Rrezaton një qetësi fenomenale. Është shumë i saktë në pasime dhe arrin shumë mirë të ngadalësojë sulmet e kundërshtarit. Për 22-vjeçarin nuk mungon aspak as vizioni në lojën sulmuese. Me këtë lojtar Barcelona e ka të sigurt të tashmen dhe të ardhmen e mesfushës.

Ai zbulon se drejtuesit ja kishin premtuar më parë numrin De Jongut dhe për këtë nuk ndihej aspak mirë. Megjithatë, holandezi u tregua i drejtë edhe pse klubi ja kishte premtuar. Ai bisedoi personalisht me shokun e tij dhe gjithçka e zgjidhën mes tyre.

“E dija se Frenki donte atë numër. Por kjo ishte një çëshjte që më përkiste vetëm mua. Do të doja që klubi të më kishte njoftuar përpara se t’i premtonin 21-shin atij. Ai ishte i përlulur, më pyeti dhe ja dhashë sepse kishte një lidhje personale me atë numër. Me veprimin e drejtuesve nuk ndihem mirë, ne kemi folur gjithmone hapur”, përfundoi Alenja.

Në fakt këtë numër më parë e mbante Karles Alenja. Megjithatë, talenti katalanas është treguar bujar ndaj kolegut të tij, duke ja dhuruar numrin. Kështu, Frenki do të vazhdojë të kujtojë gjyshin e tij, një person që e ndiqte kudo gjatë karrierës së tij. Ndërkohë Alenja do të luajë me 19-ën mbi shpinë.

Barcelona i pati propozuar atij numrin 14.  Një numër me mjaft vlerë, pasi më parë atë e ka mbajtur një legjendë si Johan Krujf. Ndërsa numrin 21 e ka futur në modë dikush si Andrea Pirlo.

Ai dhe menaxheri tij, Ali Dursun, kanë treguar prapaskenat e këtij transferimi. Ata shpjegojnë se marrëveshja mes tyre dhe Barçës për një moment kishte ngecur. De Jong kishte mendimin se nuk ishte gati për këtë transferim dhe Barça nuk kishte treguar seriozitetin e nevojshëm. Është dashur ndërhyrja e presidentit Bartomeu për të mbyllur gjithçka me sukses.

“Barça ishte gjithmonë e interesuar për mua dhe në realitet ajo ishte preferenca ime. Megjithatë, bisedat ishin të vështira dhe kisha ndjenjën se nuk ishte koha për t’u larguar. Pas kësaj gjithçka papritur u bë shumë serioze” u shpreh De Jong.

Ndërkohë, edhe agjenti i tij shpjegon situatën: “Ne e kishim refuzuar Barçën, por ndërhyrja e Bartomeut ishte vendimtare. Patëm një bisedë prej rreth 45 minutash. Kur Bartomeu u largua, unë dhe Frenki i thamë njëri-tjetrit se kaq mjafton”, deklaroi Ali Dursun.

Më në fund ka ardhur momenti për djaloshin. Frenki do të prezantohet pasditen e nesërme në stadiumin “Camp Nou” para tifozëve katalanas. Me zbritjen nga avioni, talenti ka thënë fjalët e para. Me fytyrën e buzëqeshur si gjithmonë, tulipani shprehet shumë i lumtur që do të jetë pjesë e Barcelonës.

“Jam shumë i gëzuar që më më fund jam këtu. E kam ëndërruar që i vogël dhe tani që u realiza është diçka e mrekullueshme. Mezi pres të shkel në fushën e ‘Camp Nou” për herë të parë. Më pëlqen mënyra e lojës së Barçës. Filozofia e tyre ngjan shumë atë të Ajaksit. Mendoj se do e shijoj të luajturit këtu.”

“Jam i gëzuar që do të kem mundësinë të luaj me Mesin. Tani idhulli im do të jetë shoku im i ekipit. Barça me lojtarët holandezë gjithmonë ka pasur një lidhje të ngushtë dhe shpresoj ta nderoj këtë traditë. Dua të bëhem një nga holandezët më të mirë që ka luajtur me Barcelonën”, u shpreh ylli i mesfushës.

?? @dejongfrenkie21 ‘s first words in Barcelona pic.twitter.com/bAQtdjBh5z

— FC Barcelona (@FCBarcelona) July 4, 2019

? LIVE ?? @DeJongFrenkie21?? #ReadyToColor https://t.co/m0NxlESLYx

— FC Barcelona (@FCBarcelona) July 4, 2019

Blerjet më “të çmendura” janë bërë nga këto tre superfuqi. Lojtarë të mëdhenj, me talent bio dhe personalitet të hekurt. Këto janë karakteristikat e atyre, që kanë kushtuar më shtrenjt këtë merkato.
3-Vendin e tretë e mban Frenki De Jong. Tulipani ka mrekulluar gjithë opinionin sportiv me atë çka shfaq nq fushë, por edhe jasht saj. Një djalosh që flet thjeshtë, por bukur, me çiltërsinë e një fëmije, sikur nuk e di se çështë presioni.

Ai është ndoshta përfaqësuesi më i mirë i gjeneratës që po vjen. Një mesfushor “kameleon”, që mund të mbulojë shumë mirë fazën difensive, por edhe e nxjerr rrufeshëm ekipin në sulm. 21-vjeçari u bë pjesë e Barcelonës për 75 milionë euro nga Ajaksi. Këta të fundit e patën blerë për 1 euro nga Vilhelm II.
2-Në vendin e dytë është Lukas Hernandez. Kampion bote me Francën, ku ishte titullar i padiskutieshëm, madje një nga ingranazhet kryesorë për funksionimin e ideve të Deshamp.

Vetëm 23-vjeç, por ka luajtur mbi 100 ndeshje me një gjigant si Atletiko Madrid. Mbulon qendrën dhe krahun e majtë të mbrojtjes. Lojtar tepër i vlefshëm për çdo trajner. Kovaç është me fat. Vjen në “Allianz Arena” në këmbim të 80 milionë eurove.
1-Në shkallën më të lartë të podiumit është Eden Hazard. Një lojtar i konfirmuar tashmë, që shkon në Madrid me synime të qarta. Për ta ngjitur ekipin përsëri në majë dhe për të fituar trofeun më të madh individual për një futbollist, Topin e Artë.

Një nga lojtarët më të mirë të dekadës së fundit, nga ata që i janë afruar më shumë talentit të Mesit dhe Ronaldos. Vlera e tij është shumë më e lartë, por u transferua për 100 milionë euro në Madrid sepse kontrata e tij me Çelsin skadonte verën e ardhshme.

DENIS LALA

Megjithatë Frenki De Jong do i duhet të largohet te Barcelona në fund të këtij sezoni. 22-vejçari ndihet i lumtur me triumfin në kampionat pas një gare të ashpër e të gjatë me rivalët e PSV-së. Ai shprehet se do të shkojë i lumtur në “Camp Nou”. Këtë që po përfundon e vlerëson si një sezon fantastik. Surprizon me dyshimin nëse i duhet një lojtar si ai Barcelonës.

“Është e mrekullueshmë, shkoj në Barcelonë me gëzim të madh. Ka qenë një sezon fantastik edhe pse doja ta mbyllnim me tripletë, por nuk kishte qenë e thënë të ndodhte kështu. E pashë ndeshjen mes Barçës dhe Liverpulit. Nuk e di nëse ata kanë nevojë për mua. Nëse do të ishin më të kujdesshëm dhe do të kapnin finalen, ata do të fitonin tripletën”, u shpreh ylli holandez.

Në daljen për shtyp para takimit të nesërm, trajneri holandez foli në lidhje mbi dëmtimin e mesfushorit Frenki De Jong dhe alternativat në vend të të pezulluarit Taljafiko.

DËMTIMI I DE JONG – “Po e vëzhgojmë situatën e tij orë pas ore. Më shumë u shqetësua nga efekti  i ndërhyrjes që pësoi në kampionat se sa nga dhimbjet e tanishme. Mund të rrezikojmë me të, por duhet të tregohemi të përgjegjshëm. Në fund lojtari duhet të zgjedhë vetë. Nuk e di se çfarë dhimbjesh po ndjen, por mund të them se Frenki është optimist”.

MUNGESA E TALJAFIKOS – “Kemi disa opsione. Mazraui mund të luajë aty, ashtu si Sinkgraven dhe Blind. Do ta vendos ditën e nesërme. Taljafiko është këtu me ne në Torino. Ai është një lojtar i rëndësishëm, brenda e jashtë fushe, do të na ndihmojë me motivimin  e djemve”.

JUVENTUSI FAVORIT – “Sigurisht që Juventusi është favorit, ata ishin që përpara ndeshjes së parë. E dimë që do të na duhet të shënojmë dhe ta çojmë ekipin para. Nëse jemi një skuadër e mirë, mund ta bëjmë këtë. Në Amsterdam e bëmë mirë këtë lloj loje, por kemi shumë gjëra për të përmirësuar, një ndër to efikasiteti me rastet që shënojmë. E kontrolluam lojën për pjesën dërrmuese të ndeshjes në përballjen e parë, por për shkak të mungesës së efikasitet nuk fituam dhe rezultati qëndroi 1 – 1”.

ATMOSFERA – “Jemi në një ritëm të mirë dhe duhet të ditë ta mbajmë. Kjo skuadër ka shumë vullnet dhe është një grup i bashkuar. Në fillim të sezonit nuk e prisnim kurrë të ishim midis këtyre “gjigantëve”. Jemi zhvilluar aq shumë sa që tani mund ta masim veten përballë këtyre klubeve gjigante. Besojmë në një rezultat pozitiv”, mbaroi Ten Hag.

Nga ky transferim do të përfitojë 7.5 milionë euro klubi i Uilem II, pasi De Jong është një produkt i akademisë së tyre. Në verën e vitit 2015, përfaqësues të Ajaksit “trokitën” në derën e skuadrës modeste nga qyteti i Tilburgut për të blerë kartonin e lojtarit.

Drejtuesit e klubit nga Amsterdami ishin të gatshëm të paguanin për kartonin e tij, por drejtuesit e Uilem II vendosën ta shisnin lojtarin për shumën simbolike 1 Euro, ndërsa në këmbim morën 10% të kartonit të lojtarit në rast shitjeje.

Në dy vitet e para, De Jong nuk pati mundësi të çante në skuadrën e parë të Ajaksit dhe u duk se shitja e kartonit për vetëm një euro kishte qenë një marrëzi. Megjithatë, në sezonin e tretë, situata ndryshoi krejtësisht. Mesfushori zuri një vend në formacion e Ajaksit dhe pjesa tjetër është histori.

Shitja rekord e klubit të Uilem II është belgu Musa Dembele, i cili u transferua 11 vite më parë drejt AZ Alkmar për 5 milionë euro.  Tani skuadra nga qyteti jugor i Tilburgut, do të marrë 7.5 milionë Euro nga vetëm 1/10 e shitjes së De Jong, dhe e gjitha kjo falë rritjes fenomenale që ka pësuar industria e futbollit në dekadën e fundit.

PSG ka vendosur t’i bëjë përsëri një surprizë të pakëndshme klubit katalanas, duke arritur shërbimet e Frenki De Jong. Mesfushori i Ajaksit është një nga talentët më të mëdhenj të futbollit europian dhe për të interesohen shumë klube. Mbi të gjitha, Barcelona dhe Mançester Siti, por garën e ka fituar PSG.

Siç citon holandezja “De Telegraaf”, francezët kanë arritur akordin me Ajaksin dhe 21-vjeçari do të transferohet në kryeqytetin francez në verë. Për kartonin e tij do të paguhen 75 milionë euro dhe ai do të zëvendësojë Adrien Rabiot. Ky i fundit nuk ka rinovuar akoma kontratën me PSG dhe as që ka ndërmend ta bëjë një gjë të tillë.

Barcelona nuk mund të qëndrojë duarkryq dhe është gati të arrijë marrëveshjen me 23-vjeçarin. Duke u rikthyer te De Jong, zbulohet se PSG është bindur nga insistimi i Kilian Mbape. Sulmuesi francez ka mbetur i impresionuar nga paraqitjet e De Jong në Ligën e Kombeve kundër Francës dhe i ka kërkuar klubit të tij të mbyllë tratativat me mesfushorit. U tha u bë! De Jong dhe Mbape do të jenë shokë skuadre, duke nisur nga sezoni i ardhshëm.

Ata janë ndër lojtarët më të kërkuar nga klubet e mëdha europiane, ndërsa e ardhmja e tyre është Barcelona. Siç citon “El Mundo Deportivo”, Erik Abidal, drejtori sportiv i Barçës ka darkuar me zyrtarë të klubit holandez dhe palët janë afër arritjes së marrëveshjes.

Abidal ka “vendosur në pjatë” 140 milionë euro për kartonët e dyshes tulipanë: 75 milionë euro për De Jong dhe 65 të tjera për De Ligt. Një ofertë fantastike për Ajaksin, që vështirë ta refuzojë.

I vetmi problem mbetet fakti që Barcelona i dëshiron lojtarët që në janar, ndërsa klubi i “shigjetarëve” nuk dëshiron të dobësohet kaq shumë në mesin e sezonit. Një gjë e tillë është e zgjidhshme, rëndësi ka që oferta e Barçës është pothuajse e parefuzueshme dhe dy lojtarët e talentuar mund të jenë shokët e rinj të Leo Mesit.

Sipar së përditshmes angleze “Daily Mirror”, trajneri i Mançester Sitit Pep Guardiola është takuar me agjentin e lojtarit Ali Dursun dhe ka marrë miratimin e lojtarit për transferimin. Së shpejti pritet që drejtuesit e kampionëve të Anglisë të ulen të tavolinë me Edvin van der Sar. Ish-portieri i Mançester Junajtid mban prej dy vitesh postin e drejtorit të përgjithshëm të klubit holandez.

Kosto totale e transfertës së De Jong përflitet se mund të jetë rreth 67 milionë euro. Një mesfushor me karakteristikat e De Jong është një domosdoshmëri për Sitin, pasi në atë rol “qytetarët” kanë vetëm brazilianin Fernandinjo, i cili në maj do të mbushë 34-vjeç.

Ky i fundit ka folur për “Voetbal International”, ku ndalet te dyshja e mrekullueshme: Ksavi-Iniesta dhe Leo Mesi. Të parët tenton t’i “kopjojë” në youtube, ndërsa argjentinasi e befason dhe e lë me gojë hapur me veprimet që bën.

De Jong nuk nguron të bëjë dhe një krahasim mes dy ekipeve milaneze. Respekt për Interin, aspak për Milanin. Zikaltrit i duken një ekip i mirë, ndërsa kuqezinjtë nuk janë një opsion për të ardhmen e lojtarit të talentuar të Ajaksit.

“Shikoj video në youtube për të mësuar diçka nga Ksavi dhe Iniesta. Zbavitem kur shoh Mesin të luajë. Ajo çfarë bën ai është e çmendur dhe, ndonjëherë, më duke e pamundur. Inter? Më duken një skuadër e mirë, por nuk do të doja të shkoja te Milani, sepse nuk po luajnë mirë dhe klubi po kalon një periudhë kaosi”, përfundon Frenki De Jong.

Mesfushori 21-vjeçar është një lojtari i kompletuar. Shpeshherë luan në qendër të mbrojtjes, diçka krejt e çuditshme, pasi është një lojtar me aftësi shumë të mira në driblim dhe e shfaq shumë herë këtë gjë duke dribluar me lehtësi sulmuesit kundërshtari.

Aftësitë e mira me topin dhe rendimenti i lartë në lojën mbrojtëse kanë sjellë që në zyrat e Ajaksit të vijnë oferta nga klube elitarë si Barcelona dhe Siti. Është mëse e sigurt se aventura e të riut me Ajaksin do të marrë fund gjatë merkatos së verës së ardhshme, por në klub nuk janë të shqetësuar, pasi janë të bindur se nga shitja e kartonit të tij do të përfitojnë jo pak.

Siç citon holandezja “De Telegraaf”, Reali i Madridt do të nisë sulmin në janar për De Jong dhe ka gati 80 milionë euro për mesfushorin. Ai shihet si pasardhësi i Luka Modriç dhe Kampionët e Europës janë gati për të arritur te lojtari i talentuar, i cili debutoi dhe me kombëtaren e Holandës në ndeshjet përballë Perusë dhe Francës.

Menaxheri i lojtarit, Ali Dursun, ka folur për interesimin e madrilienëve dhe “Djajve të Kuq”. “Nuk mund ta konfirmoj, por as ta mohoj interesimin e këtyre klubeve. Duhet të pyesni Mark Overmars (drejtori sportiv i Ajaksit), sepse unë ia kaloj atij interesimin e klubeve të ndryshme për De Jong”, përfundon menaxheri i lojtarit, duke lënë të nënkuptohet se një ofertë e tillë ka ardhur në klub, por është Ajaksi ai që vendos gjithçka.

Poketino e pëlqen shumë 21-vjeçarin e Ajaksit, i cili shihet si një nga talentët më premtues të futbollit holandez. Konkurrenca për të arritur te De Jong është e fortë, sepse Barcelona po e ndjek prej kohësh dhe është gati për të përfituar.

Mark Overmars, drejtori sportiv i Ajaksit, e ka bërë të qartë që nevojiten të paktën 75 milionë euro për kartonin e mesfushorit ofensiv. De Jong debutoi me kombëtaren e Holandës në sfidat përballë Perusë dhe Francës, ku zhvilloi paraqitje të mira.

Siç citon “The Sun”, Totenhem ka gati një ofertë prej 50 milionë eurosh për De Jong, por Ajaksi nuk është dakord me një shifër të tillë. Ankandi për 21-vjeçarin ka nisur me Barcelonën dhe Totenhemit, që do të garojnë për shërbimet e yllit të Ajaksit, edhe pse katalanasit janë në avantazh, sepse lojtari e ka shprehur dëshirën e tij pët të luajtur me Barcelonën.