Frenk Riberi

Ikona Riberi e mbyll me Bajernin: Largimi, tifozët dhe Roben!

Sport Ekspres — Tue, 07 May 2019 13:09:46 +0000

Bajerni i Mynihut njoftoi së fundmi se Frenk Riberi do ta mbyllë me bavarezët në fund të këtij sezoni. Francezi është pjesë e gjermanëve prej 12 vitesh, ku është shndërruar në një nga ikonat e Bajernit.

Në lidhje me largimin e tij ka folur ditën e sotme vetë Riberi, i cili ka treguar se e ka shumë të vështirë lamtumirën pas plot 12 vitesh. Gjithashtu, 36-vjeçari foli edhe për marrëdhënien e tij me tifozët si dhe me Arjen Roben.

LAMTUMIRA – “Pas 12 vitesh është gjithmonë e vështirë. Kam luftuar fort dhe kam fituar shumë këtu. Ishte një kohë e mrekullueshme për mua dhe familjen time. Nuk do ta harroj kurrë.”

PËRSHËNDETJA E FUNDIT ME TIFOZËT – “Do të jetë e bukur, por gjithashtu shumë e vështirë. Gjithmonë kam pasur një marrëdhënie të ngushtë me tifozët. Ata gjithmonë kanë qenë pas meje.”

ROBBERY – “Kur Arjen bëri debutimin e tij ndaj Volfsburg, më dukej sikur kishim kohë të gjatë që luanim bashkë. Unë në të majtë dhe Roben në të djathë. Kemi bërë paraqitje të mira dhe kemi fituar shumë së bashku.”

“Nëse shënon Riberi, kafshoj fshesën”, hakmerret bavarezi!

Sport Ekspres — Fri, 30 Nov 2018 17:27:51 +0000

Fitorja e thellë me rezultatin 5-1 kundër Benfikës ka rikthyer qetësinë te Bajerni i Mynihut. Bavarezët reaguan në Champions, ndërsa trepikëshi i kualifikoi më tej. Niko Kovaç mund të qëndrojë i qetë për momentin, por tashmë fillon detyra e afrimit me Dortmundin në kampionat. Diferenca ka shkuar në 9 pikë, ndërkohë që Bajerni renditet në vendin e pestë.

Frenk Riberi shënoi golin e pestë të ndeshjes, duke u rikthyer te kënaqësia e të shënuarit pas 241 ditësh. Një tifoz e kishte thumbuar lojtarin e krahut për thatësinë dhe paraqitjet jo fort pozitive në këtë sezon. “Nëse shënon do të kafshoj fshesën”, kishte komentuar tifozi në rrjetet sociale.

Bon appétit ??? https://t.co/EdGmO737gr

— Franck Ribéry (@FranckRibery) November 28, 2018

35-vjeçari ka shënuar dhe ka vendosur të “hakmerret”. “Të bëftë mirë”, ka replikuar Riberi, i cili është treguar burrë dhe e ka mbajtur fjalën. Ai ka publikuar 3 foto, duke ngrënë një fetë buke me fije të ndonjë fshese sipër saj. “Sigurisht që nuk është aspak e mirë”, ka shtuar tifozi kritik.

Ich wiederhole mich: es schmeckt nicht. #Besen #Ribery pic.twitter.com/ndNrxU5dd5

— TAD (@iMia_San_FCB) November 28, 2018

Nervat e Bajernit: Riberi humbet kontrollin, godet gazetarin francez!

Sport Ekspres — Mon, 12 Nov 2018 11:25:46 +0000

Humbja përballë Dortmundit nuk është pritur aspak mirë në kampin e Bajernit të Mynihut. Tashmë diferenca me kryesuesit verdhezinj ka shkuar në shtatë pikë, ndërsa Bajerni, si rrallëherë në këto vite, renditet në vendin e pestë në Bundesligë.

Frenk Riberi është një lojtar që njihet për karakterin e tij të fortë, por francezi ndonjëherë e tepron dhe del jashtë vetes. Siç citon “Bild”, 35-vjeçari është parë shumë i revoltuar pas përfundimit të ndeshjes kundër Dortmundit, duke u grindur me një gazetar të “BeIN Sports”, Patrik Gillu

Gjithmonë sipas “Bild”, Riberi ka goditur me shuplakë tre herë patriotin e tij, përpara se ta shtynte atë. Shkaku? Gillu kishte akuzuar Riberi si fajtor të dy prej tre golave të Dortmundit.

Skena ka ndodhur në sytë e Rafinjës dhe Zhan Pierr Papin, ndërsa episodi i ndodhur u konfirmua dhe nga drejtori sportiv i Bajernit, Hasan Salihamixhiç, i cili është shprehur se kishte organizuar një takim mes lojtarit dhe gazetarit francez për t’u sqaruar mes tyre dhe për të vendosur paqen.