Francezi e mbylli aventurën franceze me 24 trofe të fituar, nga të cilat 9 tituj kampionë, duke vendosur një rekord për fitimin e Bundesligës.

36-vjeçari pritet të transferohet në Arabinë Saudite. Kicker raporton se një ofertë e majme ka ardhur nga Al-Nassr Riad. Dy vite kontratë i ofron klubi arab Riberisë, i cili pritet ta pranojë këtë ofertë dhe të nisë një aventurë të re në karrierën e tij.

36-vjeçari ka përfunduar lojtar i lirë dhe ofertat në drejtim të tij nuk mungojnë. Ajntrahti i Frankfurtit dhe Fiorentina janë ndër ekipet më të interesuara, por mesfushori i krahut të majtë nuk dëshiron të qëndrojë në Europë.

Bild raporton se dy janë opsionet për të ardhmen: Katari ose Arabia Saudite. Oferta financiare janë të kënaqshme, ndërsa Riberi po merr edhe pak kohë për të vendosur përfundimisht.

Ofertat për 36-vjeçari nuk mungojnë, por ai nuk dëshiron të nxitohet. Bild raporton se në garë për francezin është futur edhe Fiorentina. Roko Komiso dëshiron t’i dhurojë një emër të madh tifozëve të rinj dhe pëlqen shumë anësorin e majtë.

Problem mbetet paga e lartë prej 7 milionë eurosh në sezon (deri vitin e kaluar përfitonte 15 milionë euro në sezon). Riberinë e kërkon me insistim edhe Ajntrahti i Frankfurtit, por dëshira e tij është që të provojë një aventurë jashtë Gjermanisë.

Serie A e tundon, por duhet gjetur akordi financiar me Fiorentinën që ëndërron ta transferojë francezin e famshëm në Firence. Dhe për të kthyer ëndrrën në realitet duhet që të shpenzosh…

Sivjet të gjithë do të japin gjithçka në kampionat. Titulli kampion mungon në qytet prej vitit 1990 dhe djemtë e Klop do të bëjnë më shumë se maksimumin për ta fituar pas 30 vitesh.

Dëshira e madhe e trajnerit quhet Frenk Riberi. 36-vjeçari u largua nga Bajerni pas 12 vitesh dhe vazhdon të jetë akoma lojtar i lirë. Klop është një fans i madh i francezit dhe ka qenë gati t’i ofrojë një kontratë.

L’Equipe zbulon edhe shkakun e mos arritjes së akordit. Asnjë lojtar nuk është larguar dhe nuk është liruar një vend i lirë për Riberi. Tifozët janë të ndarë sa i përket kësaj mundësie.

Ka nga ata që janë kundër dhe nuk e shohin Liverpulin si një vend “pensionistësh”, ndërsa të tjerë janë entuziastë dhe besojnë ende te kualiteti i Riberi, pavarësisht se 36 vitet mbi supe bëjnë të veten.

Jürgen Klopp was interested in bringing in Franck Ribéry to Liverpool this summer depending on what happened with his squad. But since there has been little movement in the Liverpool attack, no place has been freed up for Ribéry to join. Klopp is a big fan of Ribéry [@lequipe] pic.twitter.com/YU0FNOpN3S

— Bayern & Germany (@iMiaSanMia) July 27, 2019

“Nuk nidej aspak presion nga ikja e Roben dhe Riberi. Kam luajtur në shumë ndeshje dhe kam pasur një rol të rëndësishëm në ekipin e sezonit të kaluar. Pa dyshim, tani kemi dy lojtarë më pak skuadra në skuadër, kështu që nuk duhet të lëndohen. Për momentin nuk jam në gjëndjen time optimale, por do e arrij atë përpara ndeshjes së parë ne Bundesliga”, u shpreh Koman.

Riberi luajti edhe tre minuta në finalan e Kupës kundër Lajpcigut një javë më vonë, të cilën Bajerni e fitoi 3-0. Deri tani nuk ka vendosur ende se ku do të vijojë karrierën. Së fundi i ka ardhur një ofertë që po e tundon shumë 36-vjeçarin. Bëhet fjalë për një rikthim te Bajerni, por tani në rolin e drejtuesit.

Sipas raportimeve të “L’Equipe Magazine”, klubi bavarez i ka propozuar ish-lojtarit një rol në drejtim dhe Riberi mund të rikthehet shumë shpejt atje prej ku u largua para pak javësh dhe ku kaloi 12 vite të paharrueshme.

Kampionatet kinez ose ai amerikan po e tundojnë “ish”-in e Bajernit, por dëshira e Riberi është që të vazhdojë të kontribuojë në një ekip të madh.

“Dëshira ime është që të luaj edhe dy sezone të tjera. Ku do që të shkoj do paguhem mirë, por ky është një vendim shumë i rëndësishëm që nuk më takon vetëm mua, duhet ta marr bashkërisht me familjen time. Goli i fundit që shënova për Bajernin sikur më ndezi diçka. Pse jo të mos provoj një sfidë tjetër në karrierën time”.

“Kam akoma uri. Mendoj se kam diçka për të dhënë dhe për sa kohë të ndihem kështu do shikoj mundësi për të luajtur në klube të mëdha pasi mundem. Kam eksperiencën e duhur për të bërë diferencën”.

Një sinjal e ka lëshuar së fundmi, teksa ka uruar në Twitter ish-klubin e tij, Gallatasarajin, që fitoi Kupën e Turqisë. Riberi, në llogarinë e tij shkruan: “ Urime Gallatasaraj. Punë e mirë mbrëmjen e djeshme”. Edhe pse në moshë të madhe dhe me ditët e tij që në futbollin e luajtur janë drejt fundit, në Stamboll e duan lojtarin dhe në të shkuarën emri i tij është lakuar shpesh.

Tifozët kanë nisur t’i shkruajnë sulmuesit që të rikthehet. Normalisht janë drejtuesit ata që vendosin. Eksperienca e Riberi mund të ishte e nevojshme në garat ndërkombëtare. Merkato ende nuk ka nisur, korriku është afër.

Congrats @GalatasaraySK ?? Well done last night ???? #cimbombom

— Franck Ribéry (@FranckRibery) May 16, 2019

Në lidhje me largimin e tij ka folur ditën e sotme vetë Riberi, i cili ka treguar se e ka shumë të vështirë lamtumirën pas plot 12 vitesh. Gjithashtu, 36-vjeçari foli edhe për marrëdhënien e tij me tifozët si dhe me Arjen Roben.

LAMTUMIRA – “Pas 12 vitesh është gjithmonë e vështirë. Kam luftuar fort dhe kam fituar shumë këtu. Ishte një kohë e mrekullueshme për mua dhe familjen time. Nuk do ta harroj kurrë.”

PËRSHËNDETJA E FUNDIT ME TIFOZËT – “Do të jetë e bukur, por gjithashtu shumë e vështirë. Gjithmonë kam pasur një marrëdhënie të ngushtë me tifozët. Ata gjithmonë kanë qenë pas meje.”

ROBBERY – “Kur Arjen bëri debutimin e tij ndaj Volfsburg, më dukej sikur kishim kohë të gjatë që luanim bashkë. Unë në të majtë dhe Roben në të djathë. Kemi bërë paraqitje të mira dhe kemi fituar shumë së bashku.”

Franck Ribéry has confirmed that he will leave Bayern Munch when his contract expires this summer, ending a 12 year stay with the club.

Apps – 422
Goals – 123
Assists – 183
Trophies – 21

What a career. ? pic.twitter.com/FsJYwerebK

— Footy Accumulators (@FootyAccums) May 5, 2019

Gjithsesi, pikëpyetjet duket se janë shuar dhe çdo gjë është bërë zyrtare nga vetë klubi gjerman mëngjesin e sotëm. Frenk Riberi do ta mbyllë me Bajernin në fund të këtij sezoni, kështu lajmëron në faqen zyrtare klubi bavarez.

Gjithashtu, vetë Riberi ka folur për klubin, duke shprehur mirënjohjen e tij për gjithë vitet e kaluara. “Kur erdha në Bavari ishte një ëndërr e bërë realitet. Përralla ka ardhur drejt fundit, por nuk duhet ta harrojmë se çfarë arritëm së bashku. Kemi fituar më shumë se 20 tituj në këto vite”, përfundoi francezi.

Riberi do të vendosë një rekord unik pas pak ditësh, sepse do të shpallet kampion për herë të nëntë në Bundesligë, ai askush në histori!

https://www.instagram.com/p/BxE2257gi7h/?utm_source=ig_share_sheet&igshid=1tcbba54cs749

Edhe pse ka mbi supe 36 vite, kërkesat për lojtarin mbeten të shumta. Sipas “Kicker”, agjenti i Riberisë, Alen Miljaço po negocion me një klub australian dhe një klub nga Katari.

Për momentin oferta nga Lindja e Mesme është më joshësja përsa i përket aspektit financiar. Ekipi i interesuar për francezin është Al Sad, klub ky më i pasuri në shtetin që do të organizojë Botërorin e ardhshëm.

Një tjetër fakt interesant mbi këtë ekip është se në të ndodhen dy mesfushorë të mëdhenj që Riberi i njeh mirë. Bëhet fjalë për legjendën e Barcelonës Ksavi Hernandez, i cili ka dhe një vit kontratë me kryesuesit e kampionatit të Katarit. Futbollisti i dytë, është ish-kapiteni i Atletikos, Gabi.

Ndërkohë, Manuel Nojer është stërvitur i diferencuar nga ekipi dhe pritet të rikthehet të premten, siç është shprehur trajneri i Kovaç. Lista e gjatë e dëmtimeve për bavarezët vazhdon me Alaba dhe Gorecka, që pritet të rikthehen të shtunën. Kovaç mbi gjendjen e dy yjeve të tij u shpreh: “Do të duhet të shohim se çfarë do të ndodhë, do mundohemi ta menaxhojmë situatën me shumë kujdes”.

Pavarësisht rikthimeve, ka ende lajme jo pozitive për trajnerin bavarez. Veterani Frenk Riberi po vuan shumë nga dëmtimet e njëpasnjëshme dhe është në dyshim për ndeshjen kundër Borusia M’Gladbah.

Gjithsesi, mesfushori njihet për karakterin e tij luftarak dhe duket se kërkon të qëndrojë akoma, për të rivalizuar për një vend titullari te Bajern. Lidhur me këtë çështje ka folur së fundmi Karl Hajnc Rumenige, i cili i është shmangur më së shumti përgjigjes, pasi ka deklaruar se do të flasin për të ardhmen e Riberis, duke mos dashur të japë një përgjigje konkrete.
“Kemi pasur disa vite të mrekullueshëm falë tij. Kam respekt të madh për Frenk. Duhet të jemi të hapur dhe të sinqertë. Do të flasim me të dhe me agjentin e tij dhe do të marrim një vendim të përbashkët. Nuk mund ta parashikoj vendimin.”

Gjatë muajit dhjetor ai shënoi 4 gola në kampionat, duke treguar formë të mirë dhe dëshirë për të vazhduar. Francezi i krahut të sulmit ka folur për “L’Equipe”, duke treguar dashurinë e madhe midis tij dhe klubit gjerman.

Lojtari ka programuar një takim me drejtuesit e klubit dhe agjentin e tij, ndërsa e mbyll prononcimin me rastin e biftekut të famshëm 1200 dollarësh, që solli kritika të shumta për Riberinë. Ky i fundit nuk u përmbajt dhe reagoi ashpërsisht në faqen e tij zyrtare.

BAJERNI – “Kam kaluar 1/3 e jetës time dhe 2/3 e karrierës në Mynih. I jam shumë mirënjohës këtij klubi, që më ka pranuar kështu siç jam. Nuk do e tradhtoj kurrë Bajernin, sepse mes nesh ekziston një histori dashurie.

Të shohim se çfarë do të ndodhë në javët e ardhshme. Do të takohem me drejtuesit e klubit dhe agjentin tim. Do të vazhdoj të luajë këtu, nëse do të jem në gjendje të jap gjithçka për Bajernin. Unë bëj çfarë të dua me jetën time private. Ka shumë futbollistë që shkojnë të hanë në atë restorant, por askush nuk flet gjë për ta, ndërsa kur vjen fjala për mua dalin video. Gazetarëve dhe rrjeteve sociale nuk duhet t’i interesojë ajo që bëj unë”, përfundon francezi i Bajernit.

Po Rabiot? Kontrata e tij me PSG përfundon në fund të sezonit, ndërsa në garë është futur Bajerni i Mynihut. Bavarezët janë gati të marrin 23-vjeçarin që tani në janar, sigurisht duke paguar diçka te PSG.

Diçka e tillë i intereson dhe kampionëve të Francës, të cilët nuk dëshirojnë ta humbasin lojtarin me parametra zero në verë dhe kërkojnë 30 milionë euro. Një shumë e tillë cilësohet e lartë nga Bajerni, megjithatë Hasan Salihamixhiç, drejtori sportiv i klubit gjerman, ka zbuluar për “Bild” interesimin për mesfushorin.

“Ju e dini se si është merkato. Ne duhet t’i mbajmë sytë dhe veshët hapur. Rabiot? Ai është një lojtar interesant”, thekson boshnjaku i Bajernit. Nga ana tjetër, Frenk Riberi ka pësuar një dëmtim në kofshë. Bajerni vazhdon përgatitjet në Katar, ndërsa francezi do të qëndrojë pushim dy javë dhe do të mungojë në ndeshjen e 18 janarit kundër Hofenhajmit.

Në muajt e fundit, 35-vjeçari ka sfiduar vitet, duke qenë një ndër lojtarët më të mirë në fushë për Bajernin. Në një intervistë të muajit dhjetor, Riberi u shpreh se do të dëshironte të luante edhe për një sezon me Bajernin, por këtë vendim nuk e ndan drejtori dhe ish-lojtari i skuadrës bavareze, Hasan Salihhamidzhiç.

Në një intervistë nga kampi stërvitor i Bajernit në Doha të Katarit, drejtuesi boshnjak, foli për të ardhmen e sulmuesit francez: Duhet të tregohen i sinqertë, me shumë mundësi ky është viti i fundit për Frenkun te Bajerni (Riberi)”.

Ky reagim erdhi pasi futbollisti i Bajernit vizitoi një lokal luksoz në Dubai, ku porositi një biftek me kosto 1200 dollarë. Ky veprim shkaktoi një stuhi kritikash nëpër rrjete sociale, diçka kjo që siç duket e ka mërzitur shumë Riberinë.

“Për ta filluar 2019-ën. Po ia nis me xhelozët dhe inatçinjtë, që ndoshta kanë lindur për shkak të ndonjë prezervativi të grisur. Ju q***** nënat, gjyshet dhe madje të gjithë pemën familjare. Nuk ju kam borxh asnjë gjë, suksesin që kam arritur ia kam borxh vetëm Zotit, vetes sime dhe shokëve të afërm e familjes, që kanë besuar gjithmonë tek unë”, shkroi Riberi.

Diçka e tillë nuk ka kaluar pa pasoja dhe klubi gjerman ka reaguar, duke gjobitur francezin. Ka qenë vetë Hasan Salihamixhiç, drejtori sportiv i bavarezëve, ai që ka bërë të ditur masën e klubit.

“Frenk ka përdorur fjalë, që ne si Bajern Mynih nuk mund t’i pranojmë dhe të cilat ai, si model i klubit dhe lojtar i ekipit, nuk duhet t’i përdorë kurrë. Kam folur gjatë me Frenkun gjatë ditës së djeshme dhe i tregova se do të marrë një gjobë të majme nga klubi. Ai e pranoi diçka të tillë”, përfundon boshnjaku i gjigantëve gjermanë.

Francezit i skadon kontrata me gjigantët gjermanë në verën e ardhshme, ndërsa ai mund të rinovojë për të disatën herë. Riberi luan me Bajernin që nga viti 2005, është i lidhur shumë me ekipin, qytetin dhe është rikthyer të zbavitet në fushën e blertë.

Siç raporton “Goal.com”, sulmuesi i krahut ka hapur mundësinë e qëndrimit dhe për një vit tjetër te Bajerni. Ai ka konfirmuar dëshirën e tij për të vazhduar eksperiencën, edhe pse ka oferta të ndryshme me Gallatasarajin në krye, që kërkon ta rikthejë aty ku mori dhe pseudonimin “Ferraribery”.

Tashmë topi ka kaluar në duart e drejtuesve, të cilët do i ofrojnë lojtarit kontratën e re me siguri, duke parë dhe formën fantastike që po kalon.