Gara nisi me një aksident që në kthesën e parë dhe tre pilotët: Alonso, Hulkenberg dhe Leklerk përfunduan jashtë. Momente paniku për Fernando Alonson, i cili pësoi një aksident të frikshëm, por fatmirësisht, ai ia hodhi pa asnjë dëmtim. Vetel bëri një nisje perfekte, kryesoi garën nga fillimi dhe e ruajti vendin e parë deri në fund.

Gjermani ngjitet në kuotën e 214 pikëve dhe ndodhet 17 pikë më pak se Hamilton (231), i cili vazhdon të kryesojë renditjen e përgjithshme. Tetë gara kanë mbetur deri në përfundim të sezonit dhe konkurrenca midis pilotit të Ferrarit dhe britanikut të Mercedezit do të jetë e zjarrtë deri në fund.

Fitorja e pestë në këtë sezon për pilotin gjerman, i cili bëhet piloti i tretë i skuderisë italiane, që kalon shifrën e 1 mijë pikëve. Formula 1 rikthehet me datë 2 shtator në Monza të Italisë. Një garë shtëpie dhe shans i mirë për Vetel dhe Ferrarin për të tentuar t’i afrohen dhe më shumë Hamiltonit.

Raikonen dhe Verstapen kanë frenuar në mes të trafikut të madh dhe mbas tyre ka ardhur Fernando Alonso, i cili ka fluturuar në ajër duke i dhënë lamtumirën garës së Belgjikës.

Moment i vështirë për pilotin spanjoll, por gara vazhdon dhe për momentin është gjermani Vetel, ai që kryeson garën.

https://www.youtube.com/watch?v=0bdIlGodVys