Megjithatë, drejtuesit e klubit kanë bërë një lëvizje të papritur. Sipas raportimeve të “Corriere della Sera”, Milani është gati të bëjë një pakt me UEFA-n dhe të qëndrojë 1 vit larg kupave europiane!

Kuqezinjtë kanë vendosur të mos apelojnë vendimin e TAS-it të Lozanës në lidhje me mosrespektimin e FPF (fair-play financiar). Vendimi në fjalë, që u cilësua si tepër i ashpër, kishte vendosur një gjobë prej 12 milionë eurosh për klubin e famshëm, kufizim të lojtarëve deri në 21 dhe përjashtim nga Kupat e Europës, nëse nuk arrihej balancimi i buxhetit deri në vitin 2021.

Milani dëshiron të gjëje një akord me UEFA-n dhe është gati të qëndrojë 1 vit jashtë kompeticioneve europiane. Gjithmonë nëse djemtë e Gatuzos kualifikohen në Ligën e Europës, pasi ndryshon situata nëse rikthehen në Champions Ligë…

Sipas raportimeve të “New York Times”, përfaqësues të dhomës së hetimeve financiare të UEFA-s janë takuar para dy javësh në Zvicër për mbylljen e hetimeve për klubin anglez.

Gazeta amerikane siguron se “Cityzens” do të pezullohen të paktën 1 vit nga Champions Liga. Siti deklaron se vazhdon bashkëpunimin me mirëbesim me UEFA-n, por nuk dëshiron të shprehet pa u mbyllur hetimi i plotë.

Frika më e madhe e drejtuesve është përfshirja e disa personave, të cilët synojnë të dëmtojnë imazhin e klubit dhe interesat komercialë të tij.

Harxhimet e shumta në merkato dhe fakti që drejtuesit e klubit nuk kanë mundur të rregullojnë bilancet e tyre mund të sjellë përjashtimin nga kompeticionet europiane.

Gazeta belge “Sport and Strategy” ka raportuar se ekipi i “qytetarëve” rrezikon përjashtimin nga Champions Liga për shkak të parregullsive në FPF. Një gjë e tillë është bërë publike dhe nga Ives Leterme, fdrejtori i komitetit të kontrollit financiar të UEFA-s.

“Nëse akuzat do të konfirmohen, problemi do të ishte serioz. Po, mund të ketë dhe sanksionime të rënda, si përjashtimi nga kompeticionet europiane”, thekson Leterme.