Gabriel Jesus

VIDEO | Merr fund rezistenca, driblohet Van Dijk

Sport Ekspres — Mon, 05 Aug 2019 12:20:15 +0000

Virxhil Van Dijk ka mbyllur një sezon të mrekullueshëm, që e kurorëzoi me fitimin e Championsit. Rekordi më i veçantë i tij kishte të bëhej me driblimet. Mbrojtësi ishte i pakalueshëm sezonin e shkuar, duke mos u dribluar asnjë herë nga asnjë kundërshtar, madje as Mesi.

Megjithatë, gjithçka e ka një fund. Pas plot 65 ndeshjesh Van Dijk është thyer. Ka qenë braziliani Gabriel Hezus që e ka prishur rekordin e gjigantit të mbrojtjes. Kjo gjë nuk ndodhte që nga marsi i vitit 2018. Mbrëmja e djeshme ka shkuar ters për holandezin që me Liverpulin e tij humbi edhe trofeun e “Community Shield” ndaj Sitit.

None of this “Van Dijk can’t be dribbled past” nonsense pic.twitter.com/cGKSXOAjW7

— Joe ? (@McfcRichyV2) August 4, 2019

“Zgjuan gjithë lagjen”, problemet e Brazilit nuk kanë fund

Sport Ekspres — Fri, 07 Jun 2019 18:59:25 +0000

Ditën pas fitores ndaj Katarit lojtarët e kombëtares braziliane e kishin pushim. Të gjithë këtë liri të dhënë nga trajneri Tite, Gabriel Zhesus e ka shfrytëzuar për të festuar në një parti me muzikë të lartë dhe për të lënë banorët përreth pa gjumë.
Siç raportohet nga mediat braziliane, policia ka ndërhyrë për të ndaluar muzikën me zë shumë të lartë. Banorët përreth kanë njoftuar forcat e rendit, pasi ishin të shqetësuar nga zhurma që krijohej. “Muzika ishte aq e lartë sa zgjoi gjithë lagjen. Çdo pesë minuta vinte një makinë me prostituta. Policët janë heronjtë tanë”, u shpreh një qytetar.

Në momentin e ardhjes së forcave të rendit shumica e të ftuarve kanë mbuluar fytyrën. I vetmi që është dalluar është Zhezuz, ndërkohë që dyshohet të kenë qenë të pranishëm edhe lojtarë të tjerë brazilianë.

Federata e Futbollit të shtetit latin është munduar të mos përzihet. Ata shprehen se futbollistët nuk kanë thyer rregullat e grumbullimit sepse ajo ishte një ditë pushimi. Shtojnë se është çështje private mënyra sesi ata dëshirojnë ta kalojnë kohën.

VIDEO | “Gjeni brazilianin?”, Zhezuz dhe Moura kapen “mat”

Sport Ekspres — Tue, 09 Apr 2019 12:37:53 +0000

Nofkat janë pjesë e pandarë e kulturës së futbollit brazilian. Pjesa më e madhe e legjendave të pesë herë kampionëve të botës nuk kanë përdorur emrin ose një ndër mbiemrat e tyre, por në fanellë ka qenë e shkruar nofka e tyre.

Me siguri fansat më të flaktë të Milanit e njohin Rikardo Izekson dos Dos Santos Leiten (po është një person i vetëm ), bëhet fjalë për Kakanë.

Të tjerë mbështetës së kombëtares së “Seleçaos” mund të njohin se kush është Ronaldo Nazario Lima ose Ronaldo de Asis Moreira, dy yje që kanë fituar “Topin e Artë” gjatë dekadës së shkuar: Ronaldo dhe Ronaldinjo. Ndërsa s’mund të lëmë pa përmendur lojtarin më të veçantë të këtij kombi që i ka dhënë shumë futbollit: Edson Arantes do Nasimento i njohur nga të gjithë si “Pele”, madje ka dhe një nofkë të dytë:“O Rei” (Mbreti).

Kanali zyrtari i UEFA-s mendoi të krijonte një video interesante me rastin e përballjes së çerekfinales së Champions-it midis Mançester Sitit dhe Totenhemit. Gabriel Zhezuz i Sitit dhe Lukas Moura i Totenhemit u vunë përballë njeri-tjetrit në një ‘quiz’, ku u duhet të gjenin nofkat e lojtarëve të shquar brazilianë vetëm duke parë emrin e tyre. Interesant është fakti se të dy këta lojtarë në ndryshim nga shumica e bashkëkombësve luajnë me emrat e tyre të vërtetë.

VIDEO | Siti kalon pa probleme Evertonin, presioni tani kalon te Liverpuli

Sport Ekspres — Sat, 15 Dec 2018 14:23:20 +0000

Mançester Siti ka kryer detyrën në shtëpi ndaj Evertonit, në ndeshjen hapëse të javës së 17-të në Premier Ligë. Ekipi i Guardiolës ka triumfuar pastër, me shifrat 3-1, duke marrë njëkohësisht dhe vendin e parë, në pritje të sfidës që Liverpuli do të luajë nesër ndaj Mançester Junajtid.

Evertoni u mundua të rezistonte, teksa zbriti në fushë me një modul me pesë mbrojtës, por për “Citizens” duket se kjo gjë nuk bëri përshtypje. Në minutën e 22-të ishte Leroi Sane, i cili asistoi për Gabriel Zhesus dhe ky i fundit nuk gaboi i vetëm përballë Pikford, duke çuar në avantazh të tijtë.

Pjesa e dytë nisi me gol, ku ishte dhe një herë tjetër binomi Sane-Zhesus. Gjermani asistoi përsëri në mënyrë perfekte dhe braziliani shënoi golin e dytë me një goditje me kokë. Evertoni u mundua të reagonte dhe e bëri një gjë të tillë në minutën e 65-të, ku pas një krosimi të Lukas Dinj, ishte Kalvert-Levin që shkurtoi diferencën në 2-1.

Gjithsesi, festa e golit tek Evertoni nuk zgjati dhe aq. Vetëm katër minuta nga goli i shënuar, ishte Rahim Sterling, i cili erdhi nga stoli në minutën e 66-të dhe arriti menjëherë që të gjente rrugën e rrjetës. Lajm i mirë në këtë sfidë ishte dhe aktivizimi i Kevin De Brujn, i cili u rikthye nga dëmtimi.

Gabriel Zhezus i zhgënjyer: Doja ta godisja unë 11-metërshin

Sport Ekspres — Mon, 08 Oct 2018 15:01:04 +0000

Mançester Siti pasditen e djeshme doli i zhgënjyer me barazimin e arritur në “Anfield” ndaj Liverpulit. Rasti që peshon më shumë është padyshim penalltia e humbur nga Rijad Mahrez, kur duheshin dhe vetëm pesë minuta që të mbyllej takimi.

Pikërisht ky rast është diskutuar tek Siti, pasi bëri shumë përshtypje vendosja e algjerianit, si goditës i penalltisë, ku te Mançester Siti ka si goditës të parë Sexho Agueron, por argjentinasi ishte zëvendësuar me Gabriel Zhezus. Pikërisht ky i fundit në momentin e penalltisë mori fillimisht topin për të goditur, por më pas ishte Mahrez që e mori përsipër.

Në lidhje me këtë moment Zhezus është shprehur i zhgënjyer për faktin që nuk u lejua që të ishte ai goditësi i 11-metërshit.

“Sigurisht që nuk jam i lumtur. Gjithashtu si Mahrez edhe unë i kam praktikuar shumë goditjet e 11-metërshave dhe kisha shumë dëshirë që ndeshjen e djeshme ta merrja përsipër unë. Kisha shumë besim, por nuk mu lejua kjo gjë. Gjithsesi e rëndësishme është që nuk humbëm”, përfundoi i mërzitur braziliani.

Zyrtare: Siti nuk heziton, “blindon” brazilianin e sulmit

Sport Ekspres — Fri, 03 Aug 2018 08:42:21 +0000

Mançester Siti nuk po punon vetëm për ta afruar lojtarë, por mendon edhe për të ardhmen. Kështu, “Qytetarët” i kanë ofruar kontratë të re sulmuesi brazilian Gabriel Zhesus dhe ky i fundit ka pranuar të nënshkruajë deri në vitin 2023, çka e mban atë në Premier Ligë edhe pesë vite.

Sulmuesi u transferua te Siti në janar të vitit 2017 për shumën e 32 milionë eurove. Sulmuesi 21-vjeçar kishte qenë pjesë e Palmeiras në Brazil dhe 12 golat e tij bindën anglezët që ta blejnë. Sezonin e fundit ai ka bërë mirë, teksa ka arritur të realizojë 13 herë në kampionat.

Tashmë ka ardhur konfirmimi zyrtar nga ana e Mançester Sitit për nënshkrimin e kontratës së re. Trajneri Pep Guardiola e vlerëson sulmuesin brazilian dhe drejtuesit kanë bërë veprimin e duhur, duke e “blinduar” me kontratën e re.

https://www.facebook.com/mancity/videos/10161182785490455/