gallatasaj

Gallatasaraj shet bomberin e skuadrës, Muriqi dhe “ish”-i i Arsenalit në listë

Sport Ekspres — Sun, 16 Jun 2019 16:45:40 +0000

Gallatasaraji është shumë pranë shitjes së kryegolashënuesit të kampionatit turk Mbaje Dianje. Sulmuesi senegalez shënoi 30 gola në edicionin që sapo lamë pas. Sipas gazetës “Haber Turk”, Gallatasaraji ka pranuar ofertën nga ekipi saudit Al-Shabab.

27-vjeçari do të shitet për 16 milionë euro. Drejtuesit e kampionëve të Turqisë i janë futur punës për të gjetur zëvendësuesin e senegalezit. Prej thuajse një muaji po flitet për transferimin e Vedat Muriqit, por sulmuesi i përfaqësueses së Kosovës nuk është objektivi i vetëm i Gallatasarajit.

Deni Uellbek mund të transferohet në Turqi në ditët në vazhdim. Sulmuesi anglez mbylli bashkëpunimin me Arsenalin dhe tani po shqyrton ofertat e shumta që po vijnë në drejtim të tij.

Gallatasaraj gjen zgjidhje për sulmin, firmos “bomberi” grek

Sport Ekspres — Wed, 30 Jan 2019 17:57:59 +0000

Sulmi është kthyer në një makth për skuadrën e Gallatasarajit. Kampionët e Turqisë nuk kanë mundur të zëvendësojnë largimin e sulmuesit francez Bafetimbi Gomes, i cili luajti rol kyç në fitimin e kampionatit të kaluar me 29 golat e tij.

Për të zgjidhur problemin në repartin e sulmit, drejtuesit e skuadrës nga Stambolli kanë afruar në ekip sulmuesin grek Kostas Mitroglu. Mëngjarashi do t’i bashkohet “luanëve të Bosforit”, nga Marseja në një marrëveshje huazimi që do të zgjasë për një periudhë 18-mujore.

Gallatasaj për momentin mban vendin e dytë në renditjen e Superligës turke, gjashtë pikë larg kryesuesve të Bashakshehirit. Me ardhjen e Mitroglusë, skuadra e Fatih Terim shpreson që të ngushtojë diferencën me fqinjët nga Stambolli.