Nuk ka vonuar as reagimi i klubit me një komunikatë zyrtare, ku është njoftuar se Totit ishte dhënë mundësia të pasonte Monçin në rolin e drejtorit teknik, por kjo ofertë u refuzua nga 42-vjeçari.

“Klubi është tej mase i zhgënjyer për faktin se Françesko Toti ka vendosur të largohet nga klubi, duke refuzuar ofertën e të qenit drejtor teknik i Romës. Ne ia ofruam atij këtë rol pas ikjes së Monçit, gjatë të gjithë kësaj kohe ishim në pritje të përgjigjes së tij”.

“Ne besonim se ky rol i ofronte Françeskos një ndër pozicionet më të larta në klub dhe natyrisht kërkonte dedikim dhe përkushtim, diçka që pritet prej secilit drejtues të klubit tonë”.

“Ishim të gatshëm të tregonim durim me Françeskon në tranzicionin e tij nga një lojtar i madh te një drejtues e menaxher i madh. Ne besonim se ai mund të rritej në këtë rol dhe do ta mbështesnim në çdo hap derisa të përshtatej”.

“Megjithëse e kuptojmë se sa e vështirë është për të që të marrë vendimin e largimit nga Roma pas 30 vitesh, ne besojmë se mendimet e tij për vendimmarrjet e ndryshme në klubin tonë janë shumë larg realitetit”.

“Përsa i përket deklaratës për një rikthim të tij nëse klub vijnë drejtues të tjerë, ne duhet t’iu sigurojmë se grupi investitor që ka në pronësi klubin nuk në plan të vendosë në shitje Romën, tani ose në të ardhmen e afërt”.

Ndërkohë, kompanitë e basteve në Itali i janë futur punës duke ofruar kuota për trajnerin e ardhshëm të Romës. Ndër opsionet e ofruara është dhe ish-trajneri i kombëtares shqiptare, Kristian Panuçi.

Koeficenti që Panucci të emërohet trajneri i Romës është 67. Vetëm Serse Kosmi dhe Françesko Toti kanë një kuotë më të lartë, përkatësisht  126 (Kosmi) dhe 101 (Toti). Riemërimi i Ranierit ose kuotohet 56, të njëjtin koeficient  ka dhe Zhoze Murinjo.

Favoritët janë Luçiano Spaleti (15), Xhixhi Di Baxhio (12), De Zerbi (1.85). Opsioni më i mundshëm në listë i takon Paolo Fonsekës, trajneri portugez i Shaktar Doneckt ka një koeficient prej 1.4.

SHKARKIMI- “Klubi përdori rezultatet e dobëta si arsyen e shkarkimit tim, por unë e çova Romën në finalen e kupës. Bëmë një ndeshje të madhe kundër Milanit, ku arritëm t’i shënonim katër gola. Ajo sfidë më ka dhënë emocione të mëdha. Jam natyrë që punoj shumë, por kishte shumë njerëz brenda klubit që nuk e kishin me qejf këtë. Drejtuesit më shkarkuan sepse thashë publikisht se duheshin vendosur rregulla të rrepta.”

DE ROSI- “De Rosi nuk po luante mirë në atë periudhë. Nuk e di nëse ishte faji im apo i atij. Në vend të trajnimit kalonte kohë në shtretërit e masazhit. Nuk isha mësuar me këtë sepse mendoja se profesionistët stërviten në fushë. Megjithatë, është një problem i përgjithshëm. Toti stërvitej vazhdimisht. Nuk e di, ndoshta masazheri personal i tij ishte më i mirë. Mendoj se De Rosi kishte probleme dhe jashtë fushës. Ai nuk ishte një person paqësor”, përfundoi Zeman.

Ai e nisi dhe e mbylli karrierën me Romën e tij, duke u kthyer në një nga simbolet e lojës më të bukur me top. Ceremonia e lamtumirës nga futbolli, e mbajtur me 28 maj të vitit 2017, përloti gjithë stadiumin “Olimpico”, por jo vetëm.

Toti fitoi një kampionat italian dhe Botërorin me Italinë në vitin 2006, por ai mund të kishte fituar dhe “Topin e Artë”. Luis Figo është i bindur për diçka të tillë në prononcimin e dhënë gjatë eventit “mbrëmja e Zotave”.

Një ndeshje kampionësh do të zhvillohet në Romë me datë 2 qershor, aty ku do të marrin pjesë emra si: Toti, Figo, Toldo, Pirlo dhe Kasano. Fitimet do të t’i kalojnë një spitali që merret me sëmundjet e këqija dhe transplantet.

“Për atë që ka dhënë në fushën e blertë, Françesko do e kishte merituar fitimin e ‘Topit të Artë’. Do të ishte një vlerësim tepër i merituar për talentin e tij”, është shprehur portugezi.

“25 vite me Romën janë shumë dhe kisha më shumë përgjegjësi brenda dhe jashtë fushe. Ëndrra ime ka qenë që të luaj gjithmonë me Romën. Nga tribuna është më e lehtë, gjërat thjeshtësohen. Mendon se pse topi është aty, po ky pse nuk gjuan në portë. Tani i kuptoj ofendimet që më bënin kur nuk luaja mirë. Megjithatë, janë ndjesi të bukura edhe këto që provon nga shkallët e stadiumit. Figo? Do të ishim një dyshe shumë e fortë nëse do të luanim bashkë. E sigurt që do të kisha shënuar më shumë gola”, përfundon legjenda romane.

Ai quhet Momo Salah, i cili luajti dy sezone për Romën përpara se të transferohej te Liverpuli në vitin 2017. Egjiptiani kishte një respekt të madh për Totin dhe për të ishte gjithmonë kënaqësi të luante me kapitenin.

“Sinqerisht, më vjen keq për çdo lojtar që largohet nga skuadra, sepse afeksionohesh me të dhe e ndjek çdo ditë. Ky është rasti i Salah, Alison dhe ish-romanistëve të tjerë. Me Momon kam patur një marrëdhënie të veçantë. Gjithmonë sa herë stërviteshim apo luanim bashkë, ai më thoshte: ‘Ti je një futbollist i niveli krejtësisht të ndryshëm.’ Zbavitej kur luante me mua, gjithashtu ishte një person i jashtëzakonshëm dhe real. Salah ka dhënë shumë për Romën, por në jetë të duhet të marrësh disa vendime dhe kjo gjë duhet respektuar”, përfundon Françesko Toti.

Trajneri i famshëm thërret tre minuta përpara fundit të ndeshjes një nga djemtë e rinj të ekipit: “Françesko, bëhu gati!” 16-vjeçari futet në fushë dhe arrin të prekë një top. E kontrollon mirë dhe niset drejt flamurit të kornes për të vonuar sa më shumë kohën.

Ajo nisje me top në këmbë drejt kornes ishte nisja e një historie legjendare, një prej dashurive më të bukura të ndodhura në futboll. Djaloshi ishte Françesko Toti…

Toti luajti gjatë, nuk e tradhtoi kurrë Romën e tij dhe u nda nga futbolli vetëm me 28 maj të vitit 2017. Ditë e bukur, por tmerrësisht emocionuese dhe prekëse për miliona njerëz në botë. Edhe për ata, të cilët nuk ndjenin kush e di se çfarë për futbollin.

Nuk mbeti kush pa qarë, sepse largohej Toti, legjenda e gjallë dhe kapiteni i përjetshëm, njeriu dhe futbollisti me vetëm dy ngjyra në zemër e mbi supe. Rikthehemi te ndeshja e debutimit. Sot jemi fiks 26 vite më vonë. Shumë gjëra kanë ndryshuar. Bota nuk është më njësoj, as Italia, asgjë.

– Karta telefonike e karikueshme për celularë u prezantua në Itali në vitin 1996.

– Versioni i parë i “Playstation Sony” u prezantua në Japoni me 3 dhjetor, 1994.

–  Regjisori Kuentin Tarantino nuk e kishte përfunduar akoma kryeveprën e tij “Pulp Fiction”, që do të dilte në Itali në dhjetor të vitit 1994.

– “Facebook” u krijua në vitin 2004, 11-të vite më vonë.

– Kompania “Google” u krijua në vitin 1997 dhe vetëm një vit më vonë u regjistrua si domain.

– Monedha Euro u prezantua me 1 janar të vitit 2002.

– Sistemi Blu-ray disc u prodhua në vitin 2004.

– Futbollisti brazilian, Gerson, i cili luan i huazuar te Fiorentina, lindi me 20 maj të vitit 1997.

– Sistemi i transmetimit Wi-Fi.

– EA Sports FIFA u krijua në vjeshtën e vitit 1993.

Juventus u shpall ekipi më i mirë i kampionatit, ndërsa Maks Alegri fitoi çmimin e trajnerit më të mirë. “Falënderoj djemtë, jemi një grup spektakolar. Ronaldo ka sjellë më shumë konkurrencë, por ai është gjithashtu një djalë shumë i përulur”, u shpreh trajneri i bardhezinjve.

Gjatë ceremonisë u përcaktua dhe formacioni më i mirë i sezonit të kaluar. Në portë u zgjodh Alison (ishte pjesë e Romës, ndërsa tashmë luan me Liverpulin). Në mbrojtje Kulibali dhe Kielini në qendër, ndërsa nga krahët u zgjodhën Aleks Sandro dhe Kanselo. Pjaniç, Milinkoviç-Saviç dhe Naingolan ishin treshja më e mirë e mesfushës, ndërsa sulmi përbëhej nga Ikardi, Imobile dhe Dibala.

Lojtari më i mirë i sezonit u shpall Mauro Ikardi. Sulmuesi i Interit fitoi dhe çmimin e golit më të bukur, duke triumfuar me golin me finte kundër Sampdorias (18 mars, 2018). Nga arbitrat u vlerësua Xhanluka Roki, i cili u nderua me statujën e simbolit të Aic.

Dy legjenda dhe kampionë bote me Italinë në 2006, respektivisht Françesko Toti dhe Andrea Pirlo u nderuan me çmimin e karrierës. Çmimin e lojtarit të ri më të mirë e fitoi Sandro Toneli i Breshias, ndërsa Alia Guanji e Fiorentinës u shpall futbollistja më e mirë.

I pranishëm në stadium do të jetë dhe Françesko Toti dhe Roma është gati të nderojë legjendën e saj. Përpara fillimit të ndeshjes, ish-kapiteni i verdhekuqve kryeqytetas do të bëhet pjesë e “Hall of Fame” të Romës. Ai do të jetë personi i 28, i cili bën pjesë te “të përjetshmit” e Romës, ndërsa historia e dashurisë midis tij dhe Romës është një nga faqet më të bukura të lojës së futbollit.

Xhejms Palota, presidenti i ekipit, do të nderojë Totin përpara publikut të tij, ndërsa tifozët do të përjetojnë emocione të forta. “Ky vendim i yni është një mirënjohje për rrugëtimin e Françeskos me Romën, për kontributin e dhënë brenda dhe jashtë fushës, që nga viti 1989. Bëhet fjalë për një nderim të drejtë në përputhje me madhështinë e njërit prej futbollistëve më të mëdhenj të çdo epoke”, shprehet presidenti i Romës.

Toti u tërhoq nga futbolli dhe Roma e tij e dashur me 28 maj të vitit 2017, pas një jetë me dy ngjyra mbi supe dhe në zemër. Ai shënoi 307 gola në 570 ndeshje të zhvilluara me një bluzë të vetme, ndërsa ceremonia e lamtumirës së tij në ndeshjen kundër Xhenoas preku dhe emocionoi miliona tifozë të kësaj loje të bukur.

Një episod i veçantë ka ndodhur gjatë vitit 2006, kur ish-kapiteni legjendar i Romës do të vizitonte një burg të kryeqytetit italian. Një vizitë e shkurtër me qëllimin për të mbledhur para për bamirësi dhe fjalët u përhapen shpejt dhe morën dhenë.

Të burgosurit do të kishin mundësi të takonin Totin dhe kjo ishte një gjë fantastike. Mbi të gjitha, për njërin prej tyre, i cili ishte një tifoz i thekur i ish-numrit 10-të. Me të marrë lajmin e bukur, personi në fjalë nuk humbi kohë dhe i bën një kërkesë të veçantë drejtorit të burgut.

Toti do të vizitonte burgun në muajin dhjetor, por dënimi i personit në fjalë mbaronte një javë përpara vizitës së kapitenit të Romës. Kërkesa ishte e thjeshtë: “Ju lutem, më mbani dhe një javë më shumë këtu, sepse dua të takoj Françesko Totin”. U tha u bë! Tifozi i zjarrtë e shpjegonte kështu vendimin e tij për të qëndruar një javë më shumë në burg.

“Nëse do të jetoja dhe për 100 vite të tjera, nuk do të kisha më një shans si ky për të takuar dhe bërë një foto me Totin…”, episod, i cili është treguar nga vetë 41-vjeçari në librin e tij autobiografik.

DITËT PA FUTBOLL – “Nuk jam mërzitur akoma dhe ditët janë njësoj si ata kur luaja futboll. Çohem në mëngjes, dërgoj fëmijët në shkollë, pastaj shkoj në Trigoria, qëndroj me trajnerin, lojtarët dhe ndjek stërvitjen e skuadrës. Pas dreke rikthehem në shtëpi dhe i dedikohem fëmijëve të mi. Futbollistët janë kafshë, janë bastardë, por më respektojnë. Unë kam qenë si ata, i njoh mirë dhe e njoh gjuhën e tyre të fshehtë, mes shikimeve dhe gjysmë fjalëve. Përpiqem të jem i dobishëm. Në dhomat e zhveshjes sot flitet pothuajse anglisht. Nëse nuk e di si gjuhë, nuk kupton asgjë. Kjo nuk është e mirë, sepse dobësohet grupi. Në grumbullimet e skuadrës, çdokush izolohet në dhomën e tij me telefon në dorë, duke naviguar, ose dërguar mesazhe.”

AVENTURA NË AZI, OSE AMERIKË – “Nuk zgjodha të luaja diku tjetër, sepse do të kisha shkatërruar 25 vite karrierë. Gjithmonë e kam shprehur se dëshiroja të vishja vetëm një bluzë dhe jam një njeri i fjalës. Spaleti? Ishte ai që nxiti mbylljen e karrierës time, sepse ishte një me klubin.”

INTERESIMI I MILANIT– “Milan më kërkoi, kur isha 12 vjeç, por familja ime ishte kundër, sidomos mamaja. Ajo i përket kohës së kaluar: gjithmonë e shqetësuar dhe posesive. Babai punonte deri vonë dhe mamaja më qëndronte gjithmonë pranë.”

SHKELMI NDAJ BALOTELIT – “I kishte ardhur momenti. Kishte vite që provokonte dhe më kishte fyer mua dhe romanistët. Ishte një shpërthim i akumuluar. Kreu një faull të tmerrshëm për të më bërë keq. Por pastaj, çuditërisht, lojtarët e Interit nuk më sulmuan. Kur po dilja nga fusha për kartonin e kuq që mora, Maikon më bëri shenjen e pesë gishtave të dorës. Aty kuptova se Baloteli krijoi një acarim dhe mes shokëve të tij.”

NUK DËSHIROJA KAMPIONË TE ROMA? – “Fjalë kafenesh. Nëse kampionët nuk vinin, ndodhte për shkak të buxhetit të limituar dhe jo për zgjedhjen time. Gjithmonë kam dashur të fitoj dhe të mos shoh të tjerët duke fituar.”

FITORJA 3-0 ME BARCELONËN – “Çdo gjë që të bëj, do të marr kritika më pas. Unë e di se çfarë ndjej dhe nuk është e nevojshme t’ua them të tjerëve. Është e vërtetë, në golin e parë nuk festova, sepse nuk e kishim fituar akoma ndeshjen. Te goli i dytë u çova në këmbë, ndërsa tek i treti mora në krah djalin tim, Kristianin. Nuk më kanë parë ata që më kritikojnë?”

FABIO KAPELO – “Kur flisje me të e kishe gjithmonë gabim. Ka shumë njohuri, por fjala e fundit duhet t’i përkasë gjithmonë atij. Nëse kalonte një pëllumb dhe ai thoshtë që është pulëbardhë, do ta shpjegonte se pse ishte pulëbardhë. Kapelo është kokëfortë, perfeksionist. Një maniak i vërtetë…”

Toti ka tentuar dhe negociuar për të sjellë në Romë emra si Ronaldo dhe Ibrahimoviç, por bilanci financiar i klubit nuk e mundësonte blerjen e yjeve të nivelit botëror.

“Gjithmonë e kam thënë që duhen kampionë për të fituar. Dëshiroja që Ronaldo (braziliani) dhe Ibrahimoviç të vinin te Roma, por ne kishim një buxhet të limituar. Kam dashur që të vinin lojtarët më të mirë të botës në Romë dhe jo vetëm sulmues, por dhe mbrojtës e mesfushorë të mëdhenj.

Unë tentova të sillja emra të mëdhenj, por nuk e kishim forcën financiare për t’i sjellë në Romë”, përfundon Françesko Toti për “La Republica”.

Siç citon “The Sun”, klubi gjysmë profesionist i APIA Leichhardt po tenton t’i kthejë mendjen Totit të rikthehet në futbollin e luajtur. Diçka e tillë vështirë të pranohet nga 41-vjeçari, por drejtuesit e klubit kanë gati ofertën dhe do të insistojnë të bindin ish-Kampionin e Botës në vitin 2006.

Klubi i APIA-s ka lidhje të forta me akademinë e futbollit të ASR në Sidnei, një filial i Romës. Një përfaqësues i ASR ka konfirmuar lajmin duke deklaruar: “Klubi po përpiqet të kryejë një gjë speciale, kemi paraqitur ofertën për Totin dhe po presim përgjigjen e tij. Shpresojmë të shfrytëzojmë lidhjet që disponojmë dhe të arrijmë marrëveshjen me lojtarin.”

Roma – “Është një moment i veçantë, sepse askush nuk e ka pritur këtë nisje të sezonit nga ekipi. Janë vetëm tre ndeshjet e para dhe nuk mund të fajësojmë një lojtar apo një tjetër. Kampionati është i gjatë, por duhet të jemi realistë: Juventusi bën kampionatin e vet dhe është e kotë ta fshehim. Në duhet të garojmë më Milanin, Interin, Lacion dhe Napolin. Pritshmëritë duhet të jenë të mëdha, por duke parë atë që Roma bëri sezonin e kaluar, atëherë, Roma duhet të fitojë titullin dhe të arrijë në finalen e Champions.

Të gjithë mundohen të kenë këtë objektiv, por realiteti është ndryshe. Ne duhet të kërkojmë të arrijmë një pozicion mes vendit të dytë dhe të katërt, si dhe të kalojmë grupin në Champions. Duhet të jemi të bashkuar, sepse uniteti i skuadrës të dërgon larg. Duhet të lëmë mënjanë thashethemet jashtë fushe dhe t’i lëmë të tjerët të merren me to. Gjëja më e rëndësishme është që ekipi të jetë i bashkuar.”

Harmonia në klub – “Fjalët e kafeneve, gazetarëve dhe radiove duhet t’i lëmë jashtë Trigorias. Realitetin e fakteve e dimë vetëm ne. Për trajnerin vendos dorën në zjarr, kur them që ai është një nga trajnerët italianë më të aftë: është i ri, me perspektivë, një karakter i fortë dhe nuk influencohet nga askush. Me kalimin e kohës, ai do të tregojë aftësitë e tij dhe diçka të tillë e ka bërë dhe në sezonin e kaluar. Roma është një ambient i veçantë, sepse priten rezultate të mëdha dhe të gjithë kanë dëshirë për të fituar. Nuk fitojmë prej kohësh, por ka dhe skuadra të tjera, që nuk kanë fituar prej shumë kohësh, sepse fiton vetëm Juventusi.

Duhet të qëndrojmë afër trajnerit dhe të gjithë tifozët t’i japim një shtysë ekipit. Tifozët janë krenari dhe me plot dashuri për ekipin dhe pa ndihmën e tyre nuk shkojmë dot askund. Duhet të dalim të bashkuar nga ky tunel, që në të vërtetë nuk është tunel, sepse kanë kaluar vetëm tre ndeshjet e para. Di Françesko do të dijë ta kalojë këtë situatë dhe lojtarët duhet të ndjekin idetë e tij. Do të shohim përsëri Romën, që para pak muajsh ishte një ekip i madh në Itali dhe Europë.”

Shik&Klaivert – “Janë të rinj dhe është normale që duan të luajnë. Edhe unë kur isha 18-vjeç dëshiroja të luaja dhe nëse më pyesnin nëse duhet të isha titullar i Romës, do të përgjigjesha me po. Kur qartëson këtë gjë, atëherë gazetarët fillojnë dhe e interpretojnë si të duan ata. Ata janë dy djem të shkëlqyer me një të ardhme të madhe. Roma mbështetet shumë tek ata, të cilët do të tregojnë vlerat e tyre.”

Akuzat ndaj Monkit – “Ai ka shitur lojtarë të mëdhenj, por dhe ka blerë lojtarë të tillë. Të rinj, me të ardhme dhe në gjendje për të bërë mirë dhe në këto momente. Kemi një skuadër të fortë dhe nëse nga 25 lojtarë që ke, 16 janë lojtare kombëtaresh, do të thotë që ke një skuadër të nivelit të lartë. Monki është një dhi e vjetër dhe gjykimi i punës së tij do të bëhet në fund të sezonit. Nëse humbasim 10-të ndeshje rresht, do të filloja të bëja disa pyetje, por tani jo. Katër pikë me Torinon, Atalantën dhe Milanin mund të qëndrojnë, sepse vetëm Juventus mund t’i fitojë të gjitha ndeshjet. Duhet të kemi ekuilibër dhe t’i mënjanojmë ulje-ngritjet në skuadër.”

Ndeshja e lamtumirës – “Nuk e kam parë ndeshjen, por ceremoninë, po. Shpeshherë Daniel dhe Chanel shikojnë ato momente dhe ndaloj dhe unë t’i shoh bashkë me ta. Të shikosh atë çfarë ndodhi është të bën mirë dhe është e këndshme deri në një farë pike. Ajo ditë ishte surreale, jo për lamtumirën time, por për fytyrat e njerëzve dhe ato më kanë mbetur në memorie. Ajo ishte sinqeriteti dhe dashuria e ndërsjellët mes meje dhe tifozëve.”