Presidenti i Real Madrid ka mbyllur në mënyrë të njëanshme  negociatat me klubin kinez Jiangsu Suning. Investitorët nga lindja e largët ishin të vetmit që u treguan të gatshëm për t’i ofruar 30-vjeçarit një pagë të njëjtë me 20 milionë eurot që ai përfiton aktualisht te Real Madrid.

Vendimi drastik i Perez erdhi pasi pala kineze përdori një taktikë të çuditshme në hapje te negociatave, duke mos ofruar qoftë dhe një qindarkë për kartonin e uellsianit. Ky vendim ka inatosur pamasë lojtarin që është larguar nga grumbullimi i skuadrës, duke refuzuar pjesëmarrjen në turneun “Audi Cup”, ku Real Madrid do ndeshet me Totenhem ditën e nesërme kundër Totenhem.

Shanset për të qëndruar në Madrid janë tepër minimale, kështu që 30-vjeçari duhet të gjejë një tjetër skuadër kineze që i ofron atë rrogë ose të rikthehet në Premier Ligë. Për të parën duhet të nxitojë, sepse merkato në vendin aziatik mbyllet brenda dy ditësh.

Totenhemi dhe Mançester Junajtid janë dy klubet e interesuara për të. Reali mund ta përfshijë uellsianin në operacionin e transferimit të Pol Pogba në kryeqytetin spanjoll.

Presioni i madh i largimit e bindi më në fund 30-vjeçarin të studionte ofertat që i kishin ardhur. Më tunduesja (nga ana financiare) ishte ajo e Jiangsu Suning. 22 milionë euro në sezon ofronin kinezët dhe Bejl pranoi ofertën e tyre.

Pikërisht në momentin që akordi BCC raporton se Bejl nuk do të transferohet në vendin aziatik. Real Madrid ka bllokuar shitjen dhe ka vendosur të mbajë sulmuesin në Madrid. Situata për “Los Blancos” ka ndryshuar dhe ata nuk duan ta shesin uellsianin, të paktën për momentin.

Ai ka edhe tre vite kontratë me “Los Blancos” dhe dëshiron të respektojë kontratën deri në fund. Gjatë këtyre ditëve u përfol për një ndarje në dy kampe te Reali: grupi i Sergio Ramos që janë kundër Bejl dhe grupi i Luka Modriç që janë pro tij dhe kërkojnë më shumë respekt për të.

Dëmtimi i Marko Asensios, i cili theu ligamentin e gjurit dhe humbi sezonin, e ka bërë të domosdoshme qëndrimin e Bejl në ekip. Zidan nuk heq dorë nga kokëfortësia e tij dhe ka patur një debat të zjarrtë më Luka Modriç.

Don Balon raporton se trajneri francez dhe fituesi i “Topit të Artë” nuk janë kursyer përballë njëri-tjetrit, madje ka patur edhe ngritje tonesh. Tema ka qenë sulmuesi 30-vjeçar: Zidan insiston në largimin e tij nga ekipi, ndërsa mesfushori kroat mendon ndryshe, sidomos tani pas dëmtimit të Asensios.

Dëmtim ka pësuar edhe Ferland Mendi. Mbrojtësi francez erdhi këtë verë nga Lioni, por do duhet të presë për debutimin zyrtar me “merengues”. 24-vjeçari ka patur probleme në kofshën e djathtë dhe do të qëndrojë pushim të paktën një muaj.

Ramon Kalderon, ish-presidenti madrilen është personi radhës që nxjerr një të fshehtë të bujshme. Edhe pse Bejl ka qenë njeri kyç në disa finale të Champions, duke e ndihmuar Zidan në suksesin e trefishtë, ky i fundit nuk e honeps dot lojtarin.

Kalderon zbulon se Perez i kishte premtuar francezit se Bejl do largohej që në fillim të verës. Madje trajneri që dorëhequr verën e kaluar vetëm për shkak të shitjes së Ronaldos dhe mbajtjes së Bejl.

”Zidan u dorëhoq sepse u si donte të qëndronte Ronaldo dhe të lagohej Bejl. Klubi nuk e ndoqi këshillën e tij dhe ai u largua. Gjithashtu, para rikthimit, atij i ishte premtuar shitja e menjëhershme e Bejl”, tha Kalderon.

Rreth kësaj situate ka folur edhe Roman Kalderon për “Sky Sport”. Ish-presidenti i “Los Blancos” gjatë viteve 2006-2009 analizon momentin e Bejl dhe mendimet ndryshe të Zidan dhe presidentit Perez.

“Askush nuk e di se çdo të bëhet me të, por është e sigurt që trajneri dhe presidenti mendojnë ndryshe. Uellsiani ishte goditja më e mirë e Florentinos dhe ai nuk dëshiron ta pranojë se ka gabuar, duke menduar se Bejl do të bëhej lideri i Realit pas largimit të Ronaldos.

Zidan dëshironte qëndrimin e Ronaldos dhe shitjen e Bejl. Ky i fundit nuk ka patur fat me dëmtimet. Nuk mësoi as gjuhën spanjolle gjatë kësaj periudhe dhe diçka e tillë i hoqi mundësinë për t’u lidhur edhe më shumë me tifozët.”

Atë që nuk e bëjnë dot “gjigantët” e Europës mund ta bëjnë klubet kineze. Një ndër kandidatët favorit është Jiangsu Suning. Përveç raportimeve mediatike, një gjurmë që të çon drejt këtij transferimi janë disa veprime në rrjetin social “Instagram”.

Llogaria e klubit në “Instagram” ka vendosur në listën e ndjekësve  lojtarin uellsian, sikur të mos mjaftonte llogaria e klubit të njëjtën gjë kanë bërë edhe disa futbollistë të ekipit kinez .

Inter, Totenhem, Bajern Mynih dhe Mançester Junajitd kanë pasur kartonin e “golfistit” në tavolinë. Klubi i bardhë ka marrë një “jo” të katërfishtë. Kështu, Kina mbetet alternativa e vetme për uellsianin. Në Azi, Bejl do të bëhet një nga më të paguarit e rruzullit.

Ekipet e interesuara për një lojtar të kalibrit të 30-vjeçarit janë të shumta, por një ofertë veçon nga të tjerat. Bëhet fjalë për ekipin kinez Pekin Guaon. Skuadra nga kryeqyteti i Kinës është e gatshme ta bëjë mëngjarashin lojtarin me pagën më të lartë në historinë e futbollit kinez.

Media e njohur angleze “The Telegraph”, raporton se klubi i fuqishëm kinez ka paraqitur një ofertë prej secilës Bejl do të përfitojë 600 mijë paundë në javë (31 milionë paundë në sezon). Me këtë pagë uellsiani do të kalonte në renditjen e futbollistëve më të paguar në Kine, Ezekiel Lavecin, i cili përfiton 500 mijë paundë në javë te skuadra e Hebei China Fortune.

KUBO – “Mua më ka dhënë përshtypje shumë të mirë. Jam i sigurt që do bëhet një lojtari i rëndësishëm për Realin. Në stërvitje po e përballon mirë ngarkesën e shtuar. Më duket sikur ka shumë kohë që është pjesë e realit, dhe jo vetëm pak ditë”.

HAKIMI – “Ai do të vazhdojë të luajë dhe vitin tjetër të Dortmundi. Është një lojtar i mirë, ne e dimë këtë gjë, por më e mira për të është të luajë në Gjermani ku mund të marrë minuta”.

Ka qenë vetë trajneri bavarezëve Niko Kovaç, ai që ka mohuar kategorikisht interesin e Bajernit për 30-vjeçarin: “Jo ai nuk bën pjesë planet e mija. Megjithëse mendoj se është një lojtar cilësorë, tregu ka tjerë futbollistë me kualitete të ngjashme”, tha Kovaç.

Një tjetër temë që kroati diskutoi ishte e ardhmja e Renato Sançez: “Mua më pëlqen si lojtar, është një mesfushor polivalent me karakteristika të ndryshme. Dua ta mbaj dhe për sezoni tjetër i kam shpjeguar arsyet që mori pak minuta vitin e kaluar. Jam i sigurt se kjo do të ndryshojë vitin e ardhshëm”.

Megjithatë, ka edhe nga ata që refuzojnë Kinën dhe milionat pafund. Në drejtim të Garet Bejl ka ardhur një ofertë e çmendur. 1 milionë euro në javë ofron një klub, emri i të cilit nuk bëhet i ditur.

Marca raporton se sulmuesi uellsian ka refuzuar ofertën dhe mundësinë për t’u bërë futbollisti më i paguar në planet. 29-vjeçari as që ka ndërmend të largohet nga Real Madrid.

Trajneri Zidan ia ka bërë të qartë se nuk e llogarit në planet e tij, por Bejlit nuk i bën përshtypje. Ai ka edhe tre vite kontratë me “Los Blancos” dhe është i bindur që do arrijë të bindë trajnerin francez që t’i besojë sërish.

80 milionë euro dhe kartonët e Garet Bejl dhe Toni Kros. Kjo është oferta e çmendur e Realit për Mançester Junajtid! Eduardo Inda ka zbuluar këtë propozim për “El Chiringuito” dhe është i bindur që “Djajtë e kuq” do ta pranojnë.

Gazetari i njohur iberik jep një koment edhe për interesimin e Juventusit. “Vetëm një skemë e Mino Rajolës për të rritur çmimin e francezit, asgjë tjetër”, thekson Inda.

“Një lëvizje me formulën e huazimit nuk do të ndodhë. Nuk mendoj se ai e do diçka të tillë. Garet ka një shtëpi mjaft të bukur këtu, dhe po bën një jetë të adhurueshme. Do të ishte diçka e jashtëzakonshme nëse ai do të largohej në huazim. Planet tona nuk e përfishijnë një mundësi të tillë. Natyrisht, situata e Garet në klub nuk është përmirësuar”, u shpreh Barnet.

Edhe Junajtid kanë njoftuar se nuk do të futen në garë për të blerë apo huazuar 29-vjeçarin. “Djajtë e Kuq” janë të përqëndruar në politika, që konsistojnë në plan afatgjatë. Solskjaer dëshiron të rinj të talentuar dhe premtues për të ardhmen.

Për të vënë në dyshim vërtetësinë e të gjitha atyre çka u thanë më lart është menaxheri i uellsianit. Xhonatan Barnet përgjënjeshtron të gjitha këto zëra merkatoje. Ai shprehet: Të gjitha ato që thuhen lart e poshtë nëpër media janë plehra”. Me këtë deklaratë ai qëndron me idenë që ka qarkulluar prej kohësh se Bejl ka mendim të kundërt nga klubi dhe dëshiron të qëndrojë.

Gareth Bale’s agent Jonathan Barnett labelled the reports linking his client to Bayern as “rubbish.” [@ESPNFC] pic.twitter.com/v5cZLSNhP0

— Bayern & Germany (@iMiaSanMia) June 17, 2019

Për 30-vjeçarin ka interesim nga Anglia, por ai mund të përfundojë në Bundesligë. Bavarezët po synojnë të përsërisin të njëjtën skemë që ndoqën me Hames Rodrigez.

Sipas raportimeve të The Sun, gjiganti gjerman synon ta marrë Bejl në huazim një-vjeçar me të drejtë blerje verën e ardhshme.

Uellsiani e ndoqi gjithë takimin e javës së fundit kundër Betisit nga stoli. “Nuk do e kisha aktivizuar, edhe nëse do të kisha një ndërrim të katërt në dispozicion”, u shpreh trajneri francez pas ndeshjes.

Fjalë që shpjegojnë qartësisht situatën e krijuar. Bejl ka një kontratë me Realin deri në vitin 2022 dhe përfiton një rrogë prej 17 milionë eurosh në sezon.

Lojtari nuk pranoi t’i bashkohej ekipit në përshëndetjen e fundit me tifozët dhe nxitoi drejt dhomave të zhveshjes. Sipas raportimeve të “Radio Estadio”, sulmuesi i krahut nuk është përmbajtur para disa shokëve të ekipit.

“Kam edhe tre vite kontratë me Realin. Nëse duan të më largojnë, le të më paguajnë nga 17 milionë në vit. Përndryshe qëndroj këtu, edhe vetëm duke luajtur golf“, thekson Garet Bejl.

Raporti mes lojtarit dhe trajnerit është krisur totalisht dhe 29-vjeçari mund të rikthehet në Premier Ligë, pavarësisht se dëshiron të qëndrojë dhe të tregojë vlerat e tij. Në ndihmë i ka dalë Piter Krauç, ish-shoku i ekipit te Totenhemi.

“Pozitat e Bejl te Reali më trishtojnë. Është qesharake të heqësh dorë nga një lojtar me kualitetin e tij. Kemi të njëjtin agjent dhe ai më ka treguar se Garet dëshiron të qëndrojë në Spanjë. Është i lumtur te Reali dhe dëshiron të fitojë postin e titullarit. Nëse nuk do të luante rregullisht edhe sezonin e ardhshëm, do dëshiroja shumë që të rikthehej te Totenhemi”, përfundon Piter Krauç.

Siç raporton “Daily Mail”, madrilenët e kanë gjetur një zgjidhje për Bejl. Ai është pranë një rikthimi në Angli, pikërisht atje prej nga erdhi në “Santiago Bernabeu”, Totetnhemi. Reali i Madridit i ka ofruar “Spurs” mundësinë e huazimit në këmbim të shifrës prej 10 milionë paund në sezon.

Një ofertë tunduese kjo për skuadrën e Poçetinos, ku Bejl bashkë me Son dhe Kejn do të formonin një treshe të frikshme sulmi. Gjithsesi, kjo mbetet akoma në kuadrin e një propozimi dhe në ditët në vijim do të ketë diçka konkrete mbi atë se çfarë do të ndodhë.

Uellsiani mbetet akoma blerja më e shtrenjtë e Realit me 86 milionë paundët e shpenzuar në vitin 2013. Ai kurrë nuk arriti të vendosë figurën e tij mbi të tjerët dhe gjithmonë mbeti nën petkun e një lojtari normal. Ky vit ka qenë më i vështiri për të. Ka luajtur shumë pak, është dëmtuar shpesh dhe golat kanë qenë me pikatore.

Sipas asaj që raporton “Le Parisien”, PSG-ja po bën gati bombën e merkatos. Nga kryeqyteti francez bëhet me dije se kampionët e Francës kanë bërë gati 210 milionë euro për të tentuar blerjen e tre lojtarëve të Realit.
Bejl, Kros dhe Isko janë nën shënjestër nga drejtuesit e PSG dhe oferta do të vendoset shumë shpejt në tavolinën e “Los Blancos”. Plot 210 milionë euro, një shifër e çmendur…

Sipas “EduPidal”, një media pranë “Los Blancos”, është e kryer se Eden Hazard do të jetë lojtar i Realit vitin e ardhshëm. Së shpejti priten të dalin edhe shifrat e transferimit. Pogba është i preferuari i trajnerit Zidan dhe shihet si synimi kryesor pas ardhjes së Hazard.

Ndërkohë Luka Joviç i Ajntrahtit të Fraknfurtit është shumë pranë arritjes së marrëveshjes. Perez pritet të hidhet në sulm edhe për një anësor të djathtë, pasi Bejl është në ditët e fundit të tij në “Santiago Bernabeu”. Në kë pozicion mbetet vetëm Lukas Vazkes, i cili nuk shihet si një lojtar, që arrin të mbajë gjithë presionin e një sezoni të tërë.

Me shumë mundësi ky do të jetë sezoni i tij i fundit në Bernabeu. Trajneri me deklaratat e tij në media ka konfirmuar faktin se nuk gëzon një marrëdhënie të mirë me 29-vjeçarin dhe nuk e ka në planet e tij për vitin e ardhshëm.

Agjenti i lojtarit ka sulmuar drejtpërdrejt trajnerin francez dhe shprehet se lojtari nuk dëshiron të largohet nga Reali. Nëse “Los Blancos” dëshirojnë ta ndërpresin kontratën dhe ta shesin, klubi duhet të paguajë dëmshpërblimin, ndërsa nuk përjashtohet një rikthim i sulmuesit në Angli.

“Nuk jam i sigurt nëse zoti Zidan dëshiron që Bejl të qëndrojë, por vetë lojtari nuk kërkon të largohet. Një rikthim në Premier Ligë është i mundshëm, nëse dikush (Florentino Perez) fut dorën në xhep dhe na paguan ne atë që mendojmë se e meritojmë. Janë goxha para!”, u shpreh agjenti i Bejl, duke ja bërë gjërat të qarta madrilenëve.

Kontrata e 29-vjeçarit me “Los Blancos” përfundon në verën e vitit 2022, ndërsa flitet për një rikthim të tijin në Angli. Mançester Junajtid është i interesuar prej kohësh për Bejlin, por mungon oferta zyrtare.

Agjenti i lojtarit ka konfirmuar dëshirën e Bejlit për të qëndruar, ndërsa “The Sun” raporton për një situatë më të tensionuar. Sipas të përditshmes ishullore, Reali po mendon opsionin e dërgimit dhe stërvitjen e lojtarit me ekipin e dytë.

Diçka e tillë nuk do të ishte një zgjidhje që ndihmon, por drejtuesit e Realit po e mendojnë seriozisht këtë mundësi.

Shifra e 101 milionë eurove dhemb akoma në Santiago Bernabeu dhe Reali ka vendosur ta shesë. Paga e tij prej 17 milionë eurosh në sezon konsiderohet e pajustifikueshme dhe përbën problem. Bejl është lojtari më i paguar i “Los galacticos”. Lojtarë si Ramos, Kros apo Kasemiro kanë një pagë shumë më të ulët se ai edhe pse impakti i tyre në lojë ka qenë jetik për Realin.

Në Madrid shpresojnë ta shesin atë me një çmim që i afrohet 100 milionë eurove. Megjithatë kjo duket e pamundur, pasi që nga viti i kaluar kur e kërkonte Mançester Junajtid nuk ka pasur asnjë interes tjetër për të. Vlera e tij në merkato është ulur në 80 milionë euro. Shumë larg nga Mesi (160) apo Grizman (150).

Uellsiani po zhvillon sezonin e gjashtë dhe ndoshta të fundit me “Los Blancos”. Gjatë kësaj kohe ai ka shënuar 102 gola në 227 ndeshje dhe ka fituar 14 trofe. Për të ka interesim nga Anglia dhe drejtuesit e Realit i kanë vendosur çmimin e kartonit. Siç raporton “AS”, Bejl kushton 130 milionë euro.

Problem mbetet paga e lartë, pasi lojtari ofensiv përfiton 15 milionë euro neto në sezon. Mançester Junajtid dhe Totenhemi janë ndër klubet që pëlqejnë britanikun dhe Reali po tenton të përfitojë nga kjo situatë.

Në këto dy ekipe luajnë dy nga objektivat kryesorë të Realit: Pol Pogba dhe Kristian Eriken. Drejtuesit e kampionëve të trefishtë të Europës janë gati të përfshijnë Bejlin në tratativat e transferimit të njërit prej tyre në Madrid. Megjithatë, pritet nisja e merkatos së verës për të mësuar më saktësisht të ardhmen e Garet Bejl.

Trajneri francez fitoi 3 Champions League rresht, para se të merrte pushimet verën e shkuar, por tashmë është bindur se Reali ishte zgjedhja e parë e tij dhe ka firmosur.

E ka bërë për një pagë të jashtëzakonshme, 12 milionë euro në sezon, shifër që e bën nder trajnerët më të paguar në planet, ndërkohë që në vitin 2018 fitonte 7.5 milionë euro në Madrid.

Rritje e konsiderueshme dhe e merituar page, por sërish Zidan nuk është bërë personi më i paguar te Reali. Edhe pse nuk është më Kristiano Ronaldo, mbreti i Realit është Geret Bejl.

Uellsiani, edhe pse në fushë po bën shumë pak për Realin, merr mbi 14 milionë euro në sezon, duke qenë një barrë e rëndë financiare për Los Blancos. Megjithatë, në verë epoka e uellsianit në Madrid do të marrë fund, sepse do të shitet në Angli.

Në takimin e djeshëm kundër Ajaksit, Bejl u fut si rezervë, por nuk mundi të ndryshonte fatin e takimit edhe pse pati dy raste të mira për shënim i vetëm përballë portierit Onana. Golat në “Santiago Bernabeu” janë kthyer në një makth për 29-vjeçarin.

Goli i fundit i Bejl në “fortesën” e Real Madrid daton thuajse gjashtë muaj më parë, më datë 19 shtator, ku uellsiani ndëshkoi Romën e Di Françeskos. Statistika bëhet akoma më e pabesueshme për faktin se që prej asaj date në “Santiago Bernabeu” kanë shënuar 37 lojtarë të ndryshëm. Të shohim edhe sa do të rritet ky numër para se mëngjarashi të gjejë sërish rrugën e rrjetës në Madrid.

Komisioni Disiplinor pati vënë çështjen në shqyrtim dhe pas kësaj vendosi të mos ketë dënim në ndeshje, por vetëm një qortim për lojtarin dhe mospërsëritjen e gjesteve të tilla.

Ky është një lajm shumë i mirë për “mbretërit” në fuqi të Europës, që do të kenë në organikën e tyre një nga lojtar kryesor të skuadrës. Garet Bejl ka shënuar 7 gola dhe ka dhuruar 2 asiste deri tani në La Liga për Realin e Madridit.

https://twitter.com/Malky18751/status/1100161018183995392

Uellsiani shënoi penalltinë që i dha tri pikët Realit në takimin e fundjavës kundër Levantes, por nuk pranoi të festonte me shokët e ekipit. Mëngjarashi nuk po kalon një moment të mirë te Reali, pasi Santiago Solari preferon të vendos titullar brazilianin Vinisjus dhe spanjollin Lukas Vaskez para tij.

“Nëse ti çon në nxehje Bejlin, Asension dhe Valverden, atëherë duhet që medoemos të aktivizosh të parin Bejlin. Kur fut dikë tjetër në këtë situatë, atëherë kemi të bëjmë me një provokim dhe e kuptoj plotësisht zemërimin e tij. Kjo gjë ndodhi në ndeshen kundër Levantes”, tha Shyster.

“Los Blancos” do të bëjnë të pamundurën për të mposhtur Barcelonën në fundjavë, me shpresën e rihapjes së garës për titull. Megjithatë, atmosfera në ekip nuk është pozitive. Benzema kaloi miqtë në avantazh në pjesën e parë, ndërsa Levante barazoi ndeshjen në të dytën.

Goli i Bejlit 13 minuta nga fundi ishte deçiziv, por uellsiani befasoi me veprimin e tij. Ai nuk festoi fare, madje injoroi dhe shokun e ekipit, Lukas Vaskez. Spanjolli u ofrua ta përqafonte dhe uronte për golin, por 29-vjeçari e shmang atë, duke përdorur dhe duart.

Ky është konfirmimi i radhës që Belj nuk po kalon një moment të mirë dhe nuk përjashtohet një rikthim i tij në Premier Ligë në fund të sezonit. Pak ditë më parë Reali shtroi një darkë zyrtare, por Bejl dhe Toni Kros ishin të vetmit lojtarë, të cilët preferuan të mos merrnin pjesë në të.

Episodi i pakëndshëm është komentuar dhe nga Pregrad Mijatoviç, ish-sulmuesi i Realit që shënoi golin e fitores në Champions Ligën e fituar kundër Juventusit në vitin 1998. “Të vjen keq të shohësh një gjest të tillë“, është shprehur malazezi për “Carrusel Deportivo”.

Bale já dá sinal de insatisfação com a reserva do Real Madrid…Repare na comemoração do seu gol…Bale se recusa a ser abraçado pelos companheiros…? pic.twitter.com/NeYBfTErW7

— Pedro Alves Ferreira?? (@PedroAlvesFer12) February 24, 2019

Ky i fundit, pasi shënoi golin bëri një gjest provokativ ndaj tifozëve të Atletikos. Gjesti i uellsianit u komentua shumë në rrjetet sociale dhe tashmë nga Spanja raportohet se Bejl rrezikon një pezullim të rëndë nga federata.

Ylli i Real Madrid rrezikon deri në 12 ndeshje pezullim. Në rast se diçka e tillë ndodh, do të ishte një minus i madh për “Los Blancos”, të cilët tashmë e kanë shkurtuar diferencën me Barçën në vetëm 6 pikë dhe shpresojnë dhe për titullin.

29-vjeçari njihej për marrëdhënien jo të mirë me Zinedin Zidan, në kohën kur ky i fundit drejtonte Realin. Në një rrëfim të dhënë së fundmi për revistën “Four Four Two”, uellsiani ka zbuluar se nuk flet me teknikun francez që nga finalja me Liverpulin, si dhe disa detaje të tjera, lidhur me përballjen e sezonit të shkuar për trofeun e Champiosit.

Marrëdhënia me Zidan – “Që nga finalja me Liverpulin nuk kam folur me të. Nuk do të thoja që ishim miq të ngushtë, thjesht kishim një marrëdhënie normale profesionale.”

Mosaktivizimi në finale – “Po luaja mirë që nga rikthimi. Kisha shënuar pesë gola në katër ndeshjet e fundit të sezonit dhe ndjeja se e meritoja të luaja nga fillimi në finale. Isha i dëshpëruar për t’u futur në atë fushë. Kur u aktivizova, vazhdoja të isha i inatosur dhe kjo më bëri që të bëja atë çfarë ndodhi, ku shënova dy herë.”

Post finalja – “E kam parë golin shumë herë më pas. Nuk më duket sikur duhet të provoja diçka. Doja ta bëja për veten dhe për skuadrën. Nëse ti je në finale, kërkon që të shkosh në shtëpi me trofeun, pavarësisht çdo gjëje. Nëse u futa në lojë vetëm 30 minutat e fundit, ashtu ka qenë e shkuar.”

Rreth kësaj çështje ka folur dhe Ramon Kalderon, ish-presidenti i Realit gjatë viteve 2006-2009. Kalderon zbulon të vërtetën e largimit të trajnerit francez, i cili dëshironte largimin e Garet Bejl dhe jo të Ronaldos.

“Zidan dëshironte të mbante Kristiano Ronaldon në ekip dhe shitjen e Garet Bejl, ndërsa Florentino Perez bëri të kundërtën. Presidenti nuk e dëgjoi trajnerin, i cili vendosi të largohej”, zbulon Ramon Kalderon.