Fulham

Liverpul me sytë te e ardhmja, zyrtarizon yllin e klubit londinez

Sport Ekspres — Sun, 28 Jul 2019 08:36:07 +0000

Liverpuli si duket nuk ka në plan të bëjë ndonjë blerje të madhe. Vëmendja e drejtuesve është drejtuar nga e ardhmja. Harvej Eliot është futbollisti më i ri i të kuqve. 16-vjeçari është lojtari më me moshën më të vogël që ka debutuar në Premier Ligë.

Sezonin e kaluar ai është aktivizuar në tre ndeshje me Fulhemin. Luan si anësor dhe spikat me shpejtësinë e tij. Klubi i Liverpulit njofton se Eliot do të jetë në dispozicion të Klop për ndeshjen e ardhshme miqësore me italianët e Napolit.

Duhet dhe një mesfushor, Milani hedh sytë nga “shtëpia e futbollit”

Sport Ekspres — Tue, 16 Jul 2019 17:58:54 +0000

Megjithëse ka ardhur Kruniç dhe Benaser, Milanit i duhet edhe një tjetër mesfushor për të plotësuar këtë repart. Emri i radhës në objektivat e dyshes Boban-Maldini është Mikael Seri. Mesfushori afrikan është një lojtar tepër interesant dhe ka treguar një futboll tepër cilësor.
Ai aktivizohet në Premier Ligë me Fulhem, ku erdhi një vit më parë nga francezët e Nisës për 30 milionë euro. Pas vetëm një viti në Londër, qëndrimi i tij atje nuk është i sigurt. Milani ka treguar interes për të afruar 27-vjeçarin, për të cilin kohë më parë interesohej edhe Barcelona.

Tratativat për të sjellë yllin nga Bregu i Fildishtë në “San Siro” nuk pritet të jenë aspak të lehta. Milan ofron opsionin e huazimit njëvjeçar në këmbim të 2 milionë eurove për ta blerë më pas për 15 milionë verën e ardhshme. Ndërkohë, londinezët e i hapin bisedimet për 25 milionë euro.

Për tja rritur më shumë problemet Milanit mendon Gallatasaraj, që ka treguar interes serioz për mesfushorin e qendrës. Sezonin e fundit ai ishte një lojtar stabël në mesfushë për Fulhemin, ku luajti 32 ndeshje në Premier Ligë dhe arriti të shënonte 1 gol dhe të dhuronte 2 asiste.

Një “ujk” largohet nga Ulvs, gati për aventurën e re

Sport Ekspres — Sat, 13 Jul 2019 18:09:48 +0000

Ivan Kavaleiro nuk do të jetë pjesë e Ulvërhampton sezonin e ardhshëm. 25-vjeçari portugez bëri 23 paraqitje në Premier League sezonin e kaluar, duke shënuar tre gola.

Ai tani do të kalojë sezonin 2019/20 në “Cottage Craven”, me Fulhamin, skuadër që siguroi shërbimet e tij në formë huazimi 1-vjeçar me të drejtë blerje. Pasi kaloi te Fulham, Kavaleiro tha: “Unë jam shumë i lumtur që jam këtu dhe që nënshkruaj për Fulhamin.

“Ky është një klub i madh dhe i respektuar, në Angli dhe në pjesën tjetër të botës. Kjo është një mundësi e mirë për mua që të rritem si një lojtar, kështu që unë jam shumë i lumtur që jam këtu”.

Kavaliero kur Ulvs luanin ne Championship

Akord për sulmuesin, një rekordmen niset drejt “Anfield”

Sport Ekspres — Thu, 11 Jul 2019 07:00:52 +0000

Liverpuli është kthyer në ekipin favorit për të marrë shërbimet e talentit të Fulhem Harvi Eliot. Sulmuesi anglez vendosi një rekord historik këtë sezon që lamë pas duke u bërë futbollisti më i ri në që aktivizohet në Premier League në moshën 16 vjeç dhe 30 ditë.

Për shkak të moshës Eliot nuk ka firmosur ende një kontratë me profesioniste, çka e bën atë një lojtarë të lirë në treg. “BBC” raporton se adoleshenti ka dhënë aprovimin për transferimin në veri në Anglisë, ku do t’i bashkohet skuadrës së Jyrgen Klop.

Gjithsesi Fulhem s’do dalë pa gjë nga ky transferim. Për raste të rralla si të Eliot federata angleze ngre komisione të posaçme vlerësimi që detyrojnë klubet të paguajnë shuma të mëdha kompensimi për marrjen e talenteve me kosto 0. Ekspertë të fushës besojnë se Liverpuli do të paguajë rreth 5 milionë paundë për 16-vjeçarin.

“Gjithmonë në hijën tonë”, Juventusi sfidohet nga Londra

Sport Ekspres — Thu, 25 Apr 2019 11:07:42 +0000

Juventusi ka bërë publike fanellat që do të veshë për sezonin e ardhshëm dhe kontestimet kanë qenë të shumta. Tifozët janë kundër, pasi është prekur tradita e vijave bardhezi, që duket se në sezonin e ardhshëm nuk do të jenë më.

Lidhur me këtë çështje kanë reaguar dhe nga Anglia, ku ekipi i Fulhemit njihet që simbolet e saj i ka bardhezi, njësoj si Juventusi. Drejtues të klubit londinez kanë postuar në twitter një foto të fanellës së re të Juventusit dhe një të fanellës së tyre, duke shkuar: “Gjithmonë në hijën tonë”.

Përveçse ngjashmërisë së fanellave, Fulhemi i është referuar edhe triumfit të famshëm që arriti në vitin 2010 ndaj torinezëve në Europa League, ku i mposhti me shifrat 4-1. Gjithsesi, postimi i klubit anglez u fshi menjëherë, por nuk i shpëtoi mediave.

VIDEO | Fulhemi reziston vetëm 5 minuta, Siti marshon

Sport Ekspres — Sat, 30 Mar 2019 14:23:06 +0000

Mançester Siti nuk pati aspak probleme për të mposhtur Fulhemin. Vetëm pesë minuta lojë rezistuan vendasit, ndërsa golat e portugezit Silva dhe Serxho Agueros i dhuruan fitoren e shtatë rresht ekipit të Guardiolës.

Ky trepikësh i ngjit “Qytetarët” në vend të parë me 77 pikë, një më shumë se Liverpuli ndjekës. Portugezi zhbllokoi shifrat me një goditje shumë të bukur, ndërsa Aguero lëshoi një diagonale të pakapshme në minutën e 27-të.

Goli i 19-të në kampionat për “El Kun”, i cili kryeson renditjen e golashënuesve me 19 të tillë. Ndeshja nuk dhuroi më gola, me Sitin që menaxhoi avantazhin e dyfishtë dhe siguroi tre pikët. Humbja e 23-të në kampionat për Fulhemin që renditet në vend të parafundit me 17 pikë, 13 pikë larg zonës së shpëtimit.

Fulhem-Mançester Siti 0-2
(Bernardo Silva 5’, Aguero 27’)

VIDEO | Vendos një penallti, Milner dërgon Liverpulin në krye

Sport Ekspres — Sun, 17 Mar 2019 16:07:58 +0000

Liverpuli hasi shumë vështirësi për të fituar përballë Fulhemit në transfertë. Një penallti e Xhejms Milner, 11-të minuta përpara fundit të ndeshjes, i dhuroi tre pikë të arta në luftën për titull ekipit të Klopit.

Sadio Mane zhbllokoi ndeshjen në minutën e 26-të. Firminjo hodhi një top të bukur në zonë dhe senegalezi kaloi Liverpulin në avantazh.

Vendasit befasuan në minutën e 74-t. Gabime të shumta në mbrojtjen e miqve dhe Babel barazoi shifrat. Megjithatë, Liverpuli u hodh i tëri në sulm dhe gjeti golin e fitores me anë të Milnerit.

Kjo fitore i ngjit “The Reds” në vendin e parë me 76 pikë, dy më shumë se Siti i vendit të dytë, që ka zhvilluar një ndeshje më pak.

Fulhem-Liverpul 1-2
(Babel 74′ / Mane 26′, Milner (pen) 81′)

VIDEO | Fitore dhe goli i shumëpritur, Çelsi triumfon në derbi

Sport Ekspres — Sun, 03 Mar 2019 15:59:22 +0000

Derbi londinez mes Fulhemit dhe Çelsit ishte shumë i luftuar, por në fund do të ishin të besuarit e Sarrit ata që do të triumfonin 1-2. Ndeshja nisi shumë mirë për Blutë e Londrës, pasi Gonzalo Higuain i dha avantazhin në minutën e 20’ të takimit.

Megjithatë, Fulhemi nuk u dorëzua dhe vazhdoi të luftojë që të mos dalë pa pikë. Mbrojtësi Kalum Çejmbërs barazoi shifrat në minutën e 27’ të takimit, vetëm 7 minuta pas rrjetës së Higuain. Ky gol bëri të mendohej se ndeshja mund të fitohej nga të dyja skuadrat, por Çelsi vendosi diktatin në fushë dhe krijoi shumë raste të rrezikshme.

Nuk do të vononte goli i dytë për Çelsit, që u shënua nga një lojtar që pritej shumë. Braziliani Zhorzhinjo gjeti golin e parë me fanellën e Çelsit, pavarësisht se ka luajtur 27 ndeshje në kampionat, të gjitha si titullar. Më në fund, lojtari me pasaportë italiane gjeti golin dhe kjo rrjetë e tij, rezultoi shumë e rëndësishme, pasi i dha triumfin të besuarve të Sarrit.

Premier League, java 28

Fulhem – Çelsi 1-2
Çejmbërs 27’ / Higuain 20’, Zhorzhinjo 31’

“Dilly ding, dilly dong” nuk funksionoi, shkarkohet Ranieri

Sport Ekspres — Thu, 28 Feb 2019 17:03:35 +0000

Të gjithë e mbajmë mend deklaratën e Klaudio Ranierit kur drejtonte Leister Sitin. Atë vit që “Dhelprat” u shpallën kampionë të Premier Ligës, Ranieri i bëri të gjithë për vete, jo vetëm për suksesin që pati me skuadrën e tij në fushën e lojës, por dhe me konferencat për shtyp shumë gazmore, me fjalinë “Dilly ding, dilly dong” si më të përdorurën.

Por ajo periudhë e suksesshme duket shumë larg dhe Ranieri nuk është më i njëjti. Pasi dështoi me Nantën në Francë, Ranieri u rikthye në Premier Ligë për të drejtuar londinezët e Fulhemit, por nuk ia doli që të ishte i suksesshëm.

Rezultatet jo të mira dhe renditja në fundin e tabelës ka bërë që presidenca e klubit të mendojë seriozisht pozicionin e teknikut italian dhe disa minuta më parë, kanë marrë vendimin final: Ranieri nuk do të jetë më trajner i Fulhemit!

Fulham Football Club Chairman Shahid Khan today named Scott Parker as Caretaker Manager, replacing Claudio Ranieri.

? https://t.co/cxx8utJdUy pic.twitter.com/3sikRtiH3I

— Fulham Football Club (@FulhamFC) February 28, 2019

VIDEO | Arsenali pa mëshirë, shkërmoq Bornmuthin dhe sheh vendin e tretë

Sport Ekspres — Wed, 27 Feb 2019 21:35:19 +0000

Arsenali ka shkatërruar Bornmuthin mbrëmjen e sotme, teksa ka triumfuar me shifrat 5-1. Një fitore që e çon në kuotë e 56 pikëve ekipin e Emeri, vetëm katër më pak se vendi i tretë, që mbahet nga Totenhemi.

Sfida nisi menjëherë me gol për “topçinjtë”, të cilët kaluan në avantazh me anë të Mesut Ozil, i cili shënoi vetëm pas katër minutash.

Në minutën e 27-të përsëri protagonist ishte Ozil, i cili asistoi për Mkitarjan, me armenin që shënoi golin e dytë për ekipin e tij.

Gjithsesi, Bornmuth rihapi sfidën me golin e Muset, i cili shënoi tre minuta pas golin të Mkitarjan, duke çuar shifrat në 2-1, rezultat që qëndroi në fuqi deri në fundin e pjesës së parë.

Njësoj si në fillim të ndeshjes, Arsenali shënoi në fillimin e pjesës së dytë, ende pa u mbushur dy minuta. Në zhvillimet e një goditje dënimi, Mkitarjan krosoi në zonë dhe gjeti të lire, Kosielnin, i cili çoi shifrat në 3-1.

Në minutë e 59-të, i zakonshmi Obamejang iu bashkua listës së golashënuesve, teksa shënoi golin e katërt për “topçinjtë”, ku përsëri njeriu asist ishte Mkitarjan.

Shifrat u thelluan akoma më shumë në minutën e 78-të, pas golit të Lakazet, i cili erdhi nga stoli dhe ekzekutoi mjaft mirë një goditje dënimi për të çuar shifrat në 5-1.

VIDEO: Çiçarito shënon me dorë dhe Uest Hemi fundos Ranierin!

Sport Ekspres — Fri, 22 Feb 2019 22:11:11 +0000

Sa vijnë e shtohen hallet për Fulhemin e Klaudio Ranierit. Ekipi londinez u mund në derbin ndaj “fqinjëve” të Uest Hem me rezultatin 3 – 1. Tani ekipi i teknikut italian e gjen veten në vendin e parafundit të tabelës së kampionatit anglez. Skuadrës londineze i duhet të rikuperojë një diferencë prej tetë pikësh për të shpëtuar nga rënia.

GOLI ME DORË I ÇIÇARITOS

Fulhemi e filloi siç duhet ndeshjen me një gol të Rajan Babel që në minutën e tretë, por të zotët e shtëpisë do të barazonin me anë të meksikanit Çiçarito. Sulmuesi i Uest Hem shtyu topin me dorë drejt portës së kundërshtarëve. Fatkeqësisht për Fulhemin sistemi VAR nuk përdoret ende në Angli.

Pa u mbyllur pjesa e parë Uest Hemi përmbysi rezultatin me anë të Diop, ndërsa Antonio shënoi golin që vulosi fitoren e vendasve gjatë kohës shtesë. Humbja e tretë radhazi për Fulhemin dhe me siguri pozitat e Ranierit janë lëkundur jo pak pas këtij 90 minutëshi.

Uest Hem 3 – 1 Fulhem

Merkato e shkuar keq, presidenti i Bordosë shfryn kundër ekipit anglez

Sport Ekspres — Sat, 02 Feb 2019 10:38:19 +0000

Dita e fundit e merkatos është gjithmonë dita më e ngarkuar dhe skuadrat bëjnë maksimumin për të siguruar firmat e futbollistëve, madje edhe duke paguar më shumë në mënyrë që marrëveshja të konkretizohej.

E njëjta gjë ka ndodhur dhe me klubin e Fulhemit, skuadër e cila kërkoi me doemos shërbimet e mbrojtësit të Bordosë, Jusuf Sabali. Lojtari i kombëtares së Senegalit ka një klauzolë prej 12.8 milionë eurosh dhe Fulhemi ishte gati të paguante, por mënyra sesi kanë kontaktuar me lojtarin nuk i ka pëlqyer aspak klubit francez.

President i Bordosë, Frederik Longuepe ka folur sot për “RMC Sport”, ku ka kritikuar ashpër mënyrën se si përfaqësuesit e Fulhemit kanë tentuar të bëjnë merkato: “Jemi njoftuar në orën 20:03 se është paguar klauzola e Sabalit. Fulhemi kishte bindur edhe lojtarin dhe ishte pikërisht ai që na shprehu dëshirën për tu larguar.

Në kushte të tjera, nuk do e ndaloja, por fakti që drejtuesit e Fulhemit nuk më kanë kontaktuar më bëri që ta ndaloja këtë operacion. Nuk më intereson aspak se çfarë problemesh kanë ata, por Sabali do të qëndrojë me ne. Ndoshta, herën tjetër do të dinë sesi bëhet merkatoja”,- përfundoi presidenti.

Yousuff Sabaly, mbrojtësi i Bordeaux

VIDEO | Arsenali nuk zhgënjen përballë Kardif, Ranieri “orkestron” përmbysjen e çmendur

Sport Ekspres — Tue, 29 Jan 2019 21:40:13 +0000

Arsenali ka mundur me rezultatin 2 – 1 Kardifin. Obamejang dhe Lakazet shënuan për “topçinjtë”. Skuadra uellsiane luajti si e barabartë përballë të zotëve të shtëpisë, duke rrezikuar disa herë portën e mbrojtur nga Bernd Leno, por pa mundur të marrin qoftë dhe një pikë nga transferta në Londër.

Me këtë fitore londinezët shkojnë në kuotën e 47 pikëve, po aq sa Çelsi i vendit të katërt, që ka një ndeshje më pak. E veçanta e këtij takimi ishte aktivizimi i Mesut Ozil si titullar në një ndeshje kampionati pas më shumë se një muaji.

Ndeshja më spektakolare e ditës së sotme ishte ajo midis Fulhemit dhe Brajtonit. Vizitorët shtangën londinezët me dy gola të shpejtë, por në pjesën e dytë skuadra e Klaudio Ranieri përmbysi gjithçka, duke shënuar katër gola të njëpasnjëshëm.

Ulverhempton i dha një “shuplakë” Uest Hemit duke mundur londinezët me rezultatin 3 – 0, ndërsa Evertoni mori një fitore me shifre minimale 0 – 1 ndaj Hadërsfilldit të vendit të fundit.

Arsenal 2 – 1 Kardif

Fulhem 4 – 2 Brajton

Hadërsfilld 1 – 2 Everton

Ulverhempton 3 – 0 Uest Hem

Zënka në stërvitje, policia arreston “ngatrrestarin” e Fulhemit

Sport Ekspres — Wed, 23 Jan 2019 21:18:49 +0000

Te klubi i Fulhemit ndodhen në një situatë të pazakontë. Sulmuesi francez Abubakar Kamara është arrestuar ditën e sotme pranë stërvitjes së skuadrës londineze, pasi ky i fundit është përfshirë në një sherr.

Klubi i Fulhemit ka reaguar duke falenderuar policinë për arrestimin dhe ndër të tjera ka lajmëruar se lojtari është i përjashtuar nga çdo aktivitet i klubit.

Telashet për Kamara filluan gjatë një ndeshje të Premier League, ku vendosi të gjuante një penallti, kundër rregullave të trajnerit Ranieri, i cili ekzekutimin e 11-metërshave, ia kishte lënë si detyrë serbit Aleksandr Mitroviç. Për ironi të fatit, Kamara e humbi penalltinë dhe u kritikua ashpër nga trajneri.

Disa ditë më vonë, francezi u përfshi në një sherr në palestër me serbin Mitroviç, çka bëri që klubi ta vendoste në shitje.

Këpuca “kriminale”, Ranieri zbulon dëmtimin qesharak të mbrojtësit të kombëtares

Sport Ekspres — Sun, 20 Jan 2019 22:32:46 +0000

Merkatoja e verës së vitit të kaluar ishte për notën “10” për ekipin e Fulhemit, në rast se do të përqendroheshim te shpenzimet dhe lojtarët e afruar. Gjithsesi, pavarësisht shpenzimeve kolosale për një ekip të sapongjitur, Fulhemi ndodhet në vendin e parafundit në kuotën e 14 pikëve.
Një ndër lojtarët që u afrua me bujë ishte padyshim mbrojtësi i ardhur nga Suonsi, Alfi Mouson, i cili u ble për 17 milionë euro. 25-vjeçari ka qenë titullar fiks në ekipin londinez, por një dëmtim në gju e ka lënë jashtë fushave së fundmi dhe arsyeja që ka pësuar dëmtimin është disi absurde.

Trajneri aktual, Klaudio Ranieri e ka zbuluar vetë arsyen e dëmtimit të mbrojtësit, që ka ardhur në momentin kur Mouson po ndërronte takat që luante. “Ishte një dëmtim shumë i çuditshëm. Ai thjesht po ndërronte takat. Ishte e pabesueshme. I duhet më shumë kohë, nuk e di se sa”, ka mbyllur fjalët e tij numri një i pankinës së Fulhemit.

VIDEO | Dëmtimet dhe Lorente nuk e ndalin, Totenhemi gjen një tjetër “Herri”…

Sport Ekspres — Sun, 20 Jan 2019 18:12:24 +0000

Totenhemi ka arritur të marrë një fitore të çmendur në sfidën ndaj Fulhemit pasditen e sotme, teksa ka shënuar në minutën e 93-të me anë të Herri Uinks, duke përmbysur disavantazhin e pjesës së parë.

Pasditja nisi keq për ekipin e Poçetinos, të cilët vuanin shumë mungesa të rëndësishme, mjafton të përmendim, Herri Kejn të dëmtuar dhe Son, i cili është i impenjuar në Kupën e Azisë. Gjithashtu dhe Lukas Moura është dëmtuar së fundmi dhe nuk ishte i gatshëm.

Fulhemi mori avantazhin e sfidës në minutën e 17-të ku ishte Fernando Lorente, i cili shënoi në portën e tij në mënyrë të çuditshme. Pjesa e parë u mbyll me avantazhin e vendasve, por sidoqoftë, Totenhemi nuk i humbi shpresat dhe në fraksionin e dytë erdhi me besim.

Vetëm gjashtë minuta nga nisja e gjysmës së dytë, ishte Kristian Eriksen, i cili dha një pasim perfekt për Dele Alin, që nuk zhgënjeu duke baraspeshuar gjithçka. Këmbëngulja e “gjelave” vijoi dhe rastet ishin të shumtë, por vetëm në sekondat e fundit arritën të zgjidhnin ndeshjen.

Nkudu me një krosim nga e majta gjeti mjaft mirë Herri Uinks, i cili me kokë shënoi golin e fitores, duke çmendur në festë ekipin e tij. Kështu, “gjelat” e Londrës shkojnë në kuotën e 51 pikëve, duke blinduar vendin e tretë me diferencë prej katër pikësh nga Çelsi.

Sherr ne palestër mes sulmuesve, Ranieri tërbohet dhe merr masën ekstreme

Sport Ekspres — Tue, 15 Jan 2019 13:04:18 +0000

Klubi i Fulhemit në Angli po përjeton një ecuri shumë të keqe në kampionat. Sikur të mos mjaftonin këto problemet në fushën e blertë, londinezëve iu duhet të përballen dhe me zënkat mes lojtarëve të tyre.

Incidenti më i fundit ka ndodhur midis dyshes së sulmuesve Aleksandr Mitroviç dhe Abubakar Kamara. Të dy lojtarët luftojnë për një vend në formacion dhe rivaliteti ka kaluar nga fusha e lojës, në palestrën e skuadrës, ku pati një përplasje fizike mes ture.

Duhet përmendur që situata mes palëve u acarua kur francezi Kamara nuk lejoi serbin të godiste një penallti edhe pse trajneri Ranieri kishte vendosur Mitroviç si gjuajtësin e penalltive.

Sipas asaj që raportojnë mediet londineze, tekniku italian është tërbuar kur ka marrë vesh për përplasjen mes lojtarëve dhe ka kërkuar nga drejtuesit e klubit që të largojnë menjëherë sulmuesin francez, duke përfituar dhe fakti se ndodhemi në periudhë transfertash.

VIDEO | Siti “masakron” Rotherhamin, nuk mungojnë surprizat në FA Cup

Sport Ekspres — Sun, 06 Jan 2019 16:03:51 +0000

Mançester Siti nuk është kursyer aspak në përballjen e “FA Cup” ndaj Rotherhamit. Djemtë e Pep Guardiolës dhuruan spektakël në “Etihad Stadium”, teksa fituan me rezultatin 7 – 0, kundër skuadrës që militon në Championship.

Stërling, Foden Zhezuz, Mahrez, Otamendi dhe Sane shënuan për “citizens”, ndërsa pati dhe një autogol të vendasve. Gjithsesi, në ndeshjet e tjera të këtij raundi të “FA Cup”, nuk munguan surprizat.

Oldham, klub i divizionit të parë eliminoi Fulhemin e Kladio Ranierit me rezultatin 2 – 1, ndërsa raundin e kaloi dhe Barnet, që militon në divizionin e pestë, pasi mposhti me rezultat 2 – 1 Shefill Junajtid, skuadër që luan në Championship.

Mançester Siti – Rotherham 7 – 0
Fulhem – Oldham 1 -2
Milluall – Hull Siti 2 – 1
Preston – Donkaster 1 – 3
QPR – Lids 2 – 1
Shefilld Junajtid – Barnet 0 – 1
Uoking – Uotford 1 – 2

Sherr për një penallti, Ranieri: Desha ta vrisja!

Sport Ekspres — Sun, 30 Dec 2018 09:51:22 +0000

Ndodh shpesh që futbollistët të grinden për një penallti apo për një faull, mjafton të kujtojmë dy sherrxhinjtë Kavani e Nejmar te PSG. Ka raste kur gjithçka kalohet lehtë sepse fitorja ishte siguruar, por ka edhe raste kur sherri në fushë plas në momente mjaft delikate dhe për më tepër lojtari që krijon rrëmujë më pas gabon dhe nuk realizon penalltinë vendimtare.

Kjo ndodhi dje në Fulham-Hadërsfild, në Premier Ligën angleze. Takim shumë delikat, me dy skuadra që po luftojnë për mbijetesë, ndaj fitorja vlente dyfish.

Në minutën e 82-të Fulhami fitoi një 11-metërsh dhe aty nisi kaosi. Sulmuesi Aboubakar Kamara doli kundër urdhrit të trajnerit Klaudio Ranieri, duke rrëmbyer topin për ta gjuajtur vetë.

Serbi Aleksandar Mitroviç, i caktuar si goditës i penalltive, kërkonte topin, lojtarët e tjerë i kërkonin ndihmë Ranierit dhe italiani bërtiste më kot nga pankina, sepse Kamara nuk lëshonte pe, me futbollistët kundërshtarë që shihnin të habitur spektaklin e shëmtuar.

Selfish by Kamara – entire ground (including several teammates!) imploring him to let Mitrovic take the penalty #FulvHud #cravencottage pic.twitter.com/7uw0RaC5Qm

— Jeff Hughes (@SamoJeff) December 29, 2018

Kamara e gjuajti penalltinë dhe e humbi, ia priti portieri kundërshtar. Pak minuta më vonë pikërisht Mitroviç shënoi golin e fitores 1-0 për Fulhamin dhe nisi festa, por pas ndeshjes Ranieri ishte tym.

“E pabesueshme, nuk më ka ndodhur kurrë në karrierë kjo gjë. Kamara nuk respektoi shokët e ekipit, mua, klubin dhe tifozët. Desha ta vrisja në ato momente. Fola me të, nuk kuptonte, nuk pranonte t’ia jepte topin Mitroviçit dhe as kërkoi falje”, tha Ranieri pas ndeshjes. Më siguri Kamara nuk do e shohë më fushën tani e tutje.

Ranieri kthehet në Premier Ligë, merr një tjetër “mision impossible”

Sport Ekspres — Wed, 14 Nov 2018 09:25:04 +0000

Ishte në ajër prej ditësh dhe sot në mëngjes ka ardhur lajmërimi zyrtar: Fulhami ka pushuar nga puna trajnerin Slavisa Jokanoviç.

Shtatë humbje rresht në të gjitha kompeticionet, vetëm një gol i shënuar ndërkohë dhe një lojë mediokre, kanë bërë që serbi të largohet pas tre vitesh në drejtim.

Vendin e tij e merr eksperti i misioneve të pamundura, Klaudio Ranieri. Italiani është hero në Angli, sepse shpalli kampion Lester Sitin, historia me e çmendur e futbollit modern.

Shahid Khan today announced that he has appointed Claudio Ranieri as Manager of Fulham Football Club, replacing Slaviša Jokanovi?.

? https://t.co/BUE1vNnvaO pic.twitter.com/pfxS97ONPG

— Fulham Football Club (@FulhamFC) November 14, 2018

Edhe sezonin e shkuar Ranieri bëri një punë të shkëlqyer me një ekip modest në Nantë në Ligën 1 franceze, ndërsa tani kthehet në Premier Ligë, me një tjetër mision të nderlikuar, sepse i duhet të shpëtojë një skuadër që duket e mbytur dhe e dorëzuar, me vetëm 5 pikë dhe 31 gola të pësuar në 13 ndeshje.

Video | Tris fitoresh për Çelsin e Sarrit, Fulhemi “poker” Bërnlit

Sport Ekspres — Sun, 26 Aug 2018 17:19:04 +0000

Çelsi i Sarrit nuk ndalet dhe ia del dhe në transfertën e vështirë të Njukasëllit. Fitorja e tretë rresht për blutë e Londrës, që bashkohen me Liverpulin dhe Uotfordin në krye të tabeles. Gjithçka ndodhi në minutat e fundit të ndeshjes, ku u shënuan tre gola brenda 11-të minutave.

Hazard zhbllokoi ndeshjen në 76′ me anë të një penalltie. Spanjolli Alonso ishte ai që fitoi penalltinë të cilin belgu e shndërroi në gol. Vendasit nuk u dorëzuan dhe arritën të barazojnë në minutën e 83’. Joselu i ardhur nga stoli goditi bukur me kokë pas një krosimi të Jedlin. Lojtarët e Çelsit protestuan për një faull ndaj Alonsos, por arbitri nuk ndryshoi mendim dhe në “St. James Park” shpërtheu festa.

U duk se ndeshja po shkonte drejt barazimit, por Jedlin shkaktoi një autogol në minutën e 87’, duke i dhuruar fitoren e tretë në ishull, Mauricio Sarrit.

Gola dhe festë në ndeshjen tjetër. Fulhemi mposhti Bërnlein me rezultatin 4-2. Golat e vendasve u shënuan nga Mitroviç (dopietë) dhe Seri, i cili hapi serinë e golave në minutën e 4’. Festë dhe për blerjen e re, gjermanin Shyrle, i cili gjeti rrjetën në minutën e 83’ duke vulosur fitoren e parë të Fulhemit për këtë sezon. Miqtë, të lodhur nga ndeshja me Olimpiakosin në “Europa League”, arritën të shënojnë dy herë në pjesën e parë me anë të Hendrik dhe Tarkovskit, por pa arritur të shmangin humbjen.

Fulhem-Bërnlei 4-2 (Seri 4’, Mitroviç 36’, 38’, Shyrle 83’/Hendrik 10’, Tarkovski 41’)

Njukasëll-Çelsi 1-2 (Joselu 83’/Hazard 76’(p), Jedlin 87’(a))

Njukasëll 0 – | 1 | Çelsi : Hazard (pen) 76’

Njukasëll | 1 | – 1 Çelsi : Hozelu 83’

Njukasëll 1 – | 2 | Çelsi : Jedlin (autgol) 87’

Fulhem bën pazar në Spanjë, kërkon mbrojtësin e Realit

Sport Ekspres — Sat, 04 Aug 2018 15:49:12 +0000

Real Madrid humbi Kristiano Ronaldon pak javë më parë dhe ende nuk po arrin që të gjejë një futbollist që ta pasojë. Gjithsesi kampionët e Europës mund të humbasin një tjetër lojtarë shumë shpejt, pasi Teo Hernandez duket se është gati të pranojnë një aventurë të re, vetëm e vetëm që të ketë më shumë hapësira dhe minuta në dispozicion. Mbrojtësi i lindur në Marsejë ka luajtur vetëm 13 ndeshje në edicionin fundit me teknikun Zidan, por dhe me Lopeteguin vështirë se do të ketë hapësira.

Nga Anglia bëjnë me dije se është gati skuadra që do ta ketë në gjirin e saj, pasi Fulhem kërkon që t’i kërkojë Realit huazimin e 20-vjeçarit. Edhe Real Sociedad e preferon lojtarin në fjalë, por skuadra e ngjitur këtë edicion në Premier League është më e favorizuar.

Anglezët janë gati që ta paguajnë rrogën e mbrojtësit, ndryshe nga spanjollët që duna të gjejnë gjuhën e përbashkët që shpenzimet për francezin t’i ndajnë përgjysmë. Fjala e fundit u takon “galaktikëve” që me shumë gjasa do e pranojnë këtë opsion, pasi është dhe në leverdinë e tyre.

Shyrrle rikthehet në Angli, firmos me klubin londinez

Sport Ekspres — Wed, 25 Jul 2018 08:03:32 +0000

Katër vite më parë Andre Shyrrle, asokohe 23-vjeç, ishte një ndër herojt e Gjermanisë me harkimin e tij në zonë që i parapriu golit të Mario Gëces në finale e kupës së botës ndaj Argjentinës.

Sot sulmuesi gjerman pas dy sezonesh të dështuara me skuadrën e Dortmundit. Në Gjermani ia kanë bërë të qartë që nuk kanë më besim tek ai, prandaj 27-vjeçari ka bërë gati valixhet për t’u rikthyer në kampionatin anglez, aty ku mori famë me skuadrën e Çelsit.

Sipas “Sky Sports”, futbollisti gjerman do të firmosë sot me klubin e Fulhemit. Skuadra londineze është rikthyer në Premier League pas katër sezonesh në Championship dhe Shyrrle është një nga blerjet që do të ketë një rol kyç në mbijetesën ose jo të Fulhemit në sezonin që po afron.