“OptaPaolo”, që është faqja zyrtare e italiane Opta për të zbuluar statistika, të dhëna, kuriozitet dhe analiza për futbollin, ka publikuar formacionin më të mirë të këtyre javëve, ku dominojnë lojtarët e Juventusit. Katër bardhezinj, të ndjekur nga tre napolitanë, një milanist, një interist, një lojtar i Xhenoas dhe një i Parmës.

Mungon blerja më e madhe e viteve të fundit në Serie A, Kristiano Ronaldo, i cili ndodhet në kuotën e 8 golave në kampionat bashke me Imobilen e Lacios dhe një më pak se kryesuesi, Kristof Piatek.

Në portë është zgjedhur Sepe i Parmës. Juventusi dominon në mbrojtje me Bonuçin, Aleks Sandron dhe Kanselon nga krahët, ndërsa Kulibali i Napolit formomn qendrën e mbrojtjes me Bonuçin. Dy sllavë dhe një brazilian në mesfushë. Marselo Brozoviç, i vetmi interist, Miralem Pjaniç i Juves dhe Alan i Napolit. Milani përfaqësohet nga Suso në sulm, i cili formon repartin ofensiv me Mertens të Napolit dhe Kristof Piatek të Xhenoas, zbulimin e këtij sezoni.