Mungesën e Mehmetit në mesfushë e mbulon i riu Majkëll Peçi, i afruar gjatë merkatos së verës nga skuadra e Burrelit. Ndryshime te Skënderbeu, që luan me modulin 3-4-3. Vangjeli dhe Abazi do të luajnë si mesfushë, kurse Muzaka do e nisë nga stoli për shkak se ka pësuar një dëmtim në momentet e fundit. Fili merr vendin e tij. Guindo do të jetë sërish në sulm, kurse në qendër të mesfushës aktivizohen Guexh dhe Dita.

KATEGORIA SUPERIORE – JAVA 18

E premte, më 21 dhjetor 2018, ora 13:30
Stadiumi “Kamza”, Kamzë
Kamza-Skënderbeu

Kamza: Avdyli, Idrizaj, Arrabal, Teqja, Bobano, Rezi, Malaj, Peçi, Fukui, Plaku, Martinena. Trajner: Ernest Gjoka
Skënderbeu: Teqja, Vangjeli, Radas, Kaba Sambou, Aliti, Abazi, Dita, Guexh, Gripshi, Fili, Guindo. Trajner: Orges Shehi

Gjyqtarë: Laver Alla, Dojando Myftari, Edlir Malo, Klajdi Kola
Delegat: Bujar Pregja; Vëzhgues: Mhill Shkëmbi

Puja do të jetë në mbrojtje të katërkëndëshit, ndërkohë që në të djathtë të prapavijës është pozicionuar Neziri. Në stol Domgjoni, kurse Patrik Bardhi e nis nga fillimi. Te Teuta ëshët rikthyer Progni dhe ka zënë vendin e tij në sulm.

KATEGORIA SUPERIORE – JAVA 17

E diel, më 16 dhjetor, ora 14:00
Stadiumi “Redi Maloku”, Fushë-Krujë

KASTRIOTI-TEUTA

Kastrioti: Puja, Neziri, Shehi, Çela, Stijepoviç, Shehu, Ymeraj, Okebugu, Bardhi, H. Marku, Roxher. Trajner: Stavri Nica
Teuta: Hidi, Gjorgievski, Shkalla, Osmani, Hakaj, Gashi, Sidibe, Kallaku, Progni, Kamara, Latif. Trajner: Bledi Shkëmbi

Gjyqtarë: Juxhin Xhaja, Ermal Barushi, Orgest Grabova, Orlando Kuka

Delegat: Besnik Çela; Vëzhgues: Sazan Velçani

Edhe pse shiu ishte bashkudhëtar për gjatë gjithë ndeshjes, tifozët shijuan një 90 minutësh fantastik, por që në fund nuk solli asnjë fitues. Nga një pikë për të dyja skuadrat, por padyshim keqardhje ndjen Partizani që nuk shfrytëzoi dot ndalimin e Skënderbeut, dhe tani sheh Kukësin e Teutën që të afrohet. “Djemtë e detit” në krahun tjetër nuk merr dot vendin e dytë, por ekipi tregoi se ka petkun për të pretenduar dhe më shumë se Europën.

Teuta e nisi me më shumë vrull ndeshjen, ndërsa Partizani ishte disi më i ndrojtur dhe jo shumë i qartë në lojën e tij. U shpërblye këmbëngulja e vendasve, me Gashin që gjeti golin e avantazhit. Pas harkimit nga këndi, Gashi goditi me kokë, duke e mposhtur portierin Hoxha. Teuta provoi që të shfrytëzonte momentin “jo” të miqve, por nuk arriti dot që të gjente edhe golin e dytë.

Pa u mbushur gjysmë ore lojë, sfida u nxeh me një përplasje të Osmanit dhe Hilës. Pas atij momenti, ndeshja mori një tjetër ritëm, me skuadrat që ishin më kërkuese dhe luftonin më shumë për topin e parë. Nisi të reagonte dhe Partizani që shumë pak kishte rrezikuar. Hebaj dha sinjalet e para, duke e vënë në provë në dy raste Hidin, por pa e sforcuar shumë këtë të fundit. Pjesa e parë në favor të vendasve, por fraksioni i dytë do të sillte akoma dhe më shumë emocione.

Një ndeshje titulli në plot kuptimin e fjalës, pasi 45 minutat e dyta sollën raste pa fund. “Demat” e nisën më mirë, ishin më aktiv në sulm, por do duhej një kundërsulm i jashtëzakonshëm që të gjenin golin e barazimit. Bardhi theu një aksion të durrsakëve dhe nisi një top për Mensahn, i cili me shumë këmbëngulje doli në sulm i vetëm duke bërë dhjetëra metra dhe në fund erdhi një pasim i saktë për Asanin, i cili i vetëm me portierin vendas nuk e pati të vështirë të shënonte. I pamundur Hidi për të evituar golin, por një superhero i vërtetë pak sekonda më vonë, kur ndali Malën, që i shpëtoi mbrojtjes.

Edhe Hoxha në një ditë të mirë, në tre raste i përgjigjet sulmuesve të Teutës, të cilët kishin grindë dhe e kaluan atë moment jo të mirë që po kalonin. Skuadrat kishin dëshirë për ta fituar ndeshjen, por në minuta e fundit mbizotëroi frika për të mos e humbur atë.

Në fund pa fitues në një ndeshje që ishte e gjitha për t’u shijuar, për atë çka ekipet dhuruan në fushën e lojës. Gëzon Teuta, por dhe Kukësi e Skënderbeu, që e shohin Partizanin jo shumë larg. “Demat” nuk dolën duarbosh nga një ndeshje shumë e vështirë, por sërish janë ‘+5’ nga ndjekësi më i afërt.

Kategoria Superiore – Java 16
E shtunë, më 8 dhjetor 2018, ora 17:00
Stadiumi “Niko Dovana”, Durrës

TEUTA 1-1 PARTIZANI
Shënues: Gashi 8’/ Asani 60′

Teuta: Hidi, Gjorgjievski, Shkalla, Osmani, Hakaj, Sidibe, Gashi, Avdyli (Vecaj 75′), Kallaku, Kamara (Kruja 81′), Latif. Trajner: Bledi Shkëmbi. Të gatshëm: Çeleski, Ndreca, Vogli, Qato, Vila.

Partizani: Hoxha, Mala, Atanda, Belica , Trashi, Telushi, Hila, Bardhi, Asani (Çinari 85′), Mensah (Kote 76′), Hebaj (So Hyon UK 72′). Trajner: Skënder Gega. Të gatshëm: Xhika, Kalari, Gojkoviç, Kardozo, So Hyon UK.

Kartonë të verdhë: Hila 36′, Belica 52′

Gjyqtarë: Klajdi Kola, Nertil Bregasi, Dojando Myftari, Astrit Mahmuti; Gjyqtarë linje: Kridens Meta, Olsi Sokoli
Delegat: Alban Tafaj

DIREKT 

84’ – Kallaku nuk arrin dot të godasë, por pas tij provoi Sidibe, i cili u ndal nga Hoxha.

68’ – Mala del i vetëm me Hidin, por “gardiani” i Teutës është “hero” me pritjen e tij.

63’ – Kamara preferon të godasë, edhe pse kishte mundësinë që të pasonte te Latif, duke gabuar krejtësisht, pasi nuk e gjeti do t kuadratin e Hoxhës.

60’ – Kundërsulm fantastik i Partizanit. Bardhi nis një top për Mensahn, i cili avancon për shumë metra i vetë,m dhe në fund pason për Asanin, i cili nga e majta del i vetëm me Hidin, por me një goditje mjaft të bukur arrin ta mposhtë portierin vendas.

51’ – I jashtëzakonshëm Alban Hoxha me pritjen e tij, pasi një topi të devijuar nga Telushi, i cili rrezikoi që të shënonte autogol

46’ – Hoxha bëhet shpëtimtar me daljen e tij, duke i hequr mundësinë Kamaras shënimin e golit të dytë.

45’ – Hebaj sërish rrezikon me një goditje të fortë, por Hidi është i vendosur mirë dhe largon rrezikun.

42’ – Partizani tenton me Hebajn nga e majta, por sulmuesi shkodran nuk shënjestron dot portën.

36′ – E papranueshme ndërhyrja e Hilës ndaj Osmanit, por vetëm karton i verdhë për mesfushorin e “demave”

35’ – Skemë interesante e Teutës, pas një topi të ardhur nga këndi, Avdyli i harruar nga mbrojtja e Partizanit godet, por nuk arrin dot që ta gjejë kuadratin e portës.

25’ – Moment tensioni mes Osmanit dhe Hilës, të cilët konfrontohen me njëri-tjetrin. Gjyqtari i fal të dy lojtarët.

12’ – Pas harkimit nga një goditje dënimi, Belica me mjaft vështirësi i heq mundësinë e goditjes Shkallës, i cili vinte pas shpinës së tij, gati për ta shtyrë topin drejt rrjetës.

8’ – Pas harkimit nga këndi, Roni Gashi tregohet i saktë nga brenda zone dhe kalon të tijtë në avantazh.

2’ – Kamara del i vetëm me Hoxhën nga e majta, tentativa e afrikanit u ndal nga Hoxha, i cili çoi topi në këndore.

1′ – NIS NDESHJA!

Edhe pse minuta e para ishin të vakëta, një rrëzim i Kallakut brenda zonës korçare e ndezi sfidën. Edhe pse durrsakët protestuan për një 11-metërsh, nuk ndante të njëjtin mendim gjyqtari Jorgji, i cili vijoi lojën. Vetëm 10 minuta më vonë skuadra e Shkëmbit e gjeti rrugën e rrjetës, me Kamaran që me kokë nuk gaboi nga fare pranë portës së Teqes.

Nuk mund ta pranonte këtë rezultat Skënderbeu që vetëm pak sekonda më vonë gjeti golin me anë të Bregut, por festa e vendasve zgjati shumë pak, pasi asistenti sinjalizoi se vlonjati ishte më i avancuar se mbrojtja e Teutës. Minutat e fundit të pjesë së parë do të ishin mjaft interesante, pasi menjëherë pas një rasti flagrant të Prognit, juglindorët pretenduan për një prekje të topit me dorë.

Vetëm pak sekonda më vonë, Beqaj ndërhyri në mënyrë të parregullt në dëm të Muzakës, duke e detyruar gjyqtarin që të akordojë 11-metërsh, por dhe t’i tregojë kartonin e dytë të verdhë. Me 10 lojtarë “djemtë e detit” e Aliti që u mori topin për të goditur 11-metërshin. Mbrojtësi i Skënderbeut u ndal nga Hidi, i cili nuk lëvizi shumë nga qendra e portës, për t’i mohuar festën dhe golin e barazimit korçarëve.

Fillimi i pjesë së dytë do të niste me të njëjtin ritëm, siç përfundoi e para. Skënderbeu normalisht që do të shtonte “marshet”, pasi ishte në superioritet numerik. Muzaka krijon një situatë të rrezikshme menjëherë sapo rinisi loja, por për fatin e tij të keq topi u përplas te Aliti në vijën fatale.

Kontestimi i radhës ishte për korçarët që pretenduan për një prekje të topit me dorë nga Osmani, por kryesorit i shpëtoi ky moment. Pak pasi ishte mbushur një orë lojë, korçarët shënuan sërish, por këtë herë goli u anulua për një faull brenda zone. Pasimi nga e majta gjeti Oto Xhonin, i cili u ndal nga traversa: në vazhdimin e aksionit ishte Muzaka që e shtyu drejt rrjetës, por Jorgji konstatoi një faull më parë.

Në minuta e mbetura Teuta u mbrojt mjaft mirë, por edhe vendasit nuk arritën që të shfrytëzonin ato raste që u krijuan, nga goditjet standarde apo në situata ku kishte rrëmujë në zonën durrsake. Edhe Hidi ishte vendimtar me pritjet e tij, duke e mabjtur portën e paprekur.

Teuta regjistron ndeshjen e tetë rresht pa humbje dhe rikthen diferencën prej 6 pikësh me Partizanin. Javën e ardhshme skuadra durrsake do të presë “Demat” në shtëpi dhe me një fitore do të hidhte kandidaturën për titull. Në anën tjetër, Skënderbeu mundet në shtëpi dhe tani e sheh vendin e parë 4 pikë larg, por ndjen rrezikun e Kukësit dhe durrsakëve, që janë 2 pikë larg.

Kategoria Superiore – Java 15

E shtunë, më 1 dhjetor, ora 17:00
Stadiumi “Skënderbeu”, Korçë

SKËNDERBEU 0-1 TEUTA
Shënues: Kamara 33′

SKËNDERBEU: Teqja, Vangjeli, Radas, Aliti, Abazi, Muzaka (Fili 75′), Dita, Demte (Guindo 78′), Gripshi (Hoxhaj 65′), Bregu, Oto Xhon. Trajner: Orges Shehi. Të gatshëm: Dajsinani, Lulaj, Guexh, Sambou.

TEUTA: Hidi, Gjorgievski, Shkalla, Osmani, Beqja, Sidibe, Gashi, Traore (Latif 59′), Kallaku (Hakaj 46′), Kamara (Bicaj 80′), Progni. Trajner: Bledi Shkëmbi. Të gatshëm: Celeski, Vila, Avdyli.

Kartonë të verdhë: Radas 30′ Bregu 33’/ Beqja 17′, 45+1′, Hidi 74′, Hakaj 83′
Karton i kuq: Beqja 45+1′

GJYQTARË: Enea Jorgji, Rejdi Avdo, Ilir Tartari, Orlando Kuka

DELEGAT: Millan Baci; Vëzhgues: Mikel Shestani.

DIREKT

61’ – Pas pasimit nga e majta, Oto Xhon godet, por ndalet nga traversë. Muzaka ndjek aksionin, por edhe pse e gjen rrugën e rrjetës gjyqtari anulon golin për një faull.

60’ – Pas goditjes së Vangjelit, topi devijohet me dorë nga Osmani në dalje të zonës së Teutës, por Jorgji vijon lojën.

54′ – Bregu godet me shumë klas, por Hidi sërish bëhet “hero”!

47′ – Muzaka godet fort nga shumë pranë portës, por topi përplaset te Aliti në vijën fatale, i cili ishte më i avancuar se mbrojtja mike. Mundësi mjaft e mirë për shënim.

45′ Beqja ndërhyn brenda zone, Jorgji është i bindur dhe akordon 11-metërsh, por i tregon dhe kartonin e kuq lojtarit durrsak. Aliti merr përsipër ekzekutimin e penalltisë, por Hidi e pret tentativën qendrore të mbrojtësit korçar.

42′ – Pas pasimit nga e djathta, Progni provon me një goditje të fortë, e pabesueshme çfarë humbet tropojani.

34′ – Bregu kthen një gol një harkim të Vangjelit, por anësori sinjalizon pozicion të parregullt.

33’ – Pas harkimit nga e majta, Kamara godet me kokë duke shënuar golin e avantazhit për “djemtë e detit”.

24’ – Kallaku del i vetëm me Teqen, por në momentin e fundit rrëzohet. Ka protesta nga miqtë për 11-metërsh, por Jorgji është i bindur se loja duhet të vijojë.

1′ – NIS NDESHJA!

Te Tirana ishte vetëm një dilemë, që lidhej me lojtarin që do të zëvendësonte Bedri Grecën. Në fushë nga minuta e parë do të jetë Grent Halili, kurse Blazhevksi e Ngo e nisin nga stoli. Jashtë ka mbetur sërish Sedat Berisha.

KATEGORIA SUPERIORE – JAVA 15

E premte, më 30 nëntor, ora 18:00
Stadiumi “Selman Stërmasi”, Tiranë

PARTIZANI – TIRANA

Partizani: Hoxha, Ibrahimi, Belica, Atanda, Trashi, Hila, Telushi, Asani, Mensah, Mala, Bardhi. Të gatshëm: Xhika, Çinari, Kardozo, Gojkoviç, Kalari, Hebaj,  Kote). Trajner: Skënder Gega.

Tirana: Abibi, Imami, Hoxhallari, Atinga, Doka, Mauexhe, Karabeci, Daja, Hasani, Halili, Sentamu. (Të gatshëm: Lika, Kërçiku, Turtulli. Cake, Blazhevski, Kobinah, Ngo) Trajner: Ardian Mema.

Gjyqtarë: Eldorian Hamitaj, Denis Rexha, Ridiger Çokaj, Dojando Myftari. Gjyqtarë linje: Klajdi Kola, Juxhin Xhaja.

Delegat: Lysien Nurishmi.

Ndeshje ishte me një ritëm të ulët dhe nuk pati shumë raste të rrezikshme aq sa në pjesën e parë për t’u veçuar ishte rasti i golit të anuluar në sekondat e fundit të pjesës së parë. Pas ekzekutimit të një goditje dënimi, Toro devijoi në shtyllën e dytë, ku Gjoni dhe Rapo në dyluftim e çuna topin në rrjetë. Kryesori Shahini akordoi faull në sulm, por nuk ishin të pakta protestat e bardhezinjve.

Edhe në pjesën e dytë rastet ishin me pikatore, aq sa rasti i parë i rrezikshëm mund të konsiderohet ai i golit. Kur duheshin pak më shumë se 10 minuta për të përfunduar ndeshje, Jonuzi hodhi një top në zonë nga e mata, në dukje pa pretendime, por mbrojtja vendase e përgjumur i dha mundësinë Shtubinës që ta devijonte topin, për t;i dhënë udhën drejt rrjetës.

Në minutat e mbetura ndeshja u bë disi më interesante, pasi vendasit u hodhën në sulm, megjithatë duke lënë shumë hapësira pas. Xhixha kishte mundësinë për të mbyllur ndeshjen, por nuk arriti që ta mposhte Ruçin.

Kategoria Superiore – Java 11
E shtunë, më 3 nëntor, ora 14:00
Stadiumi “Gjirokastra”, Gjirokastër
LUFTËTARI 0-1 LAÇI
Shënues: Shtubina 79′
Luftëtari: Ruçi, Liçaj (Aleksi 83′), Hoxha, Janiçiç, Xhekson, Ramadani, Rapa (Rapo 80′), Rroca, Radoviç, Milosavljev (Ymeraj 72′), Shkurtaj. (Të gatshëm: Shumeli, Açka, Dunga, Hyseni). Trajner: Gentian Mezani.
Laçi: Selmani, Fangaj, Toro, Gjoni, Sefgjini, Lushkja, Jonuzi, Najdenov (Smaçi 90′), Shtubina, Xhixha, Altparmakovski (Berisha 56′). (Të gatshëm: Hasanbelli, Bushi, Deliu, Mersinaj, Prengaj). Trajner: Migen Memelli.
Kartonë të verdhë: Sefgjini 26′, Milosavljev 40’/ Shkurtaj 57′
Gjyqtarë: Klodian Shahini, Nuri Rrapaj, Mateo Sadikaj, Laver Alla
Delegat: Besnik Çela; Vëzhgues: Kastriot Xhaferraj

DIREKT
88’ – Xhixha del i vetëm me portierin mik, por në mënyrë të pabesueshme nuk e kalon dot portierin Ruçi.
GOOOL 68 ‘ – Miloslavjev tenton që të rrezikojë në zonën e kurbinasve me një tentativë me të majtën, por topi shkon jashtë kuadratit, ndonëse fare pranë së portës mike.

45+1’ – Pas harkimit nga një goditje dënimi, Laçi gjen rrugën e rrjetës, por gjyqtari Shahini anulon golin për një faull në sulm, saktësisht për një pengim të Rapos nga Gjoni. Protesta të shumta të skuadrës bardhezi, e cila konteston duke e konsideruar golin të rregullt.

39’ – Hoxha provon që të befasojë me një tentativë nga në distancë e konsiderueshme, ndonëse në dukje pa pretendime, topi shkon shumë pranë portës së Slemanit.
29’ – Miloslavjev përfiton nga një vendosje jo  emirë e Gjonit, por goditja e lojtarit të Luftëtarit ndalet nga kapiteni Selmani.
28 ‘ –Pas harkimit nga e majta nga një goditje dënimi, Toro i shpëton mbulimit të mbrojtjes vendase dhe godet, por portieri vendas me mjaft vështirësi e grushton topin.
15’ – Ndeshje e vakët dhe me pak raste në Gjirokastër, Nuk ka raste të rrezikshme dhe asnjëri nga portierët nuk është vënë në provë seriozisht. Takim deri më tani i ekuilibruar.
1‘ – NIS NDESHJA!

Debuton me humbje tekniku Mema në ndeshjen e tij të parë si trajner i bardhebluve. Gjithsesi, skuadra e tij mund të kishte bërë më mirë nëse do kishte qenë pak më e kujdesshme, pasi që në sekondat e para të ndeshjes pati një mundësi të mirë për shënim, por sa për mungesë saktësie të Kobinah, aq edhe për meritë të Mustës, porta e Koliçit mbeti e paprekur.

Një “shkëndijë” e Bushiçit në fraksionin parë ishte shumë pak. 45 minuta e para ishin të zymta si dhe koha në Vlorë. Në fraksionin dytë trajnerët nuk ndryshuan asgjë dhe besuan tek të njëjtët futbollistë. Sa i përket ritmit gjërat nuk ndryshuan, por Flamurtari e nxori golin.

Hyseni përfiton nga një moskuptim i mbrojtjes mike dhe godet, por Lika e ndal në momentin e parë, megjithatë nuk kishte se çfarë të bënte “gardiani” i bardhebluve pas goditjes së Alveshit, i cili nuk e pati të vështirë që të shënonte. Skuadra e Dajës e menaxhoi mjaft mirë rezultatin dhe në fund mori një tripikësh me shumë vlerë.

Tirana mbetet në kuotën e 8 pikëve pas fazës së  parë dhe e sheh veten në një gjendje deri diku kritike, edhe pse Memës i duhet më tepër kohë. Kuqezinjtë ngjiten në vendin e pestë tani me 14 pikë, por më tepër është një sukses që jep oksigjen në Vlorë.

KATEGORIA SUPERIORE – JAVA 9

E hënë, më 22 tetor 2018, ora 18:00
Stadiumi “Flamurtari”, Vlorë

Flamurtari 1-0 Tirana
Shënues: Alvesh 72′

Flamurtari: Koliçi, Siljanovksi, Pollozhani, Veliu, Musta, Batha, Useini, Hyseni (Mustafa 80′), Torasa (Ribaj 77′), Alvesh (Kotobelli 89′), Bushiç. Trajner: Ilir Daja. Të gatshëm Qirko, Beqja, Sirghi, Deliaj.
Tirana: Lika, Doka, Turtulli, Hoxhallari, Imami, Mauexhe, Karabeci, Daja, Kobinah (Sentamu 74′), Greca, Hasani (Ngo 82′). Trajner: Ardian Mema.Të gatshëm: Moçka, Cake, Berisha, Atinga, Muçi.
Kartonë të verdhë: Pollozhani 31′, Alvesh 36′, Torasa, 67′, Siljanovksi 78’/ Turtulli 14′, Imami 68′
Gjyqtarë: Laver Alla, Ridiger Çokaj, Edlir Malo, Ardian Beqiri.
Delegat: Astrit Maçi; Vëzhgues: Arjan Mali

DIREKT
72′ – Hyseni provon, por Lika e ndal në momentin e parë, Alvesh shfrytëzon topin e mbetur atu duke goditur nga brenda zone dhe duke shënuar golin e avantazhit për të tijtë.

64’ – Siljanovski provon me një goditje nga distanca, por nuk tregohet i saktë.
47’ – Bushiç rrezikon me një devijim, pas pasimit të Torasës, por topi shkon ngjitur me shtyllën.
38‘ – Pas një harkimi nga këndi, Greca provon të devijojë, por nuk arrin që të godasë siç duhet.
25’ – Hasani merr një top të gjatë dhe del i vetëm me Koliçin, por ndërhyrja e Veliut është deçizive, duke shpëtuar skuadrën e tij nga një rast mjaft i rrezikshëm.
24’ – Një gabim në mbrojtjen, për pak sa nuk i kushton bardheblu, por goditja qendrore e Bushiç ndalet nga Lika.
11’ – Greca i papërmbajtshëm nga e majta. Kryeqytetasi futet në qendër të zonës vlonjate dhe tenton të godasë, por Koliçi apozicional neutralizon topin.
3’ – Mundësi fantastike për Tiranën. Greca avancon deri pranë fundores nga e majta dhe fton Kobinan nga ana tjetër i cili i harruar nga mbrojta vendase godet, por Musta bën shpëtimtarin, duke evituar një gol të sigurt.
1‘ – NIS NDESHJA!

Vetëm 3 minuta pasi ishte zhbllokuar rezultati, miqtë fituan të drejtën që të goditnin një 11-metërsh, por Plaku gaboi nga pika e bardhë, duke mos e gjetur as kuadratin. Penalltia e dytë e shpërdoruar nga kapiteni i kamzalinjve këtë edicionin. Me kalimin e minutave ritmi ra dhe skuadrat nuk kishin iniciativë për të rrezikuar.

Edhe në fillimin e fraksionit të dytë ritmi ishte i ulët, por në minuta e fundit Kamza nisi që të provonte më shumë. Ishte vendimtar portieri i Skënderbeut, Aldo Teqja, vetëm 10 minuta para fundit të kohës së rregullt, pasi bëri dy pritje mjaft të vështira në pak sekonda. Vendasit në anën tjetër me qetësinë që u jepte rezultati, prinin momentin e duhur për të rrezikuar. Bregu mendoi për të vulosur gjithçka pak sekonda para fundit, duke shënuar një gol mjaft të bukur nga goditja e dënimit.

Skënderbeu merr vendin e parë përkohësisht, por Partizani do të luajë vetëm pas pak në kryeqytet. Kamza në anën tjetër regjistron ndeshjen e  pestë në kampionat pa fitore dhe mbetet në kuotën e 7 pikëve, shumë pranë zonës së rënies nga kategoria.

Kategoria Superiore – Java 9
E diel, më 21 tetor, ora 14:00
Stadiumi “Skënderbeu”, Korçë

SKËNDERBEU 2-0 KAMZA
Shënues: Oto Xhon 12′, Bregu 90+3′

Skënderbeu: Teqja, Vangjeli, Radas, Aliti, Abazi, Dita, Muzaka (Demte 27′), Guedj, Gripshi, Bregu, Oto Xhon (Guindo 67′). Trajner: Orges Shehi. Të gatshëm: Dajsinani, Sambou, Fili, Hoxhaj.
Kamza: Avdyli, Frashëri, Teqja, Arrabal, Bonani (Martinena 46′), Orelesi, Mehmeti, Mumajesi, Plaku, Zisi, Roloviç (Fukui 45+2′). Trajner: Klodian Duro. Të gatshëm: Kirev, Fejzaj, Krasniqi, Turhani, Rami.
Kartonë të verdhë: Radas 15’/ Bonani 10′, Teqja 61′
Gjyqtarë: Indrit Myrtja, Melis Dervishi, Fisnik Thorja, Blerim Ziri
Delegat: Alban Tafaj; Vëzhgues: Albano Janku

DIREKT
90+3’ – Bregu ekzekuton mjaft mirë një goditje dënimi, duke e shtangur portierin mik dhe duke shënuar golin e dytë për korçarë.

78’ – Aldo Teqaj bëhet hero me pritjet e tij, teksa fillimisht i mohon Plakut golin, i cili goditi bukur fluturimthi, ndërsa i thotë ’jo’ dhe Martinenës më pas nga fare pranë.

73’ – Bregu pasoi saktë tek Demte, i cili bëri gjithçka mirë deri në zonën e Kamzës, por në fund nguroi që të shërbente në qendër, duke u dhënë mundësinë lojtarëve miq që të largonin topin në këndore.
71’ – Zisi provon që të rrezikojë me një aksion nga e majta, por pasimi i tij ndalet nga një prej mbrojtësve korçar, duke mos e lejuar Martinenën që të rrezikonte portën e Aldo Teqes.
66’ – Guedj provon nga brenda zone, por nuk tregohet i saktë, duke e ccuar topin jashtë kuadratit të Avdylit.
63’ – Plaku avancon i vetëm deri në dalje të zonës së Skënderbeut, por kapiteni preferon të godasë vetë, por nuk tregohet i saktë, me topin që shkoi ngjitur me shtyllën e portierit vendas.
45+2’ – Duro nuk pret që të përfundojë pjesa e parë dhe aktivizon Fukuin në vend të Roloviç vetëm pak sekonda pa u dëgjuar vërshëllima e gjyqtarit për të mbyllur pjesën e parë.
27′ – Shehi bën një zëvendësim të detyruar, duke larguar Muzakën të dëmtuar dhe vendin e tij e zë Demte. 
25’ – Bruno Dita provon me një goditje nga distanca, por topi është jashtë kuadratit të portës së Kamzës.
15’ – Zisi pengohet nga Radas dhe gjyqtari kryesor akordon 11-metërsh. një moment i diskutueshëm, pasi nga përsëritjet duket se kontakti ka qenë jashtë zonës së rreptësisë. Plaku merr përsipër ekzekutimin, por gabon nga pika e bardhë e penalltisë, duke e nxjerrë topin jashtë.

12’ – Oto Xhon del i vetëm me portierin, mbrojta mike nuk e shqetëson dhe sulmuesi ka kohë të koordinohet dhe të godasë, duke shënuar golin e parë për skuadrën e tij në të parin rast që krijohet.

1′ – NIS NDESHJA!

Në Kamzë do të jetë mysafir Laçi. Në një stadium të boshatisur. Skuadra e Klodian Duros do të rikthehet tek suksesi pas humbjes me Kukësin, por nuk do ta ketë aspak të lehtë ndaj kurbinasve. Bardhezinjtë janë një nga 2 skuadrat e vetme që këtë edicion nuk kanë pësuar humbje.

Kategoria Superiore – Java 6
E shtunë, më 28 shtator, ora 15:45
Stadiumi “Elbasan Arena”, Elbasan

KUKËSI 1-0 LUFTËTARI
Shënues: Rexhinaldo 49′ (penallti)

GOLI

49’ – Ramadani ndërhyn në mënyrë të parregullt ndaj Cuculit dhe gjyqtari akordon 11-metërsh. Rexhinaldo nuk gabon nga pika e bardhë e penalltisë.

DIREKT 

52′ – Pas një harkimi nga e djathta, miqtë pretendojnë për prekje të topit me dorë, por për gjyqtarin nuk ishte 11-metërsh, pavarësisht protestave të shumta të gjirokastritëve.

38’ – Shafik godet bukur me kokë pas harkimit nga e djathta, por topi shkoi pak mbi kuadratin e Shkëlzen Ruçit.

18’ – Zguro bëri gjithçka mirë nga e majta dhe më pas shërbeu në krahun tjetër, ku Ethemi nuk u koordinua siç duhet, duke humbur një mundësi mjaft të mirë për të shënuar.

1′ – NIS NDESHJA!

Kukësi: Frashëri, Maliki, Shameti, Cuculi, Zguro, Ethemi, Limaj, Shkodra, Melo, Shafik Tigruxha (Shpehar 46′), Rexhinaldo. Trajner: Armando Cungu.  Të gatshëm: Maloku, Çyrbja, Qaqi, Harba, Kalaja, Dzaria.

Luftëtari: Ruçi, Liçaj, Rapa, Hoxha, Xhekson, Ramadani, Rapo, Milosavljev, Radoviç, Ymeraj, Shkurtaj. Trajner: Gentian Mezani.  Të gatshëm: Shumeli, Oshafi, Demo, Hyseni, Janiçiç, Dunga, Açka.
Kartonë të verdhë: Rexhonaldo 43’/ Ramadani 48′

Gjyqtarë: Hermal Llapra, Emigers Ganxhi, Renato Malaj, Olsid Ferataj
Delegat: Besnik Cela; Vëzhgues: Besnik Kaimi

Kategoria Superiore – Java 6
E shtunë, më 28 shtator, ora 15:45
Stadiumi “Kamza”, Kamzë

KAMZA 0-0 LAÇI

DIREKT 

52′ – Martinena shfaqet sërish i rrezikshëm, Selmani nuk del ashtu siç duhet, por Toro është deçiziv me ndërjhyrjen e tij.

39’ – Martinena ka tentuar pas një harkimi nga këndi, por sulmuesi argjentinasi nuk ka mundur që të gjejë kuadratin e portës.

35’ – Martinena merr një topi nga Zisi nga brenda zonës së Laçit, sulmuesi tenton të godasë, por është i pasaktë. M pas ndërhyn gjyqtari duke e bërë të pavlefshëm aksionin, për një prekje të topit me dorë nga ana e Martinenës.

29’ – Xhixha shpërthen i vetëm dhe pason për Jonuzin, i cili godet, por topi devijohet dhe shkon në këndore.

22’ – Zisi harkon nga e majta, Selmani vigjilent grushton, duke larguar rrezikun.

14′ – Kamza kryen një zëvendësim të detyruar, për shkak se kapiteni Plaku pëson një dëmtim. vendin e tij e zë Niko Zisi.

1′ – NIS NDESHJA!

Kamza: Avdyli, Frashëri, Teqja, Arrabal, Idrizaj, Malaj, Orelesi, Mehmeti, Plaku (Zisi 14′), Fukui, Martinena. Trajner: Klodian Duro. Të gatshëm: Kirev, Mumajesi, Rezi, Fejzaj, Bonani, Roloviç.

Laçi: Selmani, Fangaj, Toro, Gjoni, Sefgjini, Eller, Jonuzi, Lushkja, Shtubina, Xhixha, Altparmakovski (Hadroj 67′). Trajner: Artan Mërgjyshi.  Të gatshëm: Hasanbelli, Prengaj, Deliu, Berisha, Smaçi.

Gjyqtarë: Olsi Sokoli, Nertil Bregasi, Arbër Zalla, Kreshnik Cjapi

Delegat: Alban Tafaj; Vëzhgues: Arjan Mali

Pjesa e parë prodhoi më shumë ndërhyrje të forta në mesfushë sesa raste për të shënuar gol. Skuadrat u treguan mjaft pasive në fazën sulmuese dhe dukej se më shumë mendonin që të mos pësonin. Nëse raste e rrezikshme për gol munguan, ndërhyrjet e ashpra  nuk munguan, aq sa në pak minuta u ndëshkuan katër lojtarë me karton të verdhë dhe një të kuq.

Një ndërhyrje e Çelës në dëm të Fangajt ishte mjaft e rrezikshme dhe gjyqtari kryesor Xhaja i tregoi menjëherë kartonin e kuq lojtarit të Kastriotit. Pjesa e parë dhuroi shumë pak emocione.
Situata ndryshoi disi në fraksionin e dytë, pasi Laçi në superioritet numerik nisi që të merrte më shumë iniciativë dhe të kërkonte më shumë.

Najdenov shpërdori një mundësi fantastike për shënim, pasi doli i vetëm me portën e boshatisur, por në mënyrë të pabesueshme gaboi, duke e çuar topin jashtë. Ishte një ditë “jo” për maqedonasin i cili pak minuta më vonë mori dhe kartonin e dytë të verdhë, duke e lënë skuadrën e tij me 10 lojtarë dhe duke barazuar forcat në fushën e lojës. Skuadrat nisën që të ishin më guximtare, por me kalimin e minutave edhe lodhja bënte të vetën.

Golat ishin ruajtur për në fund, pasi në pak minuta u shënuan dy gola. Fillimisht ishte Roxher, i cili me një goditje me të majtën mposhti portierin Selmani. Laçi nuk e uli ritmin dhe gjeti forcat që të barazonte. Fangaj mori një pasim nga Smaçi dhe mbrojtësi nuk gaboi nga një pozicion diagonal duke vendosur ekuilibrin sërish në këtë ndeshje.

Me këtë barazi me Laçi shkon në kuotën e 7 pikëve, por duhet theksuar se ende askush nuk ka arritur t;i shkaktojë humbjen kurbinasve. Kastrioti pas katër humbjesh radhazi merr një pikë shprese, që i largon në nga vendi i fundit, por sërish mbeten në zonën e rrezikut.

KATEGORIA SUPERIORE – JAVA 5

E diel, më 23 shtator, ora 15:45
Stadiumi “Redi Maloku”, Fushë-Krujë

Kastrioti 1-1 Laçi
Shënues: Roxher 78’/ fangaj 89′

GOLAT

89’ – Smaçi  pasi mjaft mirë për Fangajn, i cili goditi në një pozicion diagonal, duke shënuar dhe rikthyer baraspeshën.

78’ – Roxher me të majtën provon nga jashtë zone, topi shkoi ngjitur me shtyllën, duke mposhtur Selmanin. Kastrioti në avantazh.

FORMACIONET

Kastrioti: Kuka, Shehi, Lila, Stijepoviç, Çela,  Roxher, Mziu, Shehu (Çutra 46′), Gallego (Husein 46′), Marku (Mulaj 70′), Atsina. Trajner: Elvis Plori. Të gatshëm: Puja, Vatnikaj, Caca, Henri.

Laçi: Selmani, Fangaj, Mersinaj (Toro 55′), Gjoni, Sefgjini, Eller, Lushkja, Najdenov, Shtubina, Xhixha, Altiparmakovski (Sukaj 60′). Trajner: Artan Mërgjyshi. Të gatshëm: Hasanbelli, Smaçi, Jonuzi, Hadroj, Deliu.

Kartonë të verdhë:  Gallego 9′, Shehu 39’/ Mersinaj 28′, Najdenov 36′, 65′

Karton i kuq:  Çela 45+2’/ Najdenov 65′

Gjyqtarë: Juxhin Xhaja,  Gernat Qirici, Rudin Preça, Kreshnik Barjamaj

Delegat: Astrit Maçi; Vëzhgues: Astrit Dervishi.

Ndeshja kishte ritëm dhe skuadrat krijuan volum që në start. Gjithsesi, duhen veçuar dy episode, kur miqtë kishin pretendime të ndryshme me gjyqtarin. Në minutën e 6-të dhe të 27-ën, Lulaj dhe më pas kapiteni Radas ndalën sulmet e kryeqytetasve në mënyrë të parregullt. Gjyqtari Kukan në të dyja rastet akordoi vetëm karton të verdhë për dy lojtarët e sipërpërmendur, edhe pse miqtë këmbëngulën se në të dyja raste u ishte hequr mundësia e shënimit të golit. Edhe Devi Bregu u ndal nga anësori në minuta e para, teksa u sinjalizua një poziicon jashtë loje shumë i dyshimtë.

Gjithsesi Edon Hasani, ishte i harruar në minutën e 20-të nga mbrojtja korçare. Daja harkoi saktë nga e djathta dhe shkodrani me kokë nuk e pati të vështirë që të shënonte me portën e boshatisur, duke shfrytëzuar dhe daljen e Teqes. Pas avantazhit, bardheblutë e menaxhuan mjaft mirë avantazhin.

Në pjesën e dytë ishin vendasit që e rritën ndjeshëm presionin, por pa mundur që të kalonin Ilion Likën. Bardheblutë në anën tjetër pretenduan për një 11-metërsh, por rrëzimi i Imamit u konsiderua simulim dhe lojtari u ndëshkua dhe me karton të verdhë.

Kur gjithçka dukej se po shkonte në favor të miqve, Oto Xhon mori përdore skuadrën duke shënuar golin e barazimit. Sulmuesi, i cili u aktivizua në pjesën e dytë me kokë mposhti Ilion likën pas një harkimi nga e djathta. Në minutat shtesë ishte teqja ai që u bë shpëtimar pasi i hoqi mundësinë e shënimit Blazhevskit.

Në fund nga një pikë për të dyja skuadrat. Tirana shkon në kotën e 5 pikëve dhe mendon për derbin në javën e ardhshme me Partizanin. Në anën tjetër Skënderbeu ruan vendin e parë, pasi arrin në kotën e 11 pikëve. Korçarët do të ndeshen me Teutën e Bledi Shkëmbit javën e ardhshme.

Kategoria Superiore – Java 5
E shtunë, më 22 shtator, ora 18:45
Stadiumi “Skënderbeu”, Korçë

Skënderbeu 1-1 Tirana
Shënues: Oto Xhon 87’/ Hasani 20′

GOLI

87’ – Oto xhona nuk gabon pas një harkimi nga e djathta duke vendosur ekuilibrin.

20’ – Aksion i bukur i Tiranës, Daja harkon nga e djathta dhe Hasani i harruar në shtyllën e dytë realizon golin e parë për bardheblutë.

FORMACIONET

Skënderbeu: Teqja, Vangjeli, Radas, Aliti, Abazi (Oto Xhon 78′), Lulaj (Guindo 25′), Muzaka, Demte, Gripshi (Fili 56′), Bregu, Krasniqi. Trajner: Orges Shehi. Të gatshëm: Dajsinani, Sambou, Arnaut, Ziko.

Tirana: Lika, Doka, Turtulli, Berisha (Cake 75′), Imami, Mauexhe, Daja, Hasani (Karabeci 53′), Oduamadi (Greca 68′), Kobinas, Blazhevski. Trajner: Ze Maria. Të gatshëm: Abibi, Kërçiku, Sentamu, Ngo.

Gjyqtarë: Orlando Kuka, Denis Agaraj, Ani Koçiaj, Laver Alla.

Kartonë të verdhë: Lulaj 6′ Radas 27′, Abazi 58′, Vangjeli 76′, / Imami 57′, Doka 67′

Delegat: Bujar Pregja;  Vëzhgues: Myrteza Allkja

Shkodrani, në mungesë të Rrumbullakut, ka përzgjedhur Zguron për krahun e majtë. Një tjetër lëvizje është ajo e Limajt në mesfushë. Dzaria është ai që e nis nga stoli. Te Tirana ndryshim i vetëm është në të djathtë të mbrojtjes. Doka i ka lënë vendin Kërçikut. Në momentet e fundit është vendosur që Cake të luajë titullar, pasi Turtulli nuk ia ka dalë.

KATEGORIA SUPERIORE – JAVA 3

E diel, më 2 shtator, ora 16:45
Stadiumi “Loro Boriçi”, Shkodër

KUKËSI-TIRANA

Kukësi: Frashëri – Maliki , Shameti, Cuculi, Zguro – Çyrbja, Limaj, Musolli, Uilliam – Harba, Rexhinaldo. Trajner: Armando Cungu.

Tirana: Lika – Kërçiku, Cake, Atinga, Hoxhallari – Hasani, Mauxhe, Kobinah, Karabeci – Sentamu, Blazhevski.  Trajner: Ze Maria

Delegat: Besnik Çela; Vëzhgues: Fiqiri Haxhiraj

Gjyqtarë: Juxhin Xhaja, Astrit Mahmuti, Alfred Shkreta, Kreshnik Barjamaj

Në anën tjetër është Flamurtari që e ka nisur mirë këtë edicion, pasi kanë marrë 4 pikë në 2 ndeshjet e para, duke triumfuar ndaj Kukësit në shtëpi dhe duke barazuar jashtë fushe ndaj Teutës.

PJESA E PARË

Është mbyllur pjesa e parë në Gjirokastër me fitoren e skuadrës mike të Flamurtarit. Vlonjatët kanë mundur që të realizojnë në minutën e 25-të me sulmuesit Tomislav Bushiç. Pas harkimit të Mustës, kapiteni goditi bukur me kokë nga brenda zone duke mposhtur Ruçin. Një ndeshje interesante me raste nga të dyja ekipet, por që në 45 minutat e para shohin që të gëzojnë miqtë.

Luftëtari 0-1 Flamurtari

Shënues: Bushiç 25′

GOLI

25’ – Musta harkon bukur nga e majta, Bushiç zhytet në qendër të zonës dhe e çon topin në fundin e rrjetës. Gëzim i madh nga ana e kapitenit, i cili e ndan gëzimin me tifozerinë vlonjate, por më pas ka dhe karton të verdhë për të.

DIREKT

88′ – Erald Hyseni ndëshkohet me karton të verdhë!

88′ – Aleksi ndëshkohet me karton të verdhë!

87′ – Hyseni kishte një mundësi ideale, por vonohet në goditje, duke i dhënë kohën e mjaftueshme Pollozhanit për të larguar rrezikun.

83′ – Useini zë vendin e Deliajt!

81′ – Cekaj zëvendin e Ymerajt! Në prekjen e parë, lojtari në fjalë fton Ramadanin, por ky i fundit nuk mudet që ta devijojë topin.

75’ – Milosavljev harkon nga një goditje dënimit, tentativa me kokë e Shkurtajt nuk mundet që të kalojë Koliçin, i cili dhe një herë është mjaft i saktë në ndërhyrjen e tij.

73′ – Alesio Hyseni ndëshkohet me karton të verdhë!

72′- Kotobelli provon nga me një goditje nga distanca, topi shkon mbi kuadrat.

68′ – Hyseni zë vendin e Radoviç!

66’ – MUNDËSI E SHKËLQYER E LUFTËTARIT! Pas harkimit nga këndi Janiçiç ka një mundësi të shkëlqyer për të shënuar, por goditja e tij përplaset në trupin e Koliçit.

64’ – Milosavljev provon nga brenda zone, por nuk arrin të godasë ashtu siç duhet në portën e vlonjatëve.

61′ – Ymeraj shkarkon të majtën e tij, por topi shkon mbi kuadratin e portës së Flamurtarit.

60’ – ÇFARË MUNDËSIE HUMBET FLAMURTARI! Bushiç e sheh veten të vetëm me Ruçin, por në mënyrë të pabesueshme kapiteni i Flamurtarit shpërdoron mundësinë më të mirë për të shënuar golin e dytë!

59′ – Mustafa zë vendin e Beqajt!

57′ – Radoviç nuk mundet të fitojë duelin e shpejtësisë me Koliçin, me gardianin që neutralizon rrezikun.

56′ – Rast i mirë vendasit, harkimi i Milosavljev largohet në këndore nga Beqaj.

50’ – Demo harkon nga e majta, por topi shkon drejtpërdrejt në duart e portierit Koliçi.

47′ Ramadani ndëshkohet me karton të verdhë për shkak protestash!

46′- NIS PJESA E DYTË!

42’ – Shkurtaj provon me një goditje nga e djathta, tentativa e tij shkon në rrjetën e jashtme, edhe pse ishte një pozicion mjaft të volitshëm.

39’ – Batha provon nga një goditje dënimi, por tentativa e mesfushorit neutralizohet nga portieri Ruçi. Nuk gjen mbështetjen e trajnerit Daja ky veprim i Bathës, i cili kritikohet pas këtij momenti.

36’ – Beqaj bën gjithçka mirë nga e djathta, por në momentin e fundit vonohet në goditje dhe i merret topi nga bluzinjtë.

33’ – Shkurtaj lëviz mirë brenda zone, por Radoviç nuk tregohet i saktë me goditjen e tij.

32’ – RAST I MIRË PËR FLAMURTARIN! Pas një aksioni nga e djathta, Beqaj pason për Hysenin, i cili provon nga fare pranë, por ndalet nga portieri vendas, Batha tenotn sërish, por topi përfundon ngjitur me shtyllën.

30′ – Milosavljev sërish i rrezikshëm, por Alla mbyll mirë dhe arrin të fitojë dhe një goditje dënimi.

24’ – Milosavljev hedh një top në shtyllën e dytë nga një goditje dënimi, por Koliçi del dhe kontrollon situatën.

17’ – Liçaj godet bukur me kokë, por Koliçi është në të njëjtën lartësi. Aksioni i pavlefshëm pasi sulmuesi i gjirokastriteve ka qenë më i avancuar se mbrojtja kuqezi.

15’- MUNDËSI E SHKËLQYER PËR LUFTËTARIN! Milosavljev del i vetëm me portierin Koliçi, por harkimi i lojtarit të Luftëtarit shkon pak mbi kuadratin e portës vlonjate.

12’ – Flamurtari rrezikon nga një goditje standarde! Batha harkon nga nj goditje këndi, Musta në shtyllën e parë gjen topin, por jo kuadratin e portës. Batha rrezikon sërish me një tentativë nga distanca, megjithatë pa e rrezikuar shumë portierin vendas që neutralizon gjithccka.

9’ – Shkurtaj nga e majta provon që të ndërtojë një aksion premtues, por Alla largon topin në anësore.

5′ – Ymeraj avancon nga e djathta, pasimi i gjirokastritit është tepër i fortë dhe Milosavljev nuk mundet që të krijojë një situatë të rrezikshme.

3′ – Maldin Ymeraj harkon nga këndi, topi iu ulët largohet nga mbrojtja mike. Në goditjen e dytë nga këndi radhazi, topi devijohet nga një prej gjirokastritëve, por sërish mbrojtja vlonjate është vigjilente dhe largon rrezikun.

1′ – NIS NDESHJA!

KATEGORIA SUPERIORE – JAVA 3

E shtunë, më 1 shtator, ora 16:45
Stadiumi “Gjirokastra”, Gjirokastër

Luftëtari: Ruçi – Liçaj, Rapa, Janiçiç, Demo – Aleksi, Ramadani – Radoviç, Ymeraj, Milosavljev – Shkurtaj. Trajner: Millosh Kostiç

Flamurtari: Koliçi – Siljanovski, Pollozhani, Alla, Kotobelli – Deliaj – Beqaj, Batha, Hyseni, Musta – Bushiç. Trajner: Ilir Daja

Gjyqtarë: Klodian Shahini, Dojando Myftari, Mateo Sadikaj, Andi Koçi,

Delegat: Uvil Zajmi

Te Laçi, në krahasim me ndeshjen me Luftëtarin ka ndryshim, por trajneri Mërgjyshi ka përzgjedhur formacionin e pjesës së dytë, me Shtubinën në mesfushë. Mersinaj luan në qendër të mbrojtjes, kurse Fangaj në të djathtë. Kiliani Sebastian Toro dhe Marijan Altipamarkovksi janë grumbulluar për këtë takim.

KATEGORIA SUPERIORE – JAVA 3

E premte, më 31 gusht, ora 19:45
Stadiumi “Skënderbeu”, Korçë

Skënderbeu-Laçi

Skënderbeu: Teqja, Vangjeli, Radas, Aliti, Abazi, Muzaka, Dita, Demte, Gripshi, Bregu, Krasniqi. (Në dispozicion: Dajsinani, Kaba Sambou, Oto Xhon, Fili, Pëllumbi, Ajzeraj, Lulaj). Trajner: Orges Shehi.

Laçi: Selmani, Fangaj, Mersinaj, Gjoni, Sefgjini, Eller, Jonuzi, Lushkja, Shtubina, Xhixha, Uzuni. (Në dispozicion: Hasanbelli, Prengaj, Dragoi, Smaçi, Altiparmakovski, Toro). Trajner: Artan Mërgjyshi.

Trajneri Orges Shehi nuk ka pasur dyshime dhe e ka plotësuar menjëherë protokollin. Formacioni është i njëjtë me të dy ndeshjeve të para, në Superkupë me Laçin dhe në kampionat me Skënderbeun. Bie në sy mungesa e afrimit të fundit, anësorit Realdo Fili, i cili nuk është grumbulluar për takimin me Kastriotin.

Plori ndërkohë kërkon ekuilibër nga skuadra e tij, që do të rreshtohet me skemën 4-5-1, me Rahim që do të jetë i vetëm në sulm. Krutanët do kërkojnë të shfrytësojnë shpejtësinë e greko-sudanezit. Domgjoni dhe Ymeraj janë titullarë, ndërkohë që në stol kanë përfunduar Marku e Shehu.

KATEGORIA SUPERIORE – JAVA 2

E diel, më 26 gusht, ora 16:45
Stadiumi “Redi Maloku”, Fushë-Krujë

KASTRIOTI – SKËNDERBEU

Kastrioti: Kuka, Husein, Lila, Çela, Domgjoni, Stijepoviç, Mziu, Çutra, Ymeraj, Bardhi, Rahim. (Në dispozicion: Puja, Shehu, Atsina, Caca, Vatnikaj, Shehi, Marku).
Trajner: Elvis Plori

Skënderbeu: Teqja, Vangjeli, Radas, Aliti, Abazi, Dita, Muzaka, Demte, Gripshi, Bregu, Krasniqi. (Në dispozicion: Dajsinani, Lulaj, Kaba Sambou, Gavazaj, Pëllumbi, Ajzeraj, Oto Xhon).
Trajner: Orges Shehi.

Gjyqtarë: Kreshnik Cjapi, Ilir Tartari, Orgest Grabova, Emirion Sino
Delegat: Marjus Sulejmani; Vëzhgues: Mikel Shestani