Flasim për Emanuel Vinjato, 18-vjeçarin e Kievos, i cili aktivizohet si mesfushor i avancuar, sulmues i dytë dhe sulmues i djathtë. Lojtari me baba italian dhe nënë braziliane cilësohet si një talent i pastër dhe lista e klubeve që e ndjekin është e gjatë.

Kontrata me klubin veronez përfundon verën e ardhshme dhe Vinjato nuk ka pranuar rinovimin. Pas këtij refuzimi qëndrojnë kampionët e Gjermanisë, të cilët mund ta blejnë me një çmim disa herë më të ulët, pasi atij i mbetet edhe një vit kontratë.

Përveç Bajernit për Vinjaton interesohen edhe Juventusi, Napoli, Sasuolo dhe Xhenoa. Gjatë këtij sezoni ai është aktivizuar në 10 ndeshje dhe ka shënuar një gol në Olimpico kundër Lacios së Strakoshës.

Vinjato mund të qëllojë një investim fantastik për të ardhmen. Disa nga cilësitë e tij më të mira janë shpejtësia, asistet dhe driblimi fantastik. Djaloshi ka dy pasaporta, por deri tani ka vendosur të përfaqësojë Italinë.

Debutimin në Serie A e ka bërë në moshën 16-vjeçare, në humbjen e Kievos 3-5 përballë Romës në majin e vitit 2017. Ndërsa po bënte nxehjen, aty pranë ishin edhe Françesko Toti dhe Raxha Naingolan.

Legjenda e Romës i afrohet dhe e pyet djaloshin se kush është, ndërsa Vinjato i përgjigjet: “Jam një djalë i Kievos, ditëlindja 2000”. Një përgjigje mes sikletit, pasi ndodhej përpara Françesko Totit. Ky i fundit buzëqesh dhe bën shaka me “ninxhën”, ndërsa i rikthehet Vinjatos. “Ngjan si 12 vjeç, dëshiron të marrësh dhjetë vite nga të miat?”, për t’i dhënë fund bisedës simpatike midis Totit, Naingolan dhe Vinjatos.

Ish-sulmuesi italian ka folur për “Sky Sport” në lidhje me Françesko Totin, duke zbuluar një detaj pothuajse të pabesueshëm.

Një “romantik” nga Anglia nuk e ka pranuar ende faktin që 43-vjeçari (i mbush në fund të shtatorit) është tërhequr nga futbolli, saktësisht dy vite më parë. Emri nuk zbulohet, por drejtuesi i një klubi i ka bërë një ofertë surprizuese legjendës italiane.

“Françesko është shumë i qartë dhe e di atë që dëshiron. Ndihet pak keq për mënyrën se si e trajtuan te Roma, por keq ndihen të gjithë tifozët e futbollit. Kështu është jeta dhe ai e di se duhet të përveshë mëngët për t’ia rinisur një aventure të re. Unë di se një drejtues i një klubi anglez i ka propozuar të rikthehet të luajë. Lids Junajtid? Nuk e di… “, përfundon Marko Borrielo.

Nuk ka vonuar as reagimi i klubit me një komunikatë zyrtare, ku është njoftuar se Totit ishte dhënë mundësia të pasonte Monçin në rolin e drejtorit teknik, por kjo ofertë u refuzua nga 42-vjeçari.

“Klubi është tej mase i zhgënjyer për faktin se Françesko Toti ka vendosur të largohet nga klubi, duke refuzuar ofertën e të qenit drejtor teknik i Romës. Ne ia ofruam atij këtë rol pas ikjes së Monçit, gjatë të gjithë kësaj kohe ishim në pritje të përgjigjes së tij”.

“Ne besonim se ky rol i ofronte Françeskos një ndër pozicionet më të larta në klub dhe natyrisht kërkonte dedikim dhe përkushtim, diçka që pritet prej secilit drejtues të klubit tonë”.

“Ishim të gatshëm të tregonim durim me Françeskon në tranzicionin e tij nga një lojtar i madh te një drejtues e menaxher i madh. Ne besonim se ai mund të rritej në këtë rol dhe do ta mbështesnim në çdo hap derisa të përshtatej”.

“Megjithëse e kuptojmë se sa e vështirë është për të që të marrë vendimin e largimit nga Roma pas 30 vitesh, ne besojmë se mendimet e tij për vendimmarrjet e ndryshme në klubin tonë janë shumë larg realitetit”.

“Përsa i përket deklaratës për një rikthim të tij nëse klub vijnë drejtues të tjerë, ne duhet t’iu sigurojmë se grupi investitor që ka në pronësi klubin nuk në plan të vendosë në shitje Romën, tani ose në të ardhmen e afërt”.

Në deklaratë, Toti shprehet se përtej fjalëve të shumta që janë thënë, ai do të marrë një vendim shumë shpejt. “Këto ditë shumë fjalë po thuhen dhe po shkruhen, duke hedhur hipoteza mbi mendimet dhe zgjedhjet e mia. Së shpejti do të vijë vendimi im në vendin e duhur”, shkruan Toti në rrjetet sociale.

In questo momento vengono dette e scritte tante parole, cercando di ipotizzare i miei pensieri e le mie scelte. A breve il mio punto di vista nella giusta sede…

— Francesco Totti (@Totti) June 13, 2019

Daniele De Rosi do të zhvillojë ndeshjen e fundit me Romën e tij në ndeshjen kundër Parmës. Stadiumi Olimpico pritet të mbushet plot për t’i bërë nderimet e fundit “luftëtarit” De Rosi.

Rreth kësaj situate ka folur edhe Françesko Toti. Vëllai i madh ndjen emocione për largimin e të voglit. Të dy kanë patur vetëm një ideal dhe dashuri: Romën e tyre. Asaj i kanë kushtuar gjithçka, por fatkeqësisht çdo gjë e bukur e ka një fund.

“Arritëm ta dërgonim Romën në majën e botës me Italinë. Kemi përjetuar së bashku shumë momente të bukura dhe aspak të tilla, por mendoj se kjo është gjëja më e bukur: fakti që kemi rritur fëmijët së bashku, t’i shohësh të dalin nga shkolla, të udhëtojnë me minibus. Shpresoj që të ndjekin rrugëtimin tonë të miqësisë”, përfundon Françesko Toti.

Francesco Totti racconta Daniele De Rossi attraverso 10 foto ??#DDR16 #ASRoma pic.twitter.com/ZF6yMh2E4S

— AS Roma (@OfficialASRoma) May 26, 2019

Xhejms Palota ka zgjedhur Françesko Totin si drejtorin e ri teknik. Post i rëndësishëm për legjendën verdhekuqe, i cili do të jetë ura lidhëse e klubit me trajnerin dhe do të ketë ndikim në vendimmarrje dhe merkato.

Nga ana tjetër është edhe trajneri. Kandidat kryesor mbetet Xhan Piero Gasperini, por Atalanta është me një këmbë në Champions dhe ai mund të qëndrojë në Bergamo.

Roma nuk dëshiron të mbesë e papërgatitur dhe ka gati dy alternativa të tjera: Mauricio Sarrin e Çelsit dhe Marselo Bielsën e Lids Junajtid.

Antonio Konte është dëshira më e madhe për të marrë drejtimin e stolit. Media të ndryshme në gadishull, janë shprehur se Roma është pranë akordit me Italianin. Françesko Toti nuk tregon asgjë rreth këtij detaji, por shprehet se Konte është një trajner i madh dhe fitues. Toti e dëshiron në stolin e Romës, por i duket e vështirë të ndodhë kjo gjë, pasi trajnerin e kërkojnë disa klube.

“Javët e fundit kemi parë shumë lajme mbi Konten te Roma, por ne kemi Ranierin në stol dhe duhet të respektojmë atë deri në fund. Ne kemi objektiv Championsin dhe nuk më duket e drejtë të flasim për trajner të ri në këtë moment. Megjithatë, ju siguroj se zgjedhja e trajnerit nuk varet nga mbërritja në vendin e katërt.”

“Konte është një nga trajnerët më të mirë në botë. Ai ka fituar kudo që ka shkuar. Shumë klube do të futen fuqishëm në garë për ta pasur. Ka pasur kontakte me klube të mëdha. Kështu që, është shumë e vështirë. Natyrisht që do ta doja Konten te Roma, por duhen parë shumë gjëra për ta bërë këtë”, tha Françesko Toti.

Të parët janë një hap larg kualifikimit në gjysmëfinalet e kompeticionit më të rëndësishëm për klube. Ndeshja e parë e zhvilluar në transfertë kundër Ajaksit përfundoi në barazim 1-1.

Rezultat pozitiv, por “harkëtarët” nuk duhen nënvlerësuar. Ata janë të rrezikshëm, kanë një ekip të ri, janë shumë të aftë në fazën sulmuese dhe nuk kanë asgjë për të humbur.

Françesko Toti luftuar për shumë vite kundër Juventusit në fushën e blertë. Megjithatë, kur bie fjala për në Europë, ish-kapiteni legjendar i Romës bëhet tifoz me ekipin e Alegrit.

“Nuk e pashë të gjithë ndeshjen kundër Ajaksit, sepse kisha njerëz për darkë. Të gjithë ndeshjet janë të vështira në këtë fazë të kompeticionit. Çdo ekip mund të fitojë, por shpresoj që të kualifikohet ekipi italian”, thekson Toti.

Ai e nisi dhe e mbylli karrierën me Romën e tij, duke u kthyer në një nga simbolet e lojës më të bukur me top. Ceremonia e lamtumirës nga futbolli, e mbajtur me 28 maj të vitit 2017, përloti gjithë stadiumin “Olimpico”, por jo vetëm.

Toti fitoi një kampionat italian dhe Botërorin me Italinë në vitin 2006, por ai mund të kishte fituar dhe “Topin e Artë”. Luis Figo është i bindur për diçka të tillë në prononcimin e dhënë gjatë eventit “mbrëmja e Zotave”.

Një ndeshje kampionësh do të zhvillohet në Romë me datë 2 qershor, aty ku do të marrin pjesë emra si: Toti, Figo, Toldo, Pirlo dhe Kasano. Fitimet do të t’i kalojnë një spitali që merret me sëmundjet e këqija dhe transplantet.

“Për atë që ka dhënë në fushën e blertë, Françesko do e kishte merituar fitimin e ‘Topit të Artë’. Do të ishte një vlerësim tepër i merituar për talentin e tij”, është shprehur portugezi.

“25 vite me Romën janë shumë dhe kisha më shumë përgjegjësi brenda dhe jashtë fushe. Ëndrra ime ka qenë që të luaj gjithmonë me Romën. Nga tribuna është më e lehtë, gjërat thjeshtësohen. Mendon se pse topi është aty, po ky pse nuk gjuan në portë. Tani i kuptoj ofendimet që më bënin kur nuk luaja mirë. Megjithatë, janë ndjesi të bukura edhe këto që provon nga shkallët e stadiumit. Figo? Do të ishim një dyshe shumë e fortë nëse do të luanim bashkë. E sigurt që do të kisha shënuar më shumë gola”, përfundon legjenda romane.

Ai quhet Momo Salah, i cili luajti dy sezone për Romën përpara se të transferohej te Liverpuli në vitin 2017. Egjiptiani kishte një respekt të madh për Totin dhe për të ishte gjithmonë kënaqësi të luante me kapitenin.

“Sinqerisht, më vjen keq për çdo lojtar që largohet nga skuadra, sepse afeksionohesh me të dhe e ndjek çdo ditë. Ky është rasti i Salah, Alison dhe ish-romanistëve të tjerë. Me Momon kam patur një marrëdhënie të veçantë. Gjithmonë sa herë stërviteshim apo luanim bashkë, ai më thoshte: ‘Ti je një futbollist i niveli krejtësisht të ndryshëm.’ Zbavitej kur luante me mua, gjithashtu ishte një person i jashtëzakonshëm dhe real. Salah ka dhënë shumë për Romën, por në jetë të duhet të marrësh disa vendime dhe kjo gjë duhet respektuar”, përfundon Françesko Toti.

49-vjeçari ishte pjesë e Zvezdës kur kaloi në Itali te Roma, më pas Sampdoria, pastaj vitet e arta me Lacion dhe në fund Interi. Trajneri është i papunë për momentin, ndërsa tregon dëshirën e tij për “Rai 3”.

Te Sampdoria dhe Roma punoi me Vujadin Boskov, trajnerin e famshëm që fitoi titullin me Sampdorian dhe dërgoi ekipin xhenovez në finalen e Ligës së Kampioneve (e humbur përballë Barcelonës në 1991).

Respektin për të nuk do e humbasë kurrë, ndërsa pasi tregon sekretin e goditjeve të dënimit, Mihajloviç zbulon një sekret sa i përket debutimit të një djaloshi të ri në ndeshjen kundër Breshias. Ishte 28 marsi i vitit 1993 dhe Boskov fuste në fushë për Romën një 16-vjeçar të talentuar. Ai quhej… Françesko Toti.

DËSHIRA – “Kam refuzuar oferta të ndryshme nga Italia, sepse dëshiroj të shkoj jashtë. Ndodhem në Itali që nga viti 1992 dhe dua të provojë një eksperiencë jashtë vendit.”

SPECIALITETI – “I gjuaja goditjet e dënimit në të gjitha mënyrat. Merrja hap gjithmonë njësoj, në mënyrë që portieri të mos e kuptonte kurrë se çfarë gjuajtje do të bëja. E shikoja në sy deri në fund, gjë që nuk e bëja kur gjuaja penalltitë. Lojtarëve të mi u them me shaka se në karrierë kam humbur më shumë penallti sesa goditje dënimi. Nisa të luaja futboll vetëm për shkak të goditjeve të dënimit, përndryshe do të merresha me basketboll.”

BOSKOV-TOTI – “Vujadin ishte shumë inteligjent. Ti mendoje se do të bënte atë që i thoje, ndërsa ai bënte atë që donte vetë. E morëm Françeskon me vete dhe menduam se, nëse do të bënte mirë, do ta aktivizonim. Po fitonim 2-0 dhe, 15 minuta përpara fundit të ndeshjes, u ofrova afër pankinës dhe i kërkova trajnerit ta fuste në lojë.”

Nëse ekipi nuk reagon, trajneri largohet dhe Roma duhet të gjejë pasardhësin. Paulo Souza mbetet favoriti kryesor, ndërsa shanset e Montelës janë ulur, pasi nuk preferohet nga Monçi, drejtori sportiv i klubit.

Kandidat i fortë mbetet dhe trajneri i kombëtares shqiptare dhe kuotat e tij janë rritur. Siç raportojnë mediat e vendit fqinj, Panuçi ka mbështetjen e dy emrave të mëdhenj të ekipit kryeqytetas. Françesko Toti dhe Daniele De Rosi po insistojnë në afrimin e trajnerit kuqezi në stolin e ekipit italian.

Ish-kapiteni legjendar dhe kapiteni aktual kanë luajtur bashkë me Panuçin te Roma, i cili u aktivizua për 8 sezone në kryeqytet, dhe ata preferojnë 45-vjeçarin në stol, nëse Di Françesko shkarkohet nga drejtuesit e klubit.