gafa

Tifozi i Liverpulit bën gafën e vitit, përfundon në Gjermani

Sport Ekspres — Thu, 21 Feb 2019 08:58:34 +0000

Edhe në vitin 2019, ku teknologjia është shumë e zhvilluar, gafa të paimagjinueshme mund të ndodhin. Një tifoz i Liverpulit ishte i bindur se ndeshja e Bajernit të Mynihut kundër të kuqve të Jurgen Klop do të luhej në Gjermani dhe si pasojë kishte blerë biletën për ndeshjen në stadiumin “Allianz Arena”.

Tifozi me emrin Pol, i cili jeton në Londër, e ka ndjekur ndeshjen në Gjermani, pasi është ftuar nga një studio televizive sportive menjëherë sapo mor vesh gafa e tij. Në studio, tifozi u shpreh:

“Një ditë para ndeshjes duhet të kem pirë shumë birra (qesh). Nuk do e humbisja kurrsesi ndeshjen e Liverpulit dhe bleva biletë për sfidën kundër Bajernit. I thashë sportelistit që dua biletë për në “Allianz Arena”, pasi isha i bindur se ndeshja e parë do të luhej në Gjermani. Gjëra që ndodhin, apo jo?”,- tha tifozi Pol duke qeshur. Jo Pol, këto gjëra nuk ndodhin…

VIDEO | Gafa e pabesueshme, Reali shpëton falë çmendurisë së Ynder

Sport Ekspres — Tue, 27 Nov 2018 21:16:15 +0000

Roma fare mirë mund ta kishte nisur pjesën e dytë me avantazhin e një goli, por nuk qe e shkruar. Sulmuesi turk Xhengiz Ynder u bë protagonisti i një rasti që rrallëherë na jepet rasti ta shohim në një ndeshje të Champions-it.

Në minutën e fundit të shtesës së pjesës së parë, djaloshi turk iu dha një pas i artë nga Patrik Shik. Vetëm pesë metra larg portës dhe i vetëm përballë Kurtua, Ynder bëri më të vështirën duke e fluturuar topin jashtë.

Video | Gafë e çmendur në Selanik, portieri “merr në qafë” PAOK-un

Sport Ekspres — Wed, 29 Aug 2018 19:49:23 +0000

Viti 2018 nuk ka qenë një vit shumë i mbarë për portierët. Këtë mund ta dëshmojnë më mirë dy gardianët gjermanë Sven Ulrajsh dhe Loris Karius, të cilët do të mbahen mend gjatë për gafat e tyre qesharak gjatë ndeshjeve të Champions-it. Por, listës së gafave historike sapo i është shtuar një tjetër.

Portieri i PAOK-ut, Aleksandros Paskalatis sapo ka bërë një gabim trashanik, i denjë për të sfiduar gafat e Karius dhe Ulrajsh si budallallëku i vitit në futboll. Portieri i ekipit grek në përpjekje për të shmangur një korne për Benfikën ia dha topin sulmuesit të portugezëve dhe si për ta bërë akoma më të rëndë situatën shkaktoi dhe një penallti në panik e sipër. Argjentinasi Salvio realizoi penalltinë dhe çoi shifrat në 1-2 për Benfikën, më pas Pizi thelloi diferencën në 1-3 pak minuta para mbylljes së pjesës së parë. Mund të themi se gjithçka ka mbaruar tashmë për PAOK, pasi skuadrës nga Selaniku i duhen 4 gola për t’u kualifikuar në fazën e grupeve të Champions-it.

Video | Gafa e pabesueshme e Çeh, tek Arsenali nuk i besojnë syve..

Sport Ekspres — Sun, 12 Aug 2018 18:37:41 +0000

Peter Çeh përjetoi një ndeshje “ferri”, teksa ekipi i tij humbi nën disavantazhin e dy golave përballë kampionëve në fuqi të Mançester Sitit, dhe gjithë kjo para publikut vendas në stadiumin “Emirates”. Por, përveç golave një tjetër episod i ndeshjes shokoi të pranishmit.

Në minutën e 21’, Çeh merr një pasim të lehtë nga mesfushori Genduzi dhe tenton ta pasojë topin në krahun e djathtë të mbrojtjes, por gabon dhe topi për pak sa nuk përfundoi në portën e tij. Po të kishte përfunduar autogol me siguri që do të mbahej mend gjatë, pasi gafa të tilla zor se i gjen dhe në nivelet më të ulëta të futbollit amator.

VIDEO: Gafa më e pafalshme vjen nga Ronaldo, shihni ç’humbi sot

Sport Ekspres — Sat, 14 Oct 2017 21:53:21 +0000

Cristiano Ronaldo sot bëri një gafë të pafalshme në ndeshjen me Getafen.

Real Madridi fitoi 2-1 me shumë vështirësi dhe për të siguruar tri pikët u nevojit pikërisht një gol nga fundi i ndeshjes prej sulmuesit portugez, por ky i fundit mund ta kishte gjetur rrugën e rrjetës më lehtë, siç shihni në videon e mëposhtme.

Lind pyetja: i falet kjo një lojtari i cili do të fitojë “Topin e Artë” të pestë?

https://www.youtube.com/watch?v=4PWQSRN6O_c