Ai zbuloi çështjen e Majorgës, modeles amerikane që akuzon Kristiano Ronaldon për përdhunim, mundësinë e dënimit të Mançester Sitit apo PSG për shkak të parregullsive në FPF (fair-play financiar), evazionin fiskal të kryer nga Murinjo në Ishujt e Virgjër Britanikë, por dhe emailet që i shkaktuan probleme klubit të Benfikës.

Rui Pinto është një “fenomen” i kompjuterit dhe ka arritur të bëjë publike dokumente sekrete të botës së futbollit. Emri i tij ishte identifikuar para pak kohësh si personi që drejtonte sajtin e famshëm, ndërsa Portugalia do i kërkojë Hungarisë ekstradimin e tij. Nëse ndodh, 30-vjeçari rrezikon deri në 10 vite burgim.

Sipas “Politiken.de”, klubi londinez i ka ofruar babait të qendërmbrojtësit danez Andreas Kristensen një vend punë si skaut edhe pse ky i fundit nuk kishte eksperiencë të mëparshme në këtë lloj pozicioni. Vlen për t’u përmendur dhe rroga muroje prej 11.400 Eurosh që përfitonte i ati i lojtarit.

Me anë të punësimit të prindit të qendërmbrojtësit në vitin 2012, ata morën firmën e lojtarit asokohe 16-vjeç, si dhe siguruan lejekalimin për integrimin e tij më menjëhershëm në akademinë e londinezëve komform rregullave të vendosura nga UEFA.

Siç bëhet me dije, PSG ka paguar më shumë se 30 milionë euro shtesë për të finalizuar këtë transferim. Një çmenduri, pasi Nejmar edhe pa këtë zbulim ishte lojtari më i shtrenjtë në histori në futbollit. Siç raportohet nga dokumentet e publikuara, PSG ka paguar për palë të treta, saktësisht më menaxher dhe babin e Nejmar, të cilët kanë ndikuar te lojtari për të lënë Barcelonën për të shkuar në Ligue 1.

Si babai i lojtarit ashtu dhe menaxheri kanë marrë më shumë se 10 milionë euro secili, ndërsa 5% të shumës në total i marrë dhe Santos, që përkthehet në një shumë që nuk ishte përfshirë në 222 milionët e transferimit. Shpenzim kolosal për brazilianin, por që i shton telashet për klubin, i cili duhet të japë llogari edhe për këtë akuzë.
kujtojmë që pak kohë më parë u raportua se në kontratën e Mbape përfshiheshin dhe shumë shpenzime të tjera marramendëse, pasi kishte bileta avioni dhe vila e makina luksoze.

“Der Spiegel” pritet të nxjerrë emrin e një futbollisti të njohur, i cili ka fituar disa herë trofeun e Champions League. Lojtari në fjalë ka rezultuar pozitiv pas një testi dopingu, por ndërhyrja e zyrtarëve të lartë të klubit të tij ka bërë që UEFA të bëjë një sy qorr.

UEFA është krenuar shpesh mbi faktin që aplikon një politikë me “tolerancë zero” ndaj dopingut, por nëse ky rast do të jetë i mbështetur në prova konkrete, atëherë kredibiliteti i këtij institucioni do të marrë një goditje dërrmuese.

Fakti që “Der Spiegel” thotë se lojtari e ka fituar disa herë Champions-in, na bën të mendojmë që kemi të bëjmë me një prej lojtarëve të skuadrës së Real Madrid, pasi klubi spanjoll ka fituar 4 nga pesë edicionet e fundit të këtij turneu.