dalë një emër i ri, që duket edhe më i arritshëm se emrat e sipërpërmendur.

Crescono le quotazioni di Gian Piero #Gasperini per la panchina del #Milan nella prossima stagione. Un nome che piace molto a Paolo #Maldini per il gioco e l’abilità con i giovani. Primi contatti esplorativi già avviati. Anche se #Percassi prova a fare muro… #calciomercato

— Nicolò Schira (@NicoSchira) April 29, 2019

Xhanpiero Gasperini pëlqehet shumë nga Paolo Maldini dhe mundësitë e tij për të marrë drejtimin e “Djallit” po rriten ndjeshëm. Drejtori i Milanit e pëlqen shumë edhe stilin e lojës së italianit, i cili ka bërë një punë të shkëlqyer me Atalantën.

Sipas mediave në Itali, kontaktet kanë nisur dhe pritet me interes se çfarë do të ndodhë. Kujtojmë, në të kaluarën Gasperini ka drejtuar edhe Interin, por eksperienca e tij me zikaltrit nuk rezultoi e suksesshme.

Megjithatë, argjentinasi ka përgënjeshtruar gjithçka. Ndodhet në një nga skuadrat më të mira në botë, të cilën e ka ndërtuar vetë me punën dhe përkushtimin e tij. Kështu përgjigja e tij ishte e pritshme. Ai shprehet se lajmet që dalin nuk janë të vërteta dhe nuk e dëshiron një eksperiencë të re në San Siro. Gjithsesi, Poçetino shprehet se ndihet i nderuar që Milani shfaq interes kundrejt tij.

”Nuk di asgjë, por e lexova në media. Kjo botë kështu funksionon, por këto lajme nuk e ushqejnë egon time. Të tjerë duan të jenë në buzët e të gjithëve, por nuk kam nevojë për këtë. Këto situata janë pjesë e futbollit. Nëse flasim për interesin nga klubet e tjera, e marr vetëm si një shenjë nderimi”, u shpreh trajneri argjentinas i “Spurs”, që me këtë deklaratë shuan çdo zë që e lidhte atë më Milanin.

Ecuria negative dhe loja pa ide e ekipit, ka bërë që drejtuesit e klubit të kenë pasur një takim mëngjesin e sotëm në Milanelo. Dyshja Maldini-Leonardo, por edhe Ivan Gazidis, kanë zhvilluar një ballafaqim me ekipin dhe trajnerin Gatuzo.

Në fokus ka qenë forma e dobët e shfaqur si edhe ndeshja e fundjavës së ardhshme në transfertë ndaj Torinos, që është edhe përballja më e rëndësishme për fatet e luftës për Champions.

Në kuadër të ndeshjes ndaj Parmës, për mediat ka folur trajneri Gatuzo. Italiani ka prekur disa tema, teksa përveç sfidës së nesërme dhe luftës Champions, është pyetur edhe për gjendjen e Paketës si dhe për Andre Silvën, i cili është i huazuar te Sevija.

NDESHJA NDAJ PARMËS – “Parma është një ekip i vështirë dhe ndeshjen e fazës së parë e fituam me fat. Kanë lojtarë që mund të na hapin probleme dhe Tardini është një fushë që gjithmonë ka qenë e vështirë për Milanin. Pres që nesër të jetë e njëjta gjë. Është ndeshje shumë e rëndësishme për ne dhe duhet të japim më të mirën e mundshme. Jemi tërësisht të fokusuar në këtë ndeshje.”

PAKETA – “Lukas Paketa është në formë të mirë. Është stërvitur rregullisht dhe mund të luajë nesër. Romanjoli është rikuperuar dhe do të luajë titullar.”

ANDRE SILVA – “Andre Silva kërkoi të largohej, pasi kërkonte më shumë minuta. Gjithmonë e kam konsideruar si një lojtar të rëndësishëm për ne, duke u bazuar te karakteristikat e tij si dhe te mosha që ka.”

LUFTA PËR CHAMPIONS – “Kemi fituar vetëm pesë ndeshje në transfertë këtë sezon dhe ka pasur shumë sfida që i kemi pasur në dorë dhe duhet t’i fitonim me patjetër. Duhet të jemi vrasës në sulm. Parma nuk është se do të jetë vendimtare për fatet e Championsit. Lufta do të vijojë deri në javën e fundit.”

SUSO – “Suso gjithmonë ka punuar fort dhe ka luajtur mirë, duke dhënë maksimumin e tij. Ka karakteristika specifike, por mund të jetë koha për të provuar edhe diçka të re.”

“Është një moment që duhet analizuar. Po provojmë me sa mundemi dhe nuk duhet të dorëzohemi. Ndryshe nga ndeshjet e tjera, sot kemi bërë pak. Na duhet të mbledhim energjitë, duket sikur po luajmë me frena dore.”

“Duhet kohë për të provuar gjëra, kjo është e gjitha. Rrjedhshmëria nuk mund të arrihet për një ditë, apo për një pjesë loje. Që të ngjitemi në rendtije, na duhet të provojmë gjëra të reja, por keni të drejtë edhe nëse thoni që po improvizojmë. Në një sezon mund të kesh ulje dhe ngritje, tani ky është momenti.”

“Goli i pësuar? Është çështje gjunjësh dhe sot për herë të parë pash një ekip të rëndë. U kapëm tërësisht në befasi nga shpejtësia e Udinezes.”

“Mbyllja e ndeshjes me 4-4-2? Ndryshova modulin, pasi Kastijeho shpresh pozicionohej në të djathtë, kështu që nuk mund të vaxhdoja të këmbëngulja të luanim me ‘playmaker’. Paketa ka karakteristika të tjera pas dy sulmuesve”.

Problemi më i madh për Gatuzon do të jetë të mbajë yjet në skuadër, por trajneri italian ka treguar se di t’i “lidhë” lojtarët më të rëndësishëm, siç tregoi në rastin e Susos dhe Romanjolit, për të cilët kishte interes shumë të madh nga Premier Liga. Në Itali tashmë janë të bindur: Gatuzo do të sjellë suksesin te Milani dhe do t’i rikthejë në majën e futbollit italian.

Duke filluar nga sezoni i ardshshëm, Gatuzo do të ketë më shumë buxhet në dispozicion të tij dhe në rast se Milani kualifikohet në Ligën e Kampionëve, emra si Depai dhe Berguin mund të veshin uniformën e “Djallit”, çka do t’i shtonin edhe më shumë kualitet një skuadre të mbushur me talent dhe cilësi. Po ashtu, pjesëmarrja në Champions është një eksperiencë shumë e madhe dhe për lojtarë si Kutrone, Donaruma, Piatek, Paketa dhe shumë të tjerë, pasi do të testojnë veten përballë skuadrave më të mira në botë. Milani i Gatuzos duket i destinuar për sukses…

Pikërisht, mbrëmjen e sotme, ekipi i Gatuzos do të tentojë fitoren e gjashtë radhazi, ecuri që mungon që nga koha e Karlo Ançelotit, i cili në sezonin 2005-2006 arriti të marrë dy herë nga gjashtë fitore radhazi. Një ecuri e tillë nuk shihet prej plot 13 vitesh, teksa tashmë mbetet për t’u parë sonte se çfarë do të ndodhë.

FONDI ELLIOT – “Presidenca aktuale të jep një ndjesi besimi të madh. Milani është një ndër 10 klubet më të mëdhenj në Botë dhe ‘Elliot’ e di këtë gjë, prandaj dhe ka pasur ambicie që në fillim. Janë profesionistë dhe duan t’i bëjnë gjërat në mënyrën e duhur. Shpresoj që presidenca aktuale të bjerë në dashuri me Milanin dhe të qëndrojë për shumë vite”.

KAPITEN ROMANJOLI – “Më pëlqen shumë që është ai kapiteni. Është i kujdesshëm, i jep shumë besim ekipit dhe këtë gjë e ka treguar me sjelljen e tij. Jo rastësisht ai respektohet nga të gjithë, si nga shokët e ekipit, si nga trajneri, po ashtu edhe nga drejtuesit. Kualitetet e tij janë evidente, si teknike ashtu edhe fizike. E meriton shiritin e kapitenit”.

MALDINI-LEONARDO – “Avantazhi i madh është se ata e dinë kuptimin e botës ‘Milan’ dhe po ecin në hapat e duhur. Erdhën në kohë të vështirë dhe kanë bërë mjaft mirë deri tani, mjafton të shohim merkaton e janarit. Për Maldinin të gjithë prisnin që të rikthehej sa më shpejt në botën e futbollit dhe tani janë të gjithë të lumtur që ai është në shtëpinë e tij”.

GATUZO – “Po tregon nga dita në ditë se e meriton atë post dhe duhet të lihet të punojë në qetësi. Ka treguar gjithmonë dëshirë dhe përkushtim për klubin e Milanit”, shprehet legjenda e Milanit, Franko Barezi.

Pas ndeshjes, për mediat foli zv/trajneri, Luixhi Ricio, i cili tha se Gatuzo u sqarua me Mexhiorinin dhe se janë gjëra që nodhin. Gjithashtu, numri dy i pankinës së kuqezinjve, foli për ndeshjen, sjelljen e ekipit të tij si dhe derbin e javës së ardhshme ndaj Interit.

GATUZO – “Në fund të ndeshjes i sqaroi gjërat me Mexhiorinin. Gjëra të tilla ndodhin në fushë. Prezenca e Gatuzos në stol është mjaft e rëndësishme, pasi na jep diçka ekstra.”

NDESHJA – “Mund ta menaxhonim më mirë situatën te goli i Kievos. E dinim që do të kishim vështirësi. Gjithsesi, i dimë vlerat tona dhe e dimë që mund të përmirësohemi akoma më shumë.”

EKIPI – “Ajo çfarë djemtë po tregojnë në fushë, shkon përtej aftësive teknike. Sjellja po bën diferencën, si për shembull, kur sheh dy sulmuesit e krahut, të cilët kthehen prapa për të ndihmuar mbrojtjen.”

BILJA – “Siç ka thënë dhe Gatuzo, Lukas është një lojtar i rëndësishëm për ne, brenda dhe jashtë fushe. Jemi të lumtur që bëri një performancë fantastike dhe për më tepër që arriti të shënonte.”

DERBI – “Për ne, çdo ndeshje është finale. E dimë se sa ekip i fortë është Interi dhe jam i sigurt që jemi gati për të bërë një ndeshje të madhe.”

Ekipet e nisën kujdesshëm takimin, me Kievon që mbrohej duke pritur momentin dhe Milanin që nuk kërkonte të kalonte në aventurë që në fillim. Në minutën e 31-të erdhi dhe goli i parë i mbrëmjes, ku Lukas Bilja shënoi një perlë të vërtetë nga goditja e dënimit.

Vendasit e Kievos arritën të reagonin menjëherë, teksa vetëm 10 minuta më vonë, ishte Përparim Hetemaj, i cili vuri baraspeshën, duke çuar skuadrat drejt dhomave të zhveshjes në paqe, me shifrat 1-1.

Në fraksionin e dytë, Milani e nisi më ndryshe dhe në minutën e 57-të arriti të gjente përsëri avantazhin. Ishte i zakonshmi Piatek, i cili shfrytëzoi në maksimum një top të dhënë nga Samu Kastijeho për të mposhtur Sorrentinon. Gjithsesi, goli u kontestua jo pak, pasi pretendohej që Piatek kishte shkaktuar faull më parë.

Më pas, deri në fund nuk ndryshoi asgjë, me Milanin që mori tre pikë të arta, duke shkuar kështu në kuotën e 51 pikëve, pesë më pak se Napoli i vendit të tretë. Kievo nga ana tjetër, është thuajse e rënë në Serie B tashmë, pasi numëron vetëm 10 pikë në vendin e fundit.

Serie A | Java 27
Kievo – Milan 1-2
Shënues: Hetemaj 41’ / Bilja 31’, Piatek 57’

IKARDI – “Ikardi kapiten? Për mua, Mançini bëri zgjedhjen e duhur kur ishte trajner. Ai është një kampion, si brenda fushës, ashtu dhe jashtë saj. Ai është djaloshi i artë. I vetmi gabim që Ikardi ka bërë është që i ka besuar si agjente gruas së tij”.

GATUZO – “Askush nuk e mendonte se Gatuzo do të qëndrojë kaq shumë në krye të Milanit. Ka marrë rezultate shumë të mira. Kur ishte presidenca kineze, Rino kishte shumë presion. Por unë insistova që të jetë ai trajneri i yni dhe kjo zgjedhje duket se na është paguar. Gatuzo është i zgjuar dhe e rrethon veten me njerëz që e ndihmojë shumë”.

BLERJET E TIJ – “Nuk mund të them se kam bërë merkato të shkëlyqer, por jam krenar për atë periudhë që ndihmova Milanin. Kemi bërë disa investime të mira, me Çalhanoglun, Konti, Kesi, Rodrigez dhe Musakio, prandaj jam krenar me ato që kemi bërë”.

ÇALHANOGLU – “Gatuzo ka shumë respekt për të. E kupton potencialin që Hakan ka dhe e aktivizon në çdo ndeshje. E blemë Çalhanoglun si lojtari më i mirë në Bundeliga, që kishte asistuar më shumë se të gjithë. Kur morëm zyrtarisht kartonin e tij, shumë rivalë tanë u frikësuan”,- përfundoi Mirabeli.

KIEVO – “Do të jetë shumë e vështirë. Do të jetë sepse Kievo po luan mirë në ndeshjet e fundit dhe nuk ka absolutisht asgjë për të humbur. Do të na duhet një performancë fantastike, ku përveçse lojës së mirë duhet dhe të luftojmë fort.”

NDESHJA – “Në asnjë mënyrë nuk duhet të bëjmë gabime, ndryshe nga ata, kemi gjithçka për të humbur. Prandaj duhet të zhvillojmë një lojë të qartë në fushë. Derbi ka kohë, ndeshja jonë e ardhshme është nesër.

ROTACIONI – “Presioni të shkakton akoma më shumë lodhje. Jemi rritur, por përsëri jemi të pasigurt. Tani është momenti që ta ngrejmë stekën edhe për sa i përket karakterit. Koha ka ardhur, ndryshe do të rrëshqasim dhe do të biem.

FORMA E SUSOS – “Pasi pëfunduan me Çalhanoglun, tani i janë përveshur Susos. Kur të mbarojnë me atë, me siguri do të kthehen nga një lojtar tjetër, gjithsesi nuk është problem. Ai është mirë dhe mendoj që me karakteristikat që ka na ndihmon shumë. Duhet të luajmë të bashkuar dhe jo të shpenzojmë energji më kot.”

KUNDËRSHTARËT – “Duhet të mendojmë për veten tonë, jo për të tjerët. Nuk marr informata se çfarë po ndodh jashtë. Nuk fle natën për shkak të problemeve të mia, nuk merrem me të tjerët. Këtu jam për të marrë vendime dhe për të ruajtur balancat. Nuk është e lehtë. Çështja e Ikardit e ka forcuar Interin.”

E ARDHMJA – “Nëse unë nuk fitoj dy ndeshje, ndoshta të gjithë do të kthehen nga unë. Gjithsesi, nuk është se e mendoj shumë. Ndoshta brenda një viti do të jem në Spanjë apo në Arabi. Fokusi im për momentin është vetëm te ndeshja nesër.”

Ditën e sotme, në kuadër të përballjes me Sasusolon, trajneri i kuqezinjve ka folur për mediat në konferencën e zakonshme. Numri një i stolit të “Djallit” preku disa tema dhe analizoi disa prej lojtarëve të tij.

SASUOLO – “Na duhet ta nisim ndeshjen me mentalitet fituesi. Vuajtëm pak në Kupën e Italisë ndaj Lacios, por tani na duhet të fokusohemi në ndeshjen ndaj Sasuolos. E njoh mirë De Zerbin. Ka lojtarë të mirë, të cilët e kuptojnë stilin e tij të lojës. Sasuolo është një ekip i organizuar dhe në rast se nuk e përgatit ndeshjen si duhet, ata të ndëshkojnë. Na duhet të përmirësohemi teknikisht.”

FORMA E SUSOS – “Për momentin Suso nuk është një problem, as për mua, as për ekipin. Ka kualitetin e nevojshëm për të kontribuar për ekipin dhe nuk duhet të mendojë për gjëra të tjera tani. Është normale të kalosh një periudhë të keqe. Ndonjëherë thjesht ndodh.”

KUTRONE – “Duhet të punojë me entuziasëm dhe të mendojë gjithashtu për të punuar fort. Nuk po penalizohet nga Piatek. Kur nuk është i lumtur, besoj se ai motivohet akoma më shumë. Puna gjithmonë shpërblehet, kështu që i duhet të punojë.”

ROMANJOLI – “Ai është i lumtur dhe krenar që është pjesë e Milanit dhe që është kapiten i ekipit. Rinovoi kontratën tetë muaj më parë dhe është thelbësor për ne. Është kënaqësi të dëgjosh klubet e mëdha të interesohen për lojtarët, por Romanjoli është i lumtur këtu.”

PIATEK – “Në ndeshjen ndaj Lacios vuajti pak, por është diçka që ndodh. Është i relaksuar, si të gjithë lojtarët e tjerë. Piatek punon shumë dhe kjo gjë nuk ndryshoi aspak pas ndeshjes në Romë. Asgjë nuk ka ndryshuar.”

PRESIDENCA – “Milani ka një presidencë të shkëlqyer, Skaroni është presidenti i duhur. Kompania “Elliot” ka një plan të qartë dhe kjo gjë më bën dhe mua të lumtur. Leonardo dhe Maldini po bëjnë po ashtu një punë shumë të mirë. Milani do të ringrihet shumë shpejt”.

GATUZO – “E mbaj mend shumë mirë atë natë në Stamboll. Më kërkoi largimin menjëherë pas humbjes, pasi më tha se do ta kishte shumë të vështirë të zbriste më në fushë pas atij turpërimi. Por nuk e pranova kërkesën e tij dhe flisja çdo ditë me të, deri sa e binda të qëndrojë te Milani”,- përfundoi Galiani.

Në kuadër të ndeshjes, ka folur për mediat, trajneri Xhenaro Gatuzo. Numri një i pankinës kuqezi ka folur mbi shumë çështje, ku për sa i përket sfidës ka thënë se nuk do të jetë fare e lehtë, pasi Milani ka luajtur shumë ndeshje këto kohë dhe lodhja ndihet sipas teknikut italian.

NDESHJA – “Me siguri lojtarët tanë kanë nevojë për pak pushim, pasi ndonjëherë është më e rëndësishme ta bësh atë pushim. Kur ndeshemi me ekipe që kanë luajtur më pak se ne, na duhet të luftojmë më shumë. Ndeshja ndaj Kaljarit nuk do të jetë e lehtë. Na duhet të luajmë mirë tekniknikisht, e kemi forcën për ta bërë diçka të tillë. I shoh djemtë të vendosur.”

PAGA E GATUZOS – “Jam i kënaqur me çfarë fitoj dhe falenderoj drejtuesit. Dua vetëm të fousohem në punën time dhe ky nuk është momenti i duhur për të folur për rrogën dhe se sa fitoj unë.”

FORMA E ÇALHANOGLU – “Nuk do të flas keq për lojtarët e mi. Ai e di që mund të bëjë më shumë dhe për këtë gjë po punon.”

RIKTHIMI I BILJAS – “Ai po stërvitet me ne, por ende nuk është plotësisht i riaftësuar. Do ta vlerësojmë kondicionin e tij përsëri me kalimin e kohës.”

PARAQITJET – “Kur ka pasion dhe vendosmëri, çdo gjë mund të arrihet. I jap vetëm duartrokitje lojtarëve të mi për sforcot që kanë bërë në ndeshjet e fundit. Koha do e tretgojë, nëse e kemi arritur me të vërtetë atë pjekuri në fushë. Katër ndeshjet tona të ardhshme janë të vështira.”

TRAGJEDIA E FLAMENGOS DHE SALËS – “Maldini foli me Paketën pas incidentit të ndodhur në ekipin e Flamengos. Ata humbën 10 fëmijë të rinj dhe dua të shpreh ngushëllimet e mia. Ishte një tragjedi e madhe dhe jemi me ta në këtë moment të vështirë. Gjithashtu, shpreh ngushëllimet e mia për familjen e Emiliano Salës.

DONARUMA – “Mendoj se duhet të përqendrohet dhe të vazhdojë me këtë rendiment. Reina gjithashtu është një profesionist dhe po i jep një ndihmë të madhe Xhixhios.”

OBJEKTIVAT – “Objektivi ynë është të shkojmë deri në fund të sezonit duke luajtur për diçka të rëndësishme. Na duhet ta përdorim energjinë tonë me zgjuarsi dhe t’i bëjmë hapat një e nga një.”

Atmosfera te skuadra nga Milano duket shumë optimale. Në një video që shpërndahet me shpejtësi në rrjetet sociale, dallohet qartë që raporti midis trajnerit dhe lojtarëve është shumë i afërt.

Tutti che parlano della scivolata di #Higuain, ma vi focalizzate sull'intervento sbagliato!#Rino su #Romagnoli è la vera entrata !

? pic.twitter.com/a9KN27JinO

— Pietro Balzano Prota (@PBPcalcio) January 14, 2019

Gjatë një ushtrimi në kuadrat, Xhenaro Gatuzo vendosi të bëhej pjesë e lojës dhe në përpjekje për të kapur topin iu fut në spërkatë kapitenit Alesio Romanjoli. Gjithsesi pak minuta më vonë, Gatuzo e pësoi, pasi argjentinasi Gonzalo Higuain i dha atij të njëjtin trajtim që ai i bëri qendërmbrojtësit.

https://twitter.com/TheMilanBible/status/1084873532415320064

Gjithashtu, trajneri Gatuzo ka shpallur dhe të grumbulluarit në kuadër të përballjes. Lukas Paketa, pas ndeshjes së mirë të luajtur në “Marasi”, pritet përsëri titullar, teksa mungesa më e madhe është padyshim Suso Ferdandez. Spanjolli u ndëshkua me karton të kuq në ndeshjen e fundit të luajtur në Serie A dhe do të mungojë.

Ivan Striniç jep përsëri lajme të mira, teksa pas grumbullimit në Kupë, është përsëri me ekipin dhe për ndeshjen ndaj bardhezinjve. Mungesa të tjera nuk ka për ekipin e Gatuzos, përveç të dëmtuarve, ku vetëm Lukas Bilja vlen për t’u përmendur, që po riaftësohet me ritme të shpejta dhe pritet që ndaj Napolit në fund të muajit të jetë gati.

Marrëveshja mes ekipit gjerman dhe Milanit, thuhet të mbyllet për 20 milionë euro, teksa mesfushori turk duket se tërhiqet shumë nga ideja për t’u rikthyer në Bundesligë. Tashmë, mbetet për t’u parë në rast se spekulimet e medieve italiane janë konkrete dhe transferimi do të finalizohet.

Kujtojmë, Hakan Çalhanoglu ka spikatur në Bundesligë me fanellën e Hamburgut fillimisht, ndërsa më pas kaloi te Bajer Leverkusen. Verën e vitit 2017, 24-vjeçari vendosi të kalonte në Itali, ku Milani pagoi plot 22 milionë euro për shërbimet e tij.

Një ndeshje që nisi në tatëpjetë për kuqezinjtë, teksa vetëm 13 minuta i mjaftuan Petanjas për ta shënuar golin e ish-it dhe për të heshtur “San Siron”. Reagimi i Milanit ishte i shpejtë, ku brenda tre minutave, Samu Kastijeho shënoi golin e parë, që nga koha që ka zbarkuar në Milano, duke vënë baraspeshën.

Ekipi i Gatuzos e shtoi presionin në pjesën e dytë dhe më në fund në minutën e 64-të erdhi momenti i çlirimit për Gonzalo Higuain. “El Pipita” u zhbllokua pas shumë kohësh, duke dërguar në avantazh ekipin e tij dhe duke i dhuruar tre pikët. Vlen për t’u përmendur që në fundin e takimit, Donaruma ruajti fitoren me një superpritje ndaj Petanjas dhe Suso u ndëshkua me kartonin e dytë të verdhë, duke lënë ekipin me një lojtar më pak.

Kuqezinjtë nuk shënojnë prej tre ndeshjesh në Serinë A, ecuria më negative që nga viti 2001. Sfida e nesërme shihet si një “varkë” shpëtimi për trajnerin, por edhe për lojtarë si Higuain, i cili prej nëntë ndeshjesh nuk gjen rrugën e golit.

Gjithsesi, ditën e sotme numri një i pankinës së “djallit” ka marrë një lajm të keq, ku Suso nuk është grumbulluar me ekipin, si pasojë e një dëmtimi muskulor. Lëndimi i spanjollit nuk duket i rëndë, por ndeshjen ndaj Frosinones mesfushori e ka humbur. Si zëvendësues i Susos pritet që të luajë Kastijeho, i cili nuk ka arritur të jetë ende një protagonist me fanellën kuqezi.

Ecuria e “djallit” ka ardhur gjithnjë e në ulje, mjafton të kujtojmë tre ndeshjet e fundit në Serinë A, ku nuk kanë shënuar asnjë gol, rekordi më i keq ky që nga viti i largët 2001. Sfidat e ardhshme, do ta vënë përballë Frosinones dhe Spalit ekipit e Gatuzos dhe siç raportohet nga mediat italiane, janë dy mundësitë e fundit për trajnerin.

Në rast të një hapi fals, numri një i stolit do të shkarkohet, me zëvendësuesin e mundshëm që thuhet të jetë Arsen Venger. Fati i Gatuzos, luhet këto gjashtë dit, ku do të ketë dy ndeshje jo të vështira në letër.

NDESHJA – “Mbajtëm kontrollin e topit, por më kot. Nëse i hedhim një së të shkuarës, Interi fitoi këtu me një strategji të ngjashme, ndërsa Roma u mund. Bëmë gjithçka mirë, përveç topit të fundit dhe finalizimit. Ishte një paraqitje mediokër. Vetëm sa e gudulisëm mbrojtjen e Bolonës, kur duhet ta kishim shqyer. Ndaj një skuadre që rrin me 10 veta në mbrojtje duhet të tregohemi më të saktë”.

Zemërimi i Kutrones pas zëvendësimit me Kastijehon  ? – “Futa Kastijehon për t’i dhënë lojës një ritëm tjetër, pasi ai është një lojtar i aftë në driblim një kundër një.  Gjëja më e rëndësishme është të jemi të sinqertë me njëri-tjetrin. Në ditë në vazhdim, sigurisht që do kem një bisedë me Patrikun (Kutronen). Kemi luajtur më së shumti me formacionin 4-3-3. Nëse kam më shumë sulmues në zonë, nuk do të thotë se do jemi më efikas. Mendoj se kur luajmë 4-4-2 bëhemi të parashikueshëm për disa kundërshtarë.

Përshëndetja me grusht ndaj Inzagit ?

“Sa më shumë qëlloj më dikë me grusht, aq më shumë e dua atë. Nëse nuk të godas aq fort, atëherë do të thotë se nuk ju vlerësoj shumë. Më pëlqen puna ime, pasi më bën të ndihem gjallë, por ky profesion mund të të plakë shumë shpejt”, përfundoi Gatuzo me batutat e tij të përhershme.

Natyrisht, ata janë trajnerë të dy ekipeve të ndryshme, por pas ndeshjes njëri mund të shkarkohet. Inzagi dhe Bolonja e tij,  ndodhen në “ujërat” e fundit të tabelës dhe drejtuesit nuk mund të pajtohen me të. Nëse Bolonja lufton për mbijetesë,  te Milan “lufta” është  më e madhe, pasi ekipi kuqezi dëshiron kualifikimin në Champions.

Milan nuk e ka “luksin” të qëndrojë edhe një sezon tjetër pa Champions dhe Gatuzo e di shumë mirë. Eleminimi nga Europa Ligë ka bindur drejtorin sportiv, Leonardo se trajneri aktual nuk e ka të gjatë qëndrimin.

Ndeshja e sotme është “treni i fundit” i Gatuzos dhe Inzagit. Kush do ia dalë të bind drejtuesit, mbetet të shihet.

PËRBALLJA ME INZAGIN – “Është pjesë e futbollit. Kushdo që e bën këtë punë, është në dijeni që në qoftë se nuk ka rezultate, rreziku i shkarkimit është aty. Me gjithçka që kemi përjetuar me Pipon nuk mund të harrojmë asgjë. Respekti dhe dashuria mes nesh do të mbetet gjithmonë”.

HIGUAIN – “Kam folur me Gonzalon dhe është i pari që është i zhgënjyer për situatën aktuale. Në periudhën që jemi, kemi nevojë për eksperiencën dhe karakterin e tij, normalisht pas këtyre vijnë edhe golat. Në kohë të vështira, prioriteti nuk janë golat, por lidershipi. Higuain duhet të kujdeset për shokët e skuadrës, në rast se ata bëjnë gabime. Kritikat do të jenë gjithmonë aty për të, por i kam thënë që të gjithë e vlerësojnë shumë dhe kanë besim se ai mund të bëjë më shumë”.

SPEKULIMET E MERKATOS – “Jeni duke i paketuar dhe po i largoni. Është vigjilje Krishtlindjesh, kështu që ju po i vini poshtë pemës si dhurata. Të gjithë gjërat që shkruhen për transfertat dhe për financat janë çështje që edhe klubi ende nuk ka nisur të merret. Askush nuk ka ardhur të më thotë se do të nënshkruajmë me këtë lojtar, apo do të largojmë këtë lojtar. Këto gjëra i dëgjoj vetëm nga ju të medias”.

LOJTARËT – “E di që kemi kufizime dhe limite, kështu që nuk mund të bëjmë shumë në merkato, por kaq. Ju thoni që ne duhet të shesim Çalhanoglun, Suson apo nuk duhet ta blemë përfundimisht Higuain. Për mua nuk është kjo çështja. Nuk mbroj vetëm Hakanin, por i mbroj të gjithë. Jam gati ta hedh veten në zjarr për lojtarët e mi. Kështu që, kur flisni me mua, më irriton shumë fakti që sulmoni djemtë e mi. E di që mbrëmjen e së enjtes shkruajtëm një kapitull të zi, por nuk është turp. Turp është për ato që vjedhin, ne vetëm luajmë futboll”.

GRUPI – “Të shohësh një grup lojtarësh modern të qajnë në dhomat e zhveshjes është një shenjë. Ndoshta futbolli i 15-20 viteve më parë është akoma këtu. Ky grup ka vlera njerëzore, shumica prej tyre ishte në lot. Më përpara kisha folur për plagët dhe kjo do të jetë një plagë, që do të na kujtojë për gabimet që kemi bërë”.

IBRAHIMOVIÇ – “Kurrë nuk fola me Zllatan. E di që kishte shance, por njëkohësisht e dija dhe që do të ishte e vështirë. Nuk ka asgjë për t’u zhgënjyër, në qoftë se dikush afrohet jam i lumtur. Nuk do të shkul flokët për ata që nuk vijnë. Drejtuesit e dinë se kush më pqëlqen dhe kush mund të më shërbejë dhe që nga korriku nuk kam folur me asnjë lojtar nga jashtë grupit”.

Drejtuesit kuqezi po mendojnë për të gjetur një trajner të ri, i cili  përmbush objektivat e klubit.  Lista e zëvendësuesve të Gatuzos është e gjatë por vetëm 3 janë më kryesorët.  Emri i parë që flitet se mund të jetë trajneri i ardhshëm i Milanit është Antonio Konto. I dyti në listë qëndron Arsen Venger dhe i fundit është Donadoni.

Të shohim nëse Gatuzo do arrijë të qëndrojë në stolin kuqezi, pasi atij i është dhënë edhe një shans i fundit nga  drejtuesit. Sfida me Bolonjën është deçizive per të ardhmen e trajnerit.

NDESHJA – “Është një ndeshje e rëndësishme për ne dhe për klubin. Do të luajmë në një atmosferë të zjarrtë, por këtë gjë duhet ta shmangim sapo të zbresim në fushë. Duhet të jemi të fokusuar në ndeshje. Duhet ta përdor eksperiencën time për t’ia kaluar lojtarëve, që ata të jenë të përgatitur për ndeshjen”.

KUNDËRSHTARI – “Olimpiakosi është një ndër ekipet me të mira në Europë kur bëhet fjalë për posedimin e topit dhe nuk duhet ta nënvlerësojmë ndeshjen. Nuk mund të luajmë një futboll të vjetër, duke u mbrojtur dhe kundërsulmuar. Dua që të tregojmë karakter dhe të kemi kontrollin”.

KUTRONE – “Patrik Kutrone vërtet shqetësohet për këtë sport dhe është normale që është mërzitur për rastin e humbur ndaj Torinos, Kjo gjë tregon që e ndjen lojën që bën dhe ekipin ku luan”.

KASTIJEHO – “Do të doja ta shihja Kastijehon të ishte më i përfshirë me pjesën e avancuar, të futej në zonë, të bëjë më shumë lëvizje pa top. Nuk e bën në mënyën e duhur akoma, por ka uri dhe kjo gjë më pëlqen”, përfundoi tekniku kuqezi.

Gjithsesi, në ndeshjet e fundit, lojtari që është në pronësi të Çelsit, ka shfaqur një rendiment surprizues. Francezi ka qenë një ndër më të mirët në ndeshjet e fundit për kuqezinjtë dhe kjo gjë nuk i ka shpëtuar as trajnerit Gatuzo, i cili një ditë më parë ka thënë mjaft fjalë të mira për 24-vjeçarin.

“Unë i di aftësitë e tij teknike, por jam surprizuar shumë taktikisht nga Bakajoko. E kupton lojën, lëviz thuajse në të gjithë fushën dhe luan shpejt. E dashuroj sjelljen e tij. Në një farë mënyrë, ai “u zhvesh” dhe e dhuroi veten e tij tek unë dhe stafi.”

Pas sfidës, trajneri Gatuzo është shfaqur i lumtur për fitoren dhe ka vlerësuar lojtarët e tij për atë që treguan në fushë. Gjithashtu numri një i stolit kuqezi, foli dhe për formën e mirë që po kalon Kutrone dhe për adoptimin e Abates si qendërmbrojtës së fundmi.

KUNDËRSHTARI – “Parma meriton duartrokitje dhe e tregoi që nuk është një rastësi që ishte vetëm dy pikë prapa nesh përpara ndeshjes. Ata janë një ekip i organizuar mirë dhe është e vështirë të luash kundër tyre, pasi lënë shumë pak hapësira”.

NDESHJA – “Kishim një ndeshje të mirë, ndoshta duhet të bënim pak më mirë në pjesën e parë. Pjesa e dytë më pas ishte e shkëlqyer”.

KUTRONE – “Ai jeton për të shënuar, ka zjarr në vena dhe jam shumë i lutmur për të. Ai gjithashtu largoi dhe kritikat e fillimit, ku nuk po paraqitej mirë. Duhet të vazhdojë kështu, pasi ka mundësi të përmirësohet akoma më shumë”.

ABATE – “Të shohësh Abaten që të luaj si qendërmbrojtës dhe ta bëjë në mënyrën më të mirë të mundshme është diçka surprizuese. Duhet të ndihem me fat, pasi jam një trajner që kam lojtarë inteligjentë që mund të luajnë kudo. Ky është një sekret i ekipit, çdokush është i gatshëm të luajë kudo”.

E ARDHMJA – “Kemi akoma gjashtë ndeshje deri në fund të vitit 2018 dhe dëshira ime është që të luajmë në sulm, por na duhet të kemi edhe balancë. Tani për tani duhet të fokusohemi në këto ndeshje”, përfundoi Gatuzo.

Gjithsesi, mesditën e nesërme kuqezinjtë do të presin Parmën në “San Siro”, në një sfidë që shihet si jo e thjeshtë, pasi emilianët kanë surprizuar jo pak këtë sezon. Në kuadër të ndeshjes trajneri Gatuzo, ka marrë disa lajmë të mira, teksa Frenk Kesi, i cili kishte një dëmtim, do të jetë i gatshëm.

Gjithashtu, në sfidën e luajtur në mesjavë ndaj Dudelanzh, pati probleme për Bakajoko e Kutrone. Të dy futbollistët do të jenë po ashtu të gatshëm, teksa lëndimet e marra duket se janë lënë pas. Gatuzos do t’i duhet të bëjë pa Higuain në këtë sfidë, i cili vijon skualifikimin për kartonin e kuq të marrë në sfidën ndaj Juventusit.

“Mbas golit të barazimit, skuadrën e kapi frika. Por, deri në atë moment skuadra po e interpretonte shumë mirë lojën. Nuk ka ndeshje të lehta. Dudelanzh është një skuadër që di s’i ta qarkullojë topin, por ata nuk shumë frymë, kjo gjë dallohet lehtë në numrin e madh të golave që pësojnë në minutat e fundit”.

“Është e vështirë që skuadra të ketë një lojë të rrjedhshme kur bën kaq shumë ndryshime. Për shembull Bakajoko po haste vështirësi në fillim të sezonit, pasi nuk po luante rregullisht, e njëjta gjë po u ndodh lojtarëve të tjerë”.

“Ishte e rëndësishme që fituam sot, skuadra reagoi mirë pasi loja shkoi 2 – 1 për kundërshtarët. E dija që s’do ta kishim të lehtë sot”.

Vërshëllimat ndaj Bertolaçit- “ Është për të ardhur keq që tifozët vërshëllyen Bertolaçin, Milanit i duhet çdo lojtar”, përfundoi Gatuzo.

Italiani ka pësuar një mikrotraumë në kartilag dhe për këtë do t’i nënshtrohet një ndërhyrje kirurgjikale në Shtetet e Bashkuara të Amerikës. Sezoni i 29-vjeçarit mund të quhet i mbyllur, pasi periudha riaftësimit pritet të zgjasë 7 ose 8 muaj.

Pas kësaj goditje tepër të fortë bëhet e domosdoshme një ndërhyrje tjetër në merkaton e janarit për të shtuar kontingjentin në repartin e mesfushës, krahas brazilianit Lukas Paketa, marrëveshja për të cilin u mbyll gjatë muajit të kaluar.

Sipas asaj që raportohet, mesfushorit kuqezi duket se do t’i duhet një operacion, për të zgjidhur problemet që ka në gju. Situata paraqitet më seriozë nga çfarë shihej në fillimi dhe 29-vjeçari do të përgatitet për ndërhyrje kirurgjikale.

Kjo do të ishte një tjetër goditje e rëndë për kuqezinjtë, pasi Bilja do të mungojë për 4 muaj, Kaldara për 3 muaj, si dhe Musakio do të jetë për më shumë se 2 muaj. Bonaventurës gjithashtu do t’i duhen disa muaj për të rikuperuar dhe tashmë dhimbja e kokës për Gatuzon shtohet akoma më shumë.

Tonali ka marrë për herë të parë ftesën në kombëtaren italiane, duke u bërë kështu i pari lojtar i vitit 2000 që grumbullohet me axurrët. Nga grumbullimi i kombëtares italiane, mesfushori ka folur për mediat, duke u shprehur i lumtur për ftesën e marrë, si dhe ka zbuluar trajnerin që i pëlqen.

GRUMBULLIMI NË KOMBËTARE – “Ndihem shumë krenar që jam lojtari i parë i vitit 2000 që grumbullohem me kombëtaren. Shokët e skuadrës po më bëjnë të ndihem sa më rehat. Është ëndrra e çdo fëmije që një ditë të jetë këtu”.

ZËRAT E MERKATOS – “Përpiqem mos t’i dëgjoj, është gjëja më e mirë. Nuk dua t’i fus në kokë vetes këto mendime. Vendosa të qëndroj te Breshia dhe kam bërë zgjedhjen e duhur, pasi është shumë  e vështirë që të luash në kampionatet më të mira në Evropë në moshën 17-vjeçare”.

MODELI – “Si fillim frymëzohesha nga Pirlo, por nuk është se e shoh shumë te vetja, përveç modelit të flokëve. Gatuzo është si një model, nga ai dua të marrë cinizmin. Jam rritur duke luajtur si mesfushor qendre, por tani luaj përpara mbrojtjes. Qëllimi im është të fitoj, në Itali apo jashtë vendit pak rëndësi ka”, përfundoi fjalët e tij 18-vjeçari Tonali.

JUVENTUSI– “Është e mbushur me kampionë, e fortë në çdo repart, thuajse ekipi më i mirë. Mançesterit dha maksimumin e tij për të marrë pikë ndaj tyre. Së bashku me Barçën, ata janë më të mirët në Evropë. Të japin një ndjesi, sikur nuk djerësiten asnjëherë, pastaj ardhja e Ronaldos i ka dhënë një mentalitet dhe një forcë tjetër. Ne do të luajmë me kokën lart, pasi e dimë që ata kanë diçka më shumë se ne. Gjithsesi, në futboll ndodh gjithçka”.

MUNGESAT E SHUMTA – “Nuk duhet të kemi asnjë shqetësim. Mungojnë shumë lojtarë, por do të bëjmë formacionin më të mirë që kemi në dispozicion, sot edhe nesër do mundohemi të rikuperojmë. Fati gjithashtu nuk ka qenë në anën tonë, pasi disa lojtarë janë dëmtuar në mënyrë të çuditshme, por na duhet të shohim përpara dhe të bëjmë sa më mirë me lojtarët që kemi. Të luajmë duke shtrënguar dhëmbët, pasi kjo është forca jonë”.

HIGUAIN – “Nuk e kam parë shumë pasi ai ka punuar në Milanelo, ndërsa ne ishim në Sevije. Ai i ndjen shumë ndeshjet dhe i flas shpesh për këtë gjë. Duhet të jetë më i qetë, duke mos u bërë nervoz. Duhet të luftojë dhe të tregojë dëshirë, është një kampion i madh dhe duhet të kënaqet edhe pse nuk është në maksimumin e tij. I vetëm mund të bëjë shumë pak, duhet të luftojë me të gjithë ekipin”.

NDESHJA – “Nuk ka një peshë ndryshe nga ndeshjet e tjera. Luajmë kundër një Juventusi, i cili qartësisht është më i fortë se ne. Jemi të bindur që do të bëjmë mirë nesër dhe do të luajmë një ndeshje me mentalitet. Nëse ata janë më të fortë se ne, i japim një duartrokitje dhe kaq. Në fushë do të ketë një luftë”.

KRISTIANO RONALDO – “Nuk kam pasur ndonjë vëmendje të veçantë për të, është një kampion absolut. Për ta markuar një lojtar si ai është shumë e vështirë, kur luaja unë, bëja faull dhe i kërkoja falje. Sot ai është më i pjekur dhe ka fituar shumë trofe. Është kthyer në një makineri me muskuj. E kam respektuar gjithmonë dhe tashmë e shoh më të pjekur”.

KOMPLIMENTAT E SAKIT E ALEGRIT – “Maks ka qenë trajneri im dhe është një mik që dëgjohem shpesh. I ka bërë komplimentat edhe për miqësinë që na lidh. Saki është një profesor, me të cilin flas dhe e dëgjoj shpesh, pasi më thotë gjëra që ka të drejtë. Komplimentat gjithmonë të bëjnë të ndihesh mirë, por unë kam shumë gjëra për të përmirësuar. Më ka shërbyer shumë kjo përvojë dhe më ka ndihmuar të përballem me shumë problematika”.

BONUÇI – “Leo ka qenë një lojtar që na ka dhënë shumë në nivelin profesional teknik dhe taktik. Ishte një vlerë e shtuar. Mund të flas vetëm fjalë të mira për Bonuçin, pastaj në jetë të jepen disa situata, ku është e vështirë të zgjedhësh. Kam qenë i pari që e binda të qëndronte, por ai ka fëmijë, ka jetën e tij private dhe çdo gjë duhet të respektohet. Ishte një ndër që të stërvita një lojtar si ai”, ka përfunduar fjalët e tij tekniku.

Ish-tekniku i Arsenalit, duket se ka përgënjeshtruar gjithçka duke thënë se lajmet e dhëna janë false. Në deklaratën e tij për “Bein Sport”, 69-vjeçari ka hedhur poshtë çdo spekulim që e lidh këtë të fundit me zëvendësimin e mundshëm të Xhenaro Gautzos, në pankinën e Milanit.

“E vetmja gjë që mund të them është që janë të gjitha lajme false. Në qoftë se do të nënshkruaj me ndonjë ekip do e them vetë, por kjo që është thënë këto ditë nuk është e vërtetë. Nuk mund të përgjigjem për çdo thashetheme, unë flas për atë që bëj. Tani jam i fokusuar në atë që po bëj”, përfundoi fjalët e tij francezi Venger.