Fukui

Java e sulmuesve, por komandojnë të huajt!

Sport Ekspres — Tue, 18 Sep 2018 09:03:28 +0000

Për një sulmues është shumë e rëndësishme që të zhbllokohet sa më parë. Ana psikologjike ndonjëherë mund të jetë një problem më vete për disa lojtarë dhe veçanërisht për sulmuesit. Java e katërt duket se ishte shumë pozitive për lojtarët që luajnë në repartin e avancuar, pasi një pjesë prej tyre mundën që ta bënin sefte.

Ajo që bie në sy është fakti se ka dominim nga lojtarët e huaj sa i përket shënimit të golave dhe shumë pak futbollistë nga Shqipëria kanë qenë produktiv. Tek Kamza shënuan malazezi Roloviç dhe japonezi Fukui. I pari shënoi golin e parë në Shqipëri, ndërsa Fukui realizoi golin e parë sezonal me Kamzën, pasi luan prej disa edicionesh në Shqipëri.

Në Durrës vendosi sulmuesi nga Mozambiku, Rexhinaldo. 28-vjeçari kishte shënuar dhe më parë, por e rëndësishme është që golat vijën nga sulmuesit. Edhe në Tiranë serinë e golave e hapi Blazhevski. Maqedonasi shënoi një gol me shumë peshë. Pas tij realizuan dhe mbrojtësi turtulli si dhe sulmuesi Greca.

Edhe Skënderbeu gëzon se sulmuesit gjetën golat e parë. Krasniqi realizoi golin e parë ndaj Flamurtarit, ndërsa vendin e tij e zuri më pas Oto Xhon. Edhe nigerianit ju deshën pak minuta për të gjetur golin e parë në Shqipëri.

Fukui bashkohet me Kamzën, Ndreu: Na mungon vetëm një lojtar

Sport Ekspres — Tue, 23 Jan 2018 13:19:54 +0000

Kamza do ta nisë pjesën e dytë të sezonit me një ndeshje mjaft të rëndësishme në fushën e vet të premten, kundër Laçit.

Është një mundësi e mirë për t’u kthyer te fitorja, pas mbylljes zhgënjyese të vitit, që zbehu disi ecurinë perfekte të muajve të parë të sezonit.

Në stërvitjen e sotme Kamza ka qenë e plotë, sepse tashmë është bashkuar me ekipin edhe Masato Fukui. Japonezi nuk mundi të shkonte në Turqi dhe minifazën e janarit praktikisht e bëri te Kastrioti, për të mos mbetur pas në aspektin fizik.

Ndërkaq, trajneri Ramazan Ndreu deklaron se merkatoja e janarit e ka kompletuar Kamzën, por pritet edhe një qendërmbrojtës: “Për sa i përket fazës në Antalia, ishte pak e ngjeshur, sepse luajtëm shumë ndeshje, por na shërbyen, sepse dihet që kur ka shumë ndeshje, skuadra është në ritmin e vet. Mendoj se merkatoja ka qenë e mirë, kemi afruar Zguron në mbrojtje dhe Zeqirin në mesfushë. Pretendojmë që të afrojmë edhe një qendërmbrojtës, që na duhet patjetër për të kompletuar ekipin. Nëse arrijmë të gjejmë një qendërmbrojtës cilësor, të aftë të zëvendësojë pak a shumë Fushtarin, mendoj se do jemi në rregull.

“Për sa i përket ndeshjes me Laçin, do të jetë shumë e vështirë, sepse Laçi ka treguar vlera deri tani dhe është një skuadër agresive dhe në momente të bveçanta të hap probleme,. Megjithatë, jemi përgatitur që në ndeshjen me Laçin të kthehemi te fitorja, sepse në përfundim të dy fazave kemi lëshuar pak, ndaj na duhet patjetër një fitore që do të na jepte siguri e garanci për renditjen”.

Zyrtare/ Fukui firmos me Kamzën

Sport Ekspres — Wed, 02 Aug 2017 13:21:36 +0000

Masato Fukui është goditja e madhe e Kamzës. Japonezi ndodhet në këto momnete së bashku me presidentin Naim Qarri dhe gjithçka është mbyllur me sukses. 28-vjeçari do ta vijojë karrierën e tij së paku dhe për një sezon në Shqipëri. Pas eksperiencave me Tiranën, Skënderbeun, por dhe Kukësin në dy takime, tani mesfushori do të provojë një tjetër eksperencë të re. Kamza të bën goditjen e radhës, duke lëshuar një sinjal të fortë se projekti “SUPERIORE” është afatgjatë.

(FOTO: superliga_shqiptare79)

Fukui shkon në Uzbekistan

Sport Ekspres — Fri, 16 Jun 2017 17:00:44 +0000

Duket se ka përfunduar aventura në Shqipëri për Masato Fukuin. Japonezi i cili në kampionatin Shqiptar luajti për Tiranën, Skënderbeun, por dhe Kukësin për dy ndeshje në kupat e Europës, do të nisë një aventurë me shumë gjasa në Uzbekistan. Siç bëhet e ditur nga burime pranë gazetës, sulmuesi është në provë në një nga klubet vendase dhe pret një përgjigje nëse do t’i ofrohet një kontratë apo jo.

Sezonin e fundit Fukui kaloi një sezon larg pritshmërie, duke u aktivizuar në vetëm 14 takime në kampionat, 10 prej të cilave i nisi nga minuta e parë. Në vitin 2017 japonezi luajti vetëm në dy ndeshje, saktësisht 64 minuta. Shkëlqimin në vendin tonë, 28-vjeçari e arriti në sezonin 2015-2016, kur mbronte ngjyrat e Tiranës.