Mediet angleze raportojnë se “Ujqërit” interesohen për Frenk Kesi. 22-vjeçari ka treguar aftësi shumë të mira, por nevoja e Milanit për të shitur i jep atij shumë premisa për t’u larguar. Mendesh ka gati valixhen me 30 milionë euro. Në fakt aq është edhe vlera e lojtarit në merkato. Mbetet për t’u parë reagimi i Milanit.

Bakajoko dhe Kesi e morën bluzën e italiant dhe e valëtën para tifozëve të tyre si një trofe, duke treguar një papjekuri të theksuar. Një moment që nuk i është vënë shumë rëndësi më parë është veprimi i mbrojtësit milanist Musakio, i cili sapo e vuri re atë që po ndoshte shkoi dhe ja rrëmbeu nga duart uniformën.

Për këtë ka folur ish-futbollisti i Interit dhe kombëtares argjentinase, Esteban Kambiaso. Ai e ngre lart veprimin e mbrojtësit duke thënë se u tregua i zgjuar. Shtoi se nëse kjo do të ndodhte në vendi e tij do të plaste lufta.

“Nëse kjo gjë ndodhte në Argjentinë, do ishte diçka shumë e rëndë dhe do plaste lufta. Për këtë arsye, Musakio u tregua i zgjuar që shkoi dhe ua hoqi fanellat nga duart”, tha Kambiaso.

Një skenë e shëmtuar, por nervat e lojës bëjnë të veten. Lojtarët kërkuan falje, ndërsa Milani gjobiti Kesin me 40 mijë euro gjobë. Trajneri është një person që ka bërë shumë sherre të tilla kur ishte lojtar. Ai nuk i mban mëri mesfushorit dhe e cilëson çështjen të mbyllur.

“Nuk jam i zemëruar me Kesin. Episodi është mbyllur dhe nuk ka asnjë problem. Ajo që ka rëndësi në një skuadër është respekti që çdokush duhet të ketë për të tjerët, për të gjithë. Tani është e kotë të vazhdojmë të flasim për këtë temë. Të dy lojtarët nuk bënë bisht. Ky është një sinjal pozitiv, do të thotë që mund t’i arrijmë objektivat tanë”, thekson Gatuzo.

Rino i rikthehet edhe njëherë episodit në ndeshjen e Champions Ligës kundër Totenhemit në vitin 2011. Miqtë fituan me një gol të Krauç, ndërsa në fund shpërtheu një sherr i madh. Protagonisti? E kush tjetër, përveçse “luftëtarit” të mesfushës.

Gatuzo kapi prej fyti Xho Xhordan, trajnerin e dytë të “Spurs”, i cili kishte luajtur me Milanin në vitet ’80. U desh ndërhyrja e lojtarëve të tjerë që të qetësohej sadopak një “bishë” si Xhenaro Gatuzo, atë periudhë kapiten i kuqezinjve.

“Kam gabuar edhe unë në karrierë si futbollist, si në rastin me Xhordan (në ndeshjen me Totenhemin). Kam vënë fytyrën time përpara dhe kam paguar shtrenjtë gabimet. Gjithmonë kam marrë përgjegjësitë e mia dhe klubi masat e veta. Pas ndeshjes Milan-Totenhem, luanim në Verona kundër Kievos. Unë isha kapiten atë periudhë dhe Galiani donte të më hiqte shiritin. Dëshironte të jepte një sinjal, por skuadra e kundërshtoi”, përfundon trajneri i “Djallit”.

Vendi i tretë, që mbahet nga zikaltrit është vetëm një pikë larg. Gjithsesi Interi ka një ndeshje më pak. I pyetur nëse është i arritshëm vendi i tretë, Kesi është shprehur: “Kampionati është akoma i gjatë, duhet të përgëzoj shokët e skuadrës dhe të mendojmë të marrim fitore të tjera. Ky është Milani më i mirë, por duhet të mendojmë vetëm të ndjekim udhëzimet e trajnerit”.

“Goli? Duhet të vazhdoj kështu dhe të shënoj më shumë se sezoni i shkuar”, ka shtuar mesfushori i kuqezinjve, i cili më pas jep edhe recetën për të realizuar objektivin kryesor: pjesëmarrjen në Champions League. 

“Bakajoko? Futbolli u tillë është, kur gjërat shkojnë keq të vërshëllejnë. Tani është një lojtar i mahnitshëm. Por nuk duhet të ndalemi këtu. Nëse të gjithë luajmë si Bakajoko, mund të realizojmë objektivin sezonal”, është shprehur Kesi për Sky Sport.

Pas sfidës kanë folur Frenk Kesi dhe Alesio Romanjoli. “Duhet të qëndrojmë në këtë post deri në fund të sezonit. Shtrëngova dhëmbët për këtë ndeshje dhe dhashë maksimumin për ekipin. Bakajoko? Për mua është njësoj, si të luaj me të, Bonaventurën, apo Biljan. Më kë luaj është njësoj, rëndësi ka fitorja”, thekson mesfushori me origjinë nga Bregu i Fildishtë.

Nuk mungon as komenti i kapitenit Alesio Romanjoli. Mbrojtësi është i lumtur për fitoren dhe golin e shënuar. Më parë ishte i pafat, duke shënuar në portën e tij dhe dhuruar Xhenoas barazimin e përkohshëm, por në minutën e parë shtesë, kapiteni i kuqezinjve përfitoi nga një grushtim i portierit Radu dhe shënoi një gol të bukur, duke shpërthyer në festë “San Siron”.

“Ishte një mbrëmje e bukur dhe e meritonim fitoren. Isha i pafat në rastin e autogolit, më vjen keq, por arritja ta shlyeja vetën. Kjo skuadër ka marrë shumë kritika, duhet të vazhdojmë të përmirësohemi dhe të shohim përpara. Kalabria? I uroj fat të mbarë Matias, pësoi një dëmtim të rëndë dhe shpresoj të rikthehet sa më parë”, përfundon Alesio Romanjoli.

Frenk Kesi ka një problem në muskuj dhe siç citon “Gazzetta dello Sport”, mesfushori afrikan do të mungojë në sfidën kundër Sampdorias. 21-vjeçari pati probleme në ndeshjet e zhvilluara me Bregun e Fildishtë, ndërsa dëmtimi i tij u përkeqësua në derbin përballë Interit.

Ai mungoi në ndeshjen e së enjtes kundër Betisit në Europa League, ndërsa do të qëndrojë pushim dhe nesër. Në mungesë të Kesi, Gatuzo mund t’i rikthehet skemës 4-4-2 me Diego Laksalt në krah dhe Bonaventura në qendër bashkë me Biljan.

Një opsion tjetër mbetet skema 4-3-3, me Bakajokon në vend të Kesi, por ish-mesfushori i Çelsit nuk premton shumë siguri. Gjithçka do të zbardhet nesër me Gatuzon, i cili duhet të gjejë zëvendësuesin e Kesi dhe të zgjedhë skemën e duhur për të rikthyer ekipin e “Djallit” te fitorja.