Gallatasaraji

Muriqi nuk duron më, zbulon ku do luajë vitin e ardhshëm

Sport Ekspres — Thu, 04 Jul 2019 21:52:10 +0000

Bisedimet e stërzgjatura midis Rizesporit dhe klubeve të shumta të interesuara për Vedat Muriqin, duket se kanë lodhur dhe vetë sulmuesin shqiptar. Duke qenë se negociatat nuk po rezultonin të frytshme, futbollisti ka marrë vetë çështjen në dorë.

Me anë të një postimi në rrjetet sociale Muriqi ka bërë të ditur se ai do respektojë vitin e mbetur në kontratës: Pas bisedimeve me presidentin e klubit z. Hasan Kartal dhe mosmarrëveshjeve për transferimin, vendosa që deri në përfundim të kontratës karrierën ta vazhdoj te Rizespori.

Me të mbaruar sezoni i ardhshëm Muriqi do të jetë lojtarë i lirë në treg çka do rrisë akoma dhe më shumë interesin e klubeve nga e gjithë Europa, por më parë 25-vjeçari duhet të tregojë se sezoni i kaluar ku nuk ishte thjesht një rastësi.

Shtutgarti “hap thesin” për një talent turk, Bajerni fshihet nga pas?

Sport Ekspres — Fri, 18 Jan 2019 17:18:10 +0000

Ditën e djeshme, klubi i Shtutgartit zyrtarizoi transferimin e talentit Ozan Kabak nga Gallatasaraji. Kampionët e Turqisë përfituan 12 milionë euro nga shitja e 18-vjeçarit, i cili është një ndër talentet më premtues që ka nxjerrë akademia e klubit nga Stambolli.

Ndërkohë, media gjermane “Kicker” ka nxjerrë së fundmi një lajm të bujshëm, ku raporton se mbas këtij transferimi relativisht të shtrenjtë për financat e Shtutgartit, fshihet Bajerni i Mynihut. Sipas revistës gjermane, Bajerni ndërhyri në këtë transferim dhe e projektin të riun turk si pjesë të tyre, gjithmonë nëse ky i fundit arrin të përbushë pritshmëritë e tyre gjatë viteve të parë me Shtutgartit.

Der #VfB verpflichtet Ozan #Kabak. Der 18-jährige Innenverteidiger wechselt mit sofortiger Wirkung vom türkischen Spitzenverein @GalatasaraySK zum VfB Stuttgart. Ozan #Kabak unterschrieb nach dem Medizincheck einen Vertrag bis zum 30. Juni 2024. #MERHABAOZAN pic.twitter.com/bvUEUeDOTg

— VfB Stuttgart (@VfB) January 17, 2019

Megjithatë, kjo nuk është hera e parë që Bajerni përfshihet si palë e tretë. Një rast shumë i ngjashëm ka ndodhur me Serzh Gnabri, të cilin Verder Bremen e bleu nga Arsenali pas garancisë së kampionëve të Gjermani, ndërsa më pas Bajerni në pronësi kartoni e tij për tetë milionë euro.

Kur gruaja të bën gjëmën, futbollisti i Gallatasarajit e pëson keq

Sport Ekspres — Sat, 29 Dec 2018 18:33:45 +0000

Mbrojtësi i skuadrës së Gallatasarajit, Serdar Aziz, është vënë në shitje nga drejtuesit e klubit kampion të Turqisë, pas një incidenti mjaft të çuditshëm. Fundjavën e shkuar 28-vjeçari u ankua për dhimbje të forta barku dhe për këtë arsye, nuk u grumbullua për ndeshjen ndaj Sivassporit, takim që u fitua me rezultatin 4 – 2 nga Galatasaraji.

Por, gjithçka kishte qenë një gënjeshtër dhe lojtarin e nxori “zbuluar”, pikërisht gruaja e tij. Pak orë, pasi mori leje nga klubi, Aziz u nis drejt Tailandës për pushime me bashkëshorten.

Foto e postuar nga bashkëshortja e Aziz

Siç duket ai nuk e kishte njoftuar atë për justifikimin që kishte përdorur, pasi ajo hodhi një foto në rrjetin social “Instagram”, ku dukej bashkëshorti i saj, teksa pushonte. Foto u fshi pak orë pas festimit, por ishte tepër vonë tifozët e Galatasarajit, i kishin ruajtur “provat e krimit” Sapo klubi mori vesh këtë “pabesi” të lojtarit, atij u njoftua se nuk bën më pjesë në planet e skuadrës dhe në janar të gjitha ofertat për të do të jenë mirëpritura.

Rrëfimi shokues i Nagatomos: Për pak vdiqa, mjeku më shpëtoi jetën!

Sport Ekspres — Wed, 28 Nov 2018 11:54:39 +0000

Në ndeshjen e 24 tetorit midis Gallatasarajit dhe Shalkes të luajtur në Turqi, që u mbyll në barazim pa gola, Juto Nagatomo përjetoi një moment të frikshëm. Japonezi i Gallatës mori një goditje në gjoks, që rrezikoi t’i merrte jetën!

Mjeku i kërkoi menjëherë të shkonte në spital dhe veprimi i shpejtë e shpëtoi mbrojtësin e krahut. Ai u operua në mushkëri dhe u diagnostikua me pneumotoraks, një sëmundje e papritur pulmonare, që mund ta çonte drejt vdekjes lojtarin, nëse nuk do të pësonte një ndërhyrje të menjëhershme.

“Pas ndeshjes kundër Shalkes mjeku më tha të shkoja menjëherë në spital. Përndryshe, do të kisha rrezikuar jetën time. Tani jam më mirë dhe në kushte të mira”, komenton 32-vjeçari japonez.