Flota kuqezi

“Ejani mbështesni Flamurtarin, FSHF kujdes!”, Skënderbeu karikon vlonjatët

Sport Ekspres — Sat, 16 Feb 2019 09:48:15 +0000

Flamurtari pret Skënderbeun të dielën, ndërkohë që në Vlorë po përgatiten me seriozitet për ta kaluar me sukses këtë sfidë. Me Korçarët është një ndeshje ndryshe, të paktën kështu e përjetojnë ata më fanatikët.

“Flota Kuq e Zi” do të jetë në stadium dhe bën thirrje për mbështetje masive. Gjithashtu ultrasit kuqezi kanë një mesazh edhe për Federatën Shqiptare të Futbollit. Lidhet me gjykimin dhe ata kërkojnë që të jetë një arbitër i FIFA-s dhe të mos jetë i njëanshëm.

“E diel po afron. Flota rikthehet më e fortë se kurrë. Çunat na thërrasin për mbështetje. FLAMURTARI-gocat e bulevardit, ora 17:00. Flota i bën thirrje çdo anëtari të jetë i pranishëm këtë ndeshje. Mblidhemi te pallati i sportit, ora 15:30, dhe hyrja në stadium bëhet në orën 16:15. Së bashku t’ua këndojmë këngën. Aty për Flamurtarin. Aty për Qytetin. Aty, vetëm kundër të gjithëve.

I bëjmë thirrje FSHF-së që të dërgojë arbitra të FIFA-s dhe arbitrimi të jetë korrekt, në të kundërt nuk do mbajmë përgjegjësi për çfarë do të ndodhë. Mos prishni garën. Të bashkuar për Flamurtarin tonë”, shkruhet në njoftimin e grupimit ultras që mbështet Flamurtarin.

BILETAT – Prej ditësh ka dalë njoftimi për çmimin e biletave për përballjen Flamurtari-Skënderbeu. Ato janë të zakonshmet, ndërkohë që për femrat hyrja do të e lirë. Më poshtë mund të njiheni me çmimet e biletave sipas sektorëve.

Tribuna qendrore – 700 Lekë të reja
Tribuna A&B – 400 Lekë të reja
Tribuna C&D – 200 Lekë të reja
Tribuna (Miqtë) – 300 Lekë të reja

Njoftimi për biletat: femrat falas, orar i çuditshëm për ultrasit

Sport Ekspres — Wed, 21 Nov 2018 08:14:04 +0000

Superiorja rikthehet të premten. Flamurtari-Partizani është takimi i parë i javës së 14-të, ndërkohë që klubi vlonjate ka dalë me njoftim për çmimet e biletave, ndërkohë që bëhet me dije edhe një detaj interesant mbi orarin e futjes së ultrasve vlonjatë në stadium.

ÇMIMI BILETAVE – Në Vlorë, pavarësisht se kundër kujt luajnë, çmimet e biletave nuk ndryshojnë. As politika e tyre për të lejuar femrat pa biletë në stadium. Klubi vlonjat ka publikuar çmimet e biletave dhe variojnë nga 200 lekë në 700 lekë.

Tribuna Qendrore – 700 lekë (femrat falas)
Tribuna A – B – 400 lekë (femrat falas)
Tribuna C – 200 lekë (femrat falas)
Tribuna D (miqtë) – 300 lekë (femrat falas)

ORARI I ÇUDITSHËM – Në fillim të sezonit ranë në sy oraret e çuditshme të nisjes së ndeshjeve, teksa luheshin në 13:45, 14:45, 16:45, apo 17:45. Këtë herë në Vlorë njoftojnë se ultrasit do të futen në stadium prej orës 17:17. Flamurtari-Partizani nis në orën 18:00. “Flota Kuqezi mblidhet përpara pallatit të sportit “Flamurtari” në orën 16:30 dhe hyrja në stadiumin “Flamurtari” bëhet në orën 17:17”, shkruhet në faqen zyrtare të vlonjatëve.

“Flota kuqezi” nuk e braktis Flamurtarin: Të gjithë në stadium të dielën!

Sport Ekspres — Sat, 25 Aug 2018 17:17:58 +0000

Sezon i ri, fshihet gjithçka dhe pritet me kuriozitet çfarë do të ndodhë dhe si është ndërtuar skuadra e re. Kështu funksion kudo dhe natyrisht edhe në Vlorë janë shumë kuriozë për Flamurtarin e Ilir Dajës, që barazoi javën e shkuar në Durrës dhe duket një skuadër me potencial, sidomos tani që janë afruar edhe dy qendërmbrojtës dhe priten ende përforcime.

Për këtë arsye, “Flota Kuqezi” do të jetë në stadium, e zhurmshme si gjithmonë dhe e zjarrtë si zakonisht. Tifozeria e organizuar e Flamurtarit ka paralajmëruar praninë në stadiumin Flamurtari dhe ka bërë thirrje për një prani sa më të madhe në stadium.

“Flamurtari-Kukesi, të dielën, ora 19.45. Ndeshja e parë sezonale për ekipin në fushën tonë. Skuadra ka nevojë për mbështetje maksimale. Të gjithë ne stadium për të mbështetur Flamurtarin drejt suksesit të parë. Flota Kuqezi u bën thirrje gjithë sportdashësve për të qenë sa më të shumtë në numër në ndeshjen me Kukësin. Forca Flamurtari. Gjithashtu, Flota Kuqezi bën thirrje për mbështetje dhe larg incidenteve në ndeshjen me Kukësin”, thuhet në deklaratën zyrtare të grupimit të njohur vlonjat.