Formula 1

Hamilton jashtëtokësor, Ferrari është në “gjumë”

Sport Ekspres — Sun, 04 Aug 2019 15:28:22 +0000

Kampionati botëror i Formula 1 ka një dominues dhe ai quhet Luis Hamilton. Anglezi dëshmon vit pas viti e garë pas gare se është një nga më të mirët e historisë së këtij sporti, me gjermanët e Mercedes, që i kanë vënë në dispozicion një makinë shumë të mirë.

Ka qenë Çmimi i Madh i Hungarisë ndalesa e fundit e kësaj vere për pilotët dhe skuaderitë e Formula 1. Holandezi Verstapen nisej i pari dhe Hemilton e Botas pas tij. Pilotët e Ferrarit pasonin në vendet 4 dhe 5. Gara në vendet e para ka qenë e ndarë në dy pjesë.

Hamilton dhe Verstapen që garonin për dy vendet e para e në pjesën tjetër dy kokëkuqet e Ferrarit, që ndiqnin në vendet 3 dhe 4. Botas dëmtoi hundën e makinës që në start pas një kontakti me Hamilton dhe iu desh të bënte një garë të tërë në malore.

Vershtapen zgjodhi strategjinë e ekzekutimit të garës me një pit-stop, ndryshe nga Hamilton që zgjodhi të hynte dy herë në bokse. Verstapen krijoi një distancë të prej më shumë se 19 sekondash nga anglezi, por nuk mjaftuan. Gomat e makinës Red Bull u degjeneruan dhe 20-vjeçari nuk mundi të mbante “furinë” Hamilton mbrapa.

Kampioni i Botës u tregua i jashtëzakonshëm, duke arritur të zerojë diferencën e më pas tre xhiro para përfundimit të merrte vendin e parë. Ftitorja e shtatë në cirkuitin Hungaroring, rekord absolut i tij. Vendi i tretë për Vetel, që pak para përfudimit të garës parakaloi Leklerk. Ferrari ishte afro një minutë larg kundërshtarëve. Formula 1 kthehet më 31 gusht.

VIDEO | Hemilton nuk zhgënjen në shtëpi, Fetel “e bën baltë”

Sport Ekspres — Sun, 14 Jul 2019 14:51:02 +0000

Luis Hemilton është shpallur fituesi i pistës britanike. Piloti i Mercedes e nisi në vend të garën, por ia doli të parakalojë kolegun e tij finlandez Valteri Botas, i cili mbajti deri në fund të garës vendin e dytë. Podiumi plotësohet nga i riu i Ferrarit, Sharl Lekler.

BREAKING: @LewisHamilton wins a record 6th British Grand Prix!! ??#BritishGP ?? #F1 pic.twitter.com/aamLgyp2yc

— Formula 1 (@F1) July 14, 2019

Momenti më interesant i garës ishte përplasja midis Sebastien Fetel dhe Maks Vershtapen. Piloti i Ferrarit është bërë sërish protagonist i Formula 1 për shkak të një manovre mjaft të rrezikshme që solli përplasjen e makinës së tij me atë të rivalit holandez Maks Vershtapen.

Renditja e përgjithshme e pikëve të Formula 1

VIDEO | Vershtapen ia hedh paq, s’ka dënim për kontaktin me Lekler

Sport Ekspres — Sun, 30 Jun 2019 20:56:41 +0000

Maks Vershtapen nuk do të pësojë penalizime për përplasjen e gomave me pilotin e Ferrarit Sharl Lekeler. Holandezi rrezikonte të humbiste vendin e parë në pistën e Austrisë, por shqyrtimi i mëpasshëm i ngjarjes nga komisarët e garës nuk i ka dhënë të drejt Lekler, i cili pretendonte për një shkelje të rregullores që i kushtoi vendin e parë.

Të dy pilotët patën kontakt gomash në xhiron e tretë nga fundi. Në argumentimin e vendimit, komisarët e garës e cilësuan ngjarjen në fjalë si një incident gare ku të gjithë pilotët ishin të pafajshëm.

Triumf i Vershtapen, thyhet “hegjemonia” e Mercedes

Sport Ekspres — Sun, 30 Jun 2019 15:07:20 +0000

Garuesi i skuderisë Red Bull, Maks Vershtapen, është shpallur fituesi i pistës së Austrisë. U desh të vinte gara e tetë e sezonit që vendi i parë të mos i përkiste njërit prej dyshes së Merdeces, Hemilton – Botas.

Vendi i dytë në podium u mor nga piloti i Ferrarit Sharl Lekler, ndërsa podiumi u plotësua nga finlandezi i Mercedes, Valteri Botas. Kryesuesi i renditjes Luis Hemilton nuk shkoi më shumë se vendi i pestë në këtë garë, ndërsa Sebastian Fetel la pas rivalin e tij teksa u rendit në vendin e katërt.

Renditja e pikëve

Lëklerk fluturon në provat zyrtare, probleme për Fetel

Sport Ekspres — Sat, 29 Jun 2019 14:35:45 +0000

Çarls Lëklerk është ai që bën Ferrarin të gëzojë, por përgjysmë. Piloti i ri i “kokëkuqes” ishte më i shpejti në provat zyrtare të garës së Austrisë, në pistën Spielberg. Gjithsesi skuderia italiane nuk mund të festojë, duke parë që Sebastian Fetel pati probleme.

Piltori gjerman do ta nisë garën nga vendi i dhjetë, kurse Lëklerk do të “sulmohet” nga një “rebel” si Ljuis Hamilton. Britaniku i Mercedes do të niset i dyti, ndërkohë që i treti niset problematiku Maks Vershtapen.

Makina tjetër Mercedes, me Valteri Botas, do të niset nga pozicioni numër katër. Një garë interesante pritet nesër dhe mbetet për t’u parë se si do të sillet në pistë Lëklerk, i cili vendosi edhe rekord në provat e sotshme, me kohën 1:03.003.

QUALIFYING CLASSIFICATION: A second career pole for @Charles_Leclerc ?#AustrianGP ?? #F1 pic.twitter.com/NipWbpHnzp

— Formula 1 (@F1) June 29, 2019

Vetel akoma i nxehur: ”Ta djegim rregulloren”

Sport Ekspres — Sat, 22 Jun 2019 15:10:58 +0000

Vazhdojnë polemikat për atë dënim të Vetel në garën e Kanadasë. Gjermani gjatë një dalje nga pista desh krijoi një aksident mes tij dhe Hemilton. Komisarët e garës e konsideruan të parregullt manovrën e Fetel dhe e dënuan me pesë sekonda. Ky veprim i tyre i hoqi nga dora fitoren gjermanit, i cili ishte dukshëm më i shpejtë se Mercedes.

Pas kësaj Fetel lëshoi një sërë deklaratash dhe gjestesh në formë proteste. Ai u shpreh se nuk kishte zgjidhje tjetër, pasi makina sapo kishte dalë nga bari dhe nuk kishte fërkimin e duhur me asfaltin. Ferrari e apeloi vendimin e komisarëve kanadezë, duke e konsideruar si të pa bazuar në rregullore.

Apelimi i skuadrës kokëkuqe nuk është pranuar dhe ka mbetur në fuqi fitorja e Hemilton. Ai ka komentuar edhe pas kësaj ngjarje, duke u shprehur se ka humbur filozofia e garës. “Kështu edhe filozofia e garës humbi bashkë me shumë paragrafe në rregullore. Ka mbetur vetëm t’i djegim ato letra”, u shpreh tre herë kampioni i botës.

S’ka më shpresë për Ferrarin, FIA mban krahun e Hemilton

Sport Ekspres — Fri, 21 Jun 2019 18:09:20 +0000

Federata Ndërkombëtare e Automobilëve (FIA) i ka kthyer përgjigje negative skuderisë Ferrari në lidhje me ankimimin e këtyre të fundit për penalizimin me 5 sekondat të pilotit Sebastien Fettel në pistën e kanadasë.

Ylli gjermani i Formula Uno kreu një manovër të rrezikshme gjatë hyrjes në pistë duke rrezikuar përplasjen me rivalin Luis Hemilton. Komisarët e garës vepruan menjëherë duke zbatuar me rigorozitet rregulloren.

Fettel e kaloi i pari vijën e finishit, por penalizmi i dha fitoren Hemilton, çka e bëri akoma dhe më të dhimbshëm dënimin. Provat e dërguara nga Ferrari drejt “FIA”-s, nuk qenë të mjaftueshme për të zhvleftësuar dënimin e dhënë nga zyrtarët e pistës kanadeze.

Rosberg: Vettel e meritoi dënimin, Hamilton rrezikoi përplasjen

Sport Ekspres — Mon, 10 Jun 2019 15:11:12 +0000

Një dalje nga pista i kushtoi shumë gjermanit Sebastian Vettel në pistën e kanadasë. Piloti i Ferrarit u dënua me pesë sekonda për shkak se manovra e tij për pak sa nuk shkaktoi një përplasje me makinën e rivalit Lewis Hamilton.

Vettel e kritikoi këtë vendim të komisarëve të garës duke i cilësuar ata si të verbër. Për këtë ngjarje ka folur dhe ish-kampioni i botës Nico Rosberg, i cili e ka cilësuar të drejtë vendimin e zyrtarëve të Formula Uno.

“Rregullat janë të qarta. Kur del nga pista duhet të rikthehesh në të në një mënyrë të sigurt. E kam parë disa herë përsëritje atë rast dhe Hamilton u detyrua të ngadalësohej pasi Vettel shkoi shumë në të djathtë të pistës. Situata ishte aq delikate saqë Hamilton ishte vetëm pak centimetra nga muri në njërin krah, ndërsa në krahun tjetër kishte ngjitur Vettel” .

“Në vend që të ankohej në radio për vendimin ai duhet të kishte vazhduar të rriste diferencën. Kishte ende shumë kohë dhe në atë moment zotëronte një avantazh prej 3.3 sekondash. Këtë duhet të bënte në vend që të bënte komente fyese ndaj zyrtarëve (Vettel tha se janë të verbër”)

Humbi garën nga penalizimi 5 sekondësh, shpërthen Fetel: Vendim absurd!

Sport Ekspres — Sun, 09 Jun 2019 20:49:26 +0000

Gara e sotme e Formula 1 në Montreal, Kanada, pati shumë polemika dhe një podium surprizë. Sebastian Fetel, piloti i Ferrarit, e kaloi finishin e pari, por një penallti prej 5 sekondash bëri që ccmimi i madh i Montrealit t’i jepej Hamilton, duke zbritur pilotin gjerman në vend të dytë.

Pas garës, Fetel foli hapur: “Ishte një vendim absurd, urime Hamiltonit. Momenti ishte i pashmangshëm, nuk mund të dilja nga pista. Hamilton ishte pas meje dhe ndodhi incidenti që ndodhi. Makina ime u dëmtua më shumë, kisha shumë rërë në gomat e mia. Gjithsesi, e kaluam finishin të parët.

Jam shumë krenar për skuadrën sot, pasi na u desh të përfundonim garën duke shtrënguar dhëmbët”, përfundoi Fetel. Edhe pse u dënua me 5 sekonda, Fetel ishte shumë pranë në kohë me Hamilton, me këtë të fundit që triumfoi vetëm me 3 sekonda më i shpejtë.

VIDEO | Polemika në Formula Uno, Hamilton fiton pas penalizimit të Vettel

Sport Ekspres — Sun, 09 Jun 2019 19:49:43 +0000

Sebastien Vettel dhe Ferrari s’mundën të festonin vendin e parë në pistën kanadeze. Gjermani kaloi i pari vijën e finishit, por një penalizim me pesë sekonda nga komisarët e garës i dha Hamilton të vendit të dytë vendin e parë.

Shkak për këtë dënim u bë një dalje nga pista e Vettel, manovër kjo që për pak sa nuk shkaktoi një përplasje midis tij dhe Hamilton. Në përfundim të garës piloti gjerman u pa tejet i acaruar mbi këtë vendim.

Vendi i tretë në podium u mor nga piloti tjetër i Ferrarit, Leclerc. Në përfundim të garës piloti anglez Hamilton u shpreh se nuk ishte kjo fitorja që ai dëshironte. Në krahun tjetër Vettel shfaqi pakënaqësinë e tij duke ndryshuar numrat në vendet ku pilotët e renditur në podium parkojnë makinat.

Formula 1: Hamilton triumfon në Montekarlo, Ferrari rikthehet në pod

Sport Ekspres — Sun, 26 May 2019 15:26:15 +0000

Luis Hamilton ka triumfuar në çmimin e madh të Montekarlos në Formula 1. Britaniku ia doli të priste i pari vijën e finishit, ndërsa pas tij u renditën Vetel i Ferrarit dhe shoku i skuadrës, Valeri Botas.

Rezultat fantastik për Mercedezin, që vazhdon të konfirmojë formën e mirë që po kalon. Para nisjes së garës u mbajt 1 minutë heshtje për Niki Laudën, ndërsa legjenda e këtij sporti u nderua edhe sirenat e portit.

What. A. Race.

Breathless from start to finish. Drama at the end.

This one was for Niki.

And we’re live to relive it all with @wbuxtonofficial and @JaitkenRacer #F1Live #MonacoGP https://t.co/X6HKDz8VqP

— Formula 1 (@F1) May 26, 2019

Kjo ishte fitorja e 77-të në karrierë për Hamilton dhe e treta në Principatë. Pas tij renditej Maks Verstapen, por ky i fundit u dënua me 5 sekonda dhe përfundoi në vend të katërt, duke humbur shansin për t’u ngjitur në podium.

Jashtë piste përfundoi i riu Leklerk i Ferrarit, i cili u tërhoq në xhiron e 18-të.

RACE CLASSIFICATION: A superb effort from @LewisHamilton ?#MonacoGP ?? #F1 pic.twitter.com/hAZIjHSZy7

— Formula 1 (@F1) May 26, 2019

Mercedezi i pandalshëm, Hamilton më i shpejti në Montekarlo

Sport Ekspres — Sat, 25 May 2019 15:40:40 +0000

Luis Hamilton do të niset i pari nesër në garën e Montekarlos për herë të 85-të në karrierë. Britaniku i Mercedesit regjistroi kohën më të shpejtë në një ndër pistat më të bukura të Formula 1.

Pas numrit 44 të skuderisë gjermane do të niset shoku i tij i skuadrës, finlandezi Valeri Botas. Maks Verstapen i Red Bull Austin Morris do të niset i treti dhe vetëm vendi i katërt për Sebastian Vetel.

Kokëkuqja bëri një gabim të pafalshëm me të riun Leklerk, i cili do të niset nesër nga vendi i 16-të.

VIDEO: Takim kampionësh, Ronaldo dhe Hamilton “çmendin” Monte Carlon

Sport Ekspres — Thu, 23 May 2019 17:09:46 +0000

Ylli i Juventusit, Kristiano Ronaldo, ka qenë sot i pranishëm në Monte Carlo, aty ku është fotografuar në praninë e kampionit të botës në Formula 1, Luis Hamilton. Të dy personazhet janë shumë miq me njëri-tjetrin dhe para garës së kësaj fundjave, Ronaldos i është bërë një tur në pit-stopin e skuderisë Mercedes Benz.

Si Hamilton, ashtu dhe Ronaldo, nuk ngurruan të bënin foto dhe të jepnin autografë për fansat e tyre, që ishin të shumtë në numër. Mësohet gjithashtu se Ronaldo dhe djali i tij, Ronaldo Zhunior, do të jenë të pranishëm në tribunë për garën e Monte Carlos, por do të kenë akses edhe në pit-stopin e Mercedez Benz gjatë cirkuitit.

Ronaldo and Hamilton! ?

The #MonacoGP – where the stars come out to play…

Cristiano Ronaldo paid a visit to Lewis Hamilton’s Mercedes garage at the #MonacoGP, and his son got into his W10 car!

Live blog: https://t.co/dsFCYRqRzo
Watch live on #SkyF1: https://t.co/BFwOUmJQSn pic.twitter.com/szoQqB1Ckz

— Sky Sports F1 (@SkySportsF1) May 23, 2019

Formula 1: Mercedes pa rivalë, Hamilton merr stafetën

Sport Ekspres — Sun, 12 May 2019 17:09:44 +0000

Edhe në Spanjë histori e njëjtë: Mercedes triumfon sërish me 2 pilotët e saj, 5 dopieta në po aq gara të Botërorit të Formulës 1, por këtë radhë fitues ka qenë Ljuis Hamilton, ndërsa Ferrari nuk kap as podiumin.

Kampioni britanik e nisi në mënyrë perfekte në Barcelonë, me një start agresiv, pa mëshirë, për të kaluar shokun-rival të skuadrës Valteri Botas.

A first @DHL_Motorsports Fastest Lap Award of the season for @LewisHamilton ??

And a valuable bonus point for him in the title race ?#F1 #SpanishGP ?? pic.twitter.com/ojtyIRoIBL

— Formula 1 (@F1) May 12, 2019

E nisi mirë edhe Sebastian Fetel, por jo aq sa për të ngjitur disa vende në renditje, ndërsa më vonë gjermani e uli ritmin dhe u kalua nga Verstapen me Red Bull.

Në një moment Leklerk përfiton nga një urdhër skuadre për të parakaluar Fetel, por gjermani e mori më vonë vendin e katërt.

Në tërësi një shëtitje e gjatë dhe e lodhshme për Mercedes, me Hamilton që tashmë ka rinisur sulmin drejt titullit.

Confirmation of another 1-2 for @MercedesAMGF1

That's five in a row, tying the all-time record for consecutive 1-2 finishes ?#F1 #SpanishGP ?? pic.twitter.com/ceP72v8LlR

— Formula 1 (@F1) May 12, 2019

Bottas i pakapshëm në prova, Hamilton dhe Vettel në ndjekje

Sport Ekspres — Sat, 11 May 2019 15:21:26 +0000

Valtteri Bottas ishte i pandalshëm në provat zyrtare në Spanjë. Piloti finlandez regjistroi kohën më të shpejtë në të tre provat e ditës së sotme, duke siguruar “pole position” për garën e ditës së nesërme.

Bottas la në vend të dytë kolegun e tij Lewis Hamilton, duke e lënë pas anglez me një diferencë prej 0.634 sekondash.

Vendi i tretë i takoi Sebastian Vettel, i cili la pas vetes më një diferencë shumë të vogël Max Verstappen dhe Charles Leclerc.

Fetel kapet me tifozët: Gjermanët vetëm ankohen, ja si e harxhojnë kohën

Sport Ekspres — Sat, 04 May 2019 19:23:07 +0000

Sebastian Fetel është shpallur 4 herë kampion bote në Formula 1. Gjermani garon për Ferrarin prej vitit 2015 dhe ëndrra e tij e madhe është fitimi i titullit me kokëkuqen italiane. Përballë është një Mercedez që po fluturon dhe një “raketë” si Luis Hamilton.

Sivjet ka “shpërthyer” edhe Valeri Botas. Katër garat e para janë veshur me ngjyrat e Mercedezit, Dy triumfe për Hamilton dhe dy për finlandezin. Fetel ka folur për “Der Spiegel”, duke mos i kursyer kritikat për tifozët gjermanë. Më pas një koment për Çarls Leklerk, shokun e ri të skuadrës.

“Përpiqem ta bëj mirë punën time, ama të njëjtën gjë synojnë edhe kundërshtarët. Dëgjoj shpesh se duhet të frenojmë ndonjëherë për të shijuar arritjet tona dhe kjo nuk vlen vetëm për fituesit e kampionatit. Shpejtësia e jetës tonë nuk të lë mundësi për reflektim dhe admirim. Gjithçka harrohet shpejt dhe mendohet vetëm për të shkruar historinë e radhës.

Gjermanët nuk kënaqen kurrë dhe shikojnë gjithmonë vetëm anët negative të gjërave. Harxhojmë shumë kohë duke u ankuar dhe i kushtojmë pak kohë komplimenteve për atë që bën mirë. Leklerk? Mendoj se jemi një skuadër shumë e mirë. Po punojë fort me makinën së bashku.”

25 vite nga lamtumira e një kampioni, e gjithë bota kujton Airton Senën

Sport Ekspres — Wed, 01 May 2019 11:31:17 +0000

Dy dekada e gjysëm më parë, ndërkohë që shqiptarët festonin “Ditën e Punëtorëve”, në pistën e Imolas në Itali shuhej një ikonë e sportit të automobilizmit. Më 1 maj 1994, Airton Sena në atë kthesë të mallkuar e quajtur “Tamburello”, nuk arriti të qëndrojë brenda asfaltit, por “përqafoi” në mënyrë të dhunshme barrierën kufizuese të betonit.

Përplasja ishte aq e fortë sa braziliani vdiq në vend. Sena është tre herë kampion i Formula 1. Braziliani i fundit që është shpallur kampion në eventin më prestigjoz të garave. Në Brazil e kujtojnë akoma me lot në sy kampionin e tyre të fundit, idhullin e tyre. Qytetarë të ngazëllyer kujtojnë me mall momentet e mrekullueshme që Sena i ka dhuruar dhe momentin fatal të aksidentit. Në Brazil kampionët nuk harrohen kurrë.

Emri i Senës është akoma një “brand” i fuqishëm në marketingun e këtij sporti dhe familja e tij, fatmirësisht përfiton nga kjo. Pas asaj përplasje te tmerrshme, rregullat e Formula 1 ndryshuan, duke e shtuar ne maksimum sigurinë e pilotëve. Megjithatë, çdo vit në kthesën “Timburella”, paska qenë e shkruar të vajtojnë për një legjendë të shuar.

Dominim gjerman, Botas më i shpejti edhe në Azerbajxhan

Sport Ekspres — Sat, 27 Apr 2019 15:09:06 +0000

Më në fund pas mbi dy orësh është vendosur linja e nisjes së garës së nesërme të Formula 1 në Baku të Azerbajxhanit. Mercedesi vazhdon që ditë pas dite të na bindë se edhe këtë vit të vendosë hegjemoninë e saj.

Të dyja vendet e para janë “zaptuar” nga dy pilotët e “shigjetave të argjendta”. Ka qenë Valteri Botas që ka surprizuar shokun e tij, Hemilton. Anglezi u rendit i dyti me vetëm 59 të mijtat e sekondës më shumë se finlandezi. Sebastian Fetel arriti të zërë vendin e tretë, ndërkohë që ferraristi tjetër, Leklerk u aksidentua në sesionin e dytë. Monegaskku do të niset i nënti. Verstapen me Red Bull u rendit i katërti.

Provat zyrtare janë pezulluar dy herë pas dy aksidenteve të njëpasnjëshme në të njëjtën kthesë të Kubica dhe Leklerk. Çmimi i Madh i Bakusë zhvillohet në rrugë qyteti dhe është një pistë mjaft e vështirë. Edhe pse zhvillohet në mjedis urban nesër pritet të ketë shumë parakalime edhe për shkak të pjesës së drejtë që është 2.2 kilometra dhe të ofron mundësi shumë të mirë parakalimi.

Hemilton dhe Mercedes bëjnë ligjin në Formula 1

Sport Ekspres — Sun, 14 Apr 2019 07:47:20 +0000

Ljuis Hemilton është fituesi i Çmimit të Madh të Kinës në Formula 1. Anglezi i Mercedes, pasi ka parakaluar shokun e skuadrës, ka bërë një garë lineare, duke mos e vënë asnjëherë në dyshim vendin e parë. Dominim total i skuderisë gjermane, me Botas në vendin e dytë. Të dy pilotët e “shigjetave të argjendta” krijuan një distancë të sigurt me rivalët e Ferrarit.

FINAL CLASSIFICATION

A 1-2 for the Silver Arrows, with Verstappen splitting the Ferraris

First points of the season for @danielricciardo in P7 ?

Hard-earned points for Raikkonen Albon ?#ChineseGP ?? #Race1000 pic.twitter.com/fJVpU14xGq

— Formula 1 (@F1) April 14, 2019

Zhgënjyese ka qenë edhe kjo garë për dy pilotët e “kokëkuqes”, ku Vetel u rendit i treti dhe monegasku Leklerk nuk shkoi më shumë se vendi i pestë. I katërti u rendit holandezi i Red Bullit, Maks Verstapen. Edhe këtë vit duket se Ferrari nuk do arrijë të jetë konkuruese ndaj skuderisë gjermane.

Kjo është gara e tretë në po aq të tilla që dy pilotët e Mercedes zënë dy vendet e para, duke dominuar gjithçka. Pa asnjë rival Hemilton dhe Botas, që këtë vit duket se do të duelojnë së bashku për fitimin e titullit kampion. Anglezi renditet i pari dhe Botas pas tij. Kjo ishte një gara e 1000-të e Formula 1. Garat rikthehen pas dy javësh në Azerbajxhan.

BREAKING: @LewisHamilton wins the 1000th F1 race, triumphing in China for the sixth time and taking the lead in the world championship standings ?#ChineseGP ?? #Race1000 pic.twitter.com/5CpCtHSGO7

— Formula 1 (@F1) April 14, 2019

Hemilton triumfon në Bahrein, Lekler dhe Ferrari të pafat

Sport Ekspres — Sun, 31 Mar 2019 18:05:07 +0000

Çmimi i Bahreinit përfundoi me një fitore dramatike të Luis Hemilton. Pjesa më e madhe e garës u dominua nga piloti i Ferrarit Sharl Lekler, por një avari në sistemin turbo i erdhi në ndihmë Hemilton, i cili i mori kryesimin 10 xhiro para fundit, ndërsa 6 xhiro më vonë Lekler u parakalua dhe nga finlandezi Valteri botas .

Relief for one, frustration for another – turn your sound on ?#BahrainGP ?? #F1 pic.twitter.com/nkwJmKIkro

— Formula 1 (@F1) March 31, 2019

Zhgënjim tjetër për Ferrarin dhe paraqitje e Sebastien Fetel, i cili doli nga pista pasi u parakalua nga Hemilton. Piloti gjerman u përpoq të shlyente gabimin, por nuk mundi të shkonte më shumë se vendi i pestë.

Formula 1 merr udhë, Mercedesi tregon “dhëmbët” menjëherë

Sport Ekspres — Sat, 16 Mar 2019 07:50:31 +0000

Rikthehet Formula 1 dhe sot janë kryer provat zyrtare të Çmimit të Madh të Australisë. Dominim i kampionëve në fuqi të Mercedes, me Luis Hamilton që do ta nisë nesër nga vendi i parë. Pas tij kohën më të shpejtë e regjistroi Valeri Botas, për t’u pasuar nga gjermani Sebastian Fetel, një nga pretendentët kryesorë për titullin kampion.

Gjermani, pas provave zyrtare, shkurtimisht tha: “Kjo pistë është shumë specifike, kështu që nuk jam shumë i shqetësuar. Natyrisht do kisha dashur të kishte shkuar ndryshe”.

Çarls Leklërk, piloti tjetër i Ferrarit, regjistroi kohën e pestë më të mirë dhe mes dy “Kokëkuqeve” do ta nisë Maks Vershtapen. Kimi Raikonen, “ish”-i i skuderisë italiane, do ta nisë nga vendi i nëntë, ndërkohë që bie në sy që i rikthyer në Formula 1, Robert Kubica, ka qenë më i ngadalti në provat zyrtare.

Testet në Barcelonë: Dominon Ferrari, Mercedes “enigmatik”

Sport Ekspres — Tue, 26 Feb 2019 12:25:16 +0000

Jemi në javën e dytë të testeve në Barcelonë, ku skuderitë e Formula 1 po bëjnë testet e fundit para nisjes së sezonit më 17 mars në Australi. Kanë zbritur të gjitha makinat në pistë, ku Ferrari me të dy pilotët e saj ka realizuar numrin më të madh të xhirove.

Rivalët kryesorë të kokëkuqes, Mercedes, nuk janë paraqitur në nivelin e pritur. Kjo edhe për faktin se ata janë treguar të fshehtë rreth të dhënave të makinës. “Shigjetat e argjendta” pritet të tregojnë potencialin e tyre të vërtetë më vonë, me qëllim për të qenë sa më të befasishëm.

Diçka e veçantë që është vënë re deri tani, është se skuadrat nuk i kanë vënë rëndësi xhirove të shpejta, por rezistencës së motorrit. Ferrari ka përformuar më mirë deri tani.

Edhe këtë sezon protagonistët pritet të jenë të njëjtit, me Mercedesin dhe Ferrarin që i japin tonin kampionatit. Vetel dhe Hamilton do synojnë edhe këtë vit ta bëjnë të tyrin titullin, pa harruar edhe të riun Leklerk, i cili do përpiqet të tregojë gjithë potencialin e tij.

VIDEO | Prezantohet Ferrari i ri, emri është special

Sport Ekspres — Fri, 15 Feb 2019 13:09:47 +0000

Ferrari kërkon rikthimin te titulli kampion në Formula 1 dhe konstruktorët kanë punuar fort për të prodhuar një makinë kompetitive. Së fundmi është prezantuar makina re, SF90, me të cilën Sebastian Fetel dhe Çarls Lëklerk do të garojnë sezonin e ri.

Ngjyrat e kuq do të jetë sërish dominuese, ndërkohë që ka thyerje edhe me të zezën. SF90 si emër është vendosur për të përkujtuar përvjetorin e 90-të të “Kokëkuqes”. Këtë sezon do synohet të sfidohet Mercedesi, në mënyrë që t’i jepet fund “thatësirës” së trofeve.

https://www.instagram.com/p/Bt5pfPkHOiG/?utm_source=ig_web_copy_link

Luis Kamileri, shefi ekzekutiv i Ferrarit, tha: Ky vit është i rëndësishëm për të festuar përvjetorin tonë të 90-të. Sikurse dihet, skuderia Ferrari është krijuar në vitin 1929 në Modena. Është një arritje e madhe që ne vazhdojmë të frymëzohemi dhe të udhëhiqemi nga vizioni i themeluesit, Enzo Ferrari.

Ne e kuptojmë që si ekip ne mbartim shpresat, pritshmëritë dhe krenarinë e një kombi të tërë dhe të miliona tifozëve anembanë botës. Është një përgjegjësi që ne e mirëpresim. Sezoni i fundit ishte më i miri në 10 vitet e fundit, por sërish nuk arritëm të përmbushnim objektivat tona. Një periudhë e tillë pa trofe nuk është e lehtë të pranohet, por ju siguroj që ne shikojmë përpara me përkushtim dhe vendosmëri të madhe”.

Rinovohet marrëveshja, Formula 1 vazhdon me gomat Pirelli

Sport Ekspres — Sun, 25 Nov 2018 12:32:06 +0000

Makinat e Formula 1 do të vazhdojnë të garojnë me gomat Pirelli, që do të jetë furnizuesi i vetëm i garave të shpejta deri në vitin 2023. Formula 1, FIA (Federata Automobilistike Botërore) dhe Pirelli kanë arritur marrëveshje për rinovimin e kontratës, ndërsa firma e gomave italiane ka mposhtur konkurrencën e koreanes Hankook.

“Pirelli është një partner i rëndësishëm dhe i vlerësuar i Formula 1 që nga viti 2011. Ata janë lider në ofrimin e zgjidhjeve dhe teknologjisë së fundit, një markë e madhe dhe lider global në këtë sport. Partneriteti ynë me ta vazhdon, jemi të kënaqur me arritjen e marrëveshjes së re dhe duam të dërgojmë Formula 1 në nivele të larta”, flet Çeis Keri, presidenti i Formula 1.

Gëzimin e rinovimit të kontratës nuk e fsheh as Marko Tronketi Provera, zëvendës presidenti dhe administratori i deleguar i kompanisë italiane të gomave. “Ky është një lajm fantastik, tani do të bëjmë 13 vite në botën e motoçiklizmit. Formula 1 do të vazhdoje të jetë vitrina perfekte dhe maja e botës së motoçiklizmit.”

Alonso: Shumaker kundërshtari im më i vështirë, ishte më i miri

Sport Ekspres — Fri, 23 Nov 2018 17:07:46 +0000

Fernando Alonso do të garojë për herë të fundit këtë fundjavë në pistën përmbyllëse të kampionatit të “Formula 1” në Abu Dabi të Emirateve të Bashkuara Arabe. Spanjolli 37-vjeçar do ta ndalë në 312 numrin e garave në sportin më elitar të mjeteve motorike. Në një intervistë për medien gjermane “SPORTBILD”, piloti legjendar foli mbi kundërshtarin më të vështirë të karrierës së tij, Mikael Shumaker.

“Kur sapo hyrë në botën e “Formula 1”, Shumakeri ishte idhulli im. Ai ishte dhe mbetet më i madh i këtij sporti. Dy tituj e mi kampion në vitin 2005 dhe 2006 kanë një vlerë shumë të veçantë, pasi kam fituar në një duel të drejtpërdrejtë me të”

“Të garoje kundër tij ishte tejet e vështirë, pasi ishte i pakalueshëm në një ditë të mirë dhe më një makinë të mirë. Ndërsa në një ditë të keqe me një makinë të keqe, ai përsëri ishte i rrezikshëm”, përfundoi spanjolli.

Rikthim i pabesueshëm i Kubicës, rigjen “Formula 1” pas tetë vitesh mungesë

Sport Ekspres — Thu, 22 Nov 2018 12:05:11 +0000

Polaku Robert Kubica ka befasuar të gjithë fansat e “Formula 1”, teksa është zyrtarizuar si piloti më i ri i skuderisë “Williams”. 33-vjeçar do të rikthehet sezoni e ardhshëm në pistat e “Formula 1” pas një mungese 8-vjeçare.

Shkak për këtë mungesë disa vjeçare të polakut u bë një aksident “horror”, që ky i fundit pësoi në një garë “rally” në vitin 2011. Falë punës së shkëlqyer të kirurgëve gjatë një operacioni që zgjati përreth 7 orë Kubica ia doli t’ia hidhte vdekjes, por dëmtimet në krahun e djathtë e mbajtën larg garave për vite me radhë.

Pasojet aksidentit të 2011-ës në krahun e Kubicës

VIDEO | I hoqi fitoren, Vershtapen dhe Okon kapen me duar pas garës

Sport Ekspres — Sun, 11 Nov 2018 20:10:32 +0000

Përfundoi me fitoren e Luis Hemilton dhe me një sherr pas garës Çmimi i Madh i Brazilit në Formula 1. Maks Vershtapen nuk i mbajtën nervat kur gjeti përballë Okon.

Në xhiron e 44-t, kur kishte krijuar një distancë sigurie nga Hemilton, piloti i Red Bull humbi kryesimin. Ai tentoi të kalonte makinën më të ngadaltë të francezit, i cili nuk ia liroi trajektoren. Nga kontakti i dy makinave, Vershtapen doli nga pista, koha e mjaftueshme që Hamilton ta parakalonte, për të triumfuar më pas në Interlagos.

“Ti idiot!”, ishim fjalët e Verstapen menjëherë sapo u përball me pilotin që e nxorri nga pista dhe i hoqi fitoren. Justifikimet e Okon ishin të kota. Holandezi vetëm e shtynte me duar, duke vazhduar ofendimet.

Verstappen VS Ocon. LA BAGARRE pic.twitter.com/Tf8aXLQ9l6

— Joseph Ruiz (@RuizJoseph) November 11, 2018

Për të larguar pilotin e Red Bull nga rivali menduan punonjësit e pit-lane, me Okon që shfaqej i çuditur nga reagimi, ndërsa tentonte të justifikonte veprimet e tij në pistë. Vershtapen u largua për të marrë trofeun e vendit të dytë në podium, arritje e festuar përgjysmë, me fitoren që i iku nga duart prej gjestit të pakuptueshëm të kundërshtarit më të dobët.

“Pole Position” jubilar për Mercedez, Hemilton lë pas Fetel e Botas

Sport Ekspres — Sat, 10 Nov 2018 20:23:57 +0000

Luis Hemilton ka arritur të regjistrojë kohën më të mirë në provat zyrtare të pistës së Brazilit. Kampioni i këtij sezoni të “Formula 1” e ndali kronometrin në 1:07.281, duke regjistruar kështu “pole position” e 100-të në historinë e skuderisë “Mercedes-AMG”.

Në vend të dytë u rendit piloti i Ferrarit Sebastian Fetel, 1:07.374, ndërsa në vendin e tretë u rendit kolegu finlandez i Hemilton, Valeri Botas me 1:07.441. Pista e Brazilit është gara e parafundit e “Formula 1” për sezonin e vitit 2018, ndërsa mbyllja do të jetë në Emiratet e Bashkuara Arabe në pistën e Abu Dabit.

Merr fund gjithçka, Hemilton fiton titullin e pestë kampion

Sport Ekspres — Sun, 28 Oct 2018 21:27:13 +0000

Luis Hemilton është kurorëzuar si kampioni i Formula 1 për vitin 2018. Anglezi u rendit i katërti në garën e fundit të këtij viti atë të Meksikës. Ky është titulli i pestë kampion për Hemilton, arritje kjo që e ndan vetëm me argjentinasin Huan Manuel Fanxho, i cili ka po aq tituj, ndërsa 33-vjeçari është vetëm dy tituj larg rekordit të gjermanit Mikael Shumaker, i cili ka shtatë tituj.

Në përfundim të garës Hemilton tha: “Është një ndjenjë e veçantë. Ky titull nuk u fitua këtu sot, u fitua me shumë punë përgjatë shumë garave”. Në 19 garat e këtij sezoni, Hemilton doli nëntë herë në vend të parë dhe gjashtë herë të tjera në podium duke grumbulluar 358 pikë, ndërsa ndjekësi më i afërt Sebastian Fetel e mbylli sezonin me 64 pikë diferencë nga anglezi.

HE’S DONE IT!!!!! HE’S DONE IT!!!!!@LewisHamilton is 2018 @F1 World Champion!!!!!

Get in there Lewi5!!!!! #HiFive!!!!!#F1 #MexicoGP #F1ESTA pic.twitter.com/RETyeEVSUj

— Mercedes-AMG PETRONAS F1 Team (@MercedesAMGF1) October 28, 2018

Në garën e Meksikës në vend të parë doli holandezi Maks Vershtapen, ndërsa në vend të dytë dhe të tretë u renditën dyshja e skuderisë së Ferrarit Fetel e Raikonen. Daniel Riçiardo, megjithëse e nisi i pari nuk arriti ta mbyllte garën, makina e Red Bull e Australianit pësoi një defekt pesë minuta para përfundimit të garës.

PROVAT ZYRTARE / Riçiardo surprizon Vershtapen, Hemilton mjaftohet me vendin e tretë

Sport Ekspres — Sat, 27 Oct 2018 22:01:05 +0000

Daniel Riçiardo i rrëmbeu vendin e parë kolegut të tij Maks Vershtapen në xhirot e fundit në provat zyrtare të pistës së Meksikës. Australiani i skuderisë Red Bull regjistroi xhiron më të shpejtë duke e vendosur kronometrin në 1:14.759, kohë kjo vetëm 0.026 sekonda më e shpejtë se ajo e vendosur nga holandezi Vershtapen.

Luis Hemilton u mjaftua me vendin e tretë, ndërsa Fetel u rendit në vendin katërt. Pesëshja e parë kompletohet me finlandezin e Mercedes Valteri Botas. Ky ishte ‘Pole Position’ i tretë në karrierën e australianit Daniel Riçardo, i cili në të shkuarën e kishte arritur këtë dy herë në pistën e Monakos.

That was some pole lap by @danielricciardo ?

Here it is, in all its glory ?#MexicoGP ?? #F1 pic.twitter.com/mhI6lIISyj

— Formula 1 (@F1) October 27, 2018

Hamilton i pakapshëm, titulli i pestë një hap larg

Sport Ekspres — Sun, 07 Oct 2018 07:58:53 +0000

Luis Hamilton afrohet edhe më shumë me titullin kampion në Formula 1, që do të ishte i pesti për të. Britaniku ka triumfuar në të katërtën garë radhazi. Këtë herë në pistën e Suzukës ai ka fituar dhe ka rritur diferencën me Sebastian Fetel, i cili e mbylli garën në vendin e gjashtë.

Diferenca e 67 pikëve është thuajse e parikuperueshme për gjermanin, duke parë se kanë mbetur vetëm katër gara. Një përplasje me Verstapen në xhiron e tetë e komplikoi garën e Fetel, i cili shkoi në vendin e 19-të dhe më pas rikuperoi vende aq sa mundi.

Në podium me Hamilton u pozicionuan Valeri Botas me Mercedez dhe Maks Vestapen me “Reb Bull”-in e tij. Garë fenomenale për Daniel Riçiardon, i cili nga vendi i 16-të u rendit i katërti, duke lënë pas dyshen e Ferrarrit Fetel-Raikonen.

Hamilton në “Pole Position”, sa shumë gabime te Ferrari

Sport Ekspres — Sat, 06 Oct 2018 09:00:49 +0000

Luis Hamilton ka siguruar vendin e parë në prova zyrtarë në pistën e Suzukës në Japoni. Piloti anglez regjistroi kohën më të shpejtë në xhiron e fundi, ku ndali kronometrin në 1 minuta 27 sekonda 760 të qindtat. Në vend të dytë dhe të tretë u renditën Botas dhe Vershtapen.

Ndërkohë, te Ferrari kanë kaluar disa orë ferri. Sebastian Fetel nuk ka shkuar më shumë se vendi i nëntë. Gjithçka ndodhi pas një gabimi logjistik nga ana e skuadrës, që vendosi ta pajiste makinën e gjermanit fillimisht me goma të forta, pasi i druheshin reshjeve të shiut. Piloti tentoi të ndërronte gomat për një xhiro të fundit, por nuk ia doli të futej në pistë brenda limit të kohës.

Me vetëm pesë ndeshje të mbetura (125 në total), Hamilton shkon mëse i qetë drejt titullit të pestë kampion të “Formula 1”.

JUMP ONBOARD: @LewisHamilton's pole lap is here

Watch as man and machine turn 18 corners into mechanical poetry, following the timeless curves of this mythic racing circuit ?#JapaneseGP ?? #F1 pic.twitter.com/2VNgdkHKdH

— Formula 1 (@F1) October 6, 2018

Soçi, “pole” është pronë e Mercedes

Sport Ekspres — Sat, 29 Sep 2018 21:14:12 +0000

Asnjë surprizë, asnjë rivalitet, Mercedesi është tepër i fortë për Ferrarin dhe rivalët e tjerë. Provat zyrtare të Çmimit të madh të Soçit në Rusi, që do të zhvillohet të dielën prej orës 13.10, kanë konfirmuar epërsinë e dyshes Bottas-Hamilton.

Bottas ka vendosur rekord të ri piste, 1:31.387, që i ka vlejtur nisjen nga pole-position, ndërsa pas tij kryesuesi i Botërorit, Ljuis Hamilton.

Në rreshtin e dytë Ferrari, me Vettel e Raikkonen, të cilët do të tentojnë t’i shqetësojnë.

Ndërkaq, makinat Red Bull të Verstapen dhe Rikardo do të nisen nga vendet e fundit, për penalizim.

Haas mendon për të ardhmen, zyrtarizon pilotët

Sport Ekspres — Fri, 28 Sep 2018 12:23:08 +0000

Formula 1 ka ende gara për të përfunduar sezoni 2018, ndërkohë që skuderitë kanë nisur që tani të mendojnë për sezonin e ardhshëm. Kështu Haas, një nga skuderitë që merr pjesë në garat e F1, ka konfirmuar pilotët ditën e sotme.

Francezi Roman Grosjean dhe danezi Kevin Magnusen kanë marrë besimin e skuderisë edhe për një sezon, janë konfirmuar si pilotë të skuderisë amerikane edhe për një sezon .

Në kampionatin aktual ato renditen në vendin e pestë, duke lënë pas skuderi si Mclaren Renault dhe William Mercedes.

Hungaria ringjall Ferrarin, Fetel kthehet perfekt

Sport Ekspres — Sun, 30 Jul 2017 14:39:10 +0000

Në pistën e preferuar, atë të Hungarisë, Fderrari është kthyer fuqishëm. Sebastian Fetel ka garuar në në ditët e tij të arta dhe ka fituar Çmimin e Madh hungarez dhe duke shkuar i qetë me pushime.

Triumf total, duke nisur që nga “pole-position” i së shtunës, ndërsa sot pas Fetelit u rendit ferraristi tjetër Kimi Raikonen.

Hungaroring është terren i vështirë për Mercedesin, me Botas e Hamilton që e mbyllën në vendet 3-4, pa kërcënuar asnjëherë dy kryesuesit.

Triumfi në garën e 50-të me Ferrarin për Fetel, që shkon 14 pikë mbi Ljuis Hamiltonin ndjekës në renditjen e Botërorit, ndërsa Botas është i treti me 169 pikë. Raikonen i pesti, por shumë pranë Rikardos, i cili doli nga gara që në nisje sot, i goditur nga Verstapen.

HUNGARORING

RENDITJA E PËRGJITHSHME PËR PILOTË

Hamilton nuk gabon në Angli, niset i pari

Sport Ekspres — Sat, 15 Jul 2017 21:29:16 +0000

U zhvilluan dje provat zyrtare të Çmimit të Madh të Britanisë së Madhe dhe ka dominuar totalisht Ljuis Hamilton, i cili ka regjistruar pole-position numër 6 në këtë sezon dhe të 67-tin në karrierë (një më pak se rekordmbajtësi Mikael Shumaher). Britaniku i Mercedes-it ishte perfekt në pistën e vet, që e njeh mirë, duke mos qenë asnjëherë në vështirësi nga ndjekësit.

Në fakt, gjatë kualifikueseve Hamilton përdundoi nën hetim për një pengim që i bëri Romen Groszhonit, por nuk u dha asnjë dënim për të. Hamilton ka lënë pas Kimi Raikonen me Ferrari, i cili në xhiron e fundit befasoi, duke kaluar shokun e skuadrës Sebastian Fetel. Ky i fundit mbeti i bllokuar në trafikun e dendur dhe nuk arriti të bënte xhiron e shpejtë finale.

Në krah të Fetelit do të jetë Maks Verstapen, ndërsa ka mbetur pas Valteri Botas, i cili regjistroi kohën e katërt më të mirë, por do të niset nga vendi i nëntë, pasi është penalizuar me 5 pozicione. Edhe pse rezultati i vendosur nga Hamilton është në investigim, në Silverstone, Leëis u konfirmua si njeriu i provave zyrtare. 3-herë kampioni i Botës regjistroi pole-position e tij të 67-të në karrierë dhe tashmë është vetëm një pole-position larg rekordit absolut që mbahet nga Michael Schumacher.

SILVERSTON, RADHA E NISJES

Hamilton (Mercedes)
Raikonen (Ferrari)
Fetel (Ferrari)
Maks Verstapen (Red Bull Racing)
Niko Hulkenberg (Renault)
Sergio Perez (Force India)
Esteban Okon (Force India)
Valteri Botas (Mercedes)
Romen Groszhon (Haas)

RENDITJA E PËRGJITHSHME/ PILOTË

Sebastian Fetel – Ferrari – 171 pikë
Ljuis Hamilton – Mercedes – 151
Valteri Botas – Mercedes – 136
Daniel Riçiardo – Red Bull – 107
Kimi Raikkonen – Ferrari – 83

Mercedesi është perfekt, por Fetel shkëputet sërish në krye

Sport Ekspres — Sun, 09 Jul 2017 13:51:10 +0000

Mercedesi bën ligjin edhe në Çmimin e Madh të Austrisë, duke triumfuar për të katërtën garë rresht.