Ekipi londinez ka prezantuar me anë të një video në rrjetet sociale fanellën e tretë dhe blerjen rekord të klubit. Haller spikati gjatë dy sezoneve të tij në Bundesligë, ku në 60 ndeshje shënoi 24 gola e shërbeu 13 asiste.

We are delighted to announce the arrival of prolific French striker @HallerSeb ?https://t.co/YjoxT2orQw

— West Ham United (@WestHam) July 17, 2019

Mbetet për t’u parë se çfarë strategjie do ndjekë klubi gjerman për të zëvendësuar dy të larguarit. Për momentin Frankfurti nuk ka shpenzuar qoftë dhe një qindarkë për të përforcuar repartin e sulmit, ku tashmë i vetmi i mbijetuar është kroati Ante Rebiç, madje dhe ky i fundit mund të largohet për shkak të ofertave të shumta.

“Bild” raporton se mbrojtësi ka arritur marrëveshjen me Ajntrahtin e Frankfurtit dhe zyrtarizimi e vizitat mjekësore priten të kryhen ditën e nesërme.

Kulmi i karrierës së Durm ishte viti 2014, ku Joakim Lëv e grumbulloi në Botërorin “Brazil 2014”. Që prej atij momenti futbollisti gjerman ka pësuar dëmtime të njëpasnjëshme, madje gjatë sezonit 2017/2018, Durm nuk luajti qoftë dhe një minutë.

Ekipi kombëtar është akomoduar në Hotel Rilano, një resort me katër yje që përdoret shpesh nga skuadra të Bundesligës dhe klube të ndryshme sportive. Media gjermane “fnp”, ka kryer një intervistë me menaxherin e këtij hoteli, ku ka zbuluar se fillimisht ishte programuar që seancat të zhvilloheshin në stadiumin e Ajntrahtit të Frankfurtit, “Commerzbank Arena”, por trajneri Edi Reja kërkoi një fushë më afër hotelit, pasi trafiku në qendër të qytetit mund ta çonte kohën e udhëtimit deri në 40 minuta.

Stafi i “Hotel Rilano” arriti një marrëveshje me ekipin amator FC Obershteden. Fusha e këtyre të fundit ndodhet vetëm 7 kilometra nga hoteli. Ndër kërkesat e trajnerit Edi Reja ishte që bari të shkurtohej deri në 28 milimetra gjatësi.

Gazetarët e “fnp” patën një bisedë të shkurtër me Mërgim Mavrajn. Kapiteni i kombëtares sonë ka lindur 25 kilometra larg Frankfurtit në qytezën e Hanaut: “Jam një djalë hesian (shteti i Heses, ku bën pjesë dhe Frankfurti), jam rritur këtu, mamaja ime jeton 30 kilometra larg. Ndihem si në shtëpinë time”.

Çelsi e priste disi më të lehtë, pas barazimit në Gjermani, por Frankfurti po tregon se është një ekip fantastik dhe nuk i druhet askujt.

1-1 90 minutat e gjysmëfinales së kthimit në Europa League dhe Arsenali finalist duhet të presë, sepse ka ende shtesa për të luajtur në Stamford Bridge.

Çelsi shënoi në minutën e 28-të me Loftus-Çik dhe u duk se i vuri punët në vijë, por pak nga pak Frankfurti u rrit dhe barazimi me supertalentin Joviç ishte i merituar në pjesën e dytë.

Ndeshja u hap totalisht në 30 minutat e fundit dhe Frankfurti fitoi gjithnjë e më shumë terren, por edhe besim. Çelsi me fat, sepse Azpilikueta mund të dilte me karton të kuq në një kundërsulm gjerman.

Asnjë gol as në shtesa, aty ku Frankfurti luajti mjaft mirë, por Çelsi pati ankesa për një gol të anuluar me VAR, kur Azpilikueta shënoi, duke i hequr topin nga duart portierit Trap.

U desh lotaria e penalltive: Haller e nisi me gol për Frankfurtin, Barkli barazoi, të dy me gjuajtje perfekte. Joviç mposhti Kepan me pak fat, sepse spanjolli e preku topin, ndërsa Trap kreu pritjen e shpresës së madhe gjermane, duke pritur penalltinë e Azpilikuetas.

De Guzman perfekt, shënoi golin e tretë për Frankfurtin, duke gënjyer totalisht Kepan, Zhorzhinjo shënoi për Çelsin me një gjuajtje të zgjuar.

Hintereger gjuajti shumë keq, qendrore, dhe Kepa priti me këmbë pa lëvizur nga vendi, duke bërë që llogaritë të barazoheshin totalisht, sepse pas tij David Luiz shënoi me një gjuajtje të pakapshme.

Gonsalo Pasiensia, i futur për të gjuajtur penallti, u ndal nga Kepa, heroik, ndërsa Hazard vulosi fitoren me një gjuajtje të saktë.

Europa League final…

WE ARE COMING! ?#CHEFRA pic.twitter.com/D6QSy9UPcl

— Chelsea FC (@ChelseaFC) May 9, 2019

Çelsi e ka disi më të thjeshtë, pasi luan në shtëpi përballë gjermanëve të Ajntrahtit. Pas barazimit 1-1 në Gjermani, Blutë e Londrës shihen si favoritët absolutë për të arritur finalen e këtij kompeticioni.

LIVE, Europa League

Valencia – Arsenal 2-5 (1-3)
Gameiro 11′ 58’/ Obamejang 17′ 69′ 88′, Lakazet 50′

Çelsi – A. Frankfurt 1-1 (1-1)
Loftus-Çik 28′ / Jovic 49′

EPISODET – 

88’ – Gol Arsenali, Obamejang me tripletë. Sulmuesi nga Gaboni mposht praktikisht i vetë spanjollët e Valencias dhe 2-4 për “Topçinjtë”

69’ – Arsenali shënon sërish dhe tashmë, duket gjithçka e mbyllur. Obamejang shënon të dytin personal dhe të tretin për Arsenalin, që udhëheq 2-3 në Spanjë

58’ – Barazohen shifrat në Spanjë. Kevin Gameiro shënon golin e dytë personal përballë Arsenalit. Gjithçka e barabartë

49’ – Gool Frankfurti, shënon i zakonshmi Joviç. Sulmuesi serb barazon takimin dhe me këtë rezultat, ndeshja është drejt shtesës

50’ – Arsenali përmbys shifrat dhe tashmë prek finalen e Bakusë. Për “Topçinjtë”, goli i dytë u shënua nga Aleks Lakazet

28’ – Gol dhe në Londër, shënon Çelsi. Mesfushori anglez, Ruben Loftus-Çik shënon për Blutë e Londrës, që e shohin veten në avantazh përballë Frankfurtit.

17’ – Arsenali barazon shumë shpejt dhe shënon një gol shumë të rëndësishëm në Spanjë, me anë të Obamejang. Tashmë, peshorja e kualifikimit anon nga “Topçinjtë” e Londrës

11’ – Vjen goli i parë në gjysmëfinalet e sotme. Kevin Gameiro shënon për Valencian përballë Arsenalit. Spanjollëve iu duhet edhe një gol për kualifikimin

Gjithçka e filloi talenti gjerman  Kai Haverc dhe u mbyll 34 minuta më vonë nga autogoli i austriakut Hintereger.

Haverc 2’

Brandt 13’

Alario 23’

Aranguiz 28’

Alario 34’

Hintereger 36’ (aug)

Megjitatë, këtij Frankfurti nuk i duhet zënë besë, sepse gjermanët luajnë futboll të bukur, agresiv e shumë sulmues, ndërsa kanë një xhevahir si Luka Joviç, i cili edhe sot gjeti golin, pas 23 minutash, pas pasimit nga Filip Kostiç.

Çelsi u paraqit dobët në pjesën e parë, por në minutat e fundit të saj e rriti ritmin dhe Ruben Loftus Çik krikoi golin e barazimit nga Pedro.

Në pjesën e dytë, kur u fut edhe Eden Hazard, Çelsi ishte skuadra dominuese në fushë dhe rastet nuk munguan, edhe për Frankfurtin, ndërsa David Luiz goditi traversën me një predhë nga distanca.

Pa fitues në fushë, por me fitues të mëdhenj tifozët, sepse në tribuna spektakli ishte fantastik.

Eintracht Frankfurt are playing their first European semi-final since 1980.

Their fans have created an incredible atmosphere for it. ?

? @btsportfootballpic.twitter.com/x5H5mWK9tl

— Squawka Live (@Squawka_Live) May 2, 2019

Në londër, Arsenali pret në “Emirates Stadium” spanjollët e Valencias, ku trajneri Unai Emeri do të përballet me të shkuarën e tij. Ndërsa Çelsi, udhëton drejt Gjermanisë, aty ku e pret Ajntrahti surprizues.

Europa League, gjysmëfinale

Arsenal – Valencia  2-1
Lakazet 18′ 26′ / Diakhabi 11′

26′ – Lakazet shënon sërish për Arsenalin, duke përmbysur i vetëm shifrat. Në formë të shkëlqyer sulmuesi francez

18’ – Nuk ka vonuar goli i barazimit nga Arsenali dhe vetëm 7 minuta pasi pësuan, Lakazet rikthen baraspeshën

Ajntraht – Çelsi  1-1
Jovic 22′ / Pedro 45′

45’ – Çelsi ka barazuar takimi në limitet e pjesës së parë, me anë të spanjollit Pedro, i cili i përgjigjet rrjetës së Joviç.

22’ – Ajntrahti ndëshkon Çelsin, shënon i zakonshmi Joviç. Sulmuesi serb kalon në epërsi skuadrën gjermane, që e ka nisur më mirë takimin

Këtë radhë spektakli ishte i tëri gjerman, sepse falë një mbështetjeje spektakolare në stadium Frankfurti shënoi me Kostiç në minutën e 37-të dhe dyfishoi me Rode në të 67-tën. Të kota përpjekjet e Benfikës dhe talentit Zhoao Feliks, këtë radhë i bllokuar në mënyrë perfekte nga gjermanët.

GOLEADË DHE ZEMËR ÇEKE NË LONDËR
Fitorja 1-0 në Pragë i jepte qetësi Çelsit, që gjithsesi kundër Slavias ka vuajtur pak më shumë nga sa priste. Përfundoi 4-3 për anglezët, që u duk se mbyllën gjithçka në pjesën e parë, kur shkuar 3-0 dhe më pas 4-1, në vetëm 37 minuta. Një spektakël i dyshes Pedro-Zhiru, sepse spanjolli shënoi 2 gola me asiste të francezit dhe Zhiru shënoi me asist nga Pedro, i cili ishte vendimtar edhe në një autogol të Slavias në minutën e 10-të.

Megjithatë, edhe Slavia kishte dyshen e vet perfekte, sepse Sevçik shënoi 2 gola me asiste nga Souçek dhe në një rast ia ktheu borxhin. Në minutën e 55-të 4-3, me 2 gola të shpejtë çekë, dhe ndeshja u rindez, por gola nuk pati më.

Listën e klubeve të interesuara e kryeson Barcelona, me katalanasit që e shohin si zëvendësuesin ideal të Luis Suarez, i cili tashmë numëron plot 32 vite mbi supe. Lidhur me këtë çështje, së fundmi ka folur vetë babai i Joviç, i cili ka habitur jo pak me deklaratën e tij.

“Për Lukan ka pasur interes të madh nga Barcelona, por ai nuk është i interesuar në lidhje me këtë. Nuk e di nëse mund të luajë futboll atje. Luka kërkon të luajë në Champions League me Ajntrahtin e Frankfurtit dhe dëshiron të qëndrojë në Gjermani.”

Drejtuesit katalanas tashmë duken të bindur nga aftësitë e Joviç, për të cilin duket se kanë bërë gati ofertën e parë. Plot 50 milionë euro do t’i ofrohen në pjatë gjermanëve të Frankfurtit, të cilët kanë thënë më parë se kërkojnë të paktën 60-65 milionë euro për të lënë të lirë sulmuesin e tyre.
Joviç ka spikatur këtë sezon në Bundesligë, duke shënuar plot 15 gola, si dhe në Europa League, ku ka shënuar plot 7 herë. Kartoni i serbit aktualisht zotërohet nga Benfika, por Frankfurti do të aktivizojë të drejtën e blerjes dhe do ta marrë përfundimisht kartonin e sulmuesit 21-vjeçar.

Lojtari nën vëzhgimin e zyrtarëve të kampionëve të Spanjës është sulmuesi i Frankfurtit Luka Joviç. Talenti serb po mahnit prej dy sezonesh në Bundesligë, ndërsa u tregua vendimtar edhe në takimin e sotëm ku shënoi golin që zhbllokoi ndeshjen.

Joviç është vetëm 21 vjeç dhe shikohet si kandidat i mundshëm për të pasur Luis Suarez në rolin e sulmuesit te skuadra “blaugrana”.

FOTO ? | #InterEintracht, dirigenti del Barcellona a San Siro: Jovic nel mirino ? #UELhttps://t.co/xcei75Tf29

— Gianluca Di Marzio (@DiMarzio) March 14, 2019

Sulmuesi kërkohet nga gjithë klubet e mëdha dhe konfirmoi se ka klas (sot në stadium edhe vëzhgues të Barcelonës për të), ndërsa Interit tashmë i duhet patjetër fitore për të kaluar në turin e ardhshëm në Europa League.

Frankfurti, me 14 mijë tifozë me vete, që në minutën e dytë goditi traversën me Haller, ndërsa 3 minuta më pas gjeti edhe golin.

Në pamjen e parë, goli i shënuar mbrëmë është një gol normal, por në rast se i hedhim një sy edhe golit të shënuar një javë më parë ndaj Hofenhajmit, do të dallojmë një rastësi të pabesueshme. Të dy golat, janë gati të njëjtë, si në aksion si në realizim dhe mbajnë të dy firmën e sulmuesit Paciencia.

Copy + Paste by Gonçalo Paciência (Eintracht Frankfurt) from r/soccer

Një rastësi në kufijtë e të pabesueshmes, teksa në harkun e 9 ditëve, portugezi shënon dy herë dhe të dy golat janë fotokopje të njëri-tjetrit.

Pjesa e parë ishte mjaft e mirë për Interin, të cilët ishin pak më lart se vendasit e Ajntrahtit. Madje, në minutën e 22-të patën rastin më të mirë, ku Lautaro Martinez fitoi një 11-metërsh. Te pika e bardhë u paraqit Marselo Brozoviç, por mesfushori kroat u ndal mrekullisht nga portieri Kevin Trap.

Kështu, 45 minutat e para u mbyllën pa gola. Në fraksionin e dytë, ekipi gjerman erdhi me një fytyrë të re, teksa nisi menjëherë të ushtrojë presion. Fillimisht, Frankfurtit iu anullua një gol për pozicion të parregullt, ndërsa pak minuta më vonë Haler pati pretendime për një penallti, e cila ishte mjaft e dyshimtë.

Gjithsesi, me kalimin e minutave ritmi i skuadrave ra. Kështu, deri në fund takimi nuk prodhoi më asgjë dhe gjithçka u mbyll në barazim 0-0, duke lënë të hapur kualifikimin për në ndeshjen e dytë.

Europa League
Faza e 1/8-ave
Ajntrah Frankfurt – Inter 0-0

Mbrëmjen e 14 marsit, do të luhet sfida e kthimit, që zhvillohet në “San Siro” dhe pak ditë më parë dolën në shitje biletat. Nga Frankurti vetëm në 24 orët e para ka pasur më shumë se 20 mijë kërkesa, një shifër krejtësisht jashtë normalesh. Sipas rregullores, tifozëve gjermanë i takojnë vetëm 4000 bileta, që përkon me 5% e kapacitetit të “San Siros”.
Gjithsesi, Interi duket se ka bërë një gjest mjaft të veçantë, duke i ofruar plot 13500 bileta gjermanëve. Ditën e sotme, zyrtarë të klubit të Ajntrahtit kanë falënderuar publikisht ekipin zikaltër për gjestin e bërë.

“Shifra prej 20.000 kërkesave brenda 24 orësh tregon entuziazëm të madh rreth klubit tonë. Ne jemi shumë mirënjohës për vendimin që klubi i Interit mori, duke na ofruar plot 13500 bileta, që është një numër mjaft i madh. Presim me padurim dy ndeshje paqësore dhe emocionuese”, shkruante Frankfurti në komunikatën e bërë.

Die Ticketabwicklung für das @EuropaLeague-Auswärtsspiel bei FC Internazionale Milano am 14. März steht fest: Die Eintracht erhält 13.500 Tickets.#SGEhttps://t.co/UkBTnpwtIa

— Eintracht Frankfurt (@Eintracht) February 27, 2019

Kjo arritje e sulmuesit të Frankfurtit bëhet akoma më shumë mbresëlënëse po të marrësh parasysh faktin se asnjë nga golat e Joviç nuk është shënuar me 11-metërsh.

Duke qenë se kemi të bëjmë me një futbollist që para pak javësh ka mbushur 21 vjeç, shumë klube janë gati të investojnë shumë të mëdha për lojtarin. Gjatë merkatos së janarit u përfol për një interes të Barcelonës, Real Madridit, Bajernit dhe Çelit.

Sipas “DPA”, duke parë interesin e madh të klubeve europiane për lojtarin, drejtuesit e Frankfurtit kanë vendosur që të mos ta shesin talentin e sulmit për më pak se 60 milionë euro.

Kohët e fundit, pas paraqitjeve të shkëlqyera të tij, flitet se ai është ne planet e shumë prej ekipeve më të mëdha evropiane. Ndër to mund të përmendim Barcelonën, i cili e sheh si zëvëndësuesin ideal për uruguajanin Luis Suarez. Për shërbimet e  21-vjeçarit, po ashtu janë të interesuara dhe ekipe si Liverpuli apo Bajerni.

Lidhur me këto spekulime sulmuesi është shprehur mjaft I lumtur, teksa ka folur për mediat në Gjermani. “Jam i kënaqur për interesimin e disa klubeve madhore. Gjithsesi, tani mendoj vetëm për Frankfurtin dhe ndihem shumë i kënaqur këtu”, përfundoi lojtari.

Pas pak muajsh pritet një ankand gjigant për sulmuesin Luka Jovic: vetëm 21 vjeç, serbi ka shënuar 14 gola (plus 5 në Europa League) dhe kryeson listën e golashënuesve në Bundesligën gjermane.

Ylli i Frankfurtit ka pasur një përmirësim të jashtëzakonshëm vitin e fundit dhe tashmë Barcelona e Reali po përgatiten për një duel të zjarrtë se kush do ta blejë, sipas mediave gjermane.

Frankfurter Allgemeine Zeitung shkruan se Barcelona po e vëzhgon rregullisht sulmuesin, por sot Sport Bild ndez El Clasico-n, sepse raporton se Reali i Madridit është një hap përpara dhe që tani ka ofruar 45 milionë euro.

Jovic është në huazim nga Benfica, por Eintracht Frankfurt ka të drejtën e blerjes për shifra qesharake, jo më shumë se 10 milionë euro.

Reali po ndjek një linjë të re tashmë, sepse ka investuar fuqishëm tek të rinjtë, duke shpenzuar 100 milionë euro për brazilianët Vinicius Junior e Rodrygo, ndërsa i duhet edhe një sulmues qendror. Megjithatë, edhe Barcelona kërkon pasardhësin e Suarez, ndaj në verë çmimi i Jovic mund të shkojë në qiell, sidomos nëse futet në garë edhe ndonjë klub tjetër i pasur, si PSG apo anglezët.

Ndërkhë, sfida që kishte vëmendjen më të madhe në Gjermani, ishte ajo midis Bajer Leverkusenit dhe Gladbahut, e cila përfundoi njësoj si Verderi në shifrat 0-1. Ishte Alesan Plea, i cili shënoi në minutën e 37-të, duke e mbyllur pjesën e parë dhe gjithë takimin në favor të miqve.

Në sfidat e tjera, Ajntrahti i Frankfurtit tregoi forcën duke kaluar Frajburgun pastër 3-1. Mainci dhe Dyseldorfi , nga ana tjetër arritë fitore mjaft të rëndësishme në transfertë, teksa triumfuan respektivisht ndaj Shtutgartit, me shifrat 2-3 dhe Augsburgut 1-2 .

Bundesliga | Java e 18-të

Augsburg – Dyseldorf 1-2

Shënues: Shmid 64′ / Duksh 45’, Raman 90′

Bajer Leverkusen – Borusia Mynshengladbah 0-1

Shënues: Plea 37’

Ajntraht Frankfurt – Frajburg 3-1

Shënues: Haler 36’, Rebiç 40’, Joviç 45′ / Petersen 69′

Hanover – Verder Bremen 0-1

Shënues: Rashica 33’

Shtutgart – Mainc 2-3

Shënues: Gonzalez 83′ Kempf 85′ / Askasibar 22’(aut.), Mateta 28’, Hak 72′

Pjesa e parë ishte mjaft e luftuar, me një Leverkusen më dominues, por ata që u treguan cinikë ishin lojtarët e Frankfurtit. Në minutën e 28-të ishte qendërmbrojtësi, Dani Da Kosta, i cili shënoi golin e parë të sfidës, pas një pasimi nga Filip Kostiç, duke çuar kështu vendasit në avantazh.

Fraksioni i dytë, ishte i kundërt nga i pari, pasi Frankfurt edhe pse në avantazh e shtoi nivelin e saj të lojës dhe në minutën e 57-të dyfishoi shifrat me anë të Filip Kostiç. Gjithsesi, Leverkusen reagoi tetë minuta më pas, teksa në minutën e 65-të ishte Karim Belarabi, i cili ngushtoi diferencën. “Aspirinat” provuan deri në fund, por sfida u mbyll me shifrat 2-1.

Ndërkohë, më herët Lajpcig ka shkatërruar Maincin me shifrat 4-1, duke u konfirmuar “fuqia” e katërt në Bundesligë. Ishin sulmuesit, Timo Verner dhe Jusuf Poulsen që vendosën fatet e takimit, me nga një dygolësh për secilin në çdo pjesë, ndërsa për Mainc shënoi Onisivo.

Çelsi e pati të thjeshtë të siguronte fitoren e pestë radhazi në Europa League. Londinezët mundën 4 – 0 grekët e PAOK-ut, falë golave të Zhirud (2x), Odoi dhe Morata. Skuadrës nga Selaniku, tani i duhet të mundë thellë Bate Borisov në ndeshjen e ardhshme për të siguruar vendin e dytë në grup.

Francezët e Rene kanë mbajtur gjallë shpresat për kualifikimin në fazën tjetër. Ekipi i drejtuar nga Sabri Lamushi mundi në trasnfertë çekët e Jablonec falë golit të vetëm të Klement Grenier. Një fitoren në takimin e radhës ndaj Astanës do iu mundësonte atyre kalimin në fazën e 1/32.

Sulmuesi 20-vjeçar nga Serbia e nisi spektaklin personal kur ndeshja ishte 1-0, sepse Haller kishte shënuar me 11-metërsh në minutën e 20-të, ndërsa 6 minuta më vonë erdhi goli i parë i rekordmenit të mbrëmjes.

Në minutën e 34-t erdhi goli i dytë personal, ndërsa Haller iu përgjigj në minutën e 50-të, duke shënuar edhe ai dygolësh, me rezultatin 4-0.
https://twitter.com/BlackRegista/status/1053370099845996544

Lukebakio shënoi golin e nderit për miqtë në minutën e 53-të, para se të riniste furtuna Joviç, me 3 gola, në minutat 55, 69 e 72, duke u bërë futbollisti i parë i Frankfurtit që shënon 5 gola në një ndeshje Bundeslige, por edhe serbi i parë që shënon të paktën 3 gola në një ndeshje Bundeslige.

???#SGE #SGEF95 7:1 pic.twitter.com/mutkAuAazd

— Eintracht Frankfurt (@Eintracht) October 19, 2018

Jovic është në sezonin e dytë në Bundesligë dhe është në huazim nga Benfika, ndërsa kishte shënuar 4 gola mes kampionatit e Europa League këtë sezon. I fundit lojtar që kishte shënuar 5 gola në një ndeshje ishte Robert Levandovski në 2015, ndërsa në historinë e Bundesligës vetëm 3 lojtarë të huaj kanë shënuar 5 gola në një ndeshje.

Den Ball wird er nie wieder hergeben ?#SGE #SGEF95 7:1 pic.twitter.com/fJXJdnEI1t

— Eintracht Frankfurt (@Eintracht) October 19, 2018

Ndeshja e sotme midis Marsejës dhe Ajntrahtit të Frankfurtit, do të luhet më dyer të mbyllura. Stadiumi “Velodrome”, i cili zakonisht gumëzhin nga brohoritjet e dhjetëra mijërave sot do të ketë një atmofertë krejt ndryshe ku do të dëgjohen vetëm të bërtiturat e lojtarëve dhe trajnerëve.

Klubi i Marsejës ndodhet në një pozitë shumë delikate, pasi UEFA i ka paralajmëruar se në rast përsëritje të trazirave nga tifozët, masa e radhës do të jetë një përjashtim 2-vjeçar nga kompeticionet që organizon UEFA, si Europa League dhe Champion League.

Atmosfera te kampionët e Gjermanisë është disi më ndryshe. Shumë lojtarë kanë shprehur para gazetarëve se duan ta fitojnë me patjetër trofeun e Superkupës edhe për faktin se Frankfurti i prishi atyre lamtumirën perfekte me ish-trajnerin Jup Hajnkes, i cili e mbylli karrierën e tij 40-vjeçare si trajner me një humbje 3-1 ndaj Frankfurtit në finalen e kupës së Gjermanisë.

Bajerni është dukshëm favorit, por Frankfurti do të ketë pas vetes lojtarin e 12-të, pasi ndeshja luhet në stadiumin e tyre “Commerzbank-Arena”, ndërsa një mungesë e rëndësishme për bavarezët do të jetë dhe qendërmbrojtësi Zherom Boateng, i cili është shumë pranë transferimit të francezët e PSG-së.