Humbja në derbi përballë Interit nuk u përballua mirë psikologjikisht dhe pas asaj nisi rënia e lirë e “Djallit”. Gara për vendin e katërt vazhdon dhe i vetmi avantazh i ekipit të Gatuzos është kalendari më i lehtë.

Milani pret Bolonjën në shtëpi të hënën në mbrëmje dhe alternativa e vetme është fitorja. Nëse nuk arrihet objektivi Champions të gjithë rrezikojnë shumë. E ardhmja e Xhenaro Gatuzos është vendosur.

Trajneri do të tentojë rikthimin e kuqezinjve në kompeticionin më të rëndësishëm për klube dhe do të largohet në fund të sezonit. Në rrezik është edhe e ardhmja e Leonardos! Fondi Eliot mund të vendosë të bëjë ndryshime edhe te drejtuesit.

Braziliani është në test dhe rrezikon postin e drejtorit sportiv, ndërsa amerikanët kanë gati edhe zëvendësuesin. I preferuari i tyre është Luis Kampos, drejtori sportiv i Lilës. Portugezi ka bërë një punë fantastike, ndërsa ekipi i tij renditet i dyti në kampionat pas PSG-së.

Kampos u përfol edhe për një afrim te Roma, por ai rinovoi kontratën me klubin francez. Megjithatë, fondi Eliot ka marrëdhënie të mira me Lilën dhe drejtori mund të zbarkojë në Milanelo, gjithmonë nëse kuqezinjtë dështojnë të realizojnë objektivin madhor dhe bie besimi te Leonardo.

Pasuria e tij llogaritet rreth 13 miliard dollarë dhe ai është një mik i ngushtë i Vladimir Putin, presidentit të Rusisë. Usmanov ka qenë aksioner i Arsenalit, por ai vendosi të shesë 30% të aksioneve të “topçinjve” për shumën e 550 milionë sterlinave.

Fondi Elliot po punon fort për të rikthyer Milanin në nivele të larta. Politika e pronarëve të rinj është e qartë: lojtarë të rinj me një ekip U25, ndërtimi i stadiumit të ri dhe diplomaci me UEFA-n për të mos patur më probleme me FPF (fair-play financiar).

Amerikanët duan të rrisin vlerën e “Djallit” brenda disa vitesh në 1 miliard euro, ndërsa raportet e tyre me Usmanov janë shumë të mira. Ky i fundit po monitoron situatën dhe shihet si kandidati kryesor për të blerë një nga klubet më prestigjioze në botën e futbollit.