Raporti i bazuar në monitorimet e sistemit “BFDS” ngre dyshime se persona të caktuar kanë pasur njohuri për rezultatin final të ndeshjes, që u mbyll me fitoren 3 – 1 të Kukësit. Të dyja klubet kanë reaguar në lidhje me këtë lajm duke kundërshtuar këto akuza.

REAGIMI I KUKËSIT

FK Kukësi hedh poshtë akuzat për trukim të ndeshjes me KS Kastriotin, luajtur më 30 Maj 2019 në stadiumin e Kamzës, ku skuadra jonë fitoi me rezultatin 3-1 duke qenë ekip pritës për shkak të mungesës së fushës.

Deklarojmë me përgjegjësi se nuk ka asnjë element që të vërtetojë këtë akuzë. Ekypi ynë e ka pasur jetike këtë ndeshje, për të siguruar vendin e dytë në Kategorinë Superiore dhe për të qenë i sigurt në pjesëmarrjen e kupave të Europës. Ndaj, impenjimi ka qenë maksimal nga skuadra dhe stafi.Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozerinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit.

Nuk është hera e parë që nga tregu i basteve vijnë akuza për Ekipin tonë. Në një rast në Austri, pati një hetim të gjerë dhe të shtrirë në kohë nga prokuroria vjeneze. Pas hetimit 2-mujor, Ekipit  iu kërkua falje, pasi nuk u vërtetua asnjë element i trukimit apo paravendosjes së rezultateve.

FK Kukësi ka luajtur me dinjitet në rreth 100 ndeshje miqësore dhe zyrtare me ekipe të huaja dhe kurrë nuk e ka prishur imazhin e Shqipërisë dhe futbollit shqiptar. Përkundrazi, e ka ngritur lart në shumë stadium të Europës flamurin tonë kombëtar dhe atë të klubit, duke marrë vlerësime maksimale nga institucione, emra të shquar dhe ekipe futbolli elitë në Europë dhe më gjerë.

FK Kukësi, stafi dhe skuadra, nuk do të shpërqendrohen nga insinuate të tilla, por po vijojmë punën për nisjen e sezonit të ri futbollistik, ku synim mbetet titulli Kampion dhe përmirësimi i infrastrukturës, ku përfshihet ndërtimi i stadiumit të ri të futbollit, ku ndeshjet për kupat e Europës do të luhen në qytetin tonë.

REAGIMI I KASTRIOTIT

Reagim kundër gazetës “Panorama Sport” dhe dashakeqësve që duan të prishin imazhin e Klubit tonë.

KS Kastrioti u njoh mëngjesin e sotëm me një tjetër shpifje të ndyrë dhe dashakeqëse ndaj nesh, nga gazeta “Panorama Sport” dhe palë të “dyta”. Siç tashmë është bërë zakon, kjo gazetë vazhdon të sulmojë vazhdimisht ekipin tonë, për interesa të saja, dhe palëve të dyta që i shërben kjo si gazetë. KS Kastrioti është i hapur të ballafaqohet me çdo fakt që i përket çështjes në fjale, dhe nëse kjo gazetë është aq serioze t’i publikojë të gjitha, dhe ne mbajmë përgjegjësi për gjithçka, po mesa duket kjo   gazetë është e kapur, dhe e vënë në shërbim të dikujt. Ne si klub do i drejtohemi organeve kompetente për prishje imazhi dhe do kërkojmë dëmshpërblim për trillime të tilla. Dhe i themi boll, s’lejojmë askënd të hedhë baltë mbi ne dhe ekipin tonë, në të kundërt do përballet ligjërisht me ne.

T’i vijë turp kësaj gazete që në vend të flasë për garë të rregull sportive që i dhuruam kampionatit vitin e shkuar merret me lajme boshe, ishim pikërisht ne që e zbukuruam Superligën sezonin që u mbyll dhe përfundimin e saj e pranuam me sportivitet, këto janë lajmet që duhet të pasqyrojë kjo gazetë.

Edmond Hasanbelliu (Teuta), Refik Halili (Tirana), Geri Burba (Partizani), Pashk Laska (Laçi)  dhe Besnik Kapllanaj (Bylisi) ishin në takim me zëvendëspresidentin e FSHF-së, Edvin Libohova. Ky i fundit do të jetë edhe kreu i Ligës.

Mbledhja e bërë ka pasur tematika të rëndësishme dhe mes shumë gjërave është diskutuar për paketën e re fiskale që do të lehtësonte klubet shqiptare të futbollit nga taksa të ndryshme. Kryeministri Edi Rama ka premtuar lehtësira për ata që investojnë në sport.

Deri më tani ka pasur disa takime, por ende nuk ka asnjë ndryshim. Libohova, pas takimit me drejtuesit e pesë klubeve, ka deklaruar për mediat: “Presim paketën ligjore nga qeveria dhe nëse vendimet aty nuk përputhen me kërkesat tona, atëherë do të shohim si do veprojmë”.

Një opsion është shtyrja e kampionatit, programuar të nisë më 24 gusht. Problemet financiare të klubeve, që kanë borxhe të shumta në Tatim Taksa, sjellin këtë situatë të paprecedentë në futbollin shqiptar. Tirana, Flamurtari, Luftëtari dhe Vllaznia rrezikojnë të mos regjistrohen në kampionat.

Libohova nuk nxitohet të lëshojë ultimatume, apo të konfirmoje shtyrjen e kampionatit. “Duhet të presim draftin e qeverisë, që më pas të japim vendimin tonë”, u shpreh Libohova.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Çmimi i biletës është 2500 lekë. Të gjithë të interesuarit mund të pajisen me bileta nëpërmjet blerjes online në faqen zyrtare të “FSHF”-së, ose në ambientet  e dyqanit zyrtar të FSHF-së në rrugën “Themistokli Germenji”, Tiranë.

Vendet për tifozët shqiptarë janë në seksionet B5, B6, B7 dhe B8, të cilat ndodhen në pjesën jugore të stadiumit në tribunën e katit të parë.

FSHF ka dalë me një lajmërim në faqen e saj, ku kërkon afrimin e sponsorëve të ndryshëm për blerjen e emrit të stadiumit. Çdo kompani e interesuar duhet të plotësojë disa kushte. Fituesi do të bëhet zyrtarisht sponsori i ri i FSHF-së për stadiumin kombëtar.

Data 15 gusht është dita e fundit e paraqitjeve të ofertave, ndërsa FSHF sqaron gjithçka në deklaratën e mëposhtme.

LAJMËRIMI I PLOTË I FSHF-SË

Federata Shqiptare Futbollit njofton se po kërkon një sponsor për stadiumin e ri kombëtar. E drejta për të qënë sponsor përfshin blerjen e të drejtave të emrit të stadiumit të ri si dhe perfitime të tjera.

Çdo kompani e interesuar duhet të permbushë kriteret bazë që janë:

• Të jetë një kompani me një xhiro prej të paktën 10 milion euro në vit
• Të jetë një kompani që gëzon emër të mirë dhe reputacion të rëndësishëm kombëtar dhe/ose ndërkombetar

Shitja e të drejtave të emrit do të ketë një afat minimal prej 5 vitesh dhe një çmim dysheme prej 600 mijë euro në vit.

Çdo subjekt që vlerëson se përmbush kriteret e mësipërme dhe shfaq interes për ofertën duhet të paraqes një letër për shfaqje interesi  deri më datën 15 Gusht 2019.

Shfaqja e interesit do të konsistojë në një letër ku të parashtrohet deklarimi i kompanisë se është e interesuar dhe të paraqitet dokumentacion bazë për xhiron e kompanisë dhe një CV të saj në lidhje me veprimtarinë në vendin tonë apo jashtë tij.

Procedurat e mëtejshme të zgjedhjes së kompanisë do ju njoftohen vetëm kompanive që do të shprehin interes, në një moment të dytë.

Tirana:

U prehsh ne paqe Fatmir Frasheri

Eshte ndare sot nga jeta Fatmir Frasheri, nje nga ikonat e familjes bardheblu. Ish futbollist, trajner dhe pjese e rendesishme e historise se klubit.

Klubi i Futbollit Tirana i gjendet prane familjes Frasheri ne kete moment te veshtire.

NGUSHËLLIM

Me keqardhje të thellë mësuam sot lajmin e ndarjes nga jeta në moshën 78 vjeçare të ikonës së futbollit shqiptar Fatmir Frashëri nga një sëmundje e rëndë. Frashëri një prej kolosëve të futbollit tonë ishte emblemë e klubit të Tiranës si lojtar në vitet 60 – 70 duke fituar 4 Tituj Kampion të Shqipërisë. Si trajner ai drejtoi me mjaft sukses ekipet e Tiranës, Besës, Naftëtarit dhe Dinamos. Gjithashtu Frashëri për 3 vite ishte pjesë e Partizanit, skuadër me të cilën fitoi edhe 2 tituj të tjerë Kampion të Shqipërisë në sezonet 1962 – 1963 dhe 1963 – 1964. Frashëri mbajti veshur për 12 ndeshje edhe fanelën e ekipit tonë përfaqësues. Njëkohësisht ish mbrojtësi brilant është vlerësuar me titujt “Mjeshtër i Madh” dhe Mjeshtër i Merituar .

Klubi i Futbollit Partizani i përcjell ngushëllimet më të sinqerta familjes dhe të afërmve, për këtë humbje të madhe.

U prehsh në paqe ikona Fatmir Frashëri!

FSHF:

Futbolli shqiptar sot ka humbur një nga figurat më të mëdha. Pas një sëmundje të rëndë, është ndarë nga jeta në moshën 78 vjeçare ish-futbollisti i shkëlqyer i Tiranës dhe Kombëtares, “Mjeshtri i Madh”, Fatmir Frashëri.

Fatmir Frashëri ka lënë shenjë në futbollin shqiptar nga fundit viteve 50-të deri në fillimin e viteve 70-të, si një mbrojtës i shkëlqyer, me një qetësi të admirueshme dhe personalitet të jashtëzakonshëm brenda dhe jashtë fushave të blerta, duke u cilësuar nga të gjithë si një ndër më të shkëlqyerit e brezit të tij. Frashëri ka kontribuar në futbollin shqiptar për shumë vite edhe në pozicionin e trajnerit për shumë vite si edhe President i Klubit të Futbollit Tirana.

“I tronditur dhe me hidhërim të thellë, dëshiroj të ndaj me ju lajmin e trishtë se Fatmir Frashëri, ish-mbrojtësi i madh i Kombëtares dhe Tiranës, President klubi, mik dhe dashamirës i madh i futbollit, është ndarë nga jeta përgjithmonë. Në këtë moment të vështirë për të gjithë ne, familjen e tij, miqtë dhe të dashurit, besoj dhe shpresoj që kjo humbje e pakthyeshme të lërë brenda nesh kujtimin më të mirë për Fatmirin. Në emër të Federatës Shqiptare të Futbollit dhe gjithë familjes së madhe të futbollit shqiptar gjej rastin t’i shpreh familjes dhe miqve të tij ngushullimet më të sinqerta për humbjen e njeriut më të dashur. Kujtimet që na ka lënë, do të jenë të paharruara”, ka deklaruar Presidenti i FSHF-së, Armand Duka, sapo ka mësuar lajmin e dhimbshëm.

REAGIMI – Pasi jemi njohur me përmbajtjen e buletinit mediatik të CAS, datë 12.07.2019, lidhur me ankimin e bërë nga KF Skënderbeu kundër vendimit të Komisionit të Apelit të UEFA-s, ndiejmë detyrimin ndaj sportdashësve dhe qytetarëve të Korçës për të qenë sa më transparent ne lidhje me hapat e mëtejshëm të cilat do të ndiqen për rivendosjen e të drejtave tona të dhunuara barbarisht nga sistemi i drejtësisë sportive.

Së pari, vendimi i CAS në formën e tij të plotë dhe integral nuk i është komunikuar ende KF Skënderbeut, veprim i cili nën dritën e ngjarjeve të ndodhura, nuk është më i dyshimtë. Kjo pasi i gjithë procesi ndaj klubit tonë ka qenë i paragjykuar, i njëanshëm dhe i paracaktuar që prej vitit 2016.

Nuk mundet të mos jetë i paragjykuar një proces ku KF Skënderbeu është dënuar në bazë të gjoja përceptimit publik të klubit dhe të personave lidhur me të, perceptim të cilin institucioni i UEFA-s, veçanërisht inspektorët e lidhur me çështjen kanë tentuar të krijojnë, përmes metodave dhe formave nga më të paskrupullta. Në lidhje me këtë, është e rastit të përmendet se ndaj inspektorëve të UEFA’s përgjegjës për hartimin e raporteve kundër klubit tonë, konkretisht Z. Dhont dhe Z. Lietard, aktualisht, ekzistojnë padi penale dhe civile për shpifje në organet kompetente Zvicerane.

Nuk mund të mos jetë i njëanshëm një proces i cili mbështetet mbi raporte të cilat nuk kane asnjë bazë të provuar shkencore dhe të cilat nuk kanë të bëjnë fare me analiza të mirëfillta sportive. Është e papranueshme që CAS të marrë si të mirëqena raportet e BFDS, sistem për të cilin askush nuk ka dijeni si funksionon, përfshirë edhe CAS-in.

Është e papranueshme që CAS të mos marrë në konsideratë raportet shkencore të ekspertëve të basteve sportive dhe të ekspertëve sportiv të KF Skënderbeut, të cilët në mënyrë metodike dhe shkencore kane hedhur poshtë çdo argument të ngritur nga UEFA.

Mbi të gjitha, është e papranueshme që të mos merren në konsiderate mbi 50 kundër-prova të paraqitura nga pala jonë, kur nga ana tjetër, e gjithë strategjia e inspektorëve të UEFA-s mbështetej mbi dëshmi personash anonim (as identiteti i tyre nuk na është bërë i ditur) ose personash të cilët kanë konflikt të hapur interesi në lidhje me procesin.

Nuk mund të mos jetë i paracaktuar një vendim për të cilin vendimmarrës janë njerëz me lidhje direkte ose indirekte me palën akuzuese. Në lidhje me këtë, KF Skënderbeu kishte bërë kërkesë për përjashtimin e kryetarit të trupës arbitrale, i cili, në mënyre të shprehur kundërshtonte kërkesën tonë, në një kohë kur detyrimi i tij deontologjik është tërheqja nga gjykimi i çështjes në rast të kërkimit të argumentuar të njërës prej palëve.

Është e qartë që emërimi i këtij personi ka qenë në funksion të mbrojtjes së interesave të inspektorëve të UEFA-s dhe personave të lidhur më këtë institucion. Në kushtet kur 2 nga 3 arbitrat e çështjes kanë qenë të mandatuar për të mbrojtur njërën palë, i vetmi konkluzion logjik është parapërcaktimi i rezultatit final.

Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasade dhe mburojë e një sistemi të kalbur dhe të korruptuar që ekziston brenda institucioneve të qeverisjes sportive.

Në këto kushte, me vetëdijen që beteja ligjore në këtë sistem drejtësie është e kotë, bëjmë me dije se, pas konsultimit me përfaqesuesit tanë ligjore, brenda muajit Korrik 2019, KF Skënderbeu do të paraqesë rekurs pranë Gjykatës Federale Zvicerane kundër vendimit të CAS datë. 12.07.2019. Duke qenë të bindur mbi pafajësinë tonë, ruajmë besimin se e drejta do të vihet në vend.

Së fundmi, bëjmë me dije sportdashësit dhe mbështetësit tanë se KF Skënderbeu do të vazhdojë aktivitetin e tij më të njëjtin përkushtim, vizion dhe ambicie për të arritur rezultate edhe më të mira se ato të sezoneve të shkuara.

Kur flasim për ndryshime, i referohemi Kategorisë së Parë, që me struktur dhe skemën e kaluar, në fazën e tretë kthehej në një formalitet zyrtar, por edhe në një mundësi tolerimi e abuzimi, sepse skuadrat që dilnin nga objektivat bëheshin objekt i “elementit të ri”!

Në fazën e tretë të sezonit 2019-2020 nuk do kemi ndarje të zonave (Play-off dhe Play-out) me numër të barabartë të skuadrave dhe pikët e tyre nuk do të përgjysmohen. Në Play-off do të luftojnë 4 skuadra, ku dy të parat ngjiten automatikisht në Superiore, ndërsa vendet e 2-ta të dy grupeve luajnë një finale dhe fituesi ndeshet me vendin e 8-të të Kategorisë Superiore.

Ndryshe ndodhte në sezonet e kaluara, kur zonat Play-off dhe Play-out kishin nga 5 skuadra dhe çdo javë njëra skuadër dilet pushim. Në zonën Play-out do të luajnë skuadrat që renditen nga vendi i 5-të në vendin e 10-të në dy grupet A dhe B.

Nga Kategoria e Parë do të zbresin në Kategorinë e Dytë vendi i 9-të dhe vendi i 10-të në të dy grupet, A dhe B. Ndërkohë që vendi i 8-të i Grupit A do të luajë ndeshje Play-off me vendin e 2-të të Kategorisë së Dytë, Grupi B. Vendi i 8-të i Grupit B do të luajë ndeshje Play-off me vendin e 2-të të Kategorisë së Dytë, Grupi A. Fituesit do garojnë në Kategorinë e Parë sezonin pasardhës.

AGRON KAJA

Flamurtari është një nga ato që rrezikon më së shumti, ndërkohë që në të njëjtat ujëra janë edhe Vllaznia, Tirana e Luftëtari. Të katër këto klube i kanë sytë nga qeveria, me shpresën se do të ketë ndonjë amnisti për borxhet që kanë në sigurime.

Bëhet fjalë për shifra të frikshme, që shkojnë deri në 1 miliard lekë. Refik Halili, presidenti i Tiranës, në njëfarë mënyrë ia kërkoi diçka të tillë kryeministrit Edi Rama në takimin e bërë rreth tre muaj më parë. Asokohe u premtua shumë, por nuk u bë asgjë.

Paketa e re fiskale është një shpëtim dhe FSHF i ka bërë sugjerimet e saj në Ministrinë e Financave dhe të Ekonomisë. Nuk ka optimizëm që qeveria do t’i plotësojë kërkesat e klubeve, që rrezikojnë shumë, madje katër klube elitare të përmendura më lart rrezikojnë pjesëmarrjen në Superiore sezonin e ardhshëm.

Skuadrat do të vazhdojnë të mbeten në dy grupe me nga 10 skuadra, por ka ndryshime në mënyrën e ndarjes së skuadrave pas fazës së dytë. Tanimë ndarja nuk do të prekë pesë ekipet e kreut dhe pesë ekipet e pjesë së poshtme të tabelës, por katër ekipet e kreut dhe gjashtë ekipet e pjesës së poshtme.

Ndryshim tjetër i rëndësishëm është dhe fakti që tani e tutje s’do të ketë më përgjysmim pikësh, pra skuadrat do të ruajnë pikët e plota edhe pas ndarjes së grupit.

Në sezonin e ardhshëm skuadrat e Kategorisë së Parë do luftojnë edhe për vendin e dytë. Skuadrat të cilat renditen të dytat do t’u jepet mundësia të ndeshen në një finale me një takim, ku fituesi i secilës do t’i jepet shansi për t’u ngjitur në Kategorinë Superiore falë një ndeshje “play-off” me skuadrën e renditur e teta në Kategorinë Superiore.

Dy vendet e fundit të Grupeve A dhe do B do të bien menjëherë në Kategorinë e Dytë, ndërsa skuadrat e renditura në vendin e tetë do të zhvillojnë një ndeshje play-off me skuadrat e renditura të dyta në grupet e kundërta të Kategorisë së Dytë.

Kategoria e Parë dhe e Dytë do të reduktojnë gradualisth numrin e ekipeve duke filluar nga sezoni i ardhshëm.

Skema e Kategorisë së Parë për katër sezonet e ardhshme do të jetë:

Sezoni 2019-2020 me 20 skuadra

Sezoni 2020-21 me 18 skuadra

Sezoni 2021-2022 me 16 skuadra

Sezoni 2022-2023 me 14 skuadra

Skema e Kategorisë së Dytë për katër sezonet e ardhshme do të jetë:

Sezoni 2019-2020 do të jetë me 26 skuadra

Ssezoni 2020-2021 me 24 skuadra

Sezoni 2021-2022 me 22 skuadra

Sezoni 2022-2023 me 20 skuadra. 

Kategoria e Parë do të fillojë më datë 14 Shtator dhe do të përfundojë në datë 16 Maj.

Kategoria e Dytë do të fillojë më datë 21 Shtator dhe do të përfundojë më datë 16 Maj 2020.

Vendet e dyta në të Parën përballen mes tyre në një ndeshje finale dhe luajnë me vendin e tetë të Superiores, në fushën e këtyre të fundit. Në këtë ndryshim kjo është ajo çka han diskutim, pasi sikurse kuptohet favorizohen ekipet që garojnë në elitë.

Ndërkohë është përcaktuar edhe se kur nis kampionati: më datë 24 gusht 2019. Java e fundit zhvillohet 23 Maj 2020. Nuk ka ndryshim për Superkupën, që do të luhet më 18 gusht të vitit 2019. Vendim i rëndësishëm ishte edhe rrëzimi i kërkesës së ligës për të çuar në pesë numrin e të huajve që lejohet të luajnë në një ndeshje të Superiore. Sërish do lejohen vetëm katër të huaj.

LICENCIMI – “KE vendosi shtyrjen e mbledhjes se Komisionit të Licencimeve të klubeve për dhënien e licencave të Kategorisë Superiore për edicionin 2019-2020. Afati i fundit për pranimin e dokumentacioni përkatëse konform Rregullores së Licencimit të Klubeve për pjesëmarrjen në veprimtaritë e FSHF-së, Neni 13, dhe Pika V e Aneksit I (Kriteret Financiare) do të jetë data 31 Korrik 2019.

Në rast se edhe pas këtij afati, kriteri financiar nuk do të jetë përmbushur, materialet do t’i paraqiten Komisionit të Licencimit të Klubeve në gjendjen aktuale, çka do të thotë se klubi mund të rrezikojë mosmarrjen e licencës e për rrjedhojë edhe mospjesëmarrjen në kampionatin Kombëtar të Kategorisë Superiore për sezonin 2019-2020”, njofton FSHF.

“Ne kemi propozuar që deri ne 30% e tatimit mbi fitimin të njihet si shpenzim i zbritshëm kur këto të ardhura i shkojnë sportit. Me këtë mënyrë do të na afrohen shumë sponsor. Synojmë dhe disa insentiva të tjera si ulja e tvsh-së nga 20% në 0 deri 5% ose shmangia e tatimit mbi të ardhurat personale mbi futbollistët elitarë për të paktën pesë vite. Me këtë paketë do nxisim formalizimet e kontratave të lojtarëve dhe do të kemi një ide të qartë të bilanceve të klubeve shqiptare”.

“Pjesa dërrmuese e propozime është dakordsuar. Ka një debat mbi zbritjen e shpenzimeve nga tatimi mbi fitimin, ne po këmbëngulim për këtë gjë, pasi është diçka më rezultative. Miratimi i ligjit në Kosovë do të na ndihmojë pasi unë në kam besim që ditën kur ky ligj të jetë në parlament, ky ligj do miratohet”.

“Në prag të fillimit të sezoni të ri, liga ka filluar që të kërkojë të ketë zërin e vetë në veprimtaritë futbollistike. Jemi duke punuar për të pasur pjesëmarrje në komisionet e federatës. Jemi duke paraqitur kandidaturat tona përomisionin e disiplinës, atë të caktimit të arbitrave dhe vëzhguesve. Shpresoj që vitin e ardhshëm ne t’i kemi marrë të gjitha funksionet organizative. Gjithashtu shpresoj që të rrisim të ardhurat. Tani marrim para vetëm nga shitja e së drejtës televizive, ndërsa në të ardhmen synojmë të gjejmë një sponsor për emrin e ligës, siç e ka Kosova IPKO-n”.

Reagim i menjëhershëm nga klasa politike, që sot u mblodh në një seancë plenare të jashtëzakonshme dhe klubet në Kosovë mund të buzëqeshin. Në Shqipëri ende jo, madje edhe ligjin që mendohej të parandalonte dhunën në stadiume ende nuk e kanë kaluar. Propozimet për një paketë të re fiskale as që kanë ndërmend t’i marrin parasysh komisionet e posaçme parlamentare.

Është çështje vullneti dhe në Shqipëri mungon. Mungon edhe ai mendimi që sporti është një e mirë publike dhe duhet mbrojtur, duhet mbështetur dhe zhvilluar. Ato të ardhura që do t’i mungojnë buxhetit i kthehen shoqërisë në forma të ndryshme. Sigurisht të mirat “e padukshme” të sportit nuk është se “i hyjnë në xhep” politikanëve tanë.

SUPERIORJA – Shuplaka e parë ishte për klasën politike. Në Kosovë “i mbyllën sytë” dhe votuan në të mirë të sportit. Shuplaka tjetër ishte për Superioren, kampionatin elitar të futbollit në vend. Kjo verë i ka trazuar shumë gjërat, pasi drejt klubeve dardane po shkojnë një numër i madh lojtarësh. Pse ndodh diçka e tillë?

Pagat. Ofertat që po marrin lojtarët në vendin tonë nga klubet që garojnë në Ipko Superliga janë marramendëse. Në vendin tonë një pjesë e mirë e tyre nuk marrin as gjysmën, pasi klubet gradualisht e kanë kuptuar që duhet pasur kujdes me pagat. Në Kosovë nuk e kanë problem, Ligji për Sponsorizimet ua jep një dorë.

Të ndodhur në këto kushte, tashmë klubet e Superiores do të duhet të bëhen bashkë dhe të kërkojnë rritjen e numrit të të huajve në kampionat. FSHF e ka kundërshtuar shpesh dhe me të drejtë, por me këtë eksod të lojtarëve nga Shqipëria drejt Kosovës, mund të shikohet si shpëtimi i vetëm për momentin. Ose ndoshta duhet sërish bojkot, që qeveria të kujtohet se ka premtuar diçka që duhet ta realizonte në 100 ditë. Koha ka ardhur që politika ta marrë me seriozitet sportin. Boll më!

NDESHJET NDAJ ISLANDËS DHE MOLDAVISË  – “Ekipi i njëjtë është. Në këndvështrimin tim në këto dy ndeshje ka pasur një dëshirë më të madhe, më shumë besim dhe një atmosferë më pozitive. Ndaj Islandës meritonim më shumë. Duke parë statistikat dhe rastet mendoj se meritonim të paktën 1 pikë. Me më shumë përqendrim ekipi mund ta kishte evituar. Në Islandë luajtëm më mirë. Kundër Moldavisë gjithçka ishte shumë më e vështirë. Skuadra kishte shumë presion dhe goli vonoi. Patëm pak fat te goli. Fatmirësisht shënoi Cikalleshi, i cili kishte kohë që nuk shënonte. Moldavia ishte një ekip që luante futboll, bënte qarkullim topi. Unë mendoja se do rrinin vetëm në mbrojtje”.

EDI REJA – “Përveç se është një ekspert futbollit është një njeri goxha i komunikueshëm. Di të motivojë ekipin e ti marrë gati 100%-shin skuadrës. Taktikisht edukon shumë mirë ekipin. E kisha menduar më parë Edi Rejën. E tentova disa vite më parë, por ai nuk donte të vinte në Shqipëri në atë kohë”.

GRUPI – “Grupi ka qenë i vështirë që në fillim. Nëse bëjmë maksimumin tonë mund të arrijmë gjithçka. S’po flas për ndeshjet ndaj Moldavisë dhe Andorrës, duhet të bëjmë mirë ndaj Islandës, Turqisë dhe Francës. Asgjë s’është e pamundur. Turqia mundi Francën duke dominuar e më pas u mund me Islandën. Përse mos ta bëjmë dhe ne, qoftë edhe me Francën.

KOSOVA – “Patjetër që i kam parë ndeshjet me Malin e Zi dhe Bullgarinë. Ka qenë ndeshje të interpretuara shumë mirë. Është e rëndësishme që ka një atmosferë shumë pozitive jo vetëm në ekip, por gjithkund. Në ndryshim nga ne, atmosfera rreth ekipit kombëtar ka ndryshuar shumë. Kur ishim në Europian s’dinim ku t’i fusnim personat “VIP” dhe politikanët, sot nuk na vjen kush. Tani kjo ndarje është fakt, duhet të bëjmë më të mirën që të dyja ekipet të jenë sa më të përgatitura”.

ARENA KOMBËTARE – “Është e vështirë, por do bëjmë maksimumin që të luajmë më 11 shtator me Islandën. Inspektorët e UEFA-s do ta kontrollojnë në gusht. Nj problem tjetër është fakti që është e detyrueshme që të ketë ndeshje testi. Pa dashur të kaloj topin ka dhe një problem me sheshin përballë stadiumit, ku bashkia po ndërton një parkim nëntokësor. Gropa është hapur dhe parkingu është përfunduar, por tani duhet të mbyllur, çka më duket e vështirë të bëhet në kohë”.

ZYRAT E FSHF – “Besoj se brenda e këtij viti do mbyllen zyrat, por ne duam që të futemi kur të mbyllet tërësisht kompleksi me 2 ministadiumet. Është një kompleks që i ka të gjitha. Aty do qëndrojë ekipi A dhe ato të moshave. Aty mund të zhvillohen edhe turne për moshat në të ardhmen. Besoj se e kemi zbukuruar atë pjesë të Tiranës me një vepër të bukur arkitektonike”.

Pjesëmarrja e klubit futbollistik Lugina në Kupën “Pavarësia”, mbështetje nga FSHF për Klubin Lugina në bazë materiale (uniforma,topa etj), pjesëmarrja në seleksionimet e grupmoshave në FSHF, licencimet e trajnerëve; UEFA C dhe UEFA B në FSHF dhe trajnimet për arbitrat, këto ishin pikat ku Armand Duka, pasi ka ndjekur rezymenë e paraqitur u afroi ndihmë shqiptarëve nga Lugina e Preshevës.

Duka garantoi plotësimin e të gjitha kërkesave që ata paraqitën, e njëherësh ngarkoi një grup pune për të ndjekur detajet e plotësimit të tyre, por edhe garantoi mbështetjen institucionale e personale për zgjidhjen e problemeve që ka futbolli në këtë krahinë. Në fund, ai pranoi me kënaqësi, kërkesën për të vizituar Preshevën dhe për tu njohur nga afër me problematikën e futbollit në krahinën e saj.

Tryeza “Siguri-Reformim-Modernizim” ka 102 ditë që është mbledhur. Nga atëherë ka pasur edhe takime të FSHF-së me Ministrinë e Financave dhe Ekonomisë. Vetë kreu i federatës, Armand Duka, e ka thënë edhe më parë që kërkesat e tyre nuk do të plotësohen nga qeveria. Takimet e bëra e kanë bindur atë.

FSHF hartoi edhe një draft, duke u konsultuar edhe me klubet. Kërkesat ishin këto: “Formalizimi i klubeve profesioniste, duke bërë 0 tatimin mbi të ardhurat dhe sigurimet shoqërore të tyre për sa paku 5 vite. Tvsh 0 për investimet në sport dhe materialet sportive, terrenet sportive t’u kalojnë klubeve pa shpërblim, për çdo investim në infrastrukturë nga klubet qeveria të kontribuojë me 50 %, disa ndryshime në Ligjin për Sportin, disa ndryshime në Kodin Penal për të mbrojtur atmosferën sportive, hartimin e Ligjit të Sponsorizimit në Sport, ku kompanive 30% e taksave u zbriten për investime në sport”.

ÇFARË DEKLARONTE RAMA – Më 11 mars, përpara mediave dhe përfaqësuesve të botës së sportit, Rama deklaronte: “Duhet t’i japim fund teatrit që bëjnë klubet shqiptare në aspektin e deklarimit të pagave të lojtarëve. Boll më me lojtarë që deklarohen paguhen sikur punojnë në fasoneri. Kjo nuk mund të vazhdojë. Jemi të gatshëm ta zerojmë tatimin nga fitimi për lojtarët për disa vite me kushtin që të deklarohen të ardhurat e futbollistëve.

Dhe kohën ta përcaktojmë, 5, 7 apo 10 vjet. Duhet te heqim taksat mbi ndërtimet sportive, njësoj siç kemi bërë për Hotelet me 5 yje, për Agro-Turizmin, s’kemi pse mos ta bëjmë për ndërtimet sportive, si dhe uljen në 6% të TVSH. Nuk është se ne jemi duke ndërtuar stadiume në të katër anët e vendit dhe po na goditet buxheti. Është një fazë që kemi nevojë për t’i dhënë një shtytje përpara futbollit, dhe për ta kthyer futbollin nga një aktivitet të organizuar me pasion dhe tifozllëk në një industri të mirëfilltë”.

SITUATA AKTUALE – Asgjë nuk ka ndodhur. Sot pritej të kalonte ligji që dënon dhunuesit në stadiume, por edhe ai nuk kaloi. Për paketën e re fiskale apo propozimet që FSHF ka bërë në emër të klubeve, ende qeveria nuk është gati të krijojë lehtësira dhe t’i japë “oksigjenin” e nevojshëm sportit dhe futbollit në veçanti. Ardjan Takaj e dinte se do ndodhte kështu, gjithashtu edhe shumë të tjerë e kanë menduar. Fundja nuk është se nga politika ka ardhur ndonjë e mirë për sportin, veç ndonjë stadiumi që detyrimisht duhet të jetë multifunksional. Për të parë të bëhet një fushë stërvitore, ndoshta duhet pritur viti 2354…

VLADIMIR PRENGA

“Çdo ndeshje është shumë e rëndësishme, por për ne ndoshta kjo fitore ka më shumë rëndësi për faktin se kemi bërë pak rezultate pozitive. Uroj që t’i ketë kthyer fat ekipit dhe të kthejë atmosferën pozitive rreth ekipit kombëtar, që është arma më e fuqishme për të arritur te suksesi”.

“Jam më i kënaqur me këtë loje dhe këtë rezultat. Bëmë lojë më të mirë në Islandë, ne komanduam lojën, ato morën rezultatin. Unë mendoj se sot patëm edhe lojë edhe gabim”.

TRAJNERI – “E vetmja vërejtje që më kanë bërë kur kam zgjedhur Rejën trajner është mosha e madhe e tij, 73 vjeç. Për të tjerat s’kam pse flas, është një trajner shumë i mirë. Ka kontribuar maksimalisht me atë që mund të bënte për pak ditë. Ndryshoi atmosferën tek ekipi dhe ngriti besimin te lojtarët”.

GRUPI – “Nuk mund të themi se jemi i afruar vendit të dytë meqë jemi me 6 pikë dhe kundërshtarët kanë nga 9 pikë. Ky grup ka pasur vetëm 3-pikësha deri tani , besoj se do të ketë dhe 1-pikësha, uroj që mos të jemi ato që do barazojmë. Është një grup i fortë. Çdo njeri që ndjek futboll mendon se Franca është favoriti kryesor, Turqia dhe Islanda pak më pak dhe Shqipëria afër tyre. Gjithsesi ne kemi për detyre të luftojmë deri në fund”.

Të nënta klubet e Superiores aplikuan përveç Kamzës, që u përjashtua dhe u dënua me rrëzim në Kategorinë e Dytë. Ky proces nisi në muajin dhjetor të vitit të kaluar dhe u mbyll në muajin prill.

Gjatë periudhës janar-shkurt janë zhvilluar takime dypalëshe, ndërsa klubet janë monitoruar nga FSHF, sidomos për aspektin financiar. Pesë kanë qenë kriteret e kërkuara nga UEFA dhe FSHF: Kriteri Sportiv, Kriteri i Infrastrukturës, Kriteri i Administratës dhe Personelit, Kriteri Ligjor dhe Kriteri Financiar, i cili është edhe më i rëndësishmi ndër të pestë.

Përfaqësuesit e klubeve kanë dorëzuar dokumentacionin e plotë, që u është dorëzuar ekspertëve të çdo kriteri, të cilët kanë bërë vlerësimin dhe kanë dhënë konkluzionet.

Sipas njoftimit të FSHF-së, vendimet e marra nga Komisionet e Licencimit u janë komunikuar klubeve aplikante, ndërsa të hënën do të mësohen edhe emrat klubeve që kanë marrë dritë jeshile për të përfaqësuar Shqipërinë në Kupat e Europës.

Luzi dhe Shkumbini janë gjobitur pas përballjes mes tyre në play-off, ndërkohë që Flamurtari i futsallës e pëson më keq: humb në tavolinë dhe një lojtar i pezullohet me 24 muaj për shkak të dhunimit të zyrtarit të ndeshjes.

Çudia vjen me Shënkollin U19, që dënohet me katër ndeshje pa tifozë. Një Zot e di pse, edhe pse gjasat janë që të kemi të bëjmë me një lapsus. Finalja e kampionatit të 17-vjeçarëve, Tirana-Shënkolli, pati probleme. Sende të hedhura në fushë, protesta të shumta dhe tension mes lojtarëve. Për momentin, deri kur FSHF të sqarojë, dënimin e ka marrë Shënkolli U19. Gëzuar!

VENDIMET E DISIPLINËS
-KF “Luzi 2008”, për sjellje të gabuar të spektatorëve duke hedhur sende brenda rrethimit të fushës e përdorur shprehje fyese, në bazë të Nenit 66/2 të KDS, dënohet me gjobë në masën 100.000 (njëqindmijë). Në aplikim të Nenit 136/1/b të KDS, gjoba shlyhet në masën 20%.

– KF “Shkumbini”, për sjellje të gabuar të spektatorëve duke hedhur sende brenda rrethimit të fushës së lojës, në bazë të Nenit 66/2 të KDS, dënohet me gjobë në masën 100.000 (njëqindmijë). Në aplikim të Nenit 136/1/b të KDS, gjoba shlyhet në masën 20%.

– Zyrtari i KF “Shënkolli” U-19, Kristjan Gjidodaj, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktiviteti.

– Zyrtari i KF “Shënkolli” U-19, Selajdin Muça, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktiviteti.

– KF “Shënkolli” U-19, për sjellje të gabuar të spektatorëve duke hedhur sende brenda rrethimit të fushës duke shkaktuar akte dhune dhe ndërprerje të përkohshme të lojës, në bazë të Nenit 66/3/b) të KDS, dënohet me zhvillimin e 4 (katër) ndeshjeve pa spektatorë në stadiumin përkatës.

– Lojtari i Flamurtari futsal, Karlo Kalus, për dhunë ndaj zyrtarit të ndeshjes, në bazë të Nenit 49/2/b të KDS, dënohet me 24 (njëzetë e katër) muaj pezullim nga aktiviteti.

– Flamurtari futsal, për sjellje të gabuar të lojtarëve dhe stafit te saj duke shkaktuar ndërprerjen përfundimtare të lojës, në bazë të Nenit 49/5 të KDS, humbet ndeshjen në tavolinë me rezultatin 3 me 0.

– Rrëzimin e kërkesës së lojtarit të KF “Këlcyra”, Fatjon Sakollari si të pabazuar në Kodin e Disiplinës Sportive dhe Rregulloret e tjera të FSHF.

– Rrëzimin e kërkesës së lojtarit të KF “Këlcyra”, Meleq Xhakollari si të pabazuar në Kodin e Disiplinës Sportive dhe Rregulloret e tjera të FSHF.

“Sot luftonim me të vërtetë për mbijetesën, siç kemi bërë dy ndeshjet e fundit. Objektivi nuk ka qenë ky. Kur e ndërtuam ekipin ishte për objektiva siç i ka hije gjithmonë klubit të Tiranës. Fati, gabimet, loja jo e mirë ndonjëherë, ndoshta edhe unë si drejtues kam pjesën time të fajit, t’i përmendim të gjitha, kanë bërë që të mos shkojmë më lart. Shpresoj që kjo që ndodhi këtë vit të mos ndodhë më dhe mos ta shohim veten në këtë pozicion”, u shpreh Halili për mediat.

LICENCIMI – Tirana është kualifikuar në finale të Kupës dhe të dielën diskuton trofeun me Kukësin. Sikurse dihet, fituesi ka të drejtën të marrë pjesë në kualifikueset e Europa League. Gjithsesi nuk mjafton trofeu, pasi duhet marrë edhe licencimi nga UEFA. I pyetur në lidhje me këtë çështje, Halili tha se do të mbajë një konferencë dhe do sqarojë gjithçka. Një mesazh i koduar edhe për FSHF-në, në dukje edhe një “jo” e marrë për licencimin. Gjithsesi duhet pritur.

“Shpresoj që të flasim në ditët në vazhdim për licencimin. Them që do ju jap një përgjigje dhe do ta bëj më të zgjeruar. E kam në plan dhe jam shumë i bindur të flas. Gjithsesi dua të bëj një intervistë ku të jenë shumë gazetarë, të jenë të gjitha televizionet. Mendoj se do kenë interes, pasi kam shumë gjëra për të thënë në lidhje me licencimin. E rëndësishme është ta zhvillojmë garën njëlloj dhe them që gjithë drejtuesit e federatës, duke kapur të gjithë komisionet që quhen në thonjëza të pavarura, të gjitha ato komisione janë të detyruara të na respektojnë e të vihen përballë nesh dhe të flasin. Më shumë gjëra do ju them në ditët në vijim”.

KUPA – Tirana ka shpenzuar goxha dhe trofeu do ishte edhe një shpërblim për klubin. Gjithsesi Halili kërkon nga ekipi vetëm të luajë futboll. “Çdo ekip lufton për të shkuar në kupat e Europës. Unë nuk merrem me pjesën e shpenzimit. Do jem shumë i qetë dhe dua të përmbyllim çdo detyrim ndaj çdo lojtari. Kemi kaluar një situata shumë të vështirë në disa vite, kemi shlyer shumë borxhe. Këtu futet edhe pjesa e licencimit. Çfarë duhet të bëjë më shumë unë? Janë likuiduar 1.7 miliardë lekë, është shumë marramendëse. Më vjen keq që flitet. Nuk kemi asnjë gjyq sportiv, asnjë gjë. Megjithatë do flasim. Nuk duhet të qajmë ato qe kemi paguar. Sa i takon Kupën do respektojmë garën. Shpresoj që çunat të luajnë futboll, si tani në fund. Jam krenar që nuk kemi bërë aleanca dhe nuk kemi hyrë në marrëveshje me dikë”.

DENIS LALA

E gjitha kjo për të pasur një garë sa më kompetitive deri në javën e fundit të sezonit, pasi skema aktuale nuk ka qenë shumë efikase. Në të njëjtën kohë, skema e re synon që të nxisë klubet të përafrojnë kushtet sipas standarteve të licensimit, për të qënë sa më afër nivelit me klubet e Kategorisë Superiore.

Sekretari Shulku dëgjoi me kujdes sugjerimet e përfaqësuesve të klubeve dhe vendosi që t’i dërgohen variantet përfundimtare së bashku me sugjerimet përkatëse, për të marrë komentet përfundimtare deri më datë 5 Qershor, ndërsa propozimi final i dakortësuar do të dërgohet në Komitetin Ekzekutiv për miratim.

Në FSHF deklarojnë se disa nga skuadrat që luajnë në Kategorinë e Parë në sezonin e ardhshëm kanë probleme me stadiumet, me përjashtim të 3 apo 4 prej tyre. Sektori i Garave dhe ai i Licencimit e kanë ndarë këtë inspektim me zona. Këtë javë janë inspektuar stadiumet në zonën e Veriut. Grupi i inspektimit i FSHF-së u ka lënë detyra me afat për përmirësimin e mangësive, e po kështu do vazhdojë edhe për stadiumet e tjera.

Gjatë muajit qershor do të vazhdohet në zona të tjera, ku javën e ardhshme objekt do jenë stadiumet në Memaliaj, Tepelenë, Sarandë, Delvinë, Këlcyrë, Përmet, Ersekë e Devoll. Prioritet i është dhënë gjendjes së stadiumeve te skuadrat e Kategorisë së Parë, një sinjal pozitiv ky për përmirësimin e infrastrukturës në këtë kategori.

AGRON KAJA

Ditën e sotme “FSHF” ka zbuluar çmimet e biletave për këtë takim. Biletat e tribunave C, D, E, F, G  kanë një çmim të arsyeshëm prej 200 lekësh (të reja), ndërsa një vend në tribunat A dhe B do t’u kushtojë 1000 lekë.

Çmimi më i lartë është ai i tribunave “VIP”, bileta e të cilave ka një kosto prej 2000 lekësh. Të gjithë të interesuarit mund të blejnë biletat në: 1.Biletarinë pranë stadiumit Selman Stërmasi 2.Dyqani zyrtar i FSHF-së te rruga e Elbasanin 3.Biletaria  e stadiumit “Elbasan Arena”.

Disenjatori i arbitrave në FSHF, Sokol Jareci, ka zbuluar gjithçka: “Do fillojmë zyrtarisht nesër aplikimin në FIFA. Kemi një “video-call” me zyrtarët e IFAB, të cilët para pak ditësh na sollën përmes e-mailit kërkesat që ne duhet të plotësojmë për VAR-in. Edhe ne tashmë do të jemi pjesë e VAR-it. Besoj se nga 2021, 2022 do të fillojë aplikimi i VAR-it në kampionatin shqiptar”.

Futja e VAR në Superiore ka problematikat e veta dhe Jareci shton: Është një procedurë që shkon një vit deri në një vit e gjysmë, pasi aty futet trajnimi i stafit, i infrastrukturës, i personave dhe kompanisë që do të merret me transmetimin. Pra është një procedurë që zgjat 1 vit e gjysmë”.

Nisur nga stadiumet ku luhen ndeshjet e Superiores, është e pamundur të aplikohet sistemi VAR kudo. “Për momentin mund të jemi me një ndeshje, sikurse jemi me sistemin me 6 arbitra. VAR-i këkron infrastrukturë. Mund të jenë Arena Kombëtare, Shkodra dhe Elbasani, pra mund të jemi me një ndeshje në javë me VAR”, u shpreh Jareci në emisionin “Pressing” në ABC News.

“Do fillojmë punën për pallatin e ri të sportit, pasi keni pasur një skuadër kampione në basketboll, që stërvitej në Durrës dhe luante në Tiranë. Edhe i thonë Apolonia. As nuk i shikonit, as nuk ju shikonin. Pallatin e sportit do e ndërtojmë aty ku ka qenë këndi i vjetër i lojërave. Ndërkohë kemi folur edhe për stadiumin e ri të Fierit. E meriton të ketë një stadium, një stadium të ri, jo aty ku është i vjetri. Do të jetë diku ku do e vendosim me Bashkinë”.

NJOFTIMI I FEDERATËS – Ditën e sotme, kreu i FSHF-së, Armand Duka, ka qenë në Fier dhe njoftohet se qeveria e futbollit shqiptar do të investojë në stadiumin e ti të Fierit. FSHF njofton si më poshtë: “Federata Shqiptare e Futbollit prej vitesh po investon për përmirësimin e infrastrukturës sportive në Shqipëri. Shuma të mëdha janë investuar për ndërtimin e stadiumeve të rinj, ndërrimin e tapeteve në impiantet ekzistuese, vendosjen e sistemeve të ndriçimit si edhe ndërtimin e fushave stërvitore për disa klube.

Në kuadër të projekteve ambicioze që FSHF ka për përmirësimin e infrastrukturës, është edhe ndërtimi i një stadiumi të ri në qytetin e Fierit. Për këtë qëllim, Presidenti FSHF, Armand Duka, ka zhvilluar një takim me Kryetarin e Bashkisë së Fierit, Armando Subashi, dhe Presidentin e klubit Apolonia, Koço Kokëdhima.

Në këtë takim është rënë dakord që të filloj puna për projektimin e një stadiumi të ri me kapacitet 6000-8000 vende, në të cilin FSHF ka marrë përsipër 1/3 e investimit, me pjesën tjetër që do të duhet të investohet nga Qeveria dhe Bashkia Fier. Shumë shpejt pritet të filloj puna dhe për ndërtimin e stadiumit të ri në Kukës, në të cilën Federata Shqiptare e Futbollit ka një rol të madh si investitori kryesor”.

FSHF së fundmi ka vendosur dhe vendi bosh do të zihet nga një prej dy skuadrave humbësve në “play-out”.  “Sektori i Garave në Federatën Shqiptare të Futbollit, në interpretim të rregullores së aktivitetit, dëshiron t’ju informojë në lidhje me skuadrën e cila do të plotësojë numrin e klubeve në Kategorinë e Parë për sezonin 2019-2020.

Dy ekipet që humbasin ndeshjet play-off do të zhvillojnë një ndeshje finale midis tyre për të përcaktuar skuadrën e tretë që do të qëndrojë ose ngjitet në Kategorinë e Parë”, thuhet në njoftimin e Federatës. Kështu, vendet e treta në Kategorinë e Dytë nuk kanë asnjë shans për t’u ngjitur, sikurse edhe Vora e Tomori që e kanë garantuar rënien në të Dytën.

Zyrtarisht kjo është data që do të luhet kjo përballje, ndërkohë që në lidhje me stadiumin ka shumë “polemika”. Klubi i Tiranës nuk pranon që ndeshja të luhet në stadiumin “Loro Boriçi” në Shkodër, kurse nga ana tjetër Kukësi ka hedhur poshtë automatikisht “Selman Stërmasin” si opsion. Mbetet stadiumi i Elbasanit, që nuk u shkon sërish për shtat klubeve.

Problemi tjetër është data kur do të luhet kjo përballje. Në FSHF saktësojnë se do të zhvillohet më datë 2 qershor, por aktualisht nga klubet ka një kërkesë që të luhet më përpara, të paktën më 31 maj. Pikërisht kjo datë është e fundit nën kontratë për disa lojtarë.

Gjithsesi nuk kërkohet vetëm që finalja të luhet më përpara, por edhe java e fundit e Superiores të mos luhet në mesjavë. Ende nuk ka një vendim final, por në Sektorin e Garave po mendohen mirë për mbylljen e kampionatit. Duhet gjetur një zgjidhje sa më shpejt, pasi klubet do të duhet të bëjnë edhe planin stërvitor dhe të dinë kur i kanë ndeshjet.

PLANI AKTUAL I SEKTORIT TË GARAVE
18/05/19              Java e 34
25/05/19              Java 35
29/05/19              Java 36
02/06/19              Finalja e Kupës

Diskutimi u soll rreth dhuna së shfaqur në sport në Shqipëri. Dhuna është tentuar të luftohet nga vetë Federatat sportive, por masat e marra  kanë qënë të pamjaftueshme dhe nuk kanë arritur t’i japin përfundimisht fund dhunës.

“Ka ardhur momenti që të ndërmarrim ndryshime dhe masa më strikte për adresimin e këtij fenomeni. Në këtë kuadër, për parandalimin e dhunës në sport, Ministria e Arsimit, Sportit dhe Rinisë në bashkëpunim me Ministrinë e Punëve të Brendshme kanë ngritur një grup pune dhe kanë hartuar disa ndryshime në Kodin Penal”, theksoi mes të tjerave drejtuesja e këtij dikasteri.

DUKA – “Më vjen mirë që jemi mbledhur në këtë tryezë për të folur për minimizimin e akteve të dhunës në sport. Unë nuk besoj se ne këtu jemi ekspert që mund të bëjmë një diskutim mbi nivelet që duhet ndërhyrë në Kodin Penal për të ndihmuar eliminimin e fenomeneve të dhunës. Nuk mund të kundërshtoj asnjë qëndrim të kolegeve të mi. Niveli i ekspertëve që i ka hartuar ka parashikuar disa masa që të përfshihen në Kodin Penal. Duhet të ketë një saktësim, që të mos ngatërrohet kundra-vajtja penale për spektatorët me pjesën sportive. Kodi Penal në asnjë rast nuk duhet të ndërhyjë në drejtësinë sportive. Do doja që të ketë përcaktime më të qarta, që të ketë sa më pak subjektivizëm.

Vëmendja e qeverisë dhe e politikës ndaj sportit nga viti 1990 e deri më sot nuk ka qenë kurrë në lartësinë e duhur, nuk kemi qenë kurrë në qendër të vëmendjes dhe vazhdojmë të jemi në të njëjtën qasje dhe sot. Mënyra sesi Shqipëria do ta drejtojë sportin, nëpërmjet një ministrie që ka brenda Arsimin, Rininë dhe Sportin, më duket e vështirë. Me vetëm një zëvendës ministër që nuk ka një aparat, nuk besoj se mund të prodhojmë shumë. Një zëvendës ministër nuk mund të prodhojë as strategji për futbollin dhe as projektligje, kjo për faktin se nuk ka një administratë dhe nuk ka një buxhet të dedikuar.

Shqipëria duhet të ketë patjetër një institucion që përgjigjet vetëm për sportin, gjithmonë nëse Shqipëria e ka në synim të ketë sport në këtë vend. Nëse e konsiderojmë sportin të rëndësishëm duhet të ndryshojmë qasje. Ka ardhur momenti që asnjë sport të mos vijë në dyert e Ministrisë për të kërkuar lëmoshe, por të ndërtojmë një paketë ligjore që t’i bëjë këto sporte të zhvilluara, të kenë mundësi të mbajnë veten. Realisht kam dyshime nëse e sigurojnë mbijetesën, luftojnë shumë që të mbijetojnë. Duhet një reformë e thellë ligjore.

Ne kemi bërë një draft me propozimet tona për të ndërhyrë në disa ligje gjatë tryezës që zhvilluam me Kryeministrin Rama. Nëse nuk bëhet këto ndryshime në Ligjin për Sportin, Ligjin për Sponsorizimet, Ligjin për të ardhurat personale, Ligjin për TVSH-në dhe nxitjen e investimeve në sport. Ne nuk kemi një strategji të qeverisë shqiptare sesa pallate sporti do të ndërtohet në këtë vend në pesë vitet e ardhshme, sa palestra për peshëngritje apo mundje e fusha futbolli.

Sot në Tiranë luajnë futboll 8 mijë fëmijë. 50 fëmijë është standardi për të luajtur në një fushë, do të thotë që Tirana duhet të ketë 160 fusha futbolli. Kjo tregon situatën ku jemi sot. Eliminimi i dhunës është shumë i rëndësishëm, por janë po ashtu shumë të rëndësishme edhe këto të tjerat për të pasur sport, për të pasur federata, për të pasur klube. Duhet të ndërtojmë një infrastrukturë ligjore që të zhvillohen, të rriten, dhe jo të kërkojnë lëmoshë.

Për t’u rikthyer te futbolli, sporti që unë përfaqësoj sot në këtë tryezë, duhet të them se futbolli është një industri e fuqishme. Një industri që ka dhënë rezultate jo të këqija kohët e fundit, por që mund të shkojë akoma më përpara dhe ndryshime ligjore që ne kërkojmë nuk janë ndryshime për ti falur futbollit. Këto janë ndryshime ligjore ku Qeveria investon për të fituar nga futbolli si industri. Nëse investohet në futboll, ato para rimerren.

Nuk janë para të investuara dhe të falura. Sot nuk kemi klube të mirorganizuara, nuk jemi me një bazë ligjore të fortë. Kjo është arsyeja pse duhen bërë të gjithë ato ndryshimet që unë kam renditur më lart. Besoj se të njëjtën gjë mendojnë edhe kolegët e mi sot në këtë sallë. Duke pasur këtu ministren Shahini, duam që ta kërkoni fort këtë ndryshim në qeveri. Ne duam më shumë vëmendje, ne kërkojmë një institucion të dedikuar për sportin që të ketë strategji të qarta për sportin.

Nëse do të ishte një institucion që ka objektiva të qarta për sportin, gjithkush do të dinte se çfarë do të bëhej. Një nga ligjet që do ta ndihmonte më shumë sportin është Ligji për Sponsorizimet. Unë kam pasur një takim me Ministren e Financave pak ditë më parë, dhe më  vjen keq të them se nuk shoh asnjë mundësi që ai propozim që ne kemi bërë të pranohet. Ju duke qenë nga Kosova, na sillni vetëm Ligjin e Sponsorizimit që aplikohet në Kosovë, asgjë më tepër”, ka deklaruar Duka.

Përveç ligjit që parashikon dënime të ashpra në sport, duhen edhe lehtësira fiskale për ata që investojnë në sport. Në kushtet kur të ardhurat që prodhon sporti janë minimale, nuk ka shpëtim tjetër. Askush nuk dëshiron të hedhë paratë e familjes së tij apo të biznesit në një “gropë të zeze”.

Së fundmi kreu i Federatës Shqiptare të Futbollit, Armand Duka, ka pasur një takim me ministren e Financave dhe Ekonomisë, Anila Denaj. Draft-Projekti për ndryshimet ligjore që kërkohen ka qenë tema e diskutimit dhe tashmë pritet të mësohen konkretisht ndryshimet ligjore. FSHF zbulon detaje të takimit që pritet të prodhojë edhe ndryshime rrënjësore në futbollin shqiptar.

NJOFTIMI – Presidenti Federatës Shqiptare të Futbollit, Armand Duka, i shoqëruar nga anëtari i Komitetit Ekzekutiv Bardhyl Minxhozi, zhvilloi ditën e sotme një takim me Ministren e Financave dhe Ekonomisë, Anila Denaj. Në qendër të bisedës së zhvilluar ndërmjet tyre ishte draft-projekti për përmirësimin paketës financiare që do të ndihmojë reformimin e sportit.

Presidenti Duka diskutoi me ministren Denaj për ndryshimet ligjore në paketën financiare të propozuara nga FSHF në këtë projekt reformim. Prej disa kohësh grupet e punës kanë pasur vështirësi në gjetjen e një gjuhe të përbashkët, ç’ ka ka krijuar një lloj ndalese në vijëmësinë e procesit. Ministrja e Financave dhe Ekonomisë, zonja Denaj, ka shprehur gatishmërinë për përshpejtimin e kësaj reforme dhe ka ngarkuar Drejtorin e Kabinetit, z. Ervin Mete, për të ndjekur në vazhdimësi këtë proces. Ndër pikat e diskutuara ishin Ligji për Sponsorizimet, Ligji për Tatimin mbi të Ardhurat dhe Ligji për TVSH-në.

Të gjitha këto ndryshime do të diskutohen në grupet e punës që janë ngritur më parë pranë Këshillit të Ministrave dhe më pas kjo paketë ligjore do të dërgohet në Komisionin e Ligjeve dhe Komisionin e Ekonomisë për të marrë miratimin përpara dërgimit në Parlament për votim.

Futbolli në vendin tonë shpesh është i kapluar nga spekulimet për trukime, si në ndeshjet e kampionatit po ashtu edhe në Europë. Prej vitesh, organi më i lartë qeverisës i futbollit europian, UEFA, dërgon dosje në FSHF për trukimet e klubeve shqiptare, por asnjë masë nuk është marrë.

Kështu erdhi edhe përjashtimi dhe dënimi i Skënderbeut, me UEFA-n që nuk mund të priste përjetësisht që FSHF të merrte një vendim. Nëse në vendin tonë çdo klub mendon se nëse nuk jemi në Europë nuk na dënon kush, një leksion na vjen nga Bullgaria, që nivelin e futbollit nuk është se e ka në maja.

Korrupsioni dhe trukimet janë në nivele të larta, por Federata Bullgare e Futbollit ka vendosur veton, duke përjashtuar Verejan, klub i divizionit të parë në kampionatin vendas. Një klub modest i themeluar në vitin 2001, Vereja është përjashtuar një ditë më parë, duke u detyruar të zbresë një kategori më poshtë.

Paralajmërimi për këtë klub ishte dhënë që në muajin shkurt, kur Federata e gjobiti me gati 3000 dollarë, me UEFA-n që e kishte sinjalizuar. Gjithashtu, sistemi BFDS, që ishte protagonist edhe në çështjen e Skënderbeut, kishte raportuar ndeshje të dyshimta dhe organi më i lartë qeverisës në futbollin bullgar veproi.

Përjashtim për Verejën, që këtë sezon në 32 ndeshje nuk kishte marrë asnjë fitore. Gjashtë barazime dhe plot 26 humbje. Shumë ndeshje të dyshimta, si dhe me shifra të mëdha që luheshin në ndeshje ku Vereja është mposhtur me 2 apo 3 gola diferencë.

Pavarësisht se kishte vetëm gjashtë pikë, Vereja ende nuk ishte e rënë, pasi skema e kampionatit bullgar është e tillë, që ka “play-out” për mbijetesën.

“Sektori Arbitrimit në Federatën Shqiptare të Futbollit bën me dije se një treshe arbitrash nga Luksemburgu do të gjykojë një ndeshje të javës së 32-të të Kategorisë Superiore. Ky shkëmbim vjen në vazhdimësi të marrëveshjes së bashkëpunimit ndërmjet FSHF dhe Federatës së Futbollit të Luksemburgut për gjykim të ndeshjeve në kampionatet respektive.

Dy javë më parë ishte një treshe arbitrash shqiptar, me kryesor Juxhin Xhajën dhe Ilir Tartarin e Emigers Ganxhi si asistent, që gjykuan një ndeshje në Superligën e Luksemburgut”, shkruan FSHF, që njofton se gjyqtari kryesor Alain Durieux (33 vjeç, arbitër ndërkombëtar) dhe Gilles Becker e David Mateus Santos do të gjykojnë një nga ndeshjet e kësaj jave në Superiore.

KATEGORIA SUPERIORE – JAVA 32
E shtunë, më 4 maj 2019, ora 15:00
Tirana-Skënderbeu
Laçi-Kastrioti
Flamurtari-Partizani
Teuta-Luftëtari

Tirana pret Skënderbeun në “Selman Stermasi”, ndërsa në kurbin Laçi pret ekipin e Kastriotit. Kukësi do të jetë pushim dhe do të marrë tri pikët në tavolinë përballë Kamzës, ndërsa kryesuesit e Partizanit udhëtojnë drejt Vlorës, në transfertën përballë Flamurtarit. Në Durrës, Teuta do të përballet me Luftëtarin.

Superiore, java 32

Ora 15:00 | Tirana-Skënderbeu

Ora 15:00 | Laçi-Kastrioti

Ora 15:00 | Flamurtari-Partizani

Ora 15:00 | Teuta-Luftëtari

Së fundmi është zbuluar edhe një tjetër emër i cili është kontaktuar nga Duka. Françesko Guidolini, i njohur nën drejtimin e Udinezës në Serie A, ka marrë një ofertë. Në fund ai ka menduar të presë të duhurën, por ka fjalë të mirë për Dukën.

“Zgjodhën Rejan dhe jam i lumtur, sepse e meriton që të bëjë sa më mirë. Po, e vërtetë që më kërkuan edhe mua dhe u treguan shumë zotërinj dhe të sjellshëm. Sidomos presidenti Duka, por preferova të prisja për të parë se si do të zhvillohej situata në këtë fazë të sezonit”, është shprehur Guidolini për “calciomercato.com”

Drafti i propozuar nga Federata Shqiptare e Futbollit synon ndryshime dhe përmirësime në Kodin Penal, ndryshime në Ligjin për Sponsorizimet, Ligjin për Tatimin mbi të Ardhurat, Ligjin për TVSH-në, Ligjin për Sportin dhe transferimin e objekteve sportive nga njësitë e qeverisjes vendore tek klubet sportive.

Triangolarja U13: Korça, Elbasani, Fieri (E hënë, 22 prill)
Fieri – Elbasani
Kompleksi sportiv “Shefqet Lamçja” Elbasan Mosha U-13 10:00

Korça – Fieri
Kompleksi sportiv “Shefqet Lamçja” Elbasan Mosha U-13 11:00

Elbasani – Korça
Kompleksi sportiv “Shefqet Lamçja” Elbasan Mosha U-13 12:00

Triangolarja U17: Tirana, Durrësi, Shkodra (E hënë, 22 prill)
Tirana – Durrësi
Qendra e ekipeve Kombëtare, Kamëz Mosha U-17 ora 10:00

Shkodra – Durrësi
Qendra e ekipeve Kombëtare, Kamëz Mosha U-17 ora 11:30

Tirana – Shkodra
Qendra e ekipeve Kombëtare, Kamëz Mosha U-17 ora 13:00

Triangolarja U17: Korça, Elbasani, Fieri (E martë, 23 prill)
Fieri – Elbasani
Kompleksi sportiv “Shefqet Lamçja” Elbasan Mosha U-17 10:00

Korça – Fieri
Kompleksi sportiv “Shefqet Lamçja” Elbasan Mosha U-17 11:30

Elbasani – Korça
Kompleksi sportiv “Shefqet Lamçja” Elbasan Mosha U-17 13:00

Triangolarja U15: Tirana, Durrësi, Shkodra (E martë, 23 prill)
Tirana – Durrësi
Qendra e ekipeve Kombëtare, Kamëz Mosha U-15 ora 10:00

Shkodra – Durrësi
Qendra e ekipeve Kombëtare, Kamëz Mosha U-15 ora 11:30

Tirana – Shkodra
Qendra e ekipeve Kombëtare, Kamëz Mosha U-15 ora 13:00

Triangolarja U15: Korça, Elbasani, Fieri (E mërkurë, 24 prill)
1. Fieri – Elbasani
Kompleksi sportiv “Shefqet Lamçja” Elbasan Mosha U-15 10:00

Korça – Fieri
Kompleksi sportiv “Shefqet Lamçja” Elbasan Mosha U-15 11:30

Elbasani – Korça
Kompleksi sportiv “Shefqet Lamçja” Elbasan Mosha U-15 13:00

Triangolarja U13: Tirana, Durrësi, Shkodra (E mërkurë, 24 prill)
Tirana – Durrësi
Qendra e ekipeve Kombëtare, Kamëz Mosha U-13 ora 10:00

Shkodra – Durrësi
Qendra e ekipeve Kombëtare, Kamëz Mosha U-13 ora 11:00

Tirana – Shkodra
Qendra e ekipeve Kombëtare, Kamëz Mosha U-13 ora 12:00

“Ndryshimi i nenit për të drejtën televizive të superiores është më shumë një rregullim juridik për të pasur një artikulacion më të saktë. Në fund të fundit FSHF përfaqëson 55 anëtaret e vet që ishin prezent dhe në emër të tyre ka negociuar edhe me parë të drejtën televizive”, shprehet fillimisht Libohova.

Më tej ai shton: “Po të shohësh bilancin e FSHF, në një krah ne kemi një të ardhur që marrim nga e drejta televizive dhe në krahun tjetër ia shpërndajmë klubeve në mënyra të ndryshme duke shtuar diçka edhe nga vetja. Më shumë ka qenë diçka mediatike, diskutimi që po monopolizojmë të drejtat televizive sesa një problem real”.

“Materialet e mbledhjes se asamblesë, pasi i miratuam në komitetin ekzekutiv, ia kemi çuar anëtarëve 10 ditë përpara dhe nuk ka pasur asnjë ankese, kështu që ato që janë miratuar janë legjitime dhe janë bërë me ndërgjegje të plotë nga klubet. Menaxhimi i të drejtës televizive do bëhet në emër të klubeve”.

“Edhe më përpara klubet nuk kanë marrë vendim për këtë gjë, gjithmonë e ka negociuar të drejtën televizive FSHF. Ndryshe do të ndodhe kur të formohet liga profesioniste, kur ajo të jetësohet. Do të ketë besoj një periudhë  tranzicioni, sepse është një kontrate e nënshkruar, do rinegociohet, janë terma që do diskutohen. Gjithsesi nuk ndryshon asgjë në thelb”, u shpreh Libohova mes të tjerave.

Sky Sport raporton se të mërkurën do të ketë një takim final mes Rejës dhe Armand Dukës. Tekniku italian kërkon që të nënshkruajë fillimisht për një vit, kurse FSHF dëshiron që kontrata të jetë 2-vjeçare. Një zgjidhje do të vijë edhe për këtë pikë.

Pikëpyetje ka edhe për stafin që do e shoqërojë Rejën. Alesandro Kalori është emri më i përfolur, por ka një problem. Së fundmi ai është larguar nga Ternana, klub me të cilin ka një kontratë dhe duhet të gjejë një zgjidhje.

ASAMBLEJA – “Gjëra e rëndësishme në këtë asamble është e qartë, që ne duhet të bëjmë një hap ndryshe sot. Të bëjmë një hap cilësor për ndryshimin e futbollit në Shqipëri. Futbolli ka pasur një zhvillim të jashtëzakonshëm deri më sot. Ka nevojë për një hap tjetër cilësor, për një organizim më të mirë të anëtarëve të tij, për një modernizim të lojës, për një reformin të anëtarëve, gjë që duhet të bëjmë nëpërmjet politikave apo sistemit të licensimeve që ka federata e futbollit dhe nëpërmjet ndryshimeve ligjore për të ndihmuar jo vetëm klubet, por edhe njerëzit dhe individët që investojnë në futboll.”

OBJEKTIVAT E FEDERATËS – “Mendoj që kemi një federatë të konsoliduar. Duhet të kemi anëtarë të organizuar mirë dhe në rast se ndodh kjo gjë patjetër që do të prodhojnë një futboll akoma më të mirë.”

TRAJNERI I KOMBËTARES – “Asambleja ka marrë kohën e vet të përgatitjes, si nga ana ime si nga pjesa tjetër e stafit. Detyra tjetër tashmë që përfunduam asamblenë është të plotësojmë stafin kombëtar gjatë kësaj jave.”

FINANCAT DHE ORGANIZIMI I KLUBEVE – “Kur themi klubet, klubet janë shumë, pasi janë jo vetëm të kategorisë superiore. Nëse do të marrim në këtë këndvështrim nuk janë solide. Nëse mendojmë për të hedhur atë hap cilësor, të gjithë anëtarët tanë duhet të jenë solidë. Futbolli nuk duhet të presë financime nga jashtë, por duhet t’i prodhojë vetë dhe për këtë arsye duhet të jenë më të organizuar klubet. Kur them klubet, nuk flas vetëm për Kategorinë Superiore që janë në nivelin maksimal, por kemi dhe klubet e Kategorisë së tretë. Për këtë arsye duhet të bëjmë maksimumin që t’i rrisim për të prodhuar një futboll sa më të sigurt.”

DHUNA NË STADIUME DHE BASHKËPUNIMI ME POLICINË – “Me policinë e shtetit bashkëpunimi i federatës dhe i klubeve gjatë kësaj kohe ka qenë shumë i mirë. Çdokush ka marrë përsipër detyrat e veta, federata dhe klubet organizimin dhe policia ruajtjen e rendit dhe kordinimi dhe bashkëpunimi mes nesh ka qenë më i mirë. E kam thënë dhe herë tjetër, futbolli është garë dhe emocion dhe herë pas here mund të shfaqen probleme të tilla. Problemi është se si sillemi ne me këto fenomene dhe si duhet t’i eleminojmë. Të gjithë bashkë, jo vetëm federata apo klubet, por të gjithë bashkë.”

LIGA PROFESIONISTE – “Liga profesioniste është regjistruar dhe ka nisur aktivitetin e saj dhe avash avash do të marrë të gjithë atributet që i takojnë.”

ARENA KOMBËTARE – “Edhe dje e kam vizituar “Arenën Kombëtare”, po punohet me shumë itensitet. Objektivi që i kemi vënë Kompanisë është qershori, pra inagurimi i “Arenës Kombëtare” në qershor.”

TITULLI – “Nuk është çështje tersi. Nuk urohet ditëlindja përpara se t’i vijë dita. Janë akoma shtatë javë të tjera dhe janë 21 pikë dhe është akoma goxha punë. Më pëlqeu diçka që tha trajneri. Klubi kërkon rezultatin, unë kërkoj gjithmonë tri pikëshin. Për Partizanin e rëndësishme është të japë maksimumin në çdo ndeshje dhe të arrijë objektivin sa më shpejt të jetë e mundur.”

PËRGATITJET E FESTËS SË TITULLIT – “Jo, akoma asnjë lloj përgatitje.”

TË VEÇANTAT E PARTIZANIT – “Besoj që ajo që vazhdon të jetë te Partizani është dispilina, respekti i ndërsjelltë midis lojtarëve dhe stafit teknik, rregulli, dëshira e djemve që bënë një grup të mrekullueshëm dhe qetësia që kanë pasur në vetëdijë që janë një grup i fortë.”

EUFORIA – “Detyra ime është që të jem i kujdesshëm në çdo moment dhe të mbaj sa më larg euforinë. Euforia është një faktor që ndonjëherë edhe ndihmon, por më së shumti të dëmton.”

BISEDA ME GJICIN – “Gjici më tha që ende nuk ka përfunduar kampionati. Unë i thashë që ki kujdes vendin e dytë, në kuadër të shakasë.”

ASAMBLEJA DHE LIGA PROFESIONISTE – “Është asambleja ime e parë, kështu që nuk kam çfarë të them ndonjë gjë të veçantë. Pres që liga profesioniste të bëhet faktor, pasi jam partizan i ligës. Pretendoj që të marrë shumë herë më sipër dhe të bëjë diferencën në raport me superioren që të krijojë produktin më të qëndrueshëm.”

I DRUHENI RËNIES – “Le të vijë një herë siguria matematike, më pas do mendoj për gjërat e tjera. Kemi ekip me 25 lojtarë. Kur të vijë siguria matematike atëherë do të japim hapësira dhe për lojtarët e tjerë.”

OBJEKTIVAT E VERËS PËR EUROPËN – “Nuk kemi vendosur objektiva. Sigurisht që rritja cilësore e ekipit të bën që ta ngresh stekën. Për ne e rëndësishme është të ruajme këtë lloj integriteti dhe të përforcohemi me ndonjë element cilësor.”

Në fjalën e tij ai theksoi se sistemi i Licencimit duhet riparë dhe nuk mund të mbyllet me njëri sy, apo të dy. Impiantet, sikurse u shpreh Duka, duhet të jenë në nivelet e licencimit dhe në vazhdim nuk do tolerohet më.

Eliminimi i dhunës është një tjetër mision dhe ndaj këtij fenomeni nuk do të ketë tolerojë. Gjithsesi kreu i FSHF tha se ky fenomen do luftohet në bashkëpunim në të gjithë faktorët. Dënimi i individëve që shkaktojnë dhunë shihet si një mënyrë për ta luftuar dhunën.

Fiksimi i ndeshjeve vazhdon dhe Duka e pranon. “Ky fenomen vazhdon të ekzistojë pavarësisht punës së madhe të bërë nga ne. Nuk është gjetur mbështetja e institucioneve. Do kërkojmë bashkëpunimin e prokurorisë. Të gjitha këto dëmtojnë investimet tuaja”, përfundoi Duka.