Frenk Lampard

Efekti Lampard, Çelsi heq talentin nga “kthetrat” e Bajernit

Sport Ekspres — Tue, 23 Jul 2019 18:59:13 +0000

Kallum Hadson-Odoi ishte zhgënjyer nga trajtimi që i bënë në Londër dhe diskutoi për një kohë të gjatë largimin, me Bajernin që ishte gati ta rrëmbente. Ardhja e Fremk Lampard ka ndryshuar gjithçka. Siç e ka pohuar edhe në media, tekniku i ri e dëshiron shumë qëndrimin e talentit dhe i ka siguruar atij më shumë aktivizim.

Vetem 18-vjec, por Hodson-Odoi i ka mahnitur te gjithe ne Angli me paraqitjet e tij. Vlera minimale – 35 milione euro

E gjithë kjo ka sjellë bindjen e sulmuesit për të firmosur një kontratë të re afatgjatë me klubin ku u rrit. Marrëveshja e tij aktuale skadon verën e ardhshme dhe Çelsi kishte jo pak frikë për largimin e tij.

Granovskaia dhe Lampard janë vënë në aksion dhe kanë arritur ta mbajnë 18-vjeçarin. Mediet ishullore raportojnë se brenda pak ditësh gjithçka do jetë zyrtare. Ndërkohë, Odoi për momentin po rikuperohet nga një dëmtim, që do e mbajë jashtë fushave deri në tetor.

Lampard: Kam mësuar nga më të mirët, Hazardin nuk e zëvendësojmë dot

Sport Ekspres — Thu, 04 Jul 2019 16:40:00 +0000

Frenk Lampard ka folur për herë të parë si trajneri i Çelsit në një dalje për shtyp të zhvilluar ditën e sotme në Londër. Ish-mesfushori legjendar i “bluve të Londrës”, tregoi se ndihet i privilegjuar për mundësinë që iu dha pavarësisht eksperiencës së pakët si trajner.

EKSPERIENCA SI TRAJNER – “E kuptoj pyetjen. Pas një viti si trajner më është besuar stoli i Çelsit, është një mundësi që nuk i jepet kujtdo. Në karrierën time si lojtarë kam mësuar nga shumë trajnerë të mëdhenj, them se kjo gjë do të më vijë në ndihmë. Përjetova një vit fantastik te Derbi, ku mësova akoma dhe më shumë”.

LARGIMI I HAZARD – “Humbëm një lojtar të madh pa dyshim, por më duhet të shikoj nga lojtarët që kam në dispozicion. Kemi lojtarë të mirë, në një moshë optimale që nuk u mungn talenti. Nuk do e zëvendësojë dikush Hazardin, por prapëseprapë ata mund t’ia dalin të bëhen lojtarë të mëdhenj për këtë klub”.

OBJEKTIVAT – “Sezonin do ta nisim me fitimin për të fituar kampionatin. Nëse nuk do ta thoja këtë, atëherë s’duhet të isha këtu përpara jush sot. Te Çelsi kështu duhet të jetë gjithmonë. Duhet të rikthehemi dhe në Champions League, këto janë gjërat që duhet të shtyjnë për më tutje. Siti dhe Liverpuli janë shkëputur shumë, kam për detyrë ta zvogëloj këtë hendek”.

AKADEMIA – “Sytë do i kemi nga akademia këtë sezon. Nëse do të dalë dikush do më tregojë se mund të bëjë diferencën të jetë i sigurt se unë do t’i jap shansin për të treguar veten”.

Lampard trajner i Çelsit, ndihma i vjen nga… Gjermania

Sport Ekspres — Tue, 25 Jun 2019 18:07:25 +0000

Lampard brenda pak ditësh pritet të bëhet trajneri i ri i Çelsit. Klubi londinez ka pranuar kërkesën e Derbit, skuadrës aktuale të trajnerit, për të paguar 4 milionë euro si dëmshpërblim për mbylljen e parakohshme të kontratës.
Klubi i Championship ka dalë me një deklaratë zyrtare, ku aprovon kontaktet mes Çelsit dhe Lampard. Gjithashtu i hap rrugën kësaj lëvizje. Kështu, një figurë e njohur si Frenk Lampard do të jetë zëvendësuesi i Mauricio Sarrit, që zgjodhi të kthehet në Itali te Juventusi.

Pas Lampard dhe Çeh një tjetër legjendë e bluve të Londrës mund të kthehet në “Stamford Bridge”. Mikael Balak pritet të jetë ndihmësi i Lampard në skuadrën e Roman Abramoviç. Gjermani po përfundon kursin e liçensimit si trajner dhe do të jetë krahu i djathtë trajnerit të ri të Çelsit.

“Ndaloni së qari”, kundërshtarët “thumbojnë” ekipin e Lampard

Sport Ekspres — Mon, 27 May 2019 17:14:26 +0000

Aston Vila është ekipi i tretë pas Noruiç dhe Shefilld Junajtid, që ngjitet në elitën e futbollit anglez. Skuadra nga Birningemi arriti të mundë në finalen e “Play-Off” për një vend në Premier Ligë, ekipin e drejtuar nga Frenk Lampard, Derbi.
Pak minuta pas kësaj ndeshjeje Lids Junajtid, ekip i eliminuar më parë nga Derbi në play-off thumboi në “Twitter” tifozin e Derbit dhe këngëtarin e famshëm Niall Horan, i cili ishte tallur disa javë më parë me Lids pas eliminimit. Në postimin e Lids shkruhet: “Shpresojmë që ti ke performuar më mirë se Derbi. Shihemi sezonin e ardhshëm. Ndalo së qari.”

? Hopefully you performed better than @dcfcofficial! See you next season! #StopCrying https://t.co/YHYJciXGvg

— Leeds United (@LUFC) May 27, 2019

FOTO | Fitore, festë dhe alkool: Kavalieri Lampard paguan faturën e kripur!

Sport Ekspres — Fri, 17 May 2019 17:38:09 +0000

Derbi Kaunti mposhti 2-4 Lids Junajtid në transfertë dhe u kualifikua në finalen e madhe për një vend në Premier Ligë. Djemtë e Frenk Lampard përmbysën humbjen 0-1 të ndeshjes së parë të ndeshjeve play-off dhe tani do të përballen me Aston Vilën me 27 maj.

Festa e fitores kundër ekipit të Marselo Bielës ka qenë e madhe. Lojtarët dhe stafi teknik janë parkuar në një pub, aty ku nuk kanë kursyer asgjë. Alkooli ka vërshuar lumë nën tingujt e muzikës, ndërsa fatura e majmë ka mbërritur shifrën 2800 sterlina, ndryshe 3200 euro!

Plot 209 birra, 75 Jagermaister, 65 shotsa me vodka, 53 xhin tonik, 54 Sambuka, 38 gota tekila dhe 5 shishe Proseko ka konsumuar skuadra e Derbi Kaunti. Trajneri i dy herë fituesve të Premier Ligës është treguar kavalier dhe ka paguar gjithë shumën.

Lampard ka qenë në qiellin e shtatë pas fitores së madhe dhe nuk ka lënë askënd të harxhojë asnjë cent. Trajneri i Derbit ka vendosur të qerasë heronjtë e tij, të cilëve iu duhet edhe një sforco kundër ekipit nga Birmingemi në finalen e 27 majit.

Runi i sigurtë: Xherard dhe Lampard shumë shpejt trajnerë në Premier Ligë

Sport Ekspres — Mon, 17 Sep 2018 07:33:50 +0000

Stiven Xherard dhe Frenk Lampard kanë qenë ndër dy mesfushorët më të mirë anglezë të viteve të fundit, por jo vetëm. Të dy kanë nisur karrierën e trajnerit, me ish-kapitenin e Liverpulit, i cili po drejton Gllasgou Rejnxhërs në Skoci, ndërsa Lampard ka marrë drejtimin e ekipit të Derbi Kauntit në divizionin e dytë të futbollit anglez.

Uejn Runi, i cili ka luajtur në kombëtaren angleze më dyshen e famshme, është i sigurtë që ata do të bëhen trajnerë të mëdhenj dhe shumë shpejt mund të prekin Premier Ligën.

“Stiven Xherard dhe Frenk Lampard janë bërë trajnerë dhe mendoj që kjo është një gjë e mrekullueshme për ta. Është koha e duhur për menaxherët e rinj anglezë për të bërë një hap përpara. Jam i sigurtë që brenda dy, ose tre vjetësh do të ketë klube të Premier Ligës, që do t’i besojnë stolin e skuadrës”, përfundon për “Mail on Sunday” Uejn Runi, i cili vazhdon të luajë me ekipin e D.C Junajtid në futbollin amerikan.