Presidenti tundohet nga ideja e futjes së ndeshjeve play-off dhe play-out në Serie A. Diçka e tillë do të rriste interesimin, ndërsa shpjegon në detaje funksionimin e propozimit revolucionar.

“Sistemi ynë po kalon një krizë që, më shumë se për rregulla, ka nevojë për ndryshime. Në një mënyrë shumë provokuese kam hedhur idenë e ndeshjeve play-off dhe play-out në Serie A. Dua të hap një diskutim mbi këtë opsion. Është një ide që i përket librave fantastiko-shkencorë, por mund të bisedojmë qetësisht. Mund të zhvillojmë një fazë të parë të kampionatit me 10 skuadra që luajnë play-off dhe 10 të tjera që luajnë play-out. Faza e dytë pastaj mund të rrisë shumë interesimin”, përfundon Gabriele Gravina.

Një rast i paprecedentë për futbollin italian, ndërsa fituesi ka folur pas votimeve, duke i falenderuar të gjithë dhe duke zbuluar pikat e projektit të tij.

ZGJEDHJA – “Ju falënderoj të gjithëve, për mbështetjen njerëzore dhe për mbështetjen e ideve të mia. Ju falënderoj për besimin, dua të ndryshoj me ju drejtimin e futbollit. Është momenti për të realizuar një projekt, të cilin shumë e konsiderojnë si ambicioz, por nevojitet mbështetje e të gjithëve.”

FUTBOLLI I GRAVINËS – “Sistemi ynë duhet të jetë në gjendje të mbështesë njerëzit dhe jo shoqëritë. Përpara një presidenti që flet, kemi nevojë për një president që dëgjon. Futbolli im do të bazohet te të rinjtë, pa dallime gjinore, i hapur për përfshirjen e familjeve, i aftë të bëjë biznes, i vëmendshëm ndaj teknologjisë dhe me një kombëtare kompetitive.”