Lacio e filloi më mirë takimin me një rast shkëlqyer të Korreas, por Reina largoi rrezikun. Pjesa e parë u mbyll me një rast të pastërt të Piatek që nuk arriti të shënonte pak metra larg portës.

Vuajtjet vazhduan dhe gjatë pjesës së dytë. U desh një penallti e fituar nga Musakio për të zhbllokuar sfidën. Kesie merr përsipër penalltinë dhe nuk gabon.

Thomas Strakosha kreu një ndeshe të mirë, ku spikati me një pritje ndaj gjuajtjes së spanjollit Suso.

Ai është kthyer sot në Milanelo pas ndeshjeve të zhvilluara me kombëtaren e Bregut të Fildishtë (luajti ndeshjen e plotë kundër Ruandës dhe nuk u aktivizua në përballjen me Liberinë).

22-vjeçari ka patur një takim me Leonardon dhe Maldinin, aty ku i është komunikuar dhe masa e marrë: 40 mijë euro gjobë. Lojtari kërkoi ndjesë dhe u pendua për gjestin e bërë, por një reagim i tillë është i pafalshëm për Milanin.

Ekipi kishte mbaruar stërvitjen dhe Kesisë i është dashur të stërvitet i vetëm. Ai nuk është takuar ende as me trajnerin Gatuzo, ndërsa mediat italiane zbulojnë se mesfushori nuk do të jetë pjesë e formacionit në transfertën kundër Sampdorias, ndeshje që zhvillohet të shtunën në mbrëmje.

Një ditë më parë, Milani mori vendimin që t’i dënojë me nga një gjobë të dy lojtarët, por me sa duket afrikani nuk e ka pritur mirë vendimin që kanë marrë drejtuesit. Sipas raportimeve të fundit nga mediat italiane, thuhet se mesfushori po mendon për një largim nga “San Siro” në merkaton e verës.
Interes për 22-vjeçarin ka pasur shumë nga Premier Liga, me Totenhemin dhe Arsenalin që janë shfaqur të gatshme për të ofruar deri në 40 milionë euro. Gjithashtu, nuk përjashtohet edhe një futje e Çelsit në garë, me këta të fundit që do të përdornin edhe kartën Bakajoko për të mbërritur te Kesi.
Gjithsesi mbetet për t’u parë se si do të shkojë marrëdhënia mes klubit kuqezi dhe futbollistit afrikan.

Afrikani, dukshëm i acaruar për zëvendësimin, ia nxori inatin argjentinasit, ndërsa shokët nxituan për të qetësuar situatën. Diçka e tillë ka sjellë tërbimin e Leonardos, drejtorit sportiv të kuqezinjve.

Siç raporton “Corriere dello Sport”, braziliani është futur në dhomat e zhveshjes në fund të ndeshjes, duke i kërcënuar të gjithë se do i mbyllte brenda. “Askush nuk del nga dhoma derisa ta zgjidhim këtë gjë”, ka urdhëruar Leonardo, dukje kërkuar me zë të lartë sqarimin midis dy mesfushorëve.

Të dy lojtarët kërkuan ndjesë për ngjarjen e ndodhur dhe duket sikur ngjarja është hedhur pas krahëve, por një video që po qarkullon në internet konfirmon raportin e vështirë midis dy lojtarëve.

Në ndeshjen e fituar kundër Kievos golat e fitores u shënuan nga Bilja dhe Piatek. Mesfushori latin zhbllokoi ndeshjen nëpërmjet një perle nga goditja e dënimit. Gëzim i madh për të gjithë që vrapojnë pas tij, përveç Kesisë, i cili qëndron afër pikës së penalltisë dhe rikthehet drejt mesit të fushës pa festuar me shokun e tij.

Ndeshja pritet të jetë e zjarrtë dhe atmosfera në stadium po ashtu. Siç raporton “TMW”, të pranishëm në shkallë do të jenë dhe përfaqësues të klubit të Totenhemit, të cilët do të ndjekin nga afër paraqitjet e dy milanistëve: Frenk Kesi dhe Suso.

Mesfushori nga Bregu i Fildishtë është një nga objektivat kryesorë të “Spurs”, madje skautë të Totenhemit e ndoqën e kanë ndjekur atë dhe më parë në “San Siro”. Nga ana tjetër është dhe spanjolli Suso, i cili pëlqehet shumë nga Mauricio Poçetino.

Kesi mund të jetë i sakrifikuari i kuqezinjve për të siguruar shërbimet e Bakajokos nga Çelsi, por drejtuesit e “Djallit” presin një ofertë bindëse për të. Sa i përket Suso, ai është një lojtar kyç për skemat e Gatuzos, ndërkohë që klubi po i përgatit rinovimin e kontratës.

Lojtari i krahut ka një klauzolë prej 40 milionë eurosh, ndërsa Totenhemi është gati të paguajë shumën e kërkuar dhe të përfitojë për të siguruar shërbimet e 25-vjeçarit.

Trajneri – “Gatuzo është një trajner i shkëlqyer. Në përgjithësi kur luan, trajneri të pëlqen…por ai është i sinqertë. Kur është koha të punosh, do të punosh. Me të nuk mund të mos përqendrohesh. Në rast se ti nuk jep gjithçka, ai të bërtet. Gjithsesi, kur ne përfundojmë punën tonë, trajneri na lë të lirë për të bërë çfarë të duam”.

HIGUAIN – “Higuain është një kampion i vërtetë, një lojtar i mire dhe një profesionist i madh. Ne kemi shumë besim tek ai dhe e dimë që mund të na dërgojë përpara”.

“San Siro” – “Të luash në “San Siro” të jep emocion të madh. Kur mendon që po të shohin 70 mijë apo 80 mijë tifozë, të bën përshtypje. Milani ka një histori të pabesueshme dhe kur luan atje e ndjen. “San Siro” nuk është si stadiumet e tjera, është ndryshe”.

OBJEKTIVI – “Që në fillim të sezonit i kemi vënë si qëllim dhe objektiv vetes që të kualifikohemi në Champions League dhe do të bëjmë çfarëdolloj gjëje që është e mundur për ta arritur diçka të tillë”.

Totenhemi dhe Çelsi, siç raportohet nga mediat angleze, po mendojnë seriozisht për blerjen e mesfushorit kuqezi, i cili në rast se Milani nuk arrin zonën Champions në fund të sezonit, do të largohet, kjo dhe për shkak të bilancit ekonomik, që duhet të jetë brenda rregullave të “fair-playt financiar”.
”Gjelat” e Londrës kanë gati 36 milionë sterlina për 22-vjeçarin, i cili shihet si lojtari ideal për të zëvendësuar Musa Dembelen. Ndërkohë, Çelsi shihet më i favorizuar, pasi mund të përdorë kartën “Bakajoko”, për të mbërritur te Kesi. Bakajoko është i huazuar te Milani dhe paraqitjet e tij të fundit, duket se kanë bindur drejtuesit kuqezinj.

Për këtë arsye, dyshja Leonardo-Maldini, por edhe trajneri Gatuzo, mund të tundohen nga një ofertë që do të përfshinte Bakajokon. Gjithsesi, të gjitha këto spekulime nga mediat angleze, janë bazuar në rast se Milani nuk do të arrijë të jetë pjesë e Champions League sezonin e ardhshëm.

Në fundin e sfidës ndaj Frosinones, 22-vjeçari ka folur për mediat, duke pranuar se momenti që po kalon ekipi i tij është mjaft i vështirë. Gjithsesi, Kesi shton se ai dhe shokët e tij duhet të punojnë akoma më shumë për t’u ringritur dhe për të lënë pas momentin e keq, duke u rikthyer te rezultatet pozitive.

“Është një periudhë e vështirë për të gjithë. Duhet të punojmë fort dhe të rikthehemi te fitorja. Më shumë jemi të lodhur psikologjikisht se sa fizikisht. Janë 4 ndeshja pa fitore. Duhet të punojmë shumë për të lënë pas këtë moment të vështirë. Kur të vijë goli, nuk do të ndalemi më, jam i sigurt. Nuk është momenti për të folur, por për të punuar. Na duhen fitore me çdo kusht. Duhet të japim gjithçka në ndeshjen e fundit dhe më pas të pushojmë për të karikuar bateritë përsëri”.