Në sezonin e fundit, Frashëri ishte  numri 1 i portës së verilindorëve, duke luajtur në 32 ndeshje të Kategorisë Superiore dhe në tetë të takime të Kupës së Shqipërisë.

Ju lajmëroj miq të dashur, që nga ky moment nuk do të jem më pjesë e FK Kukësit ! Kam qenë pjesë e një familje që më kanë respektuar dhe janë kujdesur në mënyrën më të mirë të mundshme… Një klub të cilit jam munduar ti jap gjithçka dhe njëkohësisht kam marrë shumë prej tij, një grup me çuna model që vërtet do më mungojnë. I uroj FK Kukësit suksese, çunave dhe pjesës të stafit që lash pas

https://www.instagram.com/p/B0njPDXgXb9/?utm_source=ig_web_copy_link

Përveç problemeve me kontratat e futbollistëve, të cilët nuk janë ulur ende për të biseduar për rinovim ose ndërprerje, Duro shqetësohet edhe për faktin se nuk ka ende një portier cilësor në ekip. Avdyli, i ardhur këtë merkato, nuk ka besimin e trajnerit, ndërsa i riu Basha, ka mungesë eksperience.

Flitej për një akord me ish-portierin e Flamurtarit, Ena Koliçit, por 33-vjeçari duket më pranë firmës me Dinamon. Porta mbetet ende “bosh” në këtë fazë të merkatos dhe me shumë gjasa, drejtuesit verilindorë do të studiojnë disa alternativa nga IPKO Superliga.

“sportekspres.com”, mëson se Duro kërkon të marrë te Kukësi portierin e Partizanit Dashamir Xhika. 30-vjeçari është pjesë e kryeqytetasve prej pesë sezonesh, madje është pikërisht Duro ai që riktheu Xhikën te Partizani në verën e vitit 2014.

Pas pesë vitesh me aktivizime të pakta te Partizani, Xhika mund të gjejë të Kukësi një mundësi për një vend titullar, çka nëse ndodh do rriste ndjeshëm vlerën e tij në tregun e portierëve shqiptarë.

Frashëri iu ka komunikuar shokëve të skuadrës largimin e tij nga Kukësi, skuadër me të cilën i ka mbaruar kontrata. Flitej dhe për një rinovim të Frashërit, por dyja palët vendosën të mos e vazhdonin bashkëpunimin.

28-vjeçari ka luajtur 2 sezone me Kukësin në Superiore, ku është aktivizuar në 41 ndeshje. Ndërsa në Kupën e Shqipërisë, gardiani numëron 14 ndeshje me fanellën e verilindorëve.

Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

Nënkampionët po synojnë shumë lojtarë për të sjellë në kampin blu, por ka dhe nga ata që e shohin të ardhmen larg Kukësit. Një nga këta lojtarë, është Stivi Frashëri. Portieri mësohet se ka pasur bisedime me klubin e Teutës, që zyrtarizoi largimin e Isli Hidit disa orë më parë.

Bisedimet mes dy palëve kanë shkuar mirë dhe flitet se ka një akord mes tyre, por deri më tani, asgjë nuk është “kopsitur”. Mbetet për t’u parë nëse ky transferim do të zyrtarizohet orët e ardhshme.

Tirana:

U prehsh ne paqe Fatmir Frasheri

Eshte ndare sot nga jeta Fatmir Frasheri, nje nga ikonat e familjes bardheblu. Ish futbollist, trajner dhe pjese e rendesishme e historise se klubit.

Klubi i Futbollit Tirana i gjendet prane familjes Frasheri ne kete moment te veshtire.

NGUSHËLLIM

Me keqardhje të thellë mësuam sot lajmin e ndarjes nga jeta në moshën 78 vjeçare të ikonës së futbollit shqiptar Fatmir Frashëri nga një sëmundje e rëndë. Frashëri një prej kolosëve të futbollit tonë ishte emblemë e klubit të Tiranës si lojtar në vitet 60 – 70 duke fituar 4 Tituj Kampion të Shqipërisë. Si trajner ai drejtoi me mjaft sukses ekipet e Tiranës, Besës, Naftëtarit dhe Dinamos. Gjithashtu Frashëri për 3 vite ishte pjesë e Partizanit, skuadër me të cilën fitoi edhe 2 tituj të tjerë Kampion të Shqipërisë në sezonet 1962 – 1963 dhe 1963 – 1964. Frashëri mbajti veshur për 12 ndeshje edhe fanelën e ekipit tonë përfaqësues. Njëkohësisht ish mbrojtësi brilant është vlerësuar me titujt “Mjeshtër i Madh” dhe Mjeshtër i Merituar .

Klubi i Futbollit Partizani i përcjell ngushëllimet më të sinqerta familjes dhe të afërmve, për këtë humbje të madhe.

U prehsh në paqe ikona Fatmir Frashëri!

FSHF:

Futbolli shqiptar sot ka humbur një nga figurat më të mëdha. Pas një sëmundje të rëndë, është ndarë nga jeta në moshën 78 vjeçare ish-futbollisti i shkëlqyer i Tiranës dhe Kombëtares, “Mjeshtri i Madh”, Fatmir Frashëri.

Fatmir Frashëri ka lënë shenjë në futbollin shqiptar nga fundit viteve 50-të deri në fillimin e viteve 70-të, si një mbrojtës i shkëlqyer, me një qetësi të admirueshme dhe personalitet të jashtëzakonshëm brenda dhe jashtë fushave të blerta, duke u cilësuar nga të gjithë si një ndër më të shkëlqyerit e brezit të tij. Frashëri ka kontribuar në futbollin shqiptar për shumë vite edhe në pozicionin e trajnerit për shumë vite si edhe President i Klubit të Futbollit Tirana.

“I tronditur dhe me hidhërim të thellë, dëshiroj të ndaj me ju lajmin e trishtë se Fatmir Frashëri, ish-mbrojtësi i madh i Kombëtares dhe Tiranës, President klubi, mik dhe dashamirës i madh i futbollit, është ndarë nga jeta përgjithmonë. Në këtë moment të vështirë për të gjithë ne, familjen e tij, miqtë dhe të dashurit, besoj dhe shpresoj që kjo humbje e pakthyeshme të lërë brenda nesh kujtimin më të mirë për Fatmirin. Në emër të Federatës Shqiptare të Futbollit dhe gjithë familjes së madhe të futbollit shqiptar gjej rastin t’i shpreh familjes dhe miqve të tij ngushullimet më të sinqerta për humbjen e njeriut më të dashur. Kujtimet që na ka lënë, do të jenë të paharruara”, ka deklaruar Presidenti i FSHF-së, Armand Duka, sapo ka mësuar lajmin e dhimbshëm.

Të dy lojtarët u nxorrën me karton të kuq nga fusha e lojës dhe priten vendime të tjera nga Komisioni i Disiplinës. Vetë Kordeiro ka përdorur Instagramin e tij zyrtar për të thumbuar Frashërin. Një foto e dy futbollistëve dhe mbishkrimi: “Ik në shtëpi, dështak i keq!”. Ndoshta shumë shpejt mund të kemi dhe një reagim nga mbrojtësi i Teutës, Erlis Frashëri…

“Kemi vuajtur në ndeshjet e kaluara, shpresoj që kjo fitore të na ndihmojë të kalojmë këtë ngërç që kemi pasur. Ishte një ndeshje e sikletshme, vinim nga një rezultat i keq si humbja me Partizanit, që shpresoj që mos të ndodhë më. Tani do shikojmë vetëm përpara”.

KUPA DHE VENDI I DYTË – “Ne do të bëjmë më të mirën, hap pas hapi. Besimi është i plotë te skuadra dhe te presidenca. Kemi ndeshjen me Kukësin në Kupë do të shkojmë për t’u kualifikuar.”

PARAQITJET ME TEUTËN – “Nuk jam akoma i kënaqur nga vetja, por besoj se kjo e sotmja ishte ndër ndeshjet më të mira që kam zhvilluar deri më tani”.

SFIDA KUNDËR KAMZËS – “Është një ndeshje që duhet vlerësuar maksimalisht ajo kundër Kamzës. Unë kam kaluar shumë mirë te ajo skuadër, por tani jam te Teuta dhe shpresoj të rikthehemi te fitorja, pasi kemi marrë vetëm barazime.

BARAZIMET – “Jemi shumë të zhgënjyer, pasi kemi bërë edhe lojë të mirë. Ndeshja me Flamurtarin na ka mbetur peng, pasi bëmë një lojë vërtetë të mirë dhe kërkonim fitoren, por edhe me Tiranën luajtëm mirë në pjesën e dytë.”

AMIENTIMI – “Që kur kam ardhur në fillim te Teuta, jam ndjerë shumë mirë. Në ndeshjen e parë nuk isha në maksimumin tim, por nga ndeshja me Tiranën dhe tani jam në formën time më të mirë dhe kështu mendon edhe trajneri Shkëmbi.”

TITULLI – “Objektivi ynë mbetet Europa, por pse jo dhe për titull, pasi me oreks vjen gjithçka. Shpresojmë të bëjmë një ndeshje të mirë dhe të marrim fitore me Kamzës, pastaj presim në ndonjë hap fals të kundërshtarëve, që të bëjmë një hap më lart në renditje”, u shpreh Frashëri.

Skuadra periferike e kryeqytetit ka zyrtarizuar gjithçka në platformën “Facebook”. Frashëri është larguar si lojtar i lirë drejt Teutës, ndërsa Shala ka ardhur në formë huazimi.

Mbrojtësi 27-vjeçar do të kalojë pjesën e mbetur të sezonit te Kamza, ku do të mbulojë fashën e majtë të mbrojtjes. Shala ka eksperiencë në Superiore, pasi më parë ka mbrojtur ngjyrat e Laçit.

MBIJETESA – “Kjo është një sfidë shumë e vështirë, por unë besoj se, së bashku me presidentin Qarri dhe kryetarin  e bashkisë ne do t’ia dalim. Nëse ndonjë nga këto hallka nuk funksionon, atëherë do ta kemi shumë të vështirë”

FAZA PËRGATITORE – “Sigurisht kjo është një fazë e rëndësishme. Baza do të jetë përgatitja fizike, por edhe ajo psikologjike, duhet të punojmë nga ana e mentalitet që të ecim përpara”.

LARGIMI I FRASHËRIT – “Frashëri ka qenë një ndër lojtarët kryesorë të skuadrës dhe nuk do ta kemi të vështirë për ta zëvendësuar. Gjithsesi nuk duhet të kthejmë kokën pas. Presim afrime në merkato. Tregu është shumë i varfër, gjithsesi ne do të shikojmë deri në fund dhe shpresoj të jemi me fat”, tha trajneri Gjoka.

“Rikthehem te Teuta pas shumë vitesh, pas më pëlqeu projekti i klubit. Shpresoj dhe besoj se do të dalim kampion. Deri tani po shoh lojtarë të rinj, trajner që punon shumë. Shpresoj që t’i ndihmoj me kontributin tim”

Djemtë kanë bërë mirë deri tani, shpresoj edhe unë të jap maksimumin tim dhe të bëj mirë për Teutën. Kam luajtur me Bledin e kam pasur shok, tani ndryshojnë gjërat pasi tani është trajner dhe unë lojtar. Do mundohem të jap maksimumin”,- u shpreh Frashëri.

ECURIA NË RRITJA  – “Ekipi bëri më shumë kohë bashkë dhe lojtarët njohën njëri tjetrit, por nuk diskutohet edhe fatin bëri të vetë. Në fakt në verë nuk e menduam ndonjëherë se sa pikë duhet të ishim larg vendit të parë. Synimi kryesor ishte të merrnim lojtarë të mirë dhe të krijonim një grup të mirë.  Për momentin jemi brenda objektivin që janë kupat e europës”.

“Duke luajtur me kundërshtarë të fortë, që synojnë titullin kampion si Kukësi, Skënderbeu apo Partizani, kemi treguar që jemi të barabartë. Nuk dua të them se kemi qenë në ndonjë moment edhe më lart, por kemi qenë të barabartë. Në fund do të shohim se ku do të arrijmë.”

RAPORTI ME DREJTUEIST “Kur ka rezultate të mira, normalisht që gjërat shkojnë mirë. Por, edhe momentet e vështira drejtuesit e klubit na kanë mbështetur. Kjo që ndodh nuk është diçka momentale, pasi po mendohet për shumë gjatë dhe ne si staf po mundohemi t’i japim një dorë klubit, duke synuar kualifikimin në kupat e Europës”.

“Merkato? Frashëri është i joni tashmë. Sa i takon Arapit, jemi në bisedime. E sigurt do jetë kur të nisë stërvitje me ne. Për momentin nuk është i joni. Ne do shohim dhe nëse do ketë lojtarë shumë cilësorë, atëherë mund të marrim ndonjë, në kundërt e kam thënë dhe më parë që jemi mirë këta që jemi tani”, përfundoi Shkëmbi.

“Sport Ekspres” mëson se numri 1 i portës kuksiane ka pasur probleme që atëherë dhe ka vendosur që të sakrifikojë për skuadrën. Gjithsesi, çdo gjë e ka një kufi dhe tani portieri ka shfaqur sërish probleme dhe po bëhet çmos që të rikuperohet në kohë për ndeshjen me Torpedon.

Kukësi ka të gatshëm Malokun, i cili është një portier me shumë kualitet, por në takimin e kthimit me Karabakun nuk u bashkua me ekipin për arsye burokratike. Për fatin e mirë të Kukësit, Frashëri i shtrëngoi dhëmbët deri në fund, por nëse nuk do të ndodhte, atëherë do i duhej të aktivizonte Bashën, i cili është regjistruar si portieri i tretë.

Këtu bëhen llogaritë, pasi Kukësi e kishte Koliçin në dispozicion, nën kontratë dhe për kupat e Europës, por divorci erdhi para kohe. Mos ndoshta ishte një veprim i nxituar? Po nëse Frashëri nuk ia del dhe Gjeorgjia i hap probleme Malokut, si do të shkojë puna me vetëm Bashën në stol? Një situatë që mbetet për t’u parë.

Gjithsesi, Frashëri e pranon qetësisht rolin e rezervës, për momentin: “Jam shumë i kënaqur që arrita të mbyll marrëveshjen me Kukësin dhe që nga dita e sotme jam zyrtarisht futbollist i këtij ekipi. Kënaqësia është më e madhe kur e di se po afrohesh te një ekip që synon gjithmonë fitimin e trofeve dhe i ka objektivat e qarta. Unë do të jap maksimumin për këtë ekip dhe sa herë të më jepet mundësia do të tregoj veten time. Koliçi? Portier shumë i mirë dhe djalë i shkëlqyer. Vitet e fundit është rritur shumë dhe ka pasur kontribut të madh te fitimi i titullit. Do të jetë mirë të punoj me të, por edhe me portierët e tjerë që ka Kukësi. E përsëris edhe njëherë që është kënaqësi e madhe që iu bashkova kampionëve”.

Kështu, sot është arritur marrëveshja me Stivi Frashërin, mëson “Sport Ekspres”. Portieri korçar ishte pa ekip prej majit, kur mbylli kontratën me Flamurtarin. Në Vlorë 26-vjeçari pati një sezon të trazuar, duke u alternuar shpesh me Argent Halilajn në portë dhe duke u lënë jashtë skuadre prej prillit, pasi në Vlorë nuk e pëlqyen faktin që shkoi të takonte lojtarët e Skënderbeut në dhomat e zhveshjes pas përfundimit të takimit.

Tani Frashëri sistemohet te klubi kampion, ku do të jetë rezervë, por sezonin e ardhshëm mund të marrë dorashkat e titullarit, sepse Koliçi ka rinovuar vetëm për një vit dhe është i tunduar nga ofertat brenda e jashtë vendit. Për të mos u kapur i papërgatitur, Kukësi merr masat që tani, duke afruar një portier të talentuar, por që ka pasur shumë luhatje në karrierën e vet.