Wallin është një boksier 197 centimetra i gjatë me një rekord prej 20 fitoresh, 0 humbje, 0 barazime. Fitorja e Fury në këtë duel do t’i hapë rrugë përsëritjes së përballjes së tij me kampionin e botës Deontay Wilder, ku në duelin e 1 dhjetorit të vitit të kaluar palët u ndanë në barazim.

“Ka shumë shanse që kundërshtari i ardhshëm i Fury të jetë Charles Martin. Ne na intereson që ai të ndeshet me një amerikan dhe Martin është një ish-kampion bote dhe një “CV” për t’u respektuar. Dueli është planifikuar në tetor, por datën e saktë do e bëjmë ditur në javët në vazhdim”, tha Arum.

Charles Martin ka një rekord prej 27 fitoresh (24 me nokaut) dhe 2 humbjesh (1 me nokaut). Ish-kampionati i botës është i gjatë 197 centimetra dhe humbjen e vetme me nokaut në karrierë e ka pësuar ndaj një emri të njohur si Anthony Joshua.

Megjithatë, emri i kundërshtarit ende nuk dihet dhe pritet që kandidati final të përzgjidhet në javët e ardhshme në një intervistë të dhënë së fundmi, Fury ka folur për të ardhmen e tij dhe nuk ka harruar të “thumbojë” dy boksierë të famshëm si Dillian Whyte dhe kampionin e botës Andy Ruiz.

KUR DO RIKTHEHENI?

“Do rikthehem në nëntor. Po shpresoja që të ndeshesha me Jarell Miller. Ai është kandidati favorit, pasi është një shtetas amerikan dhe vitet e fundit ka fituar pak famë. Pezullimi i dopingut i mbaron në fund të tetorit”.

DUEL ME KUBRAT PULEV?

“Pulev nuk është një kundërshtar interesant për klubin. “ESPN” kërkon që të ndeshem me një boksier amerikan dhe jo një boksier bullgar që nuk e njeh askush. Gjithsesi ne e kemi kontaktuar dhe ai na refuzoi për shkak se do të ndeshet me Joshua-n vitin tjetër”.

“Sicc e thashë më parë “ESPN” dëshiron që unë të ndeshem me një amerikan. Janë disa opsione, si Miller, Bryan, Kownacki, Ruiz, Breazeaele, Washington. Disa prej këtyre boksierëve kanë pësuar humbje me nokaut e s’mund të ndeshem me ata, ndërsa boksierë të tjerë janë të zënë. Di vetëm që më duhet një kundërshtar i fortë, i cili mund të rezistojë disa raunde me të. Jemi ende në kërkim”.

A KA SHANS TË NDESHENI ME DILLIAN WHYTE?

“Whyte është një lëngaraq. Ai thotë se unë jam një frikacak, kjo është qesharake. Ai është një thes patatesh e kam rrahur keq me qindra herë në sparring. Ndoshta në të ardhmen do më jepet mundësia ta rrah në ring. Gjithsesi dueli s’mund të bëhet në të ardhmen e afërt, vetëm në rast se Whyte do më paguajë para nga xhepi i tij”.

ANDY RUIZ?

“Nëse Andy Ruiz dëshiron të ndeshet me mua, pa problem, do i jap dhe atij një shpullë. Nuk më intereson se çfarë thotë ai trashaluq. Ruiz, Whyte dhe Joshua të gjithë këta që po përmend janë të mbaruar”.

Dy vite më parë Konor Mekgregor nuk ia doli të dilte fitimtar përballë legjendës amerikane Flloid Mejuedhër, Nganu beson se në ndryshim nga irlandezi ka aftësitë e duhura për të befasuar edhe boksierët më elitarë.

BOKSI – “Bota e boksit ka tani disa atletë shumë të zotë si Fjuri, Xhoshua, Uajlldër si dhe Ruiz. Jam njeri që besoj shumë. Askush nuk besonte se do ia dilja të isha pjesë e UFC, nuk më mungon azgjë për të provuar veten në boks”.

“Para se të bëhesha pjesë e UFC-së bëja stërvitje me një boksier shumë të njohur si Karlos Takam.  Kontrata me UFC-në nuk ma lejon, por e njëjta situatë ishte dhe me MekGregor dy vite më parë dhe për të u bë një përjashtim”.

Ditën e sotme ekzistencën e kësaj parakontrate e ka bërë të ditur anglezi i Fury, i cili zbuloi dhe datën e duelit të parë midis tyre me anë të një video në “YouTube”, duke thënë: “Përsëritja e duelit me Wilder tanimë është e konfirmuar dhe të dy kemi firmosur. Bëhuni gati për datën 22 shkurt. Kësaj radhe s’do të jem jashtë ringut për tri vite, dhe s’do të kem pirë alkool pafund, kësaj radhe do e shtrij përtokë në tapet”.

Dueli i parë midis boksierëve u zhvillua në 1 dhjetor të vitit të kaluar. Në përfundim pikët e gjykatësve bën që të mos kishte asnjë fitues, me secilin prej tre gjykatëseve që kishte zgjedhur një vendim të ndryshëm (Barazim, fitore e Xilder, fitore e Fury).

Megjithatë, të dy boksierët duhet të fitojnë duelet e radhës për t’i hapur rrugë dy përballjeve madhështore. Wilder do të ndeshet më datë 28 shtator në New York me kubanezin Luis Ortiz, ndërsa Fury rikthehet në ring në muajin tetor, por data e eventit ende dhe kundërshtari ende nuk dihen.

NOKAUTI I PARË – “Ai më rrëzoi në raundin e tretë. Nuk më kishte ndodhur kurrë më parë në karrierën time. Më kapi me një goditje të pastër, nuk e pashë dot. Gjithsesi u ngrita dhe si luftëtari që jam u ngrita dhe i kërkova zotit forcë për ta fituar duelin. E dija që do të vinte për të më nxjerrë nokaut dhe u tregova i zgjuar. U shmanga gjuajtjeve të tij të para dhe më pas fillova ta godisja derisa arrita atë që doja”.

“Gjëja e parë që bëra me paratë e duelit ishte blerja e një makine për mamanë time. Tani çdo gjë ka ndryshuar për ne. Tani do blejmë një shtëpi  të re. Si familje kemi pasur të gjitha gjërat që na nevojiteshin, por jo ato që dëshironim”.

DUELI I DYTË –“Jemi akoma në negociata. Nëse dueli do zhvillohet në Mbretërinë e Bashkuar, sigurisht që do të duhet të më paguajnë më shumë. Gjithsesi e sigurt është se dueli do përsëritet dhe do të ndodhë brenda këtij viti. Gjyqtarët e favorizuan atë, por ia dola të fitoja me nokaut. Të njëjtën gjë synoj të bëj në ndeshjen e kthimit. Do të tregohem akoma më agresiv se herën e parë. Joshua më nënvleftësoi po mendonte për duelet e tjera, kujtonte se e kishte fitoren e sigurt me mua. Unë s’do bëj të njëjtin gabim”.

Intervistuesi i përmendi meksikanit një deklaratë të Tyson Fury, i cili e përshkroi atë si një boksier të mbaruar që ai dhe Deontay Wilder mund ta rrihnin pa probleme. Ruiz nuk pranoi t’i kundërpërgjigjej anglezit: “Për atë të gjithë janë të mbaruar. Gjithsesi unë mbetet një fans i Fury-t. S’dua të flas keq për të. Shpresoj që të vazhdoj kështu si ai dhe Wilder. Jemi të gjithë boksierë që vëmë jetën në rrezik. Nuk flas jashtë ringut, punët e mija i bëj brenda ringut”.

“Dueli i radhës do të jetë më datë 21 shtator ose 5 tetor, ende nuk e kemi vendosur plotësisht. Muajin tjetër do të bëhet i ditur emri i kundërshtarit. Më pas do të përpiqemi që të arrijmë në marrëveshje me Deontay Wilder. dua ta bëj timin atë brezin jeshil që mban ai (WBC) . Mendojmë se fillim të 2020-ës është data  e duhur”.

Promotori i Fury-t, Bob Arum, u shpreh besimplotë se nëse gjithçka shkon siç duhet, përballja Fury – Wilder do të kalojë rekordin duelit legjendar midis Floyd Mayweather Jr dhe Many Pacquaio që arkëtoi 300 milionë dollarë.

Fury është favoriti absolut i këtij dueli, por anglezi duhet të tregohet i kujdesshëm pasi në divizionin e peshave të rënda asnjëherë nuk i dihet, siç u pa dhe në humbjen befasuese të Anthony Joshua-s ndaj Andy Ruiz.

Një aspekt interesant i 25-vjeçarit Schwarz është raporti shumë miqësor që ai ka me komunitetin shqiptar. Menaxheri i boksierit gjerman është Burim Sulejmani, ndërsa ai stërvitet në të njëjtën palestër të kompanisë “SES BOXING”, që ka nën kontratë boksierët shqiptarë Elvis Hetemi dhe Jurgen Uldedaj. Gjermani ishte në Tiranë më 15 dhjetor ku Uldedaj fitoi titullin “WBO Youth” në sallën e Parkut OIimpik “Feti Borova”.

“Kur një person dorëzohet, do ta bëjë sërisht, kjo është  e sigurt. Është shumë e vështirë ta marrësh veten nga kjo gjë. Unë jam i mendimit që ai s’do e marrë dot veten. Ka marrë fund”.

“Shumica e njerëzve besonin se ai njeri mund të më rrihte mua. Në çfarë universi mund të ndodhte kjo gjë? Çfarë dreqin po mendonin këta njerëz. Përsa i përket fizikut ai nuk ka të dytë, por në boks po u godite në mjekër e të kapi paniku, muskujt s’të ndihmojnë. Më vjen mirë që dy ndër boksierët me fizikun më të mirë janë mundur nga dy njerëz të shëndoshë”. (Fury mundi Wladimir Klitschko-n në vitin 2015)

PARASHIKIMI – “Kam qenë ndër të paktët njerëz që e kam vlerësuar Andy Ruiz. Nuk e parashikova fitoren e tij, por në ndryshim nga të gjithë të tjerët që mendonin se Joshua do e nxirrte nokaut me dy raunde, unë isha i mendimit se ai do fitonte me pikë”.

DORËZIMI – “Po u dorëzua. Kjo është e qartë këtë e panë të gjithë. U ngrit, hoqi mbrojtësen e dhëmbëve dhe iu largua arbitrit, këto janë të gjitha veprime që një boksier i madh s’duhet t’i bëjë. Tani ka një problem të madh. Kur dorëzohesh për herë të parë është shumë e thjeshtë që ta bësh përsëri”

GJENDJA E JOSHUA-S  – “Për mendimin tim ai nuk donte të luftonte atë natë. Jam i sigurt se në ato pak momente para do ishte i gatshëm të bënte gjithçka përveç se të boksonte. Nëse Ruiz e mund përsëri duhet të dorëhiqet. Unë këtë gjë do bëja po të isha në vend të atij”.

Dueli do të zhvillohet në Las Vegas, Nevada. Fury vjen si një favorit absolut në këtë përballje. 24-vjeçari Schwarz është boksieri më i premtuesi i Gjermanisë përsa i përket divizionit të peshave të renda. Promotori i tij është Ulf Shtajnfort, i cili është dhe promotori i boksierit shqiptar Jurgen Uldedaj.

Pas këtij dueli Fury pritet të rikthehet të luftojë për një titull kampion bote, ku me shumë gjasa do të futet sërish në ring përballë amerikanit Deontay Wilder për të synuar titullin “ËBC”. Dueli i zhvilluar në muajin dhjetor midis të dyve përfundoi në barazim.

Breazeale ka një rekord prej 20 fitoresh (18 me nokaut) dhe një humbje. Disfata e vetme e 33-vjeçarit është ajo ndaj Anthony Joshua-s, i cili e mundi tre vite me nokaut në raundin e shtatë të duelit.

Ky lajm është gjithashtu një lajm i keq për të gjithë ata tifozë të boksit që prisnin një përballje të dytë midis Wilder dhe njërit prej dyshes angleze Tyson Fury dhe Anthony Joshua. Mesa duket të dy boksierët kanë vendosur që ta shtyjnë për një datë tjetër duelin e dytë. Ndërkaq, pritet që në ditët në vijim të mësohet dhe kundërshtari i ardhshëm i Tyson Fury-t.

Për t’i dhënë njeherë e përgjithmonë fund dilemave të dy boksierët kanë rënë dakord për një përsëritje të duelit. Sipas “Daily Mail”, ditën e sotme përfaqësuesit e dy boksierëve ranë dakord për një ndarje të barabartë të të ardhurave të duelit, që do të sjellë 20 milionë paundë për secilin boksier.

Vendndodhja e përballjes do të jetë në New York dhe do të zhvillohet me datë 18 maj. Fituesi i kësaj përballje do të fitojë titullin kampionë bote të federatës më të rëndësishme të boksit “WVC”, momentalisht ky brez mbahet nga amerikani Deontaë Wilder prej më shumë se tri vitesh. Të boksierët janë të pamposhtur dhe ky pritet të jetë dueli më i madh i boksit për vitin 2019.

“Në duelin midis Wilder dhe Fury, mendova se Fury fitoi. Do të ishte e paparë nëse do të kishim dy kampionë bote britanik, që do të kishin në zotërim të gjithë titujt. Në sytë e shumë vetëve Fury mbetet ende kampion. Ai qëndroi tre vite larg boksit kur u kthye tregoi talentin e tij para gjithë botës”.

Joshua është numri 1 në divizionin e peshave të rënda, pasi mban katër nga pesë titujt madhor. I vetmi brez që nuk është në pronësi të Joshua-s është “WBC”, që mbahet nga amerikani Deontay Wilder. Më datë 13 prill, Joshua do të luftojnë në stadiumin “Wembley” duelin e 23-të si profesionist për momentin boksieri është në bisedime me disa kandidatë.

Në intervistë, Fury zbuloi mesazhet që ai i ka dërguar amerikanit Wilder dhe promotorit të Joshuas-, Eddie Hearn.

Mesazhi i dërguar drejt Wilder: “Hej kampion. Shpresoj që krishtlindjet dhe viti i ri të kenë kaluar mirë. Hajte, çfarë pret. Le ta zhvillojmë duelin më të madh në planet sa më shpejt të jetë e mundur. Jam gati kurdo, që të më thuash. Në prill do të ishte perfekte”.

Fury më pas zbuloi se amerikani me të cilin u ndesh një muaj më parë (ndeshja doli barazim) nuk i është përgjigjur mesazhit të mësipërm. Të njëjtën gjë ka bërë dhe promotori i Joshua-s, që sipas Fury-t po e shmang atë edhe pse ai nuk ka kërkesa të ekzagjeruara përsa i përket ndarjes së të ardhurave që do të gjenerohen nga dueli midis dy anglezëve.

Sigurisht nuk mund të mugonte dhe një ngacmim tipik nga ana 30-vjeçarit, i cili e mbylli intervistën duke thënë: “Wilder e kam mundur, pavarësisht vendimit të gjyqtarëve, ndërsa Joshua është një robot i ngathët, për të cilin nuk kam pse të shqetësohem aspak”.

“Jam i gatshëm t’i bëj Joshua-s të njëjtën gjë që i bëra Wilder-it, por të jem i sinqertë nuk besoj se kjo do të ndodhë, u kërkoj falje fansave të këtij sporti. Joshua nuk do të mundte as me dy çekiçë në duar, dhe ata e dinë mjaft mirë, s’janë aq të çmendur sa të ndeshen me mua.”

“S’duhet të harrojmë se nuk është thjesht një sport, është dhe një biznes. Ata mund të dalin në deklarata duke thënë se duan të luftojnë me mua, por në fund do të luftojnë dikë tjetër siç kanë bërë përherë”, tha Fury.

Promotori i Joshua-s Eddie Hearn, ka sqaruar situatën për medien angleze “Mirror”: “Duam që të ndeshemi me njërin prej Wilder ose Fury. Wilder është prioriteti jonë, pasi është mbajtësi i titullit WBC. Në të shkuarën negociatat për kontratën nuk kanë shkuar siç duhet, shpresojmë që kësaj here të gjejmë gjuhën e përbashkët”, tha promotori.

Ndërkaq, ekziston dhe një opsion tjetër që Joshua të vihet përballë bashkëkombësit të tij Dillian Whyte, një kundërshtar ky që Joshua e ka mundur më parë, por që në vitet e fundit është rikthyer në skenë me disa fitore të bujshme.

Nuk është ndonjë surprizë, sepse ndeshja e shumëpritur përfundoi në barazim pak ditë më parë dhe të dy boksierët në deklaratat pas ndeshjes thanë se një riluajtje do të ishte vendimi i duhur.

Sfida e luajtur në Amerikë nuk pati fitues, sepse Fury zhvilloi një betejë fantastike, edhe pse ra dy herë knock-down.

Tashmë ka ardhur edhe njoftimi zyrtar i WBC, Këshillit Botëror të Boksit, që me një komunikatë për shtyp ka konfirmuar se sfida ka marrë dritën jehsille që të riluhet.

WILDER VS. FURY II ; The WBC conducted a voting through the Board of Governors, which resulted in a unanimous agreement to sanction a direct rematch between WBC heavyweight champion Deontay Wilder and Tyson Fury.https://t.co/0RhUoV4CJt #WBC #Boxing #GreenBelt

— World Boxing Council (@WBCBoxing) December 7, 2018

Boksieri nga Alabama tha në disa intervista se Joshua është i frikësuar nga ai dhe i është shmangur arritjes së një marrëveshje për një duel. Kaq ka mjaftuar që anglezi të reagojë nëpërmjet llogarisë së tij në rrjetin social “twitter”.

What took this fool so long? Like we ain’t been interested?!! ?Anyway well done Fury! they wanted to get you because they assumed you was finished!! I’ll give you a fair one when your ready! Either one of you! https://t.co/RlytsIrnud

— Anthony Joshua (@anthonyjoshua) December 4, 2018

“Kush e merr seriozisht këtë budalla? Si mund të mos ishim të interesuar. Gjithsesi, të lumtë Fury! Ata u ndeshën me ty, pasi kujtuan se kishe marrë fund. Do t’u jap një shans kur të jeni gati”, shkroi Joshua në reagimin e tij.

Promotori i Tyson Fury, Frank Warren, u shpreh se përsëritja e ndeshjes është diçka e llogjikshme dhe e deshirueshme nga të dyja palët, por në ndryshim nga dueli i parë që u zhvillua në SHBA, Warren kërkon që  palët të ndërrojnë vend dhe Ëilder të udhëtojë drejt Anglisë.

“Mund të organizojmë diçka shumë të bukur në Londër. Mund të mbushim stadiume gjigante si ai i “Wembley”, ose stadiumi i Arsenalit”, tha Warren në daljen për shtyp pas duelit të së shtunës. Fury, i cili është përkrah tij dhe se dëshironte që të ndeshej në “Old Trafford”, stadiumi i skuadrës së tij të zemrës Manchester United.

Pas barazimit, trajneri i “Mbretit Cigan”, Ben Davison, lëshoi akuza të forta, për favorizim të Uajlder: “Kjo është e turpshme. Duhet të jesh vërtetë i çnendur t’i mohosh Fjurit këtë fitore”.

“Ky ishte rikthimi më i madh në historinë e boksit dhe një prej rikthimeve më të mëdha në historinë e sportit”. Edhe pse është i vetmi boksier që ka arritur të mposhtë Kliçkon në 11 vitet e fundit, Fjuri nuk cilësohej favorit. Arsyeja: ai mungonte në ring prej afro dy vjetësh, duke u tërhequr nga boksi për probleme shëndetësore, alkooli e droge.

? Over two years out
? Overcome mental health issues
? Overcome drink problems
? Overcome drug problems
? Lost over 10 stone in weight

You've done us all proud, Tyson Fury. Champ. ???https://t.co/zYwtnRSqQJ

— SPORTbible (@sportbible) December 2, 2018

Një sfidë epike, mes dy boksierësh që në mënyrën e vet kërkuan ta fitonin betejën dhe në mënyrën e vet e merituan.

Uajlder ka një goditje të tmerrshme, të djathtën me të frikshme në sport, por Fjuri ishte si një ngjalë  iu shmang me zgjuarsi për pjesën më të madhe të takimit.

Anglezi dha shumë goditje dhe rezistoi në mënyrë fantastike, por mori një goditje të fortë në hundë duke u gjakosur, më pas ra knock down në raundin e nëntë dhe sërish në të 12-tin, kur me zor evitoi mbylljen e takimit për knock out.

Megjithatë, tre gjyqtarët e ndeshjes dha verdikte shumë të përafërta dhe pikët rezultuan në ekuilibër total, me sfidën që u mbyll në barazim.

Uajlder ruan kurorën e peshave të rënda, por Fjuri është kampion në një fare mënyre, sepse është kthyer nga depresioni dhe ka munduar “djajtë” e tij, duke u ringjitur në majë dhe duke sfiduar për të qenë më i miri në boksin profesionist. Ky po, që është rikthim…

When you hit the snooze button for the fourth time in a row and it is finally time to face reality #FuryvsWilder @FrontRowBrian @superCalo pic.twitter.com/sTY51mIgLR

— WhizWit (@WhizWitNick) December 2, 2018

“Është një duel madhështor, një ndër ato që fansat kanë vite e kërkojnë. Me siguri ato do e dëshironin  një ndeshje të dytë, kështu që pse jo? Pse të mos i jap një boksier të madh një mundësi të dytë. Me shumë gjasa do t’i jap Fury-t një shans tjetër”.

“Ndërkohë, që ka disa njerëz që e cilësojnë veten si më të mirët dhe kanë frikë t’i japin Fury-t qoftë dhe një mundësi, pasi kanë frikë se mos prishin rekordin e pamposhtur që kanë deri më tani”, tha Wilder, i cili hodhi disa “kunja” drejt boksierit anglez Anthony Joshua me deklaratën e mësipërme.

30-vjeçari Fjuri, i cili ka vetëm fitore në 27 ndeshje boksi, ka lëshuar një deklaratë të fortë në prag të supersfidës së fundjavës, sepse ka thënë se do t’i falë të gjitha paratë që do të fitojë nga përballja ndaj kampionit në fuqi.

“Do t’i dhuroj të gjitha për të varfrit dhe do ndërtoj shtëpi për të pastrehët.

“Nuk kam ç’të bëj me kaq shumë para, nuk jam i interesuar për t’u bërë milioner a miliarder. Jam boksier, jo biznesmen, dhe me shumë gjasa do ndjek rrugën e boksierëve të tjerë – do rrënohem e do i humbas të gjitha.

“Paratë nuk i merr dot me vete në varr, ndaj më mirë të bëj diçka me to dhe të ndihmoj ata që nuk janë të aftë të ndihmojnë veten”.

Fjuri është i pasur, në fakt, por gjithnjë ka thënë se fëmijët e tij (ka 4 të tillë dhe së shpejti do jenë 5) do të duhet të punojnë: “Besoj se të gjithë fëmijët duhet ta nxjerrin me djersë paranë, për t’ia kuptuar vlerën. Është e lehtë të shpenzosh paratë e tjetrit dhe paratë e mia i kam fituar me gjak, në kuptimin e plotë të fjalës. Fëmijët e mi do duhet të nxjerrin vetë para dhe ta gjejnë vetë rrugën në jetë, jo falë parave dhe reputacionit tim. Shoh shumë fëmijë që i kanë prindërit të pasur dhe nuk bëjnë asgjë në jetë, por unë nuk do ta lejoj të ndodhë kjo gjë me fëmijët e mi”.

Arsyet për këtë interes kaq të madh janë të shumta. E para dhe më e rëndësishmja është se të dy boksierët e peshave të rënda, nuk kanë njohur ende humbje gjatë karrierës së tyre. Deontay Wilder ka një rekord fantastik me vetëm një fitore me vendim unanim (40–0, 39 KOs), ndërsa nuk ngelet mbrapa Tyson Fury (27-0, 19 KOs).

Në këtë duel Wilder do të mbrojë për të tetën herë titullin kampion të “WBC”, ndërsa Fjuri ka qenë më parë zotërues  i titujve “IBF”, “WBA”, “WBO”, por dalja pozitiv  për përdorim kokaine në testet e dopingut, bëri që anglezi t’i hiqeshin titujt e të pezullohej me dy vite nga boksi profesionist. Mbas përfundimit të këtij takimi, fituesi do të ketë mundësinë për t’u ndeshur me Entoni Xhoshuan, i cili zotëron të gjithë titujt e tjerë në divizionin e peshave të rënda.

Tri vite më parë Fjuri ishte në majën e sportit të boksit, pasi mundi Vladimir Kliçkon, duke marrë në pronësi pesë titujt kampion që mbante kroati, por një analizat e dopingut zbuluan se 30-vjeçari kishte konsumuar kokainë. Titujt iu hoqën menjëherë dhe u pezullua me dy vite nga sporti i boksit profesionist.

Anglezi nuk e përjetoi aspak mirë këtë dhe la menjëherë stërvitjen e më pas filluan problemet me alkoolin e depresionin. Brenda një viti Fjuri shtoi 55 kilogramë dhe shumë vetë menduan se për të nuk kishte kthim mbrapa. Por, në këtë moment të vështirë, boksieri dhe shoku i tij i ngushtë, Billi Xho Saunders , i erdhi në ndihmë.

https://www.instagram.com/p/Bp77DxbHLo5/?utm_source=ig_web_copy_link

Saundërs e bindi Fjurin që të fillonte stërvitjen me trajnerin e tij Ben Dejvison. Ky i fundit kreu një punë të shkëlqyer duke e vënë në një regjim të hekurt kampionin e boksit si dhe duke i ndryshuar rrënjësisht dietën.  Brenda një viti Fjuri ka rënë 40 kile dhe është rikthyer në gjendje optimale për t’u ndeshur me një ndër boksierët më të mirë të momentit si Deontej Uajlldër.

Në një intervistë të dhënë disa ditë më parë, Fjuri e pranoi se abuzimi me alkoolin (pinte rreth 40 litra në javë) dhe kokainën e çuan në depresion dhe mendoi me shumë se njëherë vetëvrasjen. Anglezi e mblodhi veten dhe vendosi t’i kthehej ringut, por gruaja e tij i tha se s’do ia dilte nëse nuk do të mposhte varësinë ndaj alkoolit.

“Në gjendjen time më të keqe deri shkova 180 kilogramë, tani jam 120 kilogramë dhe ndihem më në formë se kurrë”, tha Fjuri i cili më datë 1 dhjetor do të ndeshet ndaj amerikanit Deontej Uajlldër.

“Filluan të më vënin në mendje disa mendime krejtësisht të çmendura. Sapo kisha blerë një Ferrari në verën e 2016-ës. Isha në autostradë dhe i dhashë gaz deri sa shkova te 250 kilometra në orë dhe përballë kisha një urë. Për një moment mendova t’i jepja fund. Nuk më interesonte asgjë në jetë. Por, në sekondat e fundit, dëgjova një zë në kokë që më shoshte: Tajson mendo për fëmijët e tu”, tha boksieri në rrëfimin e sinqertë.

Tajson Fjuri do të ndeshet me datë një dhjetor ndaj boksierit të pamposhtur amerikan Deontej Uajlldër. Në rast se boksieri nga Mançesteri do të arrijë të mund kundërshtarin e tij, atëherë ai do fitojë titullin “WBC” dhe do t’i hapet rruga luftimit me bashkëkombësin e tij dhe mbajtësin e tri brezave kampion, Antoni Xhoshua.

Kundërshtari është gati, dhe ai fut në ring menjëherë pas përfundimit të takimit. Bëhet fjalë për amerikanin Deontei Uajlldër, i cili është zotëruesi i titullit “WBC” dhe ka një rekord të frikshëm në 40 duele, ku regjistruar po 40 fitore, 39 prej të cilave me “Knock-Out”.

Përballja do të zhvilohet në Amerikë dhe pritet të vendosë rekorde në termat e marketingut. Fituesit të duelit midis Fjurit dhe Uajlldër do t’i hapet rruga për ndeshjen e shumë pritur ndaj Anglezit Antoni Xhoshua, i cili është dhe mbajtësi i tri brezave.

Sipas “BBC” dueli mund të zhvillohet në muajin nëntor ose dhjetor. Amerikani Uajlldër zotëron prej disa vitesh brezin e “WBC”, i vetmi brez që nuk zotërohet nga bashkëkombësi i Fjurit, Antoni Xhoshua. Fjurit do i duhet të mposht fillimisht boksierin italian Pianeta më datë 18 gusht, objektiv ky që mund të cilësohet si një lojë fëmijësh për të, të paktën në letër.

Dueli ndaj Uajllderit do t’i japë Fjurit mundësinë për t’u rikthyer në pronësi të një brezi kampioni, tri vite nga pezullimi i tij nga bota e boksit për shkak të evidentimit të përdorimit të kokainës nga 29-vjeçari . Mbas përfundimit të duelit, fituesit do t’i hapet rruga për përballjen me mbajtësin e tri brezave kampion dhe boksierin më të mirë të momentit, Antoni Xhoshua.