VIDEO | Ekuban merr në qafë Ganën, eliminohet nga Kupa e Afrikës

Sport Ekspres — Mon, 08 Jul 2019 21:47:47 +0000

Tunizia është skuadra e fundit çerekfinaliste e turneut të Kupës së Kombeve të Afrikës. Kombëtarja magrebase eliminoi Ganën në një takim ku verdiktin përfundimtar e dhanë goditjet e 11-metërsheve.

Rastësia e solli që protagonist kryesor i ndeshjes të ishte ish-sulmuesi i Partizanit Kaleb Ekuban, penalltia e të cilit u prit nga portieri i Tunizis, Ben Mustafa, veprim ky që më pas solli eliminimin e ganezëve. Në çerekfinale Tunizia do të ndeshet me ekipin surprizë të këtij edicioni Madagaskarin.

Tunizi 1 – 1 Ganë
(5 – 4, Penalltitë)
Shënues: Khenisi 73’ / Bedui (aug) 90+2’

VIDEO | Debutim perfekt me kombëtaren, Ekuban s’di të ndalet

Sport Ekspres — Sun, 24 Mar 2019 20:22:58 +0000

Ish-futbollisti i Partizanit Kaleb Ekuban po kalon një formë të shkëlqyer gjatë muajve të fundit. Paraqitjet e mira me Trabzonsporin, ku është kthyer në një titullar të padiskutueshëm tërhoqën vëmendjen e trajnerit të kombëtares ganeze, që e ftoi për herë sulmuesin 25-vjeçar.

Debutimi në ndeshjen ndaj rivalëve direkt të Kenias nuk kishte si të shkonte më mirë. Ekuban u fut në fushë si zëvendësues dhe pak minuta më vonë gjeti golin e parë me fanellën e “yjeve të zinj”. Sfida u mbyll me rezultatin 1 – 0 çka i mundësoi Ganës vendin e parë të grupit kualifikimin direkt në turneun prestigjioz të “Kupës së Kombeve”.

https://twitter.com/ForzaTS1967/status/1109821769542705152

gana

VIDEO | Ekuban merr në qafë Ganën, eliminohet nga Kupa e Afrikës

VIDEO | Debutim perfekt me kombëtaren, Ekuban s’di të ndalet