Zikaltrit zhvilluan një pjesë të parë të shkëlqyer duke shënuar dy gola. Naingolan zhbllokoi rezultatin në të 19-ën, ndërsa Perishiç u tregua i saktë nga pika e bardhë për të çuar rezultatin 2 – 0.

Vendasit treguan se në fushën e tyre janë të aftë t’ia bëjnë të vështirë çdo ekipi, duke shënuar në minutën e 66-të, por miqtë nga Milano nuk kishin ndërmend të lëshonin tri pikë që vlejnë shumë në garën për një vend në Champions. Goli i uruguaianit Vesino në minutat e fundit vulosi fitoren e zikaltërve.

Tani skuadra e drejtuar nga Spaleti ka dy ndeshje tepër të vështira ndaj Romës në Juventusit. Të dyja këto takime do t’i luajnë para publikut të tyre në “San Siro”.

Frozinone 1 – 3 Inter
Shënues: Kasata 66’ / Naingolan 19’, Perishiç 37’, Vesino 93’

Klaudio Ranieri e rreshtoi Romën me skemën 4-2-3-1. Në majë të sulmit Xheko, ndërsa pas tij Peroti, Kristante dhe Shik. Zaniolo përsëri në stol, ndërsa De Rosi e N’Zonzi formonin “digën” përpara mbrojtjes.

Roma rezistoi vetëm tre minuta, pasi Milik kaloi miqtë në avantazh me anë të një goli të fantastik. Roma u hodh në sulm dhe arriti të barazonte ndeshjen në minutën e katërt shtesë të pjesës së parë.

Penallti për Romën dhe përsipër e mori i pagabueshmi Peroti. Argjentinasi tundi rrjetën, në stadium shpërtheu festa dhe ekipet shkuan në barazim në dhomat e zhveshjes. E dyta nuk kishte histori dhe nisi me furinë e Napolit.

Mertens dhe Verdi shënuan dy herë brenda pesë minutash, ndërsa në fund pati festë edhe për gjermanin Junes. Kjo fitore e ngjit Napolin në kuotën e 63 pikëve, ndërsa verdhekuqtë mbeten në vendin e gjashtë me 47 pikë, katër më pak se Milani i vendi të katërt.

Nuk pati fitues ndeshja midis Fiorentinës dhe Torinos. Vendasit nuk arritën të mposhtin Torinon për t’ia dedikuar fitoren idhullit të qytetit, Gabriel Omar Batistutës, i cili festonte 50-vjetorin e lindjes. Të dy golat u shënuan në pjesën e parë. Xhovani Simeone kaloi vendasit në avantazh në minutën e shtatë, ndërsa ekipi “granata” barazoi nëpërmjet një goli shumë të bukur të Baselit.

Një gol i qendërmbrojtësit Vikari i dha tre pikë të arta Spalit në transfertën e Frozinones. Vendasit e kishin këtë ndeshje “jetë a vdekje”, por dolën pa pikë dhe mbijetesa vazhdon të jetë 8 pikë larg. Fitore qetësie për Spalin që siguron fitoren e dytë rresht pas asaj në shtëpi kundër Romës.

Roma-Napoli 1-4
(Peroti (pen) 45+4’ / Milik 2’, Mertens 50’, Verdi 55’, Junes 81’)

Fiorentina-Torino 1-1
(Simeone 7’ / Baseli 34’)

Frozinone-Spal 0-1
(Vikari 13’)

]]> https://sportekspres.com/video-napoli-shume-i-forte-per-romen-fiorentina-nuk-e-nderon-batistuten/feed/ 0 https://sportekspres.com/baroni-fiton-garen-me-de-biazin-ish-i-i-kombetares-mbetet-thate/ https://sportekspres.com/baroni-fiton-garen-me-de-biazin-ish-i-i-kombetares-mbetet-thate/#respond Tue, 18 Dec 2018 12:27:13 +0000 http://sportekspres.com/?p=222867 Humbja në shtëpi përballë Sasuolos solli fundin e aventurës së Moreno Longos në stolin e Frozinones. Ekipi lacial ndodhet në një pozitë të vështirë, pasi renditet e dyta nga fundi me 8 pikë, pesë më pak se zona e shpëtimit.

Drejtuesit e klubit nuk kanë humbur shumë kohë dhe kanë zyrtarizuar trajnerin e ri. Ai është Marko Baroni, i cili kreu mrekullinë me Beneventon, duke e ngjitur ekipin për herë të parë në histori në Serinë A.

55-vjeçari nga Firence ka drejtuar më parë të rinjtë e Juventusit, ndërsa në sezonin e kaluar drejtoi Beneventon, nga ku u shkarkua në tetor të vitit të kaluar.

Ai do e nisë eksperiencën me Frozinonen në transfertë kundër Udinezes, ndërsa një nga emrat e përfolur si zëvendësues të Longos ishte dhe Xhani De Biazi.

Elseid Hysaj luajti gjatë gjithë takimit, që u hap shumë shpejt nga goli i Zielinskit. Polaku kaloi vendasit në avantazh në minutën e shtatë, pas një diagonale të bukur. Dyfishimi i rezultatit erdhi pesë minuta përpara fundit të pjesës së parë. Eurogol i algjerianit, i cili shmangu një kundërshtar dhe lëshoi një predhë drejt portës.

Pjesa e dytë dhuroi dhe dy gola të tjerë për Napolin, që u shënuan nga Milik. Dygolësh për sulmuesin polak, i cili është rikthyer të shënojë, duke gjetur golin e shtatë në kampionat. Ndeshje për t’u harruar për Frozinonen, që vazhdon të renditet e dyta nga fundit me 8 pikë, pesë më pak se zona e shpëtimit.

Napoli-Frozinone 4-0
(Zielinski 7′, Ounas 40′, Milik 68′, 84′)

KUNDËRSHTARI –  “Ndeshja e nesërme s’do të jetë më e lehtë se ndeshjet e tjera. Kemi përpara disa takime shumë të vështira në një kohë shumë të shkurtër dhe është e rëndësishme që ta fillojmë mirë. Kundër një ekipi si Interi, skuadrat kundërshtare motivohen akoma më shumë”.

MAROTA – “ Ai është një ‘trekuartist’. Ai di si të lëvizë midis linjave, di kë duhet e të lidhë dhe më rëndësishmja ai di si të ndërtojë skuadra. Puna që ka bërë te Juventusi s’ka nevojë për koment ”.

DËMTIMET – “Ekipet e mëdha luajnë një numër të madh ndeshjesh e kësisoj dëmtimet janë të pashmangshme. Por jemi të përgatitur për këtë gjë, nuk po përjetojmë asgjë jashtë normales. Kam një skuadër që mund ta përballojë këtë problematikë”.

IKARDI – “Ai është një specialist goli. Gjithmonë ia ka dalë të shpikë diçka nga hiçi dhe këtë e ka bërë në momente vendimtare. E gjitha kjo ndodh falë trimërisë, karakterit dhe personalitet që ai ka. Potenciali i tij është i pafundmë”, përfundoi trajneri i Interit.

Sfida tjetër mes Parmës dhe Frozinones u mbyll ashtu siç nisi, ndërsa ekipi emilian luajti që nga minuta e 61 me një lojtar më pak. Leo Stulak la Parmën me dhjetë vetë  pas një ndërhyrje të ashpër në mesfushë dhe arbitri i drejtoi direkt kartonin e kuq lojtarit slloven. Kjo pikë e mban Parmën në mesin e renditjes, ndërsa Frozinone arrin rezultatin e tretë rresht pozitiv pas barazimit me Empolin dhe fitores me Spalin. Megjithatë, lacialët vazhdojnë të notojnë në ujëra të turbullta dhe renditen në vendin e parafundit në kuotën e gjashtë pikëve.

Kievo është zyrtarisht në krizë dhe një gjë e tillë u pa dhe në humbjen në shtëpi përballë Sasuolos. Dy gola në fundin e çdo pjese i dhuruan tre pikë të arta Sasuolos, që ngjitet në vendin e gjashtë me pikë të barabarta me Milanin. Kievo akoma nuk e ka shijuar fitoren për këtë sezon dhe regjistron vetëm dy barazime në 11 javët e para. Veronezët e vegjël renditen në vendin e fundit me -1 pikë, duke llogaritur dënimin me tre pikë në fillim të sezonit.

Kievo – Sasuolo 0-2
(Di Françesko 42’, Xhakerini (aut) 94’)

Parma – Frozinone 0-0

Sampdoria – Torino 1-4
(Kualjarela 65’ / Beloti 12’, 43’, Falke 56’, Izo 78’)

]]> https://sportekspres.com/video-torino-shpartallon-sampdorian-sasuolo-sheh-europen/feed/ 0 https://sportekspres.com/efekti-cr7-prek-frozinonen-nje-bilete-680-euro/ https://sportekspres.com/efekti-cr7-prek-frozinonen-nje-bilete-680-euro/#respond Sun, 23 Sep 2018 10:08:51 +0000 http://sportekspres.com/?p=196776 Efekti Kristiano Ronaldo po vazhdon të japë frytet e veta. Juventus përballet me Frozinonen në transfertë dhe çmimet e biletave kanë prekur majat. Të gjithë duan të shohin portugezin e famshëm nga afër dhe stadiumi “Benito Stirpe” do të jetë i tejmbushur në sfidën e mbrëmjes.

Ardhja e Juventusit këtë vit do të jetë më e shtrenjtë se më parë dhe kjo ka bërë tifozët të “çmenden”. Çmimi i një bilete në tribunë është 300 euro, ndërsa siç citon “Il Giornale”, çmimet në tregun e zi kanë prekur shifrën e 680 eurove.

Një tifoz i Juventusit është detyruar të blejë biletën me çmimin e kripur për të ndjekur ekipin e tij të zemrës dhe Kristiano Ronaldon nga afër. Frozinone dhe Juventus përballen në orën 20:30 në kuadër të javës së pestë të Serisë A.

Bardhezinjtë do të kërkojnë fitoren e pestë rresht, ndërsa vendasit, të cilët ndodhen në kuotën e një pike, do të kërkojnë të kryejnë të pamundurën për të ndaluar Kampionët e Italisë dhe Kristiano Ronaldon.