francezi

Mbape jep sinjale largimi nga PSG, lëshon deklaratën bombë!

Sport Ekspres — Fri, 21 Jun 2019 16:52:25 +0000

Skuadra e PSG-së ka investuar shuma të çmendura vitet e fundit, duke sjellë në kryeqytetin francez emrat më të mëdhenj të futbollit europian dhe atë botëror. Megjithatë, suksesi në Champions League ka munguar për parisienët.

Edhe pse kanë fituar shumë trofe në Francë, lojtarët kryesorë të skuadrës kanë filluar të dyshojnë për forcën e PSG-së në Europë. Një ndër ta, është dhe Kilian Mbape. Kampioni i Botës mund të largohet nga PSG këtë verë, për t’iu bashkuar një skuadre që ka më shumë mundësi që të fitojë Champions League. Këtë gjë, e ka pranuar dhe vetë ylli francez:

“Gjëja më e rëndësishme është të fitosh Champions League, pasi kështu fiton dhe Topin e Artë dhe futesh në histori. Sot, nuk mund ta fitosh Topin e Artë pa fituar Champions League, kompeticion shumë i rëndësishëm në sytë e botës”, u shpreh Mbape.

Një talent francez për Arsenalin, cilësohet si “Henri i ri”

Sport Ekspres — Sat, 15 Jun 2019 21:17:18 +0000

Aleksis Klaude-Maurise nuk është një emër shumë i njohur në futbollin europian, por në Francë, 21-vjeçari vlerësohet shumë dhe konsiderohet si një nga talentët më të mirë. Sulmuesi ka karateristika shumë të ngjashme me legjendën e Arsenalit, Tierri Henri, prandaj dhe “Topçinjtë” duan ta sjellin sa më parë në Londër.

Maurise ka bërë një sezon të shkëlqyer me Lorient në Ligue 2 në Francë, duke bërë që skautët londinezë të çmenden pas tij. Arsenali ka bërë 2 oferta zyrtare deri më tani, 8 dhe 12 milionë euro, por të dy këto oferta janë refuzuar nga Lorient, që kërkon minimalisht 20 milionë euro.

Vetë Maurise flitet se ka gjetur akord me “Topçinjtë” e Londrës dhe kërkon me patjetër që të transferohet në Emirates, por klubi i Lorient duket se nuk ka ndërmend të ulë çmimin. Pritet një ofertë e tretë nga Arsenali, që do të jetë shumë e përafërt me 20 milionët e kërkuar, prandaj dhe akordi shihet si mëse i mundshëm nga mediat franceze.

Barcelona e kërkon me ngulm, flet ylli i Arsenalit: Dua trofe këtu!

Sport Ekspres — Wed, 22 May 2019 16:10:40 +0000

Aleksandër Lakazet u shpall lojtari më i mirë i Arsenalit këtë sezon, çka ka bërë që skuadrat spanjolle, Atletiko Madrid dhe Barcelona të interesohen për shërbimet e tij. Pas shumë zërash ditët e fundit, ka folur vetë Lakazet, i cili tha:

“Këtë sezon, kam luajtur futbollin më të mirë timin në karrierë. Jam përmirësuar shumë dhe statistikat kanë qenë të kënaqshme. Interesi nga Barcelona? Jam krenar, por qëndroj te Arsenali. Këtu, ndihem i vlerësuar, punojmë shumë për njëri-tjetrin. Kam mësuar se po i ndihmove shokët e skuadrës, edhe ata do të të ndihmojnë ty.

Po ndërtojmë diçka të bukur dhe ndihem i lumtur që jam pjesë e këtij projekti. Trajneri i ri ka ardhur këtë sezon dhe ka bërë mirë. Duam të fitojmë Europa League, te Arsenali kam ardhur për trofe. Obamejang? Kur erdhi në fillim, shumë mendonin se do të ulesha në stol. Por kemi treguar se dimë të luajmë së bashku dhe partneriteti më të na ka bërë edhe më të fortë. Të dy luftojmë për këtë klub”, përfundoi sulmuesi francez.

“Ciao Juve!”, Marsial rinovon me Mançester Junajtid

Sport Ekspres — Wed, 30 Jan 2019 13:57:24 +0000

Ylli francez i Mançester Junajtid, Antoni Marsial ka rinovuar me “Djajtë e kuq”, një kontratë e re që e mban në “Old Trafford” deri në vitin 2024. 23-vjeçari ishte një nga lojtarët më të kërkuar këtë merkato dhe me kontratën e tij që skadonte në fund të sezonit, ofertat ishin të shumta.

Skuadra favorite për të nënshkruar një para-kontratë me Marsial ishte Juventusi, që kërkonte të sillte edhe francezin së bashku me mesfushorin Ramsej. Gjithsesi, largimi i Murinjos ka bërë që Marsial të mendohet sërish për rinovimin dhe pasi i janë plotësuar kushtet financiare, ka rinovuar.

23-vjeçari është një nga lojtarët më të mirë në Premier Ligë dhe mendohet se do të ketë një të ardhme të ndritur me “djajtë”, ndërkohë, Juventusi duhet të kënaqet vetëm me shërbimet e Aron Ramsej.