Prezantimi i 43-vjeçarit do të bëhet të mërkurën e 19 qershorit. Objektivi i madh është rikthimi i Frozinones në Serie A dhe trajneri i ri është gati për këtë sfidë.

Nesta fitoi gjithçka si futbollist. Karrierën e trajnerit e nisi në vitin 2016 me Majemi FC. Më pas drejtoi ekipin e Peruxhias gjatë sezonit të kaluar, ndërsa tani do të ulet në stolin e ekipit që ra nga kategoria në fund të këtij sezoni.

Frozinone ra këtë sezon në Serie B dhe do të synojë rikthimin e menjëhershëm në elitën e futbollit italian. Presidenti Stirpe ka patur dy alternativa: Nestën apo Fabio Groson. Në fund i është besuar të parit, i cili ndodhet në SHBA me pushime.

Ai pritet të udhëtojë drejt Italisë për të firmosur kontratën, ndërsa ky do të jetë ekipi i tretë që drejton në karrierën e re të trajnerit pas Majemi FC dhe Peruxhias.

Zikaltrit zhvilluan një pjesë të parë të shkëlqyer duke shënuar dy gola. Naingolan zhbllokoi rezultatin në të 19-ën, ndërsa Perishiç u tregua i saktë nga pika e bardhë për të çuar rezultatin 2 – 0.

Vendasit treguan se në fushën e tyre janë të aftë t’ia bëjnë të vështirë çdo ekipi, duke shënuar në minutën e 66-të, por miqtë nga Milano nuk kishin ndërmend të lëshonin tri pikë që vlejnë shumë në garën për një vend në Champions. Goli i uruguaianit Vesino në minutat e fundit vulosi fitoren e zikaltërve.

Tani skuadra e drejtuar nga Spaleti ka dy ndeshje tepër të vështira ndaj Romës në Juventusit. Të dyja këto takime do t’i luajnë para publikut të tyre në “San Siro”.

Frozinone 1 – 3 Inter
Shënues: Kasata 66’ / Naingolan 19’, Perishiç 37’, Vesino 93’

Ishte Rodrigo De Paul, i cili u tregua i saktë nga pika e bardhë në minutën e 25-të, duke i dhënë avantazhin friulanëve, por Palasio në minutën e 39-të vuri baraspeshën. Në pjesën e dytë, Puseto, 11 minuta përpara fundit u kthye në hero për ekipin e tij, duke i dhënë fitoren Udinezes.

Nga ana tjetër, Sampdoria tregoi forcën e saj në transfertë ndaj Spalit, duke triumfuar me shifrat 1-2. Dy gola të Fabio Kualiarelës brenda 11 minutave, i dhanë fitoren dorianëve, të cilët ngjiten në vendin e tetë në kuotën e 39 pikëve. Me dopietën e shënuar, sulmuesi barazon Ronaldon me 19 gola. Kurtiç shënoi golin e nderit për vendasit në minutën e pestë shtesë.

Ndërkohë, Xhenoa nuk arriti të shkojë më shumë se një barazim pa gola ndaj Frosinones, me këta të fundit të cilët luajtën me një lojtar më pak që nga minuta e 34-t. Kështu, ekipi nga “Marasi” ngjitet në vendin e 12-të me 30 pikë, ndërsa Frosinone merr një pikë shprese për mbijetesën.

Në minutën e 71’, kur ndeshja ishte praktikisht e mbyllur, Dibala vendosi të “torturojë” edhe më shumë Frosinonen, që ishte dorëzuar prej minutash. Një top i gjatë nga Mandzukiç niset drejt Dibalas, i cili ka presionin e dy mbrojtësve. Por çfarë bën ylli argjentinas? Vendos të bëjë diçka të jashtëzakonshme, duke lënë në vend të dy mbrojtësit.

Ndalimi i topit dhe driblimi i kundërshtarit ishin fantastikë dhe ky veprim, konfirmoi dhe njëherë tjetër formën e mirë të 25-vjeçarit, i cili në minutën e 6’ të sfidës realizoi edhe një supergol.

Paulo Dybala first touch vs Frosinone

Sulmuesi është ndjerë i lodhur në minutat e fundit të ndeshjes dhe ka sinjalizuar trajnerin për një gjë të tillë. Menjëherë ka ndërhyrë përgatitësi atletik i ekipit, Fabio Ripert, i cili ka këshilluar sulmuesin të ndëshkohet me karton të verdhë.

Lojtari ka pësuar gjatë ndeshjes një tërheqje muskulore, sot nuk është stërvitur me ekipin dhe është në dyshim për ndeshjen e radhës kundër Empolit (zhvillohet të enjten). Një gjë e tillë do të sillte plotësimin e kartonëve të verdhë dhe Imobile do të mungonte kundër ekipit të Veselit.

Megjithatë, Imobile nuk ia ka vënë veshin këshillës së Ripert dhe do të bëjë të pamundurën që të jetë gati për duelin e radhës. Nga ana tjetër, Françesko Açerbi ka thumbuar tifozët e Romës në fund të ndeshjes.

“Të fitosh është bukur, por ta bësh në një ‘derbi’ është akoma dhe më bukur. Tre pikë thelbësore për të vazhduar në realizimin e objektivave tanë”, shkruan Açerbi.

Vincere è bello ma farlo in un “derby” è ancora meglio. 3 punti fondamentali per continuare a combattere per i nostri obiettivi.#Acerbi #Ace #CMonEagles pic.twitter.com/CvIqeJVlTg

— Francesco Acerbi (@Acerbi_Fra) February 4, 2019

Mbrojtësi e ka cilësuar si një derbi ndeshjen me Frozinonen, ndërsa nuk kanë munguar komentet e tifozëve romanistë. “Ju vetëm këto lloj derbesh mund të fitoni”, ka shkruar dikush, ndërsa një tjetër ka shkuar dhe më tej: “derbi mes fshatarëve dhe barinjve”.

Frozinone cilësohet si një provincë në Romë, ndërsa tifozët e Romës e cilësojnë me përçmim dhe Lacion si rrethinë. Mbrojtësi ka reaguar dhe ka hequr fjalën derbi në postimin e bërë.

Klubi që interesohet për të është Frozinone. Italianët synojnë qëndrimin në Serinë A dhe për këtë duhet të përmirësohen në prapavijë. Vetëm Kievo e vendit të fundit ka pësuar më shumë deri më tani, 26 gola, dy më shumë se skuadra e drejtuar nga Moreno Longo.

Gjimshitit i përfundon kontrata me Atalantën në verë dhe duke parë se nuk pa luan, për të zgjidhja më e mirë do të ishte të largohej diku ku mund të aktivizohet. Një vit më parë luajti rregullisht te Benevento dhe Frozinone do ia mundësonte diçka të tillë.