Frank De Boer

Ish-dështaku i Interit bën jehonë, vendos rekord në Amerikë

Sport Ekspres — Mon, 15 Apr 2019 07:16:28 +0000

Frenk De Bur është një ndër trajnerët që do të kujtohet gjatë si “dështimi” i Interit, pasi holandezi erdhi me bujë në krye të zikaltërve, por u shkarkua për shakak të rezultateve të dobëta.

Së fundmi, De Bur ka firmosur për Atlanta Junajtid në MLS-në amerikane. Aventura përtej oqeanit nuk është se ka nisur mirë, ndërsa ditën e sotme pas mesnate, trajneri holande ka festuar fitoren e parë në kampionat… pas 900 ditësh.

Po, pas 900 ditësh, Frenk De Bur ka festuar një fitore në kampionat. Kujtojmë, pas Interit, holandezi drejtoi Kristal Palas, por vetëm pas katër javësh në Premier Ligë u shkarkua, pasi pësoi plot katër humbje dhe nuk shënoi asnjë gol.

That’s not just @ATLUTD‘s first win of the season, it’s Frank De Boer’s first league victory in NINE HUNDRED days. ????????? #DroughtBreaker #ATLUTD

— Mike Wise (@wisey_9) April 14, 2019

Duket se dështimet vazhdojnë për trajnerin. Gjithsesi, ndoshta fitorja e parë në kampionat pas 900 ditësh ndoshta mund të jetë një pikë kthese, ndoshta…

Pogba në Amerikë, i bashkohet trajnerit më të keq në histori

Sport Ekspres — Wed, 06 Feb 2019 20:42:35 +0000

“Ai është trajneri më i keq në historinë e futbolli”, kështu tha Zhoze Murinjo para disa kohësh për rivalin e tij, Frank De Bur, gjatë kohës kur ky i fundit drejtonte Kristal Palas në Premier Ligë. Aventura e holandezit te skuadra londineze nuk zgjati shumë dhe tashmë ka marrë drejtimin e Atlanta Junajtid në Amerikë.

Sot, klubi amerikan ka zyrtarizuar blerjen më të fundit. Florentin Pogba, vëllai i mesfushorit të Mançester Junajtid, është zyrtarisht nën urdhrat e teknikut Frank De Bur. 28-vjeçari Pogba u largua nga Sant-Etien në verën e vitit të shkuar, për t’iu bashkuar skuadrës turke, Gençerbigli.

Por vetëm pas 8 ndeshjesh dhe një dëmtimi afatgjatë, zgjodhi të vazhdojë karrierën e tij në Amerikë, duke u larguar përfundimisht nga kampionatet evropiane.

ICYMI: #ATLUTD sign defender Florentin Pogba

?: https://t.co/01hDtC83Qx pic.twitter.com/RWFgHQbCvg

— Atlanta United FC (@ATLUTD) February 6, 2019

De Bur zbulon Amerikën: Ja çfarë më ka befasuar, te Interi muajt dukeshin si vite!

Sport Ekspres — Sun, 03 Feb 2019 13:44:39 +0000

Frenk De Bur ka nisur eksperiencën amerikane me ekipin e Atlantës. Holandezi tregon se çfarë e ka befasuar më shumë nga ekipi, ndërsa stadiumi është më i bukuri që ka parë në karrierë.

Eksperiencat me Interin dhe Kristal Palas nuk shkuan ashtu siç duhet, por De Bur ka nxjerrë leksione nga kjo gjë. Në Milano ishte tepër e vështirë dhe muajt dukeshin si vite për 48-vjeçarin.

ATLANTA – “Njerëzit shpesh mendojnë se futbolli në Amerika është inferior, por nuk është kështu, pasi kam ardhur në një skuadër të vërtetë futbolli. Jam i sigurt që nëse bëj mirë këtu, do të kthehem në ndonjë klub europian. Ndodhem prej 3 javësh këtu dhe jam befasuar nga disiplina. Ndihem mirë dhe për faktin që lojtarët po mësojnë shumë shpejt. Kam parë shumë stadiume në karrierën time, por ky i Atlantës është më i bukuri që kam parë.”

INTERI – “Më është dashur të përqendrohem për të rigjetur qetësinë. Unë nuk mund të mbaj mbi supe gjithë strukturën e klubit. Nga Interi dhe Kristal Palas kam marrë leksionin që duhet të përqendrohem më shumë në futboll. Tek Interi kishte shumë ndikime dhe të gjithë donin rezultate. Në këtë mënyrë t’i përfshihesh shumë shpirtërisht. Pas katër muajve tek Interi, kisha ndjesinë se kisha 6 vite që po punoja aty. Isha i lodhur, me të vërtetë i lodhur.”