Gattuso

Gatuzo në treg, fillojnë bisedimet me klubin italian

Sport Ekspres — Sun, 02 Jun 2019 06:17:25 +0000

Xhenaro Gatuzo nuk mundi të rikthente Milanin në Champions League gjatë dy sezoneve që kalabrezi u vu në krye të bankinës së “djallit”. Megjithatë, 41-vjeçari ka dalë në një farë mënyre i fituar nga kjo eksperiencë pasi vlera e tij në tregun e trajnerëve ka pësuar një rritje të konsiderueshme.

Ofertat për ish-mesfushorin s’kanë si të mungojnë dhe e para ka ardhur nga Lacio. E ardhmja e Simone Inzagit duket gjithmonë e më larg Lacios me Juventusin dhe Milanin që po tentojnë të joshin trajnerin italian.

Sipas “Sky Sports”, dyshja Tare-Lotito kanë filluar bisedimet me Gatuzon, ndërsa interes më të pakët për ka dhe nga skuadra tjetër kryeqytetase, Roma. Verdhekuqtë po shqyrtojnë një listë me disa trajnerë, ku është dhe emri i Gatuzos.

Lajmi i fundit: Mbyllje me zhgënjim, Milani merr vendimin për Gatuzon!

Sport Ekspres — Mon, 27 May 2019 21:50:15 +0000

Sezoni i Milanit u mbyll në mënyrë tragjike, me “Djallin” që dështoi të rikthehej në Champions League për të pestin vit radhazi. Administratori Ivan Gazidis premtoi revolucion dhe nesër do të bëhen publike dy vendime drastike.

Sipas “Sky Sports”, Xhenaro Gatuzo, po kalon 24 orët e fundit si trajneri i Milanit. Ditën e nesërme pritet që klubi të zyrtarizojë shkarkimin e kalabrezit që i jep fund te Milani pas një viti e gjysmë në këtë post.
Krahas Gatuzos pritet të largohen dhe drejtuesit Leonardo e Paolo Maldini, me të parin që duket se do të kthehet te PSG.

Gatuzo u emërua në krye të Milanit në 27 nëntor të 2017-ës, fillimisht si një trajneri i përkohshëm, ndërsa 6 muaj më vonë puna e mirë në sezonin e parë u shpërblye me një kontratë 3-vjeçare e cila do të ndërpritet të nesërmen në mënyrë të njëanshme nga kryesia e klubit.

Gatuzo dhe barazimi i Juves, flet trajneri kuqezi

Sport Ekspres — Sun, 19 May 2019 21:37:16 +0000

Xhenaro Gatuzo i ndoqi në San Siro ndeshjet e Juves dhe Interit, por natyrisht shpresa e madhe ishte që Juve të fitonte.

Barazimi në Torino ka zhgënjyer gjithë milanistët, sepse tani duhet patjetër gabimi i Atalantës apo Interit dhe Milani nuk e ka në dorën e vet kualifikimin për në Champions.

Pas ndeshjeve të darkës Gatuzo doli nga San Siro dhe foli shkurt për agjencinë e lajmeve Ansa.

“Jemi në Europë dhe ende në garë për një vend në Champions League. Nuk do varet prej nesh, por nuk do dorëzohemi. Ecim përpara me krenari, për ta mbyllur në mënyrë pozitive sezonin”.

Nëse zhgënjimi ishte i dukshëm për barazimin e Juves, më i madh ishte për lojën e kampionëve të Italisë, që nuk është se u sforcuar shumë ndaj Atalantës.

Gatuzo: “Falënderoj Donarumën. Sezonin e ardhshëm do të jem në stol, diku!”

Sport Ekspres — Sun, 19 May 2019 18:56:46 +0000

Trajneri i Milanit, Xhenaro Gatuzo, foli për mediat pas fitores ndaj Frozinones në San Siro: “Do të jemi në Champions për të paktën 45 minuta. Ishte një ndeshje e çuditshme, plot ulje-ngritje, si sezoni ynë. Frozinone luajti ndeshjen që duhej të luante, falënderojmë Donarumën për pritjen e penalltisë, më pas u zhbllokuam. Le të shpresojmë te fitorja e Juves, do ishte një dhuratë e bukur”.

Sezoni – “Është folur shumë këto muaj, nga turneu në Amerikë e tutje duhej të isha larguar nga puna, por unë gjykohem nga pikët dhe rezultatet. Kemi bërë shumë, meritë e djemve, që më kanë ndjekur. Ndoshta nuk u paraqitëm si duhej në momentin vendimtar, me ato 5 pikë në 7 ndeshje, kemi shumë përgjegjësi, por në përgjithësi kemi bërë mirë, me përjashtim të eliminimit në Europa League”.

E ardhmja – “Kjo punë më pëlqen, jam pak i zoti, por e di që duhet të përmirësohem shumë. Shpresoj të vazhdoj këtu, nëse nuk do ndodhë jeta vazhdon. Nuk do kthehem të shes peshk në dyqanin tim, do punoj sërish si trajner. Mendoj se kam bërë gabime, por edhe disa gjëra pozitive, ndaj do të vazhdoj me këtë profesion. Falënderoj tifozët për koret për mua, më vjen keq që nuk jemi kualifikuar ende në Champions, sepse këtë sezon kemi pasur 1 milion tifozë në San Siro, e pabesueshme”.

Donaruma dhe Suso: “Xhixhio ka lindur me ato dhunti, por duhej të hiqte ndonjë ves të tepërt. Ndryshimi i trajnerit të portierëve e ka ndihmuar shumë, por edhe ai ka meritë. Nëse ia del të paraqitet mirë edhe në Champions… Suso? Nuk mund të jesh gjithnjë në maksimum, çdo lojtar ka karakteristikat e tij. Deri para 3 javësh më kritikonit pse e fusja, tani e duartrokisni”.

Spal në javën e fundit: “Do jetë shumë e vështirë në Ferrara, por më pëlqen kështu, kam respekt për skuadra që luftojnë pa parë në fytyrë askënd. Në të shkuarën shpesh ndeshjet e fundit luheshin çuditshëm, tani askush nuk e vret mendjen dhe nuk hap rrugë, më mirë kështu”.

Napoli-Inter: “Do e shoh me stafin, në stadium. Nëse shoh ndonjë gjë të dyshimtë, do largohem. Më dhemb koka edhe kështu…”.

Abate luajti ndeshjen e fundit në San Siro: “Ka qenë me fat në një drejtim, i ka marrë ca shpulla, në qafë, në shpinë, në fytyrë, ka qenë i nxirë për ditë të tëra. Ky ka qenë fati i tij. Më ka dhënë shumë, këto 18 muaj së bashku shpesh më ka qetësuar kur isha tym. Abate është shembulli se në futboll mund të përmirësohesh gjithnjë: më parë e fishkëllente gjithë stadiumi, këtë vit ka dalë gjithnjë mes duartrokitjeve. Ka luajtur edhe si qendërmbrojtës, me përulësi, do na mungojë shumë”.

Gatuzo: Me Bakajokon gabova edhe unë, Piatek nuk e ruante dot ritmin e çmendur

Sport Ekspres — Sat, 11 May 2019 21:17:59 +0000

Trajneri i Milanit, Xhenaro Gatuzo, foli për platformën DAZN pas ndeshjes Fiorentina-Milan, ku kuqezinjtë morën 3 pikë që mund të rezultojnë vendimtare në garën për vendin e katërt.

Për ndeshjen: “Fiorentina të krijon gjithnjë probleme, sepse ka sulmues të shpejtë. Në pjesën e parë na ndihmoi edhe ambienti, në të dytën nuk e qarkulluam topin dhe rrezikuam të pësonim gol në disa raste. Tani mendjen te Frozinone, nuk ka mbaruar”.

Champions: “Deri para 25 ditësh ishim në Champions, na vjen shumë keq. Duhet të besojmë. Nëse shohim kampionatin që kemi bërë, është normale që mendonim se ia kishim dalë mbanë. Megjithatë, nuk duhet të dorëzohemi”.

Skuadra dhe Abate: “Kam kaq kohë që them që po luan mirë, Abate kishte kohë që mungonte, por sa herë e kam futur ka qenë gati. Kjo është një skuadër që nuk ma ka tradhtuar kurrë. Po të kisha pasur qoftë edhe parandjenjën se po më tradhtonte, do isha larguar. Ka pasur momente ku e kemi humbur busullën, por ky sezon nuk është për t’u hedhur në plehra”.

Për Piatek: “Ne duhet të mendojmë për skuadrën. Duhet të mendojmë të sulmojmë pak më shumë në thellësi. Piatek po lëviz mirë, e ka kuptuar që duhet të ndihmojë skuadrën. Është normale që të mos vazhdonte të shënonte me ato ritme të çmendura që kishte deri para pak kohësh”.

Për Bakajoko: “Unë nuk flas asnjëherë sa për të kaluar radhën. Kam shumë defekte dhe pak virtyte, por kur them që nuk mbaj mëri, e kam seriozisht. Prioriteti është Milani, e di që nuk mund të mbaj mëri në këtë moment. Zemërohem kur shoh mungesë respekti mes shokëve. Jam i kënaqur për paraqitjen e tij, gabuam të dy, por e zgjidhëm një ditë më pas”.

Here is the full video of the confrontation between Gattuso and Bakayoko where it appears Bakayoko is telling Gattuso to “fuck off”pic.twitter.com/BrmC0vxHkk

— TheMilanBible (@TheMilanBible) May 6, 2019

Milani përgatit spastrim, por 2 lojtarë nuk preken!

Sport Ekspres — Fri, 10 May 2019 08:32:28 +0000

Sido që të shkojë në ndeshjet e mbetura të sezonit, Milani e ka kuptuar se ekipi aktual nuk ka të ardhme dhe nuk do të luftojë kurrë për më shumë se vendi i katërt, që edhe këtë vit po duket shumë larg.

Për këtë arsye, drejtuesit e Milanit e kanë vendosur që në verë të bëjnë spastrim, duke nisur nga trajenri Gatuzo e duke vazhduar me lojtarë si Bakajako, Çalhanoglu e shumë të tjerë.

Gjithsesi, lojtarët e rinj nuk do të preken dhe në kampin kuqezi kanë shuar çdo shpresë të klubeve të tjera për të rrëmbyer portierin Donaruma dhe qendërmbrojtësin Romanjoli.

Të dy janë lojtarë kyçë për të ardhmen, edhe në aspektin e imazhit, sepse Milani kërkon të ndërtojë një bërthamë lojtarësh të rinj dhe me ndikim edhe te tifozët, që kanë nevojë për disa figurë qendrore në ekip, përveçse presin disa përforcime reale, për të pasur një ekip të denjë të paktën të rivalizojë me Napolin për vendin e dytë në Serinë A, pasi Juve duket vite dritë larg.

Gatuzo paralajmëron: Kur të mbyllemi në një dhomë, të provojë të më çojë në të sëmës!

Sport Ekspres — Mon, 06 May 2019 21:50:20 +0000

Xhenaro Gatuzo ka sqaruar në intervistën pas ndeshjes me Bolonjën dinamikën e konflikti me Bakajokon. Për “Sky Sports”, teknik i “djallit” shpjegoi çfarë ndodhi dhe si do të punojë për të zgjidhur këtë situatë.

“Janë tri pikë shumë të rëndësishme. Në këto pesë ditët e fundit pashë zemërim në sytë e lojtarëve ndaj meje dhe u kërkova që këtë zemërim ta tregojnë në fushë. I falënderoj të gjithë. Nuk ishim të shkëlqyer, por fitorja na gëzon”.

“I thashë Bakajokos të fillonte nxehjen dhe u vonua, prandaj vendosa të zgjidhja Maurin. Prioriteti është që t’i bëjmë gjërat siç duhet dhe jo egoja e Gatuzos. E prita shtatë minuta, nuk vendosi as mbrojtëset e këmbëve, më pas zgjodha Maurin. Qëllimi im është që t’i marr më të mirën lojtarëve”.

“Lojtarët mund të më thonë çdo gjë, e rëndësishme është që në dhomat e zhveshjes të mos mungojë respekti. Polemikat patëm dhe pas ndeshjes derbi, por u rikthyem duke dhënë më të mirën në fushë. Notat për çdo lojtarë do i vendosim në fund të sezonit, atëherë do të shohim kush u soll mirë dhe kush u soll keq. Kur të mbyllemi në një dhomë, të provojë të më çojë në të sëmës, ai dhe kushdo tjetër! Nuk dua të flas më shumë dua ta mbyll në dhomat e zhveshjes, me mënyrën që di unë”.

KARTONI I KUQ I PAKETËS – “Më bezdisi, por është shumë i ri. Vuri duart te arbitri pa vetëdije, por kjo është pjesë e të qenit i papjekur akoma. Na duhet të përmirësohemi. Sot 7 lojtarë luajtën me probleme s’po kalojmë një moment të mirë. Falenderoj tifozët që nuk na vërshëllyen”.

VIDEO: Skandaloze, Bakajoko zihet me Gatuzon gjatë ndeshjes!

Sport Ekspres — Mon, 06 May 2019 19:25:29 +0000

Merr fund aventura e mesfushorit Tiemue Bakajoko te Milani, pasi mesfushori francez, i thirrur nga Xhenaro Gatuzo për të marrë vendin e të dëmtuarit Bilia, refuzoi dhe tha se nuk donte të futej, sepse nuk ishte nxehur ende.

Sipas Sky, Gatuzo i nervozuar urdhëroi Hoze Maurin të futej me urgjencë, edhe pse argjentinasi nuk luan prej muajsh.

“fuck off man” diciamo che l’esperienza rossonera di #Bakayoko può definirsi conclusa. (Comunque mancanza di rispetto ingiustificabile questa) #MilanBologna pic.twitter.com/fdFminKkEH

— Giulia Whites (@GiuliaCuchu) May 6, 2019

“Do flasim më vonë”, i tha Gatuzo Bakajokos, ndërsa ky ia ka kthyer: “Fuck off man”, nën shikimin e Kutrones, i shtangur! Më qartë se kaq, nuk ka…

Takim urgjent pas ndeshjes, Gatuzo mëson fatin e vet

Sport Ekspres — Sun, 28 Apr 2019 21:58:18 +0000

Kriza e paparë e Milanit ka bërë që drejtuesit kuqezinj Leonardo, Maldini e Gazidis të zhvillojnë një takim urgjent me trajnerin Xhenaro Gattuso.

Natyrisht, është diskutuar për rezultatet negative dhe mundësinë e ndryshimit në stol, por sipas Sky Sport drejtuesit kanë vendosur të mendohen, duke mos marrë vendime të nxituara.

Për momentin asnjë deklaratë dhe duket se Gatuzo do të konfirmohet, por vetëm deri në fund të sezonit.

Në verë Gatuzo do të largohet, edhe nëse arrihet vendi i katërt, pasi sezoni aktual tregoi se trajneri kuqezi nuk arrin të ruajë një ritëm konstant dhe nuk mundet të gjejë rrugëdalje nga momentet kritike si ai i tanishmi.

Gatuzo mendon më të keqen: Pyesni klubin, unë jam gati

Sport Ekspres — Sun, 28 Apr 2019 21:21:08 +0000

Milani në kaos total, një fitore në 8 ndeshjet e fundit, loje inekzistente dhe tashmë vendi i gjashtë për një ekip që deri para dy muajsh dukej në rrugën e duhur.

Trajneri Xhenaro Gatuzo pas humbjes 2-0 në Torino nuk ka më shpjegime, thjesht vijon rutinën e marrjes së fajit përsipër, ndërsa e pranon se klubi mund ta pushojë nga puna.

“Te Milani gjithçka është perfekte, dëgjoj shumë gënjeshtra në media. Ndjej respektin dhe dashurinë e klubit, pastaj nëse nuk kemi rezultate është e drejtë që të më bëhet gjyqi”.

Zhgënjim nga ndonjë lojtar?” Jo, në këtë moment nuk ia drejtoj gishtin askujt. I vetmi që vihet nën akuzë është trajneri. Të gjitha përgjegjësitë janë të miat. Lojtarët kanë dhënë sa munden, tani janë në vështirësi dhe nuk janë të qetë”.

Pushimi nga puna? “Pyesni klubin. Unë ndihem përgjegjës për këtë situatë dhe nuk bëj pas, kam fajet e mia. Nëse më largojnë, pranoj vendimin qetësisht, i vetëdijshëm se bëra sa munda”.

Penalltia e Torinos: “Nëse arbitri e dha, me gjithë teknologjinë që ekziston, do të thotë që ishte. Lojtarët duhet të dinë t’i mbajnë duart larg kundërshtarit”.

Gatuzo habit me formacionin, Piatek lihet në stol

Sport Ekspres — Sun, 28 Apr 2019 17:46:17 +0000

Xhenaro Gatuzo ka befasuar të gjithë me formacionin e përgatitur për takimin e sotëm ndaj Torinos.

Sulmuesi polak Kristof Piatek është ulur në stol dhe “çelësat” e sulmit janë besuar Patrik Kutrones, i cili mbështet nga të përhershmit Suso dhe Çalhanoglu.

Në krahun tjetër skuadra e Maxarrit qëndron e njëjta pa ndryshime dhe skemën e përhershme të ekipit granata: 3-4-3.

Milan: Donaruma, Konti, Romanjoli, Musakio, Rodrigez, Bakajoko, Kesie, Paketa, Çalhanoglu, Suso, Kutrone

Torino: Sirigu, De Silvestri, Izo, Nkulu, Moreti, Ansaldi, Aina, Rinkon, Meite, Lukiç, Beloti, Berenger, Beloti

Merr fund, Milani ka gati pasuesin e Gatuzos

Sport Ekspres — Fri, 26 Apr 2019 07:32:08 +0000

Pas një fillim viti të shkëlqyer në rezultate, Milani është kthyer në mediokritet dhe eliminimi nga kupa ka qenë goditja fatale për Xhenaro Gatuzon, i cili edhe vetë duket i dorëzuar dhe pa ide, pavarësisht se një fitore në Torino këtë fundjavë mund të ndryshonte gjithçka.

Në fakt, vendi i katërt i arritur më shumë për faj të rivalëve nuk i kënaq drejtuesit e Milanit, që tashmë janë bindur se me Gatuzon nuk ndërtojnë dot një ekip pretendent për kreun.

Duhet një trajner ekspert dhe me një mentalitet dukshëm ofensiv, ndaj sot mediat në Itali duket se e kanë zbuluar pasuesin e Gatuzos.

Bëhet fjale për Mauricio Sarrin, trajnerin aktual të Çelsit, i cili duket se e ka mbyllur para kohe aventurën angleze.

Ish-trajneri i Napolit vlerësohet shumë në Itali dhe Milani ka nisur bisedimet me përfaqësuesit e tij, duke parë se te Çelsi duan të ndryshojnë, pas një sezoni ku Blutë nuk janë ngjitur në lartësinë e pritshmërive, edhe pse jo vetëm për faj të Sarrit.

Gatuzo i dorëzuar: Nuk funksionoi asgjë!

Sport Ekspres — Wed, 24 Apr 2019 21:24:04 +0000

Xhenaro Gatuzo nuk ka ndonjë shpjegim për krizën e Milanit dhe tashmë duket një njeri i dorëzuar, edhe pse kuqezinjtë janë në vendin e katërt, rastësisht.

Pas humbjes kundër Lacios në kupë, trajneri i Milanit foli për Milan TV: “Sonte nuk funksionoi pak a shumë asgjë, vuajtëm në të dy fazat. Në pjesën e parë nuk rrezikuam asgjë, në të dytën e nisem shumë ngadalë dhe Lacio zotëroi fushën.

“Paraqitje për t’u harruar. Pashë një sjellje plot shqetësim dhe mungesë besimi, e shoh edhe nga goli që pësuam. Mendërisht, teknikisht dhe fizikisht po vuajmë, duket qartë. A e ndjej skuadrën në dorën time? Edhe vetë e bëj këtë pyetje tashmë”.

U kthye në fushë Kaldara: “Luajti mirë, kishte nevojë për një shans dhe e shfrytëzoi. Kishte liri për të ndërtuar lojën dhe e bëri shumë mirë”.

Piatek i izoluar: “Nuk është problemi tek ai, por të gjithë ekipi. Kur nuk çonim pasime tek sulmuesit anësorë, kapeshim në kundërsulm. Është një problem i të gjithëve”.

Milani viziton në fundjavë Torinon: “Morëm një goditje të fortë, zhgënjyem edhe tifozët tanë. Tani duhet të shkojmë për betejë në Torino, ndaj një rivali që vrapon dhe fizikisht është shumë i fortë”.

Gatuzo: Nuk është tragjedi, pashë një skuadër pa grintë

Sport Ekspres — Sat, 20 Apr 2019 13:44:54 +0000

“Skuadër pa shpirt luftarak”, këto ishin fjalët e para të Xhenaro Gatuzos në përfundim të sfidës ndaj Parmës, ku skuadra e tij u ndal në një barazim 1 – 1.

Kur kanë mbetur edhe pesë ndeshje para fundit, Milani ka pësuar një rënie të dukshme në lojë, por për trajnerin e “djallit”, kjo nuk është një çështje fizike.

“Pash shumë pak shpirt luftarak. Në pjesën e parë vuajtëm. Ishim me fat që gjetëm të parët avantazhin, më pas u treguam shumë naiv. Prisja shumë më shumë nga pjesa e parë”.

“Kishim qasjen e gabuar. Kur luan futboll do të ndodhin dhe ditë si këto. Duhet t’i japim merita dhe Parmës që na vuri në shumë vështirësi.

CHAMPIONS DREJT DËSHTIMIT ? – “Po filloj të shqetësohem, por nuk është nevoja për të qenë i dëshpëruar

“Nuk është një problem fizik. Pashë në fushë një skuadër bosh. U dukëm të befasuar. Nuk po flasim për një tragjedi, do të analizojmë se çfarë shkoi keq”.

Gatuzo: Tare e teproi, kërkoj falje për Bakajokon

Sport Ekspres — Sat, 13 Apr 2019 22:20:42 +0000

Trajneri i Milanit, Xhenaro Gatuzo, u njoftua në konferencën për shtyp pas Milan-Lacio se Bakajoko kishte shkuar te tifozët duke valëvitur fanellën e Açerbit, si trofe lufte, gjest që ka ngjallur reagime të ashpra.

“Kërkojmë falje për atë gjest. Ka ardhur koha që klubet e mëdha të kufizojnë përdorimin e rrjeteve sociale nga lojtarët e vet. Ata duhet të përqendrohen më shumë te stërvitja, sesa te tastiera e telefonit“, tha trajneri kuqezi.

Më pas, Gatuzo foli për gjykimin dhe doli kundër Igli Tares, pasi drejtori i përgjithshëm i Lacios kritikoi ashpër arbitrin: “Më duket e tepruar ajo që ka thënë Tare. Ose kam parë ndeshje tjetër unë, nuk e di, por arbitrimi m’u duk në lartësinë e duhur. E përsëris, Tare më duket se e ka tepruar“.

Gatuzo: Po e marrim veten, Piatek ka nevojë për pasime

Sport Ekspres — Sat, 13 Apr 2019 21:44:03 +0000

Pas fitores 1-0 ndaj Lacios, trajneri i Milanit Xhenaro Gatuzo foli për DAZN: “Për të luajtur kundër Lacios duhet të bësh patjetër ashtu. Shpejtësi, teknikë dhe fizik. Edhe javën e shkuar treguam se po e merrnim veten, sot fituam betejën në mesfushë dhe u treguam të zotë. Sot skuadra e bëri mirë detyrën”.

ROMANJOLI I DËMTUAR – “Nuk është asgjë muskulore. Ndjeu një pickim kur i ndërhyri Korreas, nuk e përkulte dot muskulin dhe kërkoi ndërrim për të mos rrezikuar”.

PJESA E DYTË – “Djemtë duhet të luftojnë për fanellën, jo për mua. Trajnerët shkojnë e vijnë, klubi mbetet. Duhet të bënim një ndeshje të guximshme dhe duhet të përgëzoj ekipin, që pavarësisht moshës së re po jep gjithçka. Momentet negative ndodhin dhe kalojnë, rëndësi ka që të rikthehesh te fitoret”.

TARE AKUZOI ARBITRIN – “Më duket e tepruar ajo që ka thënë Tare. Ose kam parë ndeshje tjetër unë, nuk e di, por arbitrimi m’u duk në lartësinë e duhur. E përsëris, Tare më duket se e ka tepruar”.

SHERRI PAS NDESHJES – “Pësova një tërheqje muskulore për të qetësuar të gjithë (qesh). Isha në stol, pashë që nisën të grindeshin të gjithë, por rëndësi ka që u mbyll aty. Kur isha lojtar këto gjëra më ndiznin gjakun, por tani nuk kam moshë për sherr, i shoh ndryshe gjërat. Po lëshova ndonjë shpullë, pastaj do ta ha nga çdo krah, sepse të gjithë janë dy metra dhe si kuaj”.

MY FUCKING TEAM. pic.twitter.com/11gzkrdmqM

— AC Milan – FR ? (@AC_MilanFR) April 13, 2019

PRESIONI LART – “Po provojmë dhe po punojmë shumë. Çalhanoglu bëri presing gjithmonë te Leiva. Shpesh kemi gabuar me presingun, duke u ngutur. Ende duhet të përmirësohemi. Sikurse ne studiojmë kundërshtarët, edhe ata bëjnë të njëjtën gjë me. Kështu që është normale të provosh gjëra të reja, të ndryshme.

PIATEK – “Nuk duhet të harrojmë që Kristof nuk ka pushuar asnjëherë këtë sezon. Ndonjëherë nuk është brilant dhe është normale, ndaj duhet të jemi të zotë për t’ia bërë gjërat më të lehta. Ai ka nevojë për sa më shumë pasime dhe sot nuk i shkuan shumë topa. Sot ia bëmë më të lehtë Açerbit, ai është rehat me topat e gjatë, ndaj duhet të kërkojmë më të mirën si ekip”.

BAKAJOKO DHE TALLJA ME AÇERBIN – “Kërkojmë falje për atë gjest. Ka ardhur koha që klubet e mëdha të kufizojnë përdorimin e rrjeteve sociale nga lojtarët e vet. Ata duhet të përqendrohen më shumë te stërvitja, sesa te tastiera e telefonit”.

Justifikimet nuk “pinë ujë”, Milani nuk është përmirësuar

Sport Ekspres — Tue, 09 Apr 2019 11:51:25 +0000

Arbitri, fati, gabimet e vogla, të gjitha justifikime. Milani i këtij sezoni mendohej se do të bënte një kapërcim cilësor përpara, por shifrat nxjerrin zbuluar kuqezinjtë dhe në një farë mënyre dënojnë kryesisht trajnerin Xhenaro Gatuzo.

Milani ka 52 pikë në këtë moment dhe është e njëjta shifër që kuqezinjtë kishin kapur sezonin e shkuar, pas 31 javësh.

Milani i vjetshëm pati probleme pa fund, me ndryshime në stol e me probleme financiare që çuan te ndërrimi i pronësisë së klubit, por hapat përpara kanë qenë të vogla.

Për fat, Milani është dy vende më lart se vjet në këtë kohë, për shkak se përveç Juventusit e Napolit, gjithë rivalët janë më poshtë se vjet, në lojë e rezultate.

Me krizën e Romës e Interit dhe luhatjet e rivalëve të tjerë, Milani do duhej ta kishte siguruar më kohë vendin në Champions League, por tashmë edhe Atalanta e ka kapur në renditje.

Gatuzo: Nuk kemi justifikime, “digjemi” nëse gabojmë sërish

Sport Ekspres — Mon, 08 Apr 2019 17:05:47 +0000

Milani mundohet të lërë pas polemikat e gjykimit në ndeshjen kundër Juventusit dhe trajneri Xhenaro Gatuzo kërkon kthesën në finalen e vogël kundër Lacios.

“Do jetë një finale: duhen 3 pikë, nëse dëshirojmë të shkojmë në Champions League”, deklaron trajneri kuqezi për Milan TV, në një intervistë lëshuar sot, pas takimit të trajnerëve dhe kapitenëve me arbitrat.

GABIMET – “Takimi në Ligë evidentoi që janë shtuar kartonët e verdhë dhe gabimet nga arbitrat, por në këtë moment duhet të shohim punën tonë. U bë një periudhë ku po ndëshkohemi nga disa gabime, por nuk duhet të shërbejë si alibi, as për mua dhe as për lojtarët. Kundër Juves luajtëm mirë, disa episode nuk shkuan mbarë, por duhet të shohim përpara”.

PIATEK DREJT REKORDIT – Nëse Milani është në krizë, përjashtim bën ylli i sulmit, Piatek, i cili shënon pa fund. “Po bën gjëra të mira, shpresoj të arrijë rekordin e golave për një sulmues debutues, por për t’ia dalë mbanë duhet të funksionojë e gjithë skuadra. – thotë Gatuzo – Kemi nevojë për të gjithë, edhe për mbrojtësit dhe mesfushorët”.

Gatuzo: Gabuam gjithçka, por duhet qetësi

Sport Ekspres — Sat, 30 Mar 2019 23:15:11 +0000

Magjia Gatuzo është prishur, sepse Milani në dy ndeshjet e fundit ka humbur dhe ka luajtur shumë keq, duke u kthyer ekipi fantazmë i pak muajve më parë.

Pas disfatës në Xhenova trajneri kuqezi ka analizuar sfidën: “Paguam episodin e golit të pësuar, nuk patëm fat. Më pas, në aspektin teknik gabuam gjithçka, luanim gjithnjë me një prekje më shumë dhe Samp kishte kohë që të ushtronte presion. Megjithatë, në tërësi ishte një paraqitje e mirë, duke marrë në konsideratë episodin e fillimit dhe faktin që vinim nga humbja në derbi”.

Gatuzo nuk e dramatizon humbjen: “Janë edhe 9 ndeshje deri në fund, duhet të besojmë. Nuk ka pse të zemërohemi, duhet thjesht të analizojmë ato që nuk shkojnë si duhet”.

Para ndeshjes Gatuzo tha se pas dy muajsh do fliste për të ardhmen, fjalë që krijuan rrëmujë, por trajneri kuqezi habitet pse ndodhi kjo: “Nuk e kuptoj pse u bë kaq bujë, nuk thashë asgjë të veçantë. Jam i nderuar që punoj për këtë klub gjigant. Në fund të sezonit njerëzit për së mbari ulen dhe bisedojnë, tani kemi një objektiv madhor përpara. Mbeta i befasuar nga reagimi mediatik, unë flas gjithnjë me vartësit e mi, nuk e kuptoj ku është lajmi”.

Gatuzo: Sherri në ekip, humbja më e rëndë

Sport Ekspres — Sun, 17 Mar 2019 22:39:37 +0000

Në formë perfekte muajt e fundit, Milani është ndalur në derbi, duke humbur edhe vendin e tretë, ndërkohë që trajneri Xhenaro Gatuzo pas ndeshjes ishte dukshëm i shqetësuar, për shumë arsye.

“Në pjesën e parë Interi ishte më lart. Më pas u përmirësuam falë ndërrimeve, por vuajtëm kur kapeshim në kundërsulm. Nuk e mbuluam mirë fushën, nuk bënim dot presion si duhej. Është acaruese të pësosh gol me 7 mbrojtës kundër 2 lojtarëve”.

Gatuzo mundohet të tregohet optimist për të ardhmen: “Pas 2-0 skuadra të tjera do kishin kapitulluar, ndaj jam i kënaqur. Skuadra është gjallë, patëm shanse për të barazuar”.

Paketa doli në pushim: “Doli sepse pati një shqetësim në kofshë, mjeku me këshilloi ta ndërroja”.

Në fund, një koment për zënkën mes Bilias e Kesies: “Ajo që më dhemb më shumë është imazhi i Kesies, kjo është humbja më e rëndë. E papranueshme, për mënyrën si e shoh unë futbollin. Duhet respekt për të gjithë, ajo skenë ishte e shëmtuar. Trajneri merret me disiplinën, është përgjegjësia ime, sepse mbi këto vlera kam ndërtuar karrierën dhe besoj verbërisht. Këto ditë do flas edhe unë“.

Gatuzo bën shaka me Romanjolin: S’ka çmim, po i vura do të na e marrin

Sport Ekspres — Sat, 23 Feb 2019 19:53:07 +0000

Alesio Romanjoli po përjeton një formë të shkëlqyer që prej rikthimit pas dëmtimit në muajin dhjetor. Kapiteni i Milanit ka qenë deçiziv në çdo takim të “djallit” dhe kjo gjë është vlerësuar nga trajneri Xhenaro Gatuzo.

Tekniku i Milanit u pyet pas fitores së djeshme kundër Empolit mbi vlerën e kartonit të lojtarit të tij. Gatuzo zgjodhi të përgjigjej me një shaka: “Nuk jap çmim për të, pasi po bëra këtë gjë dikush do të na trokasë në derë dhe do të na marrë. Romanjoli do të qëndrojë me ne. Shiriti i kapitenit e ka bërë më të përgjegjshëm, është një lojtar me të ardhme”.

Kontrata e 24-vjeçarit me skuadrën e Milanit zgjat deri në vitin 2022, çka e bën të sigurt se e ardhmja e qendërmbrojtësit do të jetë me “djallin”.

Gatuzo përkëdhel talentet e tij, por: Pjesa e parë më tërboi

Sport Ekspres — Fri, 22 Feb 2019 22:28:59 +0000

Milani shënon, fiton e tashmë ëndërron vendin e tretë: Gennaro Gattuso mund të buzëqeshë, edhe pse në të vërtetë pjesa e parë pa gola dhe pa ritëm e ka nervozuar jo pak.

Trajneri kuqezi pas ndeshjes së fituar 3-0 ndaj Empolit foli për Sky Sport, duke evidentuar edhe problemet, përveç kënaqësisë për ecurinë e shkëlqyer.

“Nuk ishte një fitore e sigurt, duhej sforcim dhe e pamë që u bë e vështirë. Paketa nuk duhej të luante, sepse nuk ka qenë mirë fizikisht. Nuk më pëlqeu interpretimi i ndeshjes, në pjesën e parë e goditëm shumë pak portën. U zemërova, sepse po luanim shumë keq, por në pjesën e dytë u përmirësuam“, shprehet Gattuso.

Më në fund San Siro po zbavitet dhe nkundër Empolit ishin thuajse 50 mijë tifozë në stadium. “Duhet të jemi të zotët që ta ndezim stadiumin dhe me paraqitje e rezultate të tilla është e mundur. Kemi edhe 13 ndeshje përpara, duhet të bëjmë maksimumin, pa e parë renditjen. Presioni vjen vetiu, qoftë edhe nga fakti që vesh fanellën e Milanit dhe luan në San Siro. Ka vite që nuk luajmë për gjëra të mëdha“.

Gattuso bëri ndryshime në vendosje gjatë sezonit dhe kjo dha fryte: “Kur luajmë me dy sulmues bëhemi të parashikueshëm, ndoshta isha i pari që nuk besoja shumë dhe e pranoj që kam faj. Më pas gjërat u sistemuan. Jemi një skuadër me moshë mesatare shumë të ulët dhe duhet të ruajmë këtë vazhdimësi”.

Ndërkaq, Gattuso ka lëvdata për disa lojtarë: “Bakajoko meriton një bravo të madhe, e ka bindur publikun me paraqitjet e tij, ka shfrytëzuar rastet që i janë dhënë. Bravo edhe Piatek, po shënon shumë. Pastaj meriton përgëzime edhe Kastijeho, është shembull për të gjithë, duke pritur momentin e tij dhe duke e shfrytëzuar”.

Ndërkohë, vendi i tretë nuk duket larg dhe derbi me Interin po afron, por Gatuzo lëshon një nga batutat e tij: “As që e mendoj fare derbin, kemi tre ndeshje të rëndësishme më parë. Nëse do kisha mundësi, do vija një firmë të madhe sa San Siro që të dilnim në vendin e katërt dhe Interi të dilte i treti”.

Gatuzo kundërshton tifozët për Çalhanoglun dhe bën humor për peshën e tij

Sport Ekspres — Sun, 10 Feb 2019 22:22:06 +0000

Milani fitoi 3-0 ndaj Kaliarit me një paraqitje thuajse perfekte, duke u rikthyer i katërti, ndërsa pas ndeshjes trajneri Xhenaro Gatuzo foli për Sky Sport, duke gjetur kohën edhe për pak humor, por ndërkohë vijon betejën me tifozët për turkun Hakan Çalhanoglu.

Rodriguez: “Është lojtar shumë i zoti, po sulmon me shumë se sezonin e shkuar dhe me jep qetësi, po rritet shumë”.

Momenti i Milanit: “Sot u treguam të zotët, luajtëm mirë, por nuk më pëlqeu sjellja e anësorëve të mesfushës, duhej të ktheheshin më shumë në fazën mbrojtëse. Sekreti ynë? Skuadra më pëlqen, ka dëshirë dhe uri. Nuk dua ta dëgjoj fjalën Unë, por vetëm Ne. Pas shumë vitesh kapim pranverën duke qenë në garë për një vend në Champions League, duhet të vijojmë të punojmë”.

Çalhanoglu dhe tifozët që e fishkellejnë: “Pres më shumë cilësi prej tij, ka gjuajtje të shkëlqyer dhe sot nuk pati fat, por ka edhe gjëra të tjera. Shihni kilometrat që bën dhe si e ruan pozicionin. Tani me Paketa po kuptohet shumë mirë, po e kritikojnë pa të drejtë, ndoshta sepse sezonin e shkuar i kishte mësuar keq tifozët. E di edhe unë qe nuk është anësor i pastër, por mund ta bëjë atë rol dhe të dyja fazat me shumë cilësi”.

Mbrojtja: “Më parë pësonim gola për naivitetin tonë. Tani ka disa ndeshje që mbrojnë të gjithë, Suso ankohet se luan si mbrojtës, por ky është sekreti”.

Bakajoko: “A krijon problem kthimi i Bilias? Të shijojmë momentin, sepse është kthyer pas 3 muajsh jashtë. Bakajoko është lojtar që luan para mbrojtjes, jo i zakonshëm, tani po bën gjëra shumë të mira, krijon epërsi numerike kur e kalon kundërshtarin. Tani sfida është ta bëjmë të luajë si anësor ofensiv nëse duhet, të shohim a do ia dalim”.

Forma fizike e Gatuzos dhe batuta me Kostakurtën: “Jam në formë? Po, sepse po ha më mirë dhe dal për vrap 3-4 herë në javë. Nuk isha shëndoshur nga stresi, thjesht tani e kam mbyllur gojën, ha më pak. Kur peshon 100 kg dhe je 1.20 i gjatë, duhet të kesh pak turp dhe mua më vinte turp nga vetja”.

Milani hedh sytë nga Porto, okazion për yllin e kampionatit portugez

Sport Ekspres — Wed, 06 Feb 2019 21:20:33 +0000

Trajneri i Milanit Xhenaro Gatuzo e ka bërë të qartë se ekipit të tij i mungon një sulmues krahu, për të kompletuar plotësisht “trinomin”, që tani ka pjesë të tij vetëm dyshen Suso-Piatek. Drejtuesi i lartë i “djallit”, Leonardo ka hedhur sytë drejt kampionatit francez e atij portugez për të zgjidhur këtë problem të ekipit të tij.

Krahas interesimit për sulmuesin anësor të Nicës, Alan Sent-Maksimin, një tjetër lojtar që i intereson Milanit është sulmuesi i Portos, Jasin Brahimi. Algjeriani është një ndër lojtarët më të mirë të skuadrës kampione në fuqi dhe një detaj më i rëndësishëm i këtij transferimi është se mund të kryhet me kosto 0.

Kontrata e Brahimit me Porton mbaron në fund të këtij sezoni dhe drejtuesve të Milanit u mjafton vetëm të bindin 28-vjeçarin. Një transferim me kosto 0 i leverdis shumë ekipit të Gatuzos, duke marrë parasysh bilancet e rënduara të skuadrës dhe raportin e keq të klubit me UEFA-n, që gjashtë muaj më parë vendosi t’i pezulloi nga kompeticionet europiane për shkak të thyerjeve të rregullave të “Financial Fair-Play”.

Gatuzo: Penalltia e padhënë? S’ka problem, sa ndryshe sulmojmë me Piatek

Sport Ekspres — Sun, 03 Feb 2019 22:30:41 +0000

Xhenaro Gatuzo u shpreh se Milani zhvilloi dy pjesë krejtësisht të kundërta në ndeshjen që përfundoi në barazim 1 – 1 ndaj Romës. Trajneri kalabrez u tregua i sinqertë, duke e pranuar se skuadra vendase u tregua superiore dhe mund të meritonte diçka më shumë.

“Mendoj se luajtëm shumë mirë. Roma meritonte më shumë gjatë pjesës parë, pasi ne mbajtëm topin në mënyrë të shterpët, por mendoj se ishim skuadra më e mirë gjatë pjesës së dytë”

“Ndoshta Roma mund të meritonte më shumë pikë ditën e sotme. Ata janë një skuadër me talent të pamasë dhe e dija që do të ishte një ndeshje shumë e vështirë”.

PIATEK – “Piatek është një lojtari që i frikëson kundërshtarët. Ai i lodh shumë mbrojtësit kundërshtarët dhe kjo na krijon shumë hapësira në sulm. Është në formë të mirë dhe po na jep një dorë të mirë në këtë moment”.

“Mendoj se pjesa e parë ishte shumë e dobët, ndërsa në pjesën e dytë ne shpërdoruam shumë raste të mira, pasi bëmë gabim në pasime. Hapësirat ishin aty, por ne nuk po i përdornim”

“Roma është një ekip cilësor dhe shumë i fortë në aspektin fizik, është normale që do të vuanim. Siç e thashë më parë e pranoj se Roma nuk meritonte diçka më shumë, por më ka lënë mbresa paraqitja e skuadrës gjatë pjesës së dytë”.

PENALLTIA E PADHËNË – “S’ka problem. Ndodhi çfarë ndodhi. Nëse nuk e dha penalltinë, atëherë nuk ishte faull”, përfundoi Gatuzo.

Qui il VAR non si poteva consultare?? #RomaMilan pic.twitter.com/4zsj7bN8ok

— Haris Mrkonja N1 (@harismrkonjan1) February 3, 2019

Gatuzo i lumtur: Me Paketa e Piatek, muzikë tjetër

Sport Ekspres — Tue, 29 Jan 2019 22:48:02 +0000

Milani fitoi ndaj Napolit me një super Piatek, por edhe pa shumë titullarë, ndaj trajneri Xhenaro Gatuzo i bën komplimente ekipit për kalimin në gjysmëfinalet e Kupës: “Komplimentet janë për lojtarët, jo për mua. Të gjithë mirë, edhe kush nuk luante prej ca kohësh. Edhe Laksalt mirë, i cili prej pak kohësh nuk po shprehej në nivelet e tij”.

Laksalt shkëlqeu: “Ka vuajtur këtë sezon, prisnim më shumë prej tij dhe ai e di. Sot dha edhe asist, jam i kënaqur. Bëmë mirë që ndryshuam rkahet, ndaj Napolit duhet freski fizike”.

Bakayoko superstar: “Duhet shmangur euforia, të jemi të edukuar, të tregojmë respekt, mos te gabojmë dhe të mos paraqitemi me vonesë. Shpesh paraqitjet e mëdha bëjnë që të ndryshojë sjellja dhe unë dua nga ai vazhdimësi dhe profesionizëm, të vijojë si sot. Dua që të tregohet perfekt edhe jashtë fushe”.

Piatek RoboCop: “Përtej dy golave, që i shpiku, është e pabesueshme të shohësh një lojtar të luftojë dhe të përballet ashtu me Kulibalin. Nuk është e lehtë, Kalidu dhe Skriniar janë qendërmbrojtësit me të fuqishëm në Serinë A. Komplimente për Piatek, por tani duhet të qëndrojë i qetë, të punojë dhe të mos harrojë që Kutrone është një lojtar që na ka dhënë shumë”.

Mbrojtja e hekurt: “Punojmë çdo ditë me mbrojtjen, por pa punën e Paketa, Kesi dhe anësorëve ofensivë, nuk paraqitesh dot kaq mirë. Me Paketa e Piatek loja ka frymëmarrje, mënyra e qëndrimit në fushë ndryshon. Kur zbavitës dhe shënon, të vjen dëshira për punë dhe punohet me ritëm të lartë. Kjo ka ndryshuar për mirë”.

Gatuzo: Nuk i kuptoj tifozët, si e fishkëllejnë lojtarin e vet?

Sport Ekspres — Sat, 26 Jan 2019 22:54:43 +0000

Një pikë ndaj Napolit nuk është keq për Milanin, që është inferior edhe këtë sezon, por trajneri Xhenaro Gatuzo nuk ka mbetur i kënaqur në disa drejtime.

“Na munguan disa gjëra, siç na ndodh zakonisht në ndeshjet e fundit, sepse në fushë të hapur dhe në tranzicion mund të bëjmë më mirë. Gabojmë shumë, por kishim kohë që nuk e qarkullonim kaq mirë topin. Nuk më pëlqyen 20-30 metrat e fundit dhe lodhja bëri të vetën”, tha trajneri kuqezi për Milan TV.

Mbrojtja: “Ka disa arsye pse gabojmë, por po ashtu ka meritë gjithë skuadra nëse nuk pësojmë gol. Dikush duhet të më shpjegojë pse e fishkëllyer Çalhanoglun. Duhet të jemi më të qetë, nuk duhet të bëjmë aq shumë gabime”.

Piatek: “I zoti, më pëlqeu shumë. Edhe Kutrone më pëlqeu shumë, në ndeshjet e fundit ka qenë i shkëlqyer dhe bën shumë pak gabime kur luan për skuadrën”.

Mesfusha: “Bakajoko është lojtar i veçantë, me rol jo të zakonshëm. Luan para mbrojtjes, por me forcën që ka mund të bëjë shumë mirë edhe për të nxjerrë ekipin përpara. Paketa është i jashtëzakonshëm, thjesht duhet të bëjë me pak broçkulla në metrat e fundit dhe të jetë më konkret. I jashtëzakonshëm ishte edhe Çalhanoglu, është absurde që San Siro të fishkëllejë lojtarët e vet”.

Ndeshja e fundit e Higuain? Fjalët e Gatuzos të bëjnë të dyshosh

Sport Ekspres — Wed, 16 Jan 2019 20:54:33 +0000

Xhenaro Gatuzo nuk u tregua kritik ndaj skuadrës së tij pas finales së humbur ndaj Juventusit. Trajneri i Milanit komplimentoi djemtë e tij, ndërsa më pas foli për çështjen me delikate te “djalli”: të ardhmen e Gonzalo Higuain.

“Më duhet t’i bëj komplimente skuadrës, pasi siç e thashë edhe më parë na duhej të ngjitnim një mal dhe u përpoqëm ta bënim këtë gjë”, tha Gatuzo fillimisht.

“Nuk më takon mua të gjykoj mbi rastet e dyshimta. E pranoj se kartoni i kuq i Kesies ishte i merituar. I vetmi shqetësim që unë kam është mënyra e përdorimit të teknologjisë. Skuadra tregoi karakter sot, duke luftuar fort ndaj një kundërshtari të madh. Tani mbetemi pa dy lojtarë ndaj Xhenoas (Kesie dhe Kalabria të pezulluar për shkak kartonësh). Pavarësisht paraqitjes, ka gjithmonë pendesë kur humbet një finale”.

“Higuain ka qejnë i pafat. Atë e kapi një e ftohur ditën e djeshme dhe në bëmë gjithçka për ta përmirësuar gjendjen e tij, por në fund vendosa të aktivizoj një lojtar më të freskët. Mund të duket sikur po tallem, por sinqerisht, kjo është e vërteta”.

Më pas Gatuzo u pyet nëse kjo ishte ndeshja e fundit e Higuanit me fanellën e Milanit, pyetje të cilës kalabrezi iu përgjigj me një mënyrë të çuditshme duke thënë: “Tani na duhet të kujdesemi për plagët tona, nesër të shikojmë çdo të ndodhi”, përfundoi trajneri i Milanit.

Gatuzo pranon realitetin, Higuain shumë pranë largimit

Sport Ekspres — Fri, 11 Jan 2019 18:02:25 +0000

Milani do të ndeshet nesër me Sampdorian, në një takim në kuadër të Kupës së Italisë. Trajneri i kuqezinjve, Xhenaro Gatuzo, për mediet në daljen për shtyp që i paraprin ndeshjes së nesërme. Vëmendjen kryesore e mori Gonzalo Higuain, i cili është shumë pranë largimit nga skuadra italiane, pasi për të interesohet Çelsi.

Higuain – “Tani po qarkullojnë shumë thashetheme në lidhje me të, por duke parë mënyrën se si ai stërvitet dhe sjelljen prej profesionisti që tregon ndaj meje, nuk e kupton fare këtë gjë. Pjesa tjetër i takon agjentit të tij dhe Leonardos. Shpresoj që ai të rrijë me ne për sa më shumë të jetë e mundur, por nëse kjo nuk ndodh, do shohim ç’mund të bëjmë. Gjithesesi për mua ka rëndësi që ai të sillet si profesionist, po ndodhi kjo atëherë nuk ka asnjë problem nga ana ime”

PAKETA – “Ai është një lojtar i zgjuar. Më duket më shumë evropian se sa brazilian, pasi është një futbollist i plotësuar me aftësi si në lojën me top, por edhe në aspektin e forcës. Kemi bërë një transferim të goditur”.

Gatuzo: Higuain ka vuajtur shumë, na duhen golat e tij

Sport Ekspres — Sat, 29 Dec 2018 22:27:10 +0000

Milani i dha fund një serie negative prej katër ndeshjesh pa fitore, teksa mundi në “San Siro”, SPAL-in me rezultatin 2 – 1. Trajneri Xhenaro Gatuzo vlerësoi paraqitjen e skuadrës dhe u shpreh shumë i gëzuar për golin e argjentinasit Gonzalo Higuain, i cili u rikthye të shënojë pas më shumë se dy muajsh.

NDESHJA – “Më pëlqeu paraqitja e skuadrës si nga ana teknike, por edhe taktike. Mund ta kishim mbyllur lojën më shpejt. Por, më pëlqeu mentaliteti i skuadrës, që edhe pse vuajti, arriti të mposhte kundërshtarin”.

HIGUAIN – “Ai jeton me golin. Si sulmuesi i skuadrës sonë, kjo ka qenë një periudhë shumë e vështirë për të. Humbja ndaj Juventusit, penalltia e humbur dhe kartoni i kuq, të gjitha këto së bashku e lënduan shumë”.

“I duhet të rikthehet si më parë. Duhet të mos ketë më luhatje para porte, pasi kjo është pika e tij e fortë. Shpresoj që me golin e sotëm, ai të ketë lënë pas atë gjendje të renduar psikologjike. Na kanë munguar shumë golat e tij”

“Fanella e rëndë e Milanit dhe historia e këtij klubi bën që njerëzit të presin më shumë prej nesh dhe kjo është normale, këtu përfshihen dhe drejtuesit si Leonardo, Maldini, por dhe pronarët. Skuadra mund të bëjë më shumë se kaq”, përfundoi Gatuzo.

Gatuzo pranon krizën: Mos fajësoni vetëm Higuain, ja kush më zhgënjeu sot

Sport Ekspres — Sat, 22 Dec 2018 19:08:54 +0000

Pozitat e Xhenaro Gatuzos në krye të pankinës së Milanit janë lëkundur ndjeshëm më humbjen e sotme ndaj Fiorentinës. Në gjashtë ndeshjet e fundit, kuqezinjtë kanë fituar vetëm një herë, dhe Gatuzo nuk fshihet duke pranuar krizën.

“Sigurisht që jemi në një moment të vështirë. Statistikat thonë që jemi në krizë. Kemi hasur shumë probleme në fazën sulmuese gjatë tre javëve të fundit. Por, në takimin e sotëm ishim në gjendje emergjence për shkak të dëmtimeve dhe pezullimeve. Mu desh ta ndërtoja mesfushën nga e para”.

MUNGESË GRINTE ? – “Nuk mendoj se ky është problemi. Po vuajmë nga ana teknike. Impenjimi dhe djersa e lojtarëve për fanellën nuk është vënë kurrë në dyshim nga unë”.

HIGUAIN – “Duhet të rikthehet te goli. Gjatë të gjithë karrierës sime si lojtar dhe trajner, nuk kam parrë kurrë një sulmues të gëzuar kur nuk shënon. Duhet t’i krijojmë raste për shënim, ndërsa të njëjtën gjë duhet të bëjë ai për ne”.

KRITIKAT – “Kastijeho dhe Laksalt nuk m’i plotësuan pritshmëritë. Na mungonin lojtarët të cilët kanë kualitetin për të dhënë topin final. Prandaj them se është e gabuar që t’ia vini fajin vetëm Higuainit”, përfundoi Gatuzo.

Shfryn Agjenti i Montolivos: Gatuzo nuk po logjikon

Sport Ekspres — Sat, 22 Dec 2018 17:33:54 +0000

Rikardo Montolivo nuk luajti qoftë dhe një minutë në ndeshjen midis Milanit dhe Fiorentinës. Gatuzo vendosi t’i besonte të rinjve Hoze Mauri dhe mbrojtësit Kalabria, i cili u spostua në mesfushë. Agjenti i ish-kapitenit të Milanit, Xhovani Brankini, ka folur për “Radio Deejay” për situatën e keqe në të cilën ndodhet lojtari tij.

“Vendimi i trajnerit për të mos e marrë në konsideratë lojtarin tim duhet respektuar, edhe pse është përtej kufirit të logjikës. Nuk dua të flas për një “skenar” hakmarrjeje, por është e vështirë që unë ta besoj se papritmas, Montolivo është bërë lojtari më i dobët i skuadrës, përsa i përket cilësisë dhe besueshmërisë”.

“Mos mendojnë se ka ndonjë mundësi ngjitëse? Ai nuk luan që prej 13 majit. Flitet se ka interes nga Xhenoa, por unë nuk di gjë për këtë. Ajo që mund të them unë është se Montolivo kurrë nuk ka refuzuar ndonjë transfertë”, tha agjenti i mesfushorit.

Gatuzo nuk kërkon justifikime: E merituam, nuk jemi ekip!

Sport Ekspres — Thu, 13 Dec 2018 22:56:26 +0000

Pas ndeshjes në Greqi dhe eliminimit të hidhur ndaj Olimpiakosit, me humbjen 3-1, trajneri i Milanit Xhenaro Gatuzo nuk ndjek linjën e drejtorit sportiv Leonardo dhe nuk merret me arbitrimin.

“Zhgënjim i madh, ka miliona tifozë që vuajnë. E kishim ndeshjen me dorë, krijuam 8 raste për shënim dhe pastaj bëmë gabime naive: kështu është e drejtë të eliminohemi. Nuk u treguam të zotë dhe e dhuruam ndeshjen. Më pas futet edhe arbitri në valle.

“Patëm frikë pas problemeve të para që hasëm dhe është e drejtë të shkojmë në shtëpi, Europa League kërkon nivel tjetër. Kemi një problem mendor dhe nuk kemi eksperiencë”

Tani edhe sulmi është nën akuzë: “Duhet të kemi helm. Çalhanoglu e Castijeho patën raste, por nuk kishin besim. Nuk duhej ta humbnim këtë ndeshje, është e turpshme. Arbitri na ndëshkoi, por mund ta mbyllnim ndeshjen menjëherë. Me bezdis kjo lloj disfate, me 3 gola nga ky rival. Jam i tërbuar, sepse mund të ishim më të fortë edhe se arbitri. Nuk po na krijonin asnjë problem, pastaj shënuan një gol të pabesueshëm, në një situatë që e përgatitim për orë të tëra. Nuk e kapërdij dot, nuk kemi asnjë justifikim dhe më ngrihen edhe me shume nervat. Humbje djegëse, nuk jemi skuadër”.

Gatuzo: “Para një viti do mundeshim. Mos më pyesni për merkaton!”

Sport Ekspres — Sun, 09 Dec 2018 23:06:20 +0000

Gjithsesi, trajneri Xhenaro Gatuzo pas ndeshjes ishte i qetë: “U treguam të zotë dhe krijuam lojë e raste, edhe pse vuajtëm pak më fillim. Skuadra më pëlqeu”.

Gatuzo vlerëson Torinon: “Është skuadër e bukur, Maxarri është trajner i madh. Para një viti një ndeshje të tillë me siguri e humbnim. E dinim që do vuanim sot”.

U kthye Higuain, por asgjë e madhe dhe goli i mungon prej 42 ditësh. Gjithsesi, për Gatuzon nuk është problem: “Higuain nuk duhej të luante fare, është pak i mërzitur sepse ka një problem fizik në shpinë dhe po luan me sforcim, edhe stërvitjen e bën më ndalesa. Bëri gjëra interesante në momente të caktuara, por e dimë që të gjithë presin me shumë prej tij”.

Merkato, asnjë koment: “Pyesni drejtuesit unë stërvit me ata që kam në dispozicion. Nuk mund të flas për lojtarët që na duhen, është mungesë respekti për djemtë që kam në ekip dhe po bëjnë gjithçka. Kam qenë futbollist dhe e di si ndihesh në raste të tilla”.

Bakajoko është transformuar: “Në fillim me zor futej në sparkatë, tani bën gjithçka, nuk vuan as kur i ushtrojnë presion kundërshtarët. Taktikisht është përmirësuar shumë. Stili i tij? Është tip i qetë, me zor i ndihet zëri, por ka personalitet, shikoni si vishet, sikur jemi në NBA”.

Gatuzo: Absurde, si mund të luajmë në mesditë?

Sport Ekspres — Sat, 01 Dec 2018 09:31:13 +0000

Për herë të parë këtë sezon Milani do të luajë në mesditën e së dielës dhe në kampin kuqezi nuk e kanë pritur mirë. Trajneri Xhenaro Gatuzo është tërbuar kur ka mësuar kalendarin, duke mos e fshehur zemërimin e tij, në një prononcim për Milan TV: “Është absurde të luash në 18.55 të enjten dhe pastaj të luan në 12.30 të dielën. Nuk dua të bëj polemika, por është një vendim që nuk e kuptoj“.

Mesazhi i trajnerit kuqezi ësht i qartë: lojtarët kanë nevojë për pushim dhe ndoshta sfida ndaj Parmës mund të luhej në mbrëmje, apo edhe të hënën në mbrëmje, duke qenë se Milani nuk ka ndeshje mesjavën pasuese.

Gjithsesi, Gatuzo nuk e sheh lodhjen si justifikim: “Nuk dua justifikime, do jemi gati për betejë dhe duhet të jemi më të fortë se lodhja dhe dëmtimet. Parma është e fortë, nuk është rastësisht e gjashta dhe ka kundërsulm vrasës, ndaj do duhet të jemi të zotë, duke luajtur më mirë se ndaj Dudelanzh”.

Ndërkaq, shifra të shkëlqyera në lidhje me shitjen e biletave, sepse që të shtunën në mëngjes është kapur shifra e 50 mijë spektaktorëve në San Siro, për sfidën e së dielës.

Biseda me Salvinin dhe “përvjetori” me Milanin, Gatuzo i prek të gjitha

Sport Ekspres — Wed, 28 Nov 2018 17:20:21 +0000

Milano do të presë nesër në “San Siro” luksemburgasit e Dudelanzh. Në daljen për shtyp në prag të kësaj ndeshje, trajneri i kuqezinjve Xhenaro Gatuzo bëri thirrje për vlerësim ndaj kundërshtarit, si dhe foli për disa çështje të tjera të klubit që ai drejton.

DUDELANZH – “Ata janë një ekip i bashkuar. Në ndeshjen e parë në vuajtëm jo pak. Duhet të kujtojmë se sa shumë u lodhëm për të siguruar tri pikët në përballjen në Luksemburg. Do t’ia vështirësonim shumë gjërat vetes nëse nuk arrijmë të fitojmë

HIGUAIN – “Ai ka një dhunti të veçantë. Gonzalo e di që është një lojtar me emër të madh, por në dhomat e zhveshjes sillet si të gjithë të tjerët. Atij nuk i mungon entuziazmi, por kur gjërat nuk shkojnë si ç’duhet, ai fillon të nervozohet. Duhet të bëjë më shumë kujdes për këtë aspekt, pasi lojtarët më të rinj në moshë mund të marrin këtë “huq” të tij”.

NJË VIT NË STOLIN E MILANIT – “Kemi kaluar shumë vështirësi dhe meritë që jam akoma trajneri i Milanit pas një viti kanë lojtarët e mi. Ata kanë krijuar atmosferë të jashtëzakonshme. Flasim për gjithçka me njëri-tjetrin duke filluar nga futbolli e biseda personale dhe familjare. Kam akoma shumë për t’u përmirësuar sidomos në menaxhimin e ju gazetarëve”.

BONAVENTURA – “Xhek do qëndrojë një muaj në SHBA. Ai shtrëngoi dhëmbët për pesë muaj dhe më pas u detyrua të bënte operacionin. Na mbetet vetëm ta falënderojmë. Ndoshta rolin e tij mund ta zëvendësojë Çalhanoglu, pasi kanë karakteristika të ngjashme. Musakio pritet të rikthehet për një javë, ndërsa Romanjolit do i duhen 2 ose 3 javë”.

SALVINI – “Sqaruam gjithçka me anë të celularit. Tani gjithçka është në rregull. Ai ka problemet tij, unë kam të mijat”, përfundoi Gatuzo.

Gatuzo: Milani s’ka pasur kurrë kaq të dëmtuar, diçka nuk shkon

Sport Ekspres — Sat, 24 Nov 2018 18:10:36 +0000

Xhenaro Gatuzo dhe skuadra e tij kanë përpara një transfertë të vështirë. “Jemi entuziastë, skuadra është e motivuar. Më pëlqen mënyra se si djemtë po ndihen para kësaj ndeshje”, tha tekniku i Milanit në fillim të daljes për shtyp në prag të takimit ndaj Lacios.

DËMTIMET – “Kemi shumë lojtarë të dëmtuar, por këtë nuk mund ta përdorim si justifikim. Duhet të japim më shumë. E gjitha skuadra duhet të shtrëngojë dhëmbët. Romanjoli dhe Musakio mund të na kthehen mbas tri javësh. Duhet të kuptojmë se çfarë po shkon keq, pasi Milani kurrë nuk ka pasur kaq shumë dëmtime në sezonet e shkuara”.

LACIO – “Ata janë një skuadër që luajnë me shumë lojtarë në sulm. Kanë bërë shumë pak ndryshime nga sezoni i shkuar dhe kanë një sulmues zone të rrallë si Çiro Imobile”.

Gatuzo: Kaq mundësi kemi ndaj Juves, Higuain të kërkojë falje!

Sport Ekspres — Sun, 11 Nov 2018 22:39:40 +0000

Trajneri i Milanit, Xhenaro Gatuzo, është natyrisht i dëshpëruar për humbjen ndaj Juves, por në radhë të parë për faktin se u humb një penallti që mund të ndryshonte shumë gjëra.

“Penalltia e Higuain? Nuk ka pse të bëjmë polemika. E fitoi vetë, dëshironte ta gjuante sepse mendonte se nuk do gabonte. Është normale që të gabohet, tani është e lehtë ta kritikosh. Shpresoj vetëm që të kërkojë falje për kartonin e kuq, sepse gaboi në sjellje, duhet të turfullojë më pak dhe të përqendrohet te ndeshja”.

“Juve superior? Natyrisht, është në nivelin e Barcelonës dhe Mançester Sitit, janë favoritët për Champions League. Nuk e pata kurrë ndjesinë se do i bënim keq Juves, por skuadra më pëlqeu. Mëkat që nuk shënuam penalltinë”.

“Dëmtimet pa fund? Shpresoj të kthehet të paktën Kalabria për ndeshjen e ardhshme. Çalhanoglu nuk është ende mirë, po luan me sforcim dhe në aspektin e cilësisë do na jepte më shumë, po të ishte në formë”.

Gatuzo: Nuk u transformuam në fenomenë, i kënaqur nga “rezervat”

Sport Ekspres — Sun, 04 Nov 2018 23:49:01 +0000

Milani fiton sërish në shtesë, këtë radhë në Udine, ndaj fati duket se po i buzëqesh, pas humbjes në shtesë në derbi.

Trajneri kuqezi Xhenaro Gatuzo është i lumtur dhe nuk e konsideron thjesht fat: “Goli i pësuar në fund ndaj Interit ishte goditje e rëndë. Ndaj Udinezes e merituam fitoren. Kemi vuajtur, kemi pasur shumë dëmtime dhe skuadra meriton komplimente. Në pjesën e dytë skuadra më pëlqeu, tani shpresoj të rikuperojmë ndonjë lojtar”.

Higuain u dëmtua: “Ndjeu një dhimbje në shpinë, ndoshta mori një goditje. Shpresojmë të mos jetë asgjë serioze”.

Goli mund të anulohej, por VAR rregulloi gjithçka, ndërkohë që Gatuzo protestonte: “Nuk i thashë asgjë anësorit, thjesht shkova drejt tij duke e parë me flamurin lart. Kartonin e kuq e mora se dola nga zona teknike”.

Milani vijon të fitojë: “Nuk ishim të mbaruar më përpara dhe nuk jemi fenomenë tani. Fitoret ndihmojnë për të punuar më mirë, të shohim sa larg mund të shkojmë’.

Mungesat shtohen:” Nuk kemi ç’ bëjmë, nuk po na ecën fati. E hëna është pushim, pastaj shohim si jemi fizikisht. Kastijeho u paraqit mirë, edhe Borini jam i kënaqur prej tyre, po tregojnë se kanë cilësi dhe kemi nevojë për të gjithë. Sot mbrojtja u soll mirë, Bakajoko e Kesie e bënë mirë detyrën në mesfushë. Suso luajti për 25 minuta si sulmues i dytë, e pamendueshme kur e mora Milanin. Të gjithë po japin maksimumin dhe po vihen në dispozicion total”.

Gatuzo nuk feston, por ka komplimente për lojtarin më të kritikuar

Sport Ekspres — Wed, 31 Oct 2018 23:37:04 +0000

Me vuajtje, por edhe fat, Milani ka mundur edhe Xhenoan dhe brenda tre ditësh ka marrë 6 pikë kundër skuadrave gjenoveze dhe është ngjitur në vendin e katërt në renditje.

Suksesi në ndjekjen e prapambetur ka ardhur në shtesë, me një magji të Romanjolit, por trajneri Xhenaro Gatuzo nuk është aspak i kënaqur dhe nuk e sheh renditjen.

“Nuk u treguam të zotë pas avantazhit tonë, bëmë gabime të shumta. Gjithsesi, ishte një ndeshje e mirë, duke parë problemet që kemi pasur ditët e fundit”.

Vendi i katërt: “Tani duhet ta ruajmë, sepse nuk kemi bërë ende asgjë. Duhet të luajmë si skuadër, gjë që nuk e bëjmë gjithnjë. Jam i kënaqur me rezultatin, jo me lojën”.

Për Gatuzon më në fund pak qetësi: “U ndodh të gjithëve, nuk jemi skuadër perfekte dhe kemi ende shumë difekte. Edhe sot pësuam një gol të pabesueshëm, por i bëj komplimente Donarumës: flitet shumë për të kur gabon, por sot duhet ta falënderojmë, sepse na shpëtoi në disa raste”.