Gary Cahill

“No merkato, no problem”, Çelsi spastron një “dyzinë” me lojtarë

Sport Ekspres — Mon, 01 Jul 2019 20:09:37 +0000

Çelsi, edhe pse nuk mund të bëjë merkato nuk heziton të bëjë spastrime të mëdha në skuadër. Përmes faqes zyrtre të klubit në internet, njoftohet ndërprerja e bashkëpunimit me pesë lojtarë. Gonzalo Higuain(31), Geri Kahill(33), Rob Grin(39), Eduard(36) dhe Kajli Skot(21), duke nisur nga sot nuk janë lojtarë të Çelsit.
Higuain nuk ka bindur në Londër dhe e vetmja rrugëzgjidhje është kthimi te Juventusi. Kahill ka vendosur ta mbyllë bashkëpunimin me Çelsin pas plot shtatë vitesh, ku provoi të mbante edhe shiritin e kapitenit. Për momentin është pa skuadër, në pritje të një aventure të fundit si profesionist në fushën e blertë. Aston Vila është një mundësi reale.
E njëjta gjë vlen edhe për Kajli Skot. Talenti amerikan nuk ka bindur në Londër dhe që nga sot është lojtar i lirë. Sezonin e fundit kaloi gjashtë muaj si i huazuar në skuadrën e Telstar, që luan në divizionet e ulëta të Holandës. Rob Grin pritet t’i japë fund karrierës. Ndërkohë Eduardo ka nënshkruar kontratë dyvjeçare me Bragën, klub ku debutoi si profesionist.

Çelsi nuk i ofron rinovim, merr fund aventura londineze e 33-vjeçarit

Sport Ekspres — Sun, 02 Jun 2019 19:38:17 +0000

Diçka e tillë ishte folur prej kohësh, ndërsa tani është gjithçka zyrtare. Çelsi nuk i ka ofruar një rinovim kontrate dhe mbrojtësi do të largohet nga “Blutë e Londrës”.

Geri Kehill nuk do të jetë më një lojtar i Çelsit. 33-vjeçari do të largohet pas 7 sezoneve e gjysmë në “Stamford Bridge”.

Gjatë këtyre viteve, qendërmbrojtësi fitoi dy tituj kampionë, dy FA Cup, një Champions Ligë dhe dy Europa Ligë. Dëmtimet e shumta e kanë lodhur, ndërsa Sarri i dhuroi shumë pak minuta në sezonin e fundit.

Italiani pritet të largohet drejt Juventusit, ndërsa drejtuesit e klubit vendosën të mos i ofronin një kontratë të re.

FOTO | Çelsi sjell ters, Morata bën gafë edhe në Instagram

Sport Ekspres — Mon, 06 May 2019 16:43:07 +0000

Geri Klahill i dha lamtumirën Çelsit pas shtatë vitesh në Londër. 33-vjeçari i dha fund ekperiencës disa vjeçare me londinezët, ku arriti të fitonte Championsin në vitin e tij të parë në “Stamford Bridge”, në drejtimin e Di Mateos. Në fitoren e djeshme kundër Uotfordit, kapiteni përshëndeti tifozët nën lot.

Kolegët dhe shokët e ekipit nuk nguruan t’i uronin fat anglezit në pjesën e mbetur të karrierës, por postimi i Alvaro Moratës është shumë qesharak. Spanjolli nuk duket i qartë nëse mesazhin e tij e ka për largimin nga Çelsi apo për tërheqjen nga futbolli.

“Urime për karrierën tënde të madhe. Ka qenë një nder i madh të luaja me ty vëlla”, shkruan Alvaro Morata. Ndërkohë është përgjigjur në komente shoku i tij i skuadrës, Markos Alonso.

Ai me shaka i shpjegon se Kahill nuk është tërhequr nga futbolli. Si duket aktivizimet me pikatore të Moratës nga trajneri Sarri ka bërë që spanjolli të mos e kuptojë tamam se ç’ndodh në ekip.

“Çfarë s’kam parë sivjet, ja pse e kam të vështirë të respektoj një si Sarri!”

Sport Ekspres — Sun, 05 May 2019 11:25:23 +0000

Mauricio Sarri tenton të zhvillojë një futboll shumë të bukur. Italiani është besnik dhe fanatik i skemave të tij. Dikë e acaron kjo gjë, ndërsa të tjerë ia pëlqejnë shumë stilin. Geri Kahill luan prej 7 vitesh me Çelsin. Mbrojtësit të njohur i përfundon kontrata në fund të këtij sezoni dhe nuk do të rinovojë, pasi nuk është prioritet i trajnerit.

Në një prononcim për mediat angleze, 33-vjeçari zbulon një detaj që nuk i pëlqen fare nga ish-trajneri i Napolit. Megjithatë, ai thekson se nuk ka pengje dhe do të largohet me kokën lart nga klubi ku fitoi gjithçka.

“Nëse nuk e aktivizon një futbollist, një, dy, tre apo katër herë, nuk ke se pse i shpjegon gjë atij. Por nëse bëhen tetë apo nëntë ndeshje, ty si trajner duhet që të japësh shpjegimet e duhura se çfarë po ndodh. Sarri nuk e bëri kurrë një gjë të tillë.

Kam parë disa situata aspak të drejta me lojtarë që janë shpallur kampionë me Çelsin. Nuk po flas për veten time. Bëhet e vështirë për mua të respektoj dikë, i cili nuk ka respektuar fare atë që kemi fituar ne me këtë klub. Unë do të largohem me kokën lart”, thekson mbrojtësi anglez i “Bluve të Londrës”.

Sa shumë yje me kosto 0, ja lojtarët që u mbaron kontrata këtë sezon

Sport Ekspres — Mon, 08 Apr 2019 15:26:35 +0000

Transferimet e lojtarëve janë një punë tejet e mundimshme, por gjithçka lehtësohet kur lojtarët nuk janë nën kontratë.

Këtë verë janë të shumtë yjet që do të dalin në treg me kosto 0, çka natyrisht shton interesin e klubeve për këta futbollistë.

David Luiz – Mbrojtësi brazilian është ende një titullar i padiskutueshëm për Çelsin e Mauricio Sarrit. Londinezët nuk kanë alternativa të mira në stol dhe rinovimi mund të vijë nga dita në ditë.

Ander Herrera – Pas pesë vitesh te Mançester Junajtid, mesfushori spanjoll po bën gati valixhet. E ardhmja mund të jetë në Paris, ku i është ofruar një kontratë me pagë “faraonike”.

Jasin Brahimi – Jasin Brahimi cilësohet nga shumë ekspertë si lojtari më i mirë i kampionatit portugez. Ofertat për sulmuesin shtatshkurtër kanë qenë të shumta, por Porto gjithnjë ka bërë rezistencë. Këtë verë me shumë gjasa, bashkëpunimi 5-vjeçar do të marrë fund.

Huan Mata – Futbollisti i Mançester Junajtid nuk është më ai dikurshmi. Minutat e Matës te “djajtë e kuq” janë pakësuar ndjeshëm këtë sezon dhe rinovimi nuk do bënte sens për të dyja palët.

Geri Kahill – Geri Kehill është në muajt e tij të fundit si mbrojtës i Çelsit. Mbrojtësi 33-vjeçar është aktivizuar në vetëm një takim gjatë këtij sezoni. Pavarësisht formës së dobët interesi i klubeve angleze për Kehill mbetet i lartë.

Një tjetër problem për Sarrin, lojtarët kërkojnë respekt për veteranin!

Sport Ekspres — Sat, 16 Feb 2019 08:03:38 +0000

Çelsi fitoi mbrëmë përballë Malmos në Suedi me rezultatin 1-2, duke hedhur një hap drejt kualifikimit më tej në Ligën e Europës. Një fitore qetësie për Mauricio Sarrin, i cili duhet të rikthehet te rezultatet pozitive dhe në kampionat për të larguar zërat e shkarkimit të tij.

Por situata në kampin e “Bluve të Londrës” nuk është aspak e mirë. Rasti i fundit ka të bëjë me mbrojtësin Geri Kahill. 33-vjeçari nuk është preferuar shumë këtë sezon nga trajneri italian dhe numëron vetëm 21 minuta aktivizim në kampionat e 360 minuta në Ligën e Europës.

Sarri nuk është një tifoz i rrotacionit dhe ai nuk e ka grumbulluar mbrojtësin asnjë ndeshje për vitin 2019. Kjo gjë ka sjellë pakënaqësinë e grupit të lojtarëve. Kahill është një nga liderët e heshtur dhe një nga lojtarët më të vjetër në ekip. Trajtimi i trajnerit ndaj anglezit nuk i ka pëlqyer askujt dhe tashmë Sarri ka një tjetër problem shtesë për të zgjidhur.

Arsenal-Milan përplasen në merkato, garë dyshe për mbrojtësin e Çelsit

Sport Ekspres — Wed, 26 Dec 2018 11:55:19 +0000

Geri Kahill është një hap largimit nga Çelsi, teksa mbrojtësi nuk ka gjetur hapësira në pjesën e parë të sezonit me blutë. Alternativat për mbrojtësin kanë qenë të shumta, teksa nga Premier Liga Arsenali ka shfaqur interesin më të fortë, por nuk kanë munguar hipotezat për një kalim edhe jashtë Anglisë.

Milani gjithashtu, ka qenë një ndër ekipet e interesuara për 33-vjeçarin, ku në mbrojtje, kuqezinjtë shihet të kenë probleme dhe si pasojë e dëmtimeve. Gjithsesi, sipas raportimeve të fundit nga mediat angleze, Arsenali thuhet të jetë vetëm një hap larg firmës me Geri Kahill.

Anglezi, aktivizohet prej vitesh me Çelsin, ku për disa kohë ishte dhe kapiten i londinezëve, por dëmtimet e fundit dhe mosha kanë bërë që stafi teknik mos të ketë besim në aftësitë e 33-vjeçarit.

Te Çelsi ka dhe të pakënaqur, mbrojtësi bën gati valixhet

Sport Ekspres — Tue, 18 Dec 2018 09:06:49 +0000

Çelsi po bën një sezon të mirë deri diku, pavarësisht se diferenca me kryesuesit e Liverpul është tetë pikë. Blutë e Londrës duket se kanë gjetur përsëri harmoninë që i mungonte në klub, teksa Mauricio Sarri i ka dhënë një fytyrë të re skuadrës.

Gjithsesi, pavarësisht se trajneri i ri ka sjellë një klimë tejtër në ekip, përsëri ka të pakënaqur dhe një nga këto është Geri Kahill. Qendërmbrojtësi i londinezëve gati nuk ka gjetur hapësira farë për t’u aktivizuar dhe minutat e tij të aktivizimit këtë sezon janë vetëm 21.

Për këtë arsye, anglezi po shqyrton situatën e tij dhe një largim në janar duket i pashmangshëm. Ekipet në Premier Ligë, gjithashtu duket se kanë nisur të lëvizin për të siguruar shërbimet e 32-vjeçarit dhe një nga klubet është pikërisht Fulhemi.

Ekipi i drejtuar nga Klaudio Ranieri, ndodhet në vendin e fundit dhe ndërhyrjet në merkaton e janarit janë të domosdoshme për ta. Problemi kryesor i Fulhemit, shihet të jetë mbrojtja, pasi kanë pësuar plot 42 gola, ende pa u mbyllur faza e parë. Kështu, një transferim i mundshëm i Kahill do të ishte një përforcim i rëndësishëm për ta.