Garet Southgejt

Zero modesti, Gaskojn: Southgejt ka të drejtë, unë isha më i miri!

Sport Ekspres — Tue, 11 Sep 2018 15:46:35 +0000

Pol Gaskojn njihet për çmenduritë dhe batutat e tij, ndërsa vazhdon luftën me alkoolin. Ish-lojtari i famshëm anglez ka replikuar përsëri me trajnerin e kombëtares së Anglisë, Garet Southgejt. Ky i fundit foli për mungesën e një lojtari me peshë në kombëtare. Një lojtar, i cili driblon, merr ekipin para dhe zgjidh ndeshjen me anë të një veprimi kualitativ.

“Na mungon një futbollist si Pol Gaskojn. Nuk kam parë kurrë një lojtar më të talentuar se ai gjatë gjithë jetës time”, shprehej trajneri i “Tre Luanëve”. Mbasi “Gazza” u përgjigj në rrjetet sociale, që ishte gati të rikthehej në fushë, tashmë ka bërë deklaratën e radhës për “The Sun”.

“Garet ka të drejtë, unë kam qenë më i miri. Askush nuk më afrohet… askush dhe nuk do të ketë një tjetër lojtar si unë”, komenton Pol Gaskojn pa pikë modestie.

“Gazza” i përgjigjet Southgejtit: Jam në formë, gati për të luajtur që nesër!

Sport Ekspres — Mon, 10 Sep 2018 16:58:24 +0000

Garet Southgejt, trajneri i Anglisë, deklaroi gjatë ditës së sotme se kombëtarja ka nevojë për një lojtar si Pol Gaskojn. Një talent, i cili mban presionin dhe zgjidh ndeshjen me anë të një veprimi kualitativ. “Na nevojiten lojtarë të talentuar. Kemi nevojë për një Gaskojn të ri. Lojtari i vetëm i talentuar që kam parë në jetën time ishte Pol Gaskojn. Na mungon një lojtar që mund të marrë topin, të avancojë, sulmojë, driblojë kundërshtarët dhe të mbajë presionin“.

Nuk ka kaluar shumë dhe ka ardhur reagimi i “Gazzës”. Ky i fundit ka postuar në rrjetet sociale duke treguar gatishmërinë e tij për t’u rikthyer në kombëtare. Sigurisht, një shaka e Gaskojn, i cili është 51 vjeç dhe vazhdon prej vitesh luftën e tij me alkoolin.

“Mund të luaj akoma dhe jam në dispozicion të trajnerit, duke filluar nga nesër”, komenton Pol Gaskojn, një nga lojtarët më të talentuar në fushën e blertë, por problematik jashtë saj dhe një karakter i vështirë për t’u menaxhuar.

View this post on Instagram

Sorry guys but had to gram this as here’s me thinking I was not very good as a player cheers Gareth TOP MAN IM AVAILABLE TOMORROW x I can still play ha xx see you tomorrow mate x love GAZZA X??x

A post shared by Paul gascoigne (@paul_gascoigne8) on Sep 10, 2018 at 3:59am PDT

Sauthgejt lëshon alarmin: Anglisë i mungon një futbollist si “Gazza”

Sport Ekspres — Mon, 10 Sep 2018 10:46:01 +0000

Anglia u mposht në sfidën e zhvilluar në “Wembley” përballë Spanjës me rezultatin 1-2, duke e nisur me humbje Nations League. Garet Sauthgejt, trajneri i kombëtares angleze, ka lëshuar alarmin dhe tregon se çfarë i mungon Anglisë. Një futbollist i talentuar dhe lider, i aftë për të tërhequr ekipin nëpërmjet teknikës dhe karizmës së tij.

“Na nevojiten lojtarë të talentuar. Kemi nevojë për një Gaskonj të ri. Lojtari i vetëm i talentuar që kam parë në jetën time ishte Pol Gaskonj.

Na mungon një lojtar që mund të marrë topin, të avancojë, sulmojë, driblojë kundërshtarët dhe të mbajë presionin”, komenton trajneri 48-vjeçar, i cili zhvilloi një Botëror pozitiv me “Tre Luanët”, duke dërguar kombëtaren në gjysmëfinalet e kompeticionit më të madh futbollistik në botë.