PSG-ja dhe Marseja zhgënjejnë, “mbreti” i tifozëve në Francë është një tjetër klub

Sport Ekspres — Wed, 27 Mar 2019 22:47:30 +0000

PSG është klubi më dominues i futbollit francez gjatë dekadës së fundit. Paratë e shpenzuara nga parisienët janë të papërfytyrueshme për çdo klub tjetër francez. Megjithatë, suksesi i viteve të fundit dhe yjet e shumtë në ekip nuk kanë joshur as sa pritej popullin kryeqytetas.

Së fundmi “France Football” ka zbuluar pjesëmarrjen mesatare të tifozëve të secilës skuadër. PSG renditet në vend të tretë me 47033 tifozë për ndeshje.

Mirëpo, nuk ka zhgënjim vetëm për parisienët. Vendi i dytë mbahet nga Olimpiku i Marsejës me 48092 tifozë për ndeshje. Tifozët e skuadrës nga Marseja shpesh mburren me faktin që ata janë klubi me më shumë tifozë në Francë, por statistikat nuk e mbështesin këtë , pasi vendi e parë e mban Olimpiku i Lionit me një mesatare prej 48540 tifozësh për ndeshje.

Rrëfehet Bufon: Te Juve kishte shumë stres, këtu ndryshe

Sport Ekspres — Wed, 29 Aug 2018 16:08:07 +0000

Xhanluixhi Bufon ka dhënë një intervistë të gjatë për medien franceze “France Football”, ku ka folur për eksperiencën e tij të re në shtetin francez. Portieri 40-vjeçar është shprehur se te PSG-ja ka gjetur një ambient shumë më komod se sa te Juventusi.

“Tani ndihem shumë i lumtur dhe entuziast për të ardhmen dhe kjo falë kolegëve të mirë të rinj. Jemi një grup shumë i mirë. Këtu humori nuk mungon asnjëherë dhe ka shumë pak stres se në Itali. Atje ndonjëherë i ekzagjerojmë disa gjëra dhe jemi më të fiksuar se ç’duhet pas futbollit”

“Stërvitja këtu është më e qetë dhe më kënaq më shumë se sa të Juventusi. Ambienti në përgjithësi tek ekipet italiane dhe sidomos te Juventusi është shumë stresues, edhe kur luan ndaj ekipeve të vogla ka një presion mbytës”