formacioni

Lerda i beson një debutuesi, por nuk ka vend për Trashin

Sport Ekspres — Wed, 17 Jul 2019 15:58:04 +0000

Janë publikuar formacionet zyrtare të sfidës mes Partizanit dhe Karabakut, e vlefshme për kualifikueset e Champions League. “Demat” dhe ekipi azer u ndanë në barazim 0-0 në “Selman Stermasi” dhe në orën 19:00, do të vendoset kualifikimi në Baku. Trajneri Lerda ka lënë sërish në stol Trashin, ndërsa në sulm debuton Solomon.

Formacioni i trajnerit italian është shumë sulmues, me emra si Mala, Çinari, Asani, Kordeiro e Solomon që do të sulmojnë zonën kundërshtare. Ndërsa Karabaku vjen me shumë pak ndryshime në formacion nga sfida e parë, por bie në sy lënia në stol e Kuintanës.

FORMACIONET

Karabak: Vagner, Ailton, Mamadov, Medvedev, Abdullajev, Mishel, Romero, Sadigov, Zubir, Ozobiç, Almeida

Partizani: Hoxha, Ibrahimi, Belica, Bitri, Hakaj, Telushi, Mala, Kordeiro, Çinari, Asani, Solomon

Më në fund me dy sulmues, Gatuzo guxon me Udinezen

Sport Ekspres — Tue, 02 Apr 2019 10:24:22 +0000

Milani do të presë Udinezen sot në orën 19:00 në “San Siro”. Gara për një vend në Champions është bërë e ashpër dhe kuqezinjtë nuk kanë alternativa përveç tre pikëve.

Xhenaro Gatuzo do të rrezikojë për këtë sfidë. Trajneri do të luajë me dy sulmues. Piatek dhe Kutrone do ta nisin ndeshjen nga minuta e parë dhe kjo është hera e parë që të dy luanë bashkë.

Lukas Paketa do të aktivizohet në rolin e organizatorit, ndërsa rikthehet dhe Kesi në formacion. Bakajoko është në balotazh me Biljan për rolin e mesfushorit përpara mbrojtjes me francezi favorit. Nuk priten ndryshime në mbrojtje, ndërsa Andrea Konti pritet ta nisë ndeshjen sërish nga stoli.

Bulku vjen me risi, ndryshime në mesfushë dhe sulm

Sport Ekspres — Sun, 24 Mar 2019 21:59:54 +0000

Shqipëria do të ndeshet nesër në transfertë me Andorrën. Fitorja është detyrim. S’duhet harruar se pavarësisht të gjithë probleme që kemi, përballë do të jetë një përfaqësuese ku pjesa dërrmuese e lojtarëve janë gjysmë-profesionistë.

Trajneri Ervin Bulku do të debutojë në stolin e kombëtares shqiptare ditën e nesërme. Kolegët tanë të “Supersport” ndodhen që prej ditës së djeshme në Andorrë dhe sipas tyre, Bulku ka përgatitur një formacion titullar me shumë ndryshime krahasuar me formacionin e përdorur nga Panuçi në ndeshjen ndaj Turqisë.

Berisha qendron i paprekur në portë, ndërsa mbrojtja qendron e njëjtë, por “revolucioni” fillon në mesfushë. Abrashi dhe Memushaj ulen në stol për t’i lënë vend Kaçes dhe Bashës, Taulant Xhaka është i vetmi i mbijetuar në këtë repart.

Ndryshime pritet të ketë dhe në majën e sulmit, ku do të rikthehet nga minuta e parë Armando Sadiku, i cili do të mbështetet nga Eros Grezda dhe Myrto Uzuni.

Formacioni i mundshëm: Berisha; Hysaj, Gjimshiti, Ismajli, Veseli; Basha, Grezda, Kaçe, Xhaka, Uzuni, Sadiku.