Mesfushori preferohet shumë nga Guardiola, që e do me patjetër si zëvendësues për Fernandinjon, mosha e të cilit nuk premton aspak. Siti me këtë shkëmbim dëshiron të kufizojë harxhimet, pasi problemet me UEFA-n mbi ndershmërinë financiare janë të vazhdueshme. Kjo lëvizje do i leverdiste edhe Atletikos, pasi ikja e Grizman pritet të krijojë një boshllëk të madh në ofensivën e madrilenëve. Zhezus do të ishte lojtari i duhur për ta zëvendësuar.
Braziliani u ble nga Palmeiras për shifrën e 32 milionë eurove në vitin 2017. Para që nuk kanë shkuar dëm, pasi cilësitë e tij janë të padiskutieshmë. Në 68 ndeshje (jo të gjitha si titullar) ai ka shënuar 27 gola. Me kombëtaren regjistron 13 rrjeta në 27 takime. Ndërkohë Rodri është një talent, të cilin Atletiko e mori për 20 milion euro nga Vilareali. 22-vjeçari është një titullar stabël në formacionin e madrilenëve.

Menezes shpjegon teorinë e tij, në një prononcim për “Sport TV”, duke mbrojtur sulmuesin e Mançester Sitit. Sipas teknikut brazilian, fajtori i vërtetë është…Nejmar.

“Unë kam një teori që do të krijojë polemika, por mendoj që Gabriel Zhezus nuk ishte problemi i kombëtares tonë. Mos të harrojmë që ai luajti shumë mirë në eliminatore. Mendoj që problemi qëndron tek protagonisti ynë kryesor, Nejmari. Ai centralizoi veprimet tona ofensive, nuk shërbeu për qendër-sulmuesin dhe nuk krijoi lojë. Nejmar luan për vetën e vet dhe për shkak të kësaj, qendra jonë e sulmit vuan.”