41-vjeçari ka vendosur të “pastrojë” skuadrën dhe dy janë largimet e para. Që duhet të ndodhin sa më shpejt, për të mirën e Çelsit dhe sidomos vetë lojtarëve.

Daily Express raporton se Lampard i ka shprehur qartë dyshes Timue Bakajoko dhe Deni Drinkuoter se nuk janë në planet e tij. “Blutë e Londrës” paguan 75 milionë sterlina (35 kushtoi anglezi dhe 40 francezi) për kartonët e tyre verën e vitit 2017.

Të dy mesfushorë, të dy me kontrata që përfundojnë në verën e vitit 2022. Ish-i i Milanit dhe Leisterit duhet të gjejnë sa më shpejt një ekip të ri për të vazhduar karrierën.

Ai luajti 13 sezone në “Stamford Bridge”, por më parë ishte pjesë e Uest Hemit. Lampard shpërtheu te “çekiçët”, aty ku debutoi në moshën 17-vjeçare. Në stol ishte Herri Redknap, trajneri i njohur dhe njëkohësisht daja i Frenkut.

Në videon e mëposhtme, që i përket vitit 1996, dallohet qartë personaliteti i madh i adoleshentit Lampard, ndërsa Redknap tregon nuhatjen dhe bindjen e tij se djaloshi i ri do të bëhet lojtar i madh. Koha i dha të drejtë, Lampard arriti të fitonte Champions Ligën me Çelsin, kurse Canham zhvilloi një karrierë të dobët.

“Ke pasur emra të mire si Canham, pse beson te Lampard, i cili nuk me duket ende i mire sa duhet?”, pyet një tifoz, ndërsa trajneri Redknap përgjigjet në këtë mënyrë: “Jo, Canham dhe te tjerët nuk ishin te mire sa duhet, Lampard është, pa asnjë dyshim. Frenki zotëron gjithçka për t’u bërë një mesfushor i madh. Qëndrimi i tij i përket një klasi të lartë dhe ai do të arrijë majat. Frenki është i fortë, luan bukur, pason dhe shënon.”

The “I’m gonna prove you wrong” moment as teenage Lampard stares at Mr. “he’s not good enough”. Yep! He did it, of course ? #Legend pic.twitter.com/A4Zb0fwvfV

— Purview (@abdul_semi) July 4, 2019

Drinkuoter firmosi një kontratë të majme prej 5 vitesh, ndërsa përfitonte një rrogë prej 100 mijë sterlinash në javë. Super financat, por shumë dobët situata në fushë.

Plot 522 minuta është aktivizuar lojtari në këto dy vite, që i bie të jetë paguar rreth 85 mijë sterlina për minutë! Pavarësisht kësaj situate, 29-vjeçari është treguar profesionist, nuk është dorëzuar as kur i ka ndjekur shokët nga tribuna.

Mauricio Sarri, i cili nuk i besoi pothuajse kurrë, u largua drejt Juventusit. Drinkuoter qëndroi dhe ka një shans të dytë. Në stol është ulur Frenk Lampard, ish-mesfushor i madh, sot trajneri i ekipit me të cilin shkroi histori.

Lampard do të sjellë ndryshime. Repartin e mesit të fushës e njeh në perfeksion dhe të gjithë do të kenë mundësitë e tyre. Kante do të rikthehet në rolin e tij para mbrojtjes dhe Drinkuoter do të monitorohet me kujdes. Dikur kanë qenë një dyshe e frikshme te Leister, mund të jenë sërish te Çelsi.

Ky i fundit është grumbulluar me ekipin e Çelsit në fazën përgatitore dhe do të ketë shansin për të bindur trajnerin. Me shpresën për t’iu rikthyer fushave të blerta dhe për të justifikuar plotësisht rrogën që merr.

EKSPERIENCA SI TRAJNER – “E kuptoj pyetjen. Pas një viti si trajner më është besuar stoli i Çelsit, është një mundësi që nuk i jepet kujtdo. Në karrierën time si lojtarë kam mësuar nga shumë trajnerë të mëdhenj, them se kjo gjë do të më vijë në ndihmë. Përjetova një vit fantastik te Derbi, ku mësova akoma dhe më shumë”.

LARGIMI I HAZARD – “Humbëm një lojtar të madh pa dyshim, por më duhet të shikoj nga lojtarët që kam në dispozicion. Kemi lojtarë të mirë, në një moshë optimale që nuk u mungn talenti. Nuk do e zëvendësojë dikush Hazardin, por prapëseprapë ata mund t’ia dalin të bëhen lojtarë të mëdhenj për këtë klub”.

OBJEKTIVAT – “Sezonin do ta nisim me fitimin për të fituar kampionatin. Nëse nuk do ta thoja këtë, atëherë s’duhet të isha këtu përpara jush sot. Te Çelsi kështu duhet të jetë gjithmonë. Duhet të rikthehemi dhe në Champions League, këto janë gjërat që duhet të shtyjnë për më tutje. Siti dhe Liverpuli janë shkëputur shumë, kam për detyrë ta zvogëloj këtë hendek”.

AKADEMIA – “Sytë do i kemi nga akademia këtë sezon. Nëse do të dalë dikush do më tregojë se mund të bëjë diferencën të jetë i sigurt se unë do t’i jap shansin për të treguar veten”.

Frenki Lampard është zyrtarisht trajneri i ri i Çelsit. Ish-mesfushori i madh ka firmosur një kontratë 3-vjeçare dhe është gati të nisë këtë aventurë shumë emocionuese.

“Jam tmerrësisht krenar që u riktheva. Të gjithë e dinë se sa e dua këtë klub. Kam ardhur për të punuar fort dhe për t’i dhuruar trofe Çelsit”, ishin fjalët e para të trajnerit 41-vjeçar.

HE’S HOME! ?

Frank Lampard is the new Chelsea head coach!
#WelcomeHomeFrank

— Chelsea FC (@ChelseaFC) July 4, 2019

Over to you, boss! #WelcomeHomeFrank pic.twitter.com/vPGpCUSsMX

— Chelsea FC (@ChelseaFC) July 4, 2019

Mediat angleze raportojnë se akordi është arritur, por ka edhe një surprizë. Lampard ka patur një kërkesë të veçantë për presidentin rus. Trajneri, i cili drejtoi Derbi Kauntin sezonin e fundit, dëshiron Didier Drogba në stafin e tij.

Dy rikthime të bukura për tifozët, të cilët pritet të shijojnë dy nga futbollistët më të dashur. Jo më në fushën e blertë, por në stol me shpresën që do të udhëheqin Çelsin drejt sukseseve të mëdha.

Aston Vila dhe Derbi do të diskutojnë finalen e madhe, ku do të dalë ekipi që do të shoqërojë Noruiçin dhe Shefilld Junajtid në elitën e futbollit anglez. Përveçse ngjitjes për në Permier League, kjo ndeshje ka vëmendjen e të gjithëve, pasi është finalja më e pasur në histori.

Plot 215 milionë dollarë diskutohen në këtë takim (170 milionë sterlina), me të vërtetë një shifër e çmendur, kur mendon se bëhet fjalë për një finalë të “Championship” (kategoria e dytë e futbolli anglez).

Kjo sfidë do të gjejë përballë dhe dy miq të vjetër, si dhe legjenda të Çelsit. Nga një krah është trajneri i Derbi Kauntit, Frenk Lampard, ndërsa në krahun tjetër është zëvendës/trajneri i Aston Vilës, pikërisht Xhon Terri.

Finalja do të luhet në orën 16:00, në mitikun Wembley, ku gjithçka është për t’u shijuar…

Edhe dje, Bielsa mori vëmendje shumë të madhe, pasi pranoi se ka dërguar një person që të studiojë stërvitjen e rivalit ndaj të cilit luajtën dje, Derbi Kauntrit që drejtohet nga Frenk Lampard.

“Spiuni” i dërguar nga Bielsa fillimisht nuk pranoi asgjë, por në momentin që policia erdhi në seancën stërvitore të Derbit, personi u detyrua të tregojë dhe tha se e ka dërguar Bielsa. Edhe vetëm “El Loco” e pranoi këtë gjë menjëherë pas ndeshjes:

“Nuk po përpiqem të justifikoj asgjë,” tha fillimisht Bielsa. “Unë e kam shpjeguar se nuk jam një person që mashtron dhe arrin te qëllimi që ka në forma të gabuara.

“Gjithsesi, unë do të pranoj çdo sanksion që klubi dhe çdo sanksion që Federata Angleze do të marrë kundër meje, si dhe do të pranoj cilindo opinion që klubi i Derbi Kauntri ka krijuar ndaj meje.

“Nëse isha fëmijë, do të thosha se nuk do ta bëja përsëri, por nuk do të ndihesha mirë duke iu përgjigjur kështu, pasi nuk është e vërtetë. Do e bëj sërish!”,- u shpreh Bielsa.