“Humbëm pasi ata arritën të shënon, ndërsa ne jo, pavarësisht se krijuam shumë raste për shënim. Dhjetë minutat e para skuadra ishte disi e kontraktuar, por me kalimin e minutave arritëm të dilnim në lojën tonë”.

NDESHJA E KTHIMIT – “Kam besim. Besoj sepse skuadra ka treguar se ka shumë vlera. Do të na duhet të mos minimizojmë gabime, ndryshe nga sot. Sot nuk arritëm të dilnim në lojën. Pësimi i golit na prishi ekuilibrat. Nuk arritëm që të kishim një lidhje midis dy reparteve.”

MUNGESA E GOLAVE – “Nuk mendoj se kemi një problem me sulmin. Ne krijuam plot raste, por nuk arritëm të shënonim. I tillë është futbolli”.

Lerda u ndëshkua me të verdhë në këtë takim (rregull i ri nga FIFA) për shkak të shkelmimit të një shisheje, por në intervistë italiani nuk pranoi të bënte polemika duke thënë thjesht se ishte një veprim që u bë për shkak të ngarkesave emocionale që jep një ndeshje futbolli.

 Në të dyja ndeshjet zgjodhët një lojë ultra-mbrojtëse. Përse kjo strategji ?

Ekipin e vendos në varësi të forcës së kundërshtarit. Nëse kam përballë një skuadër të fortë si Karabak, natyrisht që do ta vendos ekipin në mbrojtje. Në rast se kundër do të kisha një ekip më të lehtë, skuadra do bënte një lojë më sulmuese”.

Largoheni nga Azerbajxhani me pendesë?

Jo aspak. S’kemi për çfarë të pendohemi. I uroj suksese Karabakut. Gjithsesi tani duhet të mendoj për skuadrën time.

Sa mendoni se mund të ecë përpara Karabaku?

Karabak janë një skuadër shumë  e fortë, por nuk mund të them se deri ku mund të shkojnë ata. Kjo skuadër ka lojtarë cilësorë si Kintana. Ai sapo u fut në lojë, u gjend në vendin e duhur në kohën e duhur dhe na ndëshkoi. Mbrojtësi i majtë Ailton është një lojtar shumë i mirë gjithashtu”.

Shkelmuat  një shishe gjatë lojës dhe u ndëshkuat me kartonin e verdhë. U acaruat që arbitri nuk iu dha penallti për prekjen me dorë?

Ishin thjesht emocione gjatë lojës.

(përkthyer nga sportal.az)

“Jemi gati, kemi edhe një seancë stërvitore. Kemi analizuar ndeshjen dhe kemi parë rastet kur kishim topin ne dhe kundërshtari. Kemi nxjerrë mësimet e duhura. Na pret një ndeshje e vështirë, por ne luajmë shanset tona”, shprehet Lerda.

SITUATA  – Trajneri italian është i kënaqur me atë që po tregon skuadra e tij, ndërkohë që nuk zbulon asgjë sa i takon formacioni: “Jam i kënaqur me skuadrën. Normalisht kemi vend për përmirësim. Afrimet nuk janë ende në formën më të mirë. Kur të vijnë në formë, do kemi disa armë më të shumta. Të shohim në lidhje me formacionin. Do luajë kush e meriton. Trashi? Nuk e di, të shohim”, ka shtuar italiani.

KUALIFIKIMI – Ndeshja e parë në Tiranë ka përfunduar 0-0 dhe Partizanit i mjafton edhe një barazim me gola për të kaluar në raundin e dytë. “Kemi besim, nuk themi se kemi shpresa të mëdha. Luajmë ndaj një klubi me 25 milionë euro buxhet, disa herë kampion dhe që kanë luajtur në grupet e Champions League. Në futboll ndodh çdo gjë”, u shpreh Lerda.

“Unë shikoj lojtarët e mi dhe jo të Karabakut. Të gjithë e kanë interpretuar ndeshjen siç e kishim përgatitur, ata që e nisën si titullarë dhe ata që u futën si zëvendësues. Gjithçka ishte në perfeksion”, u shpreh Lerda për mediat e pranishme në sallën e konferencave.

Trajneri italian vuri në dukje forcën e Karabakut dhe faktin që ata kanë një buxhet prej miliona eurosh. Gjithsesi, kur ai pyetet se a u tregua në fushë diferenca e buxheteve, përgjigja ishte e qartë.

“Absolutisht nuk kam parë diferenca në fushë, kjo është e bukura e futbollit. Gjithçka është e hapur dhe duhet të jemi të përgjegjshëm edhe për takimin e kthimit”, përfundoi trajneri i Partizanit.

Në portë s’ka vend për diskutim me Alban Hoxhën që do të mbrojë kuadratin e “demave”. Surpriza e madhe vjen në mbrojtje. Lorenc Trashi është ulur në stol. Lerda ia ka besuar rolin e mbrojtësit të majtë shkodranit Esin Hakaj. Pjesa tjetër e mbrojtjes plotësohet nga dyshja e qendërmbrojtësve Bitri, Belica dhe në të djathtë Ibrahimi.

Në mesfushë Telushit dhe Malës i bashkëngjiten  braziliani Melo, i cili do të aktivizohet në të krahun e majtë. Treshja e sulmit përbëhet nga Asani në të djathtë, Mensah në të majtë dhe Çinari në qendër.

Partizani formacioni i mundshëm
(4 – 3 – 3)
Hoxha, Ibrahimi, Belica, Bitri, Hakaj, Telushi, Mala, Melo, Asani, Çinari, Mensah

“Lista e lojtarëve është e përbashkët,  por klubi i njihte më mirë pikat e përforcimit dhe prioritetet e ekipit. Personalisht nuk i njoh këta lojtarë, por i kemi parë në internet video të ndryshme”, shprehet Lerda për Top Channel.

Më tej ai shton: “Pas ndryshimeve të fundit, sigurisht që do të ketë disbalancë mes lojtarëve që ishin në fazën përgatitore dhe këtyre të rinjve. Tani na duhet të punojmë shumë me ata që përvec gjëndjes fizike, të kuptojnë edhe pjesën tekniko taktike të ekipit.

Kohë nuk kemi, por do të përpiqemi të bëjmë maksimumin e mundshëm. Gjithsesi, pas këtyre 20 ditëve që jam këtu dhe me këto ndryshime nuk mund të presë askush që të kemi një skuadër të kolauduar dhe në gjendjen më të mirë”.

Karabaku është rivali për t’u kaluar në Europë. Azerët nuk janë ata të disa viteve më parë, por mbeten favoritët për të kaluar në turin e dytë të Champions League. Sfida e parë luhet të mërkurën, më 10 korrik, prej orës 17:30. Takimi luhet në “Selman Stërmasi” dhe Lerda thekson se do tentojnë kualifikimin.

“Objektivi ynë është që të kalojmë turin. Vërtetë Karabaku është një skuadër e fortë dhe e mësuar të luajë në aktivitete të tilla europiane, por nuk nuk mund t’i bëjmë llogaritë kështu. Të gjithë e dimë si është futbolli sot, gjithçka mund të ndodhë. Përpara kësaj ndeshje do të thoja që firmos për lojën e bukur dhe do të konsideroja pozitiv një barazim që do të vinte nga një lojë e mirë”, shton italiani. 

Mbrojtja e titullit kampion është misioni i Partizanit pas Europës dhe Lerda e pranon se do të jetë e vështirë: “Do të jetë shumë e vështirë që Partizani të rikonfirmohet kampion në sezonin e ardhshëm. U shpallën kampion pas shumë vitesh, por për të mbajtur këtë ritëm bëhet gjithmonë e më vështirë dhe të gjithë e dimë këtë gjë. Megjithatë ne shpresojmë. Ajo që është e sigurt, është që në këtë vit do të jetë një Partizan ndryshe, sepse secili nga trajnerët ka mënyrën e tij, karakterin e tij që ia trasmeton skuadrës”. 

Italiani ka pasur mundësinë ta njohë më shumë grupin e lojtarëve gjatë kësaj periudhe dhe për Supersport thotë: “Tani kam pasur mundësinë t’i shoh djemtë dhe e kam një mendim. Nuk jemi ende top, do luajmë me një ekip të fortë si Karabaku, që është mësuar me këto nivele. Duhet të kemi besim se mund të bëjmë mirë”.

Për Lerdën nuk ka shumë rëndësi eksperienca: “Nëse lojtarët janë të mirë, mosha nuk ka rëndësi. Duhet të jenë të fortë edhe mendërisht, jo vetëm fizikisht dhe taktikisht”. Më pas ai flet edhe në lidhje me modulin që përdor.

“Le të themi që 4-3-3 e kam preferuar prej lojtarëve që kam. Preferoj ta shoh skuadrën sulmuese. Duhet ta përgatitim mirë ndeshjen, duke pasur parasysh edhe kundërshtarin. Duhet të jemi gati të mbrojmë dhe të sulmojmë kur të jemi gati”, shton Lerda.

Në fund edhe flet edhe për aspektin personal: “Jam një trajner që e përgatis javën në mënyrën time. Jam kërkues dhe bashkëpunues me lojtarët. Më pëlqen të mësoj se çfarë mendojnë lojtarët e mi. Unë mundohem të përqendrohem nga futbolli, më pëlqen të shëtis dhe të njoh njerëzit. Do e vizitoj Tiranën për të njohur njerëzit. Kjo më pëlqen”.

“Sot ka qenë dita ime e parë me djemtë në fushë. Ishte një takim shumë pozitiv, i pashë mirë dhe punuam si duhet. Jam shumë i kënaqur, pasi pashë një skuadër që ka dëshirë të përmirësohet e të rritet. Pashë gjithashtu një grup që ka karakteristikat e duhura dhe që më jep shpresa që mund të bëjmë mirë”, tha Lerda fillimisht.

Në lidhje me shortin, ai shtoi: “Të preferuar nuk kisha, pasi sa herë hidhen shorte ka diskutime të ndryshme. Në fund duhet të mendojmë për veten tonë, të shkojmë të përgatitur në çdo aspekt dhe të jemi të bindur që mund ta kalojmë turin. Ndeshje të lehta nuk ka. Kemi besim se do të shkojmë mirë”.

Partizani ka programuar dy miqësore, më 23 dhe 26 qershor, ndërkohë që me grupin kanë udhëtuar edhe Esin Hakaj e Uilliam Kordeiro, dy të parët që janë afruar në merkaton aktuale. Drejtuesit po punojnë të përforcohen edhe me elementë të tjerë cilësorë.